Электрон бараа бүтээгдэхүүн, үйлчилгээний дэлхийн номер нэг үзэсгэлэнгүүдийн нэг “IFA-2015” Германы нийслэл Берлин хотноо эдгээр өдрүүдэд болж байна. Энэ үзэсгэлэнд “Panasonic” компани ч оролцож байгаа бөгөөд тэдний “Smart home буюу Ухаалаг гэр”-ийн үйлчилгээ олон нийтийн анхаарлыг ихэд татаж байна.

Нийслэлийн Удирдах ажилтнуудын ээлжит шуурхай зөвлөлгөөн боллоо. Энэ үеэр дүүргийн Засаг дарга нар өнгөрсөн 14 хоногийн нөхцөл байдлын талаар болон тулгамдаж буй асуудлаа танилцуулав.

Нийслэлийн нийт дүүрэгт гарсан гэмт хэрэг өнгөрсөн 14 хоногтой харьцуулахад Сүхбаатар, Багануур, Хан-Уул, Налайх дүүрэгт буурсан үзүүлэлттэй байна. Харин бусад дүүрэгт гэмт хэргийн болон захиргааны зөрчил өсчээ. Тухайн дүүргийн нутаг дэвсгэрт гарсан зөрчил болон гэмт хэргийг тухай бүрт нь шийдвэрлэж ажиллажээ.

Баянгол дүүрэгт өнгөрсөн 14 хоногийн хугацаанд захиргааны 889 зөрчлийг илрүүлэн захиргааны арга хэмжээ авч ажиллажээ. Согтууруулах ундаа хэтрүүлэн хэрэглэсэн болон гэмт хэрэг, зөрчилд холбогдсон 190 иргэнийг саатуулах, эрүүлжүүлэх арга хэмжээ авч үйлчилгээний төлбөрт 395 мянган төгрөгийг төлүүлсэн байна.

Баянзүрх дүүрэгт 14 хоногийн хугацаанд захиргааны 2760 зөрчлийг илрүүлэн захиргааны арга хэмжээ авч, 1895 иргэнийг 9 сая 360 мянган төгрөгийн торгуулийн хуудсаар, 41 иргэний гаргасан зөрчилд 1 сая 70 мянган төгрөгийн шийтгэврээр, 5 аж ахуй нэгжийг 900 мянган төгрөгийн шийтгэврээр торгож, 26 иргэнийг 7-30 хоногоор баривчлуулсан байна.

Чингэлтэй дүүрэгт өнгөрсөн 14 хоногийн хугацаанд захиргааны 255 зөрчлийг илрүүлэн захиргааны арга хэмжээ авч ажилласан. Зөрчил гаргасан нийт 544 иргэнийг 3 сая 245 мянган төгрөгөөр торгож, 32 иргэнийг шүүхийн шийдвэрээр баривчилжээ.

Харин Сонгинохайрхан дүүрэгт нийт дуудлага 673 нэгжээр өсч, гэмт хэргийн шинжтэй дуудлага 18 нэгжээр өсч, захиргааны зөрчил 279 нэгжээр тус тус өссөн үзүүлэлттэй байна.

Багахангай дүүрэгт өнгөрсөн 14 хоногийн хугацаанд захиргааны шинжтэй 54 зөрчлийг илрүүлэн захиргааны арга хэмжээ авч ажилласан байна. Гудамж талбай олон нийтийн газар бусдын амгалан тайван байдал алдагдуулсан 3 хүнийг эрүүлжүүлж, олон нийтийн газар бусдын амгалан тайван байдлыг алдагдуулсан 20 хүнийг 100 мянган төгрөгөөр 31 зөрчилд шийтгэврээр 160 мянган төгрөгийн торгууль, нийт 54 зөрчилд 260 мянган төгрөгийн торгууль ноогдуулж ажилласан байна.

Багануур дүүрэгт нийт дуудлага 5 хувиар, гэмт хэргийн шинжтэй дуудлага 23.9 хувиар буурч, захиргааны зөрчил 2.6 хувиар тус тус өсчээ.

