-
2016 оны 10 сарын 18
Сум, дүүргийн иргэдийн төлөөлөгчдийн хурлын ээлжит сонгуулийн санал авах өдөр буюу 2016 оны 10 дугаар сарын 19-ний лхагва гарагт тээврийн хэрэгслийн улсын дугаарын хязгаарлалт үйлчлэхгүй. Их хотын жолооч та замын хөдөлгөөний дүрмээ баримтлан, хөдөлгөөндөө соёлтой оролцоорой гэж Замын цагдаагийн газраас мэдээллээ.
-
2016 оны 10 сарын 18
Себестьяан Херсей: Сэтгүүлчийн хувьд хэвлэл мэдээллийн байгууллагад гүйцэтгэх үүргээ алдах шиг хэцүү зүйл байхгүй
УИХ-ын гишүүн асан Н.Алтанхуяг “Энэ нөхөр ажлаа өгсөн гээд юу ч хийдэггүй гэж битий бодоорой. Өнөөдөр “Хөгжил Ардчилал” ТББ Конрад Аденауэр Сантай хамтран хоёр дахь удаагийн сургалтаа зохион байгуулж байна. Сургалт гэхээр манайхан заах гэж байна гэж ойлгодог талтай. Энэ удаагийн сургалтыг Герман Монголын сэтгүүлчид харилцан туршлага солилцох семинар гэж нэрлэе. Германаас бидний хувьд суралцах зүйл маш их. Ялангуяа эдийн засгийн хувьд нийгмийн баримжаатай, зах зээлийн нэг л ойлголттой. Иймд Германы сэтгүүлч Себестьяан Херсей өнөөдрийн сургалтыг явуулна.” гэснээр өнөөдрийн сургалтын ёслолын ажиллагаа эхэлснийг мэдэгдэв. Кемписки зочид буудалд болж буй уг сургалт нь “Эдийн засгийн тогтвортой хөгжил-сэтгүүлчдийн оролцоо” сэдвийн хүрээнд хоёр өдөр үргэлжилж байгаа юм. Сургалтанд Монголын 20 гаруй хэвлэл мэдээллийн байгууллагын сэтгүүлчид болон Конрад Аденаур сангийн суурин төлөөлөгч ДР.Даниел Шмюкинг оролцсон билээ. Мөн “Конрад Аденаур Сан”, “Хөгжил Ардчилал” ТББ-ын урилгаар Хаффингтон Пост сайтын парламентын сэтгүүлч Себестиан Херсей Монголын сэтгүүлчид энэ удаагийн семинараар юуг илүү сонирхож байгааг асууж, санал солилцов. Түүний хувьд 20 гаруй жил Хэвлэл мэдээллийн салбарт ажилласан туршлагатай бөгөөд эдийн засаг, Зүүн Европын асуудлаар дагнан мэргэшжээ. Тэрбээр өнөөдөр дэлхийн хэвлэл мэдээллийн байгууллагад тулгамдаж байгаа гол асуудал бол уншигч, үзэгч, сонсогчдын итгэлийг алдах явдал юм. Иймд тэдний итгэлийг алдахгүйн тулд нээлттэй ил тод байх ёстой гэдгийг илтгэлийнхээ үеэр онцлов. Себестьяан Херсей “Сэтгүүлчийн хувьд Хэвлэл мэдээллийн хэрэгсэлд гүйцэтгэдэг үүргээ алдах шиг хэцүү зүйл байдаггүй. Иймд ард түмэн итгэдэг байх хэрэгтэй. Масс медеа монополь байх үед нийгмээрээ итгэх ёстой гэсэн үзэлтэй байсан бол интернет хүчээ авч буй энэ үед сайн дурын бичигчид гарч ирсэнээр олон түмэн хэвлэл мэдээлэлд тийм ч итгэхээ байсан. Тиймээс бид нээлттэй ил тод байдлаар эх сурвалжуудаа нэрлэж, эсрэг тэсрэг байр суурийг зэрэг гаргаж эхэлсэн юм. Үүнээс гадна шүүмжлэл гарч байгаа газар болгон шүүмжлэлийн эсрэг зүйл хэлж эхэлснээр алдагдсан уншигч, үзэгч, сонсогчидоо буцааж авчирсан” гэв. Үүнтэй уялдуулан “Өдрийн сонин”-ы сэтгүүлч Х.Баасансүрэн Монголын хэвлэл мэдээллийн байгууллага ч бас Германтай адил үйл явдал манайд ч бас тойроогүй дайрч байна гэдгийг дуулгаад “ Дээрх аргыг манайд ч бас хэрэгжүүлж байгаа. Өнөөдөр сайн дурын бичигчдээс хамгийн их үгээ хэлж байгаа нь эдийн засагчид. Үүнд сэтгүүлчид хариулт өгөөд эхэлсэн. Бидний хувьд хамгийн хэцүү нь эх сурвалжаа нэрлэх байдаг. Эх сурвалжаа нэрлэлээ гэхэд дахин яриа өгдөггүй” гэв. Герман Монголын хамтарсан сэтгүүлчдийн туршлага солилцох үеэр Хаффингтон Пост сайтын парламентын сэтгүүлч Себестиан Херсейгээс зарим зүйл тодруулав.
