-
2015 оны 6 сарын 24
УИХ-ын чуулган өнөөдөр ээлжит бусаар хуралдахаар товлосон билээ.
Чуулганы хуралдаан 9.00 цагаас эхлэх ёстой байсан ч ирц бүрэлдээгүй гэх шалтгаанаар бүтэн цаг хойшилж саяхан эхэллээ.
-
2015 оны 6 сарын 24
Г.Шийлэгдамбыг огцруулах асуудлыг намынхаа даргатай зөвшилцөхөөр болжээ
-
2015 оны 6 сарын 24
Засгийн газар өмнө барьсан төслөө татахаас гадна УИХ-ын шийдвэрийн шинэ төсөл өргөн барихаар болж байгаа. Үндсэн санаа нь Тавантолгойд байгаа нийт наймаан лицензийн талбайг хамруулсан бодлогын чиглэл тогтоосон, бүх чиглэлд төмөр зам барихдаа 51 хувийг нь “Монгол төмөр зам” компани эзэмшиж байх утгатай. Түүнийгээ УИХ-ын даргын зөвлөл дээр намуудын дарга нартай тохирсон хувилбар гэж байгаа.
-
2015 оны 6 сарын 24
Мөн АН-ын бүлгийн дарга Б.Гарамгайбаатар, МАН-ын бүлгийн дарга С.Бямбацогт нар албан ёсоор уулзаж энэ талаар санал солилцжээ. Харин хоёр талын ажлын хэсэг өнөөдөр уулзаж гэрээний хэрэгжилтэд дүгнэлт хийн МАН-ын сайд нарыг огцруулах эсэх асуудлыг ярилцах юм байна.
-
2015 оны 6 сарын 24
Монгол Улсын Ерөнхийлөгч “Улс төрийн намын тухай хууль”, “Төрийн албаны тухай” хуулийн талаар хэвлэл мэдээллийн салбарынханд мэдээлэл өгч хэлэлцүүлэг хийнэ.
-
2015 оны 6 сарын 24
Монгол Улсын Их Хурлын 2015 оны хаврын чуулганы өнөөдрийн нэгдсэн хуралдаан 09:00 цагаас эхэлнэ.
-
2015 оны 6 сарын 23
НҮБ-ын Монгол дахь суурин төлөөлөгчийг хүлээн авч уулзав
-
2015 оны 6 сарын 23
Хүүхэд харах үйлчилгээний тухай хуулийг хэлэлцлээ
-
2015 оны 6 сарын 23
Газрын тухай хуульд нэмэлт оруулах тухай хуулийн төслийн анхны хэлэлцүүлгийг дэмжлээ
-
2015 оны 6 сарын 23
Монгол Улсын Их Хурлын дарга Зандаахүүгийн Энхболдын орон нутгийн томилолт үргэлжилж байна. Тэрээр өнөөдөр /2015.06.23/ Говь-Алтай аймгийн Тайшир суманд ажиллан, орон нутгийн өмчит “Эрүүл ус” үйлдвэртэй танилцав.
“Эрүүл ус” орон нутгийн өмчит үйлдвэрийн газар нь Алтай хотыг эрүүл ахуйн шаардлагад нийцсэн ундны усаар хангах зорилгоор 2014 онд аймгийн ИТХ-ын 38-р дугаар тогтоолоор үүсэн байгуулагджээ.
Цэвэр усны нөөц бүхий таамагтай газруудад хайгуул хийж нөөцийг тогтоон, хайгуулын дүнг үндэслэн уснаас дээж авч итгэмжлэгдсэн лабораториудаар шинжилгээ хийлгэн стандартыг тогтоолгож, ундны эрүүл усаар хангах цэгийг тогтоон худаг гаргах худгийг түшиглэн цэвэрлэх, савлах, ариутгах, иж бүрэн дамжлага бүхий үйлдвэр байгуулсан талаар УИХ-ын даргад танилцууллаа. Газрын гүнээс 50-80 метрээс татсан усыг 3 төрлийн шүүлтүүрээр шүүж, хэт ягаан туяагаар ариутгадаг байна.
