-
2016 оны 9 сарын 15
Ж.Мөнхбат: Ю.Цэдэнбал даргын нэрэмжит музей байгуулна
-
2016 оны 9 сарын 15
“АН-ын гишүүд дэмжигчдийн холбоо”-ноос өнөөдөр мэдээлэл хийсэн бөгөө тус холбооны дэргэд МАН-ын “Бид хамтдаа” мөрийн хөтөлбөрийн хэрэгжилтийг судлах ажлын хэсэг байгуулагдсан байна.
Тэрээр тус холбооны тэргүүн Т.Хасбаатар “МАН-ын “Бид хамтдаа” мөрийн хөтөлбөрийг уншиж, танилцахад биелэгдэшгүй заалт олон байна. Жишээ нь: 1.3.5-д Оюутан бүрт олгодог үндэсний тэтгэлэгийг үргэлжлүүлнэ гэж амалсан байдаг. Гэтэл тэтгэлэг цуцлагдсан. Хоёрдугаарт, 2.1.1-д Эдийн засгийн хямралаас гарах “Мэргэжлийн” Засгийн газар байгуулна гэсэн. Засгийн газрын гишүүдийг харахад нэг хүний тойрон хүрээлэгсэд харагддаг. 1.4.1-д Гэр бүлийн үнэт зүйлийг бэхжүүлэх, хүчирхийллийг бууруулах, хүчирхийлэлд өртөгчдийг хамгаалах эрх зүйн таатай орчин бий болгоно гэж заасан. Гэтэл Гэр бүлийн хүчирхийлэлтэй тэмцэх тухай хууль хэрэгжихийг зогсоосон. Иймээс амлалтаасаа хэрхэн буцаж байгааг бид судалж, тодруулж ард түмэнд мэдээллэх болно” хэмээлээ.
-
2016 оны 9 сарын 15
Монгол Улсын Их Хурлын дарга Миеэгомбын Энхболд өнөөдөр /2016.09.15/ хүн амын хүнсний хангамжийг сайжруулах, аюулгүй байдлыг хангах, үндэсний үйлдвэрлэгчид, малчид, тариаланчдийн шилдэг бараа бүтээгдэхүүн, шинэ ургацын дээжийг хэрэглэгч иргэнд хүргэх, төр засгийн бодлогыг түмний хүртээл болгох зорилготой зохион байгуулагддаг “Намрын ногоон өдрүүд-2016” нэгдсэн арга хэмжээний нээлтэд оролцов.
Улсын Их Хурлын дарга нээлтийн үеэр хэлсэн үгэндээ хүнс, хөдөө аж ахуйн салбар бол Монгол Улсын хүн амын хүнсний хангамж, үндэсний үйлдвэрийн түүхий эдийн гол тулгуур бөгөөд улс орны нийгэм, эдийн засгийн хөгжлийн төвшинг тодорхойлох нэг чухал салбар болохыг онцоллоо. Түүнчлэн салбарын эрх зүйн орчныг боловсронгуй болгох зорилгоор Улсын Их Хурлаас хэд хэдэн хууль тогтоомж баталсан болохыг дурдсан. Мөн тэрээр “Улсын Их Хурлын ээлжит бус чуулганаар хөдөө аж ахуйн гаралтай зарим бүтээгдэхүүнд ногдуулах экспортын гаалийн татварыг хүчингүй болгосон нь малын гаралтай түүхий эдийн экспортыг өсгөх, малчин өрхийн орлогын түвшинг нэмэгдүүлэхэд ач холбогдлоо өгнө гэдэгт итгэж байна.
