-
2016 оны 2 сарын 04
САР ШИНИЙН БАЯРЫН ҮЕЭР НИЙСЛЭЛИЙН ХУДАЛДАА, ҮЙЛЧИЛГЭЭНИЙ ГАЗРУУДЫН АЖИЛЛАХ ЦАГИЙН ХУВААРЬ
МЭДЭЭ, МЭДЭЭЛЭЛ ЦАГ ҮЕИЙН МЭДЭЭ
2016-02-04 10:31:32
ХУДАЛДАА, ҮЙЛЧИЛГЭЭ
Худалдаа, үйлчилгээний байгууллагууд баярын өдрүүдэд дараах цагийн хуваарийн дагуу ажиллана. Хүнсний дэлгүүрүүд 02 дугаар сарын 08-нд 09.00-24.00 цагт ажиллаж, 02 дугаар сарын 09, 10, 11-нд амарч, 02 дугаар сарын 12-ноос эхлэн ердийн цагийн хуваарийн дагуу ажиллана.
“Номин холдинг” ХХК –ны салбар дэлгүүрүүд 02 дугаар сарын 08–нд 09.00–22.00 цаг, бүх хайпермаркет, супермаркетууд 08.30-22.30 цагт ажиллаж, шинийн 1 буюу 02 дугаар сарын 09–нд амарна. Шинийн 2 буюу 02 дугаар сарын 10–нд бүх сүлжээ дэлгүүр, супермаркетууд 10.00 -20.00 цагийн хооронд ажиллана. Шинийн 3 буюу 02 дугаар сарын 11-с эхлэн Номингийн бүх салбарууд ердийн цагийн хуваарийн дагуу ажиллана.
“Алтан жолоо трейд” ХХК –ны “Сансар” сүлжээний дэлгүүрүүд битүүнд буюу 02 дугаар сарын 08–нд 08.00-23.00 цагт ажиллаж, бөөний төвүүд 09.00-21.00 цагт ажиллана. Шинийн 1 буюу 02 дугаар сарын 09-нд “Сансар” сүлжээний супермаркетууд 11.00 -21.00 цагт ажиллаж, шинийн 2 буюу 10-нд 10.00 -21.00 цагт ажиллана. Шинийн 1, 2 буюу 02 дугаар сарын 09, 10-нд бөөний төвүүд амарна. Шинийн 3, 4 буюу 02 дугаар сарын 11, 12-нд “Сансар” супермаркетууд 09.00 -22.00 цагт, бөөний төвүүд 10.00-20.00 цагт ажиллаж, “Сансар”-10 бөөний төв амарна. 02 дугаар сарын 13-с эхлэн бүх сүлжээ дэлгүүрүүд ердийн цагийн хуваарийн дагуу ажиллана.
“Боса” сүлжээний дэлгүүрүүд 02 дугаар сарын 08–нд 09.00–22.00 цаг хүртэл ажиллаж, сүлжээний бүх дэлгүүрүүд шинийн 1 буюу 02 дугаар сарын 09-нд 12.00–20.00 цагийн хооронд ажиллана. Шинийн 2 буюу 02 дугаар сарын 10-ны өдрөөс эхлэн ердийн цагийн хуваарийн дагуу ажиллана.
Сонгинохангай ХХК-ны “Миний дэлгүүр” сүлжээний дэлгүүрүүд 02 дугаар сарын 08–нд 08.30–22.00 цагт ажиллаж, бүх сүлжээ дэлгүүрүүд шинийн 1 буюу 02 дугаар сарын 09-нд амарна. Шинийн 2 буюу 02 дугаар сарын 10-нд 10.00-18.00 цагт ажиллаж, шинийн 3 буюу 02 дугаар сарын 11–с эхлэн ердийн цагийн хуваарийн дагуу ажиллана.
“Скай” их дэлгүүр битүүн буюу 02 дугаар сарын 08 –нд 09.00 22.00 цагт ажиллана. 02 дугаар сарын 09, 10, 11–нд амраад, 02 дугаар сарын 12–с эхлэн ердийн цагийн хуваарийн дагуу ажиллана.
“Нарантуул” худалдааны төв 02 дугаар сарын 08-нд 10.00-19.00 цагт ажиллаж, 02 дугаар сарын 09–с эхлэн 02 дугаар сарын 18–ныг дуустал амарна. 02 дугаар сарын 19–с эхлэн ердийн цагийн хувиарийн дагуу ажиллана.
“Хар хорин” худалдааны төв 02 дугаар сарын 01-08-ныг дуустал 09.00-19.00 цагт бүтэн ажиллаж, 02 дугаар сарын 09-с 02 дугаар сарын 12–ныг дуустал амарна. 02 дугаар сарын 13–с эхлэн ердийн цагийн хуваарийн дагуу ажиллана.
“Барс” 1,2 худалдааны төвүүд битүүнд буюу 02 дугаар сарын 08–нд 09.00-19.00 цаг хүртэл ажиллаж, шинийн 1 буюу 02 дугаар сарын 09-12-ныг дуустал амраад, 02 дугаар сарын 13-ны өдрөөс эхлэн ердийн цагийн хуваарийн дагуу ажиллана.
“Хүчит шонхор” худалдааны төв битүүнд 02 дугаар сарын 08–ны өглөө 06.00–18.00 цагт ажиллаж, шинийн 1 буюу 02 дугаар сарын 09-16-ныг дуустал амраад, 02 дугаар сарын 17–с эхлэн ердийн цагийн хуваарийн дагуу ажиллана.
“Да хүрээ трейд” техникийн зах 02 дугаар сарын 08–нд 09.00–15.00 цаг хүртэл ажиллаж, шинийн 1 буюу 02 дугаар сарын 09-14–нийг дуустал амраад, 02 дугаар сарын 15–с эхлэн ердийн цагийн хуваарийн дагуу ажиллана.
Аж үйлдвэрийн барааны дэлгүүрүүд 02 дугаар сарын 08-нд 10.00-21.00 цагт ажиллаж, 02 дугаар сарын 09, 10, 11–нд амраад, 02 дугаар сарын 12–с эхлэн ердийн цагийн хуваарийн дагуу ажиллана.
НИЙТИЙН ХООЛ
Нийтийн үйлчилгээтэй ресторан, кафе, цайны газар, түргэн хоолны газрууд 02 дугаар сарын 08–нд бүтэн ажиллаж, 02 дугаар сарын 09, 10, 11–нд амраад, 02 дугаар сарын 12–с эхлэн ердийн цагийн хуваарийн дагуу ажиллана.Тусгай захиалгат үйлчилгээтэй 1 дүгээр зэрэглэлийн ресторанууд цагийн хуваарийн дагуу ажиллана.
Баар цэнгээний газрууд 02 дугаар сарын 08–нд 15.00–04.00 цагт ажиллаж, 02 дугаар сарын 09, 10, 11–нд амраад, 02 дугаар сарын 12–с эхлэн ердийн цагийн хуваарийн дагуу ажиллана.
