Монголын Оскар гэгддэг ”Academy Awards Mongolia 2016” кино наадам ирэх сарын 03-ны өдөр болно.

Уг наадмыг ”Монголын Үндэсний Кино Урлагийн Академи”-аас жил бүр зохион байгуулдаг билээ. Тус академи нь одоогоос найман жилийн өмнө Монгол улсад кино урлагийг хөгжүүлэх, Монгол киног дэлхийн түвшинд хүргэж, Кино урлагийн салбарт ажиллаж буй залуу уран бүтээлчдийг дэмжих, дэлгэцийн бүтээлээр дамжуулан үндэсний соёл, түүхийг олон нийтэд таниулах, соён гэгээрүүлэх зорилготойгоор байгуулагдсан юм.

”Академийн дээд Шагнал”-ыг 2011 онд зохион байгуулагдаж шилдэг бүтээлээр ”Зөрлөг” УСК шалгарч байсан бол 2012 онд ”Бодлын хулгайч”, 2013 онд ”Аравт” УСК, 2014 онд ”Үргээлэг”, 2015 онд ”Аав” УСК тус тус ”Академи авардс”-ын шилдэг кино бүтээлээр шалгарч байв.

Тэгвэл энэ жилийн шилдгийн шилдгүүдийг шалгаруулахаар уран бүтээлийн бүртгэлийг эхлүүлээд буй. Энэхүү бүртгэл дуусахад хоёр хоног үлдээд байгааг кино урлаачдаа дуулгая. Та бүхэн амжиж өрсөлдөх бүтээлээ бүртгүүлээрэй.

Одоогийн байдлаар ”Үргээлэг-2” 10 номинаци, ”Lovers” 5 номинаци, ”Содура” 15 номинаци, ”Атганд үлдсэн эрдэнэ” 15 номинаци, ”Тоглож болохгүй нас” 6 номинацид тус тус нэр дэвшжээ.

Монголын киноны шилдгүүдийг дараах номинациар шалгаруулна

1. Шилдэг кино Best Picture
2. Шилдэг эрэгтэй дүр Leading role actor
3. Шилдэг туслах эрэгтэй дүр Supporting role actor
4. Шилдэг эмэгтэй дүр Leading role actress
5. Шилдэг туслах эмэгтэй дүр Supporting role actress
6. Шилдэг найруулагч Directing
7. Шилдэг зураглаач Cinematography
8. Шилдэг зураач Art direction
9. Шилдэг хөгжим Music original score
10. Шилдэг дуу Music original song
11. Шилдэг монтаж Film Editing
12. Шилдэг дууны найруулагч Sound Editing
13. Шилдэг зохиол Writing screenplay
14. Шилдэг дүрсний эффект Visual effects
15. Шилдэг нүүр будалт Make-up and hairstyle
16. Шилдэг баримтат кино Documentary (feature)
17. Шилдэг хөрөнгө оруулагч Best investor гэсэн төрлүүдээр шилгүүдийг тодруулах юм.

Оскарын шагналт жүжигчин Анжелина Жоли Их Британий нэр хүндтэй сургуулиудын тоонд багтдаг Лондоны эдийн засгийн их сургуульд зочин профессороор томилогдсон байна. Энэ долоо хоногийн эхээр Лондоны эдийн засгийн их сургуулиас энэ талаар мэдээлсэн бөгөөд тус сургуулийн Эмэгтэйчүүд, Энх тайван, Аюулгүй байдлын сэдвээр магистрын зэрэг хамгаалахаар суралцаж байгаа оюутнуудад лекц уншиж, багшилахаар болжээ. Тэрээр энэ талаараа хэлэхдээ ”оюутнуудад багшилж, нилээд хэдэн улсын засгийн газар болон НҮБ-тай хамтран ажилласан туршлагаасаа хуваалцаж, мөн тэднээс суралцахаар болсондоо таатай байна” хэмээн хэлсэн байна. Тус их сургуульд зочин профессороор томилогдсон эрхмүүдийн дотор мөн Их Британий Гадаад Хэргийн Төрийн Нарийн Бичгийн Даргын албыг хашиж байсан, ахмад дипломатч Уилльям Хааг багтсан байна.

