Украины нийслэл Киев хотод газар дорх усны хоолой задарч өндөр даралттай ус алдсаны улмаас дэлбэрэлт болж их хэмжээний хөрс шороо агаарт цацагдсан байна.

Нийслэлийн засаг даргын захирамжийн дагуу явган хүний зам гарцыг чөлөөлөх ажлын үйл явц 50 хувьтай байна.

Хэд хоногийн өмнө Баянгол дүүргийн хорьдугаар хорооны нутаг дэвсгэрт их хэмжээний гал гарч билээ.

Дэлхийн эрүүл мэндийн байгууллагаас тамхи татдаг хүмүүс татдаггүй хүмүүсийг бодвол долоон жилээр дутуу насалдаг болохыг тогтоожээ. Дэлхийн хэмжээнд тамхи татсанаас болж жилд дөрвөн сая хүн, өдөрт 11 мянган хүн, минутад зургаан хүн нас бардаг байна.
Энэ тоо 2030 он гэхэд хоёр дахин өсч 10 саяд хүрэх тооцоог Дэлхийн эрүүл мэндийн байгууллага гаргасан байна. Тамхинд 400 гаруй химийн бодис агуулагддагаас 43 төрлийн хорт бодис нь хүний биед хорт хавдар үүсгэдэг байна.

Тиймээс нийслэлийн Засаг даргын хэрэгжүүлэгч агентлаг нийслэлийн Залуучуудын хөгжлийн газар, нийслэлийн Эрүүл мэндийн газраас хамтран “Тамхины ишгүй-Улаанбаатар” хөдөлгөөн өрнүүлж эхэллээ. Энэхүү хөдөлгөөнд идавхтэй оролцож эрүүл мэндээ хамгаалж, орчноо цэвэр байлгахад хувь нэмрээ оруулахыг залуучууддаа уриалж байна гэж нийслэлийн Залуучуудын хөгжлийн газраас мэдээллээ.

Монгол улсад мэргэжлийн Симфони найрал хөгжим үүсч хөгжсөний 60 жилийн ой тохиож байна. Ойн тоглолтын арга хэмжээ 6-р сарын 5-нд:

· 11:00 цагт Улсын Филармонийн 2 давхарт- Нээлтийн үйл ажиллагаагаар эхэлж байгаа бөгөөд нээлтийн үйл ажиллагаанд “Баярын хурал”, “Баримтат кино” зэрэг багтах юм

· 13:00 цагт “Монгол дахь симфони найрал хөгжмийн хөгжил” онол практикийн бага хурлаар үргэлжилж

· 18:00 цагт Ойн хүндэтгэлийн концерт Улсын дуурь бүжгийн эрдмийн театрт тоглогдох болно.
Тоглолтонд:
УдирдаачН.Туулайхүү УГЗ/ Удирдаач Ч.Чинбат /УГЗ/ Удирдаач Д.Нямдаш /СТА/ Удирдаач Б.Батбаатар
Удирдаач Б.Анар
Тасалбарыг: Улсын Филармонийн кассаар болон Ticket.mn сайтаас болон 1900-1617 лавлах үнэгүй хүргэж байна. Мөн MOBICOM-н хэрэглэгч та бүхэн candy-гээрээ тасалбараа хөнгөлүүлээд авах боломжтой боллоо.

Тоглолтын тухай дэлгэрэнгүй мэдээллийг 7011-8012, 7014-8012, 9919-6623 дугаараас тодруулна уу.

БСШУС-ын сайдын асуудлыг Засгийн газар шуурхайлан шийдвэрлэж, Ж.Батсуурийг ёстой нэг ногоон гэрлээр огцруулж дөнгөв. Номхон тэмээг ноолох амар гэгчээр буурь суурьтай хүнээр нь далимдуулж огцруулж байна.

Өнгөрсөн долоо хоногт Аюулгүй байдлын судлаач Б.Чулуунбат мэдээлэл хийж Х.Тэмүүжин АНУ-ын элчин сайдын яаманд мэдээлэл дамжуулдаг байсан хэмээн мэдээлсэн билээ.