- Танд энэ өдрийн мэндийг хүргэе. Монголд сайн явж ирэв үү, манай улсад анх зочилход танд ямар сэтгэгдэл төрөв?
Танд ч бас энэ өдрийн мэндийг хүргэе. Монголд өчигдөр ирсэн. Одоогоор их таалагдаж байна. Зун дахин танай улсад зочилж хөдөөний айлаар орж, морь унах бодолтой байгаа.
- Таны хувьд хөндлөнгийн байрь сууринаас ажиглахад Монголын эдийн засгийн өнөөгийн нөхцөл ямар харагдаж байна вэ, бидний хувьд өнөөдөр эдийн засгийн хямрал, дотоод төсвийн алдагдал 1.8 их наяд болсоноос үүдэн депляци гэдэг үгийг анх удаа хэрэглэж үзэх боллоо. Сэтгүүлчдийн хувьд депляци гэдэг үгийг иргэдэд ойлгомжтой хүргэхийн тулд их чухал байна?
- Мэдээж Монголд ирэх гэж байгаагийн хувьд тодорхой хэмжээгээр судалсан. Гэхдээ бүрэн мэдэхгүй. Миний хувьд дэлхийд 180 орны эдийн засгийн хувьд ажиглахаас илүү сэтгүүлзүйн үндсэн зарчим дээр ажиллах нь илүү чухал гэж үзэж байна. Учир нь би судлаач биш шүү дээ /инээв/. Германы хувьд хямрал инфляци гэдэг зүйл их том агуулга. Иргэд нь хямрал гэдэг үгнээс их айдаг. Учир нь 2008 оны хямралын үеэр зарим муж улсын иргэдэд хүчтэй хямрал хүчтэй дайралдсан. Хямрал өөрөө ямар ч хүний амьдралыг орвонгоор нь эргүүлэх чадалтай шүү дээ.
- Хэвлэл мэдээллийн салбарын үнэт зүйл юунд оршиж байна вэ?
- Үүнийг нийгмээрээ ярилцах ёстой. Бид Ардчилалыг хүлээн зөвшөөрч хүсч байгаа бол Хэвлэлийн эрх чөлөөнд халдахгүй байх ёстой гэсэн үндсэн ойлголт байна. Хэвлэлийн эрх чөлөө байна гэдэг хэн нэгнийг алдаа хийснийх нь төлөө олны өмнө буудна гэсэн үг биш. Харин алдаа хийснийх нь төлөө ярилцаж хэлэлцэх нь чухал юм.
Энэ удаагийн арга хэмжээгээр хоёр орны сэтгүүлчдийн хамтын ажиллагааг өргөжүүлэн дэмжих, харилцан туршлага солилцох боломж олгохын зэрэгцээ Германы эдийн засгийн загвар болсон нийгмийн баримжаатай зах зээлийн эдийн засгийн үндсэн ойлголтуудын талаар мэдээлэл солилцож харилцан дүгнэлт хийснээр өндөрлөсөн юм.
Б.Цэцэг
-
2016 оны 10 сарын 18
АТГ-аас 2 хэрэгт эрүү үүсгэн шалгаж байна
Авлигатай тэмцэх газарт энэ сарын 10-14-ны өдрүүдэд шинээр гэмт хэргийн шинжтэй 10 гомдол, мэдээлэл хүлээн авч нийт 27 гомдол шалгажээ. Үүнээс 2 гомдолд эрүүгийн хэрэг үүсгэж, 4 гомдол, мэдээллийг эрүүгийн хэрэг үүсгэхээс татгалзах, 1 гомдол, мэдээллийг харьяаллын дагуу шилжүүлэх саналтайгаар прокурорт шилжүүллээ. Ажиллагаанд 20 гомдол, мэдээлэл шалгагдаж байгаа аж.