Үйлдвэр, албан байгууллагын дэргэдэх хоолны газрууд тухайн байгууллагынхаа ажиллах цагийн хуваарийг дагаж мөрдөн ажиллана.
АХУЙН ҮЙЛЧИЛГЭЭ
Үсчин, гоо сайхны үйлчилгээний газрууд 02 дугаар сарын 08–нд 2 ээлжтэй салон 09.00–21.00 цаг, 1 ээлжтэй газар 10.00 -17.00 цагт ажиллаж, 02 дугаар сарын 09, 10, 11–нд амарна. 02 дугаар сарын 12-с ердийн цагийн хувиараар ажиллана.
Хувцас, гутал, ахуйн электрон цахилгаан хэрэгсэл засварын газрууд болон хими цэвэрлэгээ, угаалгын газрууд 02 дугаар сарын 08–нд 09.00-19.00 цаг хүртэл ажиллаж, 02 дугаар сарын 09, 10, 11-нд амарна. 02 дугаар сарын 12–с эхлэн бүх үйлчилгээ ердийн цагийн хуваарийн дагуу явагдана.
УЛААНБААТАР ХОТЫН ШУУРХАЙ УДИРДЛАГА ЗОХИЦУУЛАЛТЫН ТӨВ
Шуурхай ажиллагааны алба 24 цагаар тогтмол ажиллаж, иргэд оршин суугчдаас орон сууцны үйлчилгээ, цахилгаан, дулаан, ус хангамж, нийтийн тээвэр зэрэг Улаабаатар хотын Захирагчийн ажлын албаны харъяа байгууллага, газар, хэлтсүүдээс үзүүлж буй үйлчилгээний талаар гарсан гомдол саналыг хүлээн авч ажиллана.
Шуурхай үйлчилгээний алба – гомдол, саналыг 310005, 70117805, 76111005 дугаарын утсаар тус тус хүлээн авч шуурхай үйлчилнэ.
ЦАХИЛГААН ХАНГАМЖ
Цахилгаан шугам сүлжээний газрын диспетчер, шуурхай ажиллагааны бригад 24 цагаар ажиллаж, цахилгааны гэмтэл саатлын талаар гарсан гомдол саналыг Төвийн хэсгийн шуурхай үйлчилгээний алба - 343048, 343004, Баруун түгээх төвийн шуурхай үйлчилгээний алба - 345909 / БГД, СХД, ХУД /, Зүүн түгээх төвийн шуурхай үйлчилгээний алба - 353570 / СБД, ЧД, БЗД / дугаарын утсаар тус тус хүлээн авч барагдуулна.
УС ХАНГАМЖ
“Сар шинийн баяр” –ын өдрүүдэд ажиллах гэр хорооллын ус түгээх байруудын ажиллах цагийн хуваарь
А. Зөөврөөр /машин/ ус түгээх байрууд /ЗУХА/
Сар өдөр
Гариг
Ажиллах цаг
Энгийн өдрүүдэд ажиллах
цагийн хуваарь Баярын өдрүүдэд ажиллах
цагийн хуваарь
II/08 Даваа Амарна
10:00 -14:00
15:00 -19:00
II/09 Мягмар 10:00 -14:00
15:00 -19:00 Амарна
II/10 Лхагва 10:00 -14:00
15:00 -19:00 Амарна
II/11 Пүрэв Амарна
10:00 -14:00
15:00 -19:00
II/12 Баасан 10:00 -14:00
15:00 -19:00 10:00 -14:00
15:00 -19:00
Б. Төвлөрсөн шугамд холбогдсон ус түгээх байрууд /СНА/
Сар өдөр
Гариг
Ажиллах цаг
Энгийн өдрүүдэд ажиллах
цагийн хуваарь Баярын өдрүүдэд ажиллах
цагийн хуваарь
II/08 Даваа Амарна
10:00 -14:00
15:00 -19:00
II/09 Мягмар 10:00 -14:00
15:00 -19:00 Амарна
II/10 Лхагва 10:00 -14:00
15:00 -19:00 10:00 -14:00
Амарна
II/11 Пүрэв 10:00 -14:00
Амарна 10:00 -14:00
15:00 -19:00
II/12 Баасан Амарна
15:00 -19:00 Амарна
15:00 -19:00
Жич: Баярын өдрүүдэд УСУГ болон, Зөөврийн ус хангамжийн алба, Салбаруудын нэгдсэн албадууд дээр хариуцлагатай жижүүрүүд ажиллана. Ачаалал ихтэй цэгүүдэд салаалагч гаргаж ус түгээж үйлчилнэ.Үйлчилгээний талаарх санал гомдол, дуудлагыг 70157066, 70157016, Зөөврийн ус хангамжийн албаны 70157025 утсуудаар авч байна.
ОРОН СУУЦ , НИЙТИЙН АЖ АХУЙ
Орон сууц нийтийн аж ахуйн удирдах газар, түүний харъяа салбар компаний ээлжийн инженерүүд, засварчин, цахилгаанчид 24 цагаар ажиллан, иргэд оршин суугчдаас орон сууцны үйлчилгээ, цахилгаан, дулаан, ус хангамжийн талаар гарсан санал, гомдлыг 325595 дугаарын утсаар хүлээн авч барагдуулна. Аваарийн ангитай 325595 дугаарын утсаар харилцана. ОСНААУГазар дээр ариутгах татуургын машин 24 цагаар дуудлага авч ажиллана.
“Орон сууц ашиглалтын” орон нутгийн өмчит газруудын утасны жагсаалт:
№ Байршил Харьяа салбар компаниуд Ээлжийн инженер,
оператор
1 Төвийн түгээх төв Төвийн түгээх төв 245733
2 Баруун түгээх төв Баруун түгээх төв 70282484
3 Зүүн түгээх төв Зүүн түгээх төв 70006560
4 Улаанхуаран Хэрэглэгчдэд үйлчлэх төв -1 70156722
5 Дэнж найрамдал Хэрэглэгчдэд үйлчлэх төв -2 454050
6 Дэнж сансар Хэрэглэгчдэд үйлчлэх төв -3 450697
7 Их алтан тэвш Хэрэглэгчдэд үйлчлэх төв -4 70111409
8 Зүүн сэлбэ Хэрэглэгчдэд үйлчлэх төв -5 329047
9 Батдулаан Хэрэглэгчдэд үйлчлэх төв -6 70115026
10 Чинхүрээ Хэрэглэгчдэд үйлчлэх төв -7 70115764
11 Энхтулга -Өргөө Хэрэглэгчдэд үйлчлэх төв -8 70003227, 321641
12 Ганзам Хэрэглэгчдэд үйлчлэх төв -9 367152
13 Түшээ дунд гол Хэрэглэгчдэд үйлчлэх төв -10 341826
14 Баруун их нарлаг Хэрэглэгчдэд үйлчлэх төв -11 70120203, 70122088
15 Гандан дэнж Хэрэглэгчдэд үйлчлэх төв -12 70149711
16 Хүрээ дэнж Хэрэглэгчдэд үйлчлэх төв -13 77065560
17 Ашид мөнх Хэрэглэгчдэд үйлчлэх төв -14 70187491
18 Өнөр энх Хэрэглэгчдэд үйлчлэх төв -15 70282966
19 Таван шар Хэрэглэгчдэд үйлчлэх төв -16 70180015
Жич:Улаанбаатар дулааны сүлжээ ТӨХК –ны шуурхай зохицуулалт горим тохируулгын албаны диспетчер 24 цагаар ажиллана.Холбогдох утас: Диспетчер -343047, 343030
-75759047 -255
Шуурхай ажиллагааны утас: 1800 -1290
ИРГЭДЭД ҮЙЛЧЛЭХ “ УЛААНБААТАР БУЯН” КОМПАНИ
“Улаанбаатар Буян” компани баярын өдрүүдэд ердийн цагийн хуваарийн дагуу 09.00 -15.00 цагийн хооронд амралтгүй ажиллана.
