-
2015 оны 7 сарын 21
Монгол Улсын хууль, Засгийн газрын тогтоол, шийдвэрийн хэрэгжилтийн талаар Монгол Улсын сайд, Засгийн газрын Хэрэг эрхлэх газрын дарга С.Баярцогт Засгийн газрын гишүүдэд танилцууллаа.
-
2015 оны 7 сарын 21
Монгол Улсын Ерөнхий сайд Ч.Сайханбилэг энэ оны зургадугаар сарын 23-27-нд АНУ-д, зургадугаар сарын 30-наас долдугаар сарын 3-нд ИБУИНВУ-д тус тус ажлын айлчлал хийсэн. Айлчлалуудын дүнг хэлэлцээд Үндэсний аюулгүй байдлын зөвлөлд оруулахыг Гадаад хэргийн сайд Л.Пүрэвсүрэнд даалгалаа.
-
2015 оны 7 сарын 21
Монгол Улсын Ерөнхийлөгч Ц.Элбэгдоржийн санаачлан боловсруулсан “Засгийн газарт чиглэл өгөх тухай” зарлигийн төслийг хэлэлцлээ.
-
2015 оны 7 сарын 21
Дашинчилэн-Орхоны гүүр чиглэлийн замын төгсгөлөөс Мөрөн-Тариалан чиглэлийн замын төгсгөлийг холбох 120 км, Сонгино сум-Хяргас нуурын зүүн хаяа чиглэлийн 135,5 км хатуу хучилттай автозамын төслүүдийн концессын гэрээг байгуулахыг Хөрөнгө оруулалтын газарт олгож, гэрээ байгуулах ажлыг хууль тогтоомжийн дагуу удирдан зохион байгуулахыг Аж үйлдвэрийн сайд Д.Эрдэнэбатад даалгалаа.
-
2015 оны 7 сарын 21
Оюуны өмчийн тогтолцоог хөгжүүлэх үндсэний стратегийг баталж, хэрэгжүүлэх ажлыг зохион байгуулж, салбар хоорондын уялдаа, хамтын ажиллагааг зохицуулж ажиллахыг Оюуны өмчийн газрын дарга Н.Чинбатад үүрэг болголоо. Энэхүү стратегийг өөрийн эрхлэх асуудлын хүрээ, харъяа нутаг дэвсгэртээ хэрэгжүүлж ажиллахыг Засгийн газрын гишүүд, агентлагийн дарга, аймаг, нийслэлийн Засаг дарга нарт даалгалаа.
-
2015 оны 7 сарын 21
Монгол Улсын хууль, Засгийн газрын тогтоол, шийдвэрийн хэрэгжилтийн талаар Монгол Улсын сайд, Засгийн газрын Хэрэг эрхлэх газрын дарга С.Баярцогт Засгийн газрын гишүүдэд танилцууллаа.
-
2015 оны 7 сарын 21
Засгийн газрын ээлжит хуралдаан өчигдөр 16.00 цагт болсон. Өнөөдөр уг хурлын талаарх мэдээллийг хийх юм байна. Өчигдрийн хуралдаанаар нийт 10 гаруй асуудлыг хэлэлцсэн бөгөөд эдгээрээс онцолж Зуншлага болон өвлийн бэлтгэлийн талаар ярилцсан гэх мэдээлэл байгаа юм.
-
2015 оны 7 сарын 21
Эмхэтгэлийн өнөөдрийн дугаарт нийтлэгдсэн Нягтлан бодох бүртгэлийн тухай хууль /Шинэчилсэн найруулга/-ийн зорилт нь нягтлан бодох бүртгэлийн үйл ажиллагааны зарчим, удирдлага, зохион байгуулалтын эрх зүйн үндсийг тодорхойлж, аж ахуйн нэгж, байгууллага нягтлан бодох бүртгэл хөтлөх, санхүүгийн тайлан гаргах, нягтлан бодох бүртгэлийн үйл ажиллагаанд хяналт тавихтай холбогдсон харилцааг зохицуулахад оршиж байна.
