Засгийн газрын ээлжит хуралдаанаар дараах асуудлуудыг хэлэлцэн шийдвэрлэлээ
27 минутын өмнө
Print Zasag and PDF
ShareThis Facebook Tweet LinkedIn Email

Барилгын хийц үйлдвэрлэх хөдөлгөөнт цогцолбор байгуулна

Батлан хамгаалах яамны харьяа “Батлан хамгаалах аж үйлдвэрийн нэгдэл” төрийн өмчит үйлдвэрийн газрын МIC Industries корпорациас худалдан авах “UBM” барилгын хийц үйлдвэрлэх хөдөлгөөнт цогцолборын санхүүжилтэд шаардагдах хөрөнгийн 85 хувьд Монгол Улсын Хөгжлийн банк баталгаа гаргаж АНУ-ын EXIM банкны эх үүсвэрээр, үлдэх 15 хувьд Засгийн газрын өрийн баталгааг зохих журмын дагуу гаргаж, Хөгжлийн банкны эх үүсвэрээс санхүүжүүлэх, холбогдох гэрээ байгуулахыг Сангийн сайд Б.Болор, Хөгжлийн банкны Төлөөлөн удирдах зөвлөлд зөвшөөрлөө.

Зээлийн эргэн төлөлтийг 2017-2019 оны улсын төсөвт тусгах арга хэмжээ авахыг Сангийн сайд Б.Болор, Батлан хамгаалахын сайд Ц.Цолмон нарт даалгалаа.

Ерөнхий сайд Ч.Сайханбилэгийн АНУ-д хийсэн айлчлалын явцад MIC industries корпорацийн төлөөлөгч уулзаж бүтээгдэхүүнээ санал болгосны дагуу Батлан хамгаалах яаманд барилгын хийц үйлдвэрлэх хөдөлгөөнт цогцолборыг худалдан авах талаар судлан үзэх үүрэг, чиглэл өгсөн юм. Өнөөгийн зах зээлийн ханшаар 48х24 метрийн хэмжээтэй барилгыг тоосгоор барихад 1.3 тэрбум зарцуулагдаж байгаа бол хийц үйлдвэрлэх хөдөлгөөнт цогцолборын тоног төхөөрөмжөөр ийм хэмжээний барилга барихад 300 сая төгрөг зарцуулах тооцоо гарсан байна. Уг хөдөлгөөнт цогцолбор нь 1000 ам.метр талбайтай барилгыг нэг өдөрт гүйцэтгэх хүчин чадалтай юм. Хөдөлгөөнт цогцолборыг Зэвсэгт хүчинд ашиглахаас гадна улсын болон бүс нутгийн томоохон барилга угсралтын төсөл, хөтөлбөрүүдийг хэрэгжүүлэхэд ашиглах боломжтой.

Монгол наадам цогцолборын хилийн цэсийг тогтоолоо

Үндэсний их баяр наадмын Монгол наадам цогцолборт зориулан нийслэлийн Сонгинохайрхан дүүргийн нутаг дэвсгэрт хамаарах 1604 га, Төв аймгийн Аргалант сумын нутаг дэвсгэрт хамаарах 12040 га, нийт 13644 га газрыг улсын тусгай хэрэгцээнд авч, хилийн цэсийг баталлаа.

Монгол наадам цогцолборыг байгуулахад шаардагдах зардлыг жил бүрийн улсын төсөвт тусган санхүүжүүлэх арга хэмжээ авч байхыг Сангийн сайд Б.Болор, Байгаль орчин, ногоон хөгжил, аялал жуулчлалын сайд Н.Батцэрэг нарт даалгалаа.

Улаанбаатар хотын хүн ам 1980 онд 380 гаруй мянга байсан бол 2014 онд нэг сая 314 мянга болж 3.4 дахин нэмэгджээ. Улсын нийт хүн амын 44 орчим хувь нь нийслэл хотод амьдарч байна. Төв цэнгэлдэх хүрээлэнд хотын хүн амын 1 хувь нь наадмын нээлт, хаалт, үндэсний бөхийн барилдаан үзэх боломжтой бөгөөд гадаад, дотоодын жуулчдыг тооцвол үүнээс ч бага хувь нь хамрагдаж байгаа юм. Цаашид энэ байдлаар Үндэсний их баяр наадмыг зохион байгуулах боломжгүй болж байгаа бөгөөд Улаанбаатар хотын 2020 он хүртэл хөгжүүлэх ерөнхий төлөвлөгөөг хэрэгжүүлэх хүрээнд нийслэлийн ИТХ-ын тогтоолоор “Монгол наадам цогцолбор” орон нутгийн өмчит үйлдвэрийн газар байгуулан ажиллаж байна. Тус цогцолборт 2020 он хүртэл Цэнгэлдэх хүрээлэн, морь барианы болон сур харвааны асар, зочид буудал, жуулчны бааз, отог, бөх, морь, сурын их шүтээнүүдийг барьж байгуулахаар төлөвлөж байгаа юм.

Эрдэнэтийн дулааны цахилгаан станцыг шинэчилнэ

БНХАУ-ын Засгийн газраас Монгол Улсын Засгийн газарт олгож байгаа хөнгөлөлттэй зээлээр санхүүжүүлэх Эрдэнэтийн дулааны цахилгаан станцын шинэчлэлийн төслийн ажлыг шуурхай хэрэгжүүлэх шаардлагыг харгалзан тус төслийн нийт хөрөнгө оруулалтын 30 хувийг Хөгжлийн банкны гүүрэн санхүүжилтийн механизмаар шийдвэрлэхийг Хөгжлийн банкны төлөөлөн удирдах зөвлөлд зөвшөөрлөө.

Эрдэнэтийн дулааны цахилгаан станцын 35 МВт-ын өргөтгөлийн төслийг хэрэгжүүлснээр цахилгаан эрчим хүчний дутагдаж буй хэрэглээг тодорхой хэмжээнд хаах, ОХУ-аас авч байгаа импортын эрчим хүчний хэмжээг бууруулах, станцын үйлдвэрлэлийн хэмжээ 2 дахин нэмэгдэж, 1кВт.цаг цахилгаан үйлдвэрлэх өөрийн өртгийг 41.32 төгрөгөөр бууруулан 67.48 төгрөг болж, системийн алдагдал жилдээ 7.0 төгрөгөөр буурах ач холбогдолтой юм.

Станцын өргөтгөлийн төслийн хүрээнд 35 МВт-ын турбингенераторыг шинээр суурилуулж, хими, ус цэвэрлэгээний тоног төхөөрөмжүүдийг шинэчилж, сүлжээний групп бойлерийг ялтсан бойлероор сольж, ус хөргөх цамхаг шинээр барих, цахилгаан хангамж бусад туслах тоноглолын шинэчлэлийн ажлууд хийгдэх юм.

“Эрдэнэтийн дулааны цахилгаан станц” ТӨХК-ийн хүчин чадлыг өргөтгөх, зарим тоног төхөөрөмжийг шинэчлэх ажлыг гүйцэтгэхээр шалгарсан компанитай гэрээ байгуулж, төслийг 53.8 сая ам.долларт багтаан хэрэгжүүлэх арга хэмжээ авч ажиллахыг Эрчим хүчний сайд Д.Зоригтод үүрэг болголоо.

Төслийн жагсаалтыг шинэчлэн баталлаа

Монгол Улсын Сангийн яам, БНХАУ-ын Экспорт-Импорт банк хооронд байгуулах 1.0 тэрбум ам.долларын зээлийн Ерөнхий хэлэлцээрийн хүрээнд хэрэгжүүлэх төслийн жагсаалтыг шинэчлэн баталлаа. Төслүүдийг Хятадын талд уламжлах, хэрэгжилтийг шуурхай зохион байгуулж ажиллахыг Сангийн сайд Б.Болор болон холбогдох бусад сайд, Нийслэлийн Засаг даргад даалгалаа.

БНХАУ-ын Засгийн газраас олгох нэг тэрбум ам.долларын экспортын зээлийн хөрөнгөөр Эгийн голын усан цахилгаан станцыг барих, Гачууртын уулзвараас Налайх-Чойрын уулзвар хүртлэх 20.9 км замын өргөтгөл, шинэчлэл хийх, Улаанбаатар-Мандалговь цахилгаан дамжуулах агаарын шугам, дэд станц барих, Эрдэнэтийн дулааны цахилгаан станцыг шинэчлэх, Мах боловсруулах 12 үйлдвэр барих, Мэргэжлийн сургалт үйлдвэрлэлийн төвүүдэд тоног төхөөрөмж нийлүүлэх зэрэг төслүүдийг хэрэгжүүлнэ.

Зээлийн ашиглагдаагүй үлдэгдлээр хэрэгжүүлэх төслийн жагсаалтыг баталлаа

Эдийн засгийн хөгжлийн хамтын ажиллагааны сангаас 2011-2015 онд авах зээлийн тухай Монгол Улсын Засгийн газар, БНСУ-ын Засгийн газар хоорондын ерөнхий хэлэлцээрийн ашиглагдаагүй үлдэгдэл болох 244,5 сая ам.долларын хөрөнгөөр хэрэгжүүлэх төслийн жагсаалтыг баталлаа.

Ерөнхий хэлэлцээрийн дагуу авах 300 сая ам.долларын ашиглагдаагүй үлдэгдэл хөрөнгөөр дараах төслүүдийг хэрэгжүүлэхээр боллоо.

- Улс, хот хоорондын нийтийн тээврийн үйлчилгээнд дэмжлэг үзүүлэх төсөл

- Ухаалаг боловсрол төсөл

- Харгиа урьдчилсан цэвэрлэх байгууламжийг шинэчлэх төсөл

- 10 аймгийн дулааны станц барих төсөл

- Архивын ерөнхий газрын цогцолбор барилгын тоног төхөөрөмж, техник хэрэгслийн хангалт төсөл

- Шүүх шинжилгээний байгууллагын чадамжийг сайжруулах төсөл

- Шүүхийн шийдвэр гүйцэтгэх ерөнхий газрын цахим гавын хяналтын систем байгуулах төсөл

- Хууль сахиулах их сургуулийн төв байрны сургалтын лаборатори, тоног төхөөрөмж, техник хэрэгслийн хангалт төсөл

Төслүүдийг БНСУ-ын Засгийн газарт санал болгох, төслийг цаг хугацаанд нь үр дүнтэй хэрэгжүүлэх арга хэмжээ авахыг Сангийн сайд Б.Болор, Зам, тээврийн сайд М.Зоригт, Боловсрол, соёл, шинжлэх ухааны сайд Л.Гантөмөр, Аж үйлдвэрийн сайд Д.Эрдэнэбат, Хууль зүйн сайд Д.Доригжав, Эрчим хүчний сайд Д.Зоригт нарт даалгалаа.

Товч мэдээ:

- Худалдан авах ажиллагааны газраас 2016 онд худалдан авах ажиллагааг нь зохион байгуулах улсын төсвийн хөрөнгө оруулалтаар хэрэгжүүлэх төсөл, арга хэмжээ, Хөгжлийн банкны эх үүсвэрээр хэрэгжүүлэх төсөл, арга хэмжээ, ерөнхий гэрээгээр худалдан авах бараа, ажил үйлчилгээний жагсаалтыг баталлаа.

- Төрийн албаны зөвлөлийн саналыг үндэслэн нэр бүхий төрийн жинхэнэ албан хаагчдад Эрхэлсэн түшмэлийн зэрэг дэв олгох тухай Ерөнхий сайдын захирамж гаргахаар тогтов. Нэр бүхий албан хаагчдад Тэргүүн түшмэлийн зэрэг дэв олгуулахаар Монгол Улсын Ерөнхийлөгчид өргөн мэдүүлэхээр тогтлоо.

- Засгийн газрын 2003 оны 173 дугаар тогтоолоор баталсан “Ургамлын үр, үрслэг, суулгац, амьтан, түүний үр, хөврөл үр, түүхий мах, дайвар бүтээгдэхүүн болон бичил биетний өсгөвөр, эмгэгт материалын дээжийг улсын хилээр нэвтрүүлэх боомтуудын жагсаалт”-д нэмэлт орууллаа.

- Монгол Улсаас Сент Дюси Улс, Бүгд Найрамдах Габон Улс, Бүгд Найрамдах Нигер Улс, Бүгд Найрамдах Камерун Улс, Маршалын Арлуудын Бүгд Найрамдах Улстай дипломат харилцаа тус тус тогтоох тухай асуудлыг хэлэлцэн дэмжээд УИХ-д өргөн мэдүүлэхээр тогтлоо.

- Цэргийн сургалтын хамтын ажиллагааны тухай Монгол Улсын Засгийн газар, Бүгд Найрамдах Турк Улсын Засгийн газар хоорондын хэлэлцээрийн төслийг дэмжиж, гарын үсэг зурах эрхийг Батлан хамгаалахын сайд Ц.Цолмонд олголоо.

- Хувь хүний орлогын албан татварын тухай хуульд нэмэлт, өөрчлөлт оруулах тухай хуулийн төслийг хэлэлцэн дэмжээд УИХ-д өргөн мэдүүлэхээр тогтлоо гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
- See more at: http://zasag.mn/news/view/11438#sthash.8LJe8POA.dpuf

Эрдэнэтийн дулааны цахилгаан станцыг шинэчилнэ

Нийслэлийн нэгдүгээр ”Өргөө” амаржих газарт өнгөрсөн бямба гаригт буюу энэ сарын 21-нд эхийн эндэгдэл гарчээ. Тодруулбал, 27 настай эмэгтэй амаржих гэж очоод амиа алдсан харамсалтай хэрэг гарсан байна. Эх сурвалжийн хэлж буйгаар эмч нар тоохгүй, хайхрамжгүй байсаар байгаад төрөхийн хүндрэлээр, тээж байсан хүүхэдтэйгээ хамт амиа алдсан гэж мэдээлсэн юм.

О.Баасанхүү бүлгээсээ гарах уу?

Хуйтний эрч чангарч байгаа энэ өдрүүдэд ахуйн гал түймрийн дуудлага ихэсчээ. Энэ талаар нийслэлийн Онцгой байдлын газрын Гамшгаас урьдчилан сэргийлэх хэлтсийн мэргэжилтэн Г.Сэдэдсүрэнгээс тодрууллаа.

-Өчигдөр (уржигдар) танайх гал түймрийн хэчнээн дуудлагатай өнжив?
-Нийслэлийн Онцгой байддын газар 19 дууддага хүлээн авсан. Энэ нь өнгөрсөн оны мөн үеийнхтэй харьцуулахад нэмэгдсэн үзүүлэлт. 2015 он гарснаас хойш өнөөдрийн байддаар нийслэлд 3200 гаруй удаа гал түймэр гарч, 30 хүн амиа ал- даж, 28 хүн түлэгдсэн. Нас барсан хүмүүсийн ес нь хүүхэд. Харин ул- сын хэмжээнд ахуйн гал түймрийн улмаас 50 хүн нас барсан.

-Гал түймрийн дуудлага өнгөрсөн оныхоос нэмэгдсэн шалтгаан нь юу вэ?
-Бага насны хүүхдийг гэрт нь хараа хяналтгүй үлдээснээс өөрс- дөө гал түлэх гэж оролдоод гал алдах нь их байна. Мөн гэмтэлтэй зууханд гал түлэх, яндангийн дулаалгаа буруу хийх, амархан шатдаг материалаар дулаалах, яндангаа байшингийн дээврээс 0.5 метр өндөрт байрлуулах ёстой байтал үүнээс богино гаргаснаас гал гарч байна. Түүнч- лэн цахилгаанаа мэргэжлийн хү- нээр холбуулаагүй, түлш хэтрүү- лэн хэрэглэсэн, үнс нурмаа ил задгай хаяснаас гал гарах нөхцөл бүрдүүлж байна.

-Хэрхэн сэргийлэх талаар зөвлөхгүй юү?
-Гэр хорооллын айлуудад гал түймэр гарах нь их байна. Тиймээс зуух, пийшингийн янданг байшин- гийн дээврээс 50 см өндөрт, 20-25 см радиус бүхий төмрөөр тааз, тоононд бэхлэх ёстой. Гөлмөн төмөр хадаж, цог, оч, модон ша- лан дээр унахаас болон залгууруу- дад гурав ба түүнээс дээш цахил- гаан хэрэгсэл залгахаас сэргийлэх хэрэгтэй.

Хэлмэгдсэн монгол иргэдийн хөшөөнд цэцэг өргөв

Өнөөдөр УИХ дахь дөрвөн байнгын хороо хуралдах хуваарьтай байгаа. Хоёр байнгын хорооны хуралдаан өглөө 09.00 цагт товлогдсон ч хуралдсангүй. Тухайлбал Хууль зүйн байнгын хорооны хуралдаан ирц хүрээгүйгээс хойшиллоо.



Тус байнгын хороо өнөөдөр



Эрүүгийн хууль /шинэчилсэн найруулга/ болон холбогдох бусад хуулийн төслүүд /Засгийн газар 2015.02.05-ны өдөр өргөн мэдүүлсэн, эцсийн хэлэлцүүлэг/;



Зөрчлийн тухай болон холбогдох бусад хуулийн төслүүд /Засгийн газар 2015.02.05-ны өдөр өргөн мэдүүлсэн, эцсийн хэлэлцүүлэг/;



“Авлигатай тэмцэх, хариуцлага, шударга ёсыг бэхжүүлэх үндэсний хөтөлбөрийг батлах тухай” Улсын Их Хурлын тогтоолын төсөл /Монгол Улсын Ерөнхийлөгч 2015.11.19-ний өдөр өргөн мэдүүлсэн, хэлэлцэх эсэх/;



Үл хөдлөх эд хөрөнгийн барьцааны тухай хуулийн зарим заалт Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн 2015 оны 15 дугаар дүгнэлт;



Бусад асуудлыг хэлэлцэхээр төлөвлөсөн юм.

ХУД-3 “11-р сарын 23-ны 09:15-д “ТЭЦ-3”-ын уулзвар дээр хөдөлгөөнд оролцоод явж байхад “Kia Lotz” автомашины жолооч СХД-7 хороонд суух Л /эр.46н/ гэгч зам чөлөөлсөнгүй гэж “Тоyота camry” автомашины зүүн талын толийг гараараа цохиж хугалсан” гэж ХУД-15 хороонд суух Б /эр.20н/ 11:00 цагт өргөдөл гаргаж ирснийг ХУДЦХ-1 шалгаж байна

ЧД-19 Тахилтын зам дээр цагдаагийн алба хаагчид эргүүл шалгалт хийж байхдаа “Daihatsu Hijet” автомашиныг зогсоож шалгахад: Орхон аймаг Баян-Өндөр сумын 11-р багт оршин суух Ж /эм.25н/ нь гарал үүслийн бичиггүй 50 шуудай хуурай мод авч явсан хэргийг ЧДЦХ-2 шалгаж байна.

Улаанбаатар хотын хэмжээнд 11-р сарын 23-ны өдрийн 05:00 цагаас 11-р сарын 24-ний өдрийн 05:00 цагийн хооронд иргэд, байгууллагаас Нийт 4065, удаа холбогдсоноос, гэмт хэргийн 121, зөрчлийн 1020, Зам тээврийн ослын 442, мэдээлэл шалгахад, гэмт хэргийн шинжтэй 83 үйлдэл бүртгэгдсэнийг холбогдох нэгжүүд шалгаж байна.

№ Огноо Нийт гэмт хэрэг Илэрсэн гэмт хэрэг Хулгай
гэмт хэрэг Танхай
гэмт хэрэг ТХХАБАЖ зөрчих
1 2015.11.23 83 42 37 6 16
БГД-18. “Амоrе” зочид буудлын орчим 11-р сарын 23-ны 01:30 цагийн орчим цагдаагийн алба хаагчид эргүүлийн үүрэг гүйцэтгэж яваад зугатаж явсан сэжигтэй этгээдийг саатуулан шалгахад: Булган аймгийн харъяат А /эр.21н/-г Орхон аймгийн харьяат Б /эр.19н/ гэгч согтуурсан үедээ бусадтай бүлэглэн зодож, “Nokia-1110” гар утас, 33.000 төгрөгийг дээрэмдснийг илрүүлэн БГДЦХ-1 шалгаж байна.

Хэлмэгдсэн монгол иргэдийн хөшөөнд цэцэг өргөв

Олимп болох Рио муж ган гачигт нэрвэгдээд байна

Үндсэн хуульд өөрчлөлт оруулах асуудлаар УИХ-ын түвшинд эх, захгүй маргалдаж байна. МАН-ын бүлгээс “Энэ УИХ Үндсэн хуульд өөрчлөлт оруулах чадамжгүй. Манай бүлэг Үндсэн хуульд өөрчлөлт оруулахыг эсэргүүцэж байгаа” хэмээн мэдэгдсэн. Харин АН-ын бүлэг ”Үндсэн хуульд өөрчлөлт оруулахыг дэмжиж байна” гэсэн боловч дэмжихгүй байгаа гишүүд ч тус бүлэгт цөөнгүй бий гэдэг. Энэ мэт Үндсэн хуулийг өөрчлөх асуудлаар парламентын гишүүд хоёр хуваагдаад байгаа үед Монголын үе, үеийн Ерөнхий сайдууд уг асуудлаар юу гэж байр, сууриа илэрхийлснийг хүргэе.

ГЕГ-ын дарга О.Ганбатын хүн Ч.Насанбат шалгагдаж эхэлжээ

Хууль сахиулахын их сургуулийн Эрдэм шинжилгээ, хөгжлийн хүрээлэнгээс санаачлан “Шинжлэх ухааны ажилтны өдөр”-ийг тохиолдуулан Монгол Улсад үйл ажиллагааг явуулж буй эрдэм шинжилгээний хүрээлэнгүүдийн дунд спортын 3-н төрөлт тэмцээнийг 11 дүгээр сарын 20-нд амжилттай зохион байгууллаа. Энэхүү тэмцээнийг нээж Их сургуулийн Эрдэмтэн нарийн бичгийн дарга, доктор, цагдаагийн хурандаа О.Зоригт үг хэллээ. Тус тэмцээнд нийт 11 хүрээлэнгийн 200 гаруй тамирчид оролцож, гар бөмбөг, ширээний теннис, шатрын төрөлд авьяас чадвар, оюун ухаан, хурд хүчээ дайчлан өрсөлдсөнөөс багийн нийлбэр дүнгээр Үндэсний тагнуулын академийн баг тэргүүн байр эзэлж, өргөмжлөл, алтан медаль, шилжин явах цомын эзэн боллоо. Хоёрдугаар байрт, Гамшиг судлалын хүрээлэнгийн баг, гуравдугаар байрт, Батлан хамгаалахын эрдэм шинжилгээний хүрээлэнгийн баг тамирчид тус тус шалгарлаа. Уламжлал болсон уг тэмцээнийг 2016 онд Үндэсний тагнуулын академийн хамт олон зохион байгуулах хүндтэй үүргийг хүлээсэн. Өнгөрсөн жилийн тухайд ХСИС тус тэмцээнд тэргүүн байр эзэлж, шилжин явах цомыг хүртсэн учир энэ жил тэмцээнийг гардан зохион байгуулсан.
Тэмцээнд амжилттай оролцсон баг тамирчдад шагнал гардуулсны дараа ХСИС-ийн Эрдэм шинжилгээ, хөгжлийн хүрээлэнгийн захирал, доктор, цагдаагийн хурандаа М.Эрдэнэбаяр үйл ажиллагааг хааж үг хэлсэн. Тэрбээр “Шинжлэх ухаан, эрдэм судлалын ажилд нөр их хөдөлмөрөө зориулан ажилладаг эрдэмтэн, судлаачид та бүхэнтэйгээ нэгэн өдөр спортоор хичээллэж, хамтын ажиллагаагаа улам их өргөжүүлсэндээ талархаж байна. Бид бүхний хамтын ажиллагаа үүгээр дуусахгүй. Цаашид маш олон чиглэлээр хамтран ажиллахдаа таатай байх болно” гэв.

Өршөөлийн тухай хуулийг хэрэгжүүлж эхэлсэн бөгөөд уг хуулинд хар тамхины хэргийг оруулсан, оруулаагүй гэх зөрүүтэй мэдээлэл байгаа юм. Хар тамхины хэргээр яллагдсан бол өршөөлийн хуульд хамрагдах ёсгүй гэсэн ойлголт олны дунд байгаа ч зарим нэгэн хар тамхины хэргээр ял эдэлж байсан этгээдүүдэд хууль үйлчилж, наранд гарсан хүмүүс байна. Эл талаар албаны эх сурвалжаас тодруулахад “Хар тамхины хэргийн тухайд зарим зүйл заалт нь хамрагдсан. Зарим нь хамрагдаагүй гэсэн үг. Хүндрүүлэх бүрэлдэхүүнтэй нь хамаарахгүй бусад нь хамаарна” гэж хэлсэн юм. Тэгвэл хүндрүүлэх бүрэлдэхүүнд хамрагдах гурван шатны шүүхээс 18 жилийн хорих ял сонссон Филлиппин улсын иргэн Эвенгли Преслит Бендо гэгч эмэгтэй өршөөлийн тухай хуулинд хамрагдаж, нутаг буцжээ. Түүний хувьд өнгөрсөн 2013 онд Чингис хаан олон улсын нисэх онгоцны буудалд буухдаа гар тээшиндээ 4,5 гр хар тамхи нууж нэвтрүүлэх гэж байгаад хуулийнханд баригдсан билээ. Түүнтэй хамт Монгол Улсын иргэн Э.Алтанзул гэгч эмэгтэй хамт шүүгдэж мөн 10 гаруй жилийн ял сонссон бол бөгөөд түүнд Өршөөлийн тухай хууль үйлчлээгүй ажээ.

О.Сайхан

Өмнөговь аймагт металл хайгч ашиглан хууль бусаар алт олборлохыг хориглосон шийдвэр гарчээ. Тодруулбал, тус аймгийн тусгай хамгаалалттай газруудаас иргэд ямар ч зөвшөөрөлгүйгээр гар аргаар алт олборлосноос болж 100 гаруй га газар нь эвдэрч, сүйдсэн учраас Өмнөговь аймгийн иргэдийн төлөөлөгчдийн хурлаас металл хайгч ашиглахыг хориглосон шийдвэр гаргажээ. Уг тогтоолыг зөрчсөн иргэдээр байгаль орчинд учирсан хохирлыг гурав дахин нугалж төлүүлэх аж.

Монголын нэрт сэтгүүлч Л.Болормаа нь зуурдаар таалал төгсч Монголын сэтгүүлзүйн салбарт нөхөж баршгүй гарз тохиож, мэргэжил нэгт андууд нь болон ар гэрийнхэн нь эл өдрүүдэд эмгэнэн гашуудаж байна. Өчигдөр гэхэд мэргэжил нэгт нөхдүүд нь болон талийгаачийг таньж мэддэг танилууд нь Барилгачдын талбайд гэгээн дурсгалыг нь хүндэтгэж гэрэлт зул өргөх ёслолыг үйлдсэн билээ. Талийгаачийг ямар хүн байсан талаар Ерөнхийлөгч Ц.Элбэгдорж ингэж жиргэжээ. Тэрбээр “Лунтангийн Болормаа нь Монголын орчин цагийн сэтгүүл зүйн дээд эрэмбэ. Төгс чадвар, үнэт ололт байв. Үүнд эрмэлзэх нь тэр өвийг дархлах арга юм” гэжээ.

.Хууль зүйн байнгын хорооны хуралдаан 09.00 цагаас “А” танхимд:

Хэлэлцэх асуудал:

Эрүүгийн хууль /шинэчилсэн найруулга/ болон холбогдох бусад хуулийн төслүүд /Засгийн газар 2015.02.05-ны өдөр өргөн мэдүүлсэн, эцсийн хэлэлцүүлэг/;
Зөрчлийн тухай болон холбогдох бусад хуулийн төслүүд /Засгийн газар 2015.02.05-ны өдөр өргөн мэдүүлсэн, эцсийн хэлэлцүүлэг/;
“Авлигатай тэмцэх, хариуцлага, шударга ёсыг бэхжүүлэх үндэсний хөтөлбөрийг батлах тухай” Улсын Их Хурлын тогтоолын төсөл /Монгол Улсын Ерөнхийлөгч 2015.11.19-ний өдөр өргөн мэдүүлсэн, хэлэлцэх эсэх/;
Үл хөдлөх эд хөрөнгийн барьцааны тухай хуулийн зарим заалт Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн 2015 оны 15 дугаар дүгнэлт;
Бусад.

2.Нийгмийн бодлого, боловсрол, соёл, шинжлэх ухааны байнгын хорооны хуралдаан 09.00 цагаас “Б” танхимд:

Хэлэлцэх асуудал:

Хамтын тэтгэврийн тухай хуулийн төсөл /Улсын Их Хурлын гишүүн С.Эрдэнэ нарын 7 гишүүн 2014.01.13-ны өдөр өргөн мэдүүлсэн, эцсийн хэлэлцүүлэг/;
Хөдөлмөрийн тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.06.15-ны өдөр өргөн мэдүүлсэн, анхны хэлэлцүүлэг/;
Нийгмийн даатгалын үндэсний зөвлөлийн гишүүдийг сонгох тухай.

3.Байгаль орчин, хүнс, хөдөө аж ахуйн байнгын хорооны хуралдаан 14.00 цагаас “А” танхимд:

Хэлэлцэх асуудал:

“Төрөөс хүнс, хөдөө аж ахуйн талаар баримтлах бодлого батлах тухай” Улсын Их Хурлын тогтоолын төсөл /Засгийн газар 2015.06.10-ны өдөр өргөн мэдүүлсэн, эцсийн хэлэлцүүлэг/;
Бүгд Найрамдах Унгар Улсын хөнгөлөлттэй зээлийн хүрээнд Био комбинат төрийн өмчит үйлдвэрийн газрыг шинэчлэх төслийн талаарх холбогдох байгууллагын мэдээллийг сонсох.

4.Өргөдлийн байнгын хорооны хуралдаан 14.00 цагаас “В” танхимд:

Хэлэлцэх асуудал:

Өмнөговь аймгийн 1059 иргэнээс Тост, Тосон бумбын нурууг улсын тусгай хамгаалалтад авах талаар ирүүлсэн өргөдлийн асуудлаар Байгаль орчин, ногоон хөгжил, аялал жуулчлалын сайд Н.Батцэрэгийн мэдээлэл.

иргэдийн дунд Зөвлөлдөх санал асуулга явуулна

Ирвэс хамгаалах сангийн биологич 27 настай залуу учир битүүлэг шалтгаанаар амиа алдсан хэргийг шалгаж байна. Талийгаач Л нийслэлд амьдардаг байсан бөгөөд энэ сарын 5-нд “Машинаа гараашдаа тавьчихаад ирье” хэмээн гэрээсээ гараад сураггүй болжээ. Зургаан хоногийн дараа Хөвсгөл далайн эргээс машиныг нь аймгийн цагдаа олсон байна. Аймгийн Онцгой байдлын албан хаагчид эрлийг эхлүүлж, маргааш нь талийгаачийн цогцсыг нуураас олжээ. Нийслэлд гэрийнхээ ойролцоо машин тавихаар гарсан залуу Хөвсгөл нууранд осолдсон шалтгааныг цагдаа нар гаднын нөлөөтэй гэж үзэн шалгаж байна. Ирвэс хамгаалах сангийнхан уг явдлыг бусдын дарамт шахалтын улмаас болсон гэж мэдэгдэж байна. Талийгаач тус санд биологич мэргэжлээр ажиллаж байсан бөгөөд цоохор ирвэсийн үндсэн идэш болох янгирын судалгааг Монголд анх удаа хос ажиглагчийн аргаар амжилттай эхлүүлж, олон улсын нэр хүнд бүхий сэтгүүлд судалгааны бүтээлүүдээ хэвлүүлж байжээ.



Юутай ч хэргийн шалгалтын ажиллагаа үргэлжилж байгаа бөгөөд энэ хэрэгт Мөрдөн байцаах газраас ажлын хэсэг гарчээ.