УЛААНБААТАР ХОТЫН ЗАХИРАГЧИЙН АЖЛЫН АЛБА
-
2016 оны 2 сарын 04
12:00 цагт УБТЗ-ын төв байранд УБТЗ-ын дарга Л.Пүрэвбаатар, ”Хавдрын үндэсний зөвлөл” ТББ-тай 3 жилийн хугацаатай хамтын ажиллагааны гэрээнд гарын үсэг зурна.
-
2016 оны 2 сарын 04
Тухайн өдөр бар, туулай, бич, тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж биеэ энхрийлүүштэй. Эл өдөр насан бүтээл хийгээд хишиг даллага дуудуулах, өглөг өгөх, төмөр, шаврыг цутгах, чимэг зүүх, залбирал үйлдэх, хэв сийлэх, хулгай, дээрмийг дарах, дайсныг номхотгох үйл, эм найруулах, шинжлэхүй, абшиг хүртэх, бэрийн үйл, дайсныг номхотгох, үс угаахад сайн. Бэрийн үйл, үнэт эдлэлийг гадагш өгөх, найрамдах, бэрийн үйл, хатуу үйл, үхээрийн үйлд муу. Замд гарвал эдийг олох, тахилыг олон хүртэнэ. Баруун нүд татвал хувцас олох бөгөөд зүүн татвал хэрүүл тэмцэл болно. Баруун чих хангинавал олноо хүндлэгдэх. Тагнай эрвэгнэвэл үзэсгэлэнтэй болно. Бүх бие татвал аюул болохын нигуур. Шилбэний мах татвал дам үг ирнэ. Өдрийн сайн цаг нь могой, бич, тахиа, гахай, бар, луу болой. Үс шинээр үргээлгэх буюу засуулбал жаргал үргэлжид ирнэ.
-
2016 оны 2 сарын 04
2016 оны 02 дугаар сарын 03-ны 20 цагаас 02 дугаар сарын 04-ний 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Солигдмол үүлтэй. Цас орохгүй. Зөөлөн салхитай. Завхан голын эхээр шөнөдөө 45-50 градус, өдөртөө 35-40 градус, Увс нуур болон Их нууруудын хотгор, Идэр, Тэс голын хөндий, Хүрэн бэлчир орчмоор шөнөдөө 38-43 градус, өдөртөө 26-31 градус, Алтайн өвөр говиор шөнөдөө 17-22 градус, өдөртөө 8-13 градус, бусад нутгаар шөнөдөө 26-31 градус, өдөртөө 13-18 градус хүйтэн байна.
ТӨВИЙН АЙМГУУДЫН НУТГААР: Солигдмол үүлтэй. Шөнөдөө нутгийн өмнөд хэсгээр бага зэргийн цас орно. Өдөртөө цас орохгүй. Салхи баруун хойноос секундэд 5-10 метр. Дархадын хотгороор шөнөдөө 36-41 градус, өдөртөө 25-30 градус, Хэнтэйн уулархаг нутаг, Хараа, Ерөө, Туул, Тэрэлж голын хөндийгөөр шөнөдөө 28-33 градус, өдөртөө 16-21 градус, бусад нутгаар шөнөдөө 23-28 градус, өдөртөө 11-16 градус хүйтэн байна.
ЗҮҮН АЙМГУУДЫН НУТГААР: Үүлшинэ. Цас орохгүй. Салхи баруун хойноос секундэд 5-10 метр. Дарьгангын тал нутаг, Хэрлэн голын эх, Халх голын сав газраар шөнөдөө 25-30 градус, өдөртөө 12-17 градус, бусад нутгаар шөнөдөө 20-25 градус, өдөртөө 8-13 градус хүйтэн байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруун өмнөөс секундэд 5-10 метр. Шөнөдөө 28-30 градус, өдөртөө 15-17 градус хүйтэн байна.
ГОВИЙН АЙМГУУДЫН НУТГААР: Үүлшинэ. Шөнөдөө зарим газраар бага зэргийн цас орно. Өдөртөө цас орохгүй. Салхи баруун хойноос секундэд 5-10 метр. Өмнөговийн нутгаар шөнөдөө 18-23 градус, өдөртөө 6-11градус, бусад нутгаар шөнөдөө 23-28 градус, өдөртөө 11-16 градус хүйтэн байна.
УЛААНБААТАР ХОТ: Үүлшинэ. Цас орохгүй. Салхи зүүн хойноос секундэд 5-10 метр. Шөнөдөө Яармаг-Сонгины орчмоор 31-33 градус, бусад хэсгээр 26-28 градус, өдөртөө 16-18 градус хүйтэн байна.
-
2016 оны 2 сарын 03
Дохиололтой бөхөнгүүдийн хоёр нь үхжээ
Дэлхийн байгаль хамгаалах сан (WWF) гийн Монгол дахь хөтөлбөрийн газрын санаачилгаар Байгаль, зэрлэг амьтан хамгаалах нийгэмлэг, Говь-Алтай аймгийн Байгаль орчны газар болон “Бөхөн хамгаалах сүлжээ баг” хамтран өнгөрсөн оны есдүгээр сард монгол бөхөнд сансрын дохиололтой хүзүүвч зүүж эхэлсэн. Бөхөнд зүүсэн хүзүүвч нэг жил, гурван сарын хугацаанд мэдээлэл дамжуулах бөгөөд холбогдох мэргэжилтнүүд бөхөнгүүдээс 2015 оны есдүгээр сарын 3-наас өнгөрсөн сарын 3 хүртэлх хугацаанд “ирүүлсэн”, 93 хоногийн мэдээллийг боловсруулж дуусчээ. Дээрх байгууллагууд найман эм бөхөнд хүзүүвч зүүснээс нэг нь Хүйсийн говьд 25 хоноод, бас нэг нь Шаргын говьд 15 хоноод үхжээ. Тэднийг махчин амьтад болон зуданд өртсөн байж болзошгүй гэж бөхөн хамгаалагчид таамаглаж байна. Хүйсийн говь дахь нэг бөхөн 93 хоногт 1240 км зам туулсан байна. Энэ нь бөхөн хоногт дунджаар 13.3 км нүүдэллэсэн гэсэн үг. Хамгийн бага нүүдэллэсэн нь хоногт 7.6 км зам туулжээ.
