-
2016 оны 4 сарын 22
Ардчилсан намын Үндэсний зөвлөлдөх хороо маргааш буюу Бямба гаригт хуралдахаар товлосон ч тодорхойгүй шалтгааны улмаас хойшлогджээ. Дөрөвдүгээр сарын 18-нд тус намын ҮЗХ хуралдаж, сонгуулийн мөрийн хөтөлбөрөө баталсан юм. Уг хороогоор Ардчилсан намын ҮЗХ-ын гишүүдийг нөхөн томилох, мөн Ерөнхий нарийн бичгийн даргын үүрэг гүйцэтгэгч Л.Эрхэмбаярыг жинхлэх асуудлыг хэлэлцэнэ гэсэн мэдээлэл байсан юм.
-
2016 оны 4 сарын 22
Улаанбаатар хотноо өнөөдөр ажлаа эхэлж буй Ази-Европын парламентын түншлэл /АСЕП/-ийн 9 дүгээр уулзалтын нээлтэд Монгол Улсын Ерөнхийлөгч Ц.Элбэгдорж оролцож үг хэллээ.
Хоёр тивийн хооронд ийм өргөн хэлэлцүүлэг явж байгаа нь маш их чухал зүйл
Тэрээр хэлсэн үгэндээ “Та бүхний энэ өдрийн түмэн амгаланг айлтгая. Монгол Улсын Их Хурлын эрхэм дарга, энд хүрэлцэн ирсэн парламентын дарга нар, парламентын гишүүд, эрхэмсэг хатагтай, ноёд оо,
Аливаа парламентын төлөөллийн хурал гэдэг бол маш чухал хурал байдаг. Парламентын гишүүд бол маш их чухал үүргийг, нэр хүндтэй, хариуцлагатай албыг авч явдаг хүмүүс юм. Ази-Европын парламентыг төлөөлсөн нэр хүндтэй, хариуцлагатай элч төлөөлөгчид манай оронд айлчлан ирсэнд бид туйлын их баяртай байна. Өөрийн ард түмнээ төлөөлж Монгол Улсад хүрэлцэн ирж, энэ чухал асуудлыг хэлэлцэхээр ирсэн та бүхэнд туйлын их баярлаж байна. Та бүхний ажил үйлсэд амжилт хүсч, хамгийн сайн сайхныг хүсэн ерөөе. /Алга ташив/
Монголчууд “Хавар цаг бол шинэ цагийн эхлэл юм” гэж ярьдаг. Энэ удаагийн Ази-Европын парламентын түншлэлийн 9 дүгээр уулзалт бол манай улсад энэ жил болох олон цуврал уулзалтуудын хамгийн гол нээлтийн уулзалт юм. Тийм учраас бид энэ уулзалтад маш их ач холбогдол өгч оролцож байна.
Ази, Европ хоёр тивийн хувьд бие биеэсээ суралцах зүйл их байгаа. Мөн бие биетэйгээ ярилцах зүйл бидэнд их байгаа. Бие биетэйгээ хуваалцах зүйл асар их байгаа гэж бодож байна.
Би хувьдаа энэ АСЕМ гэдэг санаачилга, байгууллагыг Ази, Европ хоёр тивийн хоорондох яриа, хэлцлийн хамгийн чухал механизм юм гэж боддог. Тийм учраас энэ чухал үйл явцад Монгол Улс идэвхтэй оролцох ёстой. Учир нь Ази-Европын хоорондын уулзалт болох АСЕМ-ийн хүрээнд 100 гаруй идэвхтэй санаачилга, сэдэв байнга хэлэлцэгдэж, яригдаж байгаа. Аль ч олон улсын байгууллагын хүрээнд ийм өргөн хэлэлцүүлэг явдаггүй. Манай хоёр тивийн хооронд ийм өргөн хэлэлцүүлэг явж байгаа нь маш их чухал зүйл гэж бодож байгаа.
АСЕМ бол дэлхийд тулгамдаж байгаа асуудлыг ярилцах, хэлэлцэхэд шинэ үлгэр жишээ болсон сайн талбар юм
АСЕМ-ийн өөр нэг онцлог бол дарга нарын байгууллага биш. Мэдээж дарга нар оролцдог. Гэхдээ ард иргэд илүүтэй оролцдог. Эмэгтэйчүүд, залуучууд, ард иргэдийн төлөөлөл оролцдог. Бизнесийн төлөөлөл оролцдог. Нийгэмд байгаа бүх ашиг сонирхол, төлөөлөл оролцож санал бодлоо илэрхийлдэг, ярилцдаг, хэлэлцдэг ийм чөлөөтэй талбар юм. Тийм учраас дэлхийд тулгамдаж байгаа асуудлыг ярилцах, хэлэлцэхэд бас нэгэн шинэ үлгэр жишээ болсон сайн талбар юм гэж хувьдаа боддогийг энд хэлэх нь зөв байх аа.
Энэ бүхний манлайд парламенчдын чуулга уулзалт, тухайн ард түмнийхээ нэр төртэй төлөөлөл болсон та бүхний уулзалт явдаг юм.
Ази-Европын энэ уулзалт их чухал юм. Яагаад гэвэл Ази, Европ гэсэн хоёр тивд дэлхийн нийт эдийн засгийн 63 хувь, дэлхийн нийт хүн амын 58 хувь ноогддог. Эдийн засаг, хүн ам талаасаа авч үзвэл дэлхийд тулгамдаж байгаа хамгийн том асуудлыг манай хоёр тивийн хүрээнд ярьж ойлголцож чадах юм бол дэлхий нийтийн тогтвортой байдал, хөгжил дэвшил, энх тайванд их чухал үүрэгтэй.
