Ерөнхий сайд Н.Алтанхуяг s Дорноговь аймагт ажиллахдаа Замын-Үүд боомтын ачаа тээвэр нэвтрүүлэх чадавхийг нэмэгдүүлэх ажлыг түргэтгэх, тус боомтын хүнд даацын автомашины шалган нэвтрүүлэх цогцолборын барилгыг, гаалийн хяналтын 2,3 км замын ажлыг энэ оны 06 дугаар сард багтаан хийж гүйцэтгэхийг үүрэг болгосон.

Дорнод аймгийн Халхгол сумын нутаг дэвсгэрт цасны зузаан 36 см, хунгарласан газраа 50-90 см байна. Аймгийн төвөөсөө 360 км алслагдсан энэ суманд 10 мянга гаруй мал хорогдсон нь сумын нийт малын 16 орчим хувь болж байна.

Япон улсын Ерөнхий сайд Шинзо Абэгийн айлчлал эхэллээ.

Япон улсын Ерөнхий сайд Шинзо Абэ, гэргий Акиэ Абэ нар өнөөдөр Улаанбаатар хотод 14.20 цагт хүрэлцэн ирлээ. Тэднийг Ерөнхий сайд Н.Алтанхуяг гэргий Х.Сэлэнгийн хамт Сүхбаатарын талбайд угтаж авав. Үүний дараа Их эзэн Чингис хааны хөшөөнд хүндэтгэл үзүүлсэн юм.

Шүүхийн ерөнхий зөвлөлийн ээлжит хуралдаан өчигдөр болжээ. Шүүхийн ерөнхий зөвлөлөөс Улсын дээд шүүхийн шүүгчийн найман орон тоонд зарласан сонгон шалгаруулалтад нэр дэвшиж, Шүүхийн мэргэшлийн хорооны шалгалтад тэнцсэн 24 нэр дэвшигчээс М.Батсуурь, Б.Батцэрэн, Д.Ганзориг, Д.Мөнхтуяа, Г.Цагаанцоож, Б.Цогт, Д.Цолмон, Х.Эрдэнэсувд нар Шүүхийн ерөнхий зөвлөлийн гишүүдийн олонхийн саналыг авчээ.

Олимпийн таеквондогийн 20 дахь удаагийн улсын аварга шалгаруулах тэмцээн 2013 оны 3-р сарын 25.26.27-ны өдрүүдэд Спортын төв ордны “А” зааланд зохион явагдаж дүнгээ гаргалаа. Энэ удаагийн тэмцээнд Хот,хөдөөгийн 31 байгууллагын эрэгтэй 219, эмэгтэй 96, нийт 315 тамирчин оролцож эрэгтэйчүүд 50.54.63.68.74.80: нийт 7 жинд, эмэгтэйчүүд 46.49.51.59.64 нийт 6 жинд тус тус хурд,хүч,авхаалж самбаагаа сорин өрсөлдлөө.

Хакүхо М.Даваажаргалыг Япончууд үл тоомсорлож нутаг буцаах гэж байхад кёкүшюзан Д.Батбаяр аргалж авч үлдээсэн гэдэг.

Хойд Солонгос улс байлдааны бэлэн байдалд өнөөдөр шөнийн 12.00 цаг буюу маргаашийн 00.00 цагт бүх нийтээрээ орох үүрэг даалгаврыг Их Удирдагч Ким Чен Ун өгсөн тухай өнөөдөр Хойд Солонгосын Чусон телевиз мэдээллээ.

Байлдааны бэлэн байдалд орж зөвхөн гал нээх тушаалаа хүлээсээр буй Хойд Солонгос улсын ээлжит заналхийллийг Өмнөд Солонгос улсын намууд үл тоолоо.

“Дижитал” хамтлагийн ахлагч Ш.Батбаяр буюу Бааварыг ирэх сарын 12-нд шүүнэ. Түүний шүүх хурал энэ сарын 25-нд болох байсан ч шүүх хурал болохоос хоёр хоногийн өмнө ШШГЕГ-ын харьяа цагдан хорих 461 дүгээр ангид шатаж, түлэгдэн эмнэлэгт хүргэгдсэн юм.

