-
2016 оны 12 сарын 05
Энэ сарын 29-ны өдөр бүх нийтээрээ амарна.
-
2016 оны 12 сарын 05
Өнөөдөр С.Амармандахын ар гэрийнхэн болон түүний өмгөөлөгч Г.Батбаяр ОХУ-ын Элчин сайдны яаманд хандаж хүсэлт хүргүүлсэн.
ОХУ-ын Элчин сайдын яамны удирдлагууд дуучин С.Амармандахтай биечлэн уулзаж, уучлалт хүсэхээ мэдэгдээд байна. Тодруулбал дуучны ар гэрийнхэн болон өмгөөлөгчдийг ЭСЯ-ны удирдлагууд хүлээн авч уулзан, эл асуудлаар байр сууриа илэрхийлжээ.
Энэ үеэр ЭСЯ-ны Ерөнхий нарийн бичгийн дарга дуучин С.Амармандахаас уучлал гуйх болно гэдгээ илэрхийлээд эл асуудалд ОХУ-ын Ерөнхийлөгч В.Путин анхаарлаа хандуулан ажиллаж байна гэдгийг онцолжээ.
Тэрбээр ” Энэ асуудал дээр ОХУ-ын ЭСЯ дипломат албан ёсны хүрээнд хамтран ажиллахад бэлэн байгаа. Шүүхээс манай дипломатын гэм буруутайг нотлосон үед бид түүнд хатуу хариуцлага ногдуулах болно. Одоогоор гэм буруутай эсэх нь тогтоогдоогүй, хэрэг шалгагдаж байгаа учраас бид хэн нэгнийг гэм буруутай гэж, шууд хариуцлага тооцох боломжгүй байна.
Манай Элчин сайдын яамны зүгээс гэм буруутай этгээдийг нууж, хаацайлсан ямар нэгэн асуудал үүсгээгүй. Бид нээлттэй, хамтран ажиллахад бэлэн байна. Та бүхнийг ирэхээс өмнө Монгол Улсын Гадаад харилцааны яамнаас мэдэгдэл ирэхийг хүлээж байлаа. Бидэнд хандсанд талархаж байна. Дуучин С.Амармандах болон түүний ар гэрийнхнээс дахин дахин хүлцэл өчиж байна” гэлээ.
-
2016 оны 12 сарын 05
лаанбаатар хотын Ерөнхий менежер Т.Гантөмөр “Та бүхэн олон жил ТҮЦ ажиллуулж ажил, амьдралаа залгуулах гэж янз бүрийн шахалт, дарамтад орж ирсэн. Гэтэл өнөөдөр хэн дуртай нь зөвшөөрөлтэй, зөвшөөрөлгүй нь хамаагүй ТҮЦ эрхлэх болжээ. Нийслэлийн Захирагчийн ажлын албанаас ТҮЦ-ийг ажиллуулах журмыг өнгөрсөн хугацаанд НИТХ-аар хоёр ч удаа батлуулсан. Журмаар ТҮЦ-ийн зөвшөөрлийг олгох тусгай Зөвлөл бий болгоод, дүүргийн Засаг даргын мэдэлд өгснөөр энэ асуудал маш замбараагүй болсон юм. Ялангуяа 2016 оны сонгуулиар ТҮЦ эрхлэгчдээр далимдуулж маш их ашиг олсон. Энэ хууль бус өрнөсөн асуудлыг таслан зогсооно. Өнгөрсөн долоо хоногт Засаг даргын зөвлөлийн хурлаар Захирагчийн ажлын албанаас журамд нэмэлт өөрчлөлт оруулах тухай санал хэлэлцүүлсэн. Энэ санал Засаг даргын Зөвлөлөөр ороод НИТХ-аар батлагдвал хамгийн гол нь худалдаа үйлчилгээний зөвшөөрлийг дүүргээс олгохгүй болно. Өөрөөр хэлбэл, худалдаа үйлчилгээ эрхлэх аж ахуйн нэгж, иргэнд өгөх зөвшөөрөл цэгцтэй , журамтай тодорхой болно. Уг журмыг аль болох та бүхний эрх ашгийг бодолцож боловсруулж байгаа учраас та бүхний саналд нийцэх байх. Хаана ямар байршилд ТҮЦ байрлуулах вэ гэдгийг ярилцаад ерөнхий зураглал хийж байна. Зөвшөөрөлгүй газар байгаа ТҮЦ-ийг аль болох өөр боломжийн байршилд байрлуулна. 40 гаруй хоногийн өмнөөс иргэдийн саналыг авч эхэлсэн. Та бүхэн одоо ч гэсэн өөрийн саналыг өгөх боломжтой” хэмээлээ.