Монгол Улсын хувьд АСЕМ-ийн дээд хэмжээний уулзалт, мөн АСЕМ-ийн цуврал уулзалтуудыг эх орондоо хүлээн авч байгаадаа бид туйлын их баяртай байгаа. Манай ард иргэд, олон нийт энэ уулзалтуудад маш их ач холбогдол өгч байгаа гэдгийг энд хэлье.
20 жилийн ойн уулзалтаар хэтийн төлвөө тодорхойлно
Энэ жилийн уулзалтын бас нэг онцлог бол АСЕМ байгуулагдсаны 20 жилийн ой давхцаж байгаа юм. Зөвхөн АСЕМ-ийн 11 дэх уулзалт төдийгүй 20 жилийн ойн уулзалт болно. Хорин жил гэдэг бол бид арав арван жилээр ажлаа дүгнэдэг хүмүүс. АСЕМ-ийн 10 жилийн ойн үеэр маш чухал, ирээдүйгээ харсан баримт бичиг гарч байсан Одоо энэ 20 жилийн ойн үеэр мөн чухал зорилтууд гарна. Бид нар 20 жилд юу хийснээ дүгнэж ярилцана. Цаашдаа энэ хоёр тив, дэлхий нийтийн өмнө юу тулгамдаж байгааг ярилцана. Хэтийн төлвөө тодорхойлно. Ийм учраас Монголд болж байгаа уулзалт бол их чухал уулзалт юм гэж харж байгаа.
Монголын төр засаг, ард түмэн АСЕМ-ийн Улаанбаатарт болж байгаа уулзалтыг 100 жилд нэг олдох боломж гэж үзэж байгаа. Яагаад гэвэл АСЕМ-ийн гишүүн орнуудыг тойроод энэ уулзалт 2 жил тутамд нэг удаа хийгддэг. Энд 53 гишүүн байгаа. Ингэж үзэх юм бол Улаанбаатарт магадгүй 100-гаад жилийн дараа АСЕМ-ийн уулзалт дахиад болох байх. Ийм учраас 100 жилд болж байгаа ийм чухал уулзалт гэж үзэж манай төр, засаг, ард иргэдийн зүгээс их ач холбогдол өгч оролцож байгаа.
800 жилийн өмнөх уламжлал, өвөг дээдсийн маань хийж явсан гайхамшигтай үйл хэрэг бидний үед, та бүхний оролцоотойгоор эргэн сэргэж байна
Сая манай УИХ-ын дарга тэмдэглэж хэлсэн. Монголчууд энэ уулзалтад ач холбогдол өгөх бас түүхэн учир шалтгаан байгаа юм. Энэ жил Их Монгол Улс байгуулагдсаны 810 жилийн ойг тэмдэглэнэ. Их Монгол Улс гэдэг бол бичсэн Үндсэн хууль, Их засаг гэдэг Үндсэн хуулийн дор удирдаж явсан, байгуулж явсан гүрэн. Дэлхийн хуурай газарт бий болгосон хамгийн том их гүрнийг бичмэл хууль, дэг журмын дор зохион байгуулсан үндэстэн бол монголчууд юм. Тэр үед монголчууд хүний сүсэг бишрэл, эрх чөлөөнд хүндэтгэлтэй ханддаг, худалдааны эрх чөлөөнд хүндэтгэлтэй ханддаг, энх тайван, сайн сайханд хүндэтгэлтэй ханддаг, ийм гүрнийг байгуулж явсныг энд хэлэх ёстой.
Одоо ч гэсэн Монгол Улс газрын байршлын хувьд Ази, Европ хоёр тивийн уулзвар дээр байдаг. 800 жилийн өмнө Монголд, Монголын нийслэл Хархорум хотод зөвхөн Европоос төдийгүй бусад улс орноос, дэлхийн янз бүрийн хэлийн чөлөөт худалдаачид ирж байсан. Уран дархчууд, алдартай архитектор, алдартай бүтээлчид цугладаг байсан. Улс улсыг төлөөлсөн дипломатууд, элч төлөөлөгчид ирдэг байсан. Цэргийн зүтгэлтнүүд, төрийн зүтгэлтнүүд Монголын нийслэлд цугладаг байсан. Шашны зүтгэлтнүүд Монголын нийслэлд цугларч тухайн үед тулгамдаж байсан асуудлуудыг ярилцдаг байсан юм. Ийм уламжлал бидэнд байдаг. Энэ уламжлалдаа үнэнч байхыг хичээдэг юм.
Энэ уламжлал, өвөг дээдсийн маань хийж явсан энэ гайхамшигтай үйл хэрэг 800 жилийн дараа, бидний үед, та бүхний оролцоотойгоор эргэж сэргэж, Монгол газар нутагт эргэн ирж байгаад монголчууд бид асар их баярлаж явдаг гэдгийг энд тэмдэглэж хэлье.
Монгол Улс гурван санаачилга дэвшүүлнэ
АСЕМ-ийн уулзалтад Монгол Улс ач холбогдол өгч оролцож байгаагийн бас нэг шалтгаан бол өнгөрсөн зүйлүүдээ ярьж, цаашдын хэтийн зорилтоо тодорхойлно. Монгол Улсын хувьд мөн тодорхой санаачилгатай оролцъё гэж бодож байгаа. АСЕМ-ийн санаачилгууд дотроос ороогүй санаачилга юу байна гэхээр бараг олдохгүй байгаа. Гэхдээ бага хэлэлцэгдсэн, бараг ороогүй байсан 2-3 санаачилга байгаа. Үүнийг Монгол Улсын хувьд, бид нэмж оруулж байгаа.
Энэ нь нэгдүгээрт, хуулийн засаглал ба авлигатай тэмцэх асуудал. Шинээр бий болж байгаа нийгэм, улс орон, дэг журам, янз бүрийн зүйлүүд нь муу засаглалаас болж алддаг, унадаг, иймэрхүү байдлууд харагдаж байгаа. Ийм учраас бид хуулийн засаглалыг нэгдүгээрт тавих ёстой. Муу засаглал, авлигатай бид тэмцэх ёстой. Энэ сэдвийг бид ярих ёстой гэж үзэж байгаа.