Өнгөрсөн даваа гарагт Цюрих хотын дүүргийн шүүх Швейцарийн түүхэнд анх удаа Facebook нийгмийн сүлжээний сэтгэгдэлд “лайк” дарсан хүнд торгуулийн ял оноосон байна.

Маргааш эх үрсийн баярын өдөр тохиож байна. Олон улсын хүүхдийн эрхийг хамгаалах эл өдрийг Баянхонгор аймгийн ЗДТГ-аас ”Хүүхэд бүр гэр бүлдээ аз жаргалтай” сэдвийн дор зохион байгуулахаар болжээ Энэ өдөр хүүхдүүдийн очих дуртай тоглоомын төвийг төв талбай болон гурван цэцэрлэгт хүрээлэнд 20 өртөө ажиллуулахаар болон байна. Мөн эл өдрийг архи, тамхигүй, автомашингүй өдөр байхаар тогтож, эцэг эхчүүдэд үр хүүхэдтэйгээ хамт нэг өдрийг хамт өнгөрүүлэх боломжийг бүрдүүлжээ. Мөн баярын өдрөөр хүүхдийн ”Тэмүжин” театр болон Хөгжимт драмын театрын уран бүтээлчид хүүхэд багачууддаа зориулсан урлагийн тоглолтоор бэлэг барих аж.

2017 оны 05 дугаар сарын 31-ний өдрийн байдлаар улсын хэмжээнд Улаанбаатар хотод 9 удаа, Архангай, Баян-Өлгий, Булган, Дорнод, Завхан, Сүхбаатар, Сэлэнгэ, Төв, Ховд, Хөвсгөл, Хэнтий аймгийн 39 суманд 65 удаа, нийт 74 удаагийн ой, хээрийн гал түймэр гарч /урьдчилсан байдлаар/ 38812.3 га ой, 27654.5 га хээр, нийт 66466,8 га талбай түймэрт өртсөн байна.



Өнөөдрийн байдлаар,Сэлэнгэ аймгийн Ерөө сум, Төв аймгийн Эрдэнэ сумын зааг Арцат уулын орчим буюу Минжийн хангайд 1 түймэр, Хөвсгөл аймгийн Цагаан-Үүр суманд 2, Тариалан суманд 1, Булган аймгийн Хутаг-Өндөр суманд 1, Төв аймгийн Мөнгөнморьт суманд 1, Сүхбаатар аймгийн Эрдэнэцагаан суманд 1, улсын хэмжээнд нийт 7 түймэр асч байна.



Дээрх түймрүүдээс Хөвсгөл аймгийн Цагаан-Үүр суманд гарсан 1, Тариалан суманд гарсан нэг түймрийг цурманд оруулсан.

Түймрийн голомт дээр Онцгой байдлын албанаас 160 албан хаагч, 10 автомашинтайгаар, орон нутгаас 174 иргэн, 13 автомашин, 62 морьтойгоор, нийт 334 хүн, 23 автомашин, 62 морьтойгоор ажиллаж байна.



Хур тунадас багатай, цаг агаар халж, хуурайшилт эрчимтэй явагдаж түймрийн нөхцөл байдал хүндэрч түймрийн голомт нэмэгдсэн тул Сэлэнгэ аймгийн Ерөө сум, Төв аймгийн Эрдэнэ сумын зааг Арцат уулын орчим буюу Минжийн хангай, Төв аймгийн Мөнгөнморьт сумын нутагт гарсан түймрийн голомтод 2017 оны 05 дугаар сарын 30-ны өдрийн 14:00 цагт Аврах тусгай ангийн 20 албан хаагчийг Зэвсэгт хүчний 303 дугаар ангийн МИ 171Е загварын нисдэг тэргээр хүргэж түймрийг шуурхай унтраах арга хэмжээ авч ажиллаж байна.



Дээрх 74 удаагийн гал түймрийг унтраахад /давхардсан тоогоор/ Онцгой байдлын байгууллагаас 1314 албан хаагч, 143 автомашин, Хилийн цэргийн анги, байгууллагаас 129 албан хаагч, 10 автомашин, Зэвсэгт хүчний анги, байгууллагаас 150 албан хаагч, 8 автомашин, Цагдаагийн байгууллагаас 34 албан хаагч, 1 автомашин, орон нутгаас 2504 иргэн, 280 автомашин, 42 мотоцикл тус тус дайчлагдан нийт 4131 хүн, 442 автомашин, 42 мотоцикль, техник хэрэгсэлтэйгээр ажилласан байна гэж Онцгой байдлын ерөнхий газраас мэдээллээ.

