Өнгөрсөн баасан гарагт Лос Анжелес Лэйкерс Атланта Хоукс багийг 119:102-оор хожсон амжилтаа ахиуллаа. Уг тоглолтод Леброн Жэймс NBA-ийн түүхэнд хамгийн олон 30 оноо авсан тоглогч болж домогт Майкл Жорданы амжилтыг давдаа.
Жэймс 20 шидэлтийнхээ 13-ыг амжилттай болгосон юм. Тэрбээр тоглолтын дөрөвдүгээр үед Жорданы түүхэн мөчийг санагдуулам 18 футын холоос үсэрч замналынхаа 563 дахь 30 оноог авсан юм. Домогт Майкл Жордан 2003 онд Чикаго Буллс багт 562 дахь 30 онооны амжилтаа тогтоож байжээ.
Шинэ амжилтынхаа дараа өгсөн яриандаа Жеймс "Намайг ямар ч агуу тоглогч дурсаж магад. Гэхдээ тэр бол энэ тоглоомыг тоглож байсан хамгийн шилдэг нь, үнэхээр гайхалтай. Тэр бол миний багадаа шүтэн биширч байсан хүн. Би түүнээс болж 23 дугаарын өмсгөл өмсдөг" хэмээжээ.
Жэймс багаа оноо авалтаар тэргүүлсэн бөгөөд Энтони Дэвис 18 оноо, 19 самбар, гурван бөмбөг таслалт, Остин Ривз 20 оноо, 7 самбар, 6 оновчтой дамжуулалт өгчээ.
Л.Баяр