МҮБХ-ноос гуравдугаар сарын 31-ний өдөр буюу маргааш шилдэг харцага, начин цолтой бөхчүүдийн халз барилдаан зохион байгуулахаар зарлаад байсан билээ. Гэтэл тус барилдаанд оролцох зарим бөхчүүд бэртэл, гэмтлийн улмаас оролцож чадахгүй болсон тул барилдааныг тодорхойгүй хугацаагаар хойшлуулсан байна.

ГИХАЭГ-ын албан хаагчдад өчигдөр нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн талаарх сургалтыг АТГ-ын Урьдчилан сэргийлэх, соён гэгээрүүлэх хэлтсээс зохион байгуулжээ.

Монголын шилдэг эмч шалгаруулах “Алтан чагнуур” ёслол хүндэтгэлийн үйл ажиллагаа МҮЭСТО-нд үргэлжилж байна. Энэхүү үйл ажиллагааг Монголын эрүүл мэндийн ажилтны үйлдвэрчний эвлэлийн холбоо болон Эрүүл мэндийн яам, Нийслэлийн эрүүл мэндийн газар хамтран зохион байгуулж байгаа бөгөөд хүндэтгэлийн ёслолд Эрүүл мэндийн сайд Н.Удвал, Эрүүл мэндийн дэд сайд Ж.Амарсанаа, ЭМЯ-ны ХНУХХ-ийн дарга Б.Баярт нар оролцож байна.

Дэлхийн аварга шалгаруулах туялзуур сэлэмний тэмцээн ирэх сарын зургаанд Хорватын Пореч хотноо болох гэж байна. Энэ тэмцээн өсвөр үе, залуучууд гэсэн хоёр насанд болох бөгөөд манай улсаас эх орноо төлөөлөн туялзуур сэлэмч С.Билэгт дасгалжуулагч Д.Ганбаатарын хамтаар оролцох юм. Тэд өнөөдөр эх орноосоо мордож байна.

Хуульчийн эрхзүйн байдлын тухай хууль удахгүй хүчин төгөлдөр болж мөрдөгдөж эхэлнэ.

“Эерэгээр Амьдарцгаая” уриан дор эрүүл идэвхтэй амьдралын хэв маягийг хүүхэд залуучуудад хэвшил болгох зорилгоор “СПРАЙТ” сагсанбөмбөгийн Хөгжлийн болон Супер лигийн тэмцээнийг бүтэн жилийн туршид 5000 гаруй сагсан бөмбөг сонирхогч залуусын дунд зохион байгуулсан.

“Дижитал” хамтлаг өнгөрсөн сард Валентины баяраар хип хоп дуунд дурлагч залуусын сонорыг мялааж “Зүрх рүү” тоглолтоо хийсэн.

АНУ-ын иргэн Жон Мартин Кийнийг хөнөөсөн 24 настай Ч.Баттуулыг ирэх пүрэв гаригт 11.00 цагаас шүүнэ. Түүнийг өнгөрсөн даваа гаригт шүүх байсан ч улсын яллагч солигдсон гэх шалтгаанаар хурлыг ийнхүү хойшлуулсан юм.

Богд хааны музей өнөөдөр, маргааш хүүхдүүдэд үнэ төлбөргүй үйлчлэхээр болжээ. Учир нь тус музей ”National Geographic Mongolia” сэтгүүлтэй хамтран ”Музей үзэх гэр бүлийн өдрүүд” нэртэй арга хэмжээ зохион байгуулж байгаа юм. Хүүхдүүдээс гадна Үндэсний газар зүйн нийгэмлэгийн гишүүдэд ч төлбөргүйгээр үйлчлэх гэнэ. ”Музей үзэх гэр бүлийн өдрүүд” ирэх сарын 4-6-нд дахин үргэлжилнэ.

Маргааш “Автомашингүй өдөр буюу машинаас татгалзах өдөр” бөгөөд энэ долоо хоногийн үйл ажиллагааны хамгийн гол арга хэмжээ нь юм.