Монгол Улсын Засгийн газрын 2016-2020 оны үйл ажиллагааны хөтөлбөрт тусгасны дагуу улс орныхоо эдийн засгийг богино хугацаанд сэргээж, өсөлтийг бий болгон, нийгмийн салбаруудыг дэмжиж, иргэдийнхээ аж амьдралыг сайжруулахын тулд малчны хот, тариан талбайгаас хэрэглэгчийн ширээ хүртэлх хүнсний сүлжээний бүх үе шатанд бүтээгдэхүүний аюулгүй байдлыг хангах, хүн амын хүнсний хангамжийг тогтворжуулан, хүнсний бүтээгдэхүүний бэлтгэл, боловсруулалт, хадгалалт, тээвэрлэлт, борлуулалтын тогтолцоог бий болгон хүн амын хүнсний хэрэгцээг экологийн цэвэр бүтээгдэхүүнээр хангахад төр, хувийн хэвшлийн хамтын түншлэл болон малчид, тариаланчид, үйлдвэрлэгч, үйлчилгээ эрхлэгч Та бүхний хамтын ажиллагаа маш чухал юм” гэв.
“Эрүүл хүнс-Эрүүл монгол хүн” уриатайгаар 11 дэх жилдээ зохиогдож буй тус арга хэмжээний нээлтэд мөн Улсын Их Хурлын гишүүн, БОХХААБХ-ны дарга Ц.Гарамжав, Засгийн газрын гишүүн, Хүнс, хөдөө аж ахуй, хөнгөн үйлдвэрийн сайд П.Сэргэлэн, дэд сайд Ж.Сауле, Нийслэлийн Засаг дарга бөгөөд Улаанбаатар хотын захирагч С.Батболд болон олон улсын байгууллагын төлөөлөгчид, үйлдвэрлэгчид, малчид, тариаланчид, ногоочдын төлөөлөл оролцсон юм.
Хүнс, хөдөө аж ахуй, хөнгөн үйлдвэрийн сайд П.Сэргэлэн тус арга хэмжээг нээж хэлсэн үгэндээ, энэ намар улсын хэмжээнд 501 мянган тонн үр тариа, үүнээс 482.1 мянган тонн буудай, 174.7 мянган тонн төмс, 117.5 тонн хүнсний ногоо, 32.5 мянган тонн тосны ургамал, 46.4 мянган тонн малын тэжээл тус тус хураан авах урьдчилсан төлөвтэй байгааг танилцууллаа. Мөн 2015 оны мал тооллогын дүнгээр малын тоо 55.9 сая толгойд хүрч, өмнөх оныхоос 3.9 сая толгой буюу 7.9 хувиар өсч, түүхэндээ анх удаа 19 сая гаруй төл мал хүлээн авчээ. Улс орны эдийн засгийн нөхцөл байдлыг сайжруулах, иргэдийн эрүүл, аюулгүй хүнсний хэрэгцээг хангахад хүнс, хөдөө аж ахуй, хөнгөн үйлдвэрийн салбар онцгой үүрэгтэй болохыг Засгийн газар онцлон, 2016-2020 оны үйл ажиллагааны хөтөлбөртөө олон зорилт тусгаад байгаа талаар П.Сэргэлэн сайд танилцуулсан юм.
Нийслэлийн Засаг дарга бөгөөд Улаанбаатар хотын захирагч С.Батболд, жимс, жимсгэнэ, ногоо, мах, малын гаралтай хүнсний бүтээгдэхүүнийг малчны хот, тариан талбайгаас шууд хэрэглэгчийн гарт хүргэх сүлжээг бий болгох асуудлыг мөрийн хөтөлбөртөө тусган ажиллаж байгаагаа дуулгасан юм. Ингэснээр нийслэлийн 1.3 сая иргэн эрүүл, аюулгүй хүнсний бүтээгдэхүүнээр хангагдах бололцоо бүрдэхийн зэрэгцээ малчин, тариаланч, ногоочдын орлого нэмэгдэх ач холбогдолтой болохыг тэрээр тэмдэглэн хэлсэн.
Нээлтийн ёслолын төгсгөлд хүндэт зочид тууз хайчилж, зохион байгуулагчдын зүгээс энэ намрын ургацын дээж тариан түрүүг бэлэглэв.
