Зохион байгуулалттай гэмт хэрэгтэй тэмцэх газрын даргаар хурандаа Б.Амгаланбаатарыг, Хэрэг бүртгэлт мөрдөн байцаалт хариуцсан орлогчоор хурандааЦ. Арвинбуудайг, Гүйцэтгэх ажиллагаа хариуцсан орлогчоор хурандаа Д.Энхбаярыг томилсон. Эдгээр хурандаа нарыг ямар учраас чөлөөлсөн талаар ЦЕГ-ын албан ёсоор тайлбар хийлээ. Энэ талаар тус газрын Хэвлэл мэдээллийн төвийн дарга Б.Баатархүү “ЦЕГ-ын дарга, тэргүүн комиссар С.Баатаржав ЦЕГ-ын даргын зөвлөлийг хуралдуулж, хурандаа нарыг ажлаас чөлөөлөх шийдвэр гаргасан. Хурандаа нарын асуудлаар цагдаагийн байгууллагын албаны шалгалт хийгдэж байсан. Шалгалтын дүнг өнгөрсөн баасан гаригт ЦЕГ-ын даргын зөвлөлийн хурлаар хэлэлцсэн байгаа юм. Улмаар Зохион байгуулалттай гэмт хэрэгтэй тэмцэх газрын даргаар хурандаа Б.Амгаланбаатарыг, Хэрэг бүртгэлт мөрдөн байцаалт хариуцсан орлогчоор хурандаа Ц.Арвинбуудайг, Гүйцэтгэх ажиллагаа хариуцсан орлогчоор хурандаа Д.Энхбаярыг томилсон. Цаашид ч энэхүү халгаа сэлгээ үргэлжилнэ гэх мэдээлэл ташаа” гэлээ. Харин Ц.Батсүх нарын хурандаа нарыг ямар учраас халав гэсэн асуултад “Хэвлэл мэдээллийн хэрэгслээр цацагдаад байсан Г.Сарангэрэлийн хэрэгтээ холбогдуулан шалгалтын ажиллагаа хийгдсэн. Улмаар хурандаа нарыг ажилдаа хариуцлага алдаж, ёс зүйн алдаа гаргасан гэсэн үндэслэлээр чөлөөлөх шийдвэр гарсан” гэх тайлбарыг өгсөн юм.
Хурандаа Ц.Арвинбуудай нь:
1990-1993 онд Дундговь аймгийн цагдаагийн хэлтэст мөрдөн байцаагч
1993-1999 онд УМБГ-т ахлах байцаагч
2001-2007 онд ЦЕГ-ын Тамгын газрын ахлах байцаагч, ШҮХ-т чиглэлийн ахлах, ШҮХ-ийн дарга, БЗҮХ-ийн дарга
2007-2008 онд МБГ-ын дэд бөгөөд хэлтсийн дарга, даргын үүрэг гүйцэтгэгч
2008-2010 онд ЗУГ-ын дарга
2012-2013 онд МСТөвд дэд бөгөөд Мэдээлэл статистикийн хэлтсийн дарга
2013-2014 онд МСТТ-д дарга
Хурандаа Д.Энхбаяр нь:
1996-2002 онд Сэлэнгэ аймгийн Цагдаагийн газарт эрүүгийн төлөөлөгч
2002-2003 онд ТЗХТ-д эрүүгийн төлөөлөгч
2003-2008 онд ЭЦГ-ын 6-р хэлтэст эрүүгийн төлөөлөгч, ахлах төлөөлөгч, тасгийн дарга
2008-2012 онд Налайх дүүргийн цагдаагийн хэлтсийн дарга
2012-2013 онд НЦГ-ын ГХТГ-ын хулгайлах ГХТГ-ийн дарга
2014 оноос ЦЕГ-ын мөрдөн шалгах ажиллагаанд дэмжлэг үзүүлэх мэргэжлийн газарт Эрэн сурвалжлах хэлтсийн дарга
Хурандаа Б.Амгаланбаатар:
1993-2002 онд БГД-ийн цагдаагийн хэлстийн Мөрдөн байцаах газарт мөрдөн байцаагч
2002-2007 онд СХД-ийн цагдаагийн хэлтсийн Мөрдөн байцаах газарт тасгийн дарга
2007-2008 онд Мөрдөн байцаах газрын АТЗБГХ-н дарга, ЭЗГХМХ-ийн дарга
2008-2012 онд ЦЕГ-ын ХНСХ-ийн дарга
2012 онд суралцсан
2014 онд НЦГ-ын дэд бөгөөд ГХТГ-ын дарга, НЦГ-ын ГХТ асуудал эрхэлсэн дэд дарга
Д.Ундрах /24tsag.mn/
Сэтгэгдэл (16)