Тус үйлдвэрийн дарга Ж.Бодьгэрэл хэлэхдээ, манай үйлдвэр цагт 5 тн ус цэвэршүүлэн шүүж, 300 торх ус савлах хүчин чадалтай. Алтай хотын ундны ус нь магнийн агууламж байх ёстой хэмжээнээс 5 дахин их, кальцийн агууламж 3 дахин бага учраас хоол боловсруулах, эрхтэн системийн өвчлөл үүсэх үндсэн шалтгаан болдог байсан. “Эрүүл ус” үйлдвэр ашиглалтад орсноор Алтай хотын иргэдийг ундны эрүүл, цэвэр усаар хангаж байна. Манай үйлдвэр орчин үеийн тоног төхөөрөмжүүд ашиглаж, ажиллах горим, хүчин чадлын хувьд өргөн сонголттой” гэлээ.
Нэг торх /20 л/ ус зах зээлийн үнээс харьцангуй хямд өртгөөр буюу 500 төгрөгийн үнэтэй учраас амьжиргааны түвшин хамаарахгүй бүх өрх хэрэглэх боломжтой.
“Эрүүл ус” үйлдвэрийн газар нийт 21 ажилтантай, ус цэвэршүүлэх үйлдвэрт Тайшир сумын 7 иргэн ажиллаж байна. Савалж, битүүмжилсэн торхтой усыг түгээх цэгүүдэд зориулалтын хөргөгчтэй машинаар зөөвөрлөн хүргэдэг байна. Цэвэршүүлсэн усыг худалдаа үйлчилгээний зөвшөөрөлтэй цэгүүдээр худалдаалдаг бөгөөд цаашид захиалгаар хүргэж өгөх үйлчилгээг үзүүлэхээр төлөвлөж байгаагаа УИХ-ын даргад танилцууллаа.
Цаашид цэвэр ус түгээх байруудыг Алтай хотын Баянхайрхан, Баяншанд, Харзат, Жаргалант багуудад тус бүр хоёрыг шинээр барьж байгуулах ба уг цэгүүд баллонтой усыг хадгалахад тохиромжтой, эрүүл ахуйн шаардлага хангасан, хэвийн температуртай байх бөгөөд баллонтой усыг хадгалах, түгээхэд тохиромжтой байдлаар баригдах юм байна.
Алтай хотын иргэдийг ундны цэвэр усаар хангаснаар уснаас хамаарсан өвчлөлийг бууруулж, нас баралтыг багасгах ач холбогдолтой.
УИХ-ын даргыг Тайшир сумын орон нутгийн өмчит үйлдвэрийн газарт ажиллахад УИХ-ын даргын ахлах зөвлөх С.Ламбаа, УИХ-ын Тамгын газрын Ерөнхий нарийн бичгийн дарга Б.Болдбаатар, аймгийн Засаг дарга О.Амгаланбаатар болон албаны бусад хүмүүс дагалдан ажиллав хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2015 оны 6 сарын 23
Хүүхэд харах үйлчилгээний тухай хуулийн төслийн анхны хэлэлцүүлгийг үдээс хойш үргэлжүүлэн хэлэлцэхээр болов
Улсын Их Хурлын Нийгмийн бодлого, боловсрол, соёл, шинжлэх ухааны байнгын хорооны өнөөдрийн /2015.06.24/ хуралдаанаар Хүүхэд харах үйлчилгээний тухай болон холбогдох бусад хуулийн төслүүдийн анхны хэлэлцүүлэг, Нийгмийн даатгалын үндэсний зөвлөлийн гишүүдийг сонгох тухай, Бэлгийн замын халдварт өвчний өнөөгийн байдал, цаашид авах арга хэмжээний тухай Эрүүл мэнд, спортын сайдын болон Халдварт өвчин судлалын үндэсний төвийн мэдээллийг сонсох /хаалттай/ гэсэн гурван асуудал хэлэлцэхээр төлөвлөөд байсан. Хуралдааны эхэнд Нийгмийн даатгалын үндэсний зөвлөлийн гишүүдийг сонгох тухай асуудлыг энэ удаагийн хуралдаанаар хэлэлцэхийг хойшлуулж, уг асуудлын оронд Хөдөлмөрийн тухай хуулийн шинэчилсэн найруулгын төслийг хэлэлцэх эсэх асуудлыг хэлэлцэх санал хураалт явуулсныг гишүүдийн олонх дэмжлээ. Учир нь Нийгмийн даатгалын үндэсний зөвлөлийн гишүүдийг сонгох тухай асуудлыг хэлэлцэхэд шаардлагатай бичиг баримт дутуу байгаа аж.