Өнгөрсөн долоо хоногт эрүүгийн 50 хэрэгт мөрдөн байцаалтын ажиллагаа явуулснаас 1 хэргийг яллах дүгнэлт үйлдүүлэх, 1 хэргийг хэрэгсэхгүй болгох саналтайгаар прокурорт шилжүүлж, одоогоор 48 хэрэгт мөрдөн байцаалтын ажиллагаа явуулж байна. Шинээр 2 хэрэгт эрүү үүсгэн шалгаж эхэллээ.
Б.Цэцэг
-
2016 оны 10 сарын 18
“СОНДОР ХИЛЭН’’ ТӨВ СУРАЛЦАГСАДЫНХАА ХҮСЭЛТЭЭР ЦАГИЙН АНГИУДАА ӨРГӨН СОНГОЛТТОЙ БОЛГОЛОО
Англи хэлний дөрвөн жилийн хөтөлбөрийг богино хугацаанд багтаан заах арга барилаараа 8000 гаруй хүнийг амжилттай сургаад байгаа “Сондор хилэн” төв нь 2006 оноос хойш 10 дахь жилдээ тасралтгүй үйл ажиллагаа явуулан, Монгол Улсын өнцөг булан бүрээс ирсэн хүүхэд, залуучууд, төр захиргааны болон олон улсын, бизнесийн байгууллагуудын ажилтан, албан хаагчид болон иргэдэд англи хэлний сургалтуудыг зохион байгуулсаар иржээ. С.Төмөрбат багшийн Монгол хүний сэтгэхүйн онцлогт тохирсон заах арга зүйн дагуу явагддаг тус сургалтад лекц, дадлага хичээл, ганцаарчилсан давтлага, мэдээлэл болон мэдлэг олгодгоороо онцлог сургалт болж чаддаг байна. Дүрмийг яриатай холбож, хэрэглээ талд нь голлон, өдөр бүр унших, бичих, ярих, сонсох чадваруудыг хөгжүүлэхийн зэрэгцээ ярианы дадлага байнга хийдэг нь англи хэлийг амжилттай сурах боломж олгодог ажээ. Мөн таны хэлний түвшин, авьяас чадвар, тавьсан зорилгод нийцүүлэн сургалтаа зохион байгуулж, таны амжилтыг үнэлэн урамшуулж, сарын дараа ямар түвшинд хүрснийг бодитойгоор харуулж чаддаг байна.
“Сондор хилэн” сургалтын төв энэ сарын сургалтаас эхлэн суралцагсадынхаа хүсэл хэрэгцээ шаардлагад тулгуурлан цагийн өргөн сонголттой сургалтын хөтөлбөрөө гаргажээ. Өглөөний 06.30 цагаас эхлэн үдшийн 10. 30 хүртэл хичээллэх аж. Англи хэлийг богино хугацаанд эзэмшүүлэх 10 жилийн туршлагадаа тулгуурлан 8–16 насны хүүхдүүдэд зориулсан 6 түвшний сургалт, ТОФЕЛ-д бэлтгэх сургалт, Бизнесийн англи хэлний сургалт зэргээр сургалтын хөтөлбөрөө 7 түвшинтэй болгон үйл ажиллагаагаа өргөжүүлэн явуулж байгаа ажээ.
СУРГАЛТЫН ЧИГЛЭЛҮҮД
БҮТЭН ӨДРИЙН АНГИУД
1. Насанд хүрэгчдэд зориулсан
БҮТЭН ӨДРИЙН ЭРЧИМЖҮҮЛСЭН АНГИ
2. Хүүхдүүдэд зориулсан
БҮТЭН ӨДРИЙН ЭРЧИМЖҮҮЛСЭН АНГИ
3. Бүтэн өдрийн ангийг төгсөгчдөд зориулсан
БҮТЭН ӨДРИЙН ГҮНЗГИЙРҮҮЛСЭН АНГИ
-
2016 оны 10 сарын 18
Энэ сарын 31-ний өдөр Их эзэн Чингис хааны мэндэлсэн өдөр тохиож буйтай холбогдуулан Монгол, Хятадын автозамын хилийн боомтууд амрах болсныг Гадаадын иргэн, харьяатын газраас мэдэгдлээ.
