Өчигдөр Сомалийн Засгийн газар хуралдаж Үндэсний аюулгүй байдлын албаны даргаа сольсон байна. Мөн исламын цэргийн бүлэглэл Аль-Шабаабын халдлагад цохилт өгөхөд бэлдэж эхэлжээ.

Палестинийн Ерөнхийлөгч Махмуд Аббас мэдэгдэл хийсний дараа нэгтгэлийн Засгийн газарт ан цав үүслээ. Тэрээр Газын зурваст дайтаж буй исламын цэргийн бүлэглэл Хамасыг бууж өгөхгүй бол харилцаа холбоогоо таслана гэдгээ илэрхийлсэн байна.

Их Британид нэгэн өвөрмөц календар худалдаанд гарах гэж байна. Календарийг өвөрмөц болгож буй гол зүйл нь зургаа авахуулж буй моделиуд нь бүгд нүцгэн бас үсээ хусуулсан явдал юм. “PrettyBald” студиэс гаргаж буй энэхүү хуанлиг халзан хүмүүст зориулан гаргаж байгаа аж.

Хятадын ”Байду” компанийн ухаалаг савх олон нийтийн сонирхлыг татаж байна. Энэ савх нь хоолонд агуулагдаж байгаа хорт болон хоргүй бодисын хэмжээг тодорхойлох бөгөөд та гар утасдаа аппликейшныг нь татаж авахад л ”ид шид”-ийг нь үзэх юм байна. Савхыг хоолонд дүрэхэд таны утсанд тэр даруй мэдээлэл ирэх нь. Эрүүл мэндээ хамгаалах хамгийн энгийн хэрэглээ болох ухаалаг савх хараахан худалдаанд гараагүй байна.