Сансрын дохиолол бүхий хүзүүвч зүүх уг ажил нь монгол бөхөнгийн нүүдэл шилжилт, эзэмшил нутгийг нарийвчлан тогтоох, популяцын эмзэг байдлын үнэлгээний суурь мэдээлэл бүрдүүлэх, энэ амьтанд авто зам ямар нөлөө үзүүлж буйг тооцох зорилготой юм.
-
2016 оны 2 сарын 03
Нэгдүгээр сарын 31-ний өдөр явагдсан НӨАТ-ын урамшууллын сугалаанд Улаанбаатар хотын Хан-Уул дүүргийн иргэн Ц.Болдын гэр бүл 20 сая төгрөг хожжээ.
20 сая төгрөг хожсон гэр бүлийн эзэгтэй А.Урангуа өнөөдөр гурван хүүхдийн хамт НӨАТУС төслийн нэгжийн байранд ирж 20 сая төгрөгийн эрхийн бичгээ гардан авлаа.
Түүнтэй 20 сая төгрөг хожсон сэтгэгдлээс нь хуваалцлаа.
А.Урангуа ”20 сая төгрөг хожсон баримт бол охиндоо юм авсан баримт байсан. Би тэр баримтыг бүртгүүлчхээрэй гээд нөхөртөө өгсөн юм.
Манай нөхөр гэрийнхээ худалдан авалт хийсэн баримтуудыг бүртгүүлээд явдаг. Өчигдөр нөхрийг маань ажил дээрээ байхад нь ”ГТЕГ-аас ярьж байна. Та сугалаанаас 20 сая төгрөг хожсон байна” гэж хэлсэн гэсэн. Нөхөр маань тухайн үедээ итгээгүй, найзууд нь тоглож байгаа байх гэж бодоод юу ч гэсэн аккаунтаа шалгаад үзье гэж бодоод шалгасан байгаа. Тэгтэл үнэхээр 20 сая төгрөг хожсон байж. Өөртөө итгэхгүй, 20 саяын арын тэгүүдийг тоолж чадахгүй самгардаад ажлынхаа газрын хүнээр харуулж байж итгэсэн гэсэн.
Над руу яриад хэлэхэд нь би бас итгээгүй. Хөхүүл хүүхэдтэй эхнэрээрээ тоглож болохгүй шүү гэтэл үнэхээр хожсон гэхээр нь л итгэсэн дээ.
Манайх хоёр хүүтэй байж байгаад хонин жилд охинтой болсон. Охин маань гэр бүлдээ аз авчирч 20 сая төгрөг хожлоо”
- Хонжвороороо юу хийх төлөвлөгөөтэй байгаа вэ?
- Одоогоор яг юу хийх ээ төлөвлөөгүй байна. Ямар ч гэсэн хамаатан садныхаа хүүхдүүдийг баярлуулна гэж бодож байна. Бас Цагаан сар болж байгаа юм чинь хөгшчүүлээ баярлуулна аа.
- Баримтуудаа байнга л бүртгүүлдэг бололтой. Одоо хэчнээн төгрөгийн НӨАТ-ын буцаан авалт авахаар байгаа вэ?
- Манайх одоогоор 18,000 төгрөгийн буцаан авалт авахаар болоод байгаа. Бүртгүүлж байгаа баримтууд маань баталгаажсан эсэх, хэдэн төгрөгийн урамшуулал авах зэрэг нь бүгд харагддаг болохоор амар байдаг.
Ард иргэддээ хандаж баримтаа сайн бүртгүүлж байгаарай. Танд ч гэсэн аз ирнэ шүү гэж хэлмээр байна.
НӨАТ-ын сугалааны хонжвороос ямар ч татвар авахгүй, 100 хувь эзэнд нь олгох юм байна.
-
2016 оны 2 сарын 03
МУСТА дуучин Д.Дариймаа дуулж олны хүртээл болгосон “Монголоороо байгаасай” хэмээх дууг “Ард түмнээ хайрлая” намын дарга Л.Гүндалай дуулж, клип хийлгэсэн нь олон нийтийн цахим сүлжээгээр тархаад буй. Тэрбээр дууны шүлгийг зохиосон Б.Цогжилт, хөгжмийн зохиолч Баян нараас албан ёсны зөвшөөрөл аваагүй аж. Тиймээс уг дууг өмчлөх эрхтэй уран бүтээлчид оюуны өмч хулгайлсан хэргээр шалгуулахаар болсон гэнэ. Үүнтэй холбогдуулан гишүүн асан Л.Гүндалай маргааш “Үндэсний мэдээллийн төв”-д сэтгүүлчдэд мэдээлэл хийх болсноо зарлалаа.
-
2016 оны 2 сарын 03
УИХ-аас 2015 оны 7 сарын 8-ны өдөр “Замын хөдөлгөөний аюулгүй байдлын тухай хууль”-ийг шинэчлэн батласан бөгөөд уг хуулийн 8 дугаар зүйлийн 8.3 дахь хэсгийн заалтыг үндэслэн Хууль зүйн сайдын 2015.08.28-ны өдрийн А/187 дугаар тушаалаар “Жолоочийн зөрчлийн бүртгэлийн оноо тооцох журам”-ыг баталсан.
Журмыг 2015 оны 9 сарын 1-ны өдрөөс эхлэн мөрдөхөөр заасан боловч оноо тооцох техник технологи, программ хангамж, бэлтгэл ажлын хувьд тооцох боломжгүй байсан ба 2016 оны 2 сарын 1-ны өдрөөс эхлэн мөрдөж ажиллаж байна.
Жолоочийн зөрчлийн бүртгэлийн оноо тооцох нь зам тээврийн осол, зөрчлөөс урьдчилан сэргийлж, учрах хохирлыг багасгах, жолооч нарын сахилга хариуцлагыг дээшлүүлж, замын хөдөлгөөнд соёлтой оролцуулахад чиглэгдсэн бөгөөд зөвхөн хасах биш зөрчил гаргаагүй тохиолдолд урамшуулах асуудлыг зохицуулж өгсөн.
