-
2016 оны 8 сарын 23
УИХ-ын ээлжит бус чуулганыг энэ сарын 25-ны өдөр буюу пүрэв гаригт хуралдуулж магадгүй гэх мэдээлэл байна. Хуралдаанаар 2016-2020 оны Засгийн газрын мөрийн хөтөлбөрийг баталж, сум, дүүргийн ИТХ-ын төлөөлөгчдийг сонгох сонгуулийн үеэр ашиглах техник хэрэгсэл, сонгуулийн зардал дээр 5.8 тэрбум төгрөгийг нэмж тусгах талаар хэлэлцэх юм. Мөн өмнөх УИХ-аар хэлэлцэж амжаагүй асуудлуудыг төлөвлөсөн бөгөөд 2015 оны төсвийн гүйцэтгэл, санхүүгийн нэгдсэн тайлан, 2017 оны төсвийн хүрээний мэдэгдэл, 2018, 2019 оны төсвийн төсөөлөл, улс орны эдийн засаг, нийгмийг 2017 онд хөгжүүлэх үндсэн чиглэл зэргийг хэлэлцэхээр төлөвлөжээ. Түүнчлэн энэ оны төсвийн тухай хуульд нэмэлт, өөрчлөлт оруулах тухай, Үндсэн хуулийн цэцийн дүгнэлтүүд, Ю.Цэдэнбал агсны 100 насны алдар гавьяаг мөнхжүүлэх тогтоолын төслийг хэлэлцэх юм байна.
-
2016 оны 8 сарын 23
Монгол Улсын Ерөнхий сайд аймгуудын Засаг дарга нарт нэгдсэн сургалт зохион байгуулж, батламж гэрээ байгуулж буйтай холбогдуулан шинээр томилогдсон Засаг дарга нарыг танилцуулж байна.
Орхон аймгийн Засаг даргаар Дамбын Батлут томилогдон, долдугаар сарын 20-нд тамга тэмдэгээ хүлээн авч, ажиллаж эхлээд байна.
Тэрбээр 1974 онд Архангай аймгийн Хашаат суманд төрсөн
Төгссөн сургууль:
1999 - 2002 онд Ш.Отгонбилэгийн нэрэмжит Технологийн сургуулийг цахилгааны инженер
2006 - 2007 Төрийн удирдлагын академийг Төрийн удирдлагын менежерээр тус тус суралцаж төгссөн
Эхнэр, дөрвөн хүүхдийн хамт амьдардаг
Ажилласан байдал:
1994 - 2000 онд “Эрдэнэт хивс” ХК-ийн Ноос угаах үйлдвэрт туслах ажилчин, оператор
2001 - 2004 онд Орхон аймгийн Оюутны холбооны дэд ерөнхийлөгч
2004 - 2006 онд “Дэлхийн зөн” ОУБ-ын төслийн гүйцэтгэгч, “Эрдэнэт хамтын хөгжил” ТББ-ын гүйцэтгэх захирал
2006 - 2007 онд Аймгийн газрын албанд мэргэжилтэн
2008 - 2012 онд Баян-Өндөр сумын Засаг даргын орлогч
2006 - 2013 онд Орхон аймгийн НАМЗХ-ын тэргүүн
2008 - 2016 оны 7 дугаар сарын 18 хүртэл аймгийн ИТХ-ын төлөөлөгч, Тэргүүлэгч, аймгийн ИТХ дахь Монгол Ардын Намын бүлгийн дарга,
2008 оноос одоог хүртэл Монгол Ардын Намын Бага хурлын гишүүн, аймгийн ИТХ-ын төлөөлөгч
2013 оноос одоог хүртэл Орхон аймгийн МАН-ын хорооны дарга
2016.07.20-ноос Орхон аймгийн Засаг дарга
Гавъяа шагнал:
НХХЯ-ны тэргүүний ажилтан
Ардын хувьсгалын 90 жилийн ойн медаль
-
2016 оны 8 сарын 22
Монгол Улсын Ерөнхий сайд Ж.Эрдэнэбат өнөөдөр Дэлхийн банкны Монгол дахь суурин төлөөлөгч Жеймс Андерсон, Олон улсын санхүүгийн корпорацын суурин төлөөлөгч Туен Нгеуен тэргүүтэй албаны хүмүүсийг хүлээн авч уулзлаа.
Монгол Улс, Дэлхийн банкны хамтын ажиллагааны 25 жилийн ой энэ онд тохиож байгаа юм. Ойн хүрээнд ажлаа дүгнэж, ирэх 25 жилийн хамтын ажиллагааны стратегийг боловсруулахдаа Монгол Улсын Засгийн газрын саналыг сонсч тусгахаа ноён Жеймс Андерсон хэллээ.
