Йеменд өчигдөр “Аль-Кайда” бүлэглэлийн 14 дайчинг АНУ жолоочгүй онгоцны дайралтаар хөнөөсөн байна. Саяхан иргэний дайн нь дууссан Йемений зарим бүс нутагт алан хядах бүлэглэл эрх мэдлээ тогтоосноос АНУ-ын ийм төрлийн дайралтууд өнгөрсөн сараас эхлэн тус улсад олноор гарах болсон юм.

АНУ-ын ток шоуны алдарт хөтлөгч Опра Уинфри Швейцарьт зочлох үедээ арьс өнгөөр ялгаварлах үзлийн хохирогч болжээ. Опрагийн мэдээлснээр Цюрих хотын гар цүнхний дэлгүүрийн худалдагч түүнд үйлчлэхээс татгалзсан байна.

Грекийн ажилгүйдлийн түвшин өнгөрсөн тавдугаар сард түүхэнд байгаагүй дээд хэмжээнд хүрсэн талаар тус улсын Статистикийн хороо өчигдөр мэдээллээ. Ажилгүйдлийн түвшин тавдугаар сард 27.6 хувьд хүрсэн байна. Харин өнгөрсөн жилийн мөн сард энэ тоо 23.8 хувьтай байсан билээ.

АНУ-ын Калифорн мужийн өмнөд хэсэгт гарсан хээрийн түймрийг дарж чадахгүй байгаа тул ойролцоох нутгийн 1500 гаруй хүнийг нүүлгэн шилжүүлжээ.

2013 онд БНХАУ төмөр замын дэд бүтцийг хөгжүүлэх, шинэ зам тавихад ихээхэн анаахрах болсон тухай Хятадын төмөр замын корпораци мэдээллээ. Энэ ажилд нийтдээ 660 тэрбум юань буюу 106.5 тэрбум ам.доллар төсөвлөсөн байна.