-
2016 оны 10 сарын 18
09.00 цагт ”Туушин” зочид буудалд Хөдөө аж ахуй, Хөдөөгийн Статистикийг боловсронгуй болгох олон улсын хөтөлбөрийг хэрэгжүүлэх нээлтийн семинар болно.
10.00 цагт ГХЯ-ны ”Зөвшилцөл” танхимд “Мэдээллийн цаг” хэвлэлийн хурал болно.
10.00 цагт Шангри-Ла зочид буудалд “Нийтийн удирдлагын байгууллагын ирээдүйн хөгжлийн чиг хандлага” хэлэлцүүлэг болно.
10.00 цагт Уран зургийн галарейд Үйлдвэрлэл Урлалын Политехник Коллежийн 50 жилийн ойд зориулсан гурван үеийн багш нарын Уран бүтээлийн үзэсгэлэнгийн нээлт болно.
11.00 цагт Багшийн хөгжлийн ордонд Боловсролын зээлийн сангийн нээлт болно.
11.30 цагт “Үндэсний мэдээллийн төв”-д “Босоо хөх монгол” ТББ-аас Шүүх цагдаагийн байгууллагуудтай холбоотой ноцтой баримт дэлгэнэ.
14.00 цагт Тусгаар тогтнолын ордны өмнөх талбайд МСҮТ-ийн оюутнуудын 70 мянган төгрөгийн тэтэглэгийг өгөхийг шаардаж, цуглаан зохион байгуулна.
15.00 цагт Төрийн ордонд Засгийн газрын ээлжит хуралдаан болно.
-
2016 оны 10 сарын 18
Хүн амын талаас жаахан илүү нь Ойрад Монголчууд (эдүгээ Халимаг хэмээн нэрлэгдэж байна) бөгөөд үлдсэн хүн ам нь нь Орос, Украйн үндэстэнүүд, Чечень, Осети, Дагестан угсаатнууд болно. Халимагуудын тал хувь нь Торгууд, 35% нь Дөрвөд, 15%-г Бузава ястад эзлэдэг. Халимаг улс нь Европ тив дахь цорын ганц Буддын шашинт орон юм. Өмнөх ерөнхийлөгч Кирсан Илюмжинов бол Дэлхийн шатрын холбооны тэргүүн юм.
-
2016 оны 10 сарын 17
Эдийн засгийн тогтвортой хөгжил – Сэтгүүлчдийн оролцоо сэдэвт семинар Кемписки зочид буудалд боллоо. Тус семинар нь хоёр өдрийн турш үргэлжлэх бөгөөд удирдан явуулахаар Герман улсын Хаффингтон Пост сайтын парламентын сэтгүүлч Себастиан Христ хүрэлцэн ирсэн юм. “Монголын эдийн засгийн хөгжил - Сэтгүүлчдийн оролцоо” сэдэвт туршлага солилцох уг семинар нь “Хөгжил-Ардчилал” ТББ, Конрад-Аденауэp-Cантай хамтран зохион байгуулж буй энэ жилийн хоёр дахь арга хэмжээ юм.
Энэ удаагийн арга хэмжээгээрээ хоёр орны сэтгүүлчдийн хамтын ажиллагааг өргөжүүлэн дэмжих, харилцан туршлага солилцох боломж олгохын зэрэгцээ Германы эдийн засгийн загвар болсон нийгмийн баримжаатай зах зээлийн эдийн засгийн үндсэн ойлголтуудын талаар мэдээлэл солилцсон юм. Тэрээр семинарыг удирдагч Себастиан Христ хэлэхдээ “Улс орны нийгэм, эдийн засаг, оюун санааны амьдралд хэвлэл мэдээллийн хэрэгслийн гүйцэтгэх үүрэг хамгаас чухал. Учир нь манай Үндсэн хуульд засгийн эрх мэдэл ард түмний мэдэлд байна гэж заасан байдаг. Иргэд өнөөгийн ардчилсан нийгэмд энэхүү эрхээ хэвлэл мэдээллийн хэрэгслээр дамжуулан элдэж байна. Өөрөөр хэлбэл сэтгүүлч та бүхний хүргэсэн мэдээ мэдээлэл дээр тулгуурлан иргэд үзэл бодлоо бүрдүүлдэг. Тиймээс ч энэ салбар хамгаас илүү хариуцлагыг шаарддаг. Үүнээс гадна хэвлэл мэдээлэл чөлөөтэй мэдээлэх боломжоор хангагдсан байх учиртай. Энэ нь ардчилсан нийгмийн салшгүй нэг үнэт зүйл. Германд хэвлэлийн эрх чөлөө үндсэн хуулийн төвшинд хамгаалагдсан байдаг. Гэвч энэ нь хариуцлагаас мултарна гэсэн үг биш харин тэдний нийгмийн үүрэг оролцоо, хариуцлагыг баталгаажуулж байгаа гэсэн үг юм. Мѳн Германы хэвлэл мэдээллийн тогтолцоо санхүүгийн хувьд харьцангуй хараат бус гээд бидэнд туршлага судлах олон зүйл байна” гэсэн юм.
