“Хөгжил-Ардчилал” ТББ-гаас цуврал болгон зохион байгуулж байгаа нээлттэй хэлэлцүүлгийн 2015 оны 5-р сарын 24-ны өдрийн зочноор “Жавзандамба Хутагт Төв”- ийн багш, гавж Д. Нямсамбуу оролцож “Хөгжил ба ёс суртахуун” сэдвийн дор чөлөөт ярилцлага өрнүүллээ.

Хөрөнгийн бирж, Мэдээлэл холбооны сүлжээ компанийг хувьчлахгүй

Баасан, 6 сарын 26 2015
Бичсэн Ч.Ариунболд

Хэвлэх
Email
Хөрөнгийн бирж, Мэдээлэл холбооны сүлжээ компанийг хувьчлахгүй

УИХ-ын чуулганы нэгдсэн хуралдаанаар “Төрийн өмчийг 2015-2016 онд хувьчлах, өөрчлөн байгуулах үндсэн чиглэл батлах тухай” УИХ-ын тогтоолын төслийн анхны хэлэлцүүлгийг хийлээ.

Төрийн болон орон нутгийн өмчийн тухай хуулийн 8 дугаар зүйлийн 8.1.5 дэх хэсэгт зааснаар УИХ бүрэн эрхийнхээ дагуу Засгийн газраас 2015-2016 онд төрийн өмчийг хувьчлах, өөрчлөн байгуулах үндсэн чиглэлийг боловсруулжээ.

Уг тогтоолын төсөлд эрчим хүч, шуудан холбооны салбарт гадаадын болон хувийн хэвшлийн хөрөнгө оруулалтыг татаж, төрийн оролцоог бууруулах шаардлага тавигдаж байгаатай холбогдуулан нэмэлт хувьцаа гаргаж, тэдгээрийг нийтэд санал болгох замаар хувийн хөрөнгө оруулалтыг татах аргыг баримталжээ.

Уг тогтоолын төслийг Эдийн засгийн байнгын хороогоор хэлэлцэх үед гишүүд “Төрийн өмчит эмнэлэг болон их, дээд сургууль, зарим соёл, урлагийн байгууллагыг ашгийн бус компанийн хэлбэрт шилжүүлэх заалтыг хасах” санал гаргасныг УИХ-ын гишүүн Ө.Энхтүвшин танилцуулав.

Хэлэлцэж буй асуудалтай холбогдуулан УИХ-ын гишүүн А.Бакей, “Монголын цахилгаан холбоо” хувьцаат компанийг Солонгосын зах зээлд санал болгохоор тогтоолын төсөлд тусгасан байна. Солонгосын тал хямд үнээр авах санал тавих магадлалтай. Тиймээс нэр заасан заалтуудыг өөрчлөх нь зөв” гэсэн санал хэлэв.

Эдийн засгийн байнгын хорооны дарга Ж.Батсуурь, “Энэ заалтын талаар байнгын хорооны хуралдаанаар хэлэлцээгүй. Солонгосын тал энэ компанийн хувьцааны дийлэнхийг буюу 40 хувийг эзэмшдэг. Анх гэрээ байгуулахад энэ компанийн хувьцааг борлуулах бол нөгөө хувьцаа эзэмшигчдээ худалдана гэсэн заалт оруулсан байна” хэмээн танилцуулав.

Мөн УИХ-ын гишүүн Ц.Дашдорж, “Тариалан эрхлэлтийг дэмжих санг хувьчлах бус хөрс арчилга, бордоо зэрэг чиглэлээр үйл ажиллагаа явуулдаг шинжлэх ухааны байгууллагуудтай хамтран ажиллах боломжийг нь бүрдүүлэх хэрэгтэй. Ингэснээр уг сан илүү үр дүнтэй ажиллах боломж бүрдэнэ. Хөрөнгийн биржийг ч мөн энэ жишгээр хөгжүүлэх ёстой” гэсэн санал хэлэв.

Түүнчлэн УИХ-ын гишүүн Б.Гарамгайбаатар, “Энэхүү төсөлд тусгасан аж ахуйн нэгжүүдийг хувьчилж 170 тэрбум төгрөг олох ёстой. Мөн зарим аж ахуйн нэгжүүдэд өөрчлөн байгуулалт хийж, эдийн засгийн үр ашиг, хүртээмжийг нь дээшлүүлэх юм. Тиймээс энэхүү тогтоолын төслийг яаралтай батлах хэрэгтэй” гэв.

Гишүүд асуулт асууж, санал хэлсний дараа тогтоолын төслийг хэлэлцүүлэгт бэлтгэх ажлын хэсэг болон УИХ-ын гишүүдээс гаргасан зарчмын зөрүүтэй 5 саналаар санал хураалт явууллав.