Журамд зааснаар зөрчлийн онооны дээд хэмжээ 10 байхаар заасан бөгөөд Замын хөдөлгөөний аюулгүй байдлын тухай хууль зөрчснөөс хүний амь нас эрүүл мэнд, эд хөрөнгөнд ноцтой хохирол учруулдаг доорх 18-н тохиолдолд хуулийн дагуу торгох шийтгэл ногдуулж, зөрчлийн оноог дараах хэмжээгээр хасхаар заасан:
1 оноо хасах тохиолдолууд
1. Тээврийн хэрэгсэл жолоодох эрхгүй этгээдэд жолоог шилжүүлсэн жолооч /192.000/
2. Замын хөдөлгөөний аюулгүй байдлыг хангаж чадахааргүй өвчтэй буюу ядарсан үедээ тээврийн хэрэгсэл жолоодсон, мөн этгээдэд тээврийн хэрэгслийн жолоог шилжүүлсэн жолооч /48.000, 19.200/
3. Замын хөдөлгөөнд оролцохдоо хамгаалах бүс, хамгаалах малгай хэрэглээгүй жолооч /9.600/
4. Замын хөдөлгөөнд оролцохдоо зорчигчид хамгаалах бүс, хамгаалах малгай хэрэглүүлээгүй жолооч /9.600/
5. Гэрлэн дохио болон цагдаагийн алба хаагчийн хориглосон дохиог зөрчин замын хөдөлгөөнд оролцсон жолооч /19.200/
6. Тууш замын хөдөлгөөний журам зөрчсөн жолооч /19.200/
7. Хүн ба ачаа тээвэрлэх журам зөрчсөн жолооч /96.000, 192.000/
a. 2 оноо хасах тохиолдолууд
8. Тухайн тээврийн хэрэгслийн ангилалд тохирох үнэмлэхгүй үедээ тээврийн хэрэгсэл жолоодсон жолооч /192.000/
9. Согтууруулах ундаа, мансууруулах бодис, сэтгэцэд нөлөөт эм бэлдмэл хэрэглэсэн этгээдэд жолоог шилжүүлсэн жолооч /96.000/
10. Улсын бүртгэлийн дугааргүй, тогтоосон хугацаанд дугаараа аваагүй буюу дугаараа нуун далдалсан тээврийн хэрэгслээр замын хөдөлгөөнд оролцсон жолооч /96.000/
11. Зам тээврийн осолд холбогдсон жолооч ЗХД-д заасан үүргээ биелүүлээгүй жолооч /96.000/
12. Замын хөдөлгөөний дүрэмд зааснаар гүйцэж түрүүлэхийг хориглосон газарт гүйцэж түрүүлэх үйлдэл хийсэн жолооч /19.200/
13. Замын хөдөлгөөний дүрэмд заасан тээврийн хэрэгслийн хурдыг зөвшөөрөгдсөн дээд хязгаараас тавь хүртэл хувиар хэтрүүлсэн жолооч /19.200/
14. Давуу эрх бүхий явган зорчигчид зам тавьж өгөөгүй жолооч /9.600/
15. Механикжсан ТХ-ийн ажлын тоормозны систем, жолооны механизм ажиллахгүй, чиргүүлийн холбоос эвдэрсэн, харанхуй буюу үзэгдэх орчин хязгаарлагдмал үед гадна талын гэрэлтүүлэх хэрэгсэл нь бүрэн бус тээврийн хэрэгсэл жолоодож замын хөдөлгөөнд оролцсон жолооч /48.000/
3 оноо хасах тохиолдолууд
16. Төмөр замын гарам нэвтрэх журам зөрчсөн жолооч /48.000/
17. ТХ-ийн тусгай дуут болон гэрлэн дохио тавьж, ашиглахтай холбоотой, хууль тогтоомж зөрчсөн жолооч /96.000/
5 оноо хасах тохиолдол
18. Замын хөдөлгөөний аюулгүй байдалтай холбоотой хууль тогтоомжийг зөрчсөнөөс зам тээврийн осол үйлдсэн болох нь эрх бүхий байгууллага, албан тушаалтны хуульд нийцүүлэн гаргасан шийдвэрээр тогтоогдсон тохиолдолд буруутай жолоочоос хасна.
Зөрчлийн оноо хасагдсанаас хойш 1 жилийн хугацаанд дахин ЗХАБТХ, тогтоомж зөрчөөгүй жолоочийн хамгийн сүүлийн хасагдсан оноог сэргээж, Мөн зөрчил гаргалгүй 2 жил өнгөрсөн тохиолдолд 10 оноог сэргээж урамшуулна гэж заасан.
-
2016 оны 2 сарын 03
Өвөрхангай аймгийн Хархорин сум дахь сум дундын прокурорын газраас 2016 оны 01 дүгээр сард харьяалан хяналт тавин ажилладаг Хархорин, Бат-Өлзий, Хужирт, Есөнзүйл, Бүрд, Өлзийт, Баян-Өндөр сумдын 2015 оны эрүүгийн нөхцөл байдлыг судаллаа.
2015 онд тус прокурорын газрын харьяалан ажилладаг сумдад нийтдээ 206 гэмт хэрэг үйлдэгдсэн ба гэмт хэрэг үйлдэгдсэн сумдаар нь авч үзвэл Баян-Өндөр суманд 15 хэрэг буюу 7.9 хувь, Хархорин суманд 68 хэрэг буюу 34.8 хувь, Бат-Өлзий суманд 29 хэрэг буюу 14.8 хувь, Хужирт суманд 43 хэрэг буюу 22 хувь, Есөнзүйл суманд 13 хэрэг буюу 6.6 хувь, Бүрд суманд 13 хэрэг буюу 6.6 хувь, Өлзийт суманд 14 хэрэг буюу 7.1 хувь нь тус тус үйлдэгджээ.
2015 онд үйлдэгдсэн гэмт хэргийг урьд оны мөн үетэй харьцуулахад 27 хэрэг буюу 11.5 хувиар буурсан байна.
Дээрх сумдуудад үйлдэгдсэн гэмт хэргийг зүйлчлэлээр нь авч үзвэл хүчиндэх гэмт хэрэг 8 буюу 3.9 хувийг, танхайрах гэмт хэрэг 2 буюу 1 хувийг, бусдын биемахбодид хөнгөн, хүндэвтэр, хүнд гэмтэл учруулах гэмт хэрэг 84 буюу 40.8 хувийг, тээврийн хэрэгслийн хөдөлгөөний аюулгүй байдлын эсрэг гэмт хэрэг 4 буюу 1.9 хувийг, бусдын эд хөрөнгийг хулгайлах гэмт хэрэг 91 буюу 44.2 хувийг, Ойн тухай хууль тогтоомж зөрчих гэмт хэрэг 7 буюу 3.4 хувийг, бусад төрлийн гэмт хэрэг 10 буюу 4.8 хувийг тус тус эзэлж байна.
Дээрх хэргүүдээс хүчиндэх, бусдын эд хөрөнгийг хулгайлах гэмт хэргүүд 8.2-62.5 хувиар, мөн согтуугаар үйлдэгдсэн гэмт хэрэг 5 буюу 14.7 хувиар өсчээ.
Дээрх эрүүгийн нөхцөл байдлуудад дүгнэлт хийж, тус прокурорын газраас сумдын гэмт хэргийн нөхцөл байдалд дүгнэлт хийж, гэмт хэрэгтэй тэмцэх, түүнээс урьдчилан сэргийлэх ажилд идэвхи санаачлагатай оролцож, тодорхой ажил зохион байгуулан үр дүнг тооцож ажиллах талаар харьяа 7 сумдын Гэмт хэргээс урьдчилан сэргийлэх салбар зөвлөлийн дарга нарт прокурорын мэдэгдэл, Засаг дарга нарт танилцуулга бичиж хүргүүлсэн байна.
