МУГЖ Г.Ариунбаатарыг өнгөрсөн сарын 21-нд  шүүхээр болсон ч энэ сарыг 3-ныг болтол хойшилсон. Учир нь түүний өмгөөлөгч шүүх хуралд оролцох боломжгүй, хүндэтгэх шалтгаантай болсон юм. Тэгвэл Эрүүгийн хуулийн тусгай ангийн 99.1-т зааснаар бусдын бие махбодид хөнгөн гэмтэл санаатай учруулах хэрэгт буруутгагдсан Г.Ариунбаатарыг шүүхээс хэргийг нь хэрэгсэхгүй болгосон байна. Учир нь түүнд зодуулж, салах өргөдлөө өгөх дээрээ тулаад байсан эхнэр нь гомдолоо буцааж авчээ.