Тухайлбал, Тогтоолын төслөөс ТЭДС, “Мэдээлэл холбооны сүлжээ”, “Хөрөнгийн бирж”-ийн тодорхой хувийг заалтыг хасах заалтыг хасах саналыг гишүүдийн олонх дэмжсэн. Харин Хөдөө аж ахуйн хөдөлмөрийн биржийг хувьчлах болов.

Ийнхүү тогтоолын төслийг эцсийн хэлэлцүүлэгт бэлтгүүлэхээр Эдийн засгийн байнгын хороонд шилжүүлэв.

Бухарест. Ерөнхий сайд Виктор Понта мөнгө угаах, татвараас зайлсхийх, хуурамч мэдүүлэг өгөх зэрэг гэмт хэрэг үйлдсэн эсэхийг мөрдөн шалгахаа Румын Улсын авлигатай тэмцэх байгууллага мэдэгдээд байсан юм. Энэ асуудлаар тус байгууллага Ерөнхий сайдын эсрэг эрүүгийн хэрэг үүсгэв.

Ром. 44 хүнийг баривчилсан талаар Италийн цагдаагийн газраас мэдээлэв. Цагаачдыг хүлээн авах төвийг ажиллуулах менежментийн гэрээг будлиулсан хэрэгт сэжиглэгдэж байгаа улстөрчид, төрийн албан тушаалтууд, бизнес эрхлэгчдийн авлигын сүлжээнд хамааралтай гэж үзэн тэднийг баривчилжээ.

Венесуэлийн Ерөнхийлөгч асан Уго Чавесын нэрэмжит хөлбөмбөгийн цэнгэлдэх хүрээлэнг Боливын Чимора хотод нээсэн байна.

Дээд шатны шүүхийн 6 шүүгч Обамакэйрийг дэмжиж, 3 нь эсэргүүцсэн байна. Энэ нь Обамагийн хувьд Дээд шатны шүүх дээр 2 дахь том ялалтаа авч буй хэрэг юм.

Манила. Филиппиний Засгийн газар 1.3 сая ам.долларын чек хүлээн авлаа. Энэхүү чек нь хөрөнгө, орлогынхоо эх үүсвэрийг тайлбарлаж чадаагүйн улмаас 2005 онд шүүхээр орж ял шийтгүүлсэн Филиппиний Зэвсэгт хүчний хянан шалгагч, хошууч генерал асан Карлос Гарсиягийн АНУ дахь хөрөнгийг Америкийн Засгийн газар хураан авч борлуулаад илгээсэн мөнгө юм.

Брисбен. Куйнслэнд муж улсын парламентын сөрөг хүчний зүгээс тус муж улсын Цагдаагийн албаны сайдын талаар Гэмт хэрэг, авлигатай тэмцэх комисст мэдээлэл хүргүүлэв. Мэдээлэлд, Парламентын гишүүн Рик Уильямсийг гэмт хэрэгт буруутгаж байгаа хүнтэй Цагдаагийн албаны сайд Жо-Энн Миллер утсаар ярьсан талаар дурджээ.

Бразилийн Маринга хотод хөгжлийн бэрхшээлтэй иргэдийн зогсоолд машинаа тавьсан этгээдийг ингэж “шийтгэжээ”. Жолоочийг машины зогсоол дээр эргэн ирэхэд машиных нь гадна талыг бүхэлд нь цэнхэр өнгийн наадаг цаасаар бүрж, хөгжлийн бэрхшээлтэй иргэнийх гэсэн тэмдгийг зурсан байна. Дүрэм зөрчсөн жолоочийг машиндаа суухад гудамжинд цугласан олон дургүйцлээ илэхийлсэн байна. Мөн замын цагдаа жолоочид хариуцлага тооцсон байна.

Авлигатай тэмцэх газрын өгсөн Зөвлөмжийг Ховд аймгийн Засаг даргын Тамгын газраас хүлээн авч зөрчлийг арилгах, дотоод хяналтыг сайжруулахад чиглэсэн арга хэмжээнүүдийг хэрэгжүүлсэн байна.

Энхтайвны өргөн чөлөөнд хийгдэж байгаа олон жилийн насжилттай 3А,Б магистраль шугамыг Ф600/500 болгон өргөтгөх ажлын хүрээнд Цэцэг төвийн 4 замын уулзварын автозамын хөдөлгөөнийг 2015 оны 06 дугаар сарын 26-ны 23:00 цагаас 06 дугаар сарын 27-ны 23:00 цаг хүртэл хааж, 24 цагийн хугацаанд автозамын ажлыг бүрэн дуусгахаар төлөвлөжээ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

“Найрсаг Улаанбаатар” хөтөлбөрийн хүрээнд зохион байгуулж буй “UB Dance Festival” чөлөөт бүжгийн үдшийг өнөөдөр 19 цагаас Их эзэн Чингис хааны нэрэмжит талбайд зохион байгуулах гэж байна. Чөлөөт бүжгийн олон төрлийг нэг дор нэгтгэсэн бүжгийн наадам дэлхийн 40 гаруй улс оронд жил бүр болдог уламжлалтай ч Монгол улсад анх удаа болж байгаагаараа онцлог юм.