Ерөнхий сайд Ж.Эрдэнэбат:
-Монгол Улсын эдийн засаг олон тулгууртай байх ёстой. Энэ хүрээнд бид хамгийн түрүүнд бүх салбарт боловсруулах үйлдвэрлэлийг түлхүү хөгжүүлнэ. Ингэж байж эдийн засгаа солонгоруулна. Мөн уул уурхайн салбарын хэт хамаарлыг багасгана. Гэвч өнөөдрийн байдлаар боловсруулах үйлдвэрлэлээр байгаль орчинд болон нийгмийн чиглэлийн үнэлгээ нь эерэг гарсан, эдийн засгийн хувьд үр ашигтай нь ТЭЗҮ-гээр батлагдсан томоохон бэлэн төслүүд алга. Иймд боловсруулах үйлдвэрлэлийн томоохон төслүүдийн үнэлгээ хийх, эдийн засгийн үр өгөөжийг тооцсон техник, эдийн засгийн үндэслэл боловсруулахад Дэлхийн банктай хамтарч ажиллах сонирхолтой байна гэлээ. Суурин төлөөлөгч Жеймс Андерсон, Ерөнхий сайдтай санал нэг байгаагаа илэрхийлээд Монгол Улсын Засгийн газар юуны өмнө гадаадын хөрөнгө оруулагчдын итгэлийг эргэж сэргээхэд анхаарах хэрэгтэйг зөвлөлөө. Харин Олон улсын санхүүгийн корпорацийн суурин төлөөлөгч Туен Нгеуен, бид Монгол Улсыг эдийн засгийн хүндрэлийг давахад танай улсын хувийн салбарыг дэмжих замаар туслахад бэлэн байна гэдгээ илэрхийлэв гэж Засгийн газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 8 сарын 22
Төрийн үйлчилгээнд иргэдийн үнэлгээний систем нэвтрүүлнэ
-
2016 оны 8 сарын 22
Яг одоо УИХ-дахь МАН-ын бүлэг, тус намын Удирдах зөвлөлийн хамтарсан хуралдаан төрийн ордны жанжин Сүхбаатарын танхимд үргэлжилж байна. Хуралдаанаар Засгийн газрын үйл ажиллагааны мөрийн хөтөлбөрийг хэлэлцэж байгаа аж. Ерөнхий сайд Ж.Эрдэнэбат өмнө нь Засгийн газрын үйл ажиллагааны мөрийн хөтөлбөрийг төсвийн тодотголтой хамт УИХ –ын даргад өргөн мэдүүлж ээлжит бус чуулганаар батлуулна гэж мэдэгдсэн. Үүний дагуу Засгийн газрын үйл ажиллаганы мөрийн хөтөлбрийг УИХ-ын даргад өргөн барихаасаа өмнө намын бүлэг Удирдах зөвлөлөөр хэлэлцүүлж гишүүдийн санал сэтгэгдлийг тусгахаар хуралдаж байгаа аж.
-
2016 оны 8 сарын 22
Дэлхийн банктай хамтран ажиллах боломжтой
-
2016 оны 8 сарын 22
Өнөөдрийн байдлаар 67 төсөл, арга хэмжээ гэрээ байгуулаад байна.
-
2016 оны 8 сарын 22
тарвас
-
2016 оны 8 сарын 22
Аймаг, нийслэлийн иргэдийн төлөөлөгчдийн хурлын дарга, Засаг дарга нарын сургалт семинар эхэллээ
-
2016 оны 8 сарын 19
“Төрийн мэдээлэл” эмхэтгэлийн өнөөдрийн шинэ дугаарт Хувьсах зардлын дундаж норматив, санхүүжүүлэх аргачлал батлах тухай Засгийн газрын тогтоол болон Монгол Улсын Ерөнхийлөгчийн зарлигийг нийтэллээ.
Мөн Хувьсах зардлын дундаж норматив, санхүүжүүлэх аргачлал батлах тухай Засгийн газрын тогтоолыг нийтлэв. Уг тогтоолоор сургуулийн өмнөх болон бага, дунд боловсрол эзэмшүүлэхэд нэг суралцагчид ногдох хувьсах зардлын дундаж нормативыг тооцох бүрэлдэхүүн, сургуулийн өмнөх боловсрол эзэмшүүлэхэд нэг суралцагчид ногдох хувьсах зардлын дундаж нормативын хэмжээ, төрийн болон орон нутгийн өмчит ерөнхий боловсролын сургуулийн бага, дунд боловсрол эзэмшүүлэхэд нэг суралцагчид ногдох хувьсах зардлын дундаж нормативын хэмжээг баталжээ. Түүнчлэн ерөнхий боловсролын сургуулийн дотуур байрны нэг суралцагчид ногдох хувьсах зардлын дундаж нормативын хэмжээ, төрийн бус өмчийн ерөнхий боловсролын сургуулийн нэг суралцагчид ногдох хувьсах зардлын дундаж нормативын хэмжээ, сургуулийн өмнөх болон бага, дунд боловсрол эзэмшүүлэх, ерөнхий боловсролын сургуулийн дотуур байрны нэг суралцагчид ногдох хувьсах зардлын дундаж нормативаар санхүүжүүлэх аргачлалыг тус тус баталсан байна.
Мөн Шүүхийн ёс зүйн хорооны гишүүний албан тушаалаас чөлөөлөх тухай, Шүүхийн ёс зүйн хорооны гишүүнийг томилох тухай, Шүүхийн шүүгчийн албан тушаалаас чөлөөлөх тухай, Зарим хүмүүсийг шүүхийн шүүгчийн албан тушаалд томилох тухай Монгол Улсын Ерөнхийлөгчийн зарлигийг нийтэллээ.
-
2016 оны 8 сарын 19
Арьсны өвчин судлалын үндэсний төвийг Хөдөлмөрийн гавьяаны улаан тугийн одонгоор шагналаа
-
2016 оны 8 сарын 19
УИХ-ын ээлжит бус чуулганыг яаралтай хуралдуулахыг Ардчилсан намын бүлгээс шаардсан. Улсын төсөв, эдийн засгийн өнөөгийн нөхцөл байдлаас улбаалж төсвийн тодотгол хийх шаардлагатай байгаа юм.
Тэгвэл зарим эх сурвалжийн мэдээлж буйгаар наймдугаар сарын 25-нд ээлжит бус чуулганыг зарлаж магадгүй гэлээ. Нэгдсэн хуралдаанаар өнгөрсөн оны төсвийн тайлан, 2017 оны төсвийн хүрээний мэдэгдэл, 2017-2020 он хүртэлх дунд хугацааны хөтөлбөрийн гол параметруудыг батлах аж. Мөн төсвийн тодотголыг хийх юм.
-
2016 оны 8 сарын 19
Монгол Улсын Их Хурлын гишүүн Н.Амарзаяа, А.Ундраа, Б.Саранчимэг, Л.Энхболд нар өнөөдөр /2016.08.19/ Канадын парламентын гишүүн Брэд Трост тэргүүтэй төлөөлөгчдийг хүлээн авч уулзав.
УИХ-ын гишүүд эрхэм төлөөлөгчдийг Монгол Улсад тавтай зочлохыг хүсээд, хоёр орны парламент хоорондын харилцааг улам өргөжүүлэхийн төлөө ажиллах болно гэдгээ илэрхийлсэн юм.
Канадын парламентын Нийтийн танхимын гишүүн Брэд Торст, Канад Монгол хоёр улсын найрсаг харилцаа, хамтын ажиллагаа олон жилийн түүхтэй болохыг дурдаад, парламент хоорондын харилцааг дэмжин ажиллах зорилгоор энэ удаад Монгол Улсад ирсэн гэлээ. Энэ удаагийн уулзалт хоёр орны парламент хоорондын харилцааг эрчимжүүлж, цаашдын хамтын ажиллагааг өргөжүүлэхийн эхлэл болно гэдэгт итгэлтэй байна гэв.
Уулзалтын үеэр талууд хариуцлагатай уул уурхайг хөгжүүлэх, нөхөн сэргээлт, экологийн хөгжил, эрчимжсэн мал аж ахуйг хөгжүүлэх чиглэлээр санал солилцон, байр сууриа илэрхийлж, УИХ-ын гишүүд энэ салбарыг амжилттай хөгжүүлсэн Канад Улсаас туршлага судлах хүсэлтэй байгаагаа илэрхийлсэн хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 8 сарын 19
Тэгвэл Сүхбаатар, Багануур дүүрэгт МАН-аас хэн, хэн нэр дэвшсэнийг эргэн нэг санацгаая. Уг дүүргийн 61 дүгээр тойрогт МАН-аас Сү.Батболд, 62 дугаар тойрогт Ц.Цогзолмаа, 59 дүгээр тойрогт Д.Цогтбаатар нар тус, тус нэр дэвшин өрсөлджээ. Эдгээр нэр дэвшигчид бүгд ялалт байгуулж УИХ-ын гишүүд болцгоосон байна. Прокурорын байгууллагаас “МАН-ын нэр дэвшигч биш дэвшигчид” гэж мэдээлсэнээс үзвэл дээрх гурван нэр дэвшигч гурвуулаа мөнгө тараасан бололтой.
-
2016 оны 8 сарын 19
ЕРӨНХИЙ САЙД БОЛОВСРОЛЫН САЛБАРЫНХНЫ ҮГИЙГ ЖИЛ БҮР СОНСОНО
-
2016 оны 8 сарын 18
Монгол Улсын Их Хурлын гишүүн Г.Тэмүүлэн өнөөдөр /2016.08.18/ Канадын парламентын гишүүн Брэд Трост тэргүүтэй төлөөлөгчдийг хүлээн авч уулзав.