Ингээд хуралдаанаар хэлэлцэх асуудлын дарааллын дагуу Хүүхэд харах үйлчилгээний тухай болон холбогдох бусад хуулийн төслүүдийн анхны хэлэлцүүлгийг хийж, ажлын хэсгээс гаргасан зарчмын зөрүүтэй саналын томьёоллоор санал хураалт явуулав. Уг хуулийн төслөөр УИХ дахь МАН-ын бүлэг 5 хоногийн завсарлага аваад байсан нь өнөөдрөөр дуусгавар болж байгаа юм.
Улсын Их Хурлын гишүүн Д.Хаянхярваа өгсөн тайлбартаа, завсарлагын хугацаанд хуулийн төслийг бүлгийн хуралдаанаар нухацтай ярилцсан. Энэ хугацаанд төрийн тухайлан хариуцсан төв байгууллагуудаас санал авах дэгийн тухай хуулийн заалтын дагуу Стандарт хэмжил зүйн газар, Мэргэжлийн хяналтын ерөнхий газарт албан тоот явуулсан. Өнөөдрийн байдлаар Стандарт хэмжил зүйн газраас хариу ирүүлсэн бол Мэргэжлийн хяналтын ерөнхий газраас хариу ирүүлээгүй байна гэв. Ажлын хэсгээс гаргасан зарчмын зөрүүтэй саналын томьёоллоор санал хураалт явуулах шатанд гишүүд тодорхой саналууд дээр байр сууриа илэрхийлж, асуулт асууж, тодруулга авсан юм. Гишүүдийн зүгээс хүүхэд харах үйлчилгээний чанар стандарт, санхүүжилтийн асуудлыг хөндөв.
Улсын Их Хурлын гишүүн С.Дэмбэрэл:- Хуулийн төслийг боловсруулахдаа нийгмийн хэрэгцээ шаардлага болон Төрөөс боловсролын талаар баримтлах бодлоготой хэр уялдуулсан юм бэ.
Боловсрол, соёл, шинжлэх ухааны сайд Л.Гантөмөр:- Энэ хуулийн төслийг Монгол Улсын Ерөнхийлөгчөөс өргөн мэдүүлж, Засгийн газраас санал авсан. Засгийн газар хуулийн төслийг дэмжиж санал өгсөн. Олон хүүхэд цэцэрлэгт хамрагдаж чадахгүй байна. Цэцэрлэгт бүх хүүхдийг хамруулах хөрөнгө мөнгө байхгүй. Ийм мөнгөтэй болох дүрх төрх ч харагдахгүй байгаа. Гэртээ үлдэж байгаа хүүхдүүдэд ямар нэгэн хэлбэрээр сургалт, үйлчилгээг зохион байгуулах шаардлага байгаа. Цэцэрлэгт хамрагдаж байгаа хүүхдүүдэд улсаас зардал гаргаж байгаа бол цэцэрлэгт хамрагдаж чадахгүй байгаа хүүхдүүдийг эцэг эх нь харах болдог учраас ажил хийх боломжгүй болдог. Мөн улсаас очдог зардал бас очихгүй. Эдээр нь тэгш бус байдлыг бий болгож байгаа. Тиймээс илүү сургалтад ойртсон, аюулгүй орчныг бүрдүүлэх стандартыг тавихаар төсөлд тусгасан. Цэцэрлэг барих мөнгө хөрөнгө нь байвал ийм хуулийн төсөл боловсруулах ямар ч шаардлага байхгүй.