-
2016 оны 10 сарын 17
Авлигатай тэмцэх газар 2016 оны 10 дугаар сарын 10-14-ний өдрүүдэд нийтийн албанд томилогдохоор нэр дэвшсэн 326 иргэний хувийн ашиг сонирхлын урьдчилсан мэдүүлгийг шинээр хүлээн авчээ. Нийт 631 урьдчилсан мэдүүлгийг хянан шалгасан байна.
Өнгөрсөн долоо хоногт 310 мэдүүлгийг хянан шийдвэрлэсэн бөгөөд үүнээс 265 нь зөрчилгүй байсан бол 24-ийг нь буцааж, 21-ийг нь анхааруулсан байна. Одоогийн байдлаар 321 урьдчилсан мэдүүлэг ажиллагаанд хянагдаж байна. Ашиг сонирхлын илт зөрчилтэй гэж үзсэн урьдчилсан мэдүүлэг байсангүй.
Нийслэлийн Сүхбаатар дүүргийн Хөдөлмөр, халамжийн үйлчилгээний хэлтсийн Захиргаа хяналтын албаны дарга Б.Дөлгөөн, Баянгол дүүргийн Эрүүл мэнд, нийгмийн даатгалын үйлчилгээний албаны дарга Б.Уранчимэг нарын зэрэг 265 иргэний хувийн ашиг сонирхлын урьдчилсан мэдүүлгийг хянан үзээд тухайн албан тушаалд томилоход ашиг сонирхлын зөрчил үүсэх нөхцөл байдал тогтоогдоогүй гэж үзсэн байна.
Томилсон тушаал, захирамжийг хүчингүй болгуулах, хууль, журам зөрчсөн, хуулийн үйлчлэлд хамаарагдахгүй, томилох эрх бүхий албан тушаалтнаас ирүүлээгүй, ажлын байрны тодорхойлолт болон хуульд заасан шаардлага хангаагүй зэрэг үндэслэлээр 24 иргэний хувийн ашиг сонирхлын урьдчилсан мэдүүлгийг буцаажээ.
Ашиг сонирхлын зөрчилтэй гэж ойлгогдохуйц нөхцөл байдал бий болсон, ашиг сонирхлын зөрчилтэй нөхцөл байдлыг тогтоож анхааруулсан, ашиг сонирхлын зөрчил үүсэх нөхцөл байдал бий болсныг анхааруулсан, ажлын байрны тодорхойлолт болон хуульд заасан шаардлага хангаагүй зэрэг үндэслэлээр 21 иргэний урьдчилсан мэдүүлэгт анхааруулсан хариу өгсөн байна.
Өнгөрсөн долоо хоногт хянан шалгасан урьдчилсан мэдүүлгийн дийлэнх нь Хөдөлмөр, нийгмийн хамгааллын яам, Цаг уур, орчны шинжилгээний газар, Төрийн өмчийн бодлого, зохицуулалтын газар, Улаанбаатар дулааны сүлжээ төрийн өмчит хувьцаат компани, Цагдаагийн ерөнхий газар зэрэг байгууллагаас, мөн боловсролын салбараас ирүүлсэн байв.
