-
2015 оны 9 сарын 03
БНХАУ-ын дарга Си Зиньпиний урилгаар тус улсын нийслэл Бээжин хотноо чөлөөлөх дайны ялалтын түүхт 70 жилийн ойн баярын арга хэмжээнд оролцож байгаа Монгол Улсын Ерөнхийлөгч Цахиагийн Элбэгдорж ойн баярт зориулсан цэргийн парадыг хүндэт зочны суудлаас үзэж сонирхов.
Тянь Аньмэний талбайд зохион байгуулж буй цэргийн парадад гадаадын 17 улсын цэрэг армийн төлөөлөл жагсаж байгаа бөгөөд манай улсаас нийт 76 цэргийн албан хаагч оролцож байгаа юм.
Чөлөөлөх дайны ялалтын 70 жилийн ойн арга хэмжээнд Оросын Холбооны Улсын Ерөнхийлөгч Владимир Путин, Бүгд Найрамдах Солонгос Улсын Ерөнхийлөгч Пак Гын Хэ, Бүгд Найрамдах Казакстан Улсын Ерөнхийлөгч Нурсултан Назарбаев, Бүгд Найрамдах Чех Улсын Ерөнхийлөгч Милош Земан, Бүгд Найрамдах Беларусь Улсын Ерөнхийлөгч Александр Лукашенко, Исламын Бүгд Найрамдах Пакистан Улсын Ерөнхийлөгч Мамнүн Хусейн зэрэг гадаадын 30 орны төр засгийн тэргүүн, 19 орны өндөр дээд түвшний засгийн газрын төлөөлөгч,10 олон улсын байгууллагын тэргүүн оролцож байна.
Монгол Улсын Ерөнхийлөгч Цахиагийн Элбэгдорж ёслолын парадын дараа БНХАУ-ын дарга Си Зиньпин, Бүх Хятадын Ардын Төлөөлөгчдийн Их Хурлын Байнгын хорооны дарга Жан Дөзянтай уулзана.
-
2015 оны 9 сарын 03
Парламентын спикерүүдийн дэлхийн IV бага хуралд Монгол Улсын Их Хурлын дарга З.Энхболд, УИХ-ын гишүүн, Байгаль орчин, хүнс, хөдөө аж ахуйн байнгын хорооны дарга С.Батболд, УИХ-ын гишүүн Ц.Оюунгэрэл, Элчин сайд, Байнгын төлөөлөгч С.Сүхболд болон албаны бусад хүмүүс оролцлоо Дэлгэрэнгүйг эндээс үзнэ үү.
Улсын Их Хурлын Тамгын газрын Хэвлэл мэдээлэл,
олон нийттэй харилцах хэлтэс
-
2015 оны 9 сарын 03
Махны экспортыг нэмэгдүүлэх талаар Ерөнхий сайдад санал хүргүүллээ
-
2015 оны 9 сарын 03
УИХ-ын гишүүн Ц.Оюунгэрэл өнөөдөр /2015.09.02/ Америкийн Байгалийн Түүхийн музейн Эрдмийн сургуулийн захирал Жон Флиннтэй уулзав. УИХ-ын гишүүн Ц.Оюунгэрэл уулзалтын үеэр хэлэхдээ, Америкийн антропологич Рой Чапман Андрюсийн экспедици Монголд ирсэний 100 жилийн ой удахгүй тохиох гэж буйтай холбогдуулан (1922 оноос 2022 он) Андрюсийн гэрээний биелэлтийг хамтран дүгнэх комисс гаргах, монголоос авч явсан олдвор, эд зүйлсийн хамтарсан тооллого хийх, энэ хамтарсан тооллогын дүнг олон нийтэд ил тод байлгах талаар ярилцлаа.