Улаанбаатар хотын цагдаагийн газрын харьяа хэлтэс, төвийн албан хаагчид Туул голын ай савыг цэвэрлэхээр болжээ.

Францын засгийн газраас мягмар гаригт энэ жилийн Тур де Франс дугуйн уралдааны үеэрх аюулгүй байдлын хараа хяналтыг чангатгах талаар зарлалаа. Энэ жилийн олон улсын дугуйн уралдаанд оролцогчдын аюулгүй байдлыг францын 23000 цагдаагийн албан хаагч болон тусгай хүчнийхэн хамгаалж, ажиллахаар болсон байна. Энэхүү арга хэмжээг өнгөрсөн долоо хоногт парламентын зүгээс дахин 2 сарын хугацаатайгаар сунгасан улс орон даяарх онцгой байдлын хүрээнд авч хэрэгжүүлэхээр болоод байна. Францын Дотоод хэргийн сайд Бернар Казенёв Тур де Франс дугуйн уралдааныг зохион байгуулагч Кристиан Прудхоммтой уулзсаны дараагаар уг шийдвэрийг гарган зарласан байна.

Монголын Өмгөөлөгчдийн холбоо, Хуульчдын холбооны Өмгөөлөгчдийн хороо, Нийслэлийн Засаг даргын Тамгын газартай хамтран Монгол Улсад Өмгөөллийн байгууллага үүсэн байгуулагдсан өдрийг тохиолдуулан “Иргэддээ-Тусалъя” Хууль зүйн үнэ төлбөргүй зөвлөгөө өгөх өдөрлөгийг энэ сарын 27-ны 10:00-16:00 цагийн хооронд Чингисийн талбайд зохион байгуулах юм.

Өнөөдрийн байдлаар 18-30 насныхан хамрагдах Улаанбурханы нэмэлт дархлаажуулалт 80.1 хувьтай байна. Тодруулбал, вакцинжуулалтад 624 мянган иргэн хамрагдах ёстой бөгөөд 499 319 нь хамрагджээ. Вакцинжуулалтын хугацаа өнөөдөр дуусах байсан ч хамрагдалт хангалттай биш байгаа тул хугацааг ирэх сарын 1-ны өдөр хүртэл хойшлуулаад байгаа билээ. Тиймээс залуусыг вакцинжуулалтдаа идэвхитэй хамрагдахыг мэргэжлийн байгууллагаас уриалж байна.