Ийнхүү Улсын Их Хурлын дарга М.Энхболд, Улсын Их Хурлын гишүүн, БОХХААБХ-ны дарга Ц.Гарамжав, Засгийн газрын гишүүн, Хүнс, хөдөө аж ахуй, хөнгөн үйлдвэрийн сайд П.Сэргэлэн, дэд сайд Ж.Сауле, Нийслэлийн Засаг дарга бөгөөд Улаанбаатар хотын захирагч С.Батболд нар дагалдан яваа албаны хүмүүсийн хамтаар үзэсгэлэн худалдааг үзэж сонирхон, малчин, тариаланч, үйлдвэрлэгчдийн төлөөлөлтэй уулзаж, ярилцсан юм хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 9 сарын 15
Монгол Улсын Ерөнхий сайд Ж.Эрдэнэбатыг Сэлэнгэ аймгийн Сүхбаатар суманд хүрэлцэн ирэхэд Сүхбаатар цэргийн хүрээний бие бүрэлдэхүүн хүндэтгэн жагсч, аймаг, сумын удирдлага, иргэдийн төлөөлөл Партизаны талбайд угтан авлаа.
Ерөнхий сайд яг одоо Сүхбаатар сумын иргэдтэй уулзаж Засгийн газраас авч хэрэгжүүлж байгаа болон цаашид авах арга хэмжээний талаар танилцуулж, иргэдийн асуултад хариулж байна.
Тэрээр өнөөдөр Цагааннуур, Зүүнбүрэн, Шаамар суманд ажиллан “Атар трейд”, “Гацуурт”, Гэгээлэг трейд” компанийн тариа, хүнсний ногооны хураалт, хадгалалтын байдалтай танилцаж, тариаланчид, ногоочидтой уулзана гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 9 сарын 15
Монгол Улсын Зам тээврийн хөгжлийн яамны саналаар Монгол-Оросын хувь нийлүүлсэн нийгэмлэг УБТЗ-ын ерөнхий хорооны Монголын талын гурван гишүүнийгчөлөөлж, томилжээ. Ерөнхий хорооны гишүүн Монголын тээвэрчдийн холбооны ерөнхийлөгч Д.Наранпүрэв, Монголын төмөр замын инженерүүдийн холбооны тэргүүн Ч.Сүрэнхорлоо, ЗГХЭГ-ын дэд дарга асан Г.Ганболд нарыг чөлөөлж Зам тээврийн хөгжлийн дэд сайд Б.Цогтгэрэл /Шилэн Цогоо/, Зам тээврийн хөгжлийн яамны төмөр зам, далайн тээврийн бодлогын хэрэгжилтийг зохицуулах газрын дарга Б.Артур, ЗГХЭГ-ын ахлах референт, орчуулагч Н.Буяндэлгэр нарыг хувь нийлүүлэгчдийн хурлаас томилсон байна.
Зам тээврийн дэд сайд Б.Цогтгэрэл, Б.Артур нарыг албан тушаалын харъяаллаар УБТЗ-ын ерөнхий хороонд томилогдсон байна. Харин Засгийн газрын хэрэг эрхлэх газарт ахлах референт Н.Буяндэлгэрийг Монгол Улсын Ерөнхий сайд Ж.Эрдэнэбатын саналаар ерөнхий хорооны гишүүнээр томилсон байна.
-
2016 оны 9 сарын 15
Ерөнхий сайд орон нутгийг зорилоо
-
2016 оны 9 сарын 15
Хэрвээ АН нөгөөдөр ҮЗХ-ны хурлаа хийж чадаад намын даргаа сонговол тэр хүн нь субботник хийчихээд албан тушаалаасаа буух бус Их хурлаар эцэслэн сонгох даргын сунгаанд өрсөлдөх боломжтой гэнэ. Намын өмнөх дарга З.Энхболд үүрэгт ажлаасаа чөлөөлөгдөх өргөдлөө нэгэнт өгсөн учир ҮЗХ-оор дараагийн даргыг сонгож болно гэсэн дүрэмтэй.
-
2016 оны 9 сарын 14
Монгол Улсын Засгийн газрын ээлжит хуралдаан 2016 оны есдүгээр сарын 14-нд боллоо.
