-
2016 оны 9 сарын 13
Улсын Их Хурлын гишүүн Ц.Цогзолмаа, О.Баасанхүү, Л.Болд нар өнөөдөр /2016.09.13/ Хан-Уул дүүргийн 63 дугаар тусгай сургуулийн үйл ажиллагаатай танилцав.
Хөгжлийн бэрхшээлтэй хүний эрхийн тухай хуулийн хэрэгжилтийн явц, хөгжлийн бэрхшээлтэй хүүхдийн сурч боловсрох, нийгмийн халамжийн үйлчилгээнд хамрагдах, эрүүл мэндийн тусламж үйлчилгээ авах талаар холбогдох хууль тогтоомжийн хэрэгжилтийн байдал, ерөнхий боловсролын тусгай хэрэгцээт сургууль, цэцэрлэгүүдийн үйл ажиллагаатай газар дээр нь танилцаж, цаашид авах арга хэмжээний талаар санал боловсруулан Нийгмийн бодлого, боловсрол, соёл шинжлэх ухааны байнгын хороонд танилцуулах үүрэг бүхий Ажлын хэсгийн ахлагчаар Улсын Их Хурлын гишүүн Ц.Цогзолмаа ажиллаж байгаа юм.
Хан-Уул дүүргийн 63 дугаар тусгай сургуульд 2016-2017 оны хичээлийн жилд 240 гаруй хүүхэд суралцаж байгаа талаараа захирал С.Эрдэнэбаатар танилцуулав. Тус сургуульд нийслэлийн Хан-Уул дүүргийн хүүхдүүдээс гадна Дундговь, Өвөрхангай, Дорнод, Завхан, Ховд аймгаас ирсэн сурагчид суралцаж байгаа аж. Тус сургуулийн 40 багш, 20 ажилтан сурагчдад боловсролын үйлчилгээнээс гадна эмнэлэг, халамж, сувилахуйн болон сэтгэлзүйн үйлчилгээг үзүүлдэг байна. Ажлын хэсгийн гишүүд болон ажлын дэд хэсгийн гишүүд 63 дугаар тусгай сургуулийн үйл ажиллагаатай танилцах үеэр тус сургуулийн мэргэжилтнүүд жилд 2 удаа дүүргийнхээ хэмжээнд хөгжлийн бэрхшээлтэй хүүхдүүдийн талаарх суурь судалгааг хийдэг болохыг дуулгав. Хөгжлийн бэрхшээлтэй хүүхдийн тоо жил бүр нэмэгдэж байгааг захирал С.Эрдэнэбаатар онцлоод “Хамгийн хүндрэлтэй нь хүүхдүүдийн эмгэг хавсарсан байдалтай байгаа. Оюуны бэрхшээлтэй эсвэл аутизмтай хүүхэд ирэхэд хэл ярианы бэрхшээл хавсарсан байх жишээтэй. Энэ хэрээрээ багш, ажилтнуудын ачаалал нэмэгдэн, тусгай мэргэжилтнүүд шаардагдах болсон” гэв. Тиймээс Засгийн газар хоорондын тэтгэлэгээр Ази, Европын орнуудын их, дээд сургуульд суралцагчдын тоонд жил бүр тусгай сургуульд ажиллах 2 нарийн мэргэжилтнийг багтаах саналыг Улсын Их Хурлын гишүүд болон ажлын дэд хэсгийн гишүүдэд хэллээ.
Улсын Их Хурлын гишүүн, ажлын хэсгийн ахлагч Ц.Цогзолмаа, тусгай сургалттай сургууль, цэцэрлэгүүдийн үйл ажиллагаатай танилцахад Боловсрол, соёл, шинжлэх ухаан, спортын яам болон Хөдөлмөр, нийгмийн хамгааллын яам хоорондын үйл ажиллагааны уялдаа холбоог хангах, хамтын ажиллагааг сайжруулах шаардлагатай нь харагдаж байгааг тэмдэглэн хэлж байв. Түүнчлэн тусгай сургалттай сургууль, цэцэрлэгт ажиллаж буй багш, мэргэжилтнүүдийн нийгмийн асуудлыг дэмжих, сургалтын хэрэгслийн хангамжийг нэмэгдүүлэх, орчинг сайжруулах талаар Ажлын хэсэг санал гарган, байнгын хороонд танилцуулах нь зүйтэй гэсэн байр суурийг илэрхийлсэн юм.
Үргэлжлүүлэн Улсын Их Хурлын гишүүн Ц.Цогзолмаа, О.Баасанхүү, Л.Болд болон ажлын дэд хэсгийн гишүүд анги танхим, сургалтын үйл ажиллагаа болон сургуулийн орчин, нөхцөлтэй танилцлаа.
Улсын Их Хурлын Нийгмийн бодлого, боловсрол, соёл, шинжлэх ухааны байнгын хорооноос 2016 оны 09 дүгээр сарын 06-ны өдөр Хөгжлийн бэрхшээлтэй хүний эрхийн тухай хуулийн хэрэгжилтийн явц, хөгжлийн бэрхшээлтэй хүүхдийн сурч боловсрох, нийгмийн халамж үйлчилгээнд хамрагдах, эрүүл мэндийн тусламж үйлчилгээ авах талаар холбогдох хууль тогтоомжийн хэрэгжилтийн байдал, тусгай хэрэгцээт сургууль болон цэцэрлэгийн үйл ажиллагаатай газар дээр нь танилцан санал, дүгнэлт гарган танилцуулах үүрэг бүхий ажлын хэсгийг байгуулсан юм. Улсын Их Хурлын гишүүн Л.Цогзолмаа тус ажлын хэсгийн ахлагчаар ажиллаж байгаа бөгөөд бүрэлдэхүүнд Улсын Их Хурлын гишүүн М.Билэгт, О.Баасанхүү, Б.Саранчимэг, Н.Учрал нар ажиллаж байгаа аж. Тус ажлын хэсэг улсын хэмжээнд үйл ажиллагаа явуулж буй тусгай сургалттай дунд сургууль, цэцэрлэгүүдэд ажиллан Хөгжлийн бэрхшээлтэй хүний эрхийн тухай хуулийн хэрэгжилтийн явцтай танилцаж тайлан, үр дүнг 2016 оны 10 дугаар сарын 14-ний дотор Нийгмийн бодлого, боловсрол, соёл, шинжлэх ухааны байнгын хорооны хуралдаанд танилцуулах юм хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 9 сарын 13
Монгол Улсын Ерөнхийлөгч Ц.Элбэгдорж есдүгээр сарын 19-24-ний өдрүүдэд АНУ-ын Нью-Йорк хотноо болох НҮБ-ын Ерөнхий Ассамблейн 71 дүгээр чуулганд оролцохоор болжээ.
