-
2016 оны 7 сарын 14
Монгол Улсын Их Хурлын дарга Миеэгомбын Энхболдод өнөөдөр /2016.07.14/ Бүгд Найрамдах Сингапур Улсын Ерөнхий сайд Ли Хсиен Лүүн тэргүүтэй төлөөлөгчид бараалхав.
Уулзалтын эхэнд Бүгд Найрамдах Сингапур Улсын Ерөнхий сайд Ли Хсиен Лүүн, Улсын Их Хурлын дарга М.Энхболдыг цаг зав гарган хүлээн авч уулзсанд талархал илэрхийлээд өмнө нь Монгол Улсын Ерөнхийлөгч, Монгол Улсын Ерөнхий сайд нарт бараалахсан болохыг дуулгав. Тэрээр, Монгол Улсад айлчилж байгаадаа баяртай буйгаа илэрхийлэхийн сацуу энэ удаагийн айлчлал нь хоёр орны харилцаа, хамтын ажиллагааг өргөжүүлэх талаар яриа хэлэлцээр амжилттай болно гэдэгт итгэж байна гэв.
Улсын Их Хурлын дарга М.Энхболд хэлэхдээ, “Бүгд Найрамдах Сингапур Улсын Ерөнхий сайд тантай анх удаа уулзаж, танилцаж буйд баяртай байна. Таны Монгол Улсад хийж буй айлчлал мөн АСЕМ-ын Дээд хэмжээний уулзалтад оролцож буй энэхүү арга хэмжээ бол Монгол, Сингапур хоёр орны харилцаа, хамтын ажиллагааны түүхэнд чухал үүрэг гүйцэтгэнэ гэдэгт эргэлзэхгүй байна. Сингапур Улс бол АСЕМ-ын үйл ажиллагаанд идэвхтэй байр суурь эзэлдэг улс орон юм. Монгол Улс Бүгд Найрамдах Сингапур Улстай харилцан ашигтай, хоёр талын ашиг сонирхолд нийцсэн, тогтвортой худалдаа, эдийн засгийн хамтын ажиллагааг хөгжүүлэхийг эрмэлзэж байгаа. Энэ хүрээнд эрдэс баялаг, эрчим хүч, уул уурхайтай холбоотой дэд бүтэц, боловсрол, мэдээллийн технологи, банк санхүү зэрэг үйлчилгээний салбарт хөрөнгө оруулалт хийж, хамтран ажиллах нөөц, боломж их байна. Монгол Улсад улс төрийн сонгууль болж, Монгол Ардын Нам олонхийн суудал авсан энэ үед засгийн эрх нэг намаас нөгөө намд шилжиж байгаа хэдий ч бид гадаад харилцааны бодлогын залгамж чанар мөн хоёр орны найрсаг харилцааг цаашид бэхжүүлэхэд монголын төр, засаг тууштай анхаарч ажиллах болно” гэлээ.
Бүгд Найрамдах Сингапур Улсын Ерөнхий сайд Ли Хсиен Лүүн, “Баяралалаа, Эрхэм Улсын Их Хурлын дарга аа. Таны хэлсэнчилэн манай хоёр улсын харилцаанд хөгжүүлэх олон салбарт боломж бий гэдэгт найдаж байна. Монгол Улсын Ерөнхий сайдтай уулзах үеэр эрчим хүчний салбарт хамтарч ажиллах мөн Сингапур Улсын иргэд Монгол Улсад 30 хоног хүртэлх хугацаанд визгүй зорчих талаар ярилцлаа. Ойрын хугацаанд шийдэгдэх байх найдаж байна. Түүнчлэн манай бүрэлдэхүүнд бизнесийн төлөөлөгчид багтсан байгаа, цаашид бизнесийн хүрээнд ямар боломж бий хэрхэн хамтран ажиллах талаар судлах юм” гэв.
Улсын Их Хулын дарга М.Энхболд, Монгол Улс Сингапур Улстай уул уурхай салбарт хамтран ажиллахад бэлэн байгаа төдийгүй аялал жуулчлал, боловсрол зэрэг бусад салбарт хамтран ажиллах боломж байгаа гэлээ хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 7 сарын 14
Бүгд Найрамдах Сингапур Улсын Ерөнхий сайд Ли Хсиен Лүүн айлчилж байна
-
2016 оны 7 сарын 14
БНХАУ-ын буцалтгүй тусламжаар “Хөгжлийн бэрхшээлтэй хүүхдийн хөгжлийн төв” баригдана
-
2016 оны 7 сарын 14
Монгол Улсын Ерөнхийлөгчид Сингапурын Ерөнхий сайд Ли Хсиен Лүүн бараалхав
-
2016 оны 7 сарын 14
Баримт бичгүүдэд гарын үсэг зурах ёслол боллоо
-
2016 оны 7 сарын 14
Ерөнхий сайд Ж.Эрдэнэбат БНХАУ-ын Төрийн зөвлөлийн Ерөнхий сайд Ли Көцян нар албан ёсны хэлэлцээ хийлээ
-
2016 оны 7 сарын 14
Монгол Улсын Их Хурлын дарга Миеэгомбын Энхболдод өнөөдөр /2016.07.14/ БНХАУ-ын Төрийн Зөвлөлийн Ерөнхий сайд эрхэмсэг ноён Ли Көцян тэргүүтэй төлөөлөгчид бараалхлаа.
Уулзалтын эхэнд Улсын Их Хурлын дарга М.Энхболд БНХАУ-ын Төрийн Зөвлөлийн Ерөнхий сайд эрхэмсэг ноён Ли Көцян тантай Улаанбаатар хотноо уулзаж байгаад баяртай. Өмнө нь тантай Төрийн Зөвлөлийн Шадар сайдаар ажиллаж байх үед Зүүн Хойд Азийн экспо арга хэмжээнд уулзаж, хоёр орны харилцаа, хамтын ажиллагааны талаар ярилцаж байсан хэмээн дурдав.
Мөн тэрээр, БНХАУ-ын Төрийн Зөвлөлийн Ерөнхий сайд Ли Көцяны энэ удаагийн айлчлал, Ази-Европын дээд хэмжээний уулзалтад оролцож буй явдал манай хоёр улсын иж бүрэн стратегийн түншлэлийн харилцааг гүнзгийрүүлэн хөгжүүлж, бодит хамтын ажиллагааг урагшлуулахад чухал ач холбогдолтой болохыг онцлон тэмдэглэв. Хоёр улсын Ерөнхий сайд нарын уулзалт амжилттай болсонд баяртай байна. Улсын Их Хурлын зүгээс энэхүү уулзалт хэлэлцээрийг ажил хэрэг болгоход бүхий л талаараа дэмжин ажиллах болно гэдгээ илэрхийлэв.
Өнгөрөгч 6 дугаар сарын сүүлээр Монгол Улсын Их Хурлын болон аймаг, нийслэлийн иргэдийн төлөөлөгчдийн хурлын сонгууль болж, Монгол Ардын нам олонхийн суудал авч, Засгийн газраа байгуулахаар болсон. Монгол Улс нь өнгөрсөн 25 жилийн хугацаанд нээлттэй, олон тулгуурт гадаад бодлого хэрэгжүүлж ирсэн бөгөөд энэхүү уламжлалт бодлогоо үргэлжлүүлж, Улсын Их Хурлын зүгээс дотоодын эрх зүйгээ баталгаажуулах, гадаад бодлогын үйл ажиллагааны нэгдмэл байдлыг хангахад анхаарч ажиллах болно гэв.
БНХАУ-ын Төрийн Зөвлөлийн Ерөнхий сайд Ли Көцян Улсын Их Хурлын дарга М.Энхболдтой дахин уулзаж байгаад баяртай буйгаа илэрхийлээд БНХАУ-ын дарга Си Зиньпин, БНХАУ-ын Бүх Хятадын Ардын Төлөөлөгчдийн Их Хурлын Байнгын хорооны дарга Жан Дөзян нарын халуун мэндчилгээг уламжлав.
Тэрээр, Монгол Улсын Ерөнхий сайдтай хийсэн яриа хэлэлцээрийг үр дүнтэй болгоход парламентын зүгээс анхаарна гэдэгт итгэж байна. Хоёр талын улс төрийн харилцааг хөгжүүлэх, өндөр дээд хэмжээний айлчлалын давтамжийг нэмэгдүүлэх талаар ярилцсаны зэрэгцээ хоёр салбарын хамтын ажиллагааг өргөжүүлэх тал дээр түлхүү ярилцлаа. Үүнд, нэгдүгээрт, Мал аж ахуйн салбарын хамтын ажиллагааг өргөжүүлэх талаар санал солилцсон. Манай улсад үхэр, хонины махны хэрэглээ өндөр байдаг. Монгол Улсаас түүхий эд, мах импортлох сонирхолтой байна. Гэхдээ хорио цээрийн дэглэмийн асуудал байдаг учраас Монгол Улсад үйлдвэр байгуулах, эрчимжсэн мал аж ахуйн ферм байгуулвал уг асуудлыг шийдвэрлэх боломжтой гэж үзэж байна. Ингэснээр Монгол Улс ажлын байрыг нэмэгдүүлэх, нэмүү өртөг шингэсэн бүтээгдэхүүн экспортлох боломжтой болно. Үйлдвэр байгуулахад техник, эдийн засгийн дэмжлэг үзүүлэхэд бэлэн байна. Хоёрдугаарт, барилгын салбарт хамтын ажиллагаагаа хөгжүүлж, гэр хорооллыг барилгажуулах асуудалд бүхий л талын дэмжлэг үзүүлэх боломжтой. Энэ хоёр салбарын хамтын ажиллагааг хөгжүүлэхэд Улсын Их Хурлын зүгээс анхаарал тавьж ажиллана гэдэгт итгэлтэй байна гэв.
Улсын Их Хулын дарга М.Энхболд мал аж ахуй, барилгын салбарын хамтын ажиллагааг бүрэн дэмжиж ажиллахаа илэрхийлээд Улаанбаатар хотын агаарын бохирдлыг бууруулахад БНХАУ-ын туршлагыг судлаж, хамтран ажиллах сонирхолтой буйгаа тэмдэглэв. Мөн Монгол, Хятадын худалдаа, эдийн засгийн хамтын ажиллагаа нь иж бүрэн түншлэлийн харилцааны гол тулгуур. 2020 онд хоёр талын худалдааны хэмжээг 10 тэрбум ам.долларт хүргэх зорилтыг хангахын төлөө ажиллана. Монгол Улс далайд гарцгүй. Иймд Хятадын нутаг дэвсгэрээр дамжин өнгөрөх, далайд гарахад хөнгөлөлт үзүүлэх, хөдөө аж ахуй, уул уурхайн бараа бүтээгдэхүүнийг Хятадын зах зээлд нэвтрүүлэх, хөрөнгө оруулат, дэд бүтэц, эрчим хүчний томоохон төслүүдийн хэрэгжилтийг эрчимжүүлэх зэрэг асуудлын талаар санал солилцлоо гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 7 сарын 14
Д.Эрдэнэбат: Монгол Улс шиг хөгжиж буй орнуудын дуу хоолой болж, бүтээгч эдийн засаг руу шилжиж байна
-
2016 оны 7 сарын 14
Ерөнхийлөгч Ц.Элбэгдоржид Эстонийн Ерөнхий сайд Тави Рүйвас бараалхлаа
-
2016 оны 7 сарын 14
БНХАУ-ын Ерөнхий сайд Ли Көцян Монгол Улсад айлчилж байна
-
2016 оны 7 сарын 14
Монгол Улсын Ерөнхийлөгч Ц.Элбэгдоржид БНСВУ-ын Ерөнхий сайд Нгуен Суан Фук бараалхав
-
2016 оны 7 сарын 14
ЯПОН УЛСЫН ЕРӨНХИЙ САЙД Ш.АБЭ МОНГОЛ УЛСАД АЛБАН ЁСНЫ АЙЛЧЛАЛ ХИЙНЭ
-
2016 оны 7 сарын 14
Ли Көцян
-
2016 оны 7 сарын 13
Монгол Улсын Ерөнхийлөгч Ц.Элбэгдоржийн урилгаар БНСУ-ын Ерөнхийлөгч Пак Гын Хэ 2016 оны долоодугаар сарын 17-18-ны өдрүүдэд Монгол Улсад албан ёсны айлчлал хийнэ.
БНСУ-ын Ерөнхийлөгч Пак Гын Хэ-гийн албан ёсны айлчлал хоёр орны “Иж бүрэн түншлэл”-ийн харилцааг гүнзгийрүүлэн хөгжүүлэх, дээд, өндөр түвшний харилцан айлчлалын давтамжийг хадгалах, ялангуяа эдийн засгийн хамтын ажиллагааг эрчимжүүлэх, иргэд харилцан солилцоог нэмэгдүүлэхэд чухал ач холбогдолтой юм.
Талууд эдийн засаг, худалдаа, мэдээллийн технологи, эрчим хүч, соёл, боловсрол, эрүүл мэнд, хөгжлийн хамтын ажиллагааны салбарт хамтран ажиллах талаар болон бүс нутаг, олон улсын харилцан сонирхсон асуудлаар санал солилцоно.
Айлчлалын үеэр Ерөнхийлөгч Ц.Элбэгдорж Ерөнхийлөгч Пак Гын Хэ-тэй албан ёсны хэлэлцээ хийж, Ерөнхий сайд, УИХ-ын дарга нартай уулзана.
Мөн Ерөнхийлөгч Пак Гын Хэ Монгол-Солонгосын бизнес форумд оролцож, манай улсад амьдарч ажиллаж буй солонгос иргэдийн төлөөлөлтэй уулзахаар төлөвлөж байна.
Ерөнхийлөгч Пак Гын Хэ албан ёсны айлчлалын өмнө АСЕМ-ын дээд түвшний 11 дэх удаагийн уулзалтад оролцоно.
БНСУ-ын Засгийн газар АСЕМ-ын дээд түвшний уулзалтын арга хэмжээг амжилттай зохион байгуулахад тодорхой дэмжлэг үзүүлсэн болно.
Эх сурвалж: ГХЯ
-
2016 оны 7 сарын 13
уул уурхайн томоохон ордыг түшиглэн Зүүн өмнөд Ази, БНХАУ, ОХУ
-
2016 оны 7 сарын 13
үгд найрамдах Сингапур улсын Ерөнхий сайд Ли Хсиен Лүүн
-
2016 оны 7 сарын 13
Ли Көцян
-
2016 оны 7 сарын 13
МОНГОЛ УЛСЫН ЕРӨНХИЙЛӨГЧ ЦАХИАГИЙН ЭЛБЭГДОРЖИЙН ҮНДЭСНИЙ ИХ БАЯР НААДМЫГ ХААЖ ХЭЛСЭН ҮГ
Administrator 2016-07-13 00:23:00
Улаанбаатар хот Төв цэнгэлдэх
Эрхэм хүндэт наадамчид аа,
Хүндэт зочид оо,
Эртний түүхтэй Монгол төрийн их баяр наадам маань ёслол төгөлдөр сайхан болж, бахархлыг бадраан, золбоо хийморийг өргөлөө. Эр бяр тэгширсэн хүчтэн, ур ухаан бүрдсэн харваач, эрдэм билгүүн жагссан олон уяач шинээр тодрон гарлаа. Цэнгэл баярын тэргүүнд заларсан Та бүхэндээ баяр хүргэж, сайн бүхнийг хүсэн ерөөе.
Монгол наадам - Монгол үндэстний агуу их түүхийг сануулж, тусгаар тогтнол, эрх чөлөөгөө эрхэмлэн дээдэлж, улам ихийг хийж бүтээх урам зоригийг хайрлалаа. Монгол наадмаас монгол соёл хичнээн утга төгөлдөр, агуулга гүнзгий вэ гэдгийг баясан харлаа. Эрдэм ухаан, эв нэгдэл, эр чадлын чуулган болсон Монгол наадам - Монгол соёлыг бүтээсэн үндэстэн агуу түүхтэй шигээ агуу ирээдүйтэй билээ.
Ирээдүйн сайн сайхныг цогцлоохын төлөө шударга ёс, эвийн хүчийг эрхэмлэн, эрх чөлөө, үүрэг хариуцлагыг ухамсарлаж дор бүрнээ хичээн зүтгэцгээе.
Монгол түмний түүх соёл, цэнгэл жаргалын манлай үндэсний их баяр наадам маань үеийн үед улам өргөн дэлгэр болж байхын өлзийтэй ерөөл өргөн энэ жилийн наадам өндөрлөж байгааг уламжилъя.
Төр улс минь түвшин гэгээн, түмэн олон минь амгалан жаргалтай байг ээ.
2016 оны 7 дугаар сарын 12
-
2016 оны 7 сарын 13
зи-Европын бизнесийн 15 дугаар чуулга уулзалт өнөөдөр 13.00 цагаас Төрийн ордоны их танхимд нээлтээ хийлээ. Ерөнхий сайд Ж.Эрдэнэбат уулзалтыг нээж хэлсэн үгэндээ АСЕМ-ын 20 жилийн ойн босгон дээр гадаадын болон дотоодын томоохон хөрөнгө оруулагчид, хувийн хэвшлийн манлайлагч нартай уулзаж байгаагаа баяртай байгаагаа илэрхийлээд дээд хэмжээний уулзалтын хүрээнд 9 дагалдах уулзалтыг Монгол Улс зохион байгуулаад байгаагаа мэдэгдэв.
-
2016 оны 7 сарын 13
Мөн БНСВУ-ын Ерөнхий сайд Нгуен Суан Фук АСЕМ-ын Дээд түвшний 11 дэх удаагийн уулзалтад оролцож, Монгол-Вьетнамын бизнес форумд оролцохоор төлөвлөж байна.
