Дэлхийн хөл бөмбөгийн хамгийн алдартай гурвал гэгддэг Лионел Месси, Луис Суарес, Неймар нарыг дахин нэгдэхийг харах хүсэлтэй хүн их байдаг биз. Гурван улирлын турш Барселона багт хамт зүтгэсэн тэд урьд өмнө хэзээ ч байгаагүй амжилтыг бүтээж, 364 гоол, 173 оновчтой дамжуулалтаар багтаа хувь нэрэм оруулсан. 

2017 онд Неймар дэлхийн дээд амжилтын үнээр Парис Сен-Жермен рүү шилжсэн нь их гурвалын төгсгөл байлаа. Уругвай тоглогч Суарес Атлетико Мадрид руу явахаас өмнө Месситэй гурван улирал хамт байсан. Тэд 2024 онд Интер Майамид эргэн нэгдсэн бол Бразил залуу Саудын Арабт Аль Хилалтай наймаа хийж байгаа билээ. 

Арабын Нэгдсэн Эмират улсын Дубай хотноо саяхан болсон "Globe Soccer Awards"-аас тоглогчийн карьерын шагналыг хүртсэнийхээ дараа тэрбээр "Мэдээжийн хэрэг Месси, Суарес нартай дахин тоглох нь гайхалтай байх болно. Тэд миний найзууд. Бид бие биетэйгээ холбоотой байдаг. Их гурвалыг сэргээх нь сонирхолтой байх болно. Би "Аль Хилал"-д, Саудын Арабт ч баяртай байна, гэхдээ хэн мэдлээ. Хөлбөмбөг гэнэтийн зүйлээр дүүрэн байдаг. Намайг Парис Сен-Жерменийг орхиж байна гэсэн мэдээ гарах үед АНУ-д солилцооны цонх хаагдсан байсан тул надад тэдэнтэй нэгдэх сонголт байгаагүй. Саудын Араб дахь санал зөвхөн надад төдийгүй манай гэр бүлд ашигтай байсан тул ийм шийдвэрээ гаргасан" гэж CNN Sport-д ярьжээ. 

Л.Баяр