Улсын Их Хурлын гишүүн, ажлын хэсгийн ахлагч Ц.Оюунгэрэл:-Цэцэрлэгт хамрагдаж чадахгүй бүх хүүхдүүдийг цэцэрлэгт хамруулья гэхээр одоогийн нөхцөл байдалд мөнгө хөрөнгө хүрэхгүй байгааг салбарын сайд хэлж байна. Хүүхэд гэдэг насыг богинохон хугацаанд туулаад өнгөрнө.Тэр хооронд хэрэгцээ нь хангагдаж чадахгүй байгаа юм. Хөгжилтэй, баян орон ч хүүхэд бүрийг цэцэрлэгээр хангаж чадахгүй байгаа нь нотлогдож байгаа. Жишээ нь: Их британид хүүхдийнхээ 80 хувийг хүүхэд харах үйлчилгээгээр өсгөж байгаа бол Канад 40 хувь, Америкт хот газраа 60 орчим хувь, хөдөө газарт 30 орчим хувийг хүүхэд харах үйлчилгээгээр өсгөж байна. Иймээс бид хүүхэд харах үйлчилгээг илүү эрт бий болгох тусам хүүхдийнхээ аюулгүй байдлыг илүү эрт хамгаалж чадах юм.
Улсын Их Хурлын гишүүн Я.Санжмятав:- Хүүхэд харах үйлчилгээний төв байгуулахад зарцуулагдах 66 тэрбум төгрөгийн ихэнх хэсэг нь хувийн хэвшлээс гарна гэдэг асуудлыг анхнаас нь тооцож байсан. Эдийн засаг хүнд байна гэж сууж байснаас хуулиа гаргаж, хэрэгжилтийн явцад эдийн засгийн гаргалгаа хийгээд явах нь зүйтэй. Эхлээд мөнгө төгрөгийг нь шийдэж байж асуудлыг шийднэ гэдгээ хойш тавьж хувийн хэвшил, гадна дотны хөрөнгө оруулалтаар шийдээд явна гэж байгааг дэмжиж байгаа.
Улсын Их Хурлын гишүүн С.Одонтуяа:- 60 тэрбумын асуудал бол Монгол Улсад байгаа бүх хүүхдийг хүүхэд харах үйлчилгээнд хамруулсан тохиолдолд гарах тооцоо. Харин бид бүх хүүхдийг хамруулна гэж зориогүй. Яагаад гэвэл тийм боломж, эдийн засгийн чадамж байхгүй. Хоёрдугаарт, хавтгайруулахгүй, сонгон шалгаруулна, тодорхой стандартыг өндөр тавьж өгнө. Хамгийн сэтгэл зовоосон асуудал бол тавхан жилийн дараа сургууль, цэцэрлэг, дотуур байрны 1700 обьект хэрэгтэй болно. Иймд сургууль барихад энэ төсвөө өгнө гэвэл цэцэрлэг цаашид баригдахгүй болчих гээд байгаа юм. Ингэснээр цэцэрлэгт явж чадахгүй олон хүүхдийн эрх нь зөрчигдөх юм. Эхний ээлжинд эдийн засгийн чадавхдаа тулгуурлаад 5 тэрбум төгрөгөөр хуулиа хэрэгжүүлээд эхэлье гэж байгаа. Бид дэвшилтэт зүйлээс ухрах хэрэггүй. Бид нар энэ мөнгийг авах гээд байгаа юм биш. Монголын хүүхдүүд гэртээ үлдсэнээр асар их эрсдэл үүсч байгааг бид харж байна.