Хөрөнгө, орлогоо мэдүүлдэг албан тушаалтан офшор бүсэд данс эзэмших, компани байгуулахыг хориглоно
Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт өөрчлөлт оруулах тухай хуулийн төслийн үзэл баримтлалыг Засгийн газрын хуралдаанаар хэлэлцлээ. Гишүүдээс гаргасан саналуудыг тусган хуулийн төслийг боловсруулж, Засгийн газрын хуралдаанаар хэлэлцүүлэхийг Хуульзүй, дотоод хэргийн сайдад даалгалаа.
Төсөлд, Авлигын эсрэг хуульд заасны дагуу хөрөнгө, орлогын мэдүүлэг гаргадаг албан тушаалтан албан үүргээ гүйцэтгэх болон нийтийн албан тушаалд томилогдохоор нэр дэвших үедээ офшор бүсэд өөрийн нэр дээр банкинд данс эзэмших, мөнгөн хөрөнгө байршуулах, хуулийн этгээд үүсгэн байгуулахыг хориглох тухай тусгасан байна.
Засгийн газар хоорондын комиссуудын Монголын хэсгийн удирдах бүрэлдэхүүнийг баталлаа.
Монгол Улсын Засгийн газар шинээр байгуулсантай холбогдуулан гадаад улс орнуудтай байгуулсан Засгийн газар хоорондын комисс, хамтарсан хороо, дугуй ширээний уулзалт зэрэг хамтын ажиллагааны Монголын хэсгийн удирдах бүрэлдэхүүнийг шинээр томиллоо. Одоогоор Монгол Улсын Засгийн газар гадаад улс орнуудын Засгийн газартай нийт 38 хамтын ажиллагааны механизм байгуулан ажиллаж байна.
Хонины нэхий, арьс ширний үнэ нэмэгдэх боломжтой боллоо
Өнөөдрийн байдлаар хонины нэхий 500, ямааны арьс 2000, адууны шир 30000 төгрөгийн үнэтэй болсноос малчдын орлого буураад байгаа юм. Иймд тэдний орлогыг нэмэгдүүлэх зорилгоор Арьс ширний үйлдвэрлэл, худалдаанд мөрдөх зохицуулалтыг 2016 оны аравдугаар сарын 1-нээс эхлэн 2017 оны наймдугаар сарын 1-нийг хүртэл мөрдөхгүй байхаар Засгийн газар шийдвэрлэлээ. Ингэснээр арьс ширний экспорт нэмэгдэж, хонины нэхий, арьс ширний үнэ өсч малчдын орлого нэмэгдэх боломжтой гэж салбарынхан тооцоолсон байна.
Арьс ширний үйлдвэрлэл, худалдаанд мөрдөх зохицуулалтыг 2013 онд баталснаас хойш хонины нэхий экспортлоогүй байна. Мөн манай улс арьс ширнийхээ 40 хувийг л дотооддоо худалдан авах багтаамжтай байдаг байна.
Өр, авлага барагдуулах, үнэ тарифыг судлах үүрэг бүхий ажлын байгуулна
Засгийн газрын хуралдаанаар эрчим хүчний нүүрс олборлогч “Багануур”, “Шивээ-Овоо” хувьцаат компанийн өнөөгийн байдал, хүндрэлтэй асуудлын талаар хэлэлцээд, холбогдох арга хэмжээ авч ажиллахыг сайд П.Ганхүү, Б.Чойжилсүрэн болон “Эрдэнэс Монгол” компанийн захирал нарт Засгийн газрын тэмдэглэлээр үүрэг болголоо.
Техник, тоног төхөөрөмжийг нь шинэчлэх, өр авлагыг барагдуулах, авахад бэлэн нүүрсний нөөцийг нэмэгдүүлэх, үнэ тарифтай холбоотой асуудлыг Ажлын хэсэг гарган судалж, санал боловсруулан Засгийн газрын хуралдаанд оруулахыг үүрэг болголоо.