2016-2017 оны хичээлийн жил дуусаж байна. ЕБС-ийн бага ангийнхан өнгөрсөн долоо хоногт амарсан. Тэгвэл маргаашаас цэцэрлэгүүдийн амралт улс орон даяар эхэлнэ. Мөн ЕБС-ийн дунд анги буюу 3-5-р ангийнхан маргаашаас амрах юм байна.

Харин ахлах ангийн сурагчид зургадугаар сарын 8-наас амарна. Их дээд сургуулиудын тухайд сургуулийн захиргаа шийддэг учир сургууль бүрийн амралт өөр, өөр байдаг аж.
Нийслэл


I-II анги

V/25-наас

III-V анги

VI/01-нээс

VI-IX анги

VI/08-наас

X-XII анги

Орон нутаг

I-II анги

V/25-наас

III-V анги

VI/01-нээс

VI-IX анги

VI/08-наас

X-XII анги

Цэцэрлэг

VI/1-нээс

Ж.Батсуурийг огцруулах

УИХ-ын чуулганы хуралдаанаар БСШУС-ын сайд Ж.Батсуурийг огцруулах эсэх асуудлыг хэлэлцэж байна. Хэлэлцэж буй асуудалтай холбогдуулан гишүүд асуулт асууж хариулт авч дууслаа.

Монгол Улсын Ерөнхий сайд Ж.Эрдэнэбат Петербургийн олон улсын эдийн засгийн чуулга уулзалтад оролцохоор өнөөдөр ОХУ-ыг зорилоо. Энэ чуулга уулзалтаар ОХУ, хөгжиж байгаа эдийн засаг, дэлхийн улс орнуудын өмнө тулгарч байгаа эдийн засгийн асуудлыг хэлэлцэн тодорхойлдог.

Ерөнхий сайд чуулга уулзалтын нээлтэд үг хэлэх бөгөөд өргөтгөсөн хуралдаанд оролцох юм. Мөн Бүгд Найрамдах Серби Улсын Ерөнхий сайдын үүрэг гүйцэтгэгч, Бүгд Найрамдах Энэтхэг Улсын Ерөнхий сайдтай уулзаж харилцаа, хамтын ажиллагааны чиглэлээр ярилцах бол ОХУ-ын Бүгд Найрамдах Буриад Улсын тэргүүний үүрэг гүйцэтгэгч, Евразийн эдийн засгийн комиссын Сайд нарын зөвлөлийн дарга, ОХУ-ын Холбооны Хурлын Холбооны Зөвлөлийн төсөв, санхүүгийн зах зээлийн Байнгын хорооны дарга, Новосибирск мужийн амбан захирагч, ОХУ-ын Засгийн газрын орлогч дарга, Москва хотын дарга нар бараалхах юм.

Ерөнхий сайд Ж.Эрдэнэбат мөн Монгол Улс, ОХУ хоорондын хамтын ажиллагааны баримт бичигт гарын үсэг зурах ёслолын ажиллагаанд оролцоно. Талууд “Олон нийтийн харилцаа холбооны салбарт хамтран ажиллах тухай”, “Монгол Улсад ОХУ-аас хүмүүнлэгийн тусламж үзүүлэх тухай”, “Эрчим хүчний яам хооронд цахилгаан эрчим хүчний салбарт хамтран ажиллах тухай” зэрэг баримт бичигт гарын үсэг зурахаар төлөвлөжээ хэмээн Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

УИХ-ын чуулганы хуралдаанаар БСШУС-ын сайд Ж.Батсуурийг огцруулах эсэх асуудлыг хэлэлцэж байна. Хэлэлцэж буй асуудалтай холбогдуулан

УИХ-ын чуулганы хуралдаанаар БСШУС-ын сайд Ж.Батсуурийг огцруулах эсэх асуудлыг хэлэлцэж байна. Хэлэлцэж буй асуудалтай холбогдуулан гишүүд асуулт асууж хариулт авч байна.

