Өнөөдөр ”Иргэдийн шударга шүүх” төрийн бус байгууллага, ”Хохирогчдын холбоо”, ”Хөх Монгол бүлгэм” хамтран “Хүчирхэг Монголын төлөө” хөдөлгөөн байгуулж байгаа юм байна. Энэ талаар “Иргэдийн шударга шүүх” төвийн тэргүүн Х.Бат-Ялалтаас хэдэн зүйл тодрууллаа.

Хятадын төв хэсгийн Хубэй мужийн химийн үйлдвэр Фу голыг бохирдуулсны улмаас загас олон мянгаар үхсэн байна. Голын усанд хөвөх үхсэн загаснуудын цуваа 35 км-т хүрчээ. Үхсэн загаснуудыг голоос шүүж авахад нийтдээ 110 тонн хэмжээнд хүрсэн байна.

Ямайкын алдарт тамирчин Усайн Болт 2016 оны Рио Де Жанейрогийн олимпийн наадамд оролцсоны дараа их спортоо орхино хэмээн мэдэгдлээ. Тэрээр өчигдөр Бельгийн нийслэл Брюссельд болсон хэвлэлийн хурлын үеэр энэ тухай ярьсан байна.

ОХУ-ын Ерөнхийлөгч Владмир Путин АНУ-ын Тагнуулын төв газрын мэдээллийн ажилтан асан Эдвард Сноуденийг АНУ-д шилжүүлэн өгөхгүй хэмээн мэдээллээ. Тэрээр хоёр тал гэмт хэрэгтнүүдийг харилцан шилжүүлэн өгөх зөвшилцөл, хэлэлцээр баталж байгаагүй учраас ингэх шаардлагагүй хэмээн үзсэн байна.

Японы зүүн хэсгийн нутгийг хоёр Торнадо дайран өнгөрөөд байна. Хуй салхи барилга байшингуудын дээврийг хуулж, цонхыг олноор хагалсан бөгөөд багадаа гурван хүн гэмтэж бэртжээ.

Өчигдөр Бразилийн Доод танхим Конгрессын Дээд, Доод танхимд нууцаар санал хураахыг хориглосон байна. Энэхүү журмыг Сенат удахгүй хэлэлцэн батлах аж.

Олон улсын валютын сан эдийн засгийн хямралаа давж гарахад туслах зорилгоор Пакистан улсад 6.7 тэрбум ам.долларын зээл олголоо. Пакистан зээлийг 540 сая ам.доллараас эхлэн гурван жилээс хэтрэхгүй эргүүлэн төлөх юм байна.