Хан-Уул дүүрэгт өнгөрсөн 14 хоногийн хугацаанд захиргааны 892 зөрчлийг илрүүлэн захиргааны арга хэмжээ авч, зөрчлийг шалгаж нийт 5108,0 мянган төгрөгний торгууль ногдуулсан байна.

Харин Налайх дүүрэгт захиргааны 1491 зөрчлийг илрүүлэн захиргааны арга хэмжээ авч ажиллажээ. Зөрчил гаргасан 1419 иргэнийг 13321000 төгрөгийн торгууль оногдуулж, 18 иргэнийг 7-30 хоногийн хугацаатай шүүхээр баривчлуулсан байна.

Энэ үеэр нийслэлийн Засаг даргын Санхүү, эдийн засгийн асуудал хариуцсан орлогч Н.Батаа холбогдох газруудад дараахь үүрэг даалгаврыг өглөө. Үүнд:

Өвөлжилтийн бэлтгэл ажлыг хангуулах ажлын хүрээнд энэ сарын 15-ны өдрөөс айл өрхүүдийн, ирэх сарын 01-ний өдрөөс аж ахуйн нэгжүүдийн халаалтыг хугацаанд нь өгөхөд мэргэжлийн байгууллагууд холбогдох арга хэмжээг авч ажиллах. Мөн аж ахуйн нэгжүүд болон айл өрхүүд өөрсдийн өвөлжилтийн бэлтгэлийг хангах
Дараа долоо хоногт зохион байгуулах Зүүн хойд Азийн хотын дарга нарын форум уулзалтын бэлтгэл ажлыг хангах
Нийслэлийн 376 жилийн ой угтсан ажлын хүрээнд явуулж байгаа болзолт уралдаануудыг дүгнэх бэлтгэл ажлуудыг зохион байгуулах
Хөрөнгө оруулалт бүтээн байгуулалтын ажлаар хийж байгаа нийслэлийн зам засварын ажлыг төлөвлөгөөт хугацаанд нь чанартай дуусгахад анхаарч хяналт тавьж ажиллах. Одоогоор үйл ажиллагаа явуулахгүй байгаа хөрөнгө оруулалтыг зогсоох
Гудамж, талбайн гэрэлтүүлгийг засч, шинэчлэх зэрэг үүргийг өглөө гэж Нийслэлийн ЗДТГ – ын Хэвлэл мэдээлэл, олон нийттэй харилцах хэлтсээс мэдээллээ.

Нийслэлийн Онцгой байдлын гал унтраах ангийн гал сөнөөгчид өчигдөр гал түймрийн дөрвөн дуудлага хүлээн авч, галын цаг алдалгүй унтраасан байна. Тодруулбал,



Нийслэлийн Хан-Уул дүүргийн 5 дугаар хороо, Яармагийн 9 дүгээр гудамжийн 239 тоотод иргэн Б-н 6х4 хэмжээтэй өвлийн байшин, 5х4 хэмжээтэй байшингийн дээвэр шатаж байна гэсэн дуудлагыг өдрийн 13:41 цагт хүлээн авч Гал унтраах, аврах 14 дүгээр ангийн 7 албан хаагч,



Баянзүрх дүүргийн 23 дугаар хороо, Сургуулийн 3 дугаар гудамжийн 1676 тоотод иргэн Д-н 9х7 хэмжээтэй мансардтай байшин шатаж байна гэсэн дуудлагыг өдрийн 13:41 цагт хүлээн авч Гал унтраах, аврах 35 дугаар ангийн 7 албан хаагч,



Хан-Уул дүүргийн 16 дугаар хороо, Тайны 6 дугаар гудамжийн 117 тоотод иргэн А-н гэр шатаж байна гэсэн дуудлагыг 23:05 цагт хүлээн авч Гал унтраах, аврах 30 дугаарр ангийн 7 албан хаагч,



Баянзүрх дүүргийн 5 дугаар хороо, Монелын 3 дугаар гудамжийн 52А тоотод иргэн Б-н 10х8 хэмжээтэй байшингийн цахилгааны самбар шатаж байна гэсэн дуудлагыг өдрийн 23:29 цагт хүлээн авч Гал унтраах, аврах 63 дугаар ангийн 7 албан хаагч ажиллаж тус тус ажиллаж унтраасан байна.

