Сүүлийн үед БНХАУ-д үйлдвэрлэсэн, чанар стандарт нь монгол хүүхдийн биед зохицохгүй дүрэмт хувцас оруулан ирж, "Нарантуул" худалдааны төвд худалдаж буй талаар иргэд мэдээлж байна. Мөн Эрээнээс Замын-Үүд рүү орж ирсэн гурван автобусыг шалгахад сурагчийн 17500 ширхэг дүрэмт хувцас байсныг илрүүлжээ. 350 орчим хайрцагтай энэхүү хувцсыг манай улсын иргэд хууль бусаар нэвтрүүлэхийг завдсан бөгөөд эдгээр дүрэмт хувцсуудад "Монголд үйлдвэрлэв" гэдэг шошго хадсан байсныг хэвлэлийнхэн онцоллоо.