“Багануур” хувьцаат компани жилд гурван сая гаруй тонн нүүрс олборлон төвийн бүсийн “ДЦС-2” ”ДЦС-3”-ыг 100 хувь, “ДЦС-4”-ийг 50, Дархан, Эрдэнэтийн Дулааны цахилгаан станцуудын хэрэглээний 30 хүртэл хувийг хангадаг. Харин “Шивээ-Овоо” хувьцаат компани хоёр сая тонн нүүрс олборлож “ДЦС-4”-ийн нүүрсний хэрэглээний 51 хувь, “Амгалан дулааны станц” болон орон нутгийн уурын зуухнуудыг нүүрсээр хангадаг.
Дээрх хоёр компани дизелийн түлш ханган нийлүүлэгч аж ахуйн нэгжүүдэд 2015 оны жилийн эцсээр тасалбар болгон баталгаажуулсан олон тэрбум төгрөгийн өртэй байгаа нь хамгийн гол хүндрэл юм. Түлшний хуваарьт нийлүүлэлт буурснаас болж хөрс хуулалт доголдоход хүрчээ. Өнөөдрийн байдлаар уурхай 30 хоногийн түлшний нөөцтэй байх ёстой ч 2-7 хоногийн нөөцтэй байна.
Товч мэдээ
- Сангийн сайд Чойжилсүрэн Монгол Улсын 2017 оны төсвийн төслийг Засгийн газрын хуралдаанаар хэлэлцүүллээ. Хуульд заасны дагуу тухайн оны 9 дүгээр сарын 15-ны дотор дараа оны төсвийн төслийг боловсруулан Засгийн газарт танилцуулах үүрэгтэй юм.
- УИХ-ын гишүүн Т.Аюурсайханы санаачлан боловсруулсан Хэрэглэгчийн эрхийг хамгаалах тухай хуулийн шинэчилсэн найруулгын төсөлд оруулах саналаа хууль санаачлагчид уламжлахаар тогтов.
- Шивээхүрэн боомтын төмөр замын суурь бүтэц барих төсөлд БНХАУ-ын ӨМӨЗО-ны Ардын Засгийн Ордонтой хамтран ажиллах тухай Харилцан ойлголцлын Санамж бичиг байгуулах талаар Зам, тээврийн хөгжлийн сайд Д.Ганбат Засгийн газрын хуралдаанд танилцууллаа.
- Импортын барааны гарал үүслийн дүрмийг 2017 оны нэгдүгээр сарын 1-ний өдрөөс хэрэгжүүлэхээр боллоо.
- Шинжлэх ухаан, технологийн үндэсний зөвлөлийн бүрэлдэхүүнийг батлав.
-
2016 оны 9 сарын 14
Улсын Их Хурлын гишүүн, Эдийн засгийн байнгын хорооны дарга Д.Тэрбишдагва ХБНГУ-аас Монгол Улсад суугаа Онц бөгөөд бүрэн Эрхт Элчин сайд Штефан Херманн Дуппелтэй өнөөдөр /2016.09.14/ уулзлаа.
Байнгын хорооны дарга Д.Тэрбишдагва уулзалтын эхэнд ХБНГУ нь Монгол Улсын Европ дахь чухал түнш болохыг тэмдэглээд, ноён Элчин сайдтай албан ёсны уулзалт хийж буйдаа баяртай байгаагаа илэрхийлээ.
Тэрбээр, Эдийн засгийн байнгын хорооны дарга, Монгол-Германы парламентын бүлгийн даргын хувиар Элчин сайд Штефан Херманн Дуппелтэй хоёр орны парламент хоорондын хамтын ажиллагаа, эдийн засгийн болоод соёл боловсролын салбарын харилцааны талаар санал солилцсон юм.
Байнгын хорооны дарга Д.Тэрбишдагва уулзалтын үеэр хоёр орны Ерөнхийлөгчийн ивээл дор хэрэгжиж буй Хархорины археологийн малтлагын талаар хөндөн, археологийн үнэт олдворуудаар Германд үзэсгэлэн гаргах саналтай байгаагаа дурдсан.
