-
2016 оны 8 сарын 16
Сангийн яамны Төсвийн бодлого, төлөвлөлтийн газрын дарга Ж.Ганбат өнөөдөр тайлбар хийлээ. Тэрээр:
-2016 оны улсын төсвийн тодотголын төсөлд, улс төрийн болон төрийн зөвхөн өндөр албан тушаалтнуудын цалинг 30 хүртэл хувь, төрийн захиргааны удирдах албан тушаалтны цалинг 20 хүртэл хувь бууруулах санал тусгасан байгаа. Аймагт Засаг дарга, ИТХ-ын дарга, харин хотод агентлагийн даргаас дээш албан тушаалтнууд энэ хэмнэлтэд хамрагдана гэсэн үг. Харин эдгээрээс доош төрийн албаныхны цалинг хөндөхгүй байх үүргийг Ерөнхий сайдаас өгсөн. Ингэснээр энэ оны хувьд гэхэд нийтдээ гурав орчим, ирэх жилд найм орчим тэрбум төгрөгийн хэмнэлт хийх бололцоотой. Үүнээс гадна Төрийн өмчит компаниудын удирдах албан тушаалтнуудын цалинг тодорхой хэмжээнд бууруулах, улсын төсвийн мөнгөөр тавилга худалдан авахыг энэ оны хувьд бүрэн зогсоох, төрийн байгууллагууд, албан тушаалтнуудын утасны төлбөр, шатахууны зардалд тодорхой хэмнэлт хийх, томилолт, зочин төлөөлөгч хүлээж авах зардлыг бууруулахаар төсвийн тодотголд тусгаад байгаа гэв.
-
2016 оны 8 сарын 16
Эрх баригчид зарим яамны төрийн нарийн бичгийн даргын томилгоог сонгон шалгаруулахаар болж уг албан тушаалд томилогдох ажилтны ажлын байрыг нийтэд, нээлттэй зарлах захиалгыг Төрийн албаны зөвлөлд өнгөрсөн баасан гаригт хүргүүлсэн байна. Хэдий ийм ч МАН-ын Удирдах зөвлөлөөс төрийн нарийнуудын томилгоог нууцаар тодруулж эхэлсэн гэх сурагтай. Наанаа хуулийн дагуу нээлттэй сонгон шалгаруулалт зарласан мэт харагдавч цаанаа төрийн нарийн бичгийн даргын суудлыг 500 саяас нэг тэрбум хүртэл үнэлж байгаа гэсэн яриа улс төрийн хүрээнд ч яригдаж байна. Тодруулбал, аль хэдийн төрийн нарийнд горилогчдын дунд марафоныг явуулж эхэлжээ. Хэн их мөнгөтэй нь өндөр албан тушаалд очно, мэдлэг, туршлага огт хамаагүй гэдэг зарчим МАН дотор үйлчилж буй бололтой. Төрийн нарийний сунгаад оролцогчдоос намдаа хамгийн их хандив өгсөн сонгуулийн үеэр эдийн засгийн болоод бусад зүйлээр ихэд тусалсан хүмүүсийг сонгохоор болсон гэх мэдээлэл байна.
-
2016 оны 8 сарын 16
нөөдөр 10.30 цагт УИХ дахь Ардчилсан намын бүлгээс цаг үеийн асуудлаар мэдээлэл хийх гэж байна. Өчигдөр Ерөнхий сайд Ж.Эрдэнэбат болон Сангийн сайд Б.Чойжилсүрэн нар мэдээлэл хийж, олон хүчин зүйлээс тэр дундаа өмнөх Засгийн газрын алдаатай бодлогуудаас болж эдийн засаг хүндэрсэн. Тиймээс цаашид төсөвт тодотгол хийж танах ёстой зардлуудаа танана. Тэр дундаа цалинг бууруулж, хүүхдийн мөнгийг ялгавартай олгоно гэдгийг мэдэгдсэн билээ. Мөн Засгийн газраас АН-ын үед хэрэгжүүлж байсан ”Сайн” нэртэй хөтөлбөрүүдийг зогсоосон.
