Өнөөдөр зун цагийн хамгийн сүүлчийн баасан гариг тохиож байна. Тиймээс залуус та бүхэнд дэлхийн хамгийн том 10 үдэшлэгийг танилцуулъя.

1.    “Electric Daisy Carnival” нь Хойд Америкийн хамгийн том хөгжмийн наадам юм. Энэхүү наадмыг АНУ-ын Калифорн, Колорадо, Флорида, Невада, Техас мужуудад зохион байгуулж байжээ. 2009 оноос эхлэн энэхүү арга хэмжээ нь өргөжиж, хоёр өдрөөр зохион байгуулагддаг болжээ. 2011 онд Лас Вегас хотноо гурван өдрийн турш үргэлжлэхэд 230 мянган хүн оролцож байсан бол 2012 онд 320 мянга болж нэмэгдсэн байна. Наймдугаар сард зохион байгуулагдсан энэ жилийн наадамд 402 мянган нэгдсэн ажээ.

2.    “Холи” наадам нь Энэтхэгийн Уттар Парадеш мужид зохион байгуулагддаг. Энэ үеэр хавар эхэлснийг бэлгэдэн гудамжинд сая сая хүн жагсдаг байна. Нутгийн оршин суугчид солонгын долоон өнгийн нунтаг бодисыг бие биерүүгээ цацаж баярладаг.

3.    “Rock in Rio” наадам Бразилын Рио Де Жанеро хотноо зохион байгуулагддаг. Дэлхийн хамгийн томоохон хөгжмийн наадмын нэгд тооцогддог энэ арга хэмжээний үеэр Рио хотын гудамжинд нэг сая гаруй хүн цуглардаг байна. Энэ жилийн наадамд Muse, Beyonce, Justin Timberlake нарын алдартнууд оролцжээ.

4.    “Distortion” наадам Данийн Копенгаген хотод болдог. Долоо хоног үргэлжлэх Европын нээлттэй үдэшлэгээр хот даяар 100 гаруй тайз засаж 100 мянган хүн цуглардаг. Үүнийг солиотой мангасуудын цуглаан гэж нэрлэх нь ч бий.

5.    “Burning man” нь Невадагийн цөлд 70 гаруй мянган хүнийг цугларуулдаг томоохон арга хэмжээ билээ. Энд хүмүүс урлагийн сонирхлоороо нэгддэг.

6.    “Tomorrow Land” нь олон мянган фэнүүдийн хуран цугладаг электро дэнс наадам юм. Үүнд 400 гаруй DJ оролцдог бөгөөд зохион байгуулагчид нь түр зуурын асар барьдаг. Бельгийн нийслэл Брюссель хотод 2005 оноос хойш болж байгаа энэ наадамд дэлхийн 75 орноос жуулчид ирдэг. Анхны цуглаанд 10 000 хүн оролцсон бол 2012 онд 180 000 хүн цуглажээ. Тасалбарын үнэ 347-927 доллар.

7.    “Bay to Breakers” нь Калифорн мужийн Сан Францискод болдог. Энэхүү наадам оролцогчид хол замыг явган туулангаа хатуу юм уудаг. Оролцогчдын зарим нь этгээд хувцаслаж, зарим нь нүцгэн алхдаг гэнэ. Үүнд 110 мянган хүн оролцдог.

8.    “Sensation white” наадам өнөө цагийн электрон хөгжмийн нэр хүндтэй цуглаан билээ. Цуглаанд ирэгсэд энх тайвныг бэлэгдэж цагаан хувцасаар жигдрэн гоёдог. Амстердамын арена цэнгэлдэхэд эхэлж дэлхийн томоохон хотуудад хүрч тоглодог цагаан хувцастнуудын үдэшлэгт Польш, Австри, Чили, Герман, Бельги, Унгар, Грек, Латви, Орос, Португаль, Бразил, Румин, Норвеги, Украйн, АНУ, Солонгос, Тайланд, Тайван зэрэг 18 улс нэгдсэн байна.

9.    “Sensation black” бүжгийн арга хэмжээ нь дэлхий даяар олон зуун мянган хүнийг хамруулж чаддаг. 2013 онд дэлхийн 22 хотод зохион байгуулагдсан байна.

10.    Тайландын “Full Moon” үдэшлэгт 30 мянган хүн оролцдог. Энэхүү арга хэмжээнд ирж бүжиглэх хүмүүс зөөлөн ундаа уудаг. Далайн эрэг дээр хаус, транс хөгжим сонирхогчид ирдэг байна.