Хэв журмын цагдаа нар осол гаргажээ
Баянзүрх дүүргийн нутаг дэвсгэрт Цайз зах Офицеруудын ордон руу уруудаж явсан автомашин өндөр настай эрэгтэй хүнийг мөргөж гэмээтсэн осол гарсаныг бид мэдээлсэн. Энэхүү осол өчигдөр өглөө 09.55 минутын орчимд гарсан юм байна. Уг ослыг 5333 УБЧ улсын дугаартай “Grand Mark II” машинтай явж байсан Хэв журмын цагдаа нар гаргасан юм. Хэргийг газарт очход нийслэлийн Замын цагдаагийн шинжилгээний багийнхан ирж хэмжилтийг хийж байв.
Хохирогч 66 настай бөгөөд ослын үеэр хоёр гутал сугарч шидэгджээ
Харин осол өртөж хохирсон 66 настай Б-г Түргэн тусламжийн машинаар ГССҮТ-рүү явсан байсан юм. Хэргийн газарт үзлэг хийж байсан шинжээчид осол гаргасан цагдаагийн согтуу ундаа хэрэглэсэн эсэхийг шалгахад эрүүл гарсан гэдгийг онцоллоо. Харин осол өртсөн иргэнийн хоёр гутал замын наана цаана сугарч үлдсэн байсан нь тэр хавийг иргэдийг сэртхийлгэж байгаа дүр зураг харагдав.
Тухайн зам дээр хуурд сааруулагч, явган хүний гарц байсангүй
Эх сурвалжуудын хэлж буйгаар Цайз захаас Офицеруудын ордон руу дахь зам дээр осол нэлээд их гардаг байна. Энэ онд л гэхэд 12 дахь осол нь гарч гурван хүн амь насаа алдсан аж. Энэ замд хурд сааруулагч болон явган хүний гарц байдаггүй гэнэ.
Гэвч хохирогчийн хувьд тухайн үед халамцуулахан явж байсан бөгөөд цагдаа нарын хувьд 50-60 орчим км цагийн хурдтай явж байжээ.
Д.Ундрах /24tsag.mn/
Сэтгэгдэл (3)