Хууль хүчний байгууллагын удирдлагуудыг халах солих асуудлыг ярих бүрт орных нь хүнд “Сахал”, “Боевик” хочтой Бригадын генерал Б.Билэгтийн л нэр дуулддаг. Түүнээс өөр супер эрхэм энэ салбарт алга гэж эндүүрмээр. Тэр нь очсон газар бүртээ хэл ам дагуулах нь зуршил болсон. Тагнуул, цагдаа харин одоо Шүүхийн шийдвэр гүйцэтгэх ерөнхий газар. Аз уу, эз үү энэ дундаас хожих нэгэн байхад хохирсон нь олон гэлтэй. Гэтэл Шүүхийн шийдвэр гүйцэтгэх ерөнхий газарт байдал ямар байгааг Авлигатай тэмцэх газраас Төрийн албаныхны томилгоонд хийсэн судалгаа харууллаа. Өнөөдөр дэлгэсэн энэ судалгаанаас харахад Шүүхийн шийдвэр гүйцэтгэх ерөнхий газар хамгийн олон томилгоо хийснээрээ толгой цохьж явна. Эдгээр нь хууль зөрчсөн эсэхийг бид дараагийн дугаарууддаа баримттайгаар хүргэх болно. Ийнхүү хардах бас нэгэн үндэслэл нь ШШГЕГ-т ажиллаж байгаад хууль бусаар ажлаасаа халагдсан гэх гомдолтой 12 алба хаагч өнөөдрийн байдлаар холбогдох байгууллагад хандаад явж байна. Тэднийг хууль зөрчин ажлаас нь халсныг шүүх байгууллага эхнээс нь тогтоогоод байгаа. Харин энэ удаад ганцхан жилийн дотор хорих ангийн даргыг дөрвөнтээ сольсон явдлыг онцлохыг хүслээ. Жилийн дотор хийсэн энэхүү томилгоог хууль ёсных гэж харахад хэцүү. Тодруулбал, ШШГЕГ-ын дарга Б.Билэгт Баянзүрх дүүрэг дэх Эмэгтэйчүүдийн Хорих 407 дугаар ангийн даргаар ажиллаж байсан хурандаа Ганхуягийг тодорхойгүй шалтгаанаар албан тушаалаас нь чөлөөлж энэ асуудал өдгөө шүүхийн шатанд явна. Хэл амтай халсан Ганхуяг даргын оронд хурандаа Б.Амардоржийг томилсон байна. Гэтэл ажилдаа дадаж байсан хурандаа Б.Амардоржийг өөр хорих анги руу шилжүүлж, оронд нь Д.Алимаа гэгчийг томилжээ. ШШГЕГ-т удирдах албан тушаалтны томилгоо тоглоом болсны илрэл энэ. Ингээд дуусахгүй. Хорих 407 дугаар ангийн даргаар томилогдоод удаагүй Д.Алимаа нь удалгүй ШШГЕГ-ын Сургалт хариуцсан тасгийн даргаар суга дэвшжээ. Баянзүрх дүүрэг дэх Эмэгтэйчүүдийн хорих 407 дугаар анги албан тушаал горилогчдын, эсвэл дэвшигчдийн дамжигч бааз болоо юу гэлтэй. Өдгөө тус хорих ангийн даргаар дэд хурандаа Д.Уранчимэг ажиллаж байна. Түүнийг ШШГЕГ-ын дарга Б/458 тоот тушаалаараа томилсон ч хувийн ашиг сонирхлын урьдчилсан мэдүүлгийг АТГ-т хянуулаагүйн дээр Д.Уранчимэгийн нөхөр ШШГЕГ-ын Захиргаа удирдлагын газрын дарга М.Алтан-Очир аж. Нөхрийнхөө татаасаар энэ албан тушаалд очсон гэх хардлага байдаг ч энэ бүхнийг холбогдох газраас шалгаж тогтооно биз ээ. М.Алтан-Очирын хувьд хорих ангид данстай мал дутаасан хэрэгт холбогдож байсан нэгэн. Түүний энэ болоод бусад хууль бус үйлдлийг хэсэг сэтгүүлчдийн эрхлэн гаргадаг “Хар дэвтэр”-т баримттайгаар нийтэлсэн байдаг билээ.

Энэ бүгдийг түр орхиод ШШГЕГ-ын даргын хууль зөрчсөн томилгоо руу эргэн оръё. Өдгөө тус газрын Сургалт хариуцсан тасгийн даргаар ажиллаж байгаа хурандаа Д.Алимаа нь Багануур дэх Хорих 427 дугаар ангийн хянагчаар ажлын гараагаа эхлүүлж байжээ. Өнгөрсөн жил буюу 2015 онд Цагдаагийн академи төгссөн ч ганцхан жилийн дотор дэд хурандаа, хурандаа гэх эрхэм цолыг гэрлийн хурдаар хүртсэн азтай эмэгтэй. Ажилласан жил, хийж бүтээснээрээ цол нэмж, албан тушаал ахидаг хатуу дэг журамтай энэ салбарт түүн шиг аз шовойсон нэгнийг олоод ир гэвэл алга биз ээ. Хамгийн гол нь энэ бүгд хууль журмын дагуу байсан уу гэвэл эргэлзээтэй. Зангарагтай, хариуцлагатай энэ албанд насаараа ажиллаад ч, мөрөөдөөд ч энэ цолонд ийм богино хугацаанд хүрнэ гэдэг нарнаас гал гуйхтай адил. Харин хурандаа Д.Алимаа хэний татаасаар, хэрхэн энэ албан тушаалд хүрснийг бид эргэн хүргэх болно.

Олон улсын олимпийн хороо, Гурван талт зөвлөл буюу “Олимпийн эв нэгдэл” зөвлөл, Зуны “Рио-де-Жанейро-2016” олимпийн наадмын Зохион байгуулах хорооноос тус олимпийн наадамд цагаан хуудсаар оролцуулах 16 спортын төрлийн 110 тамирчны нэрсийг зарлалаа.