Энэ бүхний талаар УИХ дахь Ардчилсан намын бүлэг өнөөдөр байр, сууриа илэрхийлж магадгүй байна.
-
2016 оны 8 сарын 16
Улсын Их Хурлын гишүүн Н.Учрал нийслэлийн дүүргүүд дэх ерөнхий боловсролын сургууль, цэцэрлэгүүдийн удирдлагуудын төлөөлөлтэй өнөөдөр /2016.08.15/ уулзлаа. Тэрбээр Монголын залуу багш нарын холбооны ерөнхийлөгчөөр ажилладаг бөгөөд багш нар, тэр дундаа залуу багш нарт тулгарч буй асуудлын талаар ярилцан, Боловсролын тухай хуульд нэмэлт, өөрчлөлт оруулах тухай хуулийн төслийг боловсруулах асуудлаар санал солилцох зорилгоор энэхүү уулзалтыг зохион байгуулж байгаагаа уулзалтын эхэнд тэмдэглэн хэлсэн юм.
УИХ-ын гишүүн Н.Учрал Монголын залуу багш нарын холбоо боловсролын асуудал эрхэлсэн төрийн байгууллагуудтай хамтран ажиллахыг зорьж байгаа хэмээгээд энэ хүрээнд багш нарт тулгараад буй асуудлуудыг шийдвэрлэхийн төлөө хамтран ажиллах гарцыг бий болгоход энэхүү уулзалт түлхэц өгнө хэмээн үзэж байгаагаа илэрхийлсэн.
Дүүргүүдийн сургуулийн удирдлагууд залуу багш нарын нийгмийн асуудалд нэн түрүүн анхаарах шаардлагатай байгаа талаар ярьж байлаа. Багш нарын цалин бага, нийт багш нарын 80-85 хувь нь цалингийн зээлтэй аж. Багш нарт орон сууцны зээл авах боломж тааруу байдгийг уулзалтад оролцсон сургуулийн удирдлагууд хэлсэн. Түүнчлэн багш нарыг мэргэжил дээшлүүлэх давтан сургалтад хамруулах, гадны орны туршлагыг судлах боломжоор хангах, залуу багш нарын хандлагыг өөрчлөх асуудлыг ч сөхөн ярьсан юм. Сургууль, цэцэрлэгийн хүрэлцээ муу байдгаас үүдэн нэг анги 28-35 сурагчтай хичээллэхээр заасан ч 50-60 сурагчтай хичээллэж байгаа талаар багш нар дурдаад нэг ангид хичээллэх хүүхдийн тоог хэтрүүлсэн асуудлаар захирлуудад арга хэмжээ авдаг хэмээсэн.
Түүнчлэн уулзалтын үеэр сургуулийн цайны газрын бүтээгдэхүүний чанар, эцэг, эхчүүдийн үүрэг хариуцлага, багшийн үнэлэмж, сургуулийн өмнөх боловсролын салбарт ажилладаг багш нарын ачааллын талаар хөндөн ярилцсан юм.