Зарчмын зөрүүтэй саналын томьёоллоор санал хураах шатанд байнгын хорооны хуралдааныг түр завсарлуулж, 14.00 цагаас Хүүхэд харах үйлчилгээний тухай болон холбогдох бусад хуулийн төслүүдийн анхны хэлэлцүүлгийг үргэлжүүлэн явуулахаар тогтлоо хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2015 оны 6 сарын 23
260 ортой нэгдсэн эмнэлэг байгуулна
Төрийн тусгай албан хаагчдын нэгдсэн эмнэлгийн дуусаагүй барилгыг эмнэлгийн зориулалтаар шинэчлэн сайжруулж, 260 ор бүхий нэгдсэн эмнэлгийг ажиллуулах төслийн концессийн гэрээг “Юниверсити хоспиталь” ХХК-тай байгуулахыг Хөрөнгө оруулалтын газарт олгож, гэрээ байгуулах ажлыг холбогдох хууль тогтоомжийн дагуу удирдан зохион байгуулахыг Аж үйлдвэрийн сайд Д.Эрдэнэбатад даалгалаа.
Дуусаагүй барилгыг эмнэлгийн зориулалтаар шинэчлэн сайжруулж, 260 ор бүхий нэгдсэн эмнэлгийг ажиллуулах төслийн нийт хөрөнгө оруулалт 28 тэрбум төгрөг бөгөөд концесс эзэмшигч нь 2015 оны 12 дугаар сард амбулатори, 2016 оны 4 дүгээр сард хэвтэн эмчлүүлэх хэсгийг ашиглалтад оруулах бөгөөд нийт барилгын ажлыг 2 жилд багтаан дуусгахаар гэрээний төсөлд тусгажээ. Уг төсөлд төрийн зүгээс ямар нэгэн санхүүгийн дэмжлэг шаардахгүй бөгөөд 25 жилийн дараа үнэ төлбөргүйгээр төрийн өмчид шилжүүлж өгнө.
-
2015 оны 6 сарын 23
Харин энэ жил долдугаар сарын 11, 12-ны өдөр бямба, ням гаригт таарч байна. Иймээс Хөдөлмөрийн сайд С.Чинзориг долдугаар сарын 16, 17-ны ажлын өдрүүдийг 4, 5-ны амралтын өдөрт шилжүүлэхээр санал боловсруулсан аж
-
2015 оны 6 сарын 23
Ерөнхий сайд АНУ-г зорилоо
-
2015 оны 6 сарын 23
МАХН-ын Бага чуулганы гишүүд Ерөнхий нарийн бичгийн дарга Г.Шийлэгдамбыгаа огцруулах шаардлагыг өргөн барихаар бэлтгэж буй.
-
2015 оны 6 сарын 23
Байнгын хороодын өнөөдрийн хуралдааны хуваарь /2015.06.23/
БАЙНГЫН ХОРООНЫ ХУРАЛДААН:
06 дугаар сарын 23-ны Мягмар гарагт:
1.Хууль зүйн байнгын хорооны хуралдаан 08.30 цагаас “А” танхимд:
Хэлэлцэх асуудал:
Дотоодын цэргийн тухай болон холбогдох бусад хуулийн төслүүд /Засгийн газар 2015.06.16-ны өдөр өргөн мэдүүлсэн, хэлэлцэх эсэх/;
Нотариатын тухай хуульд нэмэлт, өөрчлөлт оруулах тухай болон холбогдох бусад хуулийн төслүүд /Засгийн газар 2015.06.16-ны өдөр өргөн мэдүүлсэн, хэлэлцэх эсэх/;
Хөдлөх эд хөрөнгө болон эдийн бус хөрөнгийн барьцааны тухай болон холбогдох бусад хуулийн төслүүд /Засгийн газар 2015.05.25-ны өдөр өргөн мэдүүлсэн, анхны хэлэлцүүлэг/;
Зөрчлийн тухай болон холбогдох бусад хуулийн төслүүд /Засгийн газар 2015.02.05-ны өдөр өргөн мэдүүлсэн, анхны хэлэлцүүлэг/;
Галын аюулгүй байдлын тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.05.25-ны өдөр өргөн мэдүүлсэн, анхны хэлэлцүүлэг/.
