Энэ сарын 1-ны өдөр Төв аймгийн Баяндаваагийн замд Багануур дүүргийн Онцгой байдлын албан хаагчид зам тээврийн ослоор амиа алдсан харамсалтай хэрэг гарсан талаар мэдээлсэн. Ослоор Багануур дүүргийн Онцгой байдлын хэлтсийн дарга, онцгой байдлын хурандаа С.Цэндсүрэн, гамшгаас хамгаалах улсын хяналтын байцаагч, онцгой байдлын ахмад Ч.Ганхүү, онцгой байдлын ахмад Ж.Эрдэнэбаяр, нягтлан бодогч, онцгой байдлын ахмад Б.Намжилмаа нар амиа алдсан харамсалтай хэрэг гарсан. Энэ талаар ОБЕГ-ын дэд дарга Т.Бадралаас тодруулахад “Амь эрсэдсэн албан хаагч Монгол Улсын гамшгаас хамгаалах үйлсэд оруулсан үнэтэй хувь нэмэр оруулсан алба хаагчид байсан. Талийгаачдын гэр бүл, үр хүүхэд, төрөл төрөгсөд, хамт олонд Онцгой байдлын албаны нийт бие бүрэлдэхүүн гүн эмгэнэл илэрхийлж байна. Одоо ОБЕГ-ынхан талийгаачдын ар гэрийнхэнтэй уулзахаар Багануур дүүрэг рүү явж байна” гэлээ.