Түүнчлэн хоёр орны эдийн засаг, хөрөнгө оруулалтын харилцааны гол механизм болсон Ашигт малтмал, аж үйлдвэр, технологийн хамтын ажиллагааны хэлэлцээрийг ажил хэрэг болгох, Монгол-Германы хамтарсан Ашигт малтмал, технологийн их сургуулийн үйл ажиллагааны талаар өөрийн саналыг илэрхийлж, удахгүй тус оронд хийх албан ёсны айлчлалынхаа талаар мөн мэдээлэл өгсөн юм.
Элчин сайд Штефан Херманн Дуппел, Герман-Монголын олон жилийн түүхийн улбаатай харилцааг үргэлжлүүлэхээс гадна улстөр, эдийн засаг, хөрөнгө оруулалт, соёлын харилцааг өргөжүүлэх нь хоёр орны харилцаанд өндөр ач холбогдолтой болохыг тэмдэглэсэн.
Түүнчлэн тэрбээр олон улсын энхийг сахиулах ажиллагаанд хоёр орон чухал үүрэг гүйцэтгэж буйг дурдаад, аюулгүй байдал, батлан хамгаалахын салбар дахь хамтын ажиллагаагаа үргэлжлүүлэх сонирхолтой байгаагаа илэрхийлсэн.
Уулзалтын үеэр эдийн засгийн өнөөгийн нөхцөл байдал, цаашид авч хэрэгжүүлэх арга хэмжээ, хоёр орны Засгийн газар хоорондын хэлэлцээрүүдийг амжилттай хэрэгжүүлэх асуудлаар санал солилцлоо.
Мөн өдөр Байнгын хорооны дарга Д.Тэрбишдагва Япон Улсаас Монгол Улсад суугаа Онц бөгөөд бүрэн Эрхт Элчин сайд Шимизү Такенори болон БНСУ-аас Монгол Улсад суугаа Онц бөгөөд бүрэн Эрхт Элчин сайд У Сунтай уулзлаа.
Тэрбээр Элчин сайдуудтай хоёр орны парламент хоорондын хамтын ажиллагаа, улс орны эдийн засгийн нөхцөл байдал, авч хэрэгжүүлж буй арга хэмжээний талаар санал солилцсон юм хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 9 сарын 14
Улсын Их Хурлын гишүүн, Байгаль орчин, хүнс, хөдөө аж ахуйн байнгын хорооны дарга Ц.Гарамжав, Улсын Их Хурлын гишүүн, тус байнгын хорооны гишүүн Б.Батзориг, А.Сүхбат нар өнөөдөр /2016.09.14/ Ус сувгийн удирдах газрын харьяа Төв цэвэрлэх байгууламжийн үйл ажиллагаатай танилцлаа.
Төв цэвэрлэх байгууламжийн ашиглалтын алба нь хоногт дунджаар 160000-190000 м3 бохир усыг хүлээн авч механик болон биологийн цэвэрлэгээг хийн, хэт ягаан туягаар халдваргүйжүүлж Туул голд нийлүүлж байна гэж Ус сувгийн удирдах газрын дарга Ц.Төрхүү танилцуулгын эхэнд дурдсан юм. Тэрээр анх 1959 онд 6 км бохир усны шугам ашиглалтанд орж байсан бол одоо ф150-1400 мм голчтой 240 км шугам хоолой, 2900 орчим бохир усны худгийн ихэнх нь удаан хугацааны ашиглалтын явцад элэгдэж хуучрах, хагаралт цууралт үүсэх зэрэг гэмтлүүд тохиолдож байгаагаас хөрсний ус ихээр ирж байгаа нь тус байгууламжийн ачааллыг нэмэгдүүлэхэд хүргээд байна. Улсын төсвийн хөрөнгөөр хийгдэж буй ажлын гүйцэтгэл 60-70 хувьтай байгаа. Цэвэрлэх байгууламжаас гарч байгаа үнэрний асуудлыг шийдвэрлэхийн тулд шинэ цэвэрлэх байгууламж барих ажлыг яаралтай эхлүүлэх мөн “Ус бохирдуулсны төлбөрийн тухай” хуулийн журмыг баталж мөрдүүлэх шаардлагатай гэлээ.