2.Төсвийн байнгын хорооны хуралдаан 08.30 цагаас “В” танхимд:
Хэлэлцэх асуудал:
“Азийн дэд бүтцийн хөрөнгө оруулалтын банкыг үүсгэн байгуулах хэлэлцээр”-ийн төсөл /Засгийн газар 2015.06.19-ний өдөр өргөн мэдүүлсэн, зөвшилцөх, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ/;
Хохирлын сангийн тухай болон холбогдох бусад хуулийн төслүүд /Засгийн газар 2015.06.16-ны өдөр өргөн мэдүүлсэн, хэлэлцэх эсэх/;
Гаалийн албан татвараас чөлөөлөх тухай болон холбогдох бусад хуулийн төслүүд /Засгийн газар 2015.06.16-ны өдөр өргөн мэдүүлсэн, хэлэлцэх эсэх/.
3.Нийгмийн бодлого, боловсрол, соёл, шинжлэх ухааны байнгын хорооны хуралдаан 11.30 цагаас “В” танхимд:
Хэлэлцэх асуудал:
Хүүхэд харах үйлчилгээний тухай болон холбогдох бусад хуулийн төслүүд /Монгол Улсын Ерөнхийлөгч 2014.10.31-ний өдөр өргөн мэдүүлсэн, анхны хэлэлцүүлэг/;
Нийгмийн даатгалын үндэсний зөвлөлийн гишүүдийг сонгох тухай;
Бэлгийн замын халдварт өвчний өнөөгийн байдал, цаашид авах арга хэмжээний тухай Эрүүл мэнд, спортын сайдын болон Халдварт өвчин судлалын үндэсний төвийн мэдээлэл сонсох /хаалттай/.
4.Байгаль орчин, хүнс, хөдөө аж ахуйн байнгын хорооны хуралдаан 11.30 цагаас “Г” танхимд:
Хэлэлцэх асуудал:
Газрын тухай хуульд нэмэлт оруулах тухай хуулийн төсөл /Засгийн газар 2015.05.28-ны өдөр өргөн мэдүүлсэн, нэн яаралтай хэлэлцэх дэгээр, анхны хэлэлцүүлэг/;
Төрөөс хүнс, хөдөө аж ахуйн талаар баримтлах бодлого батлах тухай болон “Халх гол” чөлөөт бүс байгуулах тухай Улсын Их Хурлын тогтоолын төсөл /Засгийн газар 2015.06.10-ны өдөр өргөн мэдүүлсэн, хэлэлцэх эсэх/;
Органик хүнсний тухай хуулийн төсөл /Засгийн газар 2015.06.10-ны өдөр өргөн мэдүүлсэн, хэлэлцэх эсэх/.
5.Эдийн засгийн байнгын хорооны хуралдаан 15.00 цагаас “В” танхимд:
Хэлэлцэх асуудал:
Хотыг дахин хөгжүүлэх тухай болон холбогдох бусад хуулийн төслүүд /Засгийн газар 2013.12.05-ны өдөр өргөн мэдүүлсэн, эцсийн хэлэлцүүлэг/;
“Азийн дэд бүтцийн хөрөнгө оруулалтын банкыг үүсгэн байгуулах хэлэлцээр”-ийн төсөл /Засгийн газар 2015.06.19-ний өдөр өргөн мэдүүлсэн, зөвшилцөх, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ/;
Хөгжлийн бодлого төлөвлөлтийн тухай болон холбогдох бусад хуулийн төслүүд /Засгийн газар 2015.06... өргөн мэдүүлсэн, хэлэлцэх эсэх/.