НҮБ-ын Байгаль орчны ассемблейн (НҮББОА) хоёрдугаар Чуулган энэ сарын 23-нд Кени улсын нийслэл Найроби хотноо нээлтээ хийлээ. Чуулганд дэлхийн 170 гаруй орны байгаль орчны асуудал хариуцсан сайд, дэд сайд болон бусад албаны төлөөлөгч, иргэний нийгмийн байгууллагыг төлөөлсөн 2400 гаруй хүн оролцож байна. Уг чуулганд манай улсаас УИХ-ын гишүүн, тус ассемблейн Ерөнхийлөгч С.Оюун болон НҮБ-ын дэргэд суугаа Байнгын төлөөлөгчийн газрын зөвлөх Д.Дагвадорж нар оролцож байна.

Сүхбаатар дүүргийн XIX хороо Санзайн зусланд 2016 оныдөрөвдүгээр сард УНН34-95 улсын дугаартай, Хово маркийн машины жолооч хууль бусаар ил задгай барилгын хог хаягдлаа хаясан зөрчил гаргасан.

Үндэсний оношилгоо, эмчилгээний төвийн барилгын шав тавих ёслол Улсын хоёрдугаар төв эмнэлгийн хашаанд болж, Монгол Улсын Ерөнхий сайд Ч.Сайханбилэг, Эрүүл мэнд, спортын сайд С.Ламбаа, Ерөнхий сайдын зөвлөх Б.Ургамалцэцэг, Бүгд Найрамдах Солонгос Улсын Элчин сайд У Сун болон эмнэлгийн ажилтан албан хаагчид оролцлоо.

Урин дулааны улирал ирж, дулаарахтай зэрэгцэн зугаалгаар явж буй хүмүүс, мөн эцэг, эхийн хараа хяналтгүй яваа хүүхдүүд гол усанд осолдлоо гэх дуудлага ирэх нь ихэсдэг.

Сонирхогчдын боксын Залуучуудын Азийн аварга шалгаруулах тэмцээний хүрэл, “Химийн цом”-ын алтан медальт, улсын гурван удаагийн аварга, Монголын шигшээ багийн 56 кг-ын жингийн шилдэг боксчин Э.Цэндбаатартай ярилцлаа.

НИТХ-аас 2014 онд ”Найрсаг Улаанбаатар” хөтөлбөрийг баталж тус хөтөлбөрийг Нийслэлийн Аялал жуучлалын газар, Нийслэлийн Соёл урлагийн газар хамтран хэрэгжүүлж байна.
Өнөөдөр энэхүү хөтөлбөрийн хүрээнд зохион байгуулах төслүүд, аялал жуулчлал, соёл урлагийн арга хэмжээнүүдийг танилцуулах бизнес зөвлөгөөнийг НЗДТГ, Нийслэлийн Аялал жуучлалын газар, Нийслэлийн Соёл урлагийн газар, Улаанбаатар чуулга, Төрийн банк хамтран зохион байгууллаа.

Зөвлөгөөнд Нийслэлийн Засаг дарга бөгөөд Улаанбаатар хотын Захирагч Э.Бат-Үүл, Нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэл болон Нийслэлийн Аялал жуучлалын газрын дарга Э.Баттулга, Нийслэлийн Соёл урлагийн газрын дарга Б.Батцэнгэл нар оролцож, зочлох үйлчилгээний чиглэлээр үйл ажиллагаа явуулдаг аж ахуйн нэгжүүдийн төлөөллүүдэд 2016 онд аялал жуулчлалын чиглэлээр хэрэгжүүлэх төсөл хөтөлбөрүүдээ танилцууллаа.

“Найрсаг Улаанбаатар” хөтөлбөрийн хүрээнд 2015 онд 15 цогц үйл ажиллагааг зохион байгуулсан бөгөөд нийт 460 мянга гаруй иргэн, жуулчин, 500 гаруй тайз техникийн болон зохион байгуулалтын ажилтан, 1500 гаруй уран бүтээлч энэхүү үйл ажиллгаанд хамрагджээ. Үүний дотор өөрсдийн зардлаар 13 орны 190 гаруй уран бүтээлч Улаанбаатар хотод хүрэлцэн ирж нийслэлд зохион байгуулсан урлаг, соёлын арга хэмжээнд оролцсон байна. Найраг Улаанбаатар хөтөлбөр хэрэгжиж эхэлснээр нийслэлд ирэх жуучдын тоо 3-6 хувиар өссөн гэсэн таатай мэдээг Нийслэлийн Аялал жуучлалын газраас өглөө. Харин 2016 онд уг хөтөлбөрийн хүрээнд соёл урлаг, спорт, аялал жуулчлалын нийт 19 цогц үйл ажиллагааг хэрэгжүүлэх юм байна. Тухайлбал, “Улаанбаатар марафон” олон улсын гүйлтйн тэмцээн, “Улаанбаатар пиано фестиваль”, “Эвлэх Уянга буюу ер бусын эрчим” этник концерт, “Венийн үдэш” вальс бүжгийн үдэш, “Юби дэнс фестиваль” чөлөөт бүжгийн үдэш, “Плэй тайм-2016” амьд хөгжмийн наадам, “Бест оф классикс” сонгодог урлагийн үдэш, “Сайланс вайт” дижи урлагийн шоу, “Талын бүжиг” фестиваль, “Бэст оф морин хуурь” олон улсын фестиваль, “Улаанбаатар Свинг найт” их талын олон улсын жааз хөгжмийн наадам, “Алдрын танхим” рок, поп хүндэтгэлийн концерт, “Даншиг наадам, хүрээ цам” шашин соёлын наадам, “Юби экстрим спортын талбайн нээлт” , “Улаанбаатар олон улсын кино наадам”- зэргийг тус тус зохион байгуулна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
- See more at: http://zasag.mn/m/ulaanbaatar/view/13788#sthash.jKlGTd7x.dpuf

Өнөөдөр Монгол Улсын Ерөнхийлөгчийн зарлигаар томилогдсон Шүүхийн ерөнхий зөвлөлийн шинэ бүрэлдэхүүн анхны хуралдаанаа хийж, гурван асуудал хэлэлцэн шийдвэрлэв.

Иргэний зориг ногоон намын дарга С.Дэмбэрэл нарын хэд хэдэн хүн намаа сольж, 2016 оны Улсын Их хурлын сонгуульд Ардчилсан намыг дэмжиж оролцохоор болсон байна. Тиймээс хамтран болсон эл намуудын удирдлагууд хэд хэдэн зүйл дээр тохиролцоо хийжээ.

“Сонгуулийн хуулийн дагуу аймаг, нийслэлийн сонгуулийн хороо нам, эвслээс нэр дэвшүүлсэн хүмүүсийг нэр дэвшигчээр бүртгэн шийдвэр гаргах ёстой. Гэтэл зарим аймгийн Сонгуулийн хороо Сонгуулийн тухай хуулийг санаатайгаар буруу хэрэглэж, асуудлыг улстөржүүлж, төрийн сонгуулийг зохион байгуулах, төрийн ажлыг мушгин гуйвуулж, хэт нэг талыг барьсан шийдвэр гаргасаар байна. Тухайлбал, Дархан-Уул аймагт МАН-аас нэр дэвшихээр бүртгүүлсэн зургаан нэр дэвшигчийг бүртгэсэн хэрнээ ажлын тайлан хэвлэсэн сэтгүүл тараасан гэсэн шалтгаанаар нэрийг нь буцаан татсан байна. Мөн Увс аймгийн ИТХ-д МАН-аас нэр дэвшсэн долоон нэр дэвшигчийг, Увс аймгийн ИТХ-д нэр дэвшсэн гурван нэр дэвшигчийг, Говь-Алтай аймгийн ИТХ-д нэр дэвшсэн мөн гурван нэр дэвшигчийг холбогдох орон нутгийн сонгуулийн хороо “бүртгэхээс татгалзах үндэслэл илэрсэн” гэдэг шалтгаанаар нэр дэвшигчийг нэрийн жагсаалтаас хууль бусаар хассан. Иймээс МАН-ын зүгээс СЕХ-нд энэ асуудлаар шаардлагаж хүргүүлж, улмаар сонгуулийн байгууллага зохион байгуулалттайгаар нэг намын нэр дэвшигчдийг нэрийн жагсаалтаас хууль бусаар хасч байгаа талаар асуулга тавина” гэлээ

“Найрсаг Улаанбаатар” хөтөлбөрийн хүрээнд гудамжны бүжгийн аварга шалгаруулах “UB dance festival”-ийг Нийслэлийн соёл урлагийн газар, “Улаанбаатар” чуулгатай хамтран хоёрдахь жилдээ зохион байгуулах гэж байна. Энэхүү фестиваль нь зургаадугаар сарын 19-ний өдөр Чингисийн талбайд болох аж.

Өчигдөр замын цагдаагийн байгууллагад нийт 319 дуудлага ирсний 243 нь ослын дуудлага ирсэн байна. Тодруулбал, авто замын ослын улмаас 25 хүн гэмтэж, бэртсэн бөгөөд тэдний 6 нь хүүхэд байжээ.

Вьетнам улсад айлчилж байгаа АНУ-ын Ерөнхийлөгч Б.Обама тус улсын Ерөнхийлөгч Тран Дай Квангтай уулзсаны дараагаар хоёр улсын төрийн тэргүүн нар АНУ болон Вьетнамын компаниудын хооронд байгуулагдаж байгаа худалдааны шинэ гэрээг үзэглэх ёслолыг тэргүүлэн оролцсон байна. Цагаан Ордны зүгээс уг гэрээний дагуу хоёр улсын хооронд 16 тэрбум ам.долларын худалдаа явагдах болно хэмээн мэдэгдсэн байна. Эдгээр бүлэг гэрээнд Вьетнамын агаарын тээвэр үйлдвэрлэгч Вьетжет компанид АНУ-ын Пратт, Уитнис компаниуд 135 ширхэг онгоцны хөдөлгүүр нийлүүлэх болон Бойнг компаний зүгээс 100 ширхэг онгоцыг Вьетнам улсад нийлүүлэх тухай тусгагдсан байна. Мөн АНУ-ын Жи-И Винд компани болон Вьетнамын Засгийн газрын хооронд 1000 мегаваттын чадалтай салхин генераторыг хөгжүүлэх гэрээг байгуулсан байна. Хагас зуун жилийн хугацаанд үргэлжилсэн, Вьетнам улсад зэвсэг худалдаалахыг хориглосон хоригийг албан ёсоор цуцалсаныг Б.Обама Вьетнамын төрийн тэргүүнтэй хамт мөн өдөр зарлалаа. Тэрээр өнгөрсөн дайны үеийн ярвигтай түүхийг ардаа орхиж, өсөлттэй хөгжлийн түүчээ болсон тэргүүлэгч улстай хамтран ажиллах шинэ эрин үе эхэлж байгааг онцлон тэмдэглэсэн байна.

АНУ-ын Төрийн нарийн бичгийн дарга Жон Керри болон Вьетнамын Гадаад хэргийн сайд Фам Бин Миний нар Вьетнам улсад АНУ-ын Peace Corps байгууллагын хөтөлбөрийг анх удаагаа хэрэгжүүлж эхлэх хамтын ажиллагааны гэрээнд гарын үсэг зурах ёслолыг тэргүүлсэн байна. Гэрээний дагуу Вьетнамын Ханой болон Хо Ши Мин хотуудад Peace Corps-ийн зүгээс англи хэлний сургалтын хөтөлбөрийг явуулахаар болж байна. Жон Керри энэхүү хөтөлбөр нь хоёр орны харилцаа, хамтын ажиллагааны шинэ алхам болох болно хэмээн онцолсон байна. Хөтөлбөрийн дагуу 2017 онд Вьетнам улсад 20 сайн дурын ажилтан хүрэлцэн ирж англи хэл заах бөгөөд цаашдаа үйл ажиллагаагаа улам өргөжүүлэн тэлэх ээр төлөвлөж байгаа юм байна.