Өчигдөр Нигерийн цугласан олон террорист халдлагад сэжиглэгдсэн охины аминд хүрсэн талаар тус улсын Цагдаагийн байгууллага болон нүдэн гэрчүүд мэдээлжээ.

Өнгөрсөн ням гарагт Италийн нийслэл Ромд цагаачлалын эсрэг жагсаал болж олон мянган хүн нэгдсэн байна. Харин энэхүү жагсаал нь тэднээс сөрөг байр суурьтай хүмүүсийг мөн жагсахад хүргэжээ.

Венесуэлийн ерөнхийлөгч Николас Мадуро америкчуудыг тагнуул хийсэн гэх үндэслэлээр барьж хорьсон гэдгээ хүлээн зөвшөөрлөө. Тэрээр чухам хэдэн хүнийг тагнуулын хэрэгт буруутган баривчилснаа мэдээлээгүй боловч ганц хоёр хүний тухай мэдээллийг дэлгэсэн байна.

“Исламын улс” террорист бүлэглэлийн Сирийн хойд хэсэгт байрлах салбар ням гарагт барьцаалсан хүмүүсээсээ 19-ийг нь сулласан байна. Лондонд төвтэй Сирийн хүний эрхийг ажиглах төвийн мэдээлснээр суллагдсан хүмүүс бүгд ассириа христүүд байсан байна.