6.Аюулгүй байдал, гадаад бодлогын байнгын хорооны хуралдаан 15.00 цагаас “Г” танхимд:
Хэлэлцэх асуудал:
Монгол Улсын Төрийн цэргийн бодлогын үндсийг батлах тухай Улсын Их Хурлын тогтоолын төсөл /Монгол Улсын Ерөнхийлөгч 2015.04.14-ний өдөр өргөн мэдүүлсэн, анхны хэлэлцүүлэг/;
Монгол Улсын Засгийн газар, Азийн хөгжлийн банк хооронд байгуулсан “Төлбөрийн системийн шинэчлэл төсөл”-ийн зээлийн хэлэлцээрийг соёрхон батлах тухай /Засгийн газар 2015.06.16-ны өдөр өргөн мэдүүлсэн, соёрхон батлах/;
“Азийн дэд бүтцийн хөрөнгө оруулалтын банкыг үүсгэн байгуулах хэлэлцээр”-ийн төсөл /Засгийн газар 2015.06.19-ний өдөр өргөн мэдүүлсэн, зөвшилцөх/;
Тагнуулын байгууллагын тухай хуульд нэмэлт, өөрчлөлт оруулах тухай болон холбогдох бусад хуулийн төслүүд /Засгийн газар 2015.06.19-ний өдөр өргөн мэдүүлсэн, хэлэлцэх эсэх/;
Цөмийн энергийн комиссын мэдээлэл сонсох;
Бусад.
7.Өргөдлийн байнгын хорооны хуралдаан 16.00 цагаас 4 давхрын Нээлттэй сонсголын танхимд:
Хэлэлцэх асуудал:
Иргэдийн өргөдөл, гомдлыг хүлээн авах, шийдвэрлэх, хариу өгөх үйл ажиллагааг боловсронгуй болгох талаар судлан санал дүгнэлт, шийдвэрийн төсөл боловсруулах үүрэг бүхий ажлын хэсгийн танилцуулгыг хэлэлцэх тухай.
8.Төрийн байгуулалтын байнгын хорооны хуралдаан 17.00 цагаас “А” танхимд:
Хэлэлцэх асуудал:
Нийтийн сонсголын тухай болон холбогдох бусад хуулийн төслүүд /Монгол Улсын Ерөнхийлөгч, 2014.07.08-ны өдөр өргөн мэдүүлсэн, анхны хэлэлцүүлэг/;
Хяналтын тухай болон холбогдох бусад хуулийн төслүүд /Улсын Их Хурлын гишүүн А.Бакей нарын 9 гишүүн 2014.06.10-ны өдөр өргөн мэдүүлсэн, анхны хэлэлцүүлэг/;
“Монгол Улсын Их Хурлын 2015 оны намрын ээлжит чуулганаар хэлэлцэх асуудлын тухай” Улсын Их Хурлын тогтоолын төсөл.
-
2015 оны 6 сарын 23
МАХН дотор бужигнаан үүсэв. Намын даргыгаа Солонгост эмчлүүлэх гурван жилд эв, түнжинтэй үйл ажиллагаагаа явуулж байсан МАХН-ынхан саяхнаас муудалцаж эхэлсэн талаар эх сурвалж мэдээлэв.
-
2015 оны 6 сарын 22
“RIO-2016”-д эрдэмтдийн хүчийг төвлөрүүлнэ
-
2015 оны 6 сарын 22
Засгийн газрын өнөөдрийн хуралдаанаар наадмын өдрүүдийн амралтын асуудлыг хэлэлцэнэ.
-
2015 оны 6 сарын 22
“Таван толгойн нүүрсний ордыг хөгжүүлэх талаар авах арга хэмжээний тухай” УИХ-ын тогтоолын төслийн хэлэлцэх эсэх асуудлаар санал дүгнэлт гаргах үүрэг бүхий ажлын хэсгийн ахлагч УИХ-ын гишүүн Л.Эрдэнэчимэг өнөөдөр Төрийн ордонд хэвлэлийнхэнд мэдээлэл хийлээ.