Мөн Рой Чапман Андрюс болон Монголын Засгийн газрын хооронд байгуулсан гэрээнд /1924 он/ заасны дагуу ”монголоос авч гарсан чулуулаг, олдворын зүйл төрөл бүрээс нэг ширхэгийг Монголын засгийн газарт буцааж өгөх”, ”хэвлэмэл ном, тайлан бүрээс 3 хувийг Монголын Засгийн газарт өгөх”, ”бүх кино, фото зургаас 2 хувийг Монголын Засгийн газарт өгөх”, ”Өргөө Музей байгуулахад хамтарч ажиллах, музейд олдвор цуглуулгаа бэлтгэхэд нь туслах” зэрэг амлалтуудыг нь биелүүлэх хэрэгтэй байна гэлээ. Түүнчлэн монголын олдворуудыг зөвхөн шинжлэх ухааны зорилгоор ашиглах гэсэн гэрээний заалт биелэгдсэн эсэхийг хамтран шалгах шаардлагатай байна. Үүний тулд Андрюсийн гэрээний биелэлтийг хамтран дүгнэх комисс гаргая гэсэн санал тавилаа. Тэрээр Соёл, спорт, аялал жуулчлалын сайд байхдаа 2014 оны 03 сарын 13-ны өдөр Америкийн Байгалийн Түүхийн музейн захирал хатагтай Эллен Фаттерт албан тоот илгээсэн боловч хариу ирүүлээгүй тухай дурдаад гэрээ, гэрээний англи орчуулга болон өөрийн илгээж байсан албан тоотын хуулбарыг Америкийн Байгалийн Түүхийн музейн Эрдмийн сургуулийн захирал Жон Флиннд музейн захиралд гардуулан өгнө үү хэмээн хүлээлгэн өгсөн юм.
Америкийн Байгалийн Түүхийн музейн Эрдмийн сургуулийн захирал Жон Флинн уулзалтын төгсгөлд хэлэхдээ, УИХ-ын гишүүний хүсэлтийн дагуу холбогдох бичиг баримтыг Америкийн Байгалийн Түүхийн музейн захиралд гардуулан өгч, судалсаны үндсэн дээр хариу илгээх болохоо мэдэгдэв. УИХ-ын гишүүн Ц.Оюунгэрэл Соёл, спорт, аялал жуулчлалын сайдын албан тушаалыг хаших хугацаандаа гадаад орнуудад хадгалагдаж байсан Монголын 400 гаруй үзмэр, олдворыг эх орондоо эргүүлэн авчирч байжээ хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2015 оны 9 сарын 03
М.Энхболд: Манай нам Ерөнхийлөгчийн хоригийг дэмжинэ
-
2015 оны 9 сарын 03
Намуудын дарга нарын уулзалт:
-
2015 оны 9 сарын 03
Ч.Сайханбилэг: Бээжин явахгүй. Таван толгойг Улаанбаатарт шийднэ
-
2015 оны 9 сарын 03
“Шийдлийн цаг” уулзалтад Таван толгойн ордод хөрөнгө оруулж, хамтран ажиллах хөрөнгө оруулагч талтай хэлэлцээ хийж, хөрөнгө оруулалтын гэрээний төсөл боловсруулах үүрэг бүхий ажлын хэсгийн ахлагч, “Эрдэнэс МГЛ” ХХК-ийн гүйцэтгэх захирал Б.Бямбасайхан оролцлоо.
Монгол Улсын Ерөнхий сайдын 2015 оны 165 дугаар захирамжаар Таван толгойн яриа хэлэлцээг үргэлжлүүлэх, ажлын хэсгийг шинэчлэн байгуулсан. Ажлын хэсгийн бүрэлдэхүүнд улс төрийн аливаа албан тушаалтныг оролцуулаагүй, мэргэжлийн түвшинд арилжааны зарчмаар компани хооронд хэлэлцээг үргэлжлүүлэх үүднээс “Эрдэнэс Монгол” компани, “Эрдэнэс Таван толгой” ХК-ийн төлөөллийг оруулан ажиллаж байна. Мөн ажлын хэсгийн үйл ажиллагаанд шаардлагатай дэмжлэг үзүүлэх олон улсын хууль, санхүү болон техникийн зөвлөхүүд ажиллаж байгаа. Таван толгой ордыг цогцоор нь ашиглах, бүтээгдэхүүний өрсөлдөх чадварыг сайжруулан нэмүү өртөг шингээж, экспортын нэг цонхны бодлогын хүрээнд олон улсын зах зээлд борлуулах, ордын хэмжээнд шаардлагатай дэд бүтэц, бүтээн байгуулалтын ажлыг шийдвэрлэх чиглэлээр холбогдох тооцоо судалгааг хийж байна. Монгол Улсын иргэдийн эзэмшиж байгаа 1072 ширхэг хувьцаа, үндэсний аж ахуйн нэгжүүдийн эзэмшилд байгаа хувьцааны үнэ цэнийг өндөр байлгах чиглэлээр хэлэлцээг үргэлжлүүлэн өнгөрсөн хугацаанд хөрөнгө оруулагч талтай гурван бүлэг яриа хэлэлцээ хийгээд байна гэж Ажлын хэсгийн ахлагч Б.Бямбасайхан Ерөнхий сайдад танилцууллаа.
