Орос, Хятадын төрийн тэргүүний айлчлал өрнөөд сүүлийн хэд хоног улс төр нам гүмхэн байв. Сөрөг хүчин эдгээр айлчлалын үеэр эвтэй байхыг уриалж, улс төржихгүй гэж мэдэгдсэн. Энэхүү мэдэгдэлдээ ч эзэн болж МАН-ынхан хоёр хөршийн төрийн тэргүүний айлчлалын үеэр ямар нэгэн улс төрийн акц хийсэнгүй. Сонирхолтой нь өчигдөр сөрөг хүчний парламент дахь бүлгийн дарга С.Бямбацогт автобусаар зорчиж ард иргэдтэй уулзаж явсан гэж эх сурвалж мэдээлэв. Улс төр хийж явах ёстой сөрөг хүчний дарга автобусаар зорчиж иргэдтэй уулзаад яваагийн цаана ямар зорилго байгааг мэдэхгүй юм. Тэгээд ч МАН-ын бүлгийн дарга С.Бямбацогтыг машины дугаар гарахгүй өдөр автобусаар зорчиж, зундаа дугуй хөлөглөдөг болоод удсан гэж өөр нэг эх сурвалж мэдээлэв.