Японд 6.9 баллын хүчтэй газар хөдөлжээ. Газар хөдлөлт орон нутгийн цагаар лхагва гаргийн 09:19 цагт эхэлсэн байна. Энэ үеэр нийслэл Токио хотод хүчтэй чичиргээ мэдрэгдсэн аж.

Их Британийн парламентын танхимуудаас өнгөрсөн жилд порно сайтууд олон удаа нэвтэрсэн тухай эх сурвалж мэдээллээ. 2012 онд парламентын Дээд, Доод танхимуудаас нийтдээ 300 мянган удаа порно сайтуудад зочилжээ.

Хэдхэн хоногийн өмнө Японы “Фукушима Дайчи” атомын цахилгаан станцаас цацраг идэвхит бодис алдагдсан тухай мэдээлэл дэлхий нийтийн анхаарлыг татсан. Тэгвэл тус улсын эрх баригчид энэхүү цацраг идэвхит бодис бүхий усны тархалтыг зогсоох мөсөн хана барина хэмээн мэдээллээ.

Египетийн цэргийн шүүх албан тушаалаасаа огцорсон Ерөнхийлөгч Мохаммед Морсигийн дэмжигчдэд олон жилийн ял оноож байгаа тухай “BBC” мэдээллээ. Дэмжигчдийг цэргүүд рүү дайрсан хэмээн буруутгаж байгаа аж.

Венесуэлийн эрчим хүчний дамжуулах шугамд эвдрэл гарснаар цахилгаан тасарч олон хүний бухимдлыг төрүүлж байна. Одоогоор нийслэл Каракас хотыг оролцуулаад Венесуэлийн хотуудын бараг тал нь тоггүй байгаа гэлээ.

Өмнөд Африкт 80 мянга гаруй уурхайчин ажил хаялт зарлалаа. Тэд цалингаа ихээр нэмэгдүүлэх шаардлагыг уурхайн эздэд тавиад байгаа юм. Харин үйлдвэрчний эвлэлээс шаардсан цалингийн хэмжээг буруулсан байна.

Эрүүл мэндийн салбарын барилгыг хариуцаж буй ажлын хэсгийн бүрэлдэхүүн, төлөөлөгчид өнөөдөр улсын төсвөөр баригдаж байгаа барилгын ажлын явцын талаар хуралдав.