Хоёрт, бид эмэгтэйчүүдийн эрхийг хүндэтгэдэг улс. Тийм учраас эмэгтэйчүүдийн эрхийн талаар онцлон ярих ёстой. Эмэгтэйчүүдийг газар бүр, төрийн бүх институтэд дэмжих ёстой. Энэ бол маш чухал зүйл гэж үзэж байгаа. /Алга ташив/
Гуравт, дэлхий нийтэд чиг хадлага болж байгаа Start-up буюу шинэ бизнес гэсэн ойлголт байдаг. Бизнесийн шинэ эхлэлийн тухай, залуу үеийнхний шинэ бизнес, шинэ технологи, шинэ санаачлагуудын тухай сэдэвчилж яривал зүгээр гэж Монгол Улс ийм гурван сэдэв санал болгож, энэ уулзалтын хүрээнд ярилцъя гэж байгаа юм.
Улаанбаатарт “АСЕМ центр” байгуулахаар ярилцаж байна
Монголчууд нүүгээд явахад гэрийн буурь гэж үлддэг. Түүнтэй адил АСЕМ Монголд зохион байгулагдахад бидний үргэлж оруулж байх нэг хувь нэмэр байх ёстой гэж үзсэн. Ингээд бидний зүгээс Улаанбаатарт “АСЕМ центр” гэж байгуулъя гэж ярилцаж байгаа. АСЕМ-ийн нарийн бичгийн дарга нарын газар гэж хүнд суртлын байгууллага байдаггүй. Үүгээрээ манай энэ уулзалт бас онцлогтой. Бид зүгээр “АСЕМ центр” гээд утсан дээр сууж байдаг, дараагийн хурал болох улс оронд тусалж байдаг, АСЕМ-ийн өмнөх хурал болсон улс орнуудын сайн туршлагыг хуваалцаж байдаг, мэдээлэл хуваалцахад нь тусалж байдаг маш жижигхэн, хоёр гурван хүнтэй төв Монголд байгуулбал зүгээр юм байна. Яагаад гэвэл Монгол Улс өөрөө Ази, Европ тивийн дунд оршиж байгаа. Бид ийм байдлаар АСЕМ-ийн үйл ажиллагаанд цаашдаа дэмжлэг үзүүлэх ийм бодол байгаа. Ийм санаачилгыг бид гаргаж байгаа гэдгийг бас энд хэлье.
АСЕМ-ийн дээд хэмжээний уулзалтаас гарах Улаанбаатарын тунхаглалд маш их ач холбогдол өгөх болно
Бид АСЕМ-ийн дээд хэмжээний уулзалтаас гарах Улаанбаатарын тунхаглалд маш их ач холбогдол өгч байгаа. Парламентчид та бүхэн цуглаад, яриад бас тунхаглал гаргаж байгаа. Энэ тунхаглалыг АСЕМ-ийн дээд хэмжээний уулзалтын үеэр танилцуулна. Та бүхний гаргасан санал, санаачилгыг тэнд ирэх төр, засгийн тэргүүн, улс орноо төлөөлж байгаа хүмүүст хүргэхэд Монгол Улс, бидний хувьд маш их анхаарал тавих болно. Та бүхний ярьсан хэлсэн зүйл, та бүхний санаачилга тэнд тусгалаа олоход бид тусална гэдгийг энд хэлье.
Төгсгөлд нь хэлэхэд Монгол бол найрсаг орон. Монгол бол аугаа түүхтэй, аугаа соёлтой, өөрийнхөө ирээдүйгээр, өөрийнхөө өнөөдрөөр бахархаж явдаг ард түмэн. Монгол бол нээлттэй орон. Энд байх богинохон хугацаандаа манай оронтой, манай ард түмэнтэй, бидний соёлтой, бидний амьдралын хэв маягтай та бүхэн илүү танилцаасай. Илүү мэдээлэл аваасай гэж хүсч байна.
Та бүхэнд таалагдвал, дахин дахин ирмээр байвал дахин дахин Монгол Улсад ирээрэй. Та бүхэн бол манай УИХ-ын даргын, Монгол Улсын Ерөнхийлөгчийн урилгатай байнгын зочид байх болно шүү гэдгийг бас хэлье. Та бүхний ажилд их амжилт хүсье” гэлээ.
-
2016 оны 4 сарын 22
Барилга, хот байгуулалтын яамны Төрийн нарийн бичгийн дарга асан Р.Эрдэнэбүрэнг өчигдөр АТГ-аас саатуулсан талаар манай сайт мэдээлсэн.
Р.Эрдэнэбүрэнг Барилга, хот байгуулалтын яамны Төрийн нарийн бичгийн даргаар ажиллаж байхдаа “Барилгын салбарыг дэмжих, улмаар орон сууцны үнийг тогтворжуулах” дэд хөтөлбөрийг хэрэгжүүлэх ажлын хүрээнд хууль бус шийдвэр гарган, давтан үйлдлээр бусдаас хээл хахууль авсан байж болзошгүй үндэслэлээр эрүүгийн хуулийн тусгай ангийн 268 дугаар зүйлийн 268.2-д зааснаар шалгаж байгаа аж.
-
2016 оны 4 сарын 22
СоцИнтернийн
-
2016 оны 4 сарын 22
ОХУ-ын парламентын дээд, доод танхимын төлөөлөгчдийг хүлээн авч уулзав
-
2016 оны 4 сарын 22
Иргэдийн Төлөөлөгчдийн хуралдаанд 29 төлөөлөгч оролцсон байна.
