УИХ-ын гишүүн асан Л.Гантөмөр, М.Батчимэг, Л.Тэмүүжин нарын бүрэлдэхүүнтэй байсан Нэг ардчилал фракц тарснаа албан ёсоор зарласан. Фракцаа тараасан эрхмүүд АН гэх нэг тугийн дор нэгдэхийг намынхандаа уриалаад байсан юм.



Тэгвэл тэдний уриалагыг Баян-Өлгийн аймгийн АН-ынхан дэмжиж, намын даргын үүрэг гүйцэтгэгч Д.Эрдэнэбатад шаардлага хүргүүлсэн байна.



Тус шаардлагад фракц хоорондын талцал, хэдхэн бүлэглэлийн явцуу эрх ашгаас болж АН удаа дараагийн сонгуульд ялагдсан гэдгийг онцолсон байна. Тиймээс Нэг ардчиллын санаачилгыг дэмжиж, намын удирдлагыг гартаа авахыг санаархсан фракц, бүлэглэлийг бүгдийг нь тарааж, зөвхөн Ардчиллын туган дор нэгдэж, шинэчлэлийг эхлүүлэх ёстой гэдгийг намын удирдлагадаа уламжилжээ.

Сэрэмжлүүлэг: Бага насны хоёр хүүхэд цахилгаан тогоотой хоолонд түлэгджээ

Одоогоор 49 хувийг эзэмшигч талыг төлөөлөн ТУЗ-д ”Эрдэнэс Оюу Толгой” ХХК-ийн гүйцэтгэх захирал, ”Эрдэнэс Монгол” компанийн ТУЗ-ийн гишүүнээр ажиллаж байсан Да.Ганболд сонгогдсон гэх мэдээлэл байгаа юм. Өнөөдөр”Эрдэнэт Үйлдвэр” ХХК-ийн хувьцаа эзэмшигчдийн хурлын талаархи мэдээллийг Төрийн өмчийн бодлого зохицуулалтын газраас 11:00 цагт өгөх юм байна.

Сүхбаатар аймгийн ИТХ Анхдугаар хуралдаанаа өчигдөр хийж, ИТХ-ын даргаар Д.Хосбаярыг сонгож, Ж.Батсуурийг Засаг даргаар томилуулахаар шийдвэрлэснээ Засгийн газарт өргөн мэдүүлэхээр болжээ. Өмнө нь тус аймагт ИТХ-ын сонгуулиар АН 16, МАН 16 суудал авч нэг тойрогт нөхөн сонгууль явуулах шүүхийн шийдвэр гараад байсан.

Малын эмийн салбар зөвлөлийн ээлжит дөрөвдүгээр хуралдаанаар шинээр улсын бүртгэлд малын эм, бэлдмэл бүртгүүлэхээр хүсэлт ирүүлсэн гурван аж ахуйн нэгжийн 11 нэр төрлийн эмийн асуудлыг хэлэлцэн шийдвэрлэсэн байна.

Монгол Улсын төсвийн багагүй хувийг бүрдүүлдэг Эрдэнэт үйлдвэрийн захирлаар хэн томилогдох бол гэдэг нь өдгөө олны анхаарлыг татаад байна. Тэгвэл “Эрдэнэт”-ийн шинэ захирлаар хэд хэдэн хүний нэр “сойгдож” байгаа бололтой. Тодруулбал МАН-ын дарга М.Энхболдын хамтрагч Т.Бадамжунайг томилож магадгүй гэх бор шувуу ойрын өдрүүдэд газар авсан билээ. Харин түүний араас ”Алтжин” группийн тэргүүн Г.Алтан, “Эрдэнэт”-ийн экс захирал Ч.Ганзориг нарын нэр яригдаж байна. Тэгвэл “Эрдэнэт”-д “эзэн” суухаар санаархаж буй эрхмүүдийн хэн нь хэн бэ гэдгийг сонирхуулъя.