-
2015 оны 7 сарын 20
Монгол Улсын Гадаад хэргийн сайд Л.Пүрэвсүрэн Сан Францискогийн Азийн урлагийн музейн захирал Жэй Сю-тэй уулзав.
-
2015 оны 7 сарын 20
Засгийн газрын ээлжит хуралдааныг өнөөдөр 16.00 цагт эхлүүлэхээр товложээ.
-
2015 оны 7 сарын 20
Өнөөдөр болох Засгийн газрын ээлжит хуралдаанаар орон сууцны ипотекийн зээлийн журамтай холбоотой асуудлыг үргэлжлүүлэн хэлэлцэхээр болсон байна. Өнгөрсөн долоо хоногт уг асуудлыг хэлэлцэх ёстой байсан ч Үндэсний их баяр наадамтай давхацсан учир ээлжит хуралдаанаа өнжиж, өнөөдөр хуралдахаар болсон юм. Өмнө нь Засгийн газрын хуралдаанаас орон сууцны зээлийн урьдчилгаа төлбөрийг 10 хувь болгож, зээлийн хугацааг 30 жил болгон сунгах шийдвэрийг гаргасан билээ.
-
2015 оны 7 сарын 20
Харин Уфа хотноо Оросын талынхантай ямар яриа хэлэлцээрт хүрсэн болон үр дүн хэрхэн гарсан талаар тус төслийг хэрэгжүүлэгч “Чингис Лэнд Девелопмент Групп”-ийн Ерөнхий гүйцэтгэх захирал Д.Амарбаясгалангаас тодрууллаа.
-
2015 оны 7 сарын 19
Л.ПҮРЭВСҮРЭН САЙД МЯНГАНЫ СОРИЛТЫН КОРПОРАЦИЙН ДЭД ЕРӨНХИЙЛӨГЧИЙГ ХҮЛЭЭН АВЧ УУЛЗАВ [PDF] [Хэвлэх] [И-мэйл]
-
2015 оны 7 сарын 19
АНУ-д айлчилж байгаа Монгол Улсын Гадаад хэргийн сайд Л.Пүрэвсүрэн Вашингтон хотноо Бүгд Найрамдахчуудын хүрээлэн, Ардчиллын төлөөх Үндэсний сангаас хамтран зохион байгуулсан “Монголын ардчиллын 25 жилийн ой, амжилт, сургамж, зорилт” сэдэвт дугуй ширээний уулзалтад оролцож үг хэлэв. Дугуй ширээний уулзалтыг Бүгд Найрамдахчуудын хүрээлэнгийн Дэд Ерөнхийлөгч Томас Гаррет удирдан явуулж, тус хүрээлэнгийн Ерөнхийлөгч Марк Грийн, Ардчиллын төлөөх Үндэсний сангийн Ерөнхийлөгч Карл Гөршмэн, АНУ-ын конгрессын гишүүн, Төлөөлөгчдийн танхимын Ардчиллын төлөөх түншлэлийн хөтөлбөрийн дарга П.Роскам нар үг хэллээ.
Л.Пүрэвсүрэн сайд “Шинэ юм болгон амаргүй байдаг. Тэр дундаа ардчиллыг цогцлоох нь хялбар биш. Энэ зовлонг бид сайн ойлгосон учраас Ерөнхийлөгч Ц.Элбэгдоржийн санаачлагаар бид Олон улсын хамтын ажиллагааны сан байгуулсан. Сангийн шугамаар шинэ тулгар ардчилсан орнуудтай туршлагаа хуваалцах зорилготой. Монгол Улсын нэр хүнд олон улсын тавцанд өсч байна. Манай улс Ардчилсан орнуудын хамтын нийгэмлэгийг амжилттай даргалсан. Сайд нарын Бага хурлыг Улаанбаатар хотноо зохион байгуулсан. Өнгөрсөн 5 дугаар сард онлайн эвслийн бага хурлыг эх орондоо хийлээ. Энэ бүх үйл ажиллагаа, оролцоо нь ардчиллыг төлөвшүүлэхэд нэн тустай юм” хэмээв.