Тэрбээр өнгөрсөн 7 хоногт Өмнөговь аймгийн Цогтцэций суманд Эрдэнэс таван толгой компанид ажилласан байна. Өнөөдрийн байдлаар “Эрдэнэс Тавантолгой” компанийн агуулахад 2.3 сая тонн нүүрс бэлнээр хадгалагдаж байна. Мөн хоёр сая тонн хөрс хуулж олборлоход бэлэн болгожээ. Нийт 140 сая ам.долларын үнэлгээ бүхий эдгээр нөөцөөр “Чалко”-гийн 142 сая ам.долларын өрийг дарахад хүрэлцэхээр байгаа аж. Тус компани нүүрсээ уурхайн амнаас тээвэрлэж байгаа ба авто зам нь хүнд даацын зам бус учир худалдан авагч, тээвэрлэгч компаниуд алдагдал хүлээж байгаа гэнэ. Түүнчлэн нүүрсний гадаад зах зээл өдөр тутам унаж байгаа учир жижиг Тавантолгой, ”Эрдэнэс Тавантолгой” аль алийнх нь борлуулалт буурсан дүнтэй байна. Цаашид нүүрсний үнэ олон улсын зах зээлд унах төлөвтэй байгаа тул хямд өртөгөөр олборлолт тээвэрлэлт хийх нь чухал болсон байна. Үнэ өндөрсгөж байгаа гол хүчин зүйл нь тээвэрлэлт. Иймд төмөр замаа ашиглалтад оруулах нь шаардлага байна гэж ажлын хэсгээс үзжээ.
УИХ-ын гишүүн Л.Эрдэнэчимэг, “Тавантолгойн орд газрыг ашиглахад томоохон хэмжээний хөрөнгө оруулалт шаардлагагүй. Нүүрс олборлогч ямар ч компани үүнийг мэднэ. Хөрсөө хууллаа, хуулсан хөрсөн доороос шууд нүүрс гарч ирж байгаа. Үүнийг нь машинд ачлаа, зөөлөө. Үүнд томоохон машин тоног төхөөрөмж хэрэгтэй болохоос том хөрөнгө оруулалтын шаардлага алга байна. ”Эрдэнэс Тавантолгой”-д өнөөдөр монгол компаниуд боломжтой хэмжээнд нүүрсээ олборлоод үйл ажиллагаагаа явуулаад болж байна. Энд ганцхан хөрөнгө оруулалт хийх шаардлагатай. Энэ нь төмөр зам. Төмөр зам маань өөрөө ашигтай төсөл. Цаашдаа ”Эрдэнэс Тавантолгой” компани өнөөдрийнх шиг олборлолтоо хийгээд төмөр замаа Монгол Улс өөрөө эзэмшээд явахад алдагдалгүй, илүү ашигтай байх нь харагдаж байгаа. Иймд энэ гэрээг цааш нь явуулах боломжгүй.
Бид дүгнэлтдээ хууль зөрчсөн асуудлыг тусгаж өгнө. Мөн ашигтай хувилбар аль нь байх вэ гэдгийг тусгаж өгнө. Төмөр зам нь голлох ашигтай хувилбар. Иймээс төмөр замын асуудлаа Монгол Улс өөрөө хариуцаж дуусгах ёстой юм байна, мөн хөндлөн чиглэлийн төмөр замын асуудлыг дүгнэлтдээ оруулж өгнө. ЗГХЭГ-ын дарга С.Баярцогт ажлын хэсэг дээр гэрээгээ буцааж татаж авна гэдгээ мэдэгдсэн. Харин буцааж оруулж ирэх эсэх асуудлыг мэдэхгүй байна” гэв.