08:00 цагаас ХУД-ийн Алтай хотхонд байрлах Гамшигтай тэмцэх сургалтын төвд: Нийслэлийн онцгой комисс хуралдана. Энэ үеэр өнөөгийн нөхцөл байдал болон гамшгийн бэлэн байдлын талаар мэдээлэл өгнө.

/Монгол улсын их хурлын 2016 оны 11 дүгээр сарын 3,4-ний өдрийн нэгдсэн хуралдаанаар хэлэлцэх асуудал/

10.00 цагаас:

Хуульчийн эрх зүйн байдлын тухай хуулийн 36 дугаар зүйлийн 36.3 дахь хэсэг Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн 2016.10.21-ний өдрийн 11 дүгээр дүгнэлт;
“Авлигатай тэмцэх, хариуцлага, шударга ёсыг бэхжүүлэх Үндэсний хөтөлбөр батлах тухай” Улсын Их Хурлын тогтоолын төсөл /Монгол Улсын Ерөнхийлөгч 2015.11.19-ний өдөр өргөн мэдүүлсэн, эцсийн хэлэлцүүлэг/;
Монгол Улсын 2017 оны төсвийн тухай, Нийгмийн даатгалын сангийн 2017 оны төсвийн тухай хуулийн төслийн хамт өргөн мэдүүлсэн хууль, Улсын Их Хурлын тогтоолын төслүүд /Засгийн газар 2016.09.30-ны өдөр өргөн мэдүүлсэн, анхны хэлэлцүүлэг/;
Монгол Улсын 2017 оны төсвийн тухай, Нийгмийн даатгалын сангийн 2017 оны төсвийн тухай хуулийн төслүүд /Засгийн газар 2016.09.30-ны өдөр өргөн мэдүүлсэн, хоёр дахь хэлэлцүүлэг/;
Хүүхэд харах үйлчилгээний тухай хуульд өөрчлөлт оруулах тухай, Засгийн газрын тусгай сангийн тухай хуульд нэмэлт оруулах тухай, Шүүхийн захиргааны тухай хуульд нэмэлт оруулах тухай, Ашигт малтмалын тухай хуульд нэмэлт, өөрчлөлт оруулах тухай, Аж ахуйн үйл ажиллагааны тусгай зөвшөөрлийн тухай хуульд нэмэлт оруулах тухай, Улсын тэмдэгтийн хураамжийн тухай хуульд нэмэлт оруулах тухай, Төсвийн тухай хуульд нэмэлт оруулах тухай, Ирээдүйн өв сангийн тухай хуульд нэмэлт, өөрчлөлт оруулах тухай, Хөрөнгө оруулалтын тухай хуульд нэмэлт оруулах тухай хуулийн төслүүд болон “Төрийн өмчийг 2015-2016 онд хувьчлах, өөрчлөн байгуулах үндсэн чиглэлийг үргэлжлүүлэн хэрэгжүүлэх тухай” Улсын Их Хурлын тогтоолын төсөл, “Прокурорын байгууллагын албан тушаалын цалингийн хэмжээг шинэчлэн тогтоох тухай” Улсын Их Хурлын тогтоолын төсөл, “Монгол Улсын Үндсэн Хуулийн Цэцийн дарга, гишүүний албан тушаалын цалингийн хэмжээг тогтоох тухай” Улсын Их Хурлын тогтоолын төсөл /Монгол Улсын 2017 оны төсвийн тухай хуулийн хоёр дахь хэлэлцүүлэгтэй холбогдсон, анхны хэлэлцүүлэг/;
Монгол Улсын Засгийн газар, Дэлхийн банкны Олон улсын хөгжлийн ассоциаци хооронд байгуулсан “Экспортыг дэмжсэн төсөл”-ийн Санхүүжилтийн хэлэлцээрийг соёрхон батлах тухай хуулийн төсөл /Засгийн газар 2016.10.27-ны өдөр өргөн мэдүүлсэн, соёрхон батлах/;
Монгол Улсын Засгийн газар, Бүгд Найрамдах Австри Улсын Засгийн газар хоорондын Санхүүгийн хамтын ажиллагааны хэлэлцээрийг соёрхон батлах тухай хуулийн төсөл /Засгийн газар 2016.10.27-ны өдөр өргөн мэдүүлсэн, соёрхон батлах/;
“Эдийн засгийн хүндрэлийг даван туулах, тогтворжуулах хөтөлбөр батлах тухай” Улсын Их Хурлын тогтоолын төсөл /Засгийн газар 2016.10.27-ны өдөр өргөн мэдүүлсэн, хэлэлцэх эсэх/;
“Монгол Улсын эдийн засаг, нийгмийг 2017 онд хөгжүүлэх үндсэн чиглэл батлах тухай” Улсын Их Хурлын тогтоолын төсөл /Засгийн газар 2016.10.27-ны өдөр өргөн мэдүүлсэн, хэлэлцэх эсэх/;
Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай хуулийн төсөл, Төрийн албаны тухай хуульд нэмэлт оруулах тухай хуулийн төсөл /Засгийн газар 2016.10.07-ны өдөр өргөн мэдүүлсэн, хэлэлцэх эсэх/;
Нийгмийн даатгалын сангаас олгох, тэтгэвэр тэтгэмжийн тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн С.Чинзориг 2016.10.07-ны өдөр өргөн мэдүүлсэн, хэлэлцэх эсэх/;
Малчин, хувиараа хөдөлмөр эрхлэгчийн тэтгэврийн даатгалын шимтгэлийг нөхөн төлүүлэх тухай хуулийн төсөл /Улсын Их Хурлын гишүүн С.Чинзориг 2016.10.07-ны өдөр өргөн мэдүүлсэн, хэлэлцэх эсэх/;
Монгол Улсын Ерөнхий сайдын мэдээлэл: “Эрүүл мэндийн салбарын өнөөгийн байдал, цаашид авч хэрэгжүүлэх арга хэмжээ”-ний талаар.

