"Wonderland Kids Festival" – Хүүхдийн баярт зориулсан 3 өдрийн гайхамшигт баяр амжилттай зохион байгуулагдлаа. Өнгөрсөн Бямба, Ням, Даваа гарагуудад хүүхдийн баярыг угтан зохион байгуулсан "Wonderland Kids Festival"арга хэмжээ 3 өдрийн турш амжилттай үргэлжилж, олон мянган хүүхэд, эцэг эхчүүдийн сэтгэл ханамжтай, дурсамжтай мөчүүдийг бүтээлээ.
Фестиваль нь хүүхэд бүр гэр бүлтэйгээ зугаатай, сонирхолтой, боловсрол олгох үйл ажиллагаанд хамрагдах боломжийг бүрдүүлсэн. Үүнд:
- Хүүхдийн жүжиг, үлгэрийн баатруудтай уулзалт: Хүүхдүүд хайртай үлгэрийн баатруудтайгаа уулзан, жүжиг үзэж, төсөөлөл, уран сэтгэмжээ хөгжүүлэх боломжтой байлаа.
- Циркийн үзүүлбэр: Амьсгаа давчдуулсан циркийн үзүүлбэрүүд, ур чадвар шаардсан хүндэтгэлийн тоглолтууд хүүхдүүдийн анхаарлыг татаж, баяр хөөрийг нэмэгдүүлэв.
- Зоопарк – Амьтдын ертөнцтэй танилцах: Бяцхан зочид төрөл бүрийн амьтантай ойроос танилцан, тэдний талаар мэдлэгээ тэлж, байгаль хамгаалах ухамсар суулгах алхам боллоо.
- Сонгодог урлаг ба хөгжим: Анир поп оркестрын хөгжимчид Disney, Studio Ghibli, DreamWorks зэрэг дэлхийд алдартай кино студийн бүтээлүүдийн сэтгэл хөдөлгөм аялгууг дүрслэлтэй хослуулан хүргэсэн нь хүүхэд, эцэг эхийн сэтгэлд хоногших гайхамшигт тоглолт байлаа.
- Сэтгэл зүйн болон мэргэжил сонголтын зөвлөгөө: Бүх насны хүүхэд болон тэдний эцэг эхчүүдэд зориулсан үнэ төлбөргүй сэтгэл зүйн зөвлөгөө, ирээдүйн мэргэжлээ зөв сонгоход туслах чиг баримжаа олгосон мэргэжлийн зөвлөгөөний хэсэг ихээхэн сонирхол татсан.
- Генетик тест, эрүүл мэндийн оношилгоо: Хүүхдийн биеийн онцлог, эрүүл мэндийг гүнзгийрүүлэн судлах боломж олгосон иж бүрэн оношилгоо хийгдэж, эцэг эхчүүд үнэ цэнтэй мэдээлэлтэй болсон.
- Хөгжлийн дугуйлангийн танилцуулга: Таеквондо, балет, гар урлал, керамик зэрэг төрөл бүрийн хөгжлийн дугуйлангуудын үйл ажиллагаатай танилцан, хүүхдийн сонирхол, авьяасыг нээх боломжийг эцэг эхчүүд олж харсан.
ЗОХИОН БАЙГУУЛАЛТААС…
- Хүүхдийн аюулгүй байдал бидний нэн тэргүүний зорилго тул 150-200 гаруй мэргэжлийн баг хамт олон ажиллах болно.
- Sky resort-д зассан асруудын мэдээлэл, тайзуудын байршил бүхий мэдээлэл агуулсан газрын зургийг тасалбарын хамт хүүхэд бүрд цүнхтэй очсон.
- Ид шидийн ертөнцөөр аялах Wonderland Festival дээр хүргэж өгөх нэгдсэн автобус үйлчилгээнээс авхуулаад бүхий л төрлийн хөтөлбөр үйлчилгээг цогцоор нь шийдлээ.
Арга хэмжээний амжилттай зохион байгуулагдах үндэс нь 150-200 сайн дурын хүүхдийн хүчин чармайлт байв. Тэд хүүхэд харах үйлчилгээ үзүүлж, хөтөлбөрийн талаар эцэг эхчүүдэд дэлгэрэнгүй мэдээлэл өгсөн нь олон эцэг эхийн талархлыг хүлээлээ.
“Wonderland Kids Festival” – Бороо шивэрсэн ч аз жаргалаар дүүрэн 3 өдөр
Өнгөрсөн Бямба, Ням, Даваа гарагуудад зохион байгуулагдсан "Wonderland Kids Festival" арга хэмжээ нь цаг агаарын таагүй нөхцөл байдалтай тулгарсан ч зохион байгуулагчдын уялдаа холбоотой ажиллагаа, чин сэтгэл, зохион байгуулалтын өндөр түвшний ачаар амжилттай болж өндөрлөлөө. Бороо шивэрч байсан ч хүүхдүүдийн инээд хөөр, баяр баясгалангаар дүүрэн, мартагдашгүй өдрүүд үргэлжилсэн юм.
Мартагдашгүй дурсамжийн эзэд тодорлоо
Мөн хүүхдийн баярын хамгийн дурсамжтай мөч, баярын түүхээ олон нийттэй хуваалцаж, хамгийн их хандалт авсан хоёр азтан маань гэр бүлээрээ "Wonderland Kids Festival"-д оролцох эрхээр шагнагдсан билээ.
Ирээдүйд илүү өргөн цар хүрээтэйгээр...
Зохион байгуулагчдын зүгээс ирэх жилүүдэд "Wonderland Kids Festival"-ийг улам бүр өргөжүүлж, илүү нарийн зохион байгуулалттай, олон улсын жишигт нийцсэн хэлбэрээр тогтмол, жил бүрийн хүүхдийн баярт зориулан зохион байгуулах болсноо албан ёсоор дуулгахад таатай байна.
Энэ нь зөвхөн нэгэн удаагийн баяр биш, харин хүүхэд бүрийн хөгжил, гэр бүлийн үнэ цэнийг дэмжих тогтвортой, бүтээлч, утга учиртай уламжлал болон төлөвшиж буйг илтгэж байна.
Ирэх жилүүдэд:
- Илүү олон оролцогч, төрөлжсөн хөтөлбөрүүд
- Боловсрол, урлаг, шинжлэх ухааны хосолсон арга хэмжээ
- Гадаад, дотоодын байгууллагуудтай хамтарсан оролцоо
- Хүүхдийн дуу хоолойг сонсох, тэдний оролцоог нэмэгдүүлэх чиглэлд анхаарал хандуулах зэргийг тусгах төлөвлөгөөтэй байна.
"Wonderland Kids Festival"-ийг амжилттай зохион байгуулахад үнэтэй хувь нэмрээ оруулсан бүх хамтран ажилласан байгууллага, түншүүд, ивээн тэтгэгчиддээ гүн талархал илэрхийлье. Та бүхний дэмжлэггүйгээр бидний энэхүү бүтээлч, олон талт арга хэмжээ ийнхүү амжилттай болохгүй байсныг онцлон тэмдэглэхийг хүсэж байна.
Мөн манай арга хэмжээнд хүрэлцэн ирсэн нийт зочид, хүүхдүүд, эцэг эхчүүдийн халуун дулаан хандлага, талархлын үгс, сэтгэлийн дэм бид бүхэнд улам их урам зориг, эрч хүч өгсөн билээ. Та бүхний сэтгэлийн илэрхийлэл нь бидний дараагийн фестивалийг илүү чанартай, илүү сэтгэлд хүрсэн байдлаар зохион байгуулах хүч болж байгаад баяртай байна.
Ирэх жилийн Хүүхдийн баяраар дахин уулзацгаая!
Хүүхэд бүрийн инээд цалгисан, дурсамж дүүрэн шинэ уулзалтыг тэсэн ядан хүлээж байна.