-
2016 оны 4 сарын 22
Энэхүү хуралдаанаар Улсын Их Хурлын сонгуулийг хувь тэнцүүлсэн буюу пропорциональ хэлбэрээр явуулах боломжийг Монгол Улсын Үндсэн хуулиар хүлээн зөвшөөрөөгүй, харин аль нэг намд бус нэр дэвшигч иргэнд өөрт нь саналаа өгч Улсын Их Хурлын гишүүнийг сонгох үзэл баримтлалыг тогтоосон хэмээн Цэц үзээд Сонгуулийн тухай хуулийн 7 дугаар зүйлийн 7.1.1 дэх заалтын хувь тэнцүүлсэн тогтолцоотой байх тухай заалт, 120 дугаар зүйлийн 120.3 дахь хэсгийн Улсын Их Хурлын 28-аас илүүгүй гишүүнийг хувь тэнцүүлэх сонгуулиар сонгохоор заасан заалт нь Үндсэн хуулийн Хорин нэгдүгээр зүйлийн 2, 3 дахь хэсгийн холбогдох заалтыг тус тус зөрчсөн байна хэмээн шийдвэрлэлээ.
_DSC0446
Иймд Үндсэн хууль зөрчсөн Сонгуулийн тухай хуулийн дээр дурдсан заалтуудын үйлчлэлийг 2016 оны 4 дүгээр сарын 22-ны өдрөөс эхлэн түдгэлзүүлж, 2016 оны 05 дугаар дүгнэлтээ гаргалаа.
ҮНДСЭН ХУУЛИЙН ЦЭЦИЙН ХЭВЛЭЛИЙН ТӨЛӨӨЛӨГЧ
-
2016 оны 4 сарын 22
Шүүх байгуулах тухай хуульд өөрчлөлт оруулах тухай хуулийн төслийг өргөн мэдүүлэв
-
2016 оны 4 сарын 22
Чуулганы үдээс өмнөх хуралдаан өндөрлөв
-
2016 оны 4 сарын 22
Монгол Улсын Их Хурал Ази, Европын дээд түвшний 11 дүгээр чуулга уулзалт /АСЕМ/-ын хүрээнд Ази-Европын парламентын түншлэлийн 9 дүгээр уулзалтыг Улаанбаатар хотноо 2016 оны 04 дүгээр сарын 21-23-ны өдрүүдэд зохион байгуулах гэж байна. Энэхүү уулзалт нь Ази, Европын дээд түвшний 11 дүгээр чуулга уулзалтын хүрээнд болох хэд хэдэн цуврал арга хэмжээний эхнийх нь юм.
Ази-Европын парламентын түншлэлийн 9 дүгээр уулзалтын Бэлтгэл хурал өнөөдөр /2016.04.21/ 15 цаг 30 минутад Төрийн ордны хуралдааны “Жанжин Д.Сүхбаатар” танхимд болов. Хуралдааныг Улсын Их Хурлын гишүүн С.Оюун даргалж, Ази-Европын парламентын түншлэлийн 9 дүгээр уулзалтад хүрэлцэн ирсэн улс орнуудын парламентын төлөөлөгчид оролцлоо.
Хуралдаан даргалагч Ази-Европын парламентын түншлэлийн энэ удаагийн уулзалтад одоогоор дэлхийн 32 орны парламентын төлөөлөгчид оролцохоор ирээд байгааг хуралдааны эхэнд дуулгаад маргааш нээгдэх Ази-Европын парламентын түншлэлийн 9 дүгээр уулзалтын хөтөлбөрийн төслийг парламентын гишүүдэд танилцуулсан юм.
Ази, Европын парламентын түншлэлийн хуралдааны дэгийн дагуу Нэгдсэн хуралдааныг Монгол Улсын Их Хурлын дарга З.Энхболд даргална. Энэ удаагийн уулзалт нь “Ази-Европын парламентын түншлэлийн АСЕМ дахь үүрэг оролцоо” гэсэн ерөнхий сэдвийн хүрээнд явагдах бөгөөд “Үр дүнтэй олон талт харилцаа, хамтын ажиллагаа”, “Ирээдүйн төлөөх түншлэл” гэсэн сэдвээр хоёр салбар хуралдаан хийх юм.
Бэлтгэл ажлын энэ удаагийн хуралдаанаар Ази-Европын парламентын түншлэлийн хуралдааны журмын дагуу хоёр салбар хуралдаан болон нэгдсэн хуралдаануудад илтгэл тавих орнуудын төлөөлөгчдийг хэлэлцэж тогтов. Уулзалтын орчуулгыг англи, монгол, орос, хятад, япон, итали хэлээр явуулах юм байна.
Ази, Европын парламентын түншлэлийн 9 дүгээр уулзалтын нээлт 2016 оны 04 дүгээр сарын 22-ны 09 цагаас Төрийн ордны Их танхимд болж, уулзалтыг Монгол Улсын Их Хурлын дарга З.Энхболд нээж үг хэлнэ. Мөн Монгол Улсын Ерөнхийлөгч Ц.Элбэгдорж, Ази, Европын парламентын түншлэлийн 8 дугаар уулзалтын Ерөнхийлөгч, Бүгд Найрамдах Итали Улсын парламентын Сенатын танхимын Ерөнхийлөгч Пьетро Грассо нар үг хэлэх юм.
Бэлтгэл ажлын хурлын дараа Ази-Европын парламентын түншлэлийн 9 дүгээр уулзалтын Төслийн /баримт бичгийн/ хорооны хуралдаан болж, хуралдааныг Улсын Их Хурлын гишүүн С.Оюун даргалав. Төслийн хорооны хуралдаанаар Ази-Европын парламентын түншлэлийн 9 дүгээр уулзалтаас гаргах Тунхаглалын төслийг хэлэлцлээ. Тунхаглалын төслийг уулзалтад оролцох орнуудын парламентын төлөөлөгчдөд урьдчилан хүргүүлж, ирүүлсэн саналуудыг төсөлд нэгтгэн тусгаж эцсийн хувилбарыг уулзалтад оролцож буй орнуудын парламентын төлөөлөгчдөд тараасан байна.