Цолмон гараг зарим Загаснуудын ойр дотнын болон ажил мэргэжлийн харилцаанд нь төвөг удсаар л байна. Хэрвээ та урагшлахаар шийдэж, давуу талыг олж авсан бол тантай хамтрахаа больсон бизнесийн хамтрагч тань эргэн ирэх санал тавих бөгөөд үүнд та шийдвэртэй хариу өгнө. Хэцүү нөхцөл байдлыг үл тоомсорлосноос илүү, бүх юм эргээд хэвэндээ ортол хийх зүйлсээ бага зэрэг хойшлуулах хэрэгтэй. Авьяаслаг Загаснуудын хувьд онгод, урам зориг нь зочилж ирэх бөгөөд өнөөдөр их бүтээлч байх болно.

...Хэрэвзээ дүү МАН-ын хурал хуй болдогоороо болж асуудлаа эрт шийдвэл ах МАН-д хортой. Дүү нар хэдий хэр урт хугацаанд хоорондоо зодолдоно тэр чинээгээр ах МАН-д ашигтай. Үүнийг доль сууж, долоон удаа буудуулсан ах нар юу эс андахав. Тиймдээ ч дүү нараа хооронд нь талцуулан, заримыг нь өөртөө урвуулан ашиглаж байгаа нь өвгөн ах нарын хашир ухааных...

Боловсрол соёл шинжлэх ухаан спортын яамнаас 2016-2017 оны хичээлийн жилээс эхлэн сурагчдын амралтын хуваарийг өөрчилж, энэ сарын 27-нд эхлэх байсан нэгдүгээр улирлын амралтыг хойшуулсан билээ.

Тодруулбал, хөдөө орон нутаг болон нийслэлийн ЕБС-ийн нэгдүгээр улирлын амралт маргаашаас буюу энэ сарын 3-наас 9-ний өдөр хүртэл нэг долоо хоног үргэлжлэх бол, хоёрдугаар улирлын амралт 12-р сарын 29-нд эхэлнэ.