Нийтийн албанд томилогдохоор нэр дэвшсэн 24 иргэний мэдүүлгийг буцаажээАвлигатай тэмцэх газар 2016 оны 10 дугаар сарын 10-14-ний өдрүүдэд нийтийн албанд томилогдохоор нэр дэвшсэн 326 иргэний хувийн ашиг сонирхлын урьдчилсан мэдүүлгийг шинээр хүлээн авчээ. Нийт 631 урьдчилсан мэдүүлгийг хянан шалгасан байна.
Өнгөрсөн долоо хоногт 310 мэдүүлгийг хянан шийдвэрлэсэн бөгөөд үүнээс 265 нь зөрчилгүй байсан бол 24-ийг нь буцааж, 21-ийг нь анхааруулсан байна. Одоогийн байдлаар 321 урьдчилсан мэдүүлэг ажиллагаанд хянагдаж байна. Ашиг сонирхлын илт зөрчилтэй гэж үзсэн урьдчилсан мэдүүлэг байсангүй.
Нийслэлийн Сүхбаатар дүүргийн Хөдөлмөр, халамжийн үйлчилгээний хэлтсийн Захиргаа хяналтын албаны дарга Б.Дөлгөөн, Баянгол дүүргийн Эрүүл мэнд, нийгмийн даатгалын үйлчилгээний албаны дарга Б.Уранчимэг нарын зэрэг 265 иргэний хувийн ашиг сонирхлын урьдчилсан мэдүүлгийг хянан үзээд тухайн албан тушаалд томилоход ашиг сонирхлын зөрчил үүсэх нөхцөл байдал тогтоогдоогүй гэж үзсэн байна.
Томилсон тушаал, захирамжийг хүчингүй болгуулах, хууль, журам зөрчсөн, хуулийн үйлчлэлд хамаарагдахгүй, томилох эрх бүхий албан тушаалтнаас ирүүлээгүй, ажлын байрны тодорхойлолт болон хуульд заасан шаардлага хангаагүй зэрэг үндэслэлээр 24 иргэний хувийн ашиг сонирхлын урьдчилсан мэдүүлгийг буцаажээ.
Ашиг сонирхлын зөрчилтэй гэж ойлгогдохуйц нөхцөл байдал бий болсон, ашиг сонирхлын зөрчилтэй нөхцөл байдлыг тогтоож анхааруулсан, ашиг сонирхлын зөрчил үүсэх нөхцөл байдал бий болсныг анхааруулсан, ажлын байрны тодорхойлолт болон хуульд заасан шаардлага хангаагүй зэрэг үндэслэлээр 21 иргэний урьдчилсан мэдүүлэгт анхааруулсан хариу өгсөн байна.
Өнгөрсөн долоо хоногт хянан шалгасан урьдчилсан мэдүүлгийн дийлэнх нь Хөдөлмөр, нийгмийн хамгааллын яам, Цаг уур, орчны шинжилгээний газар, Төрийн өмчийн бодлого, зохицуулалтын газар, Улаанбаатар дулааны сүлжээ төрийн өмчит хувьцаат компани, Цагдаагийн ерөнхий газар зэрэг байгууллагаас, мөн боловсролын салбараас ирүүлсэн байв.
Нийтийн албанд томилогдохоор нэр дэвшсэн 24 иргэний мэдүүлгийг буцаажээ
-
2016 оны 10 сарын 17
Нийслэлийн Иргэдийн Төлөөлөгчдийн Хурлын Тэргүүлэгчдийн ээлжит хурал өнөөдөр боллоо.Хуралдаанаар Хөрөнгө бүртгэж авах тухай, Ази-Европын чуулга уулзалтын дурсгалд зориулсан “Тэнгэрийн өрх” хөшөө байршуулах тухай зэрэг хоёр асуудлыг хэлэлцэж, баталлаа.
Нийслэлийн хөрөнгө оруулалтын газраас “Хямд өртөгтэй орон сууц”-ны барилга угсралтын ажлыг гүйцэтгүүлэхээр “Баярс констракшн” ХХК-тай 2013 оны аравдугаар сарын 2-ны өдөр гэрээ байгуулан ажилласан. Өнөөдөр “Баярс констракшн” ХХК барилгын ажлыг дуусгаж, хүлээлгэн өглөө. Иймд нийт 8 тэрбум 667 сая 690 мянган төгрөгийн өртөг бүхий тус барилгын зоорийн давхар болон 1-12 давхарын 132 айлын орон сууцны барилга байгууламж, гадна тохижилтийн эд хөрөнгийг Гэр хорооллын дэд бүтцийн газрын данс бүртгэлд бүртгэн, ашиглалт хамгаалалтыг хариуцуулахаар шийдвэрлэлээ.