УИХ-аас байгуулсан ажлын хэсгийн тодорхой санал, дүгнэлтүүд, УИХ, ЗГ-ын холбогдох тогтоолыг баримтлан, тогтоолын хүрээнд Таван толгойн ордыг ашиглахтай холбоотой яриа хэлэлцээг үргэлжлүүлэх шаардлагатай. Зүүн чиглэл рүү явах төмөр замын яриа хэлэлцээг цаг хугацааны хувьд хамтатган явуулах, болж өгвөл ирэх жилийн хавраас бүтээн байгуулалтын ажлыг эхлэх чиглэлээр хөрөнгө оруулагч талтай хамтран ажиллах хэрэгтэй гэж Монгол Улсын Ерөнхий сайд Ч.Сайханбилэг тодотгосон юм.
Мөн Хятадын “Шинхуа” компанитай хэлэлцээгээ үргэлжлүүлж, УИХ-ын ажлын хэсгээс гаргасан чиглэлийн дагуу Таван толгойн бүх ордыг эргэлтэд оруулах зарчмыг ажил хэрэг болгох нь зүйтэй. Төмөр замын 51 хувь нь Монголын төрд байхаар яриа хэлэлцээг хийх ёстой. Тийм учраас ажлын хэсгийн бүрэлдэхүүнд Монголын төмөр замын төлөөллийг нэмж оролцуул гэлээ. Үүнээс гадна хөрөнгө оруулалтын болон бусад эрсдэлийг буулгаж, Монголын талд ногдох үр өгөөжийг аль болох нэмэгдүүлэх чиглэлээр ажлын хэсэг санал санаачлагатай ажиллах шаардлагатай байгааг Ерөнхий сайд санууллаа.
Мөн энэ үеэр Ерөнхий сайдыг Бээжинд очиж, гэрээ байгуулах гэж байна гэх мэдээлэлд Монгол Улсын Ерөнхий сайд Ч.Сайханбилэг албан ёсоор байр сууриа илэрхийлсэн юм. Ерөнхий сайд Бээжинд айлчлахгүй, БНХАУ-ын Далиан хотод болох Дэлхийн эдийн засгийн зуны форумд оролцоно. Тодорхой хуралдаануудад оролцож, өөрийнхөө байр суурийг илэрхийлнэ. БНХАУ-ын Төрийн зөвлөлийн даргатай уулзаж, цаг үе, эдийн засгийн хамтын ажиллагааны асуудлуудаар Үндэсний аюулгүй байдлын зөвлөл, Засгийн газраас гаргасан чиглэлийн дагуу ярилцана. Таван толгойн хувьд улс орны эрх ашиг хангагдсан тохиолдолд Монгол Улсын Засгийн газар шийдээд явна. Таван толгойг энд тэнд биш Улаанбаатар хотод шийднэ. Шийдэхдээ хүрвэл төр засгийн зохих байгууллагаас холбогдох шийдвэрүүд гарсны дараа олон нийтэд нээлттэйгээр шийднэ гэж мэдэгдлээ.
Ажлын хэсгийн ахлагч, “Эрдэнэс МГЛ” ХХК-ийн гүйцэтгэх захирал Б.Бямбасайханд Таван толгойн яриа хэлэлцээг үе шаттай үргэлжлүүлж, тухай бүр Засгийн газарт мэдээлж, танилцуулж байхыг үүрэг болголоо гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
-
2015 оны 9 сарын 03
УИХ-ын дарга З.Энхболд Парламентын спикерүүдийн дэлхийн IV бага хуралд оролцож байна. Бага хурал 3 дахь өдрөө үргэлжилж байгаа бөгөөд Бүгд хуралдаан-V, VI ерөнхий хэлэлцүүлгээр үргэлжилж байгаа юм.
