МАН-ын Удирдах зөвлөлийн хурал халуухан болох таамаглал байгаа талаар бид өмнө нь мэдээлсэн. Учир нь энэ удаагийн хуралдаанаар хэдэн хэдэн асуудал хэлэлцэхээр төлөвлөсөн.
Юуны түрүүнд Бага хурлыг товыг гаргаж магадгүй гэх хүлээлт байгаа ч Ерөнхийлөгчийн сонгуульд ялагдал хүлээсэн УИХ-ын дарга, МАН-ын дарга М.Энхболдод хариуцлага тооцох асуудал, Элчин сайдын суудлаас татгалзсан С.Баярын хүсэлт, цаашлаад Шадар сайд У.Хүрэлсүхийг Ерөнхий сайд Ж.Эрдэнэбат захиалга өгч, тагнасан, 60 тэрбумын хэрэг гээд өнөөгийн анхаарал татах сэдвүүд энд хөндөгдөнө гэх мэдээлэл байсан.
Тэгвэл ирц хүрэхгүйн улмаас цаг гаруй хойшлогдсон УЗ-ийн хурлаар НИТХ-ын дарга, Нийслэлийн ИТХ-ын дарга Ц.Сандуйг нэлээд баалсан сураг дуулдаж байна.
Бүр зарим цахим хэрэглэгчид “60 тэрбумын хэрэг"-ийг өдөөж, МАН-ын нэрийг шороотой хутгаж, Ерөнхийлөгчийн сонгуульд МАН-ын даргыг ялагдуулсан НИТХ-ын дарга, Нийслэлийн ИТХ-ын дарга Ц.Сандуйг албан тушаалаас нь чөлөөлж, МАН-аас хөөх шийдвэрийг гаргасан” гэх мэдээллийг тарааж байна. Хэдийгээр ИТХ-ын дарга Ц.Сандуйг МАН-аас хөөсөн гэх мэдээлэл батлагдахгүй байгаа ч түүнтэй хариуцлага тооцох асуудлыг УЗ-ийн гишүүд нэлээд жинтэй авч үзсэн гэнэ шүү.
Сэтгэгдэл (32)