Бүгд Найрамдахчуудын хүрээлэн Монгол Улстай олон жилийн турш хамтран ажиллаж байгаа юм. Тус хүрээлэн бол эрх чөлөө, ардчиллыг урагшлуулах чин зорилготойгоор 30 гаруй жилийн өмнө байгуулагдсан бөгөөд 1991 оны 3 дугаар сард Монголд анхны хөтөлбөрөө хэрэгжүүлж эхэлсэн байдаг.
Бүгд Найрамдахчуудын хүрээлэнгийн Ерөнхийлөгч, Элчин сайд Марк Грийн хэлэхдээ, Монгол орон ардчилал руу тайван замаар шилжсэн нь бүс нутагтаа онцгой чухал үйл явдал, үлгэр дуурайлал юм. Монгол Улс дэлхийн 2 гүрний дунд оршдог ч гуравдагч хөршийн бодлогын хүрээнд АНУ, Япон, БНСУ, Канад зэрэг өндөр хөгжилтэй ардчилсан орнуудтай хамтран ажиллаж байна. Сүүлийн жилүүдэд Монгол Улс нь Ерөнхийлөгч Ц.Элбэгдоржийн удирдлага дор дэлхий дахины ардчиллын хүчтэй дуу хоолой болж байна. Монгол Улс ардчилал руу амжилттай шилжсэн туршлага хуримтлуулаад зогсохгүй ардчиллын явцад тулгардаг засаглалын асуудлуудыг хэрхэн шийдэж тухайд үлгэр дуурайл болох орон юм хэмээв.
Энэхүү дугуй ширээний уулзалтад АНУ-ын Конгресс, Төрийн департамент, Конгрессын судалгааны төв, Монголын нийгэмлэг болон бусад судлаачид зэрэг 80 гаруй хүн ирж оролцов.
-
2015 оны 7 сарын 19
САЙД Л.ПҮРЭВСҮРЭН КОНГРЕССЫН ГИШҮҮН П.РОСКАМТАЙ УУЛЗАВ [PDF] [Хэвлэх] [И-мэйл]
-
2015 оны 7 сарын 19
Засгийн газар ирэх даваа гаригт хуралдана
2015 оны 7 сарын 16
Засгийн газар ээлжит хуралдаанаа ирэх долоо хоногийн даваа гаригт хийх аж. Долоо хоног бүрийн даваа гаригт Засгийн газрын ээлжит хуралдаан зарлагддаг ч энэ долоо хоногийн хуралдаан үндэсний их баяр наадамтай давхацсан юм.
Гэсэн ч Засгийн газрын хуралдааныг энэ долоо хоногт нөхөж хийхгүй нэгмөр ирэх долоо хоногт хийхээр болжээ.
Засгийн газар долдугаар сарын 7-ний өдрийн хуралдаанаараа жилийн найман хувийн хүүтэй ипотекийн зээлийн журмыг өөрчлөх шийдвэр гаргасан юм. Тодруулбал, худалдан авах орон сууцны урьдчилгаа төлбөрийг 10 хувь болгох, үлдсэн 20 хувийнх нь баталгааг Хөгжлийн банк гаргах, хугацааг 30 жил болгох зэрэг шийдвэрийг гаргаж байсан билээ.
-
2015 оны 7 сарын 19
ГАДААД ХЭРГИЙН САЙД ЭНХТАЙВНЫ КОРПУСЫН УДИРДЛАГАТАЙ УУЛЗАВ PDF Хэвлэх И-мэйл
2015 оны 7-р сарын 17, Баасан гариг, 13:53
АНУ -д айлчилж буй Гадаад хэргийн сайд Л.Пүрэвсүрэн Энхтайвны Корпусын захирал хатагтай К.Раделетай уулзаж, хоёр талын хамтын ажиллагааны талаар санал солилцов.