Уулзалтын эхэнд Канадын парламентын гишүүн Брэд Трост цаг гарган хүлээн авч уулзаж буйд талархал илэрхийлээд Улсын Их Хурлын сонгуульд ялалт байгуулсанд баяр хүргэв.
Улсын Их Хурлын гишүүн Г.Тэмүүлэн улс орны нийгэм, эдийн засгийн өнөөгийн байдлыг товч танилцуулж, удахгүй хуралдах Улсын Их Хурлын ээлжит бус чуулганаар Засгийн газрын ирэх дөрвөн жилд улс орны нийгэм, эдийн засгийг сайжруулах мөрийн хөтөлбөрийг батлахаар бэлтгэж байгааг танилцуулсан юм. Мөн хоёр улсын харилцаа, хамтын ажиллагааг өргөжүүлэх боломжийн талаар байр сууриа илэрхийллээ. Тэрбээр хоёр улс олон жил өргөн цар хүрээтэй хамтын ажиллагаатай явж ирснийг тэмдэглээд тус улстай уул уурхайгаас гадна бусад салбарын хамтын ажиллагааг түлхүү хөгжүүлэх, ялангуяа хөдөө аж ахуйн салбарт үр ашигтай үйлдвэрлэлийн технологийг Монгол Улсад нэвтрүүлэх боломжтойг уулзалтын үеэр онцолж, санал солилцсон.
Канадын парламентын гишүүн Брэд Трост эрхэм гишүүний саналыг дэмжиж буйгаа илэрхийлээд “Манай хоёр улс уул уурхайн салбарт хамтран ажиллаж ирсэн туршлагатай. Цаашид зөвхөн уул уурхайн салбарт бус хөдөө аж ахуйн салбарын хамтын ажиллагаагаа хөгжүүлэх нь зүйтэй. Хөдөө аж ахуйн салбарын бүтээгдэхүүний нийлүүлэлтийг нэмэгдүүлэх боломжтой” гэв. Түүнчлэн хоёр улсын бизнесийн орчныг сайжруулахад анхаарал хандуулж ажиллахыг хүсэв гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 8 сарын 18
Энхийг сахиулагчид жанжин туганд хүндэтгэл үзүүллээ
-
2016 оны 8 сарын 18
“Монголын археологийн үнэт өв” зургаан боть номын нээлтийн ажиллагаа болов
-
2016 оны 8 сарын 18
Монгол Улсын Их Хурлын гишүүн Ц.Нямдорж Монгол Улсын Ерөнхий сайд Ж.Эрдэнэбатад Тусгай хамгаалалттай газар нутагт баригдаж байгаа обьектын талаарх албан бичгийг өнөөдөр /2016.08.18/ хүргүүлсэн байна.
Уг албан бичигт, “Их Тэнгэр цогцолборын зүүн талд төрийн тусгай хамгаалалт бүхий газарт “АСЕМ”-ын хуралд зориулсан гэх нэрийдлээр нэгэн барилга баригдаж эхлээд нэлээдгүй хугацаа өнгөрч байна. “АСЕМ”-ын хурал зохион байгуулагдаж дууссан боловч одоо болтол уг барилгын ажил үргэлжилж байна.
Эндээс үзвэл “АСЕМ”-ын хурал зохион байгуулах бэлтгэл хангах нэрийдлээр тусгай хамгаалалттай газарт хувийн барилга байгууламж барьж, хэрэг дээрээ тэндээс газар залилсан байж болзошгүй байна.
Иймд уг асуудлыг шалган хууль бус, албан тушаалаа урвуулсан болон залилангийн шинжтэй үйлдлийг таслан зогсоож дүнг танилцуулахыг хүсье” гэжээ хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 8 сарын 18
Засгийн газрын 2016-2020 оны хүртэлх мөрийн хөтөлбөрийг боловсруулж байна. Энэхүү хөтөлбөрийг боловсруулах ажлын хэсгийн ахлагчаар ЗГХЭГ-ын дарга Ж.Мөнхбат ахалж байгаа аж.
Ирэх дөрвөн жилд Засгийн газар ямар чиг шугамаар ажиллах нь уг хөтөлбөртэй салшгүй холбоотой. Иймээс Засгийн газрын сайд нар салбар бүрийн төлөөлөлтэй уулзаж санал солилцохоор төлөвлөжээ. Өнөөдөр гэхэд боловсрол, соёл, шинжлэх ухааны салбарынхантай уулзаж санал солилцлоо.
Засгийн газрын мөрийн хөтөлбөрийг ирэх долоо хоногт УИХ-ын даргад өргөн барихаар төлөвлөж байгаа юм байна.
