Чөлөөт, сонгомол бөхийн ДАШТ АНУ-ын Лас Вегаст эхэллээ. Энэ удаагийн ДАШТ-д 120 гаруй орны 450 орчим бөхчүүд өрсөлдөх юм.Чөлөөт бөхийн тэмцээний эхний өдөр манай улсаас гавьяат тамирчин Г.Мандахнаран, С.Батцэцэг, ОУХМ С.Бямбацэрэн, Б.Шоовдор, Г.Наранчимэг нар дэвжээнд гарна.

Энэ удаагийн ДАШТ-ий эхний зургаан байрт шалгарсан тамирчид олимпийн наадамд өрсөлдөх эрхээ авах юм.

Цагдаагийн байгууллага интернэт цахим гэмт хэргээс сэргийлэх чиглэлээр олон ажил зохион байгуулан ажиллаж байна. Энэ хүрээнд интернэт залилангийн ноцтой хэргийг илрүүлэн ажиллаж байгаа аж. Тухайлбал, бусдын цахим хаяг руу “Та азтан боллоо, Сугалаанд мөнгө хожлоо, 5000 ам.доллартай энэхүү дансыг та эзэмших эрхтэй боллоо” гэхчлэн захидал илгээж, улмаар энэхүү дансыг эзэмшихийн тулд, энэ мөнгийг авахын тулд та мөнгөний 5 хувийг бидэнд шилжүүлэх ёстой гэж тодорхой хэмжээний мөнгө шилжүүлэн авдаг байна. Мөн аж ахуйн нэгжүүдтэй шилжүүлгийн данс ажиллахгүй байгаа тул та энэ дансаар мөнгөө шилжүүлнэ үү гэхчлэн хүсэлт илгээж улмаар мөнгийг нь залилан авдаг аж. Энэ мэтчилэн 27 аж ахуйн нэгж иргэнд 1.6 тэрбум төгрөгийн хохирол учруулсан хэргийг цагдаагийн байгууллага илрүүлэн ажиллаж байна.

Түүнчлэн цахим секс төрлийн гэмт хэрэгт 15 иргэнийг хохирогчоор тогтоон шалгаж байна. Мөн зохиогчийн эрхийг зөвшөөрөлгүй авсан 4, садар самууныг сурталчилсан 6 хэргийг шалгаж, зохиогчийн зөвшөөрөлгүйгээр цахим сайтад кино байрлуулсан 4 иргэнийг Эрүүгийн хуулийн тусгай ангийг 140.1-т зааснаар хариуцлага тооцжээ. Садар самууныг сурталчилсан монголын 6 сайтыг хаасан бол гадаадаас хандах 35 сайтын хандалтыг хязгаарласан байна.

Өршөөлийн хууль өнгөрсөн долоо хоногоос хэрэгжиж байгаа талаар хэвлэл мэдээллийн бүхий л хэрэгсэл онцолсон. Гэвч яг бодитойгоор өршөөлийн хуульд хамрагдсан хүн байхгүй байсаар өдийг болгосон.

Тухайлбал, 2015 долдугаар сарын 2-ноос өмнө нь жолооны эрхээ хасуулсан иргэд ЦЕГ-ын харьяа Лицензийн төвд хандахад “Удирдлагуудаас энэ асуудлаар чиглэл ирээгүй. Тиймээс өршөөлийн хуулиар нэг ч хүний эрхийг сэргээхгүй. Эрх сэргээлгэсэн тохиолдолд давтан шалгалт өгөх үү, эс өгөхүү гээд олон асуудлаар чиглэлд бидэнд ирээгүй” гэх тайлбарыг өгөөд байсан бол өчигдрөөс эрх сэргээгээд эхэлжээ. Ингэхдээ эрхээ хасуулсан иргэн биеийн байцаалтаа авч очоод л ямар ч шалгалт шүүлэггүй сэргээлгэж байгаа гэнэ.
Тодруулбал, эрхээ хасуулсан 82000 жолоочийн эрхийг сэргээх ажиллагааг эхлүүлжээ. Өчигдөр л гэхэд Лицензийн төвд 1000 гаруй жолооч эрхээ сэргээлгэсэн байна. Өршөөлийн хуулийн дагуу энэ оны долдугаар сарын 2-ноос өмнө эрхээ хасуулсан жолооч нарын эрхийг сэргээж эхэлсэн байна. Эрх сэргээлгэхэд шалгалт авна гэх мэдээлэл цацагдаж байсан. Тэгвэл албаны хүмүүс шалгалт авахгүй, жолооч нар биеийн байцаалтаа Лицензийн төвд авч очоод сэргээлгэж байгаа гэж мэдээллээ. Мөн эрх сэргээлгэх үйл ажиллагаа нь ямар нэгэн хугацаагүй учраас бөөн бөөнөөрөө ирж очер дараалал үүсгэхгүй байхыг Лицензийн төвөөс анхааруулж байна.
Юутай ч хуулийн байгууллагынхан ямар ч уялдаа холбоогүй ажилладгаас өршөөлийн хуулийн хоригоос бусад заалт цаг хугацааны хувьд оройтож эхэлж байна гэх шүүмжлэлд өртөөд байсан ч ийн иргэдэд хүндрэл чирэгдэлгүйгээр хуулийн хэрэгжилтэнд анхаараад эхэлжээ.