“Ус бохирдуулсны төлбөрийн тухай” хууль 2012 онд батлагдсан боловч журам нь одоог хүртэл гараагүйгээс бохирдуулагч үйлдвэрүүдтэй хариуцлага тооцох боломжгүй. “Бохирдуулагч үйлдвэрүүд” гэсэн ангилалд ноос, ноолуур угаах, өлөн гэдэс боловсруулах үйлдвэрүүд мөн машин угаалгын газар зэрэг үйл ажиллагаа явуулж буй 225 хэрэглэгч хамрагдаж байгаа юм байна
Цэвэрлэх байгууламжид хэрэгжүүлж буй мөн зайлшгүй хийх шаардлагатай ажлуудтай танилцсаны дараа Байнгын хорооны гишүүд тодруулга авч, байр сууриа илэрхийлсэн юм. Тухайлбал УИХ-ын гишүүн А.Сүхбат өнөөдөр нийслэлд тулгамдаж буй асуудлуудын нэг бол яах аргагүй агаарын бохирдол юм. Энэ асуудлыг нэн яаралтай шийдвэрлэхийн тулд миний бие байнгын хорооны гишүүний хувиар энэ оны 10 дугаар сарын эхний 7 долоо хоногт нээлттэй хэлэлцүүлэг хийх төлөвтэй байна гэв.
Байнгын хорооны дарга Ц.Гарамжав хэлэхдээ, төв цэвэрлэх байгууламж ачааллаа дийлэхгүй болсон өнөө үед бид шинэ технологийн дэвшилтэт байгууламж барих шаардлагатай байна. Өнөөдөр тулгамдаад буй хүндрэл бэрхшээлийг шийдвэрлэхийн тулд эхний ээлжинд хийх ёстой ажил бол малын түүхий эд боловсруулах үйлдвэрүүдэд шүүлтүүр тавих зайлшгүй хэрэгтэй байна. Цэвэрлэх байгууламжийн асуудал жилийн жилд яригддаг, жил бүр хэдэн тэрбум төгрөг төсөвлөгддөг. Гэтэл төсвийн гүйцэтгэл маш муу, гүйцэтгэлийн хяналт муу учир бид өнөөдөр энэ асуудлыг ярьсаар байна. Иймд бид шат бүртээ хяналтаа сайжруулж, хууль эрх зүйн асуудлыг боловсронгүй болгох шаардлагатай байна гэж анхаарууллаа.
Гишүүд төв цэвэрлэх байгууламжийн үйл ажиллагаатай танилцсан тухай болон цаашид шийдвэрлэвэл зохих асуудлын талаар Байнгын хорооны хуралдаанд танилцуулах юм гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.
-
2016 оны 9 сарын 14
ИТХ-д 88 нэр дэвшигч өрсөлдөнө
-
2016 оны 9 сарын 14
Ардчилсан намын Үндэсний зөвлөлдөх хорооны хуралдаан ирэх баасан гарагт буюу энэ сарын 16-нд болно.
-
2016 оны 9 сарын 14
“Нортерн Рэйлвейс” ХХК-ийн ТУЗ-ын даргыг хүлээн авч уулзлаа
-
2016 оны 9 сарын 14
Ж.Эрдэнэбат: 1949 оны гэрээг өөрчлөхийн төлөө хоёр тал бодитой алхам хийх цаг болсон
-
2016 оны 9 сарын 14
Монгол Улсын Их Хурлын дарга Миеэгомбын Энхболд өнөөдөр /2016.09.14/ ОХУ-ын “Оросын төмөр замууд” НХН-ийн Ерөнхийлөгч О.В.Белозёров тэргүүтэй төлөөлөгчдийг хүлээн авч уулзлаа.
Уулзалтын эхэнд УИХ-ын дарга М.Энхболд “Оросын төмөр замууд” НХН-ийн Ерөнхийлөгчтэй уулзан, танилцаж байгаадаа баяртай байна хэмээгээд Монгол Улс, ОХУ-ын уламжлалт найрсаг харилцаа, хамтын ажиллагааны илэрхийлэл болсон хамтарсан “Улаанбаатар төмөр зам” нийгэмлэг нь хоёр улсын стратегийн түншлэлийн ач холбогдолтой байгууллага. Монгол Улсын тээврийн салбарт чухал байр суурь эзэлдэг. Энэ салбарын хөгжлийг шинэ шатанд гаргахад шинэ удирдагчийн хувьд санаачлагатай ажиллана гэдэгт найдаж буйгаа илэрхийлэв.