УИХ-ын гишүүн Н.Учрал багш нарын саналыг ажил хэрэг болгохын төлөө ажиллана гэдгээ уулзалтын үеэр хэлсэн. Уулзалтад Монголын залуу багш нарын холбооны дэд ерөнхийлөгч, нийслэлийн ИТХ-ын төлөөлөгч Х.Хатанбаатар, Б.Сүхбаатар нар оролцлоо хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 8 сарын 15
Эрүүгийн болон Зөрчлийн тухай хуулийн төслүүдийг өргөн мэдүүлэв
-
2016 оны 8 сарын 15
МОНГОЛ УЛСЫН ЕРӨНХИЙЛӨГЧ Ц.ЭЛБЭГДОРЖ ЯПОНЫ “ЁС ЗҮЙН НИЙГЭМЛЭГ”-ИЙН ТЭРГҮҮН, ХАТАГТАЙ Н.ИТОГ ХҮЛЭЭН АВЧ УУЛЗАВ
-
2016 оны 8 сарын 15
Монгол судлаач эрдэмтдийг Төрийн дээд цол, одон, медалиар шагнав
-
2016 оны 8 сарын 15
Эдийн засгийн нөхцөл байдал нэлээн хүндхэн байгааг хүн бүр мэдэж байгаа. Бид худлаа хэлээд хэрэггүй, өөрсдийгөө хуураад явах шаардлагагүй гэж бодсон
-
2016 оны 8 сарын 15
Монгол Улсын Ерөнхийлөгч Цахиагийн Элбэгдорж: Олон улсын монголч эрдэмтний их хурал-монгол судлаачдын олимп эхэллээ
-
2016 оны 8 сарын 15
Ж.Эрдэнэбат: Монгол судлалын чанар, үр дүнг шинэ шатанд гаргах хэрэгтэй
-
2016 оны 8 сарын 15
Монгол Улсын Ерөнхий сайд Ж.Эрдэнэбат өнөөдөр /2016.08.15/ 13:00 цагаас хэвлэлийн бага хурал хийнэ. Хэвлэлийн хурал Төрийн ордон, Иргэний танхимд болно. Сэтгүүлчид та бүхнийг урьж байна.
-
2016 оны 8 сарын 12
Ерөнхий сайдыг Владивостокын эдийн засгийн форумд урилаа
-
2016 оны 8 сарын 12
Хувийн хэвшлийнхнийг АХБ-ны бизнесийн зээлд хамруулахыг хүслээ
-
2016 оны 8 сарын 12
БОАЖ-ын сайд Д.Оюунхорол ИБУИНВУ-аас Монголд суугаа Элчин сайд Катрин Элизабет Жейн Арнолдыг хүлээн авч уулзлаа
-
2016 оны 8 сарын 12
”Төрийн мэдээлэл” эмхэтгэлийн өнөөдрийн шинэ дугаарт Төрийн албаны зөвлөлийн орон тооны гишүүний үүрэгт ажлаас чөлөөлөх тухай, Төрийн албаны зөвлөлийн орон тооны гишүүнийг томилох тухай УИХ-ын тогтоол зэргийг нийтэлжээ.
УИХ-ын тогтоолоор, Балдангийн Баатарзориг, Самдангийн Цэдэндамба нарыг Төрийн албаны зөвлөлийн орон тооны гишүүнээр томилсон юм.
Мөн дугаарт нийтлэгдсэн Засгийн газрын тогтоолоор, Гоц халдварт өвчинтэй тэмцэх бүс тогтоох, уг бүсэд мал эмнэлэг, хорио цээрийн үйл ажиллагаа явуулах журам батлаж, мал эмнэлгийн хяналтын цэгийн байршил тогтоожээ.
Журмаар, Мал, амьтны гоц халдварт өвчнөөс урьдчилан сэргийлэх, түүнтэй тэмцэх арга хэмжээг Монгол Улсын нутаг дэвсгэрт бүсчлэн хэрэгжүүлэх зорилгоор эрх бүхий байгууллага, албан тушаалтны шийдвэрээр тогтоосон бүс, дэд бүсэд тандалт судалгаа хийх, сэрэмжлүүлэх үйл ажиллагааг явуулах, мал эмнэлэг, хорио цээрийн арга хэмжээ хэрэгжүүлэх, эдгээр бүс, дэд бүс дэх гоц халдварт өвчингүй тайван статусыг тодорхойлон нийтэд мэдээлэх үйл ажиллагаатай холбогдон үүсэх харилцааг зохицуулсан байна.
-
2016 оны 8 сарын 12
“Оюутан цэрэг” хөтөлбөрийн тангараг өргөх ёслолын ажиллагаанд хэлсэн үг
-
2016 оны 8 сарын 12
ЭЛЧИН САЙД У СУН-Г ХҮЛЭЭН АВЧ УУЛЗАВ
Хүнс, хөдөө аж ахуй, хөнгөн үйлдвэрийн сайд П.Сэргэлэн Бүгд Найрамдах Солонгос Улсаас Монгол улсад суугаа Онц бөгөөд бүрэн эрхт Элчин сайд У Сун-г өнөөдөр /2016.08.11/ хүлээн авч уулзлаа.
Уулзалтын эхэнд талууд хоёр орны найрамдалт харилцаа сүүлийн жилүүдэд улам өргөжин хөгжиж Төрийн тэргүүнүүдийн харилцан айлчлал идэвхжиж хүнс, хөдөө аж ахуй, хөнгөн үйлдвэрийн салбар дахь хамтын ажиллагаа хөгжиж байгаад сэтгэл хангалуун байгаагаа илэрхийлэв.
Сайд П.Сэргэлэн хоёр орны Хөдөө аж ахуйн яам хоорондын хамтын ажиллагаа идэвхитэй байгааг онцлон тэмдэглээд сүүлийн жилүүдэд Солонгосын хөгжлийн хамтын ажиллагааны байгууллагуудын шугамаар Монголын мал аж ахуй, газар тариалан, мал эмнэлэгийн салбарын чадавхийг бэхжүүлэхэд чиглэсэн төсөл, хөтөлбөрүүдийг амжилттай хэрэгжсэнд талархал илэрхийлэн цаашид үргэлжлүүлэх, цар хүрээг нь нэмэгдүүлэх хүсэлтийг илэрхийллээ.
Тэрээр цаашлаад шинээр эмхлэгдэн байгуулагдсан Засгийн газар, Хүнс, хөдөө аж ахуй, хөнгөн үйлдвэрийн яам ард иргэдээ баталгаатай хүнсээр хангах чиглэлээр хүнсний аюулгүй байдалд ихээхэн анхаарч ажиллахаар төлөвлөөд байгаагаа дуулгаад Монгол улсын хүнсний салбарт Солонгосын дэвшилтэт техник, технологийг нэвтрүүлж хамтран ажиллах хүсэлтийг тавив.
Элчин сайд У Сун тавьсан саналуудыг нааштай хүлээн авч идэвхитэй хамтран ажиллахаа илэрхийлээд Солонгосын аж үйлдвэржсэн туршлага, “Шинэ тосгон” хөтөлбөрийг Монголд нэвтрүүлж турших хүсэлтийг уламжлаад хөрөнгө оруулах сонирхол бүхий аж ахуйн нэгжүүд нэмэгдэж байгааг хэллээ.
Уулзалтын төгсгөлд сайд П.Сэргэлэн манай улсын мал эмнэлэгийн чадавхи төдийлөн сайн биш, ялангуяа хурдан морь эмчлэх мэдлэг хомс байгаа, энэ чиглэлээр дагнасан малын эмнэлэг байгуулах хүсэлтэй явдгаа Элчин сайдад дуулгав. Элчин сайд энэ саналыг сонирхон хүлээн авч өөрийн орны холбогдох байгууллагуудад нь уламжлан хамтран ажиллах боломжийг судлана гэлээ.
-
2016 оны 8 сарын 11
Ерөнхий сайд Ж.Эрдэнэбат Канад Улсын Элчин сайд Эд Жэйгэрийг хүлээн авч уулзлаа
-
2016 оны 8 сарын 11
Монгол Улсын Ерөнхий сайд Ж.Эрдэнэбат ХБНГУ-ын Элчин сайдыг хүлээн авч уулзлаа
-
2016 оны 8 сарын 11
Ерөнхий сайд Ж.Эрдэнэбат Японы Элчин сайдыг хүлээн авч уулзлаа