-
2015 оны 9 сарын 02
Ерөнхий сайд “Эрин” хорооллын нээлтийн ажиллагаанд оролцов
-
2015 оны 9 сарын 02
Өршөөл үзүүлэх тухай хуулийг хэрэгжүүлэх ажлыг зохион байгуулах комисс хуралдав
-
2015 оны 9 сарын 02
УИХ-ын чуулганы нэгдсэн хуралдаанаар Өршөөл үзүүлэх тухай хуульд нэмэлт өөрчлөлт оруулах тухай хуулийн төслийг хэлэлцэх байсан ч УИХ дахь МАН-ын бүлэг тав хоногийн завсарлага авлаа. Завсарлага авах болсон шалтгаанаа МАН-ын бүлгийн дарга С.Бямбацогт “Хууль зүйн байнгын хороо өчигдөр орой хуралдах үеэр будилаанууд их гарсан.
-
2015 оны 9 сарын 02
Монгол Улсын Ерөнхийлөгч Ц.Элбэгдорж БНХАУ-ын Бээжин хотноо 2015 оны 9 дүгээр сарын 2-3-ны өдөр болох 1945 оны Чөлөөлөх дайны ялалтын түүхт 70 жилийн ойг тэмдэглэх арга хэмжээнд оролцохоор өнөөдөр мордлоо.
Энэ хүрээнд Ерөнхийлөгч Ц.Элбэгдорж БНХАУ-ын дарга Си Зиньпин, Бүх Хятадын Ардын Төлөөлөгчдийн Их Хурлын Байнгын хорооны дарга Жан Дөзянтай уулзахын зэрэгцээ тус арга хэмжээнд оролцож буй зарим улсын төрийн тэргүүн нартай хоёр талын уулзалт хийхээр төлөвлөж байна.
-
2015 оны 9 сарын 02
Жил бүрийн хичээлийн шинэ жилийн нээлтэд төр засгийн өндөр албан тушаалтнууд оролцдог уламжлал тогтоод удаж байна. Тэгвэл энэ жилийн хичээлийн жилийн эхний өдөр хэн, хаана ямар арга хэмжээнд очсоныг хамтдаа сонирхоё.
-
2015 оны 9 сарын 02
ЗГХЭГ-ын дарга, Сангийн сайдын түр орлон гүйцэтгэгч С.Баярцогт ”Сайдын цаг” уулзалтад оролцож ”Эдийн засгийн ил, тод байдлын тухай” хуулийн талаар мэдээлэл өглөө. Үүний дараа сэтгүүлчдийн сонирхсон асуултад хариулав.
-
2015 оны 9 сарын 02
ЗГХЭГ-ын дарга, Сангийн сайдын үүрэг түр орлон гүйцэтгэгч С.Баярцогт өнөөдөр “Сайдын цаг” уулзалтад оролцож, Эдийн засгийн ил тод байдлыг дэмжих тухай хуулийг хэрэгжүүлэх журмын талаар мэдээлэл хийлээ.
Эдийн засгийн ил тод байдлыг дэмжих тухай хуулийг Монгол Улс анх удаа баталж байна. Өмнө нь энэхүү хуультай ижил төстэй буюу Татварын өршөөлийн хуулийг 2007 оны 12 сард хэрэгжүүлсэн. Энэ хуульд 8000 гаруй компани хамрагдаж, татварын суурь 4.5 их наядаар нэмэгдсэн хэмээн С.Баярцогт сайд мэдээллийнхээ эхэнд онцлон тэмдэглэв.
Тэрбээр, “Эдийн засгийн ил тод байдлыг дэмжих тухай хууль нуун дарагдуулсан орлого буюу татварын суурь болж бүртгэгдээгүй байгаа орлогуудыг ил болгох асуудлыг зохицуулсан. Мөн Гаалийн байгууллагад мэдүүлэлгүйгээр хилээр нэвтрүүлсэн эд зүйлс, хөдлөх болон үл хөдлөх хөрөнгийн асуудлыг зохицуулсан байгаа. Энэ хуулийг 2012 оноос хойш гурван удаа өргөн барьж байсан ч УИХ-аас гаргасан зарим зарчмын зөрүүтэй асуудлуудын үүднээс эгүүлэн татан авч байсан. Саяхан дахин боловсруулж, УИХ-ын ээлжит бус чуулганаар батлууллаа.