-
2016 оны 2 сарын 03
Эко констракшны Кинг таур хотхоны зарим оршин суугчаас байрны 0 давхарт буюу гражид авто угаалага ажиллуулж, тав тух алдагдуулж байгаа талаар бидэнд мэдээлэл өглөө.
Үнэхээр угаалга ажлуулж байгаа эсэхийг бид газар дээр нь очиж нягталж үзэхэд үйл ажиллагаа явуулах албан ёсны зөвөөрөл гээд харуулчих зүйл байсангүй. Харин уг авто угаалгыг хариуцсан гэх хүн байрны оршин суугчид зөвшөөрсөн гэсэн гарын үсэг бүхий бичиг үзүүлж, зөвшөөрөл болон холбогдох асуудлаар тодруулах утасны дугаар өгснөөр холбогдоход хариу өгсөнгүй.
Уг авто угаалга нь 24 цагаар ажилладаг бөгөөд шөнөжин тачигнах комтрессорын дуу чимээнд нэг давхрын айлууд нь унтаж амарч ч чаддагүй гэж учирлаж байв. Үүнээс гадна байрны хоёр давхарт нь төрөөд удаагүй нялх хүүхэдтэй айл байдаг бөгөөд хүүхэд нь зогсоо зайгүй ажиллах моторын дуунд байнга цочиж сэрэн уйлдаг талаар оршин суугчдын фэйсбүүк групп дээр бичигдэж байсан. Сөрөг асуудал үүгээр ч дуусахгүй уг автоугаалгын лаг шавар бохирын шугамыг удаа дараа бөглөж, бохир усны шугам задарч, граж усанд автаж байсныг оршин суугчид хэлж байсан.
Иргэдийн яриагаар уг авто угаалгын газрыг Эко констракшны захирлын “дүү” ажиллуулдаг гэнэ. Ер нь ийн байрны доор угаалга ажиллуулж байгаа нь хэр зохимжтой вэ? Энэ нь цаашлаад барилгад чийгшил, мөөгөнцөр үүсэх үндэс болж иргэдийн эрүүл мэнд, аюулгүй байдалд ч нөлөөлөхийг үгүйсгэх газаргүй. Ийм энэ бүгдийг Мэргэжлийн Хяналтын Ерөнхий газар болон холбогдох байгууллагууд нь анхааралдаа авч, иргэдийн аюулгүй орчинд амьдрах нөхцлийг бүрдүүлэхэд анхаарах биз ээ.
-
2016 оны 2 сарын 03
Өнгөрсөн амралтын өдөр Сонгинохайрхан дүүргийн 5 дугаар хороо, Баянголын 4 дүгээр гудамжинд “Хархираа” хүнсний дэлгүүр шатаж байна гэсэн дуудлагыг шөнийн 03:32 цагт ирүүлснээр Гал түймэр унтраах, аврах 18, 26, 29 дүгээр ангийн тасгуудыг очиход 15х12 хэмжээтэй 2 давхар байшин шатаж байсныг шуурхай ажиллан унтраасан байна.
Уг гал түймрийн утаанд 14 настай, эрэгтэй 2 дугаар давхрын баруун хойд талын жижиг өрөөнд угаартаж ухаангүй байдалтай байсныг Гал түймэр унтраах, аврах 26 дугаар ангийн салааны захирагч, ахмад М.Ганзориг, Аврагч, гал сөнөөгч, ахлагч Б.Содномцэрэн, ахлагч Д.Хасбазар нар эрлийн ажиллагааг шуурхай зохион байгуулан ХХУХбаг ашиглан аварч гарган НТТТ-ийн 103-ын эмчид хүлээлгэн өгч амь насыг нь авран хамгаалсан байна.
Мөн гал түймэрт 35-40 орчим насны эрэгтэй, эмэгтэй, 6 настай эмэгтэй, 15 настай эмэгтэй, 13 настай эрэгтэй нар угаартсан байсныг аварч гарган НТТТ-ийн 103-ын эмч Эх хүүхдийн эрүүл мэндийн үндэсний төвд эсэнд мэнд хүлээлгэн өгч ажиллалаа гэж нийслэлийн Онцгой байдлын газраас мэдээллээ.
-
2016 оны 2 сарын 03
Нийслэлийн Засаг дарга, ГТЕГ-ын даргын хамтарсан НӨАТ-ын тухай хуулийн хэрэгжилтийг хангах ажлыг зохион байгуулах тухай захирамж нэгдүгээр сарын 26-ны өдөр гарсан. Уг захирамжийн дагуу НӨАТ-ын тухай хууль, Нийслэл хотын албан татварын тухай хуулийн хэрэгжилтэд хяналт тавих шалгалтын үйл ажиллагаа явуулж эхэлжээ. Энэ талаар Нийслэлийн татварын газрын дарга Х.Төмөрбаатар, цагдаагийн дэд хурандаа Ц.Цэрэнпунцаг, НМХГ-ын дэд дарга С.Даваасүрэн нар мэдээлэл хийлээ.
Хяналт, шалгалтын үйл ажиллагааг Нийслэлийн татварын газар, Цагдаагийн ерөнхий газар, НМХГ хамтран хэрэгжүүлэхээр дүүрэг бүрт хамтарсан ажлын хэсэг томилсон байна. НӨАТ-ын хууль шинэчлэн батлагдахын зэрэгцээ Татварын хуулийн татвар төлөгчийн үүрэг хэсэгт Монгол Улсын стандартын шаардлага хангасан кассын машин “хэвлэх төхөөрөмж, хэвлэлийн хор, тасалбарын цаас, пос терминал машин” хэрэглэх тухай нэмэлт оруулсан. Энэхүү хуулийн заалтын хэрэгжилтийг хамтарсан ажлын хэсэг газар дээр нь очиж үүргийн биелэлтийг шалгах гэнэ. ГТЕГ-аас хуулийн дээрх заалтыг зөрчсөн тохиолдолд хувь хүнийг хөдөлмөрийн хөлсний доод хэмжээ, эсвэл түүнийг 2-3 дахин нэмэгдүүлсэнтэй тэнцэх хэмжээний төгрөгөөр торгоно. Албан тушаалтныг хөдөлмөрийн хөлсний доод хэмжээг 3-4 дахин нэмэгдүүлсэнтэй тэнцэх хэмжээний төгрөгөөр торгох арга хэмжээ авахаар болжээ.
Энэ талаар Нийслэлийн татварын газрын дарга Х.Төмөрбаатар “НӨАТ-ын урамшууллын систем төдийлөн сайн хэрэгжихгүй, аж ахуй нэгжүүд кассын машинаар үйлчлэхгүй байна. НӨАТ-ын тухай хуулинд кассын машин хэрэглэнэ гээд заачихсан байгаа. Тиймээс кассын машин нэвтрүүлэхгүй, баримт хэвлэж өгөөгүй ААН-д захиргааны хариуцлага тооцож шийтгэл ногдуулна. Мөн татварын ерөнхий хууль болон холбогдох бусад хуулиар тодорхой хариуцлага ногдуулах хуулийн заалт байгаа” хэмээв.