Бразилийн Парати хотын ойролцоо автобус осолдож олон хүн амь насаа алдсан талаар “BBC” агентлаг мэдээллээ.

Чингэлтэй дүүргийн V хорооны нутаг дэвсгэрт байр­лах Тасганы овоо орчимд бичил цэцэрлэгт хүрээлэн бай­гуулж өнгөрсөн баасан гаригт нээлтээ хийлээ. Тасганы овоо гэж нэрлэх болсон нь номын их хүч, мэдлэг солилцох үйлээс үндэстэй хэмээн үздэг байна. Учир нь, эрт дээр үеэс эрдэмтэй лам хуваргууд цуглан “Тасга” хэмээх ном хаях ёслол үйлддэг байжээ. Тус овоог хүндэтгэж цай, сүүнийхээ дээжийг өргөдөг олон түмний хувьд ийнхүү амарч зугаалах таатай боломжийг бүрдүүлж өгсөн цэцэрлэгт хүрээлэнтэй боллоо. Бичил цэцэрлэгт хүрээ­лэнд өмнө нь байсан олон жижиг овоог нэг болгон нэгтгэж, усалгааны систем, замын гэрэлтүүлгийг холбон ажиллуулж, нийт таван төрлийн 4129 ширхэг мод, сөөгийг тарьж ургуулан, 1073 ам метр явган замтай, иж бүрэн ногоон орчин болгон тохижуулжээ. Энэ үеэр Нийслэлийн Засаг даргын Байгаль орчин, ногоон хөгжлийн асуудал харицусан орлогч дарга Т.Бат-Эрдэнэ хэлэхдээ, Энэхүү загвар төслийг хэрэг­жүүлэхдээ Улаанбаатар хотын нөхцөлд хамгийн сайн тохирох ногоон байгууламжийг хэрхэн нэмэгдүүлж болох талаар бага­гүй судалгаа хийсэн. Эрүүл, аюулгүй тухтай орчинд амьд­рахыг нийслэлийн иргэн бүр хүсэж мөрөөддөг. Энэ мөрөөд­­лийг бид нэг алхмаар ойртуул­лаа. Энэ жишгээр цаа­шид нийслэлийн түүх, соёлын дурсгалт газруудыг шат дараа­тайгаар тохижуулах, тогтмол арчлан хамгаалах чиглэлээр бид тодорхой бодлого боловсруулан ажиллаж байна” гэлээ. Дашрамд дурдахад, 2014-2015 оны хоо­ронд Улаанбаатар хотын 14 байр­­шилд бичил цэцэрлэгт хү­рээ­­лэн шинээр байгуулжээ. Энэ нь нийслэлийн ногоон бай­гуу­лам­­жийн хэмжээг 7.8 га-гаар нэ­мэг­дүүлсэн үзүүлэлт болсон байна.

Замын хажуу руу хазайсан автобуснаас 33 иргэнийг аюулгүй гаргалаа

Мэдээ, мэдээлэл Цаг үеийн мэдээ

2015-09-07 10:34:37
Өнгөрсөн бямба гарагт буюу 9 дүгээр сарын 5-ны өдрийн өглөөний 8 цаг 35 минутанд Чингэлтэй дүүргийн 5 дугаар хороо Гэсэр сүмийн уулзвар дээр автобус замын хажуу руу орж зорчигчид гарч чадахгүй, хөдөлгөвөл унах гээд байна гэсэн дуудлага Нийслэлийн Онцгой байдлын газарт иржээ.