Мөн 2013 оноос хойш Гэр хорооллын дахин төлөвлөлтөд хамрагдаж газраа чөлөөлсөн хэдий ч орон сууцандаа орж чадаагүй, түрээсийн мөнгөө цаг тухайд нь авч чадахгүй байгаа болон одоог хүртэл орох оронгүй байгаа 366 айлаас эхний ээлжинд нийслэлийн удирдлагууд 140 гаруй айлыг түр суурьшуулах орон сууцанд оруулахаар шийдвэрлэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 10 сарын 17
Улсын төсөв, санхүү хүндэрсэнтэй холбогдуулан 0-18 нас хүртэлх нийт хүүхдүүдийн 60 хувьд нь бэлнээр олгож эхэлсэн бол үлдсэн 40 хувьд нь 2019 оноос олгохоор болсон билээ.
Тэрээр Хөдөлмөр, халамжийн үйлчилгээний ерөнхий газраас онлайнаар шалгах боломжийг иргэдэд олгож байна. Та хүүхдийнхээ мөнгийг орсон эхийг дараах холбоос линк дээр дарж үзнэ үү.
http://check.hudulmur-halamj.gov.mn/check/checking.php
-
2016 оны 10 сарын 17
Монгол хүүхэд бүрийн хамгийн анх дуулж сурдаг “Маамуу нааш ир” дуу 60 нас хүрлээ. Монгол Улсын Хөдөлмөрийн баатар, Ардын жүжигчин, Төрийн шагналт хөгжмийн зохиолч Д.Лувсаншаравын хөгжим, С.Лхамсүрэнгийн шүлэг “Маамуу нааш ир” дуу одоогоос 60 жилийн өмнө буюу 1956 онд зохиогдсон байдаг. Монгол хүн бүрийн сэтгэл зүрхэнд хоногшсон энэхүү дууны 60 жилийн ойн хүрээнд хийгдэх ажлуудын талаар Нийслэлийн Хэвлэл мэдээллийн төвд өнөөдөр мэдээлэл хийлээ.
2016 оны 10 дугаар сарын 25-ны өдрийн 12 цагт Монголын хүүхдийн ордны өмнө байрлах “Маамуу нааш ир” дууны хөшөөнд цэцэг өргөх бол 13 цагт МХО-нд хүндэтгэлийн тоглолт болох юм байна. Мөн энэ өдрийн 14 цагт “Маамуу нааш ир” дууг бүх цэцэрлэг дээр гээд улс даяар нэгэн зэрэг дуулахаар төлөвлөжээ.
Нэрт хөгжмийн зохиолч ”Маамуу нааш ир” дууны аяыг зургаан настай охин Л.Халиунсүрэнгийнхээ амандаа дуулсан содон аялгуугаар санаа авч бүтээсэн гэдэг. Энэ талаар хөгжмийн зохиолч Д.Лувсаншаравын том охин, СУИС-ийн багш, хүндэт профессор Л.Халиунсүрэн “60 жилийн өмнө 1956 оны зун би Москвагийн хөгжмийн дээд сургуульд сурч байхдаа зуны амралтаараа ирээд байсан үе. Тухайн үед хүүхдүүдтэй тоглож байхдаа том хүний дуу дуулсан шиг байгаа юм. Тэр үед аав хүүхдийн дуу цөөхөн байна. Зохиох хэрэгтэй юм байна гээд С.Лхамсүрэн гуайтай нийлээд нэлээд хэдэн хүүхдийн дуу тэр зундаа зохиосон байдаг. Хамгийн эхнийх нь “Маамуу нааш ир”. Өөрөө мандлин хөгжим дээр тоглоод надаар анх дуулуулж үзсэн байгаа юм. Би ч их амархан сурч, дуулсан санагддаг. Ингээд энэ дууг хамгийн анх би хашааныхаа хүүхдүүдтэй хамт дуулсан түүхтэй.” хэмээн дуу бүтсэн түүхээс хуучиллаа.