Нийслэлийн Газрын албаны дарга Э.Болорчулуун “Газрын албаны хувьд ТҮЦ эрхлэгчдийн худалдаа үйлчилгээ эрхлэх зөвшөөрөлтэй, зөвшөөрөлгүй нь хамаагүй. Монгол Улсын иргэн, аж ахуйн нэгж нь тухайн газрыг эзэмших гэж байгаа бол албан ёсны Засаг даргын шийдвэр, захирамжтай байх ёстой. Нийслэлийн Засаг дарга болон Захирагчийн албанаас тодорхой чиглэл гарвал бид бүхэн тухайн бодлогыг баримталж ажиллана. Одоогоор нүүлгэх шаардлагатай ТҮЦ эрхлэгчид албан ёсны шаардах хуудас өгсөн байгаа. Хууль журмын дагуу үйл ажиллагаагаа үргэлжлүүлнэ” гэсэн юм.
Түүнчлэн ТҮЦ-ийн журмыг шинэчлэхдээ тэдний саналыг авч, хамтран ажиллана гэдгээ холбогдох албаныхан хэлэв гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 12 сарын 05
Хүнс, Хөдөө Аж Ахуй, Хөнгөн Үйлдвэрийн Яамнаас арьс шир, ноос ноолуурын түүхий эдийн урамшууллын талаар мэдээлэл хийлээ.
-
2016 оны 12 сарын 05
Өнгөрсөн оны аравдугаар сарын 11-ний өдөр Баян-Өлгий аймгийн Алтай сум дахь улсын тусгай хамгаалалттай газар, Монгол Улсын баруун хил дээрх Ёлтын хавцалд ховор ан, баруун нутгийн цорын ганц хүрэн баавгайг буудан хороосон хэрэг гарсан билээ.
-
2016 оны 12 сарын 05
Эх хүүхдийн эрүүл мэндийн үндэсний төв (ЭХЭМҮТ)-ийн дутуу төрсөн нярайн тасагт зүрхний цооролыг эмчлэх, чөмөг шилжүүлэн суулгах зэрэг хүнд хагалгаа хийх боломжтой бүрджээ.
-
2016 оны 12 сарын 05
“Хар сарнай” хамтлагийн дуучин С.Амармандах ОХУ-ын иргэнд зодуулсан хэргийн талаар бид мэдээлсэн билээ. Тэгвэл С.Амармандахын өмгөөлөгч Г.Батбаяр өнөөдөр ОХУ-ын элчин сайдын яаманд албан бичиг хүргүүллээ.
-
2016 оны 12 сарын 05
Энэ өвөл цаг агаарын хувьд өмнөх жилүүдийн дунджаас эрс хүйтрэх төлөвтэй байгаа. Тиймээс цахилгаан станцуудын нүүрсний нөөцийг нэмэгдүүлж, 20 хоногт барих шаардлагатайг салбарын сайд П.Ганхүү үүрэгдлээ.
-
2016 оны 12 сарын 05
нүүрний хавдар нь буусан бөгөөд дагзны цооролт, гэмтлээс үүдсэн нөжрөлтийг арилгах эмчилгээ хийж байгаа аж.
