Хойд зүгийн цагаан хирс дэлхий дээр ердөө зургаахан үлджээ. Мөхлийн ирмэгт ирсэн эдгээр амьтдыг бүр мөсөн устахаас сэргийлж Кенийн “Oi Pejeta” байгаль хамгааллын байгууллага онгон байгалиас нь авчирч тэжээж эхэлсэн байна. Хэдий тийм ч эдгээр амьтад үр удмаа үлдээж чадах эсэх нь маш эргэлзээтэй байгаа аж.

Дэлхийд номер нэг их сургуулийн нэг МIT буюу Массачусетссийн технологийн их сургуулийн эрдэмтийн баг хүний хоёр хурууг орлох робот бүтээжээ. Тэд бүтээлээ долоон хуруутай робот хэмээн нэрлэж байна. Бүтээлийн гайхамшиг нь хуруу робот эзнийхээ тархины командыг мэдэрч, гарын хөдөлгөөнийг нь бусад хурууны адил дуурайж, команд биелүүлэх чадвартай байна. Ингэснээр робот хүний биеийн нэг хэсэг буюу давуу тал болж чаджээ. Хэрвээ хүн 7 хуруутай байсан бол юуг одоогийнхоос илүү хийж чадах вэ?

Өнгөрсөн сард ”Apple” компани iPhone6, iPhone6 plus утаснуудаа танилцуулснаас хойш өмнөх загваруудаас хэт нимгэн учраас амархан нугарч, эвдэрч байна гэх мэт гомдол гарах болсон. Тэгвэл энэхүү гомдолтой холбогдуулан тус компани ухаалаг утаснуудын чанарыг шалгадаг лабораториа хэвлэлийнхэнл танилцуулжээ. Ухаалаг утаснууд даралт, эрсдлийг давах шалгалтаар ордог тул амархан хугарах ёсгүй хэмээн үйлвдэрлэгчид няцааж байна. Тэд бүтээгдэхүүнээ хэрхэн шалгадгийг үзнэ үү.