ОХУ-ын “Оросын төмөр замууд” НХН-ийн Ерөнхийлөгч О.В.Белозёров УИХ-ын даргыг цаг гарган уулзаж байгаад талархал илэрхийлээд хоёр орны хамтын ажиллагааг хөгжүүлэхэд тулгамдаж буй асуудлуудыг шийдвэрлэх, өнө эртнээс уламжлан ирсэн найрсаг харилцааг цаашид үргэжлүүлэн хөгжүүлэхийн төлөө бүхий л чадлаараа ажиллана гэв.
Уулзалтын үеэр талууд гурван улсын байгуулсан Эдийн засгийн коридорын хүрээнд төмөр замын төслүүдийг хэрэгжүүлэх, “Улаанбаатар төмөр зам” нийгэмлэгийн үйл ажиллагааг өргөжүүлэх талаар болон тогтвортой, таатай хууль эрх зүй, татварын орчныг бүрдүүлэх асуудлаар харилцан ярилцаж, санал солилцлоо гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 9 сарын 14
Монгол Улсын Ерөнхийлөгч Ц.Элбэгдорж НҮБ-ын Ерөнхий ассамблейн 71 дүгээр чуулганд оролцохоор явах замдаа Бүгд Найрамдах Куба Улсад албан ёсны айлчлал хийхээр өнөөдөр мордов.
-
2016 оны 9 сарын 14
Ж.Эрдэнэбат: Эхний ээлжинд зогссон барилгуудын асуудлыг судалж, шийдвэрлэнэ
-
2016 оны 9 сарын 14
Засгийн газрын ээлжит хуралдаан маргааш 15.00 цагт болно. Хуралдаанаар дараах найман асуудлыг хэлэлцэхээр төлөвлөжээ. Тодруулбал
-
2016 оны 9 сарын 14
Говь-Алтай аймгийн малчид, иргэдийн амьжиргааг дэмжих хамгийн том хүчин зүйл бол малын махаа борлуулж ашиг олох явдал юм. Өмнө нь Монгол Улс БНХАУ руу мах экспортлох олон үндэслэл шалтгаан ярьж, боломжийг эрэлхийлж байсан ч харамсалтай нь үр дүнд хүрээгүй. Тэгвэл би Мэргэжлийн хяналтын ерөнхий газрын даргаар ажиллах хугацаанд үүнд онцгой анхаарал хандуулж 2015 оны 9 дүгээр сарын 8-нд Хятадын талтай гэрээ байгуулж, Говь-Алтай аймгийн Бургастайн боомтоор мах экспортлох боломжийг нээж өгсөн. Энэ бол ард түмэн, нутгийн зон олныхоо амьдралд оруулсан бодит бүтээн байгуулалт гэж бодож байна. Одоо бид хамтарч энэ боломжоо бүрэн дүүрэн ашиглаж, хөгжилд хүрэх болно.
-
2016 оны 9 сарын 13
Ерөнхий сайд асан Н.Алтанхуяг ойрын өдрүүдэд мэдээлэл хийж өөрийн байр сууриа илэрхийлэхээр зэхэж буй талаар зарим эх сурвалжууд мэдээллээ.
Н.Алтанхуягийг чухам ямар асуудлын талаар сэтгүүлчдэд мэдээлэл өгөх нь тодорхойгүй байгаа ч энэ баасан гарагт хуралдах ҮЗХ-ны хуралдаантай холбоотойгоор мэдээлэл өгч магадгүй аж. Ямартаа ч ойрын өдрүүдэд хамгийн анхаарал татсан сэдэв бол ҮЗХ-гоор шийдэгдэх АН-ын даргын асуудал юм бид энэ талаарх мэдээллийг эргэн дэлгэрэнгүй мэдээлнэ.