Л.Пүрэвсүрэн сайд Америкийн сайн дурынхан Монгол Улсын ардчилсан өөрчлөлт шинэчлэлийг урагшлуулах, үнэт зүйлсийг ойлгуулан таниулахад үнэтэй хувь нэмэр оруулж байгааг онцоллоо. Мөн энэ онд тохиож буй Хэлэлцээр байгуулсны 25 жил, 2016 онд болох анхны сайн дурынхныг хүлээн авсны 25 жилийн ойг ёслол төгөлдөр тэмдэглэж, тодорхой ажил арга хэмжээг хамтран зохион байгуулах талаар ярив.
Манай улс АНУ-ын Энхтайвны Корпустай хамтран ажиллах тухай Засгийн газар хоорондын хэлэлцээрт 1990 онд гарын үсэг зурсан бөгөөд 1991 онд Энхтайвны корпусын анхны сайн дурынхан ирж байжээ. Үүнээс хойш Монгол улсад 1149 сайн дурын ажилтан ажиллаж, манай улсын хот, хөдөө орон нутагт боловсрол, эрүүл мэнд, байгаль орчин, жижиг бизнес эрхлэгчдийг дэмжих чиглэлээр ажилласан байдаг. Өдгөө манай улсын 21 аймагт 125 сайн дурын ажилтан ажиллаж байгааг хатагтай К.Раделе хэлэв.
Гадаад хэргийн сайд АНУ-ын сайн дурынхан Монголын хот, хөдөөд тархан ажиллаж байгааг олзуурхан тэмдэглэж, энэ нь Монголын шинэ залуу үеийнхэн ялангуяа хөдөө орон нутгийн залуучуудад англи хэл сурах боломж олгож байгаагийн дээр тэд хоёр орны ард түмний харилцан ойлголцлыг гүнзгийрүүлэх гүүр болж байна гэв. Түүнчлэн дэлхий ертөнц техникийн дэвшлийн давуу талыг ашиглан байнга холбоотой мэт байдаг хүн хоорондын харилцаа нь юугаар ч сольшгүй эрхэм зүйл бөгөөд ийм үнэт зүйлсийг сайн дурынхан бүтээж байгаа нь талархууштай хэрэг гэлээ.
Хатагтай К.Раделе Монгол Улсын Засгийн газар сайн дурынхныг ажиллах нөхцөл бололцоогоор хангаж, хамтран ажиллаж байгаад талархаж байгаагаа хэлэв. Тус улсын сайн дурынхан манай улсад ирснийхээ дараа хугацаагаа сунгаж, зарим нь эргэж очдог нь тэдэнд ажиллах орчин нөхцөл нь таалагдсны тод жишээ гэдгийг хатагтай К.Раделе онцолсон юм.
Талууд цаашид зорилтот бүлэгт чиглэсэн тодорхой хөтөлбөр төсөл дээр хамтран ажиллахаар тохиролцлоо.
-
2015 оны 7 сарын 18
Монголын Засгийн газраас Францын Парис хотын шүүхэд нэхэмжлэл гаргаж, олон улсын арбитрын шүүхээс Канадын “Хан Ресурс” компанид 104 сая ам.доллар төлөх шийдвэр гаргасныг эсэргүүцэж байгаа мэдэгджээ.
-
2015 оны 7 сарын 17
Японы Аюулгүй байдлын зөвлөлийн дарга айлчилна
-
2015 оны 7 сарын 17
2015 оны хаврын ээлжит чуулганы хугацаанд Хууль зүйн байнгын хороо Захиргааны ерөнхий хууль, Замын хөдөлгөөний аюулгүй байдлын тухай хууль, Шүүх байгуулах тухай хууль, Архидан согтуурахтай тэмцэх тухай хуульд нэмэлт өөрчлөлт оруулах тухай хууль болон Хууль тогтоомжийн тухай хууль зэрэг хууль, УИХ-ын шийдвэрийг хэлэлцүүлэгт бэлтгэж батлуулсан байна