Мөн энэ хичээлийн жилээс эхлэн бага ангийн сурагчдын амралтын хугацааг наашлуулсан байна. Тухайлбал, 1-2 дугаар ангийн сурагчдын зуны амралт 5-р сарын 25-наас, 3-5-р ангийн сурагчид 6-р сарын 1-нээс амарна. Улаанбаатар хотын бага ангийн сурагчид хнүйтний улиралд гурван долоо хоног буюу 12-р сарын 29-нөөс 1-р сарын 18-ныг дуустал амрах бол хөпөө орон нутгийн сурагчид хоёр долоо хоног буюу 12-р сарын 29-нөөс 1-р сарын 11-нийг дуустал амрахаар болжээ.

”Говийн бүсийн өрсөлдөх чадварын чуулган 2016” өнөөдөр эхэлнэ.



Хоёр өдөр үргэлжлэх чуулганаар Дундговь, Дорноговь, Өмнөговь аймгийн өрсөлдөх чадварыг онцлох юм байна.





”Нэг бүс, нэг зорилго” гэх уриатайгаар зохион байгуулагдаж буй тус чуулган Дундговь аймгийн Мандалговь хотод болох юм. Чуулганд Дундговь, Дорноговь, Өмнөговь аймгийн Засаг даргын тамгын газар, ИТХ, төрийн болог олон улсын байгууллагууд оролцох аж.

2016.11.03 / БИЛГИЙН ТООЛЛЫН 4
ӨВЛИЙН ТЭРГҮҮН ШАРАГЧИН ГАХАЙ САРЫН
ЗУРГААН ЦАГААН МЭНГЭТЭЙ ШАРАГЧИН ҮХЭР ӨДӨР
Үс засуулбал: Бие эрхтний хүч сайжирна.
Наран ургах, шингэх: 07.45-17.35
Барилдлага: Үл тохирох
Шүтэн барилдлага: Хуран үйлдэхүй
Суудал: Шороо
Аргын тооллын 11 сарын 3, Бархасвадь гараг. Билгийн тооллын 4, Эрхтэний тэнгэрт одтой, шарагчин үхэр өдөр. Өдрийн наран 7 цаг 45 минутад мандан, 17 цаг 35 минутад жаргана. Тухайн өдөр тахиа, могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, мал арилжих, буг дарах, газрын ам бооход сайн. Байшингийн суурь тавих, угаал үйлдэхэд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулбал бие эрхтний, хүч сайжирна.

БАРУУН АЙМГУУДЫН НУТГААР: Үүлшинэ. Шөнөдөө нутгийн хойд хэсгээр бага зэргийн цас орно. Өдөртөө цас орохгүй. Салхи баруун өмнөөс секундэд 5-10 метр, нутгийн өмнөд хэсгээр секундэд 14-16 метр хүрч ширүүсч шороон шуурга шуурна. Хангайн уулархаг нутгаар шөнөдөө 16-21 градус, өдөртөө 0-5 градус хүйтэн, Алтайн өвөр говиор шөнөдөө 2 градус дулаанаас 3 градус хүйтэн, өдөртөө 9-14 градус дулаан, бусад нутгаар шөнөдөө 5-10 градус хүйтэн, өдөртөө 4-9 градус дулаан байна.

ТӨВИЙН АЙМГУУДЫН НУТГААР: Үүлшинэ. Хөвсгөлийн уулсаар бага зэргийн цас орно. Салхи баруун өмнөөс секундэд 6-11 метр. Хөвсгөл, Хэнтийн уулархаг нутаг, Сэлэнгэ, Хараа, Ерөө, Туул голын саваар шөнөдөө 14-19 градус, өдөртөө 1 градус дулаанаас 4 градус хүйтэн, бусад нутгаар шөнөдөө 5-10 градус хүйтэн, өдөртөө 5-10 градус дулаан байна.

ЗҮҮН АЙМГУУДЫН НУТГААР: Үүлшинэ. Нутгийн хойд хэсгээр бага зэргийн цас орно. Салхи баруун өмнөөс секундэд 6-11 метр. Хэнтий, Дорнодын хойд хэсгээр шөнөдөө 14-19 градус, өдөртөө 0-5 градус, бусад нутгаар шөнөдөө 9-14 градус хүйтэн, өдөртөө 0-5 градус дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Багавтар үүлтэй. Цас орохгүй. Салхи баруун хойноос

секундэд 4-9 метр. Шөнөдөө 17-19 градус, өдөртөө 1-3 градус дулаан байна.