Харин тэнсэн харгалзах болоод ял хойшилсон хүмүүс харьяа дүүргийнхээ цагдаагийн байгууллагад хүсэлт гаргаж Өршөөлийн хуульд хамрагдах боломжтой болж байгаа бөгөөд эл ажил маргаашнаас эхлэх бололтой.

Олон улсын дуурийн дуулаачийн гурван удаагийн Гранпри эзэн, гурван удаагийн дэд байрын эзэн монгол түмний бахархал болсон уран бүтээлчийн нэг бол яахын аргагүй ЦДБЭЧ-ын дуучин Ч.Бадрал билээ.

өнөөдөр

Улаанбаатар-Сөүл хотууд ах дүүсийн найрамдалт харилцаатай болсны 20 жилийн ойг тохиолдуулан нийслэлийн Засаг даргын урилгаар БНСУ-ын Сөүл хотын дарга Пак Вон Сүн энэ сарын 20-23-ний өдрүүдэд Улаанбаатар хотноо албан ёсны айлчлал хийх гэж байна. Айчлалын үеэр Улаанбаатар хотноо Сөүлийн өдрийг зохион байгуулж, “Сөүлийн өдөр” гэрэл зургийн үзэсгэлэн болон урлагийн тоглолт болох юм. Мөн энэ үеэр Сөүл хотын дарга Пак Вон Сүн Улаанбаатар хотноо анх удаа зохион байгуулж байгаа Зүүн хойд Азийн хотуудын дарга нарын “Хотын ногоон хөгжил” форумд оролцож эко хотын талаар сонирхолтой илтгэл тавих юм байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

цахилгаан

Булган аймгийн цагдаагийн газар Сургалт дадлагын төвтэй болжээ.

Хятадын Төв телевиз (China Central Television) монгол хэл дээрх вэб сайтаа танилцуулж, мэдээ нийтэлж эхэлжээ.

Нийслэлийн иргэдэд цахим хэлбэрээр газар өмчлүүлэх дөрөвдүгээр ээлжийн бүртгэл үргэлжилж байна.

Газар ухах, худаг гаргах, гөлөг тэжээх, балгадын суурь тавих, нохой худалдан авахад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой. Цагаан шүүдэр буух улирал 8 цаг 16 минутад эхэлнэ. Үс шинээр үргээлгэх буюу засуулахад тохиромжгүй.

УЛААНБААТАР ХОТ: Үүлшинэ. Бороо орохгүй. Салхи хойноос секундэд 7-12 метр. Сэрүүсч шөнөдөө 3-5 градус, өдөртөө 13-15 градус дулаан байна.

Говьсүмбэр аймагт өнөөдөр ”Шилдэг мал-Шилмэл бүтээгдэхүүн” үзэсгэлэн худалдаа эхэллээ.

Багануур 2, 4, 5-р хороонд баригдаж байгаа авто замын зураг төсөлд дугуйн зам барих саналыг тусгаснаар тус дүүргийн залуус унадаг дугуйгаар зорчих боломж бүрдэж байна.

БНХАУ-ны нийслэл Бээжин хотноо өнөөдрөөс эхлэн 14-нийг хүртэл хөлбөмбөгийн Зүүн Азийн фестиваль зохион байгуулагдаж байгаа юм.

”Монголын мистер-2015” 24 дэх удаагийн бодибилдинг фитнессийн Улсын аварга шалгаруулах тэмцээн өнгөрөгч амралтын өдрүүдэд зохион байгуулагдаж, дүнгээ гаргажээ.

Хэдхэн цагийн өмнө Германы засгийн газар 6 тэрбум еврог цагаачдад зориулах шийдвэр гаргалаа. Өөрөөр хэлбэл энэхүү төсвийг энэ жил тоогоороо рекорд эвдсэн дүрвэгсэд болон тэдний урсгалыг дэмжихэд зарцуулах аж.

Өнгөрсөн наймдугаар сарын 26-наас энэ сарын 5-ны өдрүүдэд Тайландын Бангкок хотноо Сонирхогчдын боксын 2015 оны Азийн аварга шалгаруулах тэмцээн болж өндөрлөсөн.

Баянгол дүүргийн 13 дугаар хорооны нутаг дэвсгэр 2в байрны орчимд утсаа залилуулсан хэрэг гарчээ.

http://www.24tsag.mn/content/122780.shtml