Ази-Европын парламентын түншлэлийн хуралдааны журамд Тунхаглалын баримт бичгийг хэрхэн хэлэлцэж батлах талаар тодорхой заасан байдаг аж. Энэ дагуу хуралдаан даргалагч Улсын Их Хурлын гишүүн С.Оюун Ази-Европын парламентын түншлэлийн 9 дүгээр уулзалтаас гаргах Тунхаглалын төслийг заалт тус бүрээр нь парламентын гишүүдэд уншиж танилцуулан саналыг нь сонсов. Төслийн хорооны хуралдаанд оролцсон парламентын төлөөлөгчид Тунхаглалын төсөлтэй холбогдуулан саналаа хэлж, төслийн зарим заалтыг өөрчлөн найруулах, утга агуулгыг сайжруулах зэрэг засвар оруулан нэгдсэн байр суурьт хүрсэн тул Тунхаглалын төслийг маргааш үдээс хойш болох Нэгдсэн хоёрдугаар хуралдаанд оруулж батлуулахаар тогтов.
Тунхаглалын төслийг хэлэлцэхэд Ази, Европын улс орнуудын парламентын төлөөлөгчид маш идэвхтэй оролцож, үнэтэй санал гаргаж төсөлд тусгуулан ажил хэрэгчээр хандсанд нь Төслийн хорооны хуралдааныг даргалсан Улсын Их Хурлын гишүүн С.Оюун талархал илэрхийллээ. Тунхаглалын төслийг хэлэлцсэн талаар Улсын Их Хурлын гишүүн, Төслийн хорооны хурал даргалагч С.Оюун Нэгдсэн хуралдаанд танилцуулах юм байна.
Ази-Европын парламентын түншлэлийн 9 дүгээр уулзалтын төгсгөлд Тунхаглалыг батлах бөгөөд энэхүү баримт бичигт Ази-Европын парламентын түншлэлийн үүрэг болон хоёр тивийн цаашдын хамтын ажиллагаанд гүйцэтгэх парламентчдын үүрэг, оролцоог тусгахаар төлөвлөжээ. Уг Тунхаглал нь дэгийн дагуу АСЕМ-ын дээд түвшний 11 дүгээр уулзалтын үеэр танилцуулагдах юм байна.
Ази-Европын парламентын түншлэлийн 9 дүгээр уулзалтад нийт 32 орон (Монгол Улсыг оролцуулан) болон Европын Парламентаас 150 гаруй төлөөлөгч оролцохоор бүртгүүлээд байна. Үүний дотор Энэтхэг, Тайланд, Итали (Сенатын танхим) гэсэн 3 улсын парламентын дарга, Австрали, Польш, Унгар, Вьетнам, Индонези, Финланд, Итали (Төлөөлөгчдийн танхим), Испани гэсэн 8 улсын парламентын дэд дарга нар оролцохоо нотлоод байна.
Ази, Европын парламентын түншлэлийн 9 дүгээр уулзалтыг зохион байгуулах бэлтгэл ажлын хүрээнд Улсын Их Хурлын даргын захирамжаар Үндэсний хороо байгуулагдаж, даргаар нь Улсын Их Хурлын дэд дарга Р.Гончигдорж ажиллаж байна. Мөн ажлын хэсэг байгуулагдаж, ахлагчаар нь Улсын Их Хурлын Тамгын газрын Ерөнхий нарийн бичгийн дарга Б.Болдбаатар ажиллаж байгаа юм гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.
-
2016 оны 4 сарын 22
Х.Баттулгын туслахууд эх үүсвэр нь тодорхойгүй 10 тэрбум зарцуулсан гэлээ
: 2016-04-22 10:27:05 : 765
УИХ-ын гишүүн Х.Баттулгын эзэмшлийн ”Баянгол” зочид буудалд үйл ажиллагаа явуулдаг ”Баялагийн хувь”, ”Түмэн хишигтэн” гэх хоёр компанид энэ сарын 11-ны өдөр ЦЕГ-ын газраас санхүүгийн шалгалт хийсэн.
Тэгвэл эл шалгалтын талаар дөнгөж сая ЦЕГ-аас сэтгүүлчдэд мэдээлэл хийлээ. Тодруулбал, шалгалтын үеэр Х.Баттулга нь нэр дурдагдаж буй хоёр компанид ямар нэгэн хувь эзэмшдэггүй болохыг олж тогтоосон байна.
Харин хуулийн байгууллагад саатуулагдан шалгагдаж буй түүний туслахууд эх үүсвэр нь тодорхойгүй 10 тэрбум төгрөгийг захиран зарцуулсан болох нь шалгалтын явцад илэрсэн талаар мэдээллээ.
Энэ тухай дэлгэрнгүй мэдээллийг удахгүй хүргэх болно.
-
2016 оны 4 сарын 22
14 нам, хоёр эвсэл, 79 бие даагч мөрийн хөтөлбөртөө
-
2016 оны 4 сарын 22
Увс аймгийнхан нэгдсэн эмнэлгийн хүүхдийн тасгаа өргөтгөх хүсэлтэй байна
-
2016 оны 4 сарын 22
2016.04.22-ны 09:00 цаг Төрийн ордны Их танхим
Эрхэм хүндэт Монгол Улсын Ерөнхийлөгч өө,
Бүгд Найрамдах Итали Улсын парламентын Сенатын Ерөнхийлөгч
Эрхэмсэг ноён Пьетро Грассо,
Эрхэм хүндэт парламентын гишүүд, төлөөлөгчид өө,
Монгол Улсын Их Хурлын Эрхэм гишүүд ээ,
Хатагтай, ноёд оо,
Өнгөрсөн түүхэнд болон даяарчлалын өнөө үед Ази, Европын хооронд нэгэн гүүр болж ирсэн Монгол Улсад зохиогдож буй Ази-Европын Парламентын Түншлэлийн 9 дүгээр уулзалтад уригдан ирсэн Та бүхэнд Монгол Улсын Их Хурлын нэрийн өмнөөс болон хувиасаа баяр хүргээд, манай улсад тавтай зочлохыг хүсье. Энэхүү уулзалт нь 7 дугаар сард Улаанбаатар хотноо болох АСЕМ-ын дээд хэмжээний уулзалт болон түүнийг угтан зохион байгуулагдах арга хэмжээнүүдийн салхийг хагалж, түүчээ болж байгаагаараа онцлог юм.