ГОВИЙН АЙМГУУДЫН НУТГААР: Багавтар үүлтэй. Цас орохгүй. Салхи баруун өмнөөс секундэд 6-11 метр, зарим газраар секундэд 14-16 метр хүрч ширүүсч шороон шуурга шуурна. Өмнөговийн нутгаар шөнөдөө 0-5 градус хүйтэн, өдөртөө 8-13 градус дулаан, бусад нутгаар шөнөдөө 4-9 градус хүйтэн, өдөртөө 5-10 градус дулаан байна.

УЛААНБААТАР ХОТ: Үүлшинэ. Цас орохгүй. Салхи баруун өмнөөс секундэд 5-10 метр. Шөнөдөө Яармаг-Сонгины орчмоор 15-17 градус, бусад хэсгээр 8-10 градус хүйтэн, өдөртөө 5-7 градус дулаан байна.

Чуулгын нэрийг өөрчилж Их театр болгосноор Монголын олон үндэстэн, угсаатны ардын урлагийг баяжуулан хөгжүүлж байгаагаа улам өргөжүүлж, урын сангаа бүрэн ашиглан, гадаад харилцаа, хамтын ажиллагаанд дэвшил нь гарч, олон улсад өрсөлдөх боломж нэмэгдэнэ гэж мэргэжлийн байгуулагынхан үзэж буйгаа Засгийн газрын хуралдаанд тайлбарлалаа.

Дэлхийн худалдааны байгууллага байгуулах тухай Марракешийн хэлэлцээрт нэмэлт, өөрчлөлт оруулах тухай протоколд нэгдэн орох тухай хуулийн төслийг дэмжиж, УИХ-д өргөн мэдүүлэхээр тогтов. Дэлхийн худалдааны байгууллагын 164 орны 89 нь энэ хэлэлцээрт нэгдэн ороод байна.

Засгийн газрын тусгай сангийн тухай хуульд нэмэлт өөрчлөлт оруулахаар болсон билээ. Уг хуулийн хүрээнд 2016 онд 243 иргэн аж ахуй нэгжээс 51.7 тэрбум төгрөгийн санхүүжилт хүссэн бөгөөд одоогоор 102 төсөлд 39.2 тэрбум төгрөгийн зээл олгоод байна.

Нийслэлийн статистикийн газраас аравдугаар сарын IV долоо хоногийн үнийн танилцуулгыг гаргажээ. Үнийн танилцуулгыг гаргахдаа нийслэлийн зургаан дүүргийн 17 хүнсний зах, худалдааны төвийн үнийн мэдээлэлд тулгуурласан байна.

Донорын тухай хуулийн шинэчилсэн найруулгын үзэл баримтлалыг Засгийн газрын хуралдаанаар баталлаа. Мөн уг хуулийн төслийг Засгийн газрын хуралдаанаар хэлэлцүүлэхийг холбогдох сайд нарт даалгав.

Хаан жимсийг охь болгон дээжлэв уриатай “хуба хаяа” чацарганы үйлдвэр өнөөдөр нээлтээ хийлээ. Нээлтэнд Монгол Улсад суугаа гаднын орнуудын элчин сайдууд, УИХ-ын гишүүд, урлаг болон спортын алдартанууд, бизнесийн байгууллагын дотоод, гадаадын төлөөлөгч нар болон бусад албаны хүмүүс оролцсон юм. Экс Ерөнхий сайд Н.Алтанхуяг Чингис хаан болон түүнийг цэргүүд дэлхийг байлдан дагуулж явахдаа чацаргана жимсийг хэрэглэж хүч тамир авдаг байсан тухай түүхэнд тэмдэгпэгдэн үлдсэнийг ч дурьдаж байв.