Дуудлагын дагуу нийслэлийн онцгой байдлын газрын аврах анги, гал унтраах аврах 10 дугаар ангийн ээлжийн бүрэлдэхүүнийг очиход 23-41 УНБ улсын дугаартай Хороолол- Монгол Улсын Их сургууль– Дүнжингарав чиглэлийн том оврын автобусны тормос нь ажиллахгүй болсны улмаас замын хажуу руу баруун талаараа 45 градус хазайсан байдалтай байсан байна.

Аврах ажиллагааг шуурхай зохион байгуулж автобусны зүүн талын гэрлийн шонгоос аврах олсоор татаж, холматро багажны даацын тулгуураар баруун талын хаалганы багана, хойд талаас тулж бэхэлсэн байна. Мөн Ати-бус ХХК-ийн эксковатораар баруун талаас нь давхар тулгуур бэхэлгээ хийж баруун урд хаалгаар зорчигчидыг гаргасан байна. Автобусанд нийт 33 иргэн байсан бөгөөд гэмтэж бэртсэн хүн байхгүй байсан байна. Аврах ангийн эмч нар 4 иргэнд үзлэг хийхэд гэмтэл илрээгүй гэж нийслэлийн Онцгой байдлын газраас мэдээллээ.

Замын хажуу руу хазайсан автобуснаас 33 иргэнийг аюулгүй гаргалаа

Мэдээ, мэдээлэл Цаг үеийн мэдээ

2015-09-07 10:34:37
Өнгөрсөн бямба гарагт буюу 9 дүгээр сарын 5-ны өдрийн өглөөний 8 цаг 35 минутанд Чингэлтэй дүүргийн 5 дугаар хороо Гэсэр сүмийн уулзвар дээр автобус замын хажуу руу орж зорчигчид гарч чадахгүй, хөдөлгөвөл унах гээд байна гэсэн дуудлага Нийслэлийн Онцгой байдлын газарт иржээ.

Дуудлагын дагуу нийслэлийн онцгой байдлын газрын аврах анги, гал унтраах аврах 10 дугаар ангийн ээлжийн бүрэлдэхүүнийг очиход 23-41 УНБ улсын дугаартай Хороолол- Монгол Улсын Их сургууль– Дүнжингарав чиглэлийн том оврын автобусны тормос нь ажиллахгүй болсны улмаас замын хажуу руу баруун талаараа 45 градус хазайсан байдалтай байсан байна.

Аврах ажиллагааг шуурхай зохион байгуулж автобусны зүүн талын гэрлийн шонгоос аврах олсоор татаж, холматро багажны даацын тулгуураар баруун талын хаалганы багана, хойд талаас тулж бэхэлсэн байна. Мөн Ати-бус ХХК-ийн эксковатораар баруун талаас нь давхар тулгуур бэхэлгээ хийж баруун урд хаалгаар зорчигчидыг гаргасан байна. Автобусанд нийт 33 иргэн байсан бөгөөд гэмтэж бэртсэн хүн байхгүй байсан байна. Аврах ангийн эмч нар 4 иргэнд үзлэг хийхэд гэмтэл илрээгүй гэж нийслэлийн Онцгой байдлын газраас мэдээллээ.

Энэ онд ҮДБЭЧ түүхэн ойгоос эхлээд Хубилай хаан мэндэлсний 800 жилийн ойн арга хэмжээ гээд олон түүхэн үйл явдалтай золгож байгаа. Энэ талаар тус чуулгын уран сайхны удирдагч, урлаг судлаач, удирдаач, УГЗ А.Цэдэн-Иштэй ярилцлаа.

Энэ сарын 2-3-нд шилжих шөнө таксинд явж байсан машиныг дээрэмдсэн ноцтой хэрэг гарчээ. Тодруулбал, Баянгол дүүргийн 23 дугаар хорооны нутаг дэвсгэрт үл таних дөрвөн залуу такси барин “Тоёото Раум” маркын бор шаргал өнгийн 44-78 УНИ улсын дугаартай автомашинд суусан байна. Улмаар машиныг дээрэмдэн зугтжээ.