1996 оны 3 дугаар сард Тайландын нийслэл Бангкок хотноо болсон АСЕМ-ын дээд хэмжээний анхны уулзалтын дараахан буюу мөн оны 4 дүгээр сард Парис хотноо Ази Европын Парламентын Түншлэлийн анхны уулзалт болж Ази-Европын бүх талын уялдаа холбоо, хамтын ажиллагааг гүнзгийрүүлэн бэхжүүлэхийн төлөө хоёр тивийн парламентуудын хүчин чармайлтыг нэгтгэхэд анхаарлаа хандуулсан. Энэ нь АСЕМ-ын үйл хэрэгт дэмжлэг үзүүлж, хүч чадлаа нэмэрлэх гэсэн Ази, Европын ард түмнүүдийн хүсэл эрмэлзлэл байсан юм.
Өнгөрсөн 20 жилийн хугацаанд Ази-Европын улс төр, эдийн засаг, нийгэм соёлын хэлхээ холбоо тэлж, Ази Европын Парламентын Түншлэл өөрийн гэсэн тодорхой хувь нэмрээ оруулсан.
Ази, Европ хоёр тивийн улс орнууд олон зуун жилийн тэртээгээс хамтран ажиллаж ирсэн түүхтэй гэдгийг бид мэднэ.
Тухайлбал,одоогоос 800-аад жилийн өмнө Монгол, Итали улсууд одоогийн АСЕМ шиг Ази, Европыг холбосон үйл ажиллагаа явуулж байсан, Италийн иргэн Пиан Де Карпини 1246 онд Монголын Их Хаан Гүегт Ромын Папын захидлыг гардуулсан. Мөн Италийн иргэн Марко Поло 800-аад жилийн өмнө Монголын Их Хаан Хубилайн ордонд 20 гаруй жил шадарлан сууж байсан, энэ үедээ Монголын Их Эзэнт Гүрэн Ази, Европыг холбосон “Торгоны их зам”-ыг ивээлдээ авч Ази, Европын худалдаа, иргэд хоорондын харилцааг хөгжүүлж байсан гээд олон түүхийг хэлж болно. Энэ нь 800 гаруй жилийн өмнө Ази, Европ тивийн улсууд ийм идэвхтэй харилцаатай байсныг гэрчилж байгаа төдийгүй бие биеээсээ хамааралтай нэг дэлхийд, түүний дотор Ази, Европ хоёр тивийн улсууд үеийн үед харилцан ашигтай, хамтдаа хөгжих ёстой гэсэн хариуцлагатай бөгөөд хүндтэй үүргийг өвөг дээдэс минь бидэнд гэрээсэлж үлдээсэн гэж би хувьдаа үзэж байна.
Бид өнөөдөр тэрхүү харилцааг нэр хүндтэй үргэлжлүүлж байгаагийн хамгийн энгийн жишээ Ази, Европын Парламентын Түншлэлийн 9 дүгээр уулзалтад оролцож байгаа БНИУ-ын парламентын Сенатын танхимын Ерөнхийлөгч Эрхэмсэг ноён Пьетро Грассо 2 жилийн өмнө Итали Улсад зохиогдсон Ази, Европын Парламентын Түншлэлийн 8 дугаар уулзалтын буухиагаа Монгол Улсад шилжүүлэхээр хүрэлцэн ирээд байна.
Монгол Улс 2008 онд Бээжин хотноо болсон АСЕМ-ын Дээд түвшний 7 дахь удаагийн уулзалтаар АСЕМ-д элссэнээс хойш Ази, Европын яриа хэлэлцээ, хамтын ажиллагаа, түүний дотор АСЕМ-ын түнш орнуудын парламентууд, Европын Парламентын хамтын ажиллагаанд өөрийн гэсэн хувь нэмрээ оруулахыг эрмэлзсээр ирлээ.
Ази, Европын уулзалтын үйл явц нь өнөөдөр дэлхий дахинд болон хоёр тивийн хамтын ажиллагаанд онцгой чухал үүрэг бүхий албан бус яриа хэлэлцээний тавцан болон бэхжиж байна.
Ази-Европын Парламентчдын уулзалт нь хоёр тивийн түншлэлийн үйл явцын салшгүй хэсэг бөгөөд Улаанбаатар хотноо болж буй энэ удаагийн 9 дүгээр уулзалтын үед “Ази, Европын Парламентын түншлэлийн АСЕМ дахь үүрэг оролцоо” сэдвийн хүрээнд болж терроризм, уур амьсгалын өөрчлөлт, тогтвортой хөгжлийн 2030 он хүртэлх хөтөлбөр, гамшгаас сэргийлэх менежмент, эрчим хүчний аюулгүй байдал, дүрвэгсдийн асуудал зэрэг олон чухал асуудлыг бид хамтдаа хэлэлцэхээр хуран цуглаад байна.
Ази-Европын Парламентчдын энэ удаагийн уулзалт нь Ази, Европын Парламентын түншлэлийн өнгөрсөн 20 жилийн үйл ажиллагааг дүгнэн цэгнэж, дараагийн 10 жилийн ирээдүйгээ тодорхойлон, хамтын ашиг сонирхол, нийтлэг зорилтуудад тулгуурлан өргөн хүрээнд, цогц, гүнзгий агуулга, үр дүнтэй хэлэлцүүлэг өрнүүлнэ гэдэгт итгэлтэй байна.
