Их, дээд сургуулийн хичээлийн жил эхлэх гэж байгаатай холбогдуулан ЦЕГ-ын хэвлэл мэдээллийн ажилтан, цагдаагийн ахмад Ё.Лхагвасүрэнгээс  дараах зүйлийг тодруулллаа.

- Удахгүй хичээлийн шинэ эхлэх гэж байна. Оюутан залуус хөдөө орон нутгаас ирэхээр архидан согтуурах нь ихэсдэг. Иймээс танайхаас ямар арга хэмжээ авч ажиллаж байна вэ?

-Цагдаагийн байгууллагаас энэ сарын 10-наас эхлэн эргүүлийн идэвхижүүлж, төлөвлөгөөт болон төлөвлөгөөт бус шалгалтуудыг байнга хийж байгаа. Өөрөөр хэлбэл, архи согтууруулах ундаагаар үйлчилдэг байгууллагуудад шалгалтыг голлон хийж байна. Учир нь оюутан залуусын хичээлийн шинэ жил эхлэх гэж байгаатай холбоотойгоор архидан согтуурдаг. Улмаар хэв журмын болон танхайрах төрлийн гэмт хэрэг үйлдэх магадлал өндөр байдаг. Тиймээс тухайн аж ахуйн нэгжүүдийг цагийн хуваарийн дагуу үйл ажиллагаагаа явуулах, насан хүрсэн хүнд үйлчлэх /22-оос дээш насныханд архи согтууруулах ундаагаар үйлчлэх/ журмыг баримталж ажиллахыг шаардаж мэргэжлийн байгууллагуудтайгаа хамтран шалгалтуудыг хийж байгаа.

-Архи согтууруулах ундаагаар үйлчилдэг байгууллага хяналтыг хэрхэн тавьж байгаа вэ?

-Баар, ресторан үйлчлүүлж байгаа иргэдийн иргэний үнэмлэхийг нь шалгах хэрэгтэй. Хэрэв тухайн үйлчилгээний газраар үйлчлүүлж байгаа иргэд заавал иргэний үнэмлэхтэйгээ байх шаардлагатай. Архи согтууруулах ундаагаар үйлчилдэг газраар үйлчлүүлж байгаа л бол цагдаагийн байгууллага болон хууль хяналтын байгууллагын албан хаагч шалгахад хэн, хэдэн настай гэдгээ гэрчлэх иргэний үнэмлэх баримт бичиг заавал байх хэрэгтэй.Тиймээс ялангуяа архи согтууруулах ундаагаар үйлчилдэг аж ахуйн нэгжүүд ч үйлчлүүлэгчдийн иргэний үнэмлэхтэй байхыг хянах хэрэгтэй юм. 

-Хэрэв баар цэнгээний газраар үйлчлүүлж байгаа иргэд иргэний үнэмлэхгүй байвал  ямар арга хэмжээ авах  вэ?

- Тухайн иргэн иргэний үнэмлэх болон өөрийгөө хэн гэдгийг гэрчлэх бичиг баримтгүй бол цагдаагийн байгууллага тухайн хүнийг 72 цаг хүртэл хугацаанд түр саатуулан, шалгаж хуулийн хүрээнд зохион байгуулах үүрэгтэй. Уг үүргийнхээ дагуу цагдаагийн байгууллагаас зохих түвшиний ажлуудыг зохион байгуулсаар байгаа.

-Баар цэнгээний газрууд насанд хүрээгүй иргэдэд архи согтууруулах ундаагаар үйлчилсэн  тохиолдол ямар арга хэмжээ авах вэ?

-Хэрэв согтууруулах ундаагаар үйлчилдэг газрууд насан хүрээгүй хүнд үйлчилсэн бол тухайн аж ахуйн нэгжийн тусгай зөвшөөрлийн нь цуцлах саналыг нийслэлийн Захирагчийн албанд хүргүүлж байгаа. Тиймээс аж ахуйн нэгжүүд Монгол улсад батлагдлсан буюу хүчин төлгөлдөр мөрдөгдөж байгаа хуулийн хүрээнд үйлчилгээгээ  явуулах хэрэгтэй.  Мөн иргэдийн үүрэг оролцоо маш чухал үүрэгтэй гэдгийг анхаарах хэрэгтэй.

-Хичээл сургууль орох гээд хөл хөдөлгөөн ихсэж, халаасны хулгай нэлээд гардаг?

-Хулгайлах төрлийн гэмт хэргээс урьдчилэн сэргийлэх үүднээс цагдаагийн байгууллагаас олон ажлыг зохион байгуулж байгаа. Тэр дундаа халаасны хулгайн гэмт хэргэээс урьдчилан сэргийлэх чиглэлээр Баянзүрх дүүргийн офицеруудыг ордноос таван шарын автобусны буудал хүртэлх зайд 50 ширхэг камерыг цагдаагийн байгууллагаас байрлуулсан. Мөн хүн ихээр төвлөрдөг автобусны буудлууд, худалдаа үйлчилгээний төвүүдэдийг хянахаар камерыг байрлуулсан байгаа. Уг ажил нийслэлийн цаглаагийн газраас нэг албан хаагч гараад 24 цагаар камерын хяналтыг хийж байна. Өөрөөр хэлбэл, гудамж талбайд үйлдэгдэж байгаа зөрчил, халаасны хулгайн гэмт хэргээс урьдчилан сэргийлэх, таслан зогсоох, илрүүлэх, нотлох баримтын хэмжээнд тухайн камерын бичлэгийг авч үзэх чиглэлээр ажиллаж байна. Энэ  ажил нэлээн үр дүнтэй байгаа. Учир нь камерын бичлэгээр олон хэргийг илрүүлж, маш олон гэмт хэргийг газар дээр нь таслан зогсоосон.