Австралийн уул уурхайн гүйцэтгэгч компани “Макмахон Холдинг” Эрдэнэс Тавантолгойн Зүүн цанхид олборлолт явуулах эрхээ 65 сая ам.долларын худалдсан тухай барууны хэвлэлүүд шуугиж эхэллээ.

Наадам болохоос өмнө шийдэх нэг асуудал гарч ирэв. Тэр нь Дархан аварга Г.Өсөхбаяр, А.Сүхбат нарын аль нь зүүнийг магнайлах вэ гэдэг асуудал. Энэ асуултад өнөөдөр баяр наадмын комисс, Монгол бөхийн холбоо, Ерөнхийлөгчийн тамгын газар бүгд зөрүүтэй хариултыг өгч байна. Тодруулбал, эдний аль нь ч хоёр аваргыг хэрхэн, яаж эрэмбэлэхээ шийдэж чадахгүй байна гэсэн үг. Ингээд албаныхан болон Дархан аварга Г.Өсөхбаяр, А.Сүхбат нар уг асуудлаар хэрхэн ярьсаныг 24VS24 онцолж байна.

Зургаадугаар сарын 26-ны Баасан гарагт дараах байршлуудын хэрэглэгчдийг цахилгаан эрчим хүчээр тэжээдэг шугам тоноглолд засвар үйлчилгээ хийх тул та бүхэн хэрэглээгээ түр зохицуулна уу.

Хотыг дахин хөгжүүлэх тухай хуулийг баталлаа

Эрүүгийн байцаан шийтгэх хууль, Прокурорын байгууллагын тухай хуульд өөрчлөлт оруулах тухай хуулийн төслийг УИХ- ын байнгын хороогоор хэлэлцсэн. Прокурорын дэргэдэх мөрдөн байцаах албыг эргүүлэн сэргээх талаар хэлэлцэх үеэр АТГ-ын дарга Н.Ганболд УЕП-ын дэргэдэх мөрдөн байцаах албыг байгуулах юм бол АТГ цаашид ажиллах боломжгүй болж байна гэж мэдэгдсэн. Мөн дээрх хуулийн төсөлтэй холбоогоор АТГ-аас Үндэсний аюулгүй байдлын зөвлөлд хандаад байгаа. Энэ талаар Улсын ерөнхий прокурорын дэргэдэх Мөрдөн байцаах албаны дарга асан Б.Галдаатай ярилцлаа.

Өнөөдөр болох зарим үйл явдлыг танилцуулж байна.

Нийслэлийн Засаг дарга “Гудамж төслийн бүтэц, орон тоог шинэчлэн батлах тухай” А/543 дугаар захирамж гаргалаа. Захирамжаар “Гудамж” төсөл хэрэгжүүлэх нэгжийн бүтэц, орон тоог баталлаа. Бүтэц, орон тоо батлагдсантай холбогдуулан Эдийн засгийн хөгжлийн сайдын 2013 оны 29 дүгээр тушаалаар батлагдсан “Хөрөнгө оруулалтын зорилгоор гаргасан засгийн газрын үнэт цаасны хөрөнгөөр санхүүжүүлэх төслийг хэрэгжүүлэхэд баримтлах журам”-ын 4, 5, 6 дугаар хавсралтын дагуу төсөл хэрэгжүүлэх нэгжийн ажилчдын цалинг нь тогтоож “Хөлсөөр ажиллах гэрээ” байгуулан ажиллахыг Гудамж төсөлд үүрэг болголоо.

Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Ажлын хэсэг байгуулж, хөрөнгө гаргах тухай” А/529 дүгээр захирамж гаргалаа. Захирамжийн дагуу Улаанбаатар хотын нутаг дэвсгэр дэх түүх, соёлын үл хөдлөх дурсгалын үзлэг тооллогын ажлыг 2015 оны 06 дугаар сарын 20-ноос 09 дүгээр сарын 20-ны хугацаанд зохион байгуулна. Түүх, соёлын үл хөдлөх дурсгалын үзлэг тооллогын ажлыг зохион байгуулах ажлын хэсгийг баталлаа. Ажлын хэсгийн ахлагчаар нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэл ажиллана.