Ази, Европын хоорондын уялдаа холбоо буюу connectivity гэдэг нь АСЕМ-ын түнш орнуудын хүрээнд дан ганц дэд бүтэц, төмөр зам, засмал зам, агаарын холбоо зэрэг “хатуу холбоос” төдийгүй хоёр тивийн ард түмний оюун санаа, соёл урлаг, боловсрол зэрэг “зөөлөн холбоос”-ыг оролцуулсан цогц ойлголт болохыг бид хүлээн зөвшөөрч энэхүү уялдаа холбоог бэхжүүлэхэд Монгол Улс өөрийн гэсэн хувь нэмрээ оруулахыг зорьж байна.
Хоёр тивийн худалдаа, эдийн засаг, хөрөнгө оруулалтыг өргөтгөн гүнзгийрүүлэх нь АСЕМ-ын нэг чухал зорилт бөгөөд сүүлийн жилүүдэд орхигдоод байсан энэхүү салбарын яриа хэ лцэл, хамтын ажиллагааг эрчимжүүлэх нь зүйтэй гэдэгтэй бид санал нэгтэй байгаа болно.
Эрхэм хүндэт зочид оо,
Монгол Улсын Их Хурал дэлхийн улс орнуудын хууль тогтоох байгууллагуудтай идэвхтэй харилцаа, хамтын ажиллагаа хөгжүүлэх эрмэлзэлтэй бөгөөд бүс нутгийн болон олон улсын парламентын байгууллагуудын үйл ажиллагаанд өөрийн хувь нэмрээ оруулахыг зорьдог.
Монгол Улсад парламентын ардчилал баттай тогтож чадсан гэдгийг Та бүхэнд хэлэхэд таатай байна.
Монгол Улс түүхийн асар богино хугацаанд иргэдийнхээ сонгох, сонгогдох эрхийг баталгаажуулж, сонгуулийн ардчиллын олон жилийн түүх, туршлагатай улс орнуудтай эн зэрэгцэн алхаж, Монгол Улсад анхны ардчилсан сонгууль явагдаж, байнгын ажиллагаатай парламент байгуулагдсаны 25 жилийн ойгоо өнгөрсөн жил олон улсын түвшинд тэмдэглэн өнгөрүүлсэн.
Монгол Улсын Их Хурал дэлхийн 57 орны парламентыг эгнээндээ нэгтгэсэн Европын аюулгүй байдал, хамтын ажиллагааны байгууллагын Парламентын ассамблейн отгон гишүүн бөгөөд энэхүү ассамблейн намрын хурлыг 2015 оны намар Улаанбаатар хотноо амжилттай зохион байгуулсан.
Энэ удаа Ази, Европын Парламентын Түншлэлийн энэхүү нэр хүндтэй уулзалтыг эх орондоо зохион байгуулж байгаадаа бид баяртай байна.
Ази, Европын Парламентын Түншлэлийн 9 дүгээр уулзалтад түнш 32 орон болон Европын парламентаас 170 төлөөлөгч оролцож байна.
Ази, Европын Парламентын Түншлэлийн уулзалтын дэгийн дагуу уулзалтаас бидний батлан гаргах Тунхаглалыг 7 дугаар сард болох АСЕМ-ын Дээд түвшний уулзалтад танилцуулах бөгөөд тунхаглалд орох бид бүхний санаа бодол, зөвлөмж нь АСЕМ-ын цаашдын зорилтод тусгалаа олно гэдэгт итгэлтэй байна. Уг Тунхаглал нь АСЕМ-ын албан бус харилцан яриа хэлцээний талбарыг бататгахын зэрэгцээ АСЕМ-ын үйл ажилагааг олон түмэнд ойртуулж, улам илүү үр дүнтэй, ач холбогдолтой болгоход тус дөхөм болно гэдэгт итгэлтэй байна.
Өчигдөр парламентын гишүүд Та бүхэн Бэлтгэл хорооны хурал, Төслийн баримт бичгийн хорооны хурлаа амжилттай хийж, уулзалтаас гарах Тунхаглалаа нухацтай хэлэлцэн, өөрсдийн санаа бодлоо илэрхийлж, харилцан ойлголцон зөвшилцөж ажилласанд миний бие баяртай байна.
Бидний урилгыг хүлээн авч хүрэлцэн ирсэн Та бүхэнд дахин талархал илэрхийлж, манай сайхан оронд тавтай зочлохыг хүсье.
Ази Европын Парламентын Түншлэлийн 20 жилийн ойг тохиолдуудан Та бүхэнд чин сэтгэлийн мэндчилгээ дэвшүүлж, уулзалтын ажиллагаанд амжилт хүсье.
Ази-Европын парламентын түншлэлийн 9 дүгээр уулзалтын нээснийг мэдэгдье
Анхаарал тавьсанд баярлалаа.
-
2016 оны 4 сарын 22
Баруун бүсийн тулгуур төв Ховд аймаг Монгол Улсын агаарын тээврийн болон дэд бүтцийн хөгжлийн том зангилаа болох учиртай. Бид иргэний агаарын тээврийн салбарын түүхэнд орох нэгэн чухал үйл явдлын гэрч болж байна. Ховд хотын нисэх буудалд том оврын онгоц анх удаа газардлаа гэж Монгол Улсын Ерөнхий сайд Ч.Сайханбилэг МИАТ компанийн БОИНГ онгоц баруун аймагт нислэг үйлдсэний нээлтийн ёслолд оролцохдоо хэллээ.