Баянгол дүүргийн цагдаагийн нэгдүгээр хэлтэс хэргийг шалгаж, алдагдсан машиныг эрэн сурвалжилж байна. Иймд уг автомашиныг үзсэн харсан хүмүүс яаралтай 102 дугаарын утсанд хандана уу хэмээн хүсч байна. Мэдээллийн нууцыг чанд хадгална.

Ерөнхий сайд Ч.Сайханбилэг Булган аймгийн Хангал, Сэлэнгэ сумын нутагт үйл ажиллагаа эрхэлж байгаа ”Сүмийн нуга” хоршоо, ”Молор эрдэнийн түрүү” ХХК, ”ИНТОСЭ” ХХК-ийн тариалангийн талбайд очиж, тариаланчидтай уулзлаа. Булган аймгийн хэмжээнд энэ онд 35408 га талбайд улаан буудай, 1293 га талбайд арвай, 42 га талбайд бор будаа тариалжээ. 6, 7 дугаар сард хэт халж, хур тунадас багатай байсан нь таримал ургамлын чийг хамгийн ихээр шаарддаг үетэй давхацсан нь хураан авах ургацын хэмжээг бууруулж байна. Гэхдээ ургацын бууралт нь хөрсөнд байсан нөөц чийгийн хэмжээ, газар тариалангийн бүс бүслүүр далайн түвшнээс өргөгдсөн байдал, талбайн байрлал зэргээс шалтгаалж харилцан адилгүй байна. Мөн аж ахуйн нэгжүүдийн тариалангийн технологийг баримталж байгаа үзүүлэлт ч нөлөөлж байна гэж аймгийн удирдлагууд Ерөнхий сайдад танилцууллаа.



Аймгийн удирдлагууд болон тариалан эрхлэгчид ургац алдсан аж ахуйн нэгжүүдийн Улсын үрийн нөөцөөс болон Тариалан эрхлэлтийг дэмжих сангаас авсан үрийн будаа, хор, шатахууны зээлийн эргэн төлөлтийг дараа жил рүү шилжүүлэн хойшлуулах санал тавьж байна. Мөн нутагшсан сортын үрийг ирэх жилийн тариалалтад нөөцлөх талаар тодорхой шийдвэр гаргаж, хүнсний буудайн борлуулалтын эхэнд нөөцлүүлэх шаардлагтай байгааг хэллээ. Энэ жил Булган аймаг 45750 тонн улаан буудай хураан авахаар төлөвлөсөн ч урьдчилсан балансаар нийт ургацын 30-35 хувийг алдаж, нийт авах буудайн хэмжээ 15.0 мянган тонноор буурахаар байна гэж Засгийн газрын Хэвлэл мэдээлэл, олон нийттэй харилцах албанаас мэдээллээ.

Хөвсгөл аймгийн Ренчинлхүмбэ сумын Хоолойнзах багийн “Хар давааны-Ам” гэдэг газар /сумын төвөөс хойд зүгт 70 км-т/ ойн түймэр гарсан тухай дуудлагыг өнгөрөгч наймдугаар сарын 27-ны өдрийн 09:30 цагт хүлээн авчээ.



Дуудлагын дагуу тус аймгийн Онцгой байдлын газрын 24 албан хаагч, 2 автомашин, орон нутгийн 130 иргэн, 11 автомашин, нийт 154 хүн, 13 техник хэрэгсэлтэйгээр ажилласан байна.

Өчигдөр Гватемалд сонгуулийн санал хураалтыг албан ёсоор хаасан. Энэхүү сонгуулиар улс төрийн гүн хямралд өртсөн гватемалчууд Ерөнхийлөгч болон Конгрессын төлөөлөгчдийг сонгож байгаа юм.

Явган хүний гарц гарам манай улсад тийм ч хангалттай байдаггүй. Ганц нэгэн гарц нь эхнээсээ эвдэрч, баяр наадмын өдрүүдээр олон хүнийг сандаргаж байсан удаатай.