-
2016 оны 9 сарын 13
Завхан аймгийн Засаг даргын Тамгын газрын даргын үүргийг түр орлон гүйцэтгэгчээр Л.Лхамсүрэнг томиллоо.
-
2016 оны 9 сарын 13
Эрүүл мэндийн яамны Төрийн нарийн бичгийн даргаар ажиллаж байсан өмнөх хүмүүс шүүхэд гомдол гаргасан тул Нийслэлийн захиргааны хэргийн анхан шатны шүүгчээс ирүүлсэн захирамжийг хэрэгжүүлж, сонгон шалгаруулалтыг хойшлууллаа. Энэ яамны Төрийн нарийн бичгийн даргын албан тушаалд өрсөлдөхөөр зургаан хүн бүртгүүлсэн юм.
-
2016 оны 9 сарын 13
Ерөнхий сайд Ж.Эрдэнэбат уул уурхай, эрчим хүчний салбарынхныг хүлээн авч уулзлаа. Ерөнхий сайд уулзалтын эхэнд “Монгол Улсын Засгийн газрын үйл ажиллагааны хөтөлбөрийг саяхан батлууллаа.
-
2016 оны 9 сарын 13
БНМАУ-ЫН БАГА ХУРАЛ 1990-1992
МОНГОЛ УЛСЫН ИХ ХУРАЛ 1992-1996
МОНГОЛ УЛСЫН ИХ ХУРАЛ 1996-2000
МОНГОЛ УЛСЫН ИХ ХУРАЛ 2000-2004
МОНГОЛ УЛСЫН ИХ ХУРАЛ 2004-2008
МОНГОЛ УЛСЫН ИХ ХУРАЛ 2008-2012
МОНГОЛ УЛСЫН ИХ ХУРАЛ 2012-2016
Байнгын ажиллагаатай парламент байгуулагдсаны 25 жилийн ойд зориулсан Улсын Их Хурлын Хүндэтгэлийн хуралдаан боллоо 2015.09.13
“Байнгын ажиллагаатай парламент-25 жил” сэдэвт эрдэм шинжилгээний хурал болов 2015.09.13
МОНГОЛ УЛСЫН ИХ ХУРАЛ 2016-2020
Улсын Их Хурлын долоо дахь удаагийн сонгуулиар шинээр сонгогдсон гишүүд тангараг өргөлөө 2016.07.05
Улсын Их Хурлын даргаар Миеэгомбын Энхболдыг сонголоо 2016.07.05
Монгол Улсын Их Хурлын 2016 оны сонгуулиар сонгогдсон Улсын Их Хурлын гишүүд 2016.07.05
УЛСЫН ИХ ХУРЛЫН ТАМГЫН ГАЗРЫН ХЭВЛЭЛ МЭДЭЭЛЭЛ,
ОЛОН НИЙТТЭЙ ХАРИЛЦАХ ХЭЛТЭС
-
2016 оны 9 сарын 13
Одоогоос 26 жилийн тэртээ 1990 оны 9 дүгээр сарын 13-ны өдөр Улсын Бага Хурал анхдугаар чуулганаа хуралдуулснаар Монгол Улсад орчин цагийн байнгын ажиллагаатай парламентын намтрын хуудас эхэлсэн түүхтэй. Энэ бол монгол төрийн тогтолцооны нэгэн шинэ түүх бөгөөд эдүгээ хүртэл парламентын засаглал шинэ Үндсэн хуулиар баталгаажин эргэлт буцалтгүй төлөвшин хөгжиж байна.
Манай улсад байнгын ажиллагаатай парламент үүсч бий болсон нь гэнэтийн санамсаргүй тохиолдол байгаагүй бөгөөд харин улс орны түүхэн хөгжлийн зүй ёсны үр дүн, шинэ үе шат болжээ. Монгол орон ардчилалд шилжих үндсэн тохиролцоог 1990 оны 5 дугаар сард баталсан олон намуудын зөвшилцлийн Протокол хэмээх улс төрийн чухал баримт бичгээр анхлан бэхжүүлж, улмаар Ардын Их Хурлаас баталсан “БНМАУ-ын Үндсэн хуулийн нэмэлтийн тухай хууль” нэртэй шилжилтийн хуулиар тунхагласан байна. Энэ үндсэн дээр БНМАУ-ын Ардын Их Хурлыг анх удаа олон намын оролцоотой, нэг тойрогт олон нэр дэвшигч бүхий чөлөөт сонгуулиар шинэчлэн сонгохын хамт Үндсэн хуулийн дагуу бүртгэгдсэн намуудын нэрээр ард нийтийн санал хураалт явуулж, анхны байнгын ажиллагаатай парламентыг ардчилсан зарчмаар байгуулах улс төр, эрх зүйн урьдач нөхцөл бүрдсэн байна.
Улсын Бага Хурал нь хоёр жил хүрэхгүй хугацаанд ажиллахдаа шинэ нийгмийн харилцааны эрх зүйн үндсийг тогтоон олон хууль, тогтоол, олон улсын гэрээ конвенцийг баталж, Ардын Их Хурлаас даалгасны дагуу Монгол Улсын шинэ Үндсэн хуулийн төслийг хүн төрөлхтний түгээмэл үнэт зүйлсийн зарчмуудад тулгуурлан боловсруулж, өргөн барьсан нь Улсын Бага Хурлын гишүүд, түүний Тамгын газрын ажилтнуудын Монгол Улсын түүхэнд оруулсан үнэтэй хувь нэмэр юм. Улсын Бага Хурлаас өргөн барьсан шинэ Үндсэн хуулийн төслийг Ардын Их Хурлын депутатууд нойр хоолоо умартан 76 хоног өдөр, шөнийг үл харгалзан хэлэлцэж мэтгэлцэн шүүн тунгааж 1992 оны 1 дүгээр сарын 13-ны өдөр баталснаар Монгол Улс ардчиллын замаар эргэлтгүй замнасан, парламентын засаглалтай Бүгд Найрамдах Улс болсон түүхтэй билээ.
Шинэ Үндсэн хуулиар төрийн хууль тогтоох, гүйцэтгэх, шүүх эрх мэдлийг тэнцвэржүүлэн хуваарилж, парламентыг нэг танхимтай, 76 гишүүнтэй байхаар тогтоож, үйл ажиллагааных нь эрх зүйн үндсийг тодорхойлон “Монгол Улсын Их Хурал бол төрийн эрх барих дээд байгууллага мөн бөгөөд хууль тогтоох эрх мэдлийг гагцхүү Улсын Их Хуралд хадгална” хэмээн заасан байна. Энэхүү зарчмын үндсэн дээр Улсын Их Хурал хууль тогтоох эрх мэдлийг хэрэгжүүлэхдээ төрийн гүйцэтгэх болон шүүх эрх мэдлийн байгууллагуудын зохион байгуулалт, үйл ажиллагааны эрх зүйн үндсийг тогтоож, хууль тогтоох бүрэн эрхийнхээ хүрээнд хууль санаачлах эрх бүхий субъектүүд болох Монгол Улсын Ерөнхийлөгч, Улсын Их Хурлын гишүүд, Засгийн газрын өргөн барьсан хуулийн төсөл, улс орны нийгэм, эдийн засаг, төрийн байгуулалтын бүхий л асуудлыг хэлэлцэн шийдвэрлэж иржээ.
Шинэ Үндсэн хууль үйлчилж эхэлснээс хойших өнгөрсөн 24 жилийн хугацаанд 1992, 1996, 2000, 2004, 2008, 2012, 2016 онд нийт 7 удаа парламентын сонгууль болж төрийн эрх барих төлөөллийн дээд байгууллага болох Улсын Их Хурлыг байгуулаад байна.
Монгол Улсын хувьд 1990-1992 онд байгуулагдаж ажилласан анхны байнгын ажиллагаатай парламент болох Улсын Бага Хурал нь уламжлалт тогтолцоог халж парламентат ёсыг жинхэнэ утгаар нь шилжих замыг туулсан бол 1992 онд байгуулагдсан Улсын Их Хурал нь хууль тогтоох эрх мэдлийг дангаар хадгалсан, нийт ард түмний сонгож байгуулсан төрийн эрх барих төлөөллийн байгууллага болсноор Монгол Улс дахь парламентат ёсны хөгжлийн төлөвшил дараагийн шатандаа орсон түүхтэй билээ.
Улсын Бага Хурал болон 7 удаагийн Улсын Их Хурал өнгөрсөн 26 жилд анхдугаар хуралдааныг 7, ээлжит чуулганыг 47, ээлжит бус чуулганыг 14, хүндэтгэлийн хуралдааныг 21 удаа хуралдуулж, бие даасан хууль 463, нэмэлт, өөрчлөлт оруулах тухай хууль 2486, олон улсын гэрээ соёрхон баталсан, нэгдэн орсон тухай хууль 416, хууль хүчингүй болсон тухай хууль 248, Улсын Бага Хурлын тогтоол 163, Улсын Их Хурлын тогтоол 2223, нийт 5999 хууль, тогтоол хэлэлцэн баталжээ.
Энэ хугацаанд Улсын Бага Хурал болон 7 удаагийн парламентад давхардсан бус тоогоор 367, давхардсан тоогоор 610 хүн гишүүнээр сонгогдон ажилласны дотор 8 удаа сонгогдсон 1 гишүүн, 7 удаа сонгогдсон 2 гишүүн байна. Мөн 2 гишүүн 6 удаа сонгогдсон бол 6 гишүүн 5 удаа, 16 гишүүн 4 удаа, 35 гишүүн 3 удаа, 71 гишүүн 2 удаа, харин 234 гишүүн анх удаагаа сонгогджээ.
Парламентын гадаад харилцаа ч жил ирэх тусам өргөжиж, өнгөрсөн хугацаанд 40 гаруй улсын парламенттай хамтран ажиллаж буйн зэрэгцээ Монгол Улсын Их Хурлын дарга тэргүүтэй төлөөлөгчид давхардсан тоогоор 69 улсад айлчилсан бол 78 улсын парламентын тэргүүнүүд Монгол Улсад айлчилжээ. Мөн дэлхийн олон орны парламентын төлөөлөгчдийн өргөн бүрэлдэхүүн оролцсон олон улсын томоохон чуулга, уулзалт, хуралдааныг эх орондоо удаа дараа амжилттай зохион байгуулж ирсэн байна.
Ийнхүү Монгол Улсад байнгын ажиллагаатай парламент байгуулагдаж ажилласан 26 жилийн хугацаанд Монгол Улсын Их Хурал нь ардчилсан сонгуулийн үндсэн дээр бүрдэж, байнгын ажиллагаатай, үйл ажиллагаа нь ил тод, нээлттэй явагддаг төрийн бодлогын үндсийг тодорхойлогч засаглалын гол институци болж бүрэлдэн төлөвшиж байна гэж УИХ-ын Тамгын газрын Хэвлэл мэдээлэл, олон нийттэй харилцах хэлтэс мэдээлэв.
-
2016 оны 9 сарын 13
Манай оронд 1990 онд явагдсан бүх ард түмний чөлөөт, ардчилсан сонгуулийн үр дүнд Монгол Улсад анх удаа парламентат ёсны төрийн эрх барих дээд байгууллага болох Улсын Бага Хурал байгуулагдаж, 1990 оны есдүгээр сарын 13-ны өдөр анхдугаар чуулганаа зарлан хуралдуулснаар Монгол Улсад байнгын ажиллагаатай парламент албан ёсоор үйл ажиллагаагаа эхлүүлсэн түүхтэй.
Өнөөдөр энэхүү түүхт өдрийн 26 жилийн ой тохиож байна. Энэхүү ойг тохиолдуулан ард түмнийхээ итгэлийг хүлээж төрийн эрх барих дээд байгууллагад сонгогдон ажиллаж байсан үе үеийн парламентын гишүүд болон Монголын нийт ард түмэндээ чин сэтгэлийн халуун мэндчилгээ дэвшүүлье.
1992 онд батлагдсан шинэ Үндсэн хуулиар Монголын ард түмэн төрийн үйл хэрэгт шууд оролцож, засгийн эрх мэдлийг итгэж сонгосон төлөөллийн байгууллагаараа дамжуулан хэрэгжүүлэх бүрэн эрхтэй болсон билээ. Энэхүү дээд эрх мэдлийг 1990-1992 онд Улсын Бага Хурал, 1992 оноос эдүгээ хүртэл Улсын Их Хурал амжилттай хэрэгжүүлж ирлээ.
Монгол Улс парламентын засаглалыг сонгож, олон намын төлөөллөөс бүрдсэн хууль тогтоох байгууллагын үндэс суурь тавигдсанаар ардчилал, шударга ёсыг бэхжүүлэх, иргэний эрх, эрх чөлөөг дээдлэн, ил тод, нээлттэй байдлыг ханган ажиллах түүхэн нөхцөл бүрдсэн юм. Монголын ард түмний сонголтоор байгуулагдсан үе үеийн Улсын Их Хурал эх орондоо хүмүүнлэг, иргэний ардчилсан нийгмийг цогцлоон хөгжүүлэх Үндсэн хуулийн эрхэм зорилгыг амжилттай хэрэгжүүлж, улс орны эдийн засаг-нийгмийн хөгжлийн зорилтуудыг тодорхойлох, парламентын залгамж чанарыг хадгалан ард иргэдийнхээ аж амьдралыг дээшлүүлэх, эх орныхоо хөгжил дэвшлийг түргэтгэхэд анхаарлаа хандуулан ажиллаж ирлээ.
2016 онд явагдсан УИХ-ын 7 дахь удаагийн сонгуулийн үр дүнд байгуулагдсан шинэ Улсын Их Хурал улс орны нийгэм-эдийн засгийн тулгамдсан асуудлуудыг шийдвэрлэж, эдийн засаг-санхүүгийн хямралт байдлыг богино хугацаанд хохирол багатайгаар даван туулах, цаашдын хөгжлийн зорилтуудыг хангахад үйл ажиллагаагаа чиглүүлэн ажиллаж байна.
Түүхэн энэ өдрийг дашрамдуулан Монгол Улсынхаа гэрэлт ирээдүйн төлөө хамтдаа хичээн зүтгэхийг нийт ард түмэндээ хандан уриалъя.
Монгол хүн бүрийг төрийн минь сүлд ивээх болтугай
МОНГОЛ УЛСЫН ИХ ХУРЛЫН ДАРГА МИЕЭГОМБЫН ЭНХБОЛД
Улаанбаатар хот
2016 оны 09 дүгээр сарын 13-ны өдөр
-
2016 оны 9 сарын 13
2016 оны УИХ-ын сонгуулийн өмнө МАН-ын дарга М.Энхболд, Нийслэлийн МАН-ын хорооны дарга Ц.Сандуй нарын төрийн албыг 60 тэрбумаар наймаалцах талаар ярьж буй бичлэг цацагдаж, олон нийтийн дургүйцлийг төрүүлсэн. Харин энэхүү бичлэгийн Нийслэлийн МАН-ын хорооны дарга Ц.Сандуй “Энэхүү бичлэг нь хоёр жил гаруйн өмнөх бичлэг бөгөөд хэн ямар шалтгаанаар хулгайлан олон нийтэд цацсаныг хууль хяналтын байгууллагаар шалгуулан тогтоолгоно” хэмээн мэдэгдэж, бичлэгийг эвлүүлэг биш гэдгийг хүлээн зөвшөөрч байв.
-
2016 оны 9 сарын 13
Албаныханы мэдээлж буйгаар Төрийн албаны зөвлөл ирэх пүрэв гаригт хуралдаж шалгалт өгсөн хүмүүсийн материалтай танилцах аж. Үүний дараа нэгдсэн дүнг Засгийн газарт хүргүүлэх юм байна. Харин эцсийн хариуг Засгийн газраас олон нийтэд мэдээлнэ.
-
2016 оны 9 сарын 12
Ж.Эрдэнэбат: Бизнес эрхлэгчид, Засгийн газрын эрх ашиг нэг шугамд байх ёстой
-
2016 оны 9 сарын 12
Монгол Улсын Ерөнхийлөгч Ц.Элбэгдорж Бүгд Найрамдах Куба Улсад албан ёсны айлчлал хийхээр болжээ.
-
2016 оны 9 сарын 12
Төрийн албаны зөвлөлөөс зарим яамдын төрийн нарийн бичгийн даргын албан тушаалд томилогдох ажилтнуудын дунд сонгон шалгаруулалт зарлаад буй. Уг сонгон шалгаруулалт өнөөдөр эхний байдлаар явагдах юм байна. Энэ талаар Төрийн албаны зөвлөлийн хэвлэлийн ажилтнаас тодруулахад, ”Өнөөдөр:
-Гадаад харилцааны яам,
-Хууль зүй, дотоод хэргийн яам,
-Хүнс, хөдөө аж ахуй, хөнгөн үйлдвэрийн яам,
-Хөдөлмөр, нийгмийн хамгааллын яам,
-Уул уурхай, хүнд үйлдвэрийн яам,
-Эрүүл мэндийн яамдын Төрийн нарийн бичгийн даргын албан тушаалд томилогдох ажилтны сонгон шалгаруулалт болно.
Сонгон шалгаруулалтын асуудлаар манай байгууллага тусгай комисс байгуулсан байгаа. Өглөө 09:30 цагаас сонгон шалгаруулалт явагдаж эхэлнэ. Хэвлэлүүдээр таван яамны ТНБД нар томилогдлоо гэсэн мэдээлэл явсан. Манайхаас яамдын ТНБД нарын сонгон шалгаруулалт зарлагдсаны дагуу анхны шалгаруулалт өнөөдөр явагдах гэж байна. Тиймээс томилогдсон гэгдээд байгаа ТНБД нарын мэдээлэл худлаа” гэсэн мэдээлэл өглөө. Тус байгууллагаас өгч буй мэдээллээр бол энэ сарын 27-ны өдөр нэр бүхий хоёр яамны ТНБД нарын сонгон шалгаруулалт болох аж. Төрийн албаны зөвлөлөөс нийтдээ найман яамдын ТНБД нарын сонгон шалгаруулалтыг олон нийтэд нээлттэй байдлаар зарласан юм байна.
-
2016 оны 9 сарын 12
УИХ-ын ээлжит бус чуулганыг өнгөрсөн баасан гаригт хаасан бол намрын чуулган ирэх аравдугаар сарын 1-нд нээлтээ хийх чигтэй байна. Хуулиараа жил бүрийн аравдугаар сарын 1-нд УИХ-ын намрын чуулганыг нээж, сар шинийн өмнөхөн чуулганыг хаадаг бол хаврын чуулганыг дөрөвдүгээр сарын 5-нд нээж, үндэсний их баяр наадмын өмнө завсарлуулж ирсэн билээ.
“Улсын Их Хурлын 2016 оны намрын ээлжит чуулганаар хэлэлцэх асуудлын тухай” Улсын Их Хурлын тогтоолын төсөлд хууль санаачлагчаас урьдчилан санал авахад Монгол Улсын Ерөнхийлөгчөөс 14, Засгийн газраас 54, Улсын Их Хурал дахь намын бүлэг, гишүүдээс 83, нийт 151 санал ирүүлжээ. Эдгээр төслийг бүгдийг нь Улсын Их Хурлын 2016 оны намрын ээлжит чуулганаар хэлэлцэж батлах боломжгүй учраас эхний ээлжинд хуулиар зайлшгүй хэлэлцэхээр заасан болон Засгийн газрын мөрийн хөтөлбөрийг хэрэгжүүлэх эрх зүйн орчинг боловсронгуй болгоход чиглэгдсэн, түүнчлэн өмнөх Улсын Их Хурлын үед батлагдсан зарим хуульд нэмэлт, өөрчлөлт оруулах тухай хуулийн төслүүдийг тогтоолын төсөлд нэр зааж тусгах зарчмыг баримтлан, хэлэлцэх асуудлын дарааллыг гаргах аж.
Мөн Улсын Их Хурлын 2016 оны намрын ээлжит чуулганаар хуулиар зайлшгүй хэлэлцэхээр тусгайлан заасан хууль тогтоомжийн төслүүдээс гадна Эрүүгийн хэрэг хянан шийдвэрлэх тухай, Хууль сахиулах ажиллагааны тухай, Прокурорын байгууллагын тухай, Шүүхийн шийдвэр гүйцэтгэх тухай, Гэр бүлийн хүчирхийлэлтэй тэмцэх тухай, Эрүүгийн хуульд нэмэлт, өөрчлөлт оруулах тухай, Зөрчлийн тухай хуульд нэмэлт, өөрчлөлт оруулах тухай, Монгол Улсын гадаад харилцааны тухай, Ач санах тухай зэрэг 19 хуулийн төслийг хэлэлцэхээр нэр зааж тусгасан байна.
-
2016 оны 9 сарын 12
Монгол Улсад хүүхдийн төрөлжсөн мэс заслын тусламж үүсч хөгжсөний 60 жилийн ойд зориулсан баярын хуралд оролцогчдод Монгол Улсын Ерөнхийлөгч Ц.Элбэгдорж мэндчилгээ дэвшүүллээ.
Мэндчилгээг Монгол Улсын Ерөнхийлөгчийн мэндчилгээг Ерөнхийлөгчийн Тамгын газрын дарга Ц.Баярсайхан уншиж сонордуулав.
Монгол Улсын Ерөнхийлөгч мэндчилгээндээ “Эрхэм хүндэт эмч, сувилагч нар аа,
Үе үеийн эмнэлгийн ажилтнууд аа,
Улсын сайн хүнээсээ, хүний сайн хүүхдээсээ байдаг. Улс орныхоо ирээдүй хойчийг эрүүл энх өсөж торниулах их үйлсэд хүчин зүтгэж, сахин хамгаалж ирсэн хүүхдийн төрөлжсөн мэс заслын тусламж үүсэж хөгжсөний 60 жилийн ойн баярын мэндчилгээ дэвшүүлье.
Эх, хүүхдийн өвчлөл эндэгдлийг бууруулж, Монгол Улсын хүн ам 3 саяд хүрч олуулаа болоход “Эх Хүүхдийн Эрүүл Мэндийн Үндэсний Төв”-ийн 90 гаруй жилийн, тэр дундаа та бүхний 60 жилийн хөдөлмөр зүтгэл үлэмж билээ. Тэртээ 1956 онд оюутан Ө.Балжирын анхны үзлэг, Ж.Цэрэндуламын мэс заслын тусламжаар эхэлсэн манай улсын хүүхдийн мэс заслын тусламж үйлчилгээ өдгөө Монгол Улсын орчин үеийн анагаахын нэг гол салбар төдийгүй эрдэм шинжилгээ, судалгаа, сургалт явуулж, хүүхдийн бүхий л төрөлжсөн чиглэлээр мэс заслын тусламж үйлчилгээ үзүүлэх чадавхитай болжээ.
Монголчууд бидний хэрэглэдэг жарны тооллоор яривал Монгол Улсын хүүхдийн төрөлжсөн мэс заслын тусламж үйлчилгээ нэгэн жарны замыг туулж, туршлага хуримтлуулаад, одоо дахин нэг шинэ жарны хөгжлийн тооллыг эхлүүлж байна.
Хүүхдийн мэс заслын салбарт шинэ техник технологи нэвтрэхийн сацуу өндөр ур чадвартай, мэргэшсэн эмч мэргэжилтнүүд хөдөө орон нутагт хүүхдийн мэс заслын тусламж үйлчилгээг үзүүлж, идэвх зүтгэл гарган ажиллаж байгаад талархах нь зүйтэй. Цаашид ч орон нутагт ажиллах хүүхдийн мэс заслын эмч нарыг бэлтгэх ажил чухал юм. 1990 онд 1000 амьд төрөлтөд ногдох нялхсын эндэгдлийн түвшин 63.4 байсан бол 2015 онд 15.3 болж 4.1 дахин, 5 хүртэлх насны хүүхдийн эндэгдэл 87.5 байсан бол 2015 онд 18.3 болж 4.78 дахин буурсан сайн үзүүлэлттэй гарсан байна.
Монгол Улс энэ салбарт цаашид ололт амжилт ба нэгэнт хүрсэн түвшнээ тогтвортой хадгалах, эрүүл мэндийн тусламж үйлчилгээний чанарын үзүүлэлтийг тасралтгүй сайжруулан, өндөр хөгжилтэй орны түвшинд хүргэх асар их боломж байгаа билээ.
Хүүхдийн мэс заслын салбарт ажиллаж, үнэтэй хувь нэмрээ оруулж ирсэн үе үеийн ажилтнууд, нийт эмч, сувилагч, асрагч та бүхэнд 60 жилийн тань ойн энэ өдөр ажил үйлс, хөдөлмөр бүтээлийн өндөр амжилт, эрүүл энх, сайн сайхан бүхнийг хүсэхийн ялдамд ирэх шинэ жарны их үйлс, хөгжил дэвшилд нь өөдрөг амжилтыг ерөөе.
Монголын үрс маш олон болох болтугай” гэжээ.
-
2016 оны 9 сарын 12
Нийслэлийн засаг дарга асан Э.Бат-Үүл мэдээлэл хийлээ. Түүнийг ТЕГ-аас /Тагнуулын Ерөнхий газар/ С.Зоригийн аллагын хэрэгт холбогдуулан сэжигтнээр татан байцаасан байна.
Энэ талаар С.Бат-Үүл ярихдаа “2000 онд хуулийн наад захын шаардлага, заалтуудыг зөрчин гэм хийгээгүй байхад “Ганц худаг”-т хорьж байсан. Тухайн үед намайг баривчлах гэж буй талаар мэдээгүй байсан учир олон түмэндээ үгээ хэлж чадалгүй хоригдож байсан. Дахин ийм үйл явдал гарч болзошгүй байгаа учир та бүхэнд хандан болж буй үйл явдлын талаар мэдээлэх гэсэн юм. 1998 оны намар С.Зоригийн амь насыг зэрлэг, балмадаар хөнөөсөн. Хэрэг гарсан орой намайг гэртээ байхад Нийслэлийн цагдаагийн дарга дарга н.Ганболд “Хамгаалалтад авч байна” гэж худал хэлээд хэргийн газар дээр дагуулж очсон. Намайг очиход олон хүн бужигнаж байсан. Хэргийн газрыг хамгаалалтад авалгүй олон хүнийг бужигнуулсан байсан нь үнэхээр гайхмаар санагдсан. Тухайн үед хэргийн газарт очоод бусадтай адилхан цочирдсон. Тэгээд Ц.Элбэгдоржийг ирэнгүүт хамт байж байгаад цуг явсан. Гарахдаа цагаан цэнхэр малгайгаа мартсан байв. Хэрэг болсны дараа надаас гэрчийн мэдүүлэг авсан. Намайг малгайгаа мартсан гэдгийг цагдаагийн байгууллагаас тогтоосон. Тухайн үед мөрдөн байцаагч н.Цогтбаяр надад малгайг маань буцааж өгч байсан. Үүнээс хойш надаас ямар нэгэн мэдүүлэг, байцаалт аваагүй. Гэтэл 2000 оны УИХ-ын сонгуулийн өмнө дөрөвдүгээр сарын үед мөрдөн байцаагч н.Цогтбаяр дахин дуудаад “Хэргийн газарт орхисон малгай чинь байна уу. Таньд байгаа бол аваад хүрээд ир” гэсэн. Малгай маань байсан. Тэгсэн миний малгайг авангуутаа “Энэ малгай хэргийн газраас олдсон учраас сэжигтнээр татаж байна” гэсэн. Тэгээд намайг сэжигтнээр татсан. Уг аргаар улс төрийн маш том компанид ажлыг явуулсан. Тухайн үед намайг яаж гүжирдаж, доромжилж байсныг та бүхэн мэднэ. “Ардчилсан хувьсгалын удирдагчийг хэн хөнөөсөн бэ” гэсэн номыг бичин гаргаж миний нэр дэвшсэн тойрогт тараасан. Уг номонд намайг аймшигтайгаар гүжирдсэн байдаг. Энэ номыг Дожоодорж гэдэг хүн бичсэн. Дожоодорж С.Зоригийг Засгийн газрын ордны цонхоор шээсэн гэсэн шуугианыг зохион байгуулж байсан хүн. Мөн “Өнөрмаагийн хэрэг”, “Алтан цөгцны хэрэг” зэргээр шуугиулж байсан. Уг хэрэгт намайг холбогдуулан 2000 оны сонгуульд ингэж ашигласан байдаг. Уг сонгуулиар МАН үнэмлэхүй ялалт байгуулж байв. Уг хэргийг гарсаны дараа “Хэргийг улс төржүүлж болохгүй. Ул мөр нь бүдгэрэх аюултай. Бие, биенээ уг хэргээр гүжирдэж болохгүй” гэж би сануулж, захиж байсан”. Хэрвээ би ийм арга хэмжээ авч, ярьж хэлж ирээгүй бол тухайн үед улс орон маань хүчирхийлэл рүү хальтрах байсан гэж боддог. Гэтэл 2000 онд намайг “Хүн зодсон” гэж гүтгээд шоронд хорьсон. Би хэнд ч гар хүрээгүй байсан. Түүнийг нь прокурор хүчингүй болгож байлаа. Мөн С.Зоригийн хэрэгт холбогдолтой гэснийг прокурор үндэслэлгүй болгож байсан юм” гэв..
Тэрбээр мөн “С.Зоригийн хэрэг дээр гадны улсуудаас мэргэжлийн өндөр түвшний мөрдөгч нар авчирч ажиллуулъя. Олон улсын байгууллагын дэмжлэг авъя” гэж хүртэл Ц.Элбэгдорж, С.Оюун нарт хэлж байлаа. 2000 онд намайг баривчилж сулласнаас хойш ганц ч удаа дахин байцаагаагүй. Гэтэл саяын сонгуулийн өмнө дахин намайг уг хэргээр гүжирдсэнийг та бүхэн мэднэ” гэв.
Өнгөрсөн сарын 11-ны өдөр АН-ын дарга асан З.Энхболд, Э.Бат-Үүл нар мэдээлэл хйиж “МАН-ынхан эдийн засгийн нөхцөл байдлын талаар худал мэдээлэл явуулж Монгол улсын нэр хүндийг унагалаа” гэж мэдэгдсэн. Үүний дараахан ТЕГ-аас Э.Бат-Үүлд мэдэгдэх хуудсыг өгсөн байна. ТЕГ-аас дуудсаны дагуу очиход дахин С.Зоригийн хэрэгт сэжигтнээр татах тогтоол гаргажээ.
ЕРӨНХИЙЛӨГЧИЙН СОНГУУЛЬТАЙ ХОЛБОГДУУЛАН ШАЛГАЖ БАЙЖ МЭДНЭ
Тэрбээр энэ талаар үргэлжлүүлэн ярихдаа “Нэг хэрэгт хоёр сэжигтний тогтоол гаргасан байна. Ийм зүйл хаана ч байхгүй. Хуулинд байхгүй жишиг тогтоосон. 16 жилийн өмнө сэжигтнээр татсан тогтоолыг нэг мөрдөн байцаагч нууцын зэрэглэлд оруулчихсан байна. Зүгээр нэг мөрдөн байцаагч нууцын зэрэглэлийг тогтоодоггүй. Тиймээс би сэжигтний тогтоолыг нь зөвшөөрөөгүй. Хууль зөрчсөн тогтоолын дагуу яллагдагчаар татсан. Би мэдүүлэг өгөхгүй байх эрхтэй. Хууль бусаар яллагдагчаар татсан учраас би эрхээ эдэлж мэдүүлэг өгөөгүй. Би яллагдагчаар татсаныг хүлээн зөвшөөрөхгүй. Би хуулийн дагуу хаана ч очиж мэдүүлэг өгнө. Эрүүгийн хууль, эрүүгийн байцаан шалгах хуулийнхаа дагуу сэжигтнээр татаж болно. Яллагдагчаар татаж, хорьж болно. Гэхдээ хууль бусаар ажиллаж болохгүй. Хуулийн дагуу л яв. Хууль бус болохоороо л өөр зорилготойгоор шалгаж байгаа нь тодорхой байна. Ерөнхийлөгчийн сонгуультай холбогдуулж ингэж шалгаж байж магадгүй. Яллагдагчаар татсаны дараа хэрэгт холбогдолтой нотлох баримтуудыг олохоор ажиллаж байна. Нотлох баримтаа хангалттай олсоны дараа яллагдагчаар татдаг биз дээ” гэлээ.
Үүний дараа сэтгүүлчдийн сонирхсон асуултад хариуллаа.
- Та Ерөнхийлөгчийн сонгуульд нэр дэвших гэж байгаа юм уу?
- Ерөнхийлөгчийн сонгуульд өрсөлдөх саналыг намын гишүүд болон олон нийтийн зүгээс надад тавьдаг.
- Таныг намын даргад нэрээ дэвшүүлэх гэж байгаа гэх мэдээлэл байсан. Энэ үнэн үү?
- Хэрвээ үүнийг намайг хий гэвэл би хийнэ. Би хэзээ ч албан тушаалын төлөө явж байгаагүй.
Т.Энхэлээ
-
2016 оны 9 сарын 12
Нийслэлийн Ардчилсан намын дарга Э.Бат-Үүл маргааш 11.00 цагт сэтгүүлчдэд мэдээлэл хийхээр болжээ. Энэ үеэрээ мэдэгдэл хийх аж. Түүний энэхүү мэдэгдэл нь ирэх аравдугаар сард болох орон нутгийн сонгууль, мөн энэ сарын 16-нд хуралдах Ардчилсан намын Үндэсний зөвлөлдөх хорооны хуралтай холбогдож магадгүй бололтой. Хэвлэлийн бага хурал Нийслэлийн Ардчилсан намын байранд болно.
Нийслэлийн Ардчилсан намын дарга Э.Бат-Үүлийн хувьд 2016 оны Нийслэлийн Иргэдийн Төлөөлөгчдийн хурлын тэргүүлэгчдийг сонгох сонгуульд ялагдал хүлээсний хариуцлагыг хүлээж, ажлаа хүлээлгэн өгөхөө мэдэгдсэн ч гишүүдийнх нь хувьд орон нутгийн сонгуульд багаа удирдаж ажиллах ёстой гэсэн байр суурь барьж буй. Тиймээс хийх мэдэгдэл нь анхаарал татаж байгаа юм.
2016 оны УИХ-ын сонгуульд Ардчилсан нам ялагдал хүлээсний дараа намын дарга З.Энхболд хариуцлага хүлээн чөлөөлөгдсөн. Ингэхдээ Ардчилсан намын шинэ дарга сонгогдох хүртэл УИХ-ын гишүүн Д.Эрдэнэбатыг намын даргын үүргийг түр орлон гүйцэтгэж байх шийдвэрийг Гүйцэтгэл зөвлөлөөс гаргаж, өнгөрсөн долдугаар сард хуралдсан Үндэсний зөвлөлдөх хорооны хуралдаанаас намын даргын асуудлыг шийдэн, орон нутгийн сонгуульд амжилттай оролцох бэлтгэл хангах ёстой гэсэн байр суурьтай гишүүд олон байсан ч эл асуудлыг шийдэл чадалгүйгээр уг хуралдаан завсарласан юм.
-
2016 оны 9 сарын 10
1996 оноос эхлэн жил бүрийн есдүгээр сарын 10-нд Улс төрийн хилс хэрэгт хэлмэгдэгсдийн дурсгалыг хүндэтгэх өдрийг тэмдэглэж ирсэн билээ. Энэ өдрийг тохиолдуулан өнөөдөр Монгол Улсын Ерөнхийлөгч Ц.Элбэгдорж, УИХ-ын дарга М.Энхболд, Ерөнхий сайд Ж.Эрдэнэбат нар болон УИХ, Засгийн газрын гишүүдийн төлөөлөл, яам, агентлаг, зэвсэгт хүчин, төр, олон нийтийн байгууллагын төлөөлөгчид, хэлмэгдэсдийн үр хүүхэд, ах дүүс, төрөл төрөгсөд Хэлмэгдэгсдийн дурсгалын хөшөөнд цэцэг өргөж хүндэтгэл үзүүллээ.
Хөшөөнд цэцэг өргөх үеэр хүндэт харуул жагсч, үлээвэр хөгжимд гашуудлын ая эгшиглүүлэв. Цэцэг өргөсний дараа Монгол Улсын Төрийн дуулал эгшиглүүллээ.
-
2016 оны 9 сарын 09
УИХ-ын чуулганы нэгдсэн хуралдаанаар Гэр бүлийн хүчирхийлэлтэй тэмцэх тухай хуулийн төслийг хэлэлцэхэд гишүүдийн 82.1 хувь нь “Хуулийн төслийг хэлэлцэх нь зүйтэй” хэмээн үзэж, анхны хэлэлцүүлэгт бэлтгүүлэхээр УИХ-ын Хууль зүйн байнгын хороонд шилжүүллээ.
Уг төсөлд хохирогчийн аюулгүй байдлыг нэн тэргүүнд хамгаалах, хүчирхийлэл дахин давтагдахаас урьдчилан сэргийлэх, салбар хоорондын хамтын ажиллагаанд тулгуурлах зарчим барьсан байна. Тухайлбал, гэр бүлийн хүчирхийлэлд өртөж буй иргэний талаар хөрш нь мэдчихээд цагдаагийн байгууллагад мэдээлэл өгөөгүй бол эргээд хариуцлагад татагдах. Гэр бүлээ хүчирхийлэн зодвол 1-3 сар хүртэл хугацаагаар баривчлах, тарчлаавал 3-6 сар хүртэл хугацаагаар эсвэл 2 жил хүртэл хугацаагаар хорих зэрэг хариуцлага тооцох заалт тусгасан байна.
-
2016 оны 9 сарын 09
УИХ-ын чуулганы нэгдсэн хуралдаанаар Монгол Улсын 2015 оны нэгдсэн төсвийн гүйцэтгэлийн эцсийн хэлэлцүүлгийг хийж, баталлаа. Мөн хуралдаанаар Монгол Улсын 2016 оны төсвийн тухай хуульд нэмэлт өөрчлөлт оруулах тухай, Хүний хөгжил сангийн 2016 оны төсвийн тухай хуульд өөрчлөлт оруулах тухай, Нийгмийн даатгалын сангийн 2016 оны төсвийн тухай хуульд өөрчлөлт оруулах тухай хуулийн төслүүдийн гурав дахь хэлэлцүүлгийг хийж байна.
УИХ-ын Төсвийн байнгын хорооны дарга Ч.Хүрэлбаатарын танилцуулснаар төрийн өмчийн 95 цэцэрлэгт шаардагдаж байсан 1.4 тэрбумын, оюутны тэтгэлгийг энэ оныг дуустал олгоход шаардагдах 20.5 тэрбумыг тус бүр нэмж олгохоор болж, 2016 оны төсвийн тодотголд тусгасан байна.
Мөн төрийн албан хаагчдыг тэтгэвэртээ гарахад нь олгодог 36 сарын нэг удаагийн тэтгэмжийг 1-12 сараар олгохоор Засгийн газраас оруулж ирсэн санал хэвээр батлагдахаар болж буйг онцолсон юм.
Харин УИХ-ын Нийгмийн бодлого, боловсрол, соёл, шинжлэх ухааны байнгын хорооны дарга Л.Энх-Амгалан “Төсвийн тодотголыг байнгын хороогоор хэлэлцэх үед эмч, багш нарын тэтгэвэртээ гарахад авдаг нэг цагдаагийн тэтгэмжийн асуудлыг хэлэлцсэн, зөв шийдлийг нь олох ёстой гэж үзсэн” гэдгийг сануулав. Улмаар энэ асуудлыг УИХ-ын дэд дарга Ц.Нямдорж тэргүүтэй УИХ-ын гишүүд протоколуудыг нягтлахаар боллоо. Одоо Засгийн газрын 2016-2020 оны үйл ажиллагааны мөрийн хөтөлбөрийн эцсийн хэлэлцүүлгийг хийж байна.