“Маамуу нааш ир” дууг анх дуулж, ард түмэнд хүргэсэн хүн нь хүүхдийн дууны гэж алдаршсан МУГЖ В.Долгор юм. Тэрээр “Би 1940-өөд оны хүүхэд. Тэр үед хүүхдийн дуу их ховор байснаа 1950-аад оноос хүүхдийн дуу зохиох нь харьцангуй олон болсон. Үүний нэг жишээ нь миний багш Д.Лувсаншарав 1956 онд “Маамуу нааш ир” дууг зохиосон. Тухайн үедээ намайг өрөөндөө дуудаад зохиосон дуунуудаа надад сонсгосон. Тэр дуунуудыг би маш их хүндэтгэлтэйгээр хүлээн авч дуулсан юм. “Алтан хараацай”, “Манай цэцэрлэг” зэрэг 10 гаруй дуу байсан. Үүний дотроос хамгийн удаан дуулагдаж байгаа нь “Маамуу нааш ир” байгаа юм. Үе үеийн хүүхдүүд хэлд, хөлд орохтойгоо зэрэгцээд л энэ дууг дуулдаг. Тэгэхээр хүүхдийн дууны цагаан толгой гэж хэлж болно” гэлээ.
Мөн МУСГЗ, Оросын холбооны Буриад улсын УГЗ, СУИС-ийн хүндэт профессор, Олон улсын шүүгч, концерт найруулагч Д.Ухнаа “Миний багш МУГЖ В.Долгор 60 жилийн хугацаанд энэ дууг 3000 гаруй удаа дуулсан байдаг. “Маамуу нааш ир” дуу бүүвэйн дууны дараа хамгийн олон дуулагдсан дуу. Өдөр бүр айлуудад, цэцэрлэгүүд дээр дуулагдсаар байгаа.” хэмээн онцоллоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 10 сарын 17
Өнгөрөгч амралтын өдөр буюу арван сарын 16-ны өдрийн орой 22 цаг 03 минутанд Хан-Уул дүүргийн гуравдугаар хороонд байрлах Зэвсэгт хүчний 0310 дугаар ангийн албан тушаалтны байрны нэгдүгээр давхар орцны хонгилд томоохон хэмжээний гал түймэр гарчээ.
-
2016 оны 10 сарын 17
НӨАТ-ын урамшууллын сугалааны 16 дахь удаагийн тохирол өчигдөр явагдлаа. Энэ удаагийн тохиролд есдүгээр сарын 1-30-ны өдрийн хооронд худалдан авалт хийж, бүртгүүлсэн 5 987 210 баримтыг хамруулжээ.
-
2016 оны 10 сарын 17
Өчигдөр Дорноговь аймгийн Сайншанд сумаас хойш 40 км-ийн 35 дугаар зөрлөгийн замд “Toyota kluger” автомашин онхолджээ. Улмаар тус машинд явсан есөн настай охин нас барсан байна.
-
2016 оны 10 сарын 17
Монгол Улсын эдийн засаг сэхээнд байна. Үүнээс гарах арга замын нэг бол Олон улсын вапютын сангийн тусламжийг авах юм. Энэ удаагийн Засгийн газар ч валютын сангийн тусламжийг авахаар уулзалт яриа хэлэлцээрийг хийсээр байгаа.
-
2016 оны 10 сарын 17
Нийслэлийн Засаг дарга бөгөөд Улаанбаатар хотын Захирагч С.Батболд “Сонгуулийн тухай хуулийн хэрэгжилтийг хангах зарим арга хэмжээний тухай” А/722 дугаар захирамж гаргалаа.
-
2016 оны 10 сарын 17
Энэ сарын 15, 16 -ны өдрүүдэд буюу амралтын өдрүүдэд Замын цагдаагийн газрын ЖШУХ дээр нийт 741 дуудлага, мэдээ мэдээлэл хүлээн авснаас, зам тээврийн ослын 589 дуудлага бүртгэгджээ. Үүнээс гэмт хэргийн шинжтэй гомдол мэдээлэл 23 бүртгэгдэж 38 хүн хүнд хөнгөн гэмтсэн.
-
2016 оны 10 сарын 17
Сонгинохайрхан дүүргийн 18 дугаар хорооны 11 дүгээр байрны 5 давхараас хүн үсэрч амиа хорлохыг завдсан хэрэг гарчээ.
-
2016 оны 10 сарын 17
Орон нутаг буюу сум, дүүргийн ИТХ-ын ээлжит сонгууль энэ сарын 19 буюу Лхагва гаригт болно.
