Өнөөдөр 09.00 цагт нээлтээ хийхээр товлогдоод байсан ээлжит бус чуулганы хуралдаан гишүүдийн ирц бүрдээгүйгээс болж 14.00 цаг хүртэл хойшлов.

УИХ-ын дарга З.Энхболд ээлжит бус чуулганы нээлтийг 14.00 цаг хүртэл хойшлуулсныг мэдэгдээд үдээс хойш дахин цуглацгаая хэмээн гишүүдэд хандан хэллээ.

Чуулганы хуралдаанд 39 гишүүн оролцож байж ирц 50 хувьд хүрнэ. Ингэсэн тохиолдолд чуулган хуралдах боломжтой болох юм.

Үдээс өмнө чуулганы танхимд

АН-ын 35 гишүүнээс- 34,

МАН-ын 26 гишүүнээс -0,

“МАХН-МҮАН”-ын “Шударга ёс эвслийн бүлгийн 10 гишүүнээс -2,

ИЗНН-ын 2 гишүүнээс -1,

Бие даагч гурван гишүүнээс -0 гэсэн байдалтайгаар оролцсон юм.

Т.Энхэлээ

З.Энхболд: Гишүүд ирж хуралдаа сууя

Замын-Үүд дэх сум дундын прокурорын газраас харьяалан ажиллаж буй Эрдэнэ, Өргөн, Улаанбадрах Замын-Үүд сумдын нутаг дэвсгэрт 2015 онд үйлдэгдсэн гэмт хэрэг эрүүгийн хэргийн нөхцөл байдлыг судалжээ. 2015 онд 229 гэмт хэрэг үйлдэгдсэнийг нутаг дэвсгэрээр нь авч үзэхэд Өргөн суманд 16 хэрэг буюу нийт хэргийн 6,9 хувь, Эрдэнэ суманд 15 хэрэг буюу 6,5 хувь, Улаанбадрах суманд 8 хэрэг буюу 3,4 хувь, Замын-Үүд суманд 189 хэрэг буюу нийт хэргийн 82,5 хувь үйлдэгдсэн байна.

2014 онд 245 гэмт хэрэг үйлдэгдэж байсан бол 2015 онд 229 гэмт хэрэг гарсан нь гэмт хэргийн гаралт 16 хэрэг буюу 6,5 хувиар буурсан байна. Эдгээр 229 гэмт хэргээс хөнгөн гэмт хэрэг 96 хэрэг буюу 41,9 хувийг, хүндэвтэр гэмт хэрэг 114 хэрэг буюу 49,7 хувийг, хүнд гэмт хэрэг 15 хэрэг буюу 6,5 хувийг, онц хүнд гэмт хэрэг 4 хэрэг буюу 1,7 хувийг эзэлж байна.

Гэмт хэргийн улмаас 35 хүний амь нас хохирч, 12 хүнд хүнд зэргийн, 11 хүнд хүндэвтэр зэргийн, 65 хүнд хөнгөн зэргийн гэмтэл болон мөнгөн дүнгээр 781859848 төгрөгний хохирол учирчээ.

Үүнээс тээврийн хэрэгслийн хөдөлгөөний аюулгүй байдал, ашиглалтын журмын эсрэг гэмт хэргийн улмаас 13 хүний амь нас хохирсон, 6 хүний биед хүнд зэргийн гэмтэл, 10 хүний биед хөнгөн зэргийн гэмтэл учирсан байна.

Сум дундын прокурорын газраас сумдын гэмт хэргийн нөхцөл байдалд дүгнэлт хийж, гэмт хэрэгтэй тэмцэх, түүнээс урьдчилан сэргийлэх ажилд идэвхи санаачлагатай оролцож тодорхой ажил зохион байгуулан, үр дүнг тооцон ажиллах талаар сумдын ИХТ дарга, засаг дарга нарт танилцуулга хүргүүллээ.

Шүүхэд төрийг төлөөлөх хяналтын ажлын чиглэлээр 2016 онд дэвшүүлсэн зорилтыг хэрэгжүүлж ажиллах талаар Баянгол дүүргийн прокурорын газраас удирдлага зохион байгуулалтын арга хэмжээг авч ажиллаж байна.

Энэ хяналтын чиглэлээр дэвшүүлсэн зорилтын нэг болох “Прокурорын мэтгэлцэх ур чадварыг дээшлүүлэх” зорилгоор нийт прокурор, туслах ажилтнуудын дунд “Шүүх эрх мэдлийн шинэтгэлийн хөтөлбөр”-ийн хүрээнд Шүүх, прокурор, өмгөөллийн байгууллагын сургагч багш нарын хамтран хийсэн “Шүүх хуралдааны мэтгэлцэх ур чадвар” видео сургалтын киног ашиглан практик сургалт зохион байгуулжээ.

Уг сургалтаар насанд хүрээгүй хүүхдийн үйлдсэн гэмт хэргийн шүүх хуралдааны явц, танхимын зохион байгуулалт, шүүх хуралдаанд оролцогч нарын оролцоо, “Насанд хүрээгүй хүүхдийн үйлдсэн гэмт хэрэгт Эрүүгийн байцаан шийтгэх ажиллагаа явуулах тусгай журам”-ын хэрэгжилт, шинэлэг арга барил бүхий өрөө тасалгааны байрлалтаас гадна шүүх хуралдаанд яллах, өмгөөлөх талуудын зүгээс нотлох баримтад тулгуурлан харилцан асуулт тавих, хариулт авах, тайлбар өгөх, үндэслэлээ хамгаалах, үгүйсгэж буй мэтгэлцэх зарчмийн хэрэгжилт, хэрэг шийдвэрлэхэд анхаарах асуудлын талаар прокурорууд хоорондоо харилцан яриа өрнүүлж, энэ төрлийн гэмт хэргийг шийдвэрлэхэд учирч буй тулгамдсан асуудал, бэрхшээлийн талаар санал солилцсон нь прокурорын хяналтын ажилд үр дүнтэй сургалт болжээ.

Дорноговь аймгийн Сайншанд суманд 2016 оны 02 дугаар сарын 02-ны өдөр тус аймгийн Хил хамгаалах туслах хүчний байгууллагуудын нэгдсэн зөвлөгөөн болсон ба энэхүү арга хэмжээнд Аймгийн прокурор хууль цаазын итгэмжит зөвлөх С.Цэрэнсамбуу оролцжээ.

Тэрээр аймгийн нутаг дэвсгэрт байрлаж үйл ажиллагаа явуулдаг Замын-Үүд сум дахь Хилийн 0108 дугаар анги, Эрдэнэ сум дахь Хилийн 0129 дүгээр анги, Сулин хээрийн Хилийн 0168 дугаар ангийн захирагч нартай 2016 онд хууль тогтоомж сурталчлах, мэдээ мэдээлэл солилцох, захиргааны зөрчлийн хэрэг бүртгэх эрх бүхий албан тушаалтнуудад сургалт явуулах, гэмт хэргээс урьдчилан сэргийлэх чиглэлээр хамтран ажиллах гэрээ байгуулж, гэрээнд гарын үсэг зурж баталгаажуулсан нь Прокурорын байгууллага Хилийн анги байгууллагуудын хамтын ажиллагааг сайжруулахад зохих үр дүнгээ өгсөн ажил болжээ.

Авлигатай тэмцэх газраас төрийн байгууллагуудын авлигын эсрэг үйл ажиллагаанд хөндлөнгийн шинжээчдийн өгсөн үнэлгээг танилцуулах, 2016 оны төлөвлөгөөг боловсруулах, хэрэгжүүлэхэд нь дэмжлэг үзүүлэх, арга зүйн зөвлөгөө өгөх зорилгоор тухайн байгууллагын удирдлагууд, эрх бүхий албан тушаалтнуудтай хийх уулзалтыг цувралаар зохион байгуулж байгаа юм. Энэ удаагийн уулзалтыг Монголбанкинд өнөөдөр зохион байгуулав.

Уулзалтад Монголбанкны Тамгын газрын захирал Д.Чимэд-Юндэн, Хууль эрх зүйн газрын захирал Г.Эрдэнэбаяр, Дотоод хяналт, үйл ажиллагааны эрсдлийн газрын захирал Х.Дэлгэр, Хяналт шалгалтын газрын захирал Д.Ганбат болон “МDS and Khanleks” ХХН-ийн партнер Д.Дүгэржав, Авлигатай тэмцэх газрын Урьдчилан сэргийлэх, соён гэгээрүүлэх хэлтсийн ажилтнууд оролцлоо.

Монголбанкны авлигын эсрэг үйл ажиллагаанд хөндлөнгийн шинжээчдийн үнэлгээг танилцуулаад цаашид анхаарах асуудал, хамтын ажиллагааны чиглэлээр санал солилцож, хамтран ажиллахаар болов.

Ус цаг уур, орчны судалгаа, мэдээллийн хүрээлэнгээс өнөөдрөөс эхлэн зарим аймгаар цасан шуурга шуурч, хүйтрэхийг анхаарууллаа.

Авлигатай тэмцэх газрын Мөрдөн шалгах хэлтсээс МАХН-ын зохион байгуулалт, санхүү хариуцсан нарийн бичгийн дарга П.Цогтбаатарыг эрүүгийн 201501000161 дугаар хэрэгт холбогдуулж 2016 оны хоёрдугаар сарын 16-ны өдрөөс эхлэн Шүүхийн шийдвэр гүйцэтгэх ерөнхий газрын харьяа цагдан хорих 461 дүгээр ангид саатуулан шалгаж байна. Мөрдөн байцаалтын ажиллагаа үргэлжилж байна.

Өнгөрсөн даваа гаригт нээлтээ хийх байсан ээлжит бус чуулганы хуралдаан өнөөдрийг хүртэл хойшилсон. Харин өнөөдрийн чуулганы хуралдаан 09.00 цагт товлогдсон ч одоог хүртэл ирц бүрдэхгүй байна. Одоогийн байдлаар чуулганы танхимд 76 гишүүнээс 32 гишүүн ирсэн байгаа юм. Тодруулбал, АН-ын бүлгийн 35 гишүүнээс 30 гишүүн, ИЗНН-аас УИХ-ын гишүүн С.Дэмбэрэл, ”Шударга ёс” эвслээс Ц.Оюунбаатар нар иржээ. Чуулганы хуралдаанд 39 гишүүн сууж байж ирц 50 хувьд хүрнэ. Ингэсэн тохиолдолд чуулганы хуралдаан эхлэх боломжтой болох юм.


АН-ын бүлгээс УИХ-ын гишүүн Д.Бат-Эрдэнэ, Д.Ганбат нар гадаадад томилолттой явж байгаа аж.

УИХ дахь МАН-ын бүлгээс ”АН-ыг ирцээ бүрдүүлсэн цагт хуралдаанд оролцоно” гэж ирцээр бойкот хийсэн хэвээр байна.

Т.Энхэлээ

.

Эмээлтийн хөнгөн үйлдвэрийн үйлдвэрлэл, технологийн паркийн бүтэц, орон тоог шинэчлэн батлав

Өмнөд Хятадын тэнгист пуужин харвагч систем суурилуулжээ

Норвегийн Лиллехаммер хотноо энэ өдрүүдэд залуучуудын өвлийн II олимп болж байна. Өчигдөр тус наадамд гүйлтийн тэшүүрийн төрлөөр өрсөлдөж байгаа Монгол Улсын тамирчин Буянтогтохын Сумъяа алтан медалийн эзэн боллоо.

Энэ ТҮҮХЭН ҮЙЛ ХЭРГИЙГ БҮТЭЭЛЦСЭН хүмүүсийн нэгээхэн хэсэг, аавтай маань гар нийлж хамтарч ажиллаж байсан ахмадууд, энэ түүхт төслийн шугамаар Япон улсад суралцаж ирсэн анхны оюутнууд энэ Дурсамж уулзалтад ирж оролцож байгаад би маш их баярлаж, бахдаж, Та бүхнээрээ бахархаж байна.

Та нарын маань эхлүүлсэн үйл хэрэг улам бүр хөгжин дэвжсээр өнөөдрийн СТРАТЕГИЙН ТҮНШЛЭЛийн хэмжээнд хүрч Монгол Улс өнөөдөр Япон улсаас зөвхөн тусламж авдаг бус бүр харилцан ашигтай хамтын ажиллагаа өрнүүлэх чадамж бүхий Стратегийн Түнш улс болсныг та бүхэн сайн мэдэж байгаа. Бид цаашдаа Японы шилдэг техник, технологийг нутагшуулахыг зорих төдийгүй мөн япон хүний эрхэлсэн ажилдаа няхуур нямбай, чамбай чадамгай ханддаг сэтгэл, зүтгэл, ухаан сэтгэлгээ, ур чадварыг өөриймшүүлэх талаар ч хичээх ёстой.

Улаанбаатар хотын хэмжээнд 02-р сарын 17-ний өдрийн 05:00 цагаас 02-р сарын 18-ны өдрийн 05:00 цагийн хооронд иргэд, байгууллагаас Нийт 3764 удаа холбогдсоноос, гэмт хэргийн 144, зөрчлийн 1061, согтуугийн 385, зам тээврийн ослын 195, мэдээлэл шалгахад, гэмт хэргийн шинжтэй 62 үйлдэл бүртгэгдсэнийг холбогдох

Ерөнхий сайд асан Н.Алтанхуягийн ахлах зөвлөхөөр ажиллаж байсан Л.Гансүх нарыг “Нүүрс” хөтөлбөрөөс их хэмжээний мөнгө завшиж улсад онц их хэмжээний хохирол учруулсан хэмээн прокуророос Л.Гансүхэд 5 жил, Б.Мөнгөнтуяад 7.5 жил, Н.Даваахүүг 7 жилийн хорих ял оноох санал гаргасан байдаг. Улмаар Л.Гансүхэд анхан болон давж заалдах шатны шүүхээс 4.5 жилийн хорих ял оноогоод байгаа. Тиймээс тэрбээр хоёр шатны шүүхийн шийдвэрийг эсэргүүцэн Улсын Дээд шүүхийн Хяналтын шатны шүүхэд хянуулахаар гомдол гаргаад байгаа. Одоогоор түүний хэргийг хянаж байгаа бөгөөд хурлын товыг гаргаагүй байгаа ажээ.

УИХ-ын чуулганы нээлтийн хуралдааны дараа гурван байнгын хороо хуралдана.

Хууль зүйн байнгын хорооны хуралдаан 14.00 цагаас “Их Эзэн Чингис хаан танхим”-д эхэлж, Эрүүгийн хэрэг шалган шийдвэрлэх тухай, Хууль сахиулах тухай, Шүүхийн шийдвэр гүйцэтгэх тухай, Үндсэн хуулийн цэцэд маргаан хянан шийдвэрлэх ажиллагааны тухай хуульд өөрчлөлт оруулах тухай, Эрүүгийн хуульд нэмэлт оруулах тухай зэрэг асуудлыг хэлэлцэх юм.

Төсвийн байнгын хорооны хуралдаан мөн 14.00 цагаас “Жанжин Д.Сүхбаатар танхим”-д эхэлж, Татварын ерөнхий хууль, Аж ахуйн нэгжийн орлогын албан татварын тухай, Хувь хүний орлогын албан татварын тухай, Гаалийн албан татвараас чөлөөлөх тухай, Нэмэгдсэн өртгийн албан татвараас чөлөөлөх тухай зэрэг хууль тогтоолын шат шатны хэлэлцүүлгийг хийнэ.

Аюулгүй байдал, гадаад бодлогын байнгын хорооны хуралдаанаар “Санхүүгийн хамтын ажиллагааны Ерөнхий хөтөлбөрийн тухай” Монгол Улсын Засгийн газар, Унгар Улсын Засгийн газар хоорондын хэлэлцээрийг соёрхон батлах тухай, Монгол Улс байнга төвийг сахих тухай хуулиудыг хэлэлцэхээр товолжээ.

Үндэсний мэдээллийн төвд



09.30 цагт “Аж үйлдвэржилт ба эдийн засгийн аюулгүй байдал” сэдвээр мэргэжлийн холбоод мэдээлэл хийнэ.



Хангарьд ордны 14 давхарт



10.00 цагт Улаанбаатар Хотын Захирагчийн Ажлын Алба, “KOЙКА” Олон улсын хамтын ажиллагааны байгууллага болон Азийн сангийн төлөөлөгчид “Бизнес эрхлэгч эмэгтэйчүүдийн төв” төслийг хэрэгжүүлэх тухай харилцан ойлголцлын санамж бичигт гарын үсэг зурна. Энэхүү төслөөр дамжуулан талууд Улаанбаатар хотод амьдран суух эмэгтэйчүүдийн бизнес эрхлэлтийг хэд хэдэн чиглэлээр дэмжин ажиллах юм.



“Монгол ньюс” мэдээллийн төвд



11.00 цагт “Баянзүрх дүүргийн Засаг дарга жирэмсэн эмэгтэйг зоджээ” гэсэн нийтлэл болон төрийн албан хаагчийн ёс зүйгүй үйлдлийн талаар Баянзүрх дүүргийн Хүүхэд, гэр бүлийн хөгжлийн төвийн мэргэжилтнүүд мэдээлэл хийнэ.



10-р хорооллын Петровисын колонкийн ард талд 7А байр. 5 давхар



11.00 цагт Нийслэлийн Засаг дарга угсармал орон сууцыг дулаалсан шинэ технологитой танилцана.



“Шангри Ла” зочид буудлын 1 давхарт



12.00 цагт ДЦС-4-ийн үр ашгийг дээшлүүлэх төслийн ажиллагааг эхлүүлэх гэрээнд гарын үсэг зурах ёслол болно. Ёслолд Эрчим хүчний сайд Д.Зоригт, Япон улсаас Монгол Улсад суугаа Элчин сайд Т.Шимизутаны, Японы Олон улсын хамтын ажиллагааны байгууллагын Төлөөлөгчийн газрын дарга М.Сато нар болон төсөл хэрэгжүүлэх хөрөнгө оруулагч болон гүйцэтгэх байгууллагын төлөөлөл оролцоно.



Төрийн ордны Г танхимд



14.00 цагт УИХ дахь Хүнийэрхийн дэд хорооны хуралдаан болно.Хуралдаанд Хүний эрхийн дэд хорооны гишүүд, Хүний эрхийн үндэсний комиссын гишүүд, Иргэний нийгмийн байгууллагын төлөөлөл оролцоно.



Хангарьд ордны 14 давхарт



14.00 цагт Нийслэлийн удирдлагын зөвлөлийн ээлжит хуралдаан болно. Хуралдаанаар Хотын засаглалыг сайжруулах төслийн хэрэгжилтийн явц, Орон нутгийн хөгжлийн сангийн хөрөнгийн зарцуулалт, үр дүн, нийслэлийн 2016 оны “Шилдэг хороо” шалгаруулах болзолт уралдааны удирдамжийг батлах тухай, Сонгинохайрхан дүүргийн “Найрамдал” шаврын ордод авч хэрэгжүүлэх арга хэмжээний талаар хэлэлцэнэ.

УИХ-ын даргын дэргэдэх Зөвлөлийн 2016.02.16-ны өдрийн хурлаар дараах хуваарийг баталжээ. Энэ хуваарь ёсоор ээлжит бус чуулганы нээлт 09.00 цагт болох юм. Дараа нь Үндсэн хуулийн цэцийн гишүүнийг эгүүлэн татах талаарх Улсын дээд шүүхийн саналыг үргэлжлүүлэн хэлэлцэх аж.

Харин үдээс хойш нь байнгын хорооны хуралдаантай.

НЭГ.БАЙНГЫН ХОРООНЫ ХУРАЛДААН:

1.Хууль зүйн байнгын хорооны хуралдаан 14.00 цагаас “Их Эзэн Чингис хаан танхим”-д:
Хэлэлцэх асуудал:
• Эрүүгийн хэрэг шалган шийдвэрлэх тухай /шинэчилсэн найруулга/ болон холбогдох бусад хуулийн төслүүд /Засгийн газар 2016.02.12-ны өдөр өргөн мэдүүлсэн, хэлэлцэх эсэх/;
• Хууль сахиулах тухай болон холбогдох бусад хуулийн төслүүд /Засгийн газар 2016.02.12-ны өдөр өргөн мэдүүлсэн, хэлэлцэх эсэх/;
• Шүүхийн шийдвэр гүйцэтгэх тухай /шинэчилсэн найруулга/ болон холбогдох бусад хуулийн төслүүд /Засгийн газар 2016.02.12-ны өдөр өргөн мэдүүлсэн, хэлэлцэх эсэх/;
• Үндсэн хуулийн цэцэд маргаан хянан шийдвэрлэх ажиллагааны тухай хуульд өөрчлөлт оруулах тухай хуулийн төсөл /Улсын Их Хурлын гишүүн Ш.Түвдэндорж 2016.02.08-ны өдөр өргөн мэдүүлсэн, хэлэлцэх эсэх/;
• Эрүүгийн хуульд нэмэлт оруулах тухай хуулийн төсөл /Улсын Их Хурлын гишүүн Ш.Түвдэндорж 2016.02.08-ны өдөр өргөн мэдүүлсэн, хэлэлцэх эсэх/;
• Монгол Улсын иргэний харьяаллын тухай /шинэчилсэн найруулга/ болон холбогдох бусад хуулийн төслүүд /Монгол Улсын Ерөнхийлөгч 2016.02.08-ны өдөр өргөн мэдүүлсэн, хэлэлцэх эсэх/.

2.Төсвийн байнгын хорооны хуралдаан 14.00 цагаас “Жанжин Д.Сүхбаатар танхим”-д:
Хэлэлцэх асуудал:
• Татварын ерөнхий хууль /шинэчилсэн найруулга/-ийн төсөл /Засгийн газар 2016.02.05-ны өдөр өргөн мэдүүлсэн, хэлэлцэх эсэх/;
• Аж ахуйн нэгжийн орлогын албан татварын тухай /шинэчилсэн найруулга/ хуулийн төсөл /Засгийн газар 2016.02.05-ны өдөр өргөн мэдүүлсэн, хэлэлцэх эсэх/;
• Хувь хүний орлогын албан татварын тухай /шинэчилсэн найруулга/ хуулийн төсөл /Засгийн газар 2016.02.05-ны өдөр өргөн мэдүүлсэн, хэлэлцэх эсэх/;
• Гаалийн албан татвараас чөлөөлөх тухай, Нэмэгдсэн өртгийн албан татвараас чөлөөлөх тухай /Засгийн газар 2016.02.05-ны өдөр өргөн мэдүүлсэн, цахилгаан эрчим хүчийг татвараас чөлөөлөх тухай, хэлэлцэх эсэх/.

3.Аюулгүй байдал, гадаад бодлогын байнгын хорооны хуралдаан 14.00 цагаас “В” танхимд:
Хэлэлцэх асуудал:
• “Санхүүгийн хамтын ажиллагааны Ерөнхий хөтөлбөрийн тухай” Монгол Улсын засгийн газар, Унгар Улсын засгийн газар хоорондын хэлэлцээрийг соёрхон батлах тухай хуулийн төсөл /Засгийн газар 2016.02.08-ны өдөр өргөн мэдүүлсэн, соёрхон батлах/;
• Монгол Улсын Засгийн газар Азийн хөгжлийн банк хооронд байгуулах “Зээлийн батлан даалтын системийг дэмжих замаар эдийн засгийг төрөлжүүлэх ажлын байр бий болгох” төсөл, “Ургамал, малын эрүүл ахуй, хүнсний аюулгүй байдлыг хангах арга хэрэгслийг шинэчлэн сайжруулах” /Засгийн газар 2016.02.12-ны өдөр өргөн мэдүүлсэн, соёрхон батлах/;
• Монгол Улс байнга төвийг сахих тухай /Монгол Улсын Ерөнхийлөгч 2015.10.20-ны өдөр өргөн мэдүүлсэн, хэлэлцэх эсэх үргэлжилнэ/.

Өнгөрсөн даваа гаригт нээлтээ хийх байсан ээлжит бус чуулганы хуралдаан УИХ дахь МАН болон МАХН-МҮАН-ын ”Шударга ёс” эвслийн бүлгийн бойкотоос болж өнөөдрийг хүртэл хойшилсон. Хэрвээ өнөөдөр ээлжит бус чуулган товлосон цагтаа нээлтээ хийж чадвал Үндсэн хуулийн цэцийн дарга Ж.Амарсанааг огцруулах асуудлыг хэлэлцэнэ.

Улаанбаатар хотын усан хангамжийн дамжуулах ба түгээх шугам сүлжээний үйл ажиллагааг сайжруулах нь сургалтыг инженер техникийн ажилчдын дунд зохион байгууллаа.
Сургалтыг Нийслэлийн Засаг даргын тамгын газар, Улаанбаатар хотын Захирагчийн ажлын алба, Японы Саппоро хотын Ус сувгийн үйлчилгээний нийгэмлэг, Хоккайдогийн олон улсын хамтын ажиллагааны төв хамтран зохион байгуулсан. Тус сургалтанд Ус сувгийг удирдах газар, Орон сууц нийтийн аж ахуйг удирдах газрын инженер техникийн ажилчид хамрагдсан юм.
Сургалтыг нээж Хотын Ерөнхий менежер Б.Бадрал үг хэлсэн. Тэрбээр “Жайкагийн техник хамтын ажиллагааны “Өвсний үндэс” хөтөлбөрийн хүрээнд “Улаанбаатар хотын ус дамжуулах, түгээх үйл ажиллагааг сайжруулах хамтын ажиллагааны төслийг Японы талтай хамтран гурван жилийн хугацаанд хэрэгжүүлэх гэж байна. Төслийн хүрээнд Улаанбаатар хотын усан хангамжийн дамжуулах ба түгээх шугам сүлжээний үйл ажиллагааг хариуцдаг инженер техникийн ажилчдын мэргэжлийн ур чадварыг сайжруулах сургалтанд хамруулна. Сургалтанд хамрагдаж байгаа инженер техникийн ажилчид олон шинэ зүйлийг асууж сурах хэрэгтэй” гэдгийг онцолсон.
Сургалтаар Улаанбаатар хотын ус дамжуулах түгээх байгууламжийн өнөөгийн байдал тулгамдаж буй асуудлын талаар ярилцан, ус дамжуулах, түгээх байгууламжийг сайжруулах төлөвлөгөөг боловсруулна. Мөн даралт ба түгээх усны хэмжээг уялдуулах тохиргоо, ус түгээх бүсийг хэрхэн сонгох, их багтаамжийн усан сан барихад юуг анхаарах, ус түгээх үйл ажиллагааны хуваарилалтыг хэрхэн хийх, ус дамжуулах шугамыг шинээр барих, усны алдагдлыг бууруулахад юуг анхаарах талаар суралцагсадад хичээл зааж гарсан үр дүнг нэгтгэн танилцуулах юм.
Японд дадлагажигчид Саппора хотын ус дамжуулах түгээх систем, Моивагийн ус цэвэрлэх байгууламжийг газар дээр нь үзүүлнэ. Энэ үеэр Саппора хотын инженерийн байгууламжийн сайжруулах, шугамын трассыг солих төлөвлөгөөтэй танилцан,усны даралт, урсгалын хэмжилтийг яаж хийх, усны алдагдлаас хэрхэн сэргийлж байгаатай танилцах юм. Мөн ус хангамжийн шинэ технологийн төхөөрөмжүүдийг танилцуулж шугам хоолойг нөхөн сэргээх арга, сүлжээний шинжилгээ, усны хэрэглээний таамаг, усан сангийн багтаамж, ус дамжуулах хоолойг тавих арга, гадна шугам сүлжээг компьютерээр хянах Японы технологийг дэлгэрэнгүй танилцуулна.
Төслийн хүрээнд Улаанбаатар хотоос загвар бүсийг сонгон судалгааг хийж цаашид хэрэгжүүлэх арга хэмжээний төлөвлөгөөг хамтран боловсруулна. Мөн Улаанбаатар хотын ундны усны аюулгүй байдлыг судалж, гэр хорооллын ус түгээгүүрийн газруудад юуг анхаарах хэрэгтэй талаар зөвлөмж өгөх юм гэж Улаанбаатар хотын Захирагчийн ажлын албанаас мэдээллээ.