-
2016 оны 12 сарын 05
Нийтийн тээврийн үйлчилгээ оройн цагаар тасалдаж байгаа тухай иргэдээс их гомдол ирсээр байна. Тухайлбал холын чиглэлүүдэд сүүлийн автобус нь явахгүй замаасаа буучихаад байна гэсэн мэдээлэл хотын удирдлагуудад гомдол мэдүүлээд байгаа юм.
-
2016 оны 12 сарын 05
Эрүүл мэндийн чиглэлээр үйл ажиллагаа явуулдаг ТББ-уудын өнгөрсөн онд хийсэн судалгаагаар халдварт өвчнөөр өвчлөгсдийн 24 хувийг 15-24 насны өсвөрийн залуус эзэлж байна гэсэн дүн гарчээ.
-
2016 оны 12 сарын 05
Хөвсгөл аймгийн хэмжээнд сүүлийн өдрүүдэд цас орж хальтиргаа гулгаа ихээхэн нэмэгдсэн тул аймгийн Онцгой комиссын хуралдааны шийдвэрээр хүүхдэд зориулсан нэмэлт хоёр автобусыг хичээл цуглах, тарах үед нэмэлтээр явуулж эхэллээ.
-
2016 оны 12 сарын 05
Дорноговь аймгийн Зүүнбаян тосгоныг сум болгох өөрчлөхөөр яригдаж байна. Нийт иргэд нь тосгоноо сум болгохыг дэмжиж байгаа ажээ.
-
2016 оны 12 сарын 05
Өнгөрсөн амралтын өдрүүдэд Өмнөговь аймгийн Цогцэций суманд газар хөдлөлт болсон талаар бид өмнө мэдээлсэн.
-
2016 оны 12 сарын 05
Дорнод аймгийн Дашбалбар сумын нутаг дэвсгэрт үйл ажиллагаа явуулдаг БНХАУ-ын хөрөнгө оруулалттай “Шинь шинь” компанийн уурхайд дахин осол гарч, хүний амь эрсэджээ.
-
2016 оны 12 сарын 05
Сэлэнгэ аймгийн Хүдэр сумын Баянцагаан багийн Баруун моностой гэдэг газар самарт явж байсан иргэд сураггүй болсон гэх дуудлага Онцгой байдлын ерөнхий газарт энэ сарын 2-нд иржээ.
-
2016 оны 12 сарын 05
“Хар сарнай” хамтлагийн дуучин С.Амармандахын ар гэрийнхэн болон түүний урлагт хамтран зүтгэгчид өнөөдөр ОХУ-ын Элчин сайдын яамны өмнөх талбайд жагсаал хийхээр болжээ.
-
2016 оны 12 сарын 05
Амралтын өдрүүдэд Замын цагдаагийн албаны ЖШУХ дээр нийт 533 дуудлага, мэдээ мэдээлэл хүлээн авснаас, зам тээврийн ослын 426 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 17 бүртгэгдэж, 1 хүний амь нас хохирч 20 хүн хүнд хөнгөн гэмтсэн. Согтууруулах ундааны зүйл хэрэглэсэн үедээ зам тээврийн осолд холбогдсон жолооч 3, явган зорчигч 3 өртсөн. Зам тээврийн осолд 4 хүүхэд өрсөн. Гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 98 жолоочийг илрүүлж гарч болзошгүй осол хэргээс урьдчилан сэргийлж ажилласан байна.
ХУД-ийн нутаг Интермед эмнэлэгийн зүүн замд H.Sonata маркийн авто машины жолооч Б нь явган зорчигч 50 орчим насны нэр, оршин суух хаяг тодорхойгүй эрэгтэй хүнийг мөргөж амь насыг нь хохироожээ.
