Төв аймаг дахь Зэвсэгт хүчний 016 дугаар ангийн цэргүүд нэгнийгээ зодсон хэрэг гарчээ. Тодруулбал, өнгөрсөн хавар цэргийн алба хаахаар Баянзүрх дүүргээс татагдан ирсэн байлдагч Ө нь өнгөрсөн оны намар цэргийн албанд ирсэн ангийнхаа хуучин цэргүүдэд зодуулж бэртсэн байна. Цэргийн төв госпиталийн эмнэлэг түүнийг бэртлийг "гэмтлийн урхагт тархины гэмтэл" гэж оношилжээ. Улмаар түүний ар гэрийнхэн Зэвсэгт хүчний жанжин штабт гомдол гаргажээ.