Нийслэлд 80 гаруй мянган аж ахуй нэгж байдаг. Нийт ААН-д мэдэгдэл тарааж, шаардах хуудас хүргүүлсэн. Гэсэн ч хуулийн хэрэгжилт сул байгаа учраас шийтгэлийн арга хэмжээ буюу торгууль ногдуулахаар болжээ. НӨАТ-д холбогдсон татвар төлөгчийн тоо одоогоор 22 мянга, хэвлэсэн баримтын тоо 4 сая 950 мянга байгаа юм байна.
-
2016 оны 2 сарын 03
УЛААНБААТАР ХОТЫН ТОГТВОРТОЙ ХӨГЖЛИЙГ ХАНГАХ ТӨСӨЛ, ХӨТӨЛБӨРҮҮДЭД ХАМТРАН АЖИЛЛАХЫГ УРЬЖ БАЙНА
МЭДЭЭ, МЭДЭЭЛЭЛ ЦАГ ҮЕИЙН МЭДЭЭ
2016-02-03 13:08:21
“Улаанбаатар хотын Хөгжлийн Корпораци” нь Нийслэлийн өмчит хаалттай хувьцаат компани бөгөөд УИХ-аар батлагдсан “Улаанбаатар хотыг 2020 он хүртэл хөгжүүлэх Ерөнхий төлөвлөгөөний тодотгол, 2030 он хүртэлх хөгжлийн чиг хандлага”, Нийслэлийн Иргэдийн төлөөлөгчдийн хурлын 2015 оны 26/08 дугаар тогтоолоор батлагдсан “Улаанбаатар хотын Эдийн засгийн хөгжлийн стратегийн баримт бичиг”-т тусгагдсан төсөл хөтөлбөрүүдийг Төр, хувийн хэвшлийн хамтын ажиллагааны хүрээнд хэрэгжүүлэх зорилго бүхий байгууллага юм. .
Иймээс дээрх баримт бичгүүдэд тусгагдсан эдийн засгийн үр өгөөжтэй төсөл, хөтөлбөрүүдийг хэрэгжүүлэхэд оролцох хүсэлтэй хувь хүн болон хувийн хэвшлийн байгууллагуудыг хамтран ажиллахыг урьж байна.
Сонирхсон хувь хүн, хуулийн этгээд баримт бичгүүдийг www.ublegal.mn болон www.legalinfo.mn цахим хуудаснаас харж болно.
Дээрх баримт бичгүүдэд тусгагдсан төсөл, хөтөлбөрүүдийг хэрэгжүүлэх хувь хүн, хувийн хэвшлийн төсөлд дараах шалгуурыг тавина.Үүнд:
Улаанбаатар хотыг 2020 он хүртэл хөгжүүлэх Ерөнхий төлөвлөгөөний тодотгол, 2030 он хүртэлх хөгжлийн чиг хандлага”, “Улаанбаатар хотын Эдийн засгийн хөгжлийн стратегийн баримт бичиг”-т нийцсэн байх;
Төслийн санхүүжилтийн тодорхой хувийг төсөл санаачлагч хариуцах чадамжтай байх;
Техник эдийн засгийн үндэслэл (ТЭЗҮ), үр ашгийн тооцоо хийсэн байх;
Нийгэмд чиглэсэн, олон нийтэд хүртээлтэй байх
Материалыг 2016 оны 02 сарын 28 өдрийн 17:00 цаг хүртэл доорх хаягаар авна.
Хаяг: Монгол Улс, Улаанбаатар хот, Сүхбаатар дүүрэг, “Blue Sky” Tower 4 д, 409 тоот
Утас: (+976) 88093423, (+976) 89980468
имэйл: enkhbold.g@ubdc.mn; altanshagai.b@ubdc.mn;
Бид Улаанбаатар хотын тогтвортой хөгжлийг хангах төсөл, хөтөлбөрүүдийг Төр, хувийн хэвшлийн түншлэл ба хамтын ажиллагааны хүрээнд хэрэгжүүлэх гүүр болон ажиллана гэж “Улаанбаатар хотын Хөгжлийн корпорациас мэдээлээ.
-
2016 оны 2 сарын 03
ХУГАЦАА ДУУССАН, ЧАНАРЫН БАТАЛГААГҮЙ БҮТЭЭГДЭХҮҮН ХУДАЛДАН АВАХГҮЙ БАЙХЫГ АНХААРУУЛЖ БАЙНА
МЭДЭЭ, МЭДЭЭЛЭЛ ЦАГ ҮЕИЙН МЭДЭЭ
2016-02-03 11:55:20
Сар шинийн баяр дөхөж байгаатай холбогдуулан мэргэжлийн байгууллагуудаас хугацаа нь дууссан, чанарын баталгаагүй бүтээгдэхүүн худалдан авахгүй байхыг сэрэмжлүүлж байна. Бараа бүтээгдэхүүн худалдан авахдаа хадгалалтын хугацаа, сав баглаа боодлын бүрэн бүтэн байдал, хиам, өндөг, бялуу, зууш зэрэг түргэн мууддаг хүнсний бүтээгдэхүүнийг зориулалтын хөргүүрт хадгалж байгаа эсэх, шилэн савтай бүтээгдэхүүнд булингар, тунадас, хөгц үүссэн эсэх, лаазалсан бүтээгдэхүүний сав зэвэрсэн, хонхойж цохигдсон, хий дүүрч төвийсөн эсэхийг сайтар шалгахыг зөвлөж байна. Хүнсний бүтээгдэхүүний хэвийн өнгө, үнэр, төлөв байдал өөрчлөгдөж муудсан шинж тэмдэг илэрсэн бол худалдан авахгүй байх, ямар нэгэн зөрчил илэрсэн бол харьяа нутаг дэвсгэр дэх Мэргэжлийн хяналтын байгууллагад мэдэгдэхийг зөвлөж байна гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 2 сарын 03
Сэтгүүлч Л.Мөнхбаясгалангийн бэлтгэн хүргэдэг “Цензургүй яриа” нэвтрүүлгийн 12 дугаар сарын 25-ны дугаарт УИХ-ын гишүүн Г.Уянгыг урьж оролцуулсан.