Ховд хотын нисэх буудал энэ үйл явдлыг дагаад том буудлын зэрэглэлд шилжих учиртай, энэ ажлыг олон улсын байгууллагын хөнгөлөлттэй зээлийн санхүүжилтээр зохион байгуулж, ажил хэрэг болгохын төлөө Засгийн газар шийдвэр гаргаж ажиллана гэдгийг Ерөнхий сайд хэлээд Ховд болон баруун бүсийн аймгууд аялал жуулчлалын төв, мөн БНХАУ, ОХУ-ын зах хязгаар нутгийн хотуудын ачаа тээвэр, зорчигч тээврийн зангилаа болох учиртай. Засгийн газар энэ боломжийг хангахын төлөө ажиллана гэлээ.
Дотооддоо том онгоц нисгэсэн нь нисэх хүчин, агаарын тээврийн салбарт шинэ хуудас нээхүйц үйл явдал болж байна. Энэ том ажлыг эхлүүлсэн иргэний нисэхийн салбарын хамт олонд Ерөнхий сайд Ч.Сайханбилэг талархал илэрхийлж ажлын өндөр амжилт хүслээ.
БОИНГ онгоц баруун аймагт нислэг үйлдсэний нээлтийн арга хэмжээнд Улсын Их хурлын гишүүн А.Бакей, УИХ-ын гишүүн, Зам, тээврийн сайд М.Зоригт, Ерөнхийлөгчийн Тамгын газрын дарга П.Цагаан, Засгийн газрын Хэрэг эрхлэх газрын дэд дарга Г.Ганболд болон аймгийн удирдлага, ард иргэдийн төлөөлөл, иргэний нисэхийн салбарынхан оролцлоо.
Агаарын тээврийн салбарынхны санаачилга ажил хэрэг болж, орон нутагт том оврын онгоц нислэг хийж байна. Нислэгийг тогтворжуулснаар энэ ажил үр өгөөжөө өгнө. Зөвхөн баруун хязгаар биш дараагийн ээлжинд зүүн аймгуудад том онгоц нисдэг болно. Чойбалсан хотын нисэх буудлыг засч тохижуулах ажлыг хийнэ гэж Зам, тээврийн сайд М.Зоригт хэллээ.
Улаанбаатараас Ховд хүрэхэд автомашинаар 100 гаруй мянган төгрөгийн зардлаар 2 хонож ирнэ. Харин 200 мянган төгрөгийн зардлаар БОИНГ онгоц хөлөглөөд хоёр цагийн дотор Ховд хотод ирэх боломж бүрдлээ гэж зорчигчид ярьж байна.
Алс хязгаар нутагт, ялангуяа баруун аймгуудад амьдран суугаа иргэддээ чиглэсэн үе шаттай бодлогуудыг Засгийн газраас хэрэгжүүлж байгаа. Тухайлбал, хязгаар нутагт шатахууны үнийг төвийн бүсийнхтэй ойролцоо түвшинд хүргэх ажлыг зохион байгуулснаар баруун аймгуудад шатахууны үнийг буулган Улаанбаатар хотынхтой ойролцоо үнэтэй болгосон.
Аймгийн төвүүдийг Улаанбаатар хоттой хатуу хучилттай автозамаар холбох ажил амжилттай яваа ч баруун аймгуудад очих, тэндээс Улаанбаатарт ирэхэд хол зам туулж, цаг хугацаа алддаг. Цаг зав, хөрөнгө зарж газраар явж буй иргэддээ агаарын тээврээр зорчих боломж олгох шаардлагатай байгааг Ерөнхий сайд Ч.Сайханбилэг өнгөрөгч гуравдугаар сард болсон “Шийдлийн цаг” уулзалтаар хэлж байсан юм.
Орон нутгийн нислэгийн жижиг онгоцуудыг том онгоцтой хослон хэрэглэвэл солибол нислэгийн хугацааг багасгах боломж байгаа. Ховдод хатуу хучилттай буултын талбайтай учраас том онгоцуудаа тэнд буулгаж, тэндээс Баян-Өлгий, Увс, Говь-Алтай аймгуудад богино рейс хийх төдийгүй тасалбарын үнийг бууруулах бололцоотой. Энэ нь аялал жуулчлал хөгжихөд тустай. Тухайлбал, Хонконг-Улаанбаатар-Ховд, Берлин-Улаанбаатар-Баян-Өлгий гэсэн нэг чиглэлтэй, агаарын компанийн нэг тасалбартай болсон тохиолдолд гадаадын аялагч, жуулчдад ач холбогдолтой. Мөн ОХУ, БНХАУ-ын хөрш залгаа хотуудыг Улаанбаатартай холбох, транзит нислэгүүд зохион байгуулах боломж байна. Энэ асуудлыг ажтл хэрэг болгоход санаачилгатай ажиллах шаардлагатай гэж салбарын удирдлагуудад үүрэг даалгавар өгч байсан өгч байсан нь өнөөдөр ажил хэрэг боллоо.
Энэхүү нээлтийн арга хэмжээнд оролцсоны дараагаар Ерөнхий сайд Ч.Сайханбилэг Увс аймгийг зорилоо. Тэрээр өнөөдөр тус аймагт ажиллаж байна. Маргааш буюу дөрөвдүгээр сарын 22-нд Баян-Өлгий аймагт ажиллана гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
- See more at: http://zasag.mn/news/view/13174#sthash.UDDdNBIr.dpuf
-
2016 оны 4 сарын 22
Өнөөдөр чуулган хуралдана. Хуралдаанаар дараах асуудлуудыг хэлэлцэнэ.
-
2016 оны 4 сарын 22
Эмхтгэл
-
2016 оны 4 сарын 21
чуулган
-
2016 оны 4 сарын 21
Монгол Улсын Их Хурлын дарга З.Энхболд Япон Улсын Парламентын Зөвлөхүүдийн танхимын гишүүн М.Наошима, Т.Мики нарыг өнөөдөр /2016.04.21/ хүлээн авч уулзлаа.
-
2016 оны 4 сарын 21
hhh