Олон улсын хүүхдийн эрхийг хамгаалах өдрийн тохиолдуулан Нийслэлийн соёл, урлагийн байгууллагууд хүүхдийн үзвэрийг бэлтгээд байна. Ингээд өнөөдөр, маргааш болох үзвэрийн хуваарийг хүргэж байна.

ХҮҮХЭЛДЭЙН ТЕАТРТ: /5.31, 06.01 - 15.00/

Хүүхдийн баярт зориулсан баярын тоглолт өнөөдөр, маргааш 15.00 цагаас тоглоно. Тус тоглолтын билет 5000 төгрөг бөгөөд Хүүхэлдэйн театрын кассар худалдаалж байна.



УЛСЫН ДРАМЫН ЭРДМИЙН ТЕАТРТ: /06.01-ний 12.00, 15.00, 18.00/

’ЦАСАНГОО БА ДОЛООН ОДОЙ’ сонгодог бүжгэн жүжиг.

Дэлхийн олон театрт Цасангоо балетыг тоглодог бөгөөд Nomadic Ballet Production-ы авъяаслаг, хөдөлмөрч залуус хөгжмийн зохиолч Б.Павловскийн хувилбараар эх орныхоо тайзан дээр 2016 оны 11 сард анх удаа амилуулан, Монголын сонгодог урлагийн хөгжилд нэгэн шинэ хуудсыг нээсэн билээ. Тэгвэл энэхүү сонгодог бүжгэн жүжгийг маргааш буюу зургадугаар сарын 1-ний өдөр гурван удаа тоглох гэж байна. Тасалбар бүр бэлэгтэй бөгөд ticket.mn болон УДБЭТ-ын кассаар худалдаалж байна.



УЛСЫН ДРАМЫН ТЕАТР: /06.01-ний 14.00, 16.00-с/

Улсын драмын эрдмийн театрын уран бүтээлчид зохиолч Я.Баяраа, найруулагч Б.Хишигзаяагийн бүтээл ’Царцаа Намжил’ хүүхдийн жүжгийг тоглох гэж байна. Маргааш энэхүү жүжиг театрын тайзнаа хоёр удаа тоглогдоно.



ҮНДЭСНИЙ ДУУ БҮЖГИЙН ЭРДМИЙН ЧУУЛГА: /06.01 - 10.00, 14.00/

Хүүхдийн бүжгийн сэдэвчилсэн тоглолтыг ҮДБЭЧ-ын уран бүтээлчид зургадугаар сарын нэгний өдөр хоёр удаа тоглох гэж байна.

КОРПОРЭЙТ КОНВЭШН ТӨВИЙН КОНЦЕРТЫН ТАНХИМ. /06.01 - 13.00/

А.Толстойн ’Буратиногийн адал явдал’ зохиолоос сэдэвлэн, Ардын жүжигчин С.Сарантуяагийн найруулсан ’АЛТАН ТҮЛХҮҮР’ хүүхдийн жүжгийг ганцхан удаа тоглох гэж байнаэ. Хүүхдийн сайн мэдэх сургамжит үлгэрийн жүжигт урт хамар, шовгор малгайтай дүрсгүй модон хүү Буратиногийн тухай өгүүлэх ба гол баатрууд болох Карло аав, найрагч Пьеро, цэнхэр үст Мальвина, урт сахалт Карабас Барабас зэрэг олон дүр гардаг билээ.



’УЛААНБААТАР ПАЛАС’ КОНЦЕРТЫН ТАНХИМ. /06.01 - 13.00/

’Үлгэрийн баатрууд хамтдаа буюу Алтан залаат азарган тахиа’ хүүхэлдэйн жүжгийг зургадугаар сарын 1-д 13.00 цагаас ганцхан удаа тоглох гэж байна. Багачууд жүжиг үзэхээс гадна үлгэрийн баатруудтай хамтдаа зургаа татуулж, тоглох боломжийг олгох юм.