-
2016 оны 2 сарын 03
Сургуулиудын лабораторид хугацаа дууссан химийн бодис их байжээ
Нийслэлийн Мэргэжлийн хяналтын газраас 2014 онд хугацаа нь дууссан, нэр хаяг тодор- хойгүй, ашиглах боломжгүй химийн бодисын тооллого, судалгаа явуулжээ. Нийслэлийн есөн дүүргийн ерөнхий боловсролын сургуулиудыг хамруулсан эл судалгаагаар 50 гаруй сургуулийн химийн лабораторид хугацаа нь дууссан, нэр хаяг тодорхойгүй, ашиглах боломжгүй 120 гаруй нэр төрлийн 300 гаруй кг химийн бодис хадгалагдаж байгааг тогтоосон байна. Үүнээс гадна найман дүүргийн 41 сургуулийн химийн лабораторид нэр хаяг нь тодорхой бус 400 нэр төрлийн 332 кг бодис, 500 орчим төрлийн 251 кг химийн болон ашиглах боломжгүй бодис байсан нь тодорхой болов. Дээрх химийн бо- дисыг Сонгинохайрхан дүүрэгт байрлах Аврах тусгай ангийн хашаан дахь зориулалтын агуу- лахад аваачиж ангилан ялгаж, хадгалсан аж. Ингэснээр 50 гаруй мянган сурагч, 3000 гаруй багш, ажилчдыг химийн бодист хордох эрсдэ- лээс хамгаалсан тухай тус газраас мэдээлэв. Уг судалгааг ө
-
2016 оны 2 сарын 03
16 НЭР ТӨРЛИЙН ХҮНСНИЙ БҮТЭЭГДЭХҮҮНИЙГ БУЦААН ТАТАВ
Cap шинийн баяр дөхөж байгаатай холбогдуулан Мэргэжлийн хяналтын байгууллагаас улсын хэмжээнд урьдчилан сэргийлэх хяналт шалгалт хийж эхэллээ.
Одоогоор хүнсний чиглэлийн үйл ажиллагаа эрхлэгч 300 аж ахуйн нэгж, байгууллага, 1244 иргэнийг шалган 1194 зөрчил илрүүлж, 67 хувийг газар дээр нь арилгуулан, албан шаардлага, дүгнэлт, акт өгөөд байна.
15 кг-аар савласан, шошгын зөрчилтэй бууз, 50 грамаар савласан “Марио” цецгийтэй тараг, “Нийслэл” нэрийн хэвийн боов, “Амин дэмийн бэлдмэл”, Өвөрхөнгай аймгийн Маргад цехийн үйлдвэрлэсзн дөрвөн нэр төрлийн бүтээгдэхүүн зэрэг 16 нэр төрлийн 219 ширхэг хунсний бүтээгдэхүүнийг буцаан татуулжээ. Мөн БНХАУ-аас импортлосон “Yogurt fruit taste” нэрийн 450 граммаар савласан цэлцэгнүүрээс мөөгөнцөр илэрсэн тул худалдахыг зогсоосон байна.
Урьдчилан сэргийлэх шалгалтын явцад 400 гаруй хүнийгхамруулсан сургалтзохион байгуулж, хүнсний чиглэлийн үйл ажиллагаа эрхлэгч 570 хүнд мэргэжил, арга зүйн зөвлөгее егөв.
Үүнд:
• Хүнсний бүтээгдэхүүний хадгалалтын хугацааг шалгах Хүнсний бүтээгдэхүүний сав баглаа боодлын бүрэн бүтэн эсэх Хиам, өндөг, бялуу, зууш зэрэг түргэн мууддаг хүнсний бүтээгдэхүүнийг зориулалтын хөргүүрт хадгалан худалдаалж байгаа эсэх
• Өндөгний хальс нимгэрч өнгө нь өөрчлөгдөөгүй, хагарч цуураагүй, гадна тал нь бохирдсон эсэх
• Шилэн савтай бүтээгдэхүүнд булингар, тунадас, хөгц үүссэн эсэх Лаазалсан бүтээгдэхүүний сав зэвэрсэн, хонхойж цохигдсон, хий дүүрч төвийсөн, дарахад хонхолзож байгаа эсэх
Хүнсний бүтээгдэхүүний хэвийн өнгө, үнэр, төлөв байдал өерчлөгдөж муудсан шинж тэмдэг илэрсэн бол худалдан авахгүй байх, ямар нэгэн зөрчил илэрсэн бол харьяа нутаг дэвсгэр дэх Мэргэжлийн хяналтын байгууллагад мэдэгдэж байхыг Мэргэжлийн хяналтын ерөнхий газрын “Зөвлөгөө, мэдээллийн төв” зөвлөж байна.
-
2016 оны 2 сарын 03
Найрсаг Улаанбаатар хөтөлбөрийн хзрээнд нийслэлийн Засаг даргын Тамгын газар, нийслэлийн Аялал жуулчлалын газартай хамтран өвлийн болон тусгай сонирхлын аялал жуулчлалыг хөгжүүлэх, жуулчны улирлын хугацааг уртасгах зорилгоор “Улаанбаатарын өвлийн наадам”-ыг гурав дахь жилдээ зохион байгуулах гэж байна. Өвлийн олон төрлийн спорт тоглоом, уламжлалт наадгайгаар тоглон, амралтын өдрийг гэр бүлийнхэнтэйгээ өнгөрүүлэх боломжийг олгодог “Улаанбаатар өвлийн наадам” энэ сарын 6-ны бямба гарагт 12-16.30 цагийн хооронд Үндэсний цэцэрлэгт хүрээлэнд болно.
Наадмын үеэр уран гулгалтын болон тэшүүрийн үзүүлэх тоглолт, мөсөн шагайн харваа, мөсөн сурын харвааны мэргэжлийн болон сонирхогчдын тэмцээн, нохойтой чарга, өвлийн дугуйн аялал болох юм. Спорт тоглоомуудаас гадна халуун ундаа, зуушаар үйлчлэх тул гэр бүл, найзууд, хамт олноороо хүрэлцэн ирэхийг урьж байна гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 2 сарын 03
Монголын ард түмэн үндэсний эрх чөлөө, тусгаар тогтнолоо сэргээн мандуулсны 104 жилийн ойд зориулсан Ерөнхийлөгчийн нэрэмжит цомын төлөөх чансаа өндөр, шигшмэл 128 бөхийн барилдаан өнгөрсөн 2015 оны арванхоёрдугаар сарын 29-нд болсон билээ.
-
2016 оны 2 сарын 03
УИХ-ын чуулганаар Үндсэн хуулийн цэцийн дарга, гавьяат хуульч Ж.Амарсанааг огцруулахаар асуудлыг хэлэлцэх шатанд МАН бүлэг завсарлага аваад байгаа.
Үндсэн хууль зөрчсөн, авлига авсан хэмээн цэцийн даргыг суудлаас нь чөлөөлж оронд Р.Гончигдоржийг томилно гэсэн яриа нэг хэсэг гарсан ч МАН-ын зүгээс Цэцийн даргыг огцруулах үндэслэлгүй гэж үзсэн байгаа юм.
Гэтэл АН-ын эрх баригчид Ж.Амарсанаа даргыг ажлаа мэддэггүй, Үндсэн хуулийн хэд хэдэн зүйл заалтыг ноцтой зөрчсөн хэмээн тайлбарлажээ. Ийнхүү УИХ болон Үндсэн хуулийн цэцийн дунд үл ойлголцол, маргаан болон албан тушаалын суудлын төлөөх өрнөл, тэмцэл эхэлсэн гэж ойлгож болно. Тэгвэл өнөөдөр Сонгуулийн ерөнхий хорооны дугуй зааланд 10:00 цагаас Монголын хуульчид цугларч Цэц, УИХ хоёрын хооронд үүсээд байгаа асуудлаар нээлттэй хэлэлцүүлэг хийхээр болжээ.