Өчигдөр Завхан аймгийн Баянхайрхан сумын Асгат багийн нутаг, Налуу хэмээх газар 22:11 цагийн үед 3.5 магнитутын хүчтэй газар хөдлөлт болжээ.

“Төрийн мэдээлэл” эмхэтгэлийн 33 дахь дугаарын тойм

“Төрийн мэдээлэл” эмхэтгэлийн 2015 оны 33 дахь дугаар өнөөдөр /2015.09.07/ хэвлэгдэн гарлаа.

Эмхэтгэлийн шинэ дугаарт Засгийн газарт чиглэл өгөх тухай мөн Монгол Улсын Үндсэн хууль батлагдсаны 25 жилийн ойг ёслон тэмдэглэх тухай Монгол Улсын Ерөнхийлөгчийн зарлиг, ““Сумын төвийн шинэчлэл” төслийн хүрээнд хийх ажлын жагсаалтыг шинэчлэн батлах тухай” болон Тогтоолд өөрчлөлт оруулах тухай Монгол Улсын Засгийн газрын тогтоолыг тус тус нийтлэв.

2015 оны наймдугаар сарын 13-наар огноолсон Засгийн газарт чиглэл өгөх тухай Монгол Улсын Ерөнхийлөгчийн 144 тоот зарлигт иргэдийг нийтийн биеийн тамираар хичээллүүлэх, эрүүл чийрэг бие бялдар, өв тэгш хүмүүжилтэй болгох, олимп, тив, дэлхийн спортын уралдаан, тэмцээнд амжилттай оролцох баг, тамирчдыг бэлтгэх үндсийг тавих зорилгоор Монгол Улсад багийн спортыг хөгжүүлэхэд чиглэсэн хэд хэдэн арга хэмжээг авч хэрэгжүүлэхийг Монгол Улсын Засгийн газарт чиглэл болгосон байна.

Харин 2015 оны наймдугаар сарын 28-наар огноолсон Монгол Улсын Үндсэн хууль батлагдсаны 25 жилийн ойг ёслон тэмдэглэх тухай Монгол Улсын Ерөнхийлөгчийн 151 тоот зарлигт Монгол Улсын Ардчилсан шинэ Үндсэн хууль батлагдсаны 25 жилийн ойн баярыг 2017 оны нэгдүгээр сарын 13-ны өдөр Монгол Улс даяар ёслон тэмдэглэх, энэхүү түүхт ойг угтаж холбогдох судалгаа шинжилгээ, соёлын бүтээлүүд туурвих, баримтат уран сайхны зохиомж бүтээх, үндэсний болон олон улсын эрдэм шинжилгээний хурал зохион байгуулах, Монгол Улсын Үндсэн хуулийн эхийг бичихэд оролцсон, төр, нийгэм, соёлын зүтгэлтнүүдэд хүндэтгэл үзүүлэх, тэдний дурсгалыг мөнхжүүлэх зэрэг ажлыг зохион байгуулах арга хэмжээ авч ажиллахыг Монгол Улсын Засгийн газарт чиглэл болгожээ.

Эмхэтгэлийн энэ дугаарт нийтлэгдсэн Засгийн газрын 2015 оны зургадугаар сарын 29-ний өдрийн ““Сумын төвийн шинэчлэл” төслийн хүрээнд хийх ажлын жагсаалтыг шинэчлэн батлах тухай” 265 тоот тогтоолоор “Сумын төвийн шинэчлэл” төслийн хүрээнд 16 аймагт хийх ажлын жагсаалтыг шинэчлэн баталж, эдгээр ажлын технологийн шийдэл болон гүйцэтгэлийн явц, чанар байдал, үр дүн, хөрөнгийн зарцуулалтад байнгын хяналт тавьж ажиллахыг Барилга, хот байгуулалтын сайд болон холбогдох аймгийн Засаг дарга нарт үүрэг болгосон байна.

