-
2016 оны 2 сарын 05
Хөвсгөл аймгийн Мөрөн сумын “Байгаль ээж” хүнсний захын махны бөөний төвөөс нэгэн иргэн сар шинийн бууз, баншаа хийхээр гулууз мах худалдан авсан байна. Гэтэл махны цээжний хөндийд сэмжинд нь 5.2 кг чулуу боож хийсэн байжээ. Эл хэргийн дагуу хохирогч холбогдох хууль хяналтын байгууллагад хандсан ч хаанаас ирсэн, хэн зарсныг нь тогтоож чадаагүй байгаа аж.
Мөрөн сумын мал эмнэлэг үржлийн тасгаас мах худалдсан иргэнд хандан хууль бусаар иргэдийг хохироосон үйлдэл хийсэн иргэнийг олж өгөхийг шаардаж, олдохгүй бол өөрт нь хариуцлага хүлээлгэхийг анхааруулжээ.
-
2016 оны 2 сарын 05
Монголын хэрэглэгчдийн эрх ашгийг хамгаалах нийгэмлэгүүдийн нэгдсэн холбоо шатахууны үнийг бууруулах шаардлагыг Засгийн газар, нефт импортлогчдод тавьж ажилласаны үр дүн гарч шатахууны үнийг 80-150 төгрөгөөр хямдруулж чадсан нь дандаа хар бараан мэдээ сонссоор залхсан иргэдэд цагаан сарын өмнө сонссон сайн мэдээний нэг байлаа. Дээрх ажиллагааны үр дүн буюу шатахууны үнийн хямдралаас иргэд 80-100 төгрөг тэрбум хэмнэнэ хэмээн МХЭАХННХ-ны ерөнхийлөгч А.Ариунболд үзэж байгаа юм байна. Засгийн газрын зүгээс нефт боловсруулах үйлдвэртэй болох ажлыг 2016 онд эхлүүлэх талаар ярьж байгаа бөгөөд дотоодын нефтийн үйлдвэртэй болсноор хэрэглэгчид хямд шатахуун хэрэглэх боломж бүрдэж жил бүр гадагшаа өгдөг 1.5 тэрбум доллар дотооддоо үлдэх боломж бүрдэх юм.
-
2016 оны 2 сарын 05
Мэргэжлийн хяналтын ерөнхий газраас сар шинийн баярыг угтан улсын хэмжээнд урьдчилан сэргийлэх хяналт шалгалтыг зохион байгуулжээ. Хүнсний чиглэлийн үйл ажиллагаа эрхлэгч 827 аж ахуй нэгж, 2271 иргэн хамрагдсан бөгөөд нийт 3011 обьектод шалгалт явуулсан байна. Шалгалтын дүнг танилцуулж, сэтгүүлчдэд мэдээлэл хийлээ.
Чанар аюулгүй байдлын шаардлага хангаагүй 87 нэр төрлийн 669 ширхэг, 25 сая 192 мянган төгрөгийн бүтээгдэхүүн илэрчээ. Үүнээс 10.558 мянган төгрөгийн бараа бүтээгдэхүүнийг устгуулсан бөгөөд нийт 31 байгууллагад 4818,0 мянган төгрөг, 86 иргэнд 4,669 мянган төгрөгийн торгуулийн арга хэмжээ авч ажилласан талаар мэдээллэв. Тухайлбал “Скай ХХК-ийн импортлосон “Ghana” шоколад, “Мандах газар” ХХК-ийн импортлосон “Амин дэмийн бэлдмэл”, “Кингдом” ХХК-ийн хэвийн боов, “Мөнх дуут” ХХК-ийн үйлдвэрлэж худалдаанд гаргасан бууз, иргэн Б.Энхбаярын үйлдвэрлэсэн “Нийслэл” нэрийн хэвийн боовноос шошгын болон хугацаа дууссан зөрчил илэрчээ.
Мөн шалгалтын явцад хүнсний худалдаа, үйлчилгээний газарт худалдаалагдаж буй хүнсний бүтээгдэхүүний 327 нэр төрлийн 672 дээжийг итгэмжлэгдсэн лабораторийн шинжилгээнд хамруулжээ. Тус бүтээгдэхүүний 2,9 хувь нь чанарын шаардлага хангаагүй байна.
2015 онд Сүхбаатар боомт дахь Хилийн мэргэжлийн хяналтын алба 34 нэрийн 368 литр дарс, 9 нэрийн 79 литр цагаан архи хураан авсан байна. Харин энэ оны нэгдүгээр сарын байдлаар Алтанбулаг боомтоор шаардлага хангахгүй, хуурамч 47 шил цагаан архи, 24 литр дарс оруулж ирэхийг завдсаныг илрүүлжээ. Үүнтэй холбогдуулан МХЕГ-аас хуурамч архи худалдан авахгүй байхыг иргэдэд анхааруулж байна.