Мөн СБД-ийн нутаг Ногоон нуурын гудамж, 32-ын уулзварын замд T.Prius маркийн авто маүины жолооч нь явган зорчигч 09 настай эрэгтэй С-ийг мөргөж гэмтээгээд хэргийн газрыг орхиж явсан байна.
-
2016 оны 12 сарын 05
Замын цагдаагийн алба үүсч хөгжсөний түүхт 80 жилийн ойн баяр өнөөдөр тохиож байна. Замын цагдаагийн албанд ажиллаж байсан ахмадууд, үе үеийн ахлагч, офицерийн төлөөлөл баярын хурлаа хийж, 80 жилийн түүхэн ажил хөдөлмөрөө дүгнэн ярилцлаа. Баярын хуралд Зам тээврийн хөгжлийн дэд сайд Б.Цогтгэрэл, Цагдаагийн ерөнхий газрын дарга Р.Чингис, нийслэлийн Засаг дарга бөгөөд Улаанбаатар хотын Захирагч С.Батболд нар оролцож баяр хүргэлээ. Энэ үеэр нийслэлийн Засаг дарга бөгөөд Улаанбаатар хотын Захирагч С.Батболд “Замын цагдаагийн албаны үе үеийн ажилтан алба хаагч, офицер, ахлагч нарт түүхт ойн баярын мэндийг хүргэе. Замын цагдаагийн алба нь байгуулагдсан цагаасаа замын хөдөлгөөний аюулгүй байдлыг хангах, гэмт хэрэг, зөрчлөөс сэргийлэх хариуцлагатай үүргээ нэр төртэй биелүүлсээр ирсэн. Иргэдийнхээ төлөө байгаль цаг уурын хүнд нөхцөлд хатуу тэсвэр тэвчээр гарган ажилладаг замын цагдаа нарыгаа ард түмэн үргэлж хүндэтгэж байдаг билээ. Улаанбаатар хотын зүгээс та бүхний цаашдын үйл ажиллагаанд дэмжлэг үзүүлж, хамтран ажилласаар байх болно. Та бүхний цаашдын ажил хөдөлмөрт өндөр амжилт хүсье” хэмээгээд Замын цагдаагийн албыг “Хангарьд” одонгоор шагналаа.
Баярын үйл ажиллагаанд Замын цагдаагийн албанд ажиллаж байсан ахмадууд, үе үеийн алба хаагчдын төлөөлөл, өдгөө тус албанд үүрэг гүйцэтгэж буй алба хаагчид оролцсон юм. Өргөсөн тангарагтаа үнэнч байж, эрхэлсэн ажилдаа амжилт гаргасан Замын цагдаагийн албаны алба хаагчид хөдөлмөр, зүтгэлээ үнэлүүлэн, шагнал хүртлээ.
-
2016 оны 12 сарын 05
Сонгинохайрхан дүүргийн 24 дүгээр хорооны Баруун салаа, Сонгинохайрхан дүүргийн 7 дугаар хорооны Баян-Хошуу орчимын иргэдээс ирүүлсэн санал хүсэлт, зорчих эрэлтэд хийсэн судалгаанд үндэслэн Ч:41 “Баруун салаа-Их тойруу-Сансарын тойрог” чиглэлийн замналд өөрчлөлт оруулж “Сансарын тойрог”-оос “Халдвартын эмнэлэг” хүртэл 2 км сунгалаа. Үйлчилгээг энэ сарын 05-ны өдрөөс эхлүүлэхээр төлөвлөөд байна.
Ч:41 буюу “Баруун салаа-Их тойруу-Халдвартын эмнэлэг” чиглэлд 10 автобус 10 минутын хүлээгдлийн хугацаатайгаар үйлчилнэ. Үйлчилгээтэй холбоотой санал, хүсэлтийг 11323176, 11321490 дугаарын утсаар өгөх боломжтой гэж Нийслэлийн тээврийн газраас мэдээллээ.