Шинэ дугаарт мөн “Зарим хүмүүсийг анхан болон давж заалдах шатны шүүхийн шүүгчийн албан тушаалд томилох тухай”, “Шүүгчийн албан тушаалаас чөлөөлөх тухай” Монгол Улсын Ерөнхийлөгчийн зарлигийг нийтэллээ гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.

Газрын тосны үнэ унасантай холбогдуулан Саудын Араб Улс төсвөө танахаар болсон тухай тус улсын Сангийн сайд Ибрахим ал-Ассаф мэдээллээ.

Засгийн газрын зарим гишүүнийг томилох тухай, Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан Өршөөл үзүүлэх тухай хуульд Монгол Улсын Ерөнхийлөгчийн тавьсан хоригийг хэлэлцэнэ

Халх голын сав газрыг Чөлөөт бүс нэрээр будлиантуулж байгаа нь Үндсэн хууль зөрчиж байна гэж хуульчид үзэж байгаа тул Үндсэн хуулийн цэцэд хандахаар төлөвлөөд байна. Тодруулбал Хуульчид маргааш 10:30 цагт Үндсэн хуулийн цэцэд хандах юм байна. Дэлгэрэнгүй мэдээллийг 9666-9570 Батбаяр өмгөөлөгчөөс асуугаарай манайхаан.
Нэмэлт мэдээлэл болгон хэлэхэд нутгийн иргэдийг энэ сарын 12-17-ны өдрүүдэд УИХ-ын гишүүн Р.Бурмаагаар ахлуулсан ажлын хэсэг нүүлгэх гэнэ.

Сургууль, цэцэрлэгийн хичээл эхлээд долоо хонож байна. Дөнгөж эхэлсэн даруйдаа хэл ам дагуулж эхэллээ. Тодруулбал, 119 дүгээр цэцэрлэгийн багш 2 настай хүүхдийг зодож, чимхсэн тухай мэдээлэл цацагдаж байна. Энэ тухай Нийслэлийн Боловсролын газраас анхаарал тавьж, өнөөдөр шалгахаар болжээ. Хэрэв үнэн бол уг багшид хатуу арга хэмжээ авахаа Нийслэлийн Боловсролын газрын дарга анхаарууллаа.

”Ulaanbaatar 2015”туялзуур сэлэмний залуучуудын Азийн Аварга Шалгаруулах Тэмцээн есдүгээр сарын 7-12-ны өдрүүдэд Улаанбаатар хотод болно.



Энэ тэмцээний хүрээндУлаанбаатар хотноо Азийн Туялзуур Сэлэмний Холбооны 2015 оны Ерөнхий Ассемблей болж байгаа бөгөөдтус хуралд Азийн 35 улсын туялзуур сэлэмний холбооны ерөнхийлөгч, ерөнхий нарийн бичгийн дарга болон хүндэт зочид оролцож байна.



Тус тэмцээнд Монгол улсаас анх удаа бүтэн баг буюу туялзуур сэлэмний 3 төрөл болох epee, foil, sabre төрөлд 15 тамирчин, 4 дасгалжуулагчийн хамт оролцож байгаа юм.



”Ulaanbaatar 2015”туялзуур сэлэмний залуучуудын Азийн Аварга Шалгаруулах Тэмцээнийг үзэхэд үнэ төлбөргүй тул нийт ард иргэд, спорт сонирхогч та бүхэн есдүгээр сарын 7-12-ныБуянт-Ухаа спорт цогцолборыг зорин Ази, Номхон далайн орнуудын 34 улсын 210 сэлэмчний тулааныг үзэн, Монголынхоо баг тамирчдыг дэмжээрэй.



Тэмцээний өдрүүд Улсын Драмын Эрдмийн ТеатраасБуянт-Ухаа спорт цогцолборчиглэлд шугамын автобус өглөөний 09.00 цагаас эхлэн цаг тутам үнэ төлбөргүй явах ажээ.