-
2016 оны 2 сарын 05
Хятад иргэн ахтайгаа нийлж монгол эмэгтэйг зоджээ
-
2016 оны 2 сарын 05
Хэнтий аймагт банк дээрэмджээ гэдэг мэдээлэл худал гэв
-
2016 оны 2 сарын 05
шинэ мэдээ
prev
НИЙТИЙН ТЭЭВРИЙН ҮЙЛЧИЛГЭЭ ЭРХЭЛДЭГ АЖ АХУЙН НЭГЖҮҮДЭД БЭЛТГЭЛ БЭЛЭН БАЙДЛЫН ШАЛГАЛТ ЯВУУЛЛАА
/ 2016/02/04
1
НИЙТИЙН ТЭЭВРИЙН ҮЙЛЧИЛГЭЭ ЭРХЭЛДЭГ АЖ АХУЙН НЭГЖҮҮДЭД БЭЛТГЭЛ БЭЛЭН БАЙДЛЫН ШАЛГАЛТ ЯВУУЛЛАА
Өмнөговь аймгийн Онцгой байдлын газар Цагдаагийн газартайгаа хамтран тус аймагт нийтийн тээврийн үйлчилгээ эрхэлдэг аж ахуйн нэгжүүдэд гамшгийн болон бусад нөхцөл байдал үүссэн үед бэлтгэл бэлэн байдлыг хангаж чадах эсэхэд хяналт шалгалт явууллаа. Мөн энэ үеэр зөрчилгүй жолоочийг шалгаруулж урамшуулсан байна. Тус урамшууллыг “Говь” авто угаалга, “Хурд”, “Баян Ундрал” авто сервисүүд ивээн тэтгэсэн бол аймгийн Засаг даргын Тамгын газрын “Олон нийттэй харилцах алба”, “Алтанговь” телевиз уг арга хэмжээнд хамтран оролцсон юм.
_DSC1079
Түүнчлэн Даланзадгад-Улаанбаатар чиглэлийн хатуу хучилттай авто зам аймгийн төвөөсөө 50 орчим км-т цасанд боогдож, авто машин явах боломжгүй болсныг тус аймгийн Онцгой байдлын газрын албан хаагчид цэвэрлэж, авто машин явах аюулгүй байдлыг хангаж ажиллалаа. Зам 200 орчим метр газар цасанд дарагдсан байсан аж.
-
2016 оны 2 сарын 05
Улсын Дээд шүүхээс уламжлал болгон зохион байгуулдаг “Шүүн таслах ажиллагаа, шүүхийн шийдвэрийн талаарх практик” сэдэвт уулзалт-ярилцлага 2016 оны 2 дугаар сарын 3-4-ны өдрүүдэд боллоо.
Энэ үеэр Улсын Дээд шүүхийн шүүгчид эрүү, иргэн, захиргааны хэрэг хянан шийдвэрлэх ажиллагаа болон шинээр батлагдсан зарим хуулиудын үзэл баримтлал, тэдгээрийг хэрхэн хэрэглэх, тодорхой төрлийн хэрэг маргааныг шийдвэрлэхэд анхаарах асуудлын талаар анхан болон давж заалдах шатны шүүхийн Ерөнхий шүүгч нарт мэдээлэл хийж, харилцан санал бодлоо солилцов.
Тухайлбал, эрүү, иргэн, захиргааны хэрэг хянан шийдвэрлэх ажиллагааны 2015 оны тойм, алдаа, зөрчлийн тухай, Шүүхээс хууль тайлбарлан хэрэглэхэд анхаарах зарим асуудал, Захиргааны ерөнхий хууль, үзэл баримтлал, Гэрээний эрх зүйн харилцаанаас үүссэн маргааныг шийдвэрлэж буй шүүхийн практик, Шүүх дэх Эвлэрүүлэн зуучлалын ажиллагаагаар шийдвэрлэгдэж буй хэрэг маргаан, анхаарах зарим асуудлын тухай, Албан тушаалын гэмт хэрэг, Аргагүй хамгаалалт, Олон Улсын гэрээ конвенцийг шүүхийн практикт хэрэглэх зэрэг олон чухал сэдвүүдийг хөндөн ярилцжээ.
Уулзалт-ярилцлагад Улсын Дээд шүүхийн шүүгчид болон анхан болон давж заалдах шатны шүүхийн Ерөнхий шүүгч нийт 120 гаруй хүн оролцсон байна.
-
2016 оны 2 сарын 05
Нийслэлийн Аялал жуулчлалын газраас зохион байгуулдаг “Улаанбаатарын Өвлийн наадам 2016” маргааш Үндэсний цэцэрлэгт хүрээлэнд болох гэж байна. Тус арга хэмжээний үеэр мөсний шагайн харваа, мөсөн сурын харваа, мөсөн хананы авиралт, уран гулгалт, тэшүүрийн үзүүлбэр, мэргэжлийн снөүбоардын үзүүлбэр, шүхрийн үзүүлэх тоглолт зэрэг уламжлалт болон орчин үеийн өвлийн спорт, наадгайнууд зохион байгуулагдах бөгөөд хүрэлцэн ирсэн иргэд, жуулчид зөвхөн үзэж сонирхоод зогсохгүй өөрийн биеэр харваж, авирч, өвлийн дугуй унан, нохойтой чарга, бүргэд, морь тэмээ унан зургаа авахуулах боломжтой. Гадаад дотоодын зочдод Монголынхоо ёс заншил, өв уламжлал, соёлыг сурталчлан таниулахын зэрэгцээ шинэ тутам хөгжиж буй нийтийн биеийн тамир, спорт, аяллын төрлүүдийг ард иргэдэд сурталчлах давхар ач холбогдолтой тус арга хэмжээнд хүрэлцэн ирэхийг Найрсаг Улаанбаатарчууддаа уриалж байна гэж Нийслэлийн Аялал жуучлалын газраас мэдээллээ.