ХҮҮХДИЙН ОРДОН. /06.01 - 11.00, 16.00/

’ИД ШИДИЙН АЯЛАЛ’ ХҮҮХДИЙН ЖҮЖИГ

Монголын хүүхдийн ордны авьяаслаг сурагчид ’Ид шидийн аялал’ хүүхдийн жүжгийг хоёр удаа тоглох гэж байна. Жүжгийн гол санаа нь нийгэмд эерэг хандлага өгч, одоогийн хүүхэд залуусыг цахим ертөнцөөс түр ч гэсэн холдуулж, бодит ертөнцөд тэр дундаа номтой нөхөрлүүлэх гэсэн зорилготой аж. Жүжгийн тасалбар 18 мянган төгрөг бөгөөд хүүхэд бүрт бэлэгтэй аж.

Олон улсын хүүхдийн эрхийг хамгаалах өдрийн тохиолдуулан маргааш 11.00-16.00 цагийн хооронд ’Монгол хүүхэд’ баярын үйл ажиллагаа Сүхбаатарын талбайд болно. Энэ үеэр Монголын үндэсний тоглоом наадгайг сурталчилна.

Ч.БОЛОР

УИХ-ын чуулганы нэгдсэн хуралдаан эхэллээ. Чуулганы хуралдаанаар БСШУС-ын сайд Ж.Батсуурийг огцруулах эсэх асуудлыг хэлэлцэж байна.

боомт

Авлигатай тэмцэх газрын Судалгаа шинжилгээний албанаас 2017 оны 5 дугаар сарын 22-26-ны өдрүүдэд 1800-1969 тусгай дугаарт ирүүлсэн гомдол мэдээлэлд дүн шинжилгээ хийв. Энэ хугацаанд нийт 31 өргөдөл, гомдол, мэдээлэл хүлээн авсан байна.

Гомдол, мэдээлэл нь агуулгын хувьд төрийн байгууллагын ёс зүй, хүнд суртал, удирдах ажилтны гаргасан шийдвэртэй холбоотой 12, ашиг сонирхлын зөрчилтэй гэх 11 гомдол, мэдээлэл байсан бол гэмт хэргийн шинжтэй 5 гомдол, мэдээлэл, бусад 3-ыг шалгуулахаар ирүүлсэн байна. Гомдол мэдээллийг салбар, байгууллагаар нь авч үзвэл боловсрол, нутгийн удирдлагатай холбоотой гомдол, мэдээлэл харьцангуй олон иржээ.

Тухайлбал Монгени сургууль, Нийслэлийн 5-р сургууль, 38-р сургууль, 112 дугаар цэцэрлэг, 68-р цэцэрлэг, 49-р цэцэрлэг, 14-р цэцэрлэг зэрэг боловсролын байгууллагатай холбоотой, Орхон аймгийн мэргэжлийн хяналтын улсын байцаагч болон Баянхонгор аймгийн Баянлиг, Өмнөговь аймгийн Даланзадгад, Цогтцэций сум, Төв аймгийн Жаргалант, Говь-Алтай аймгийн Тонхил сумдын төрийн албан хаагчидтай гомдол мэдээлэл ирүүлсэнийг хүлээн авч, хянан шалгаж байна.

Иргэд, олон нийт авлига, ашиг сонирхлын зөрчил, албан тушаалын гэмт хэрэг, төрийн байгууллагын хүнд сурталын талаар санал гомдол, мэдээллийг АТГ-ын 1800-1969 дугаарын утсанд өгч, цаашид энэ төрлийн хууль бус үйлдэл дахин гаргахаас сэрэмжлэхийг хүсч байна.

Гомдол, мэдээллийн тоо, салбар, байгууллагаар

№
Тоо
Хувь

Боловсрол
7
23.3

Нутгийн удирдлага
6
20.0

Цагдаа
4
13.3

Зам, тээвэр
2
6.7

Эрүүл мэнд
2
6.7

Төрийн бус байгууллага
2
6.7

ОНӨААТҮГ
2
6.7

Батлан хамгаалах
1
3.3

Мэргэжлийн хяналт
1
3.3

Прокурор
1
3.3

Хууль зүйн үйлчилгээ, өмгөөлөл, нотариат
1
3.3

Газрын харилцаа, кадастр
1
3.3
Дүн
30
100.0