Монгол Улсын санхүүгийн жил 12 сарын 31-нд дуусдаг. Тэгэхээр Татварын болон Эдийн засгийн ил тод байдлыг дэмжих тухай хууль нь татварын бодлогод зохицуулалт хийж, хуулийн этгээд буюу компани, хувь хүний орлогын блансыг шинээр эхлүүлэх боломжийг бүрдүүлж байгаа юм.
Хуулийн дагуу бол 2015 оны нэгдүгээр улиралын тайлангаар хязгаарлана. Тэгээд энэ оны 12 сарын 31-ны дотор хувь хүн, хуулийн этгээд компанийнхаа болон орлогын мэдүүлгээ гаргана. Ингэхдээ тухайн компаний нэр дээр өмнө нь бүртгэгдээгүй байсан хөрөнгүүдээ оруулах ёстой. Өөрөөр хэлбэл, энэхүү хууль хэрэгжиж эхэлснээр Монгол Улсын хэмжээнд илрээгүй юм уу, орлогын мэдүүлэгтээ тусгаж, бүртгүүлээгүй хөрөнгө байхгүй болно гэж үзэж байгаа. Хамгийн гол зорилт нь иргэн, аж ахуйн нэгжүүд сайн дурын үндсэн дээр бүртгүүлэх ёстой. Ингэвэл Эрүүгийн болон Захиргааны хариуцлагаас нэг удаа чөлөөлөх юм.
Түүнчлэн энэ хуулийг хэрэгжүүлэхэд Нийгмийн даатгалын хууль, Хуулийн этгээдийн улсын бүртгэлийн тухай хууль, Няглан бодох бүртгэлийн тухай хууль болон Гаалийн тухай хууль, Захиргааны хариуцлагын тухай хууль, Татварын ерөнхий хууль, Нэмэгдсэн өртөгийн албан татварын хуульд зохицуулалт хийсэн.
Хуулийн хүрээнд Аж ахуйн нэгжийн орлогын албан татвар, Хувь хүний орлогын албан татвар, Үл хөдлөх хөрөнгийн албан татвар, НЭМҮТ, Онцгой албан татвар, Гаалийн албан татварыг өршөөнө. Хуульд хамрагдсан аж ахуйн нэгжүүдийн мэдээллийг нууцална.
Засгийн газрын ээлжит хуралдаанаар хуулийг хэрэгжүүлэх журамыг баталсан. Журмын тухай тодорхой мэдээллийг ТЕГ, УБЕГ гэх мэт төрийн байгууллагуудын цахим хуудсанд байршуулна.
Энэ хуулийн талаар иргэн, аж ахуйн нэгжүүдэд мэдээлэл өгөх зорилгоор 1800-тэй тусгай дугаарууд ажиллуулахаар төлөвлөж байна. Уг дугаар дээр Эдийн засгийн ил тод байдлыг дэмжих тухай хуулийн талаар дэлгэрэнгүй мэдээлэлтэй мэргэжилтэн ажиллах болно. Тухайлбал, тайлангаа хэрхэн бичих, далд хөрөнгийнхөө залруулгыг хэрхэн гаргах зэргийг мэдээлнэ.
Хуульд хамрагдах хүсэлтэй аж ахуйн нэгжүүдийг цахим болон цаасан бүртгэлээр хүлээж авна. Цахимаар бүртгэлийг энэ оны 12 сарын 31-ны 24 цаг хүртэл авна. Харин цаасан бүртгэлийг 31-ны 18.00 цаг хүртэл буюу ажлын цаг дуусах хүртэл авах юм.
Мөн “Эдийн засгийн ил тод байдал гэсэн тэмдэглэгээтэй шинэ эхлэлтийн бланс үүсээд явахаар зохицуулж байгаа. Татварын Ерөнхий газар үүн дээр тусад нь сервер гаргаад бүртгэлийн ажлыг богино хугацаанд хийж хэрэгжүүлэхээр заасан байгаа. Энд оролцож байгаа төрийн байгууллага болгон сар бүхний 10-нд хэдий хэмжээгээр танилцуулга зөвлөгөө өгөв, хэдий хэмжээний хувь хүн, компани орлогын болон хөрөнгийн шинэчилсэн бүртгэл хийлгэв гэсэн мэдээллийг өгнө. Өчигдөр ажлын хэсэг анх удаагаа хуралдсан. Энэ хуралдаанд бизнес эрхлэгчид болон гол, гол төрийн байгууллагуудыг урьж оролцуулсан. Аль болох олон хүнийг оролцуулах, сурталчилгаан дээр нь хамтарч ажиллах, сурталчлах үйл ажиллагаа явуулахаар тохирсон байгаа. Ингээд бизнесийн байгууллагуудаас оролцуулсан сурталчилгааны ажлын хэсгийг Сангийн сайдын тушаалаар байгуулж байгаа. Энэ үйл ажиллагааг хэрэгжүүлж дуусах хугацаа хүртэл Засгийн газар дээр ажлын хэсэг гаргасан. Ажлын хэсгийг ЗГХЭГ-ын дарга, Монгол Улсын сайд ахалж байгаа. Монгол Улсын эдийн засаг далд эдийн засгийн хувь хэмжээ гуравны нэгд хүрч байна гэсэн янз бүрийн судалгаанууд байдаг. Энэ тоо эрс буурах байх. Хоёрдугаарт татварын бааз суурь нэмэгдэнэ. Бизнесийнхэний хувьд тодорхой хэмжээний хяналт шалгалтын байгууллагуудаас ирдэг дарамтууд байхгүй болно. Өөрөөр хэлбэл бизнесийн эрүүл орчноос дараагийн нөхлийг эхлүүлэх бололцоо бүрдэнэ. Мөн анхааруулж хэлж байгаа нэг зүйл нь 2007 оны 12 дугаар сард татварын зарим болон нийгмийн даатгалын тухай хууль хэрэгжсэн бол энэ хууль 2015 онд хэрэгжье гэхэд 8 жилийн интервалтай байн, байн асуудлаа ил тод болгох, өршөөл үзүүлэх тухай асуудал яригдаад байвал сөрөг үр дагавар авчирна гэж үзэж байна. Тиймээс энэ удаад сурталчилгаагаа маш сайн хийгээд нийт компаниуд, хувь хүмүүсийн оролцоог нэмэгдүүлээд цаашдаа ийм төрлийн хуулийг богино хугацаанд гаргахгүй байх зорилтыг барьж ажиллана. 2007 оны хуулийн хэрэгжилтийн явцад тухайн бүртгэлтэй байсан нийт компанийн 30 хувь нь энэ арга хэмжээнд хамрагдсан байгаа юм. Хамгийн их анхаарч байгаа зүйл бол жижиг дунд компаниуд байгаа. Яагаад гэвэл том компаниуд хуулийн зөвлөхтэй, мэдээлэл сайтай байдаг. Жижиг компаниуд болон хувиараа аж ахуй эрхэлж байгаа хүмүүс байнгын хуулийн зөвлөгөө өгдөг хүмүүс байдаггүй, байнгын нягтлан байдаггүйтэй холбогдуулаад хойрго хандаж байгаа. Дараа нь энэ хуулийн ашиглах боломжийг алддаг. Энэ үйл ажиллагаатай холбогдуулаад сар болгоны 10-нд мэдээллээ авсны дараа 12 сарын 31 хүртэл сэтгүүлчдэд мэдээлэл өгч байна.
Нэг асуудал гарсан. Энэ нь юу гэхээр тодорхой шатууд дээр байгаа татвартай холбоотой хэргүүдийн асуудлыг яаж шийдэх юм бэ гэдэг бизнесийн байгууллагууд гаргасан. Энэ зохицуулалт нь Өршөөлийн хууль дээр хамрагдаж байгаа. Өршөөлийн хуулийн 4, 7 дугаар зүйл дээр энэ асуудал хамрагдаж байсан. Ерөнхийлөгчийн тавьсан хоригт энэ зохицуулж байсан харилцаа нь хамрагдаж байгаа учраас Ерөнхийлөгчийн хоригийг авах эсэхийг шийдсэний дараагаар УИХ хуулиа өөрчилж зохицуулалт хийдэг. Хэрвээ энэ асуудал нэг тийшээ шийдэгдвэл ил тод байдлыг дэмжих тухай хуультайгаа цуг сурталчилгааг нь хийгээд явна” гэлээ.
-
2015 оны 9 сарын 02
С.Бямбацогт, Ж.Энхбаяр нар бензиний үнийг бууруулахыг шаардлаа
-
2015 оны 9 сарын 02
Маргааш /09.02/ 10 цагаас болох ”Сайдын цаг” уулзалтад Монгол Улсын сайд, ЗГХЭГ-ын дарга С.Баярцогт оролцоно. Уулзалт ЗГ-ын хуралдааны мэдээллийн танхимд болно.
-
2015 оны 9 сарын 01
“Монгол Улс Чөлөөлөх дайнд - 1945” түүхэн баримт - гэрэл зургийн цомгийг танилцууллаа
-
2015 оны 9 сарын 01
Эдийн засгийн ил тод байдлыг дэмжих тухай хуулийг хэрэгжүүлэх журмыг Засгийн газраас баталлаа. Хууль тогтоомжийн хэрэгжилтэд хяналт тавьж ажиллахыг Сангийн яам, Хууль зүйн яам, Хүн амын хөгжил, нийгмийн хамгааллын яам, Татварын ерөнхий газар, Гаалийн ерөнхий газар, Улсын бүртгэлийн ерөнхий газар, Нийгмийн даатгалын ерөнхий газарт тус тус даалгахаар шийдвэрлэлээ.
УИХ 2015 оны 8 дугаар сарын 7-ны өдөр Эдийн засгийн ил тод байдлыг дэмжих тухай хуулийг батлан гаргасан. Энэ хуулиар хувь хүн, хуулийн этгээд бусдын нэр дээр бүртгүүлсэн, нуун дарагдуулсан өөрийн өмчлөлийн хөдлөх болон үл хөдлөх эд хөрөнгө, түүнтэй адилтгах бусад хөрөнгө, олсон орлого, үзүүлсэн үйлчилгээгээ сайн дурын үндсэн дээр ил тод болгон үнэн зөв, шударгаар санхүү, татварын болон нийгмийн даатгалын тайланд тусгаж, шинээр тайлагнасан, гаалийн байгууллагад нөхөн мэдүүлсэн, улсын бүртгэлд шинээр бүртгүүлсэн тохиолдолд холбогдох хуулиар хүлээлгэх хариуцлагаас нэг удаа чөлөөлөхөөр шийдвэрлэсэн бөгөөд хууль хэрэгжүүлэх журмыг Засгийн газар батлан гаргахаар заасан байна.
Хуулийг хэрэгжүүлэх асуудлаар санхүү, татвар, гааль, улсын бүртгэлийн алба болон нийгмийн даатгалын газар нь харьяаллын дагуу иргэд, хуулийн этгээдтэй харилцаж, зөвлөгөө туслалцаа үзүүлж ажиллах бөгөөд уг хуулийг хэрэгжүүлэх асуудлаар тусгай сургалтад сууж, нууцын баталгаа гаргасан томилогдсон албан тушаалтан ажиллана. Хуулийн хэрэгжилтийг хурдан шуурхай явуулах зорилгоор хууль хэрэгжих хугацаанд буюу 2015 оны 12 дугаар сарын 31-ний өдрийн 24 цаг хүртэл ажлын цаг харгалзалгүйгээр цахим бүртгэл явуулахаар журамд тусгаснаас гадна интернет сүлжээгээр бүртгэл хийлгэх боломжгүй тохиолдолд цаасаар мэдээлэл авах салбарыг нийтэд зарлах юм байна.
Журмаар ил тод болгож байгаа мэдээллийг нууцлах, мэдээлсэнтэй холбогдуулж иргэн, хуулийн этгээдэд захиргааны болон эрүүгийн хэрэг үүсгэхгүй байх, гүйцэтгэх ажиллагаа явуулахгүй байх, ил болгосон мэдээллийг нотлох баримтаар авч үзэхгүй байх, бүртгэлийг баталгаажуулж хүлээн авсан тохиолдолд албан тушаалтныг гүйцэтгэсэн ажилтай нь холбогдуулан байцаах, хэргийн оролцогчоор татах зэрэг ажиллагааг хориглосон. Түүнчлэн иргэн, хуулийн этгээдийн гаргаж өгсөн мэдээллээс өөр мэдээлэл нэмж шаардахыг хориглолоо.
- See more at: http://zasag.mn/news/view/10755#sthash.V3kwnUG5.dpuf