-
2016 оны 2 сарын 05
эгдүгээр сарын хүүхдийн өмнгө хоёрдугаар сар гарчихаад байхад буугаагүй байгаа юм. Иймээс ээж аав нар энэ мөнгийг хэзээ орох бол гэсэн хүлээлттэй буй. Тэгвэл ХАХНХ-ын сайд хүүхдийн 20 мянган төгрөг энэ сарын 5-нд буюу өнөөдөр орно хэмээн мэдэгдэж байна.
2016 оны нэгдүгээр сарын байдлаар Хүүхдийн мөнгийг “Өрхийн мэдээллийн нэгдсэн сан”-д бүртгэлтэй 0-18 насны 999 мянга орчим хүүхэд авах гэнэ. Энэ нь нийт хүүхдийн 97 хувь юм байна.
Харин хоёрдугаар сарын хүүхдийн мөнгө өмнөх шигээ сардаа багтаан орох гэнэ.
-
2016 оны 2 сарын 05
Сар шинийн баяр болох гэж байгаатай холбогдуулан замын хөдөлгөөний хэт ачааллыг бууруулах зорилгоор сар шинийн өмнөх амралтын өдрүүдэд тээврийн хэрэгслийг улсын дугаараар нь хязгаарлан замын хөдлөгөөнд оролцуулах тухай Нийслэлийн Засаг даргын захирамж гарсан. Захирамжийн дагуу маргааш буюу 2016 оны 02 дугаар сарын 06-ны Бямба гаригт автомашины улсын дугаарын сүүлчийн орон тэгш тоогоор төгссөн тээврийн хэрэгсэл хөдөлгөөнд оролцоно. Харин 2 дугаар сарын 07-ны Ням гаригт автомашины улсын дугаарын сүүлчийн орон сондгой тоогоор төгссөн авто тээврийн хэрэгсэл хөдөлгөөнд оролцох юм.
Энэ өдрүүдэд Дэнжийн мянгын авто замын хөдөлгөөнийг “Хүчит шонхор” худалдааны төвийн зүүн урд уулзвараас хойш үерийн далангийн уулзвар хүртэл урдаас хойш чиглэлд, далангаас зүүн тийш Судалт төвийн /хуучнаар/ уулзвар хүртэлх авто замын хөдөлгөөнийг баруунаас зүүн чиглэлд 08:00-17:00 цагийн хооронд нэг чигийн хөдөлгөөнд оруулах бөгөөд алслагдсан байршлуудаас Нарантуул худалдааны төр рүү нийт 11 их багтаамжийн автобус 10:00, 12:30, 15:00 цагуудад үйлчилгээ үзүүлнэ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 2 сарын 05
БГД-20 ”ГССҮТ-д гэмтсэн хүн ирж хэвтлээ” гэсэн мэдээллийг 02-р сарын 04-нд авч шалгахад: СХД-7 хороонд суух “Галт гал“ ХХК-ий талхны үйлдвэрт гурил зуурагч О /эм.41н/ гурил зуурагч машинд баруун гарын алганыхаа ар талыг зүсэж гэмтээсэн БГДЦХ-2 шалгаж байна.
БГД-20 ”ГССҮТ-д сүлжигч машинд гараа гэмтээсэн хүн ирлээ” гэсэн мэдээллийг 02-р сарын 04-нд авч шалгахад: СХД-6 хороонд суух “.....” ХХК-ний сүлжигч ажилтай Б /эм.32н/ гэгч зүүн гарын бугуй хэсгээрээ сүлжигч автомашинд тасдуулж гэмтэн тус эмнэлэгт эмчлүүлж байгаа хэргийг БГДЦХ-2 шалгаж байна.
-
2016 оны 2 сарын 05
СӨХ-ийн өрөөнд гал гарч, баримтууд шатжээ
-
2016 оны 2 сарын 05
Улаанбаатар хотын цагдаагийн газрын мэдээллээр 2015 онд 17 939 гэмт хэрэг бүртгэгдсэний 5899 буюу 32,9 хувийг бусдын эд хөрөнгийг хулгайлах гэмт хэрэг эзэлжээ. Энэ нь 2014 онтой харьцуулахад 13,2 хувиар өссөн үзүүлэлт юм байна. Ер нь бусдын эд хөрөнгийг хулгайлах гэмт хэрэг жилээс жилд өсөх хандлагтай байгаа төдийгүй хулгайн эд зүйлийг худалдан авдаг нууц сүлжээ бий болсон талаар цагдаагийн байгууллагаас мэдээлж байгаа юм. Тиймээс нийслэлийн Засаг дарга захирамж гаргаж НИТХ-аас баталсан “Хөршийн хяналт хөтөлбөр”-ийн хүрээнд “Хулгайлах гэмт хэрэгтэй тэмцэх, урьдчилан сэргийлэх дэд хөтөлбөр”-ийг батталлаа.
Тус захирамжаар гэмт хэрэг, зөрчлөөс урьдчилан сэргийлэх ажилд иргэн болон байгууллага,аж ахуйн нэгжийг татан оролцуулж хамтран ажиллан үр дүнг тооцох, биелэлтийг Улаанбаатар хотын Цагдаагийн газарт хагас, бүтэн жилээр тайлагнахыг дүүргийн Засаг дарга нарт үүрэг болгов. Мөн хулгайн гэмт хэргийг бууруулах, урьдчилан сэргийлэх зорилгоор хариуцсан нутаг дэвсгэртээ үйл ажиллагаа явуулж байгаа байгууллага,аж ахуйн нэгжүүдэд орчиндоо гэрэлтүүлэг, стандартын шаардлага хангасан камер байршуулж аюулгүй орчныг бүрдүүлэх талаар холбогдох шийдвэр гаргаж ажиллахыг дүүргийн Засаг дарга нарт даалгалаа. Түүнчлэн нийтийн эзэмшилийн орон сууц, авто зогсоол, гэр хорооллын гудамж талбайг камержуулах ажлыг үе шаттай зохион байгуулахыг холбогдох газруудад даалгав.
Захирамжийн хүрээнд шинээр баригдаж байгаа барилга байгууламжууд зураг төлөвлөгөөгөө батлуулахдаа MNS 6423:2013 стандартын шаардлага хангасан камер, харуул хамгаалтын алба, хяналтын цэгийн өрөөтэй байхаар, хотхоны зохион байгуулалтаар баригдаж буй хороолол бүрт цагдаагийн нэгж ажиллах бололцоо бүхий албаны байр, камерын хяналтын өрөөтэй байхаар төлөвлөх ёстой боллоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 2 сарын 05
НИТХ-ын Тэргүүлэгчидийн элжит хуралдаан 2016 оны 2 дугаар сарын 8-нд болно. Хуралдаанаар гэр хорооллын газрыг шинэчлэн зохион байгуулах төслийн талбар батлах
-
2016 оны 2 сарын 05
Шүүхийн ерөнхий зөвлөлд:
09.00 цагт Шүүхийн ерөнхий зөвлөл улсын хэмжээний бүх шатны шүүхийн Ерөнхий шүүгчдэд үйл ажиллагааныхаа тайланг тавьж, хэлэлцүүлэх, тэдний санал хүсэлтийг сонсох ажиллагаа болно. Үйл ажиллагааг Шүүхийн ерөнхий зөвлөлийн дарга, доктор, профессор Н.Лүндэндорж удирдан явуулна.
Сонгинохайрхан дүүргийн прокурорын газарт:
10.00 цагт Олон улсын хавдрын эсрэг өдөрт зориулсан өдөрлөг болно. Өрх толгойлсон эмзэг бүлгийн гурван айлд тусламж үзүүлнэ.
НМХГ-ын 5 давхарт:
10.00 цагт сар шинийн баяр угтаж хийсэн урьдчилан сэргийлэх хяналт шалгалтын үр дүнгийн тухай болон шаардлага хангаагүй хүнсний бүтээгдэхүүний талаар сэрэмжлүүлэг мэдээлэл хийнэ.
Төрийн ордны Г танхимд:
10.30 цагт УИХ-ын гишүүн, Хөдөлмөрийн сайд Г.Баярсайхан мэдээлэл хийнэ. Салбарын чухал хуулиудаа УИХ-аар батлуулж чадсанаар хөдөлмөрийн салбарт, хөдөлмөрчин хүн ардад, мэргэжлийн боловсролын салбарын суралцагчдад чухам ямар ач холбогдолтой болсныг тайлбарлана.
29-р сургуулийн Урлагийн зааланд:
11.30 цагт “Ахиллис – хүүхэд” хөтөлбөрийн нээлт болно. Хөгжлийн бэрхшээлтэй хүүхдүүд бие бялдартаа тохирсон алхалт, гүйлт хийж оноо цуглуулах замаар эрүүл зан үйлийг төлөвшүүлэх зорилготой энэ хөтөлбөрийг 1995 онд Америкчууд эхлүүлсэн бөгөөд Монголд анх удаа хэрэгжих гэж байна.
МХЕГ-ын хурлын танхимд:
12.00 цагт Цагаан сарын баярыг угтсан урьдчилан сэргийлэх хяналт, шалгалтын явц, зөрчил, сэрэмжлүүлэг, зөвлөмж, малын халдварт болон гоц халдварт өвчний талаар цаг үеийн мэдээлэл өгнө.
Улсын Филармонид:
12.00 цагт “UNESCO”-ийн Яаралтай хамгаалах шаардлагатай соёлын биет бус өвийн жагсаалтад бүртгэгдсэн ”Ботго авахуулах зан үйл”-ийн батламж хүлээн авах ёслол болно.
”Шангрила” зочид буудлын хүндэтгэлийн танхимд:
12.00 цагт ”Хөдөлмөрийн хүн танаа” хөдөлмөрийн салбарын дээд шагнал гардуулах ёслол болно. УИХ-ын дарга З.Энхболд, Хөдөлмөрийн сайд Г.Баярсайхан, Байнгын хорооны дарга Д.Батцогт нар оролцоно. ”Хөдөлмөрийн хүн танаа”-г ”Шилдэг төгсөгч”, ”ХАБ-ын шилдэг ажилтан”, ”Шилдэг өрхийн аж ахуй эрхлэгч”, ”Шилдэг бүтээлийн эзэн”, ”Шилдэг сургалтын байгууллага”, ”Шилдэг ажил олгогч”, ”Шилдэг түнш”, ”Ажил мэргэжлийн шилдэг мастер”, Шилдгийн шилдэг гэсэн 9-н номинациар шалгаруулсан бөгөөд номинаци бүрт шилдэг гурвыг нэр дэвшүүлэн өрсөлдүүлэх юм.
МҮХАҮТ-д:
14.00 цагт Монгол улсын нийгэм, эдийн засгийн хөгжилд бодитой хувь нэмэр оруулсан аж ахуйн нэгжүүдийн туг өргөх ёслолын ажиллагаа болно.
“Шангри Ла” зочид буудлын хүндэтгэлийн танхимд:
16.00 цагт ”Удирдахуйн ухаан” номын нээлт, ”Үндэстний ухаан” хөтөлбөрийн нээлтийн үйл ажиллагаа болно.
НМХГ-аас сэрэмжлүүлэг мэд
-
2016 оны 2 сарын 05
Хөөрөгний үүсэл
Ер нь хөөрөг хаана үүссэн, хэдийд үүссэн гэх асуултууд нь тодорхойгvй хоцорч байгаа ба зарим нэгэн хэвлэлд монголчууд 11-12-р зуунаас хэрэглэж иржээ гэх мэтчилэн бичсэн нь ихэд эргэлзээг төрүүлж буй юм. Учир нь Я.Цэвэлийн «Монгол хэлний тайлбар тольд» хамарт үнэрлэн хэрэглэх тамхи хийх савыг хөөрөг гэнэ гэсэн байдаг. Нэгэнт тамхитай холбогдон яригдаж буйгаас үзэхэд монголчууд Чингисийн үед тамхи татаж байсан байж таармааргvй. Монголын нэвтэрхий тольд бичсэнчлэн үнэртэн хэрэглэх сав гэж ойлговол өөр хэрэг бөгөөд аль ч тохиолдолд археологын малталт судалгаа, түүхэн баримтаар батлагдаж баймаар. Нийтэд хүлээн зөвшөөрөгдсөнөөр бол тамхийг 15-зуун хүртэл америк тивийн уугуул иргэд болох индианчуудаас өөр хүмүүс мэддэгvй байсан бололтой. Археологын судалгаагаа манай эриний өмнөх 4000 оны үед хойд америкийн индианчууд тамхийг хэрэглэдэг байсныг харуулдаг. Тэд тамхийг эрүүлжүүлэх увидастай шидэт зүйл хэмээн үзэж ер нь бол бурхадтай харьцахтай л зүйрлэдэг байжээ.
Дэлхий нийтээр өргөн хэрэглэдэг tobaco гэдэг нь Тобаго арлын нэр гэж зарим судлаачид үздэг. 1492 оны 10-р сарын 15-ны өдөр Колумбын экспедицийн испани далайчид өнөөгийн Төв өмерикт хөл тавьснаар тамхитай анх учиржээ. Тэр үед индианчууд тамхины ёс заншилдаа хэрэглэдэг хуйлсан навчийг tobaco гэж байв. Улмаар испани, португалчууд тамхины навч, үрийг европт авчиран тарьж эхэлсэн байдаг. Олон улсад төрөл бүрийн хорио цээрийг тогтоож байсан боловч маш хурдтайгаар тархжээ. Усан цэрэг, худалдаачид шашны зүтгэлтнүүдээс гадна улс төрчид ч энэ үйлст хувь нэмрээ оруулцгаасан байдаг. Португалийн хааны ордон дахь францын элчин сайд Жан Нико (Jean Nicot) 1560 онд багаахан хэмжээний тамхийг францын хатан хаан Екатерина Медичид эмчилгээний зориулалттай хэмээн илгээснээр тэр нь хатан хаанд сайнаар нөлөөлж, улмаар франц даяар тархжээ. 19-р зууны эхээр гаргаж авсан алкалойдыг түүний нэрээр никотин хэмээн нэрлэсэн түүхтэй.
16-р зууны сүүлийн хагасаас дэлхий даяар түгж 17-р зуун гэхэд дэлхий тэр аяараа тамхи татах болсон байна. Навчин болон хамрын тамхи 16-р зууны сүүлээр португал, испанийн далайчид, худалдаачид, шашны зүтгэлтнүүдээр дамжин Филипинээс эхлэн Японоор дамжин тус бvс нутагт тархсан гэж судлаачид vздэг. 17-р зуунд тэндээсээ зүүн хойд хятад, солонгос монгол руу тархсан гэж бичигдэх нь нь ч бий. Хятадууд хамрын тамхиа хийх савыг төрөл бүрийн хэлбэр хийцтэйгээр хийх болж, үүндээ шил, шаазан гэх мэт төрөл бүрийн материалуудыг ашиглан яваандаа урлаг, гоёл чимэглэл талаасаа их хөгжин дэлхий нийтээр Chinese snuff bottle гэсэн нэрээр мэдэгдэх болсон. Хятадын Гуанжоу, Бээжин, Шанду, Ляонин мужууд, Түвд , Монголд хөөргийг хийж ихэд хэрэглэх болсон бөгөөд Түвдэд янз бүрийн металлаар , Хятадын Ляонин мужид гартаамаар хийх нь их байжээ. Хөөрөгний дотор талынх нь зураг, тэгш гөлгөр сайхан гадаргуу, урлагын өндөр хэмжээнд очсон сийлбэр зэргээрээ Европт гайхагдан үнэт эдлэл цуглуулагчдын сан хөмрөгт очиж эхэлжээ
Хөөөрөг зөрүүлэх мэндлэх ёс
-Сар шинэдээ сайхан шинэлж байна уу?
-Таны бие лагшин тунгалаг уу?
-Даага далантай, бяруу булчинтай
Сүрэг мал онд мэнд тарган тавтай оров уу
гээд хөөргөө харилцан солилцож тамхилж мэндээ мэдэлцдэг.Монголын ард түмэн хөөрөг, гаанс гэдэг эд өлгийн дурсгалт үнэт зүйлийг хэрэглэн эрт дээр үеэс өнөө үе хүртэл сайн сайхан санааг асууж амар мэндээ мэдэлцэж хөөрөг зөрүүлэн тамхилж ирсэн заншилтай.
Мэндлэх гэдэг бол хүндлэх болон ёс зүйт хүний сэтгэлээр элгэмсэг хандаж байгаагаа илэрхийлэх жинхэнэ монгол үндэсний нэг илэрхийлэл юм. Монголчууд хөөргөөр тамхилахдаа ярилцаж ойлголцдог ард түмэн билээ. Хөөрөг зөрүүлж сайн сайхан яваагаа мэдэгдэж амар амгалангаа айлтгацгаана гэсэн байдаг.
Гаанс солилцон мэндлэх ёс заншил уламжлагдан явсаар хөөрөг хэрэглэдэг болсон цагаас хойш хөөрөг зөрүүлэн мэндлэх ёсон бий болжээ. Хөөрөг зөрүүлэн мэндлэхдээ хөөрөгнийхөө толгойг султгаж тус тусынхаа хөөргөө алгандаа барьж бөөр бөөрөөр нь харилцан зөрүүлж солилцдог.
Хөөрөгтэй тамхийг авч хамартаа хүргэн үнэрлээд буцаан солилцдог. Энэ бол харилцан бие биенээ хүндэтгэсэн нөхөрсөг харилцааны илэрхийлэл болдог ажээ. Монголчуудын дунд ихэд дэлгэрсэн мэндчилгээний нэг хэлбэр нь хөөрөг солилцон мэндчилэх ёс юм.
Хөөрөг солилцох ёс бол ирсэн угтсан бүгдээрээ эв найртай халуун дотноор бие биедээ хандаж буй дохио илрэл юм. Ирсэн зочин гэрт орж тухлан суусны дараа гэрийн эзэнтэй хөөргөөр тамхилах эртний ёсыг баримтлан хөөрөг солилцон мэндэлдэг.
Хөөргийг “Тамхилдаг заяатай шар”, “Мэндийн шар”, “Мэнд сайхны тамхи” хэмээн нэрлэж эрэгтэйчүүд биедээ авч яван тамхилж хөөрөг зөрүүлэн мэндчилдэг ёстой. Монголчуудын эртний уламжлалт хөөрөг солилцон тамхилах ёсыг хөөрөг зөрүүлэх, хөөрөг тамхи барих, хөөрөг солилцох, хөөргөөр тамхилах гэх зэргээр нэрлэж иржээ.
Мэндлэхдээ ахмад буюу төрийн хүндэт хүнд эхэлж мэндчилж тамхилна. Настан буурал, хүндэт зочныг суудлаа эзэлсний дараа дүүмэд хүн хөөргөө хоёр гараараа өргөн биеэ бага зэрэг мэхийсхийн барьдаг. Нөгөө хүн ч энэ үед өөрийнхөө хөөргийг даалингаасаа гаргаж баруун гараараа өгөхөд дүүмэд хүн нь хоёр гараараа тосон авч хамартаа хүргээд буцааж бариад өөрийн хөөргийг авдаг байна.
Ингэж солилцохдоо хөөрөгнийхөө толгойг нь бага зэрэг султган нар зөв гурав эргүүлж, өөрөө нэг үнэрлээд гарддаг. Тэр нь чөлөөтэй харилцах санаа, харилцан ойлголцох, эв найртай явахын бэлгэдэл болдог байна. Хөөргийг авсан хүн тамхинаас зохих хэмжээгээр халбагадан татах буюу үнэрлээд буцааж өгнө.
Тэгэхдээ толгойг нь бага зэрэг чангатгадаг. Энэ нь тухайн хүний санааг бүрэн хүлээн зөвшөөрч байгааг илтгэн илэрхийлдэг. Хөөрөг солилцон мэндлэхдээ дээлний товчоо тайлах буюу ханцуй шамлах, сугалдаргалахыг цээрлэдэг ажээ.
-
2016 оны 2 сарын 05
Аюултай хог хаягдлыг устгах туршлага нэвтрүүлэх төслийн нээлт боллоо
-
2016 оны 2 сарын 05
Тухайн өдөр хонь, бич, тахиа, могой, морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр сахиус тахих, угаал үйлдэх, сан тавих, бэрийн үйл, өлзийг өгүүлэх, балин өргөх, мод босгох, газрын үүд боох, тангаргаас няцах, зэтгэрийг дарах, сайн үйлсийг бүтээх, баяр хурим хийх, их хэргэм зүүх, хувцас өмсөх, чимэг зүүх, бүжиг наадгай хийхэд сайн. Хиншүү хярвас гаргах, байшингийн суурь тавих, өс дарах, угаал үйлдэх, залбирал тавихад муу. Замд гарвал идээнд ханан, санасан хэрэг бүтмүй. Зүүн нүд татвал үзэсгэлэн болох бөгөөд баруун татвал хэрэг өчүүхэн төдий бүтнэ. Баруун чих хангинавал үзэсгэлэнтэй бөгөөд зүүн чих хангинавал буян болно. Өдрийн сайн цаг нь морь, хонь, нохой, гахай, үхэр, луу болой. Үс шинээр үргээлгэх буюу засуулбал өлзийтэй сайн.
-
2016 оны 2 сарын 05
2016 оны 02 дугаар сарын 04-ний 20 цагаас 02 дугаар сарын 05-ны 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Солигдмол үүлтэй. Цас орохгүй. Салхи баруун өмнөөс секундэд 5-10 метр. Өдөртөө Алтайн салбар уулсаар секундэд 12-14 метр хүрч ширүүснэ. Завхан голын эхээр шөнөдөө 45-50 градус, өдөртөө 31-36 градус, Увс нуур болон Их нууруудын хотгор, Идэр, Тэс голын хөндий, Хүрэн бэлчир орчмоор шөнөдөө 35-40 градус, өдөртөө 21-26 градус, Алтайн өвөр говиор шөнөдөө 15-20 градус, өдөртөө 6-11 градус, бусад нутгаар шөнөдөө 25-30 градус, өдөртөө 10-15 градус хүйтэн байна.
ТӨВИЙН АЙМГУУДЫН НУТГААР: Багавтар үүлтэй. Цас орохгүй. Зөөлөн салхитай. Дархадын хотгороор шөнөдөө 36-41 градус, өдөртөө 25-30 градус, Хэнтэйн уулархаг нутаг, Хараа, Ерөө, Туул, Тэрэлж голын хөндийгөөр шөнөдөө 28-33 градус, өдөртөө 13-18 градус, бусад нутгаар шөнөдөө 21-26 градус, өдөртөө 8-13 градус хүйтэн байна.
ЗҮҮН АЙМГУУДЫН НУТГААР: Багавтар үүлтэй. Цас орохгүй. Салхи баруун хойноос секундэд 5-10 метр. Дарьгангын тал нутаг, Хэрлэн голын эхээр шөнөдөө 23-28 градус, өдөртөө 10-15 градус, бусад нутгаар шөнөдөө 18-23 градус, өдөртөө 5-10 градус хүйтэн байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруунаас секундэд 6-11 метр. Шөнөдөө 24-26 градус, өдөртөө 9-11 градус хүйтэн байна.
ГОВИЙН АЙМГУУДЫН НУТГААР: Солигдмол үүлтэй. Цас орохгүй. Салхи баруун хойноос секундэд 4-9 метр. Өмнөговийн нутгаар шөнөдөө 16-21 градус, өдөртөө 1-6 градус, бусад нутгаар шөнөдөө 19-24 градус, өдөртөө 7-12 градус хүйтэн байна.
УЛААНБААТАР ХОТ: Багавтар үүлтэй. Цас орохгүй. Салхи зүүн хойноос секундэд 5-10 метр. Шөнөдөө Яармаг-Сонгины орчмоор 31-33 градус, бусад хэсгээр 24-26 градус, өдөртөө 13-15 градус хүйтэн байна.
-
2016 оны 2 сарын 04
Хүүхэд залууст мэргэжлээ зөв сонгоход, ажилгүй иргэдэд ажил хайхад туслах зорилготой “Ажил, мэргэжлийн мэдээллийн төв” үүдээ нээлээ. Улсын хэмжээнд жишиг болох уг төвийг Герман, Швейцарь, Австрали улсын Засгийн газрын санхүүгийн дэмжлэгтэйгээр Монгол Улсын Хөдөлмөрийн яам болон Германы Олон улсын хамтын ажиллагааны нийгэмлэг” хамтран хэрэгжүүлж буй “Ашигт малтмалын салбар дахь түншлэлд суурилсан мэргэжлийн боловсрол, сургалт” төслийн дэмжлэгтэйгээр байгуулсан юм.
Шинэ төвийн нээлтийн тууз хайчлах ёслолд Хөдөлмөрийн яам, түүний харьяа байгууллагуудаас гадна Щвейцарийн Хөгжлийн агентлаг, ХБНГУ-ын Олон улсын хамтын ажиллагааны нийгэмлэг, БНСУ-ын Олон улсын хамтын ажиллагааны нийгэмлэг, Мэргэжлийн сургалт үйлдвэрлэлийн төвүүд, ерөнхий боловсролын болон их дээд сургуулиудын төлөөлөл, мөн ажил олгогч, мэргэжлийн холбоод, зорилтот бүлгийнхэн оролцлоо.
Хөдөлмөрийн яамны харьяа Хөдөлмөрийн ордонд өнөөдрөөс үйл ажиллагаагаа албан ёсоор эхлүүлсэн уг төвд ажил хайж буй иргэдээс гадна эзэмших мэргэжлийнхээ талаар тодорхой ойлголт авахыг хүсч байгаа хүүхэд, залуучууд үйлчлүүлэх боломжтой. Тэд ажил мэргэжлийн талаарх ерөнхий ойлголттой танилцаж, мэргэжлийн чиг баримжаа олгох ганцаарчилсан болон бүлгийн зөвлөгөө авах, цахим хэлбэрээр чадамжийн сорил бөглөж, өөрийн ур чадварын түвшинг тогтоох боломжтойгоос гадна, өөрт хэрэгцээтэй мэдээллийг үнэ төлбөргүйгээр хэвлэн авч, хувилан олшруулах бүрэн бололцоотойг ХЭҮСМҮТ-ийн захирал С.Чойноров танилцуулсан. Үүний зэрэгцээ хөдөлмөрийн салбарын мэргэжилтнүүд мэдээлэл, сургалт, уулзалт болон хэлэлцүүлэг, хөдөлмөрийн яармаг, аялал зэрэг олон талт үйл ажиллагааг тасралтгүй зохион байгуулах бөгөөд аймаг орон нутагт болон салбарын ажил олгогч байгууллагуудын дэргэд ийм төрлийн мэдээллийн төв байгуулж ажиллах хэтийн зорилготойг нээлтийн ёслолд оролцсон албаны хүмүүс дуулгаж байлаа.
Ажил мэргэжлийн мэдээллийн жишиг төвийг байгуулснаар мэргэжлийн мэдээллийн нэгдсэн санг бий болгож, ажил мэргэжлийн чиг баримжаа олгох, зөвлөх үйлчилгээг цахим хэлбэрээр иргэдэд хүргэх, мэргэжлийн мэдээллийн баазуудыг макро эдийн засгийн түвшинд болон ажил мэргэжлийн салбараар, орон нутгийн түвшинд боловсруулж, хөдөлмөрийн зах зээлийн нэгдсэн санд оруулж, ажил, мэргэжлийн нэгдсэн сүлжээг улс орон даяар холбох боломж бүрдэх юм байна.
Монгол Улсад хэрэгжүүлж буй “Ашигт малтмалын салбар дахь түншлэлд суурилсан мэргэжлийн боловсрол, сургалт” төслийн хүрээнд Ажил мэргэжлийн мэдээллийн 20 төв байгуулсны найм нь орон нутгийн Хөдөлмөрийн хэлтсүүдийн дэргэд, бусад нь төсөлд хамрагдаж буй мэргэжлийн боловсрол, сургалтын байгууллагыг түшиглэн үйл ажиллагаа явуулж байгаа. ХЭҮСМҮТ-ийн дэргэд үүд хаалгаа нээж буй шинэ төв төв нь өөрийн үйл ажиллагаагаараа Монгол Улсдаа жишиг загвар болж, цаашид үйлчилгээгээ улам чанаржуулан, цар хүрээгээ тэлснээр олон мянган залуус, ажилгүй иргэдэд мэргэжлийн өндөр түвшний зөвлөх үйлчилгээг үзүүлнэ гэдэгт итгэлтэй байгаагаа Швейцарийн Хөгжлийн агентлагийн суурин төлөөлөгч Маркус Валдфогел нээлтийн үеэр онцолсон.
Харин шинэ төвийн анхны үйлчлүүлэгчид үйл ажиллагаатай нь танилцсаны дараа “Ажил хайхад амархан боллоо” хэмээн дүгнэж байсан юм.
