-
2015 оны 11 сарын 26
өмнө нь шүүхийн хүчин төгөлдөр шийдвэрийн дагу
-
2015 оны 11 сарын 26
“Сайдын цаг” уулзалтад Хөдөлмөрийн сайд Г.Баярсайхан оролцлоо
7 минутын өмнө
Print Zasag and PDF
“Сайдын цаг” уулзалтад Хөдөлмөрийн сайд Г.Баярсайхан оролцож, мэдээлэл хийлээ.
Хууль эрх зүйн орчныг сайжруулах зорилтын хүрээнд Хөдөлмөрийн аюулгүй байдал, эрүүл ахуйн тухай хуульд нэмэлт, өөрчлөлт оруулах тухай хуулийг УИХ-аар батлуулжээ. Хууль хэрэгжиж эхэлснээр үйлдвэрлэлийн орчин, гаднах талбайд иргэн осолд орж амь нас, хөдөлмөрийн чадвараа алдсан тохиолдолд ажил олгогч хариуцлага хүлээдэг болсон байна. Түүнчлэн үйлдвэрлэлийн осол, мэргэжлээс шалтгаалсан өвчний улмаас амь эрсэдсэн, хөдөлмөрийн чадвараа алдсан иргэн, тэдний ар гэрт олгох нөхөн төлбөрийн хэмжээг нэмэгдүүлж, эрсдэл ихтэй ажлын байранд ажиллаж байгаа ажилтныг амь нас, эрүүл мэндийн нэмэлт даатгалд заавал даатгуулах зэрэг шинэлэг өөрчлөлтүүдийг хийсэн. Үүнтэй холбогдуулан “Мэргэжлээс шалтгаалсан өвчнийг бүртгэн мэдээлэх журам”, “Ажлын байрны хөдөлмөрийн нөхцөлийн үнэлгээ хийх журам”-уудыг батлан хэрэгжүүлж байна гэж Хөдөлмөрийн сайд Г.Баярсайхан хэллээ.
Хөдөлмөрийн тухай хуулийн шинэчилсэн найруулгын төслийг боловсруулж, УИХ-аар хэлэлцэж эхлээд байна. Энэ хууль батлагдсанаар хуулийн хамрах хүрээг өргөжиж, хөдөлмөрийн харилцааны шинэ хэлбэрүүдийг зохицуулан, алслагдсан орон нутагт ажиллаж байгаа иргэдийг 20 хоног ажиллаад 10 хоног амрах нөхцлийг бүрдүүлэх, өөрийн хүсэлтээр хүүхдээ 3 нас хүртэл нь асрах эхчүүдийн нийгмийн даатгалын шимтгэлийг ажил олгогч төлөх, мэргэжлийн зэргийг цалин хөлстэй нь уялдуулан ялгавартай олгох, оюутан, залуучуудыг суралцахын зэрэгцээ 4 хүртэл цаг ажиллах, ажилласан тухай бүрт цалин хөлсийг олгож байх зэрэг эрх зүйн зохицуулалт бий болох юм.
Хөдөлмөрийн салбарын асуудлууд нь бусад салбарын яамдтай холбогдсон хоорондын уялдаа холбоон дээр суурилсан салбар дундын бодлогоор зохицуулагдаж байдаг тул холбогдох яамдуудтай хамтран ажиллаж байна. Хөдөлмөрийн аюулгүй байдал, эрүүл ахуйн тухай хууль батлагдсантай холбогдуулан, “Барилгын салбарт хөдөлмөрийн аюулгүй байдал, эрүүл ахуйн шаардлагыг хангах ажлыг зохион байгуулах, эрсдэлийг тодорхойлж, гарч болзошгүй ослоос урьдчилан сэргийлэх, хяналт тавих журам”-ыг Шадар сайд, Барилга, хот байгуулалтын сайд, Хөдөлмөрийн сайдын хамтарсан тушаалаар батлуулж хэрэгжилтийг хамтран зохион байгуулж байна гэж сайд хэллээ.Мөн барилгын салбарт мэргэжилтэй ажиллах хүчнийг дотооддоо сургаж бэлтгэх, мэргэжлийн өндөр ур чадвартай гадаадын мэргэжилтнүүдийг дагалдуулан мэргэшүүлэх, гадаадаас авах ажиллах хүч, мэргэжилтний тоо хэмжээг бууруулах, барилгын салбарын эрэлтэд нийцсэн мэргэжилтэй ажилтан бэлтгэх, чиглэлээр хамтран ажиллаж байна. Батлан хамгаалах яамтай “Монгол цэрэг бүтээн байгуулалтад хөтөлбөр”-ийг хэрэгжүүлэх мэргэжил эзэмшүүлэх, цэргийн албанд олон жил ажилласан офицер, ахлагч нарыг чөлөөнд гарсны дараа ажлын байраар хангах, нийгмийн хамгааллын бодлого, үйлчилгээг хөгжүүлэх чиглэлээр хамтран ажиллаж байна. Байгаль орчин, ногоон хөгжил, аялал жуулчлалын яамтайхамтран ойн нөхөрлөл болон мэргэжлийн байгууллагын гишүүдэд мэргэжил олгоход хамтран ажиллах, ойн аж ахуйн арга хэмжээг хэрэгжүүлэхэд нэн тэргүүнд шаардлагатай байгаа ойжуулалт, цэцэрлэгжүүлэлт, ойн арчилгаа, ашиглалтын чиглэлээр мэргэшсэн ажилчдыг МСҮТ-үүдэд бэлтгэх зорилгоор Хамтран ажиллах санамж бичиг байгуулан ажиллаж байна гэлээ.
Нийгмийн түншлэгч талууд Хөдөлмөр, нийгмийн зөвшлийн гурван талт улсын 2015-2016 оны хэлэлцээрийн дагуу төрийн албан хаагчдын цалинг үе шаттайгаар нэмэгдүүлэх асуудлаар нэмэлт хэлэлцээрийг хийж уг асуудлыг 2016 оны төсвийн эхний тодотголд шилжүүлэн, Улсын Их Хурлаар шийдвэрлүүлэхээр төлөвлөж байгаагаа сайд хэлээд бага цалинтай, эдийн засгийн хямралд илүүтэй нэрвэгдэж буй хэсгийн цалинг эхний ээлжинд нэмэх, мөн цалинг ижил хувиар биш ижил мөнгөн дүнгээр нэмэх нь зүйтэй гэсэн байр суурьтай байна гэлