Бид та бүхэнд оны босгон дээр улирч буй 2024 онд улс, аймгийн цолтны барилдаанд сайн барилдсан ШИЛДЭГ 10 бөхийг танилцуулж байна. 

Улсын аварга О.Хангай 

О.Хангай аварга энэ жил бөхийн өргөөнд найман удаа түрүүлж, нэг үзүүрлэсэн амжилттай байна. Оны эхэнд Шинэ үндсэн хууль батлагдсаны 32 жилийн ойд зориулсан барилдаанд үзүүр булаажээ. 

Тэрбээр 2024 онд, 

• Жем Интернэшнл ХХК-ийн 25 жилийн ойд зориулсан, Улсын харцага цолонд хүндэтгэл үзүүлэх барилдаан

• Хилэнт эх хэмээх модон луу жилийн сар шинийн баярт зориулсан барилдаан

• Өвөрхангай аймгийн Баян-Өндөр сум, сургуулийн 100 жилийн ойд зориулсан, тус сумаас төрөн гарсан ах дүү гурван бөх аймгийн арслангийн барилдаан

• "Малчин түмэндээ тусалъя" хандивын барилдаан

• Ховд аймгийн Цэцэг сумын 100 жилийн ойд зориулсан, тус сумаас төрөн гарсан Монгол улсын начин Даваагийн Ганболдын нэрэмжит барилдаан 

• "Арвайн Үндэс" ХХК-ийн нэрэмжит, Монгол улсын арслан цолны хүндэтгэлийн барилдаан

• Монгол улсад барилгын салбар үүсэж хөгжсөний 98 жилийн ойд зориулсан, "Нутгийн Буян" группийн нэрэмжит барилдаан

• Өвөрхангай аймгийн Сант сумын харьяат, Монгол улсын арслан Ономжавын Аюурын нэрэмжит барилдаанд тус тус түрүүлсэн байна. 

Улсын заан Б.Бат-Өлзий

Б.Бат-Өлзий заан энэ онд таван удаа түрүүлж, хоёр удаа үзүүр булаав. Тэрбээр "Малчин түмэндээ тусалъя" хандивын барилдаан болон Наурызын баярт зориулсан барилдаануудад үзүүр булаасан юм. 

Тэр 2024 онд, 

• Шинэ үндсэн хууль батлагдсаны 32 жилийн ойд зориулсан барилдаан

• Төв аймгийн Баян сумын 100 жилийн ойд зориулсан барилдаан

• Архангай аймгийн Жаргалант сумын 100 жилийн ойд зориулсан, улсын арслан Баатарын Төрбат, улсын харцага Арцын Гончиг, улсын начин Готовын Баасанжав нарын нэрэмжит барилдаан

• Увс аймгийн Тэс сумын 100 жилийн ойд зориулсан барилдаан

• Ховд аймгийн Дарви сумын 100 жилийн ойд зориулсан, улсын начин Равдангийн Даваадалайн нэрэмжит барилдаанд тус тус түрүүлжээ. 

Дархан аварга Н.Батсуурь 

Тэрбээр энэ онд Улсын баяр наадиаас гадна бөхийн өргөөнд хоёр түрүүлсэн. Наурызын баярт зориулсан барилдаан болон Дотоод хэргийн их сургуулийн 90 жилийн ойд зориулсан барилдаанд түрүүлсэн бол "Ургацын баяр - 2023"-т зориулсан барилдаанд их шөвөгт шалгарав. 

Аймгийн хурц арслан Н.Өсөхбаяр

Тэрбээр энэ онд хоёр түрүүлж, гурав үзүүрлэн, долоон удаа их шөвөгт шалгарсан байна. Бест Буйдан ХХК-ийн 20 жилийн ойд зориулсан барилдаан болон Дорноговь аймгийн Сайхандулаан сумын харьяат, улсын арслан Гунгаагийн Намжилваанчиг, улсын заан Лувсангийн Сүрэнжав нарын нэрэмжит барилдаанд түрүүлсэн бол Бүх цэргийн наадам, Сүхбаатар аймгийн Сүхбаатар сумын 100 жилийн ойд зориулсан, улсын начин Лувсандоржийн Дашдаваагийн нэрэмжит барилдаануудад үзүүр булаажээ. 

Түүний их шөвөгт шалгарсан барилдаанууд 

• Шинэ үндсэн хууль батлагдсаны 32 жилийн ойд зориулсан барилдаан

• Наурызын баярт зориулсан барилдаан

• Архангай аймгийн Чулуут сумын 100 жилийн ойд зориулсан, тус сумаас төрөн гарсан Монгол улсын начин Пагваасүрэнгийн Моломжамцын нэрэмжит барилдаан

• "Их Богд" дэвжээний 20 жилийн ойд зориулсан, Баянхонгор аймгийн Баянбулаг сумын харьяат, улсын харцага Даш-Очирын Батболдын нэрэмжит барилдаан

• "Арвайн Үндэс" ХХК-ийн нэрэмжит, Монгол улсын арслан цолны хүндэтгэлийн барилдаан

• Монгол улсад барилгын салбар үүсэж хөгжсөний 98 жилийн ойд зориулсан, "Нутгийн Буян" группийн нэрэмжит барилдаан

• Нийслэл Улаанбаатар хотын 385 жилийн ойд зориулсан барилдаан

Улсын харцага Б.Зоригтбаатар 

Зоригоо харцага энэ онд хоёр түрүүлж, таван удаа үзүүрлэв. Сүхбаатар аймгийн Сүхбаатар сумын 100 жилийн ойд зориулсан, улсын начин Лувсандоржийн Дашдаваагийн нэрэмжит барилдаан болон Архангай аймгийн Батцэнгэл сумын 100 жилийн ойд зориулсан, Улс аймгийн цолтой 128 бөхийн барилдаан түрүүлсэн байна. 

Харин, 

• Өвөрхангай аймгийн Баян-Өндөр сум, сургуулийн 100 жилийн ойд зориулсан, тус сумаас төрөн гарсан ах дүү гурван бөх аймгийн арслангийн нэрэмжит барилдаан

• Дорноговь аймгийн Мандах сумын 100 жилийн ойд зориулсан, улсын начин Алтангэрэлийн Хатансайханы нэрэмжит барилдаан

• Төв аймгийн Батсүмбэр сумын 100 жилийн ойд зориулсан, тус сумаас төрөн гарсан Монгол улсын начин Бат-Очирын Пүрэвдоржийн нэрэмжит барилдаан

• Бест Буйдан ХХК-ийн 20 жилийн ойд зориулсан барилдаан

• Бүгд найрамдах улсаа тунхаглаж, анхдугаар үндсэн хуулиа баталсны 100 жилийн ойд зориулсан барилдаанд тус тус үзүүр булаажээ. 

Улсын заан С.Сүхбат

Тэрбээр энэ онд нэг түрүүлж, хоёр үзүүрлэн, гурван удаа их шөвөгт шалгарсан байна. Сүхбат заан Бүгд найрамдах улсаа тунхаглаж, анхдугаар үндсэн хуулиа баталсны 100 жилийн ойд зориулсан барилдаанд түрүүлсэн бол Их эзэн Чингис хааны мэндэлсний 862 жилийн ой, Монгол бахархлын өдөрт зориулсан барилдаан болон Архангай аймгийн Өлзийт сумын 100 жилийн ойд зориулсан, тус сумаас төрөн гарсан улсын цолтнуудын нэрэмжит барилдаан үзүүр булаажээ. 

Мөн тэрбээр Даншиг наадамд түрүүлж, Даншгийн арслан болжээ. 

Түүний их шөвөгт шалгарсан барилдаанууд 

• Сэлэнгэ аймгийн Сайхан сумын Хөтөл хотын 40 жилийн ойд зориулсан, улсын начин Батсайханы Дэлгэрсайханы нэрэмжит барилдаан

• Архангай аймгийн Чулуут сумын 100 жилийн ойд зориулсан, тус сумаас төрөн гарсан Монгол улсын начин Пагваасүрэнгийн Моломжамцын нэрэмжит барилдаан

• Архангай аймгийн Батцэнгэл сумын 100 жилийн ойд зориулсан, Улс аймгийн цолтой 128 бөхийн барилдаан

Улсын арслан Р.Пүрэвдагва 

Барилдаанд болгонд шахуу зодоглодог тэрбээр энэ онд "Их Богд" дэвжээний 20 жилийн ойд зориулсан, Баянхонгор аймгийн Баянбулаг сумын харьяат, улсын харцага Даш-Очирын Батболдын нэрэмжит барилдаан түрүүлжээ. 

Үзүүрлэсэн барилдаанууд

• Дорноговь аймгийн Сайхандулаан сумын харьяат, улсын арслан Гунгаагийн Намжилваанчиг, улсын заан Лувсангийн Сүрэнжав нарын нэрэмжит барилдаан

• Архангай аймгийн Жаргалант сумын 100 жилийн ойд зориулсан, улсын арслан Баатарын Төрбат, улсын харцага Арцын Гончиг, улсын начин Готовын Баасанжав нарын нэрэмжит барилдаан

• Архангай аймгийн Чулуут сумын 100 жилийн ойд зориулсан, тус сумаас төрөн гарсан Монгол улсын начин Пагваасүрэнгийн Моломжамцын нэрэмжит барилдаан

• Архангай аймгийн Батцэнгэл сумын 100 жилийн ойд зориулсан, Улс аймгийн цолтой 128 бөхийн барилдаан

• Төв аймгийн Баян сумын 100 жилийн ойд зориулсан барилдаан

Их шөвөгт шалгарсан барилдаанууд

• Архангай аймгийн Өлзийт сумын 100 жилийн ойд зориулсан, тус сумаас төрөн гарсан улсын цолтнуудын нэрэмжит барилдаан

• Өмнөговь аймгийн Баян-Овоо сумын харьяат, улсын начин Дашдуламын Багахүүгийн нэрэмжит барилдаан

• Өвөрхангай аймгийн Баян-Өндөр сум, сургуулийн 100 жилийн ойд зориулсан, тус сумаас төрөн гарсан ах дүү гурван бөх аймгийн арслан Сампилын Лувсангомбо, аймгийн арслан Сампилын Гомбодорж, аймгийн заан Сампилын Дорж нарын нэрэмжит барилдаан

Цэргийн заан Ө.Батсуурь

Тэрбээр энэ онд нэг түрүүлж, хоёр үзүүрлэв. Хөвсгөл аймгийн Цагаан-Уул сумын харьяат, аймгийн хурц, бадрангуй, хичээлт арслан Бат-Очирын Баттогтохын нэрэмжит барилдаанд түрүүлсэн бол "Азтай залуус 12-р сар" аймаг, цэргийн цолтой бөхийн барилдаан, Баянхонгор аймгийн Баянбулаг сумын харьяат, Аймгийн арслан Цэдэн-Ишийн Шийрэвийн нэрэмжит, Баянбулаг сумын 100 жилийн ойд зориулсан барилдаанд үзүүр булаажээ. 

Улсын арслан Ц.Бямба-Отгон 

Шинэхэн арслан маань энэ онд Архангай аймгийн Өлзийт сумын 100 жилийн ойд зориулсан, тус сумаас төрөн гарсан улсын цолтнуудын нэрэмжит барилдаанд түрүүлжээ. Монгол улсад барилгын салбар үүсэж хөгжсөний 98 жилийн ойд зориулсан, "Нутгийн Буян" группийн нэрэмжит барилдаан болон Дундговь аймгийн Дэлгэрцогт сумын харьяат, улсын харцага Лхагвасүрэнгийн Пүрэвжавын нэрэмжит барилдаан үзүүрлэсэн. 

Мөн Их эзэн Чингис хааны мэндэлсний 862 жилийн ой, Монгол бахархлын өдөрт зориулсан барилдаан, Булган аймгийн Сайхан сумын 100 жилийн ойд зориулсан, тус сумаас төрөн гарсан аваргуудын нэрэмжит барилдаан, Өвөрхангай аймгийн Бат-Өлзий сумын 100 жилийн ойд зориулсан, аймгийн заан Цамбын Бадарчийн нэрэмжит барилдаанд тус бүр их шөвөгт шалгараад байна. 

Улсын заан М.Лхагвагэрэл

Олимыпн бэлтгэлтэй байгаад цөөхөн гарч зодоглосон Лхагвагэрэл заан энэ онд Булган аймгийн Сайхан сумын 100 жилийн ойд зориулсан, тус сумаас төрөн гарсан аваргуудын нэрэмжит барилдаанд түрүүлжээ. Мөн Ардчилсан хувьсгалын 35 жил, Ардчиллын төлөөх намууд нэгдсэний 24 жилийн ойд зориулсан барилдаан болон Булган аймгийн Дашинчилэн сумын 100 жилийн ойд зориулсан, улсын заан Дэндэвийн Амгаагийн нэрэмжит барилдаанд үзүүрлэсэн бол Баянхонгор аймгийн Богд сумын 100 жилийн ойд зориулсан, Монгол Улсын улам нэмэх начин Чулууны Баасанхүүгийн нэрэмжит барилдаанд шөвөгт шалгарсан байна. 

Аймгийн хурц арслан Д.Алтанцоож

Өнөө жил Говьсүмбэр аймгийн баяр наадамд түрүүлж, Орхон аймгийн баяр наадамд үзүүрлэсэн тэрбээр бөхийн өргөөнд "Азтай залуус 12-р сар" аймаг, цэргийн цолтой бөхийн барилдаан болон Өвөрхангай аймгийн Бат-Өлзий сумын 100 жилийн ойд зориулсан, аймгийн заан Цамбын Бадарчийн нэрэмжит барилдаануудад түрүүлжээ. 

Мөн Булган аймгийн Сайхан сумын 100 жилийн ойд зориулсан, тус сумаас төрөн гарсан аваргуудын нэрэмжит барилдаанд үзүүрлэсэн юм. 

Улсын арслан Б.Орхонбаяр 

Тэрбээр энэ онд Дорноговь аймгийн Замын-Үүд сумын 30 жилийн ойд зориулсан барилдаанд түрүүлсэн бол Улсын баяр наадмаар үзүүр булуусан билээ. 

Улсын өсөх идэр начин Ч.Батчулуун 

Тэрбээр энэ онд Нийслэл Улаанбаатар хотын 385 жилийн ойд зориулсан барилдаанд түрүүлжээ. Мөн Дотоод хэргийн их сургуулийн 90 жилийн ойд зориулсан барилдаанд үзүүрлэж, Өвөрхангай аймгийн Сант сумын харьяат, Монгол улсын арслан Ономжавын Аюурын нэрэмжит барилдаан, Шинэ үндсэн хууль батлагдсаны 32 жилийн ойд зориулсан барилдаануудад их шөвөгт шалгарав. 

Улсын заан Д.Хүдэрбулга 

Шинэхэн заан маань энэ онд Ардчилсан хувьсгалын 35 жил, Ардчиллын төлөөх намууд нэгдсэний 24 жилийн ойд зориулсан барилдаанд түрүүлжээ. Мөн Жем Интернэшнл ХХК-ийн 25 жилийн ойд зориулсан, Улсын харцага цолонд хүндэтгэл үзүүлэх барилдаанд үзүүрлэн, Улсын баяр наадам, "Их Богд" дэвжээний 20 жилийн ойд зориулсан, Баянхонгор аймгийн Баянбулаг сумын харьяат, улсын харцага Даш-Очирын Батболдын нэрэмжит барилдаан, Төв аймгийн Баян сумын 100 жилийн ойд зориулсан барилдаануудад их шөвөгт шалгарав.

Улсын харцага Н.Золбоо

Золбоо харцага энэ онд Сэлэнгэ аймгийн Сайхан сумын Хөтөл хотын 40 жилийн ойд зориулсан, улсын начин Батсайханы Дэлгэрсайханы нэрэмжит барилдаанд түрүүлжээ. Үүнээс гадна хоёр удаа үзүүр, таван удаа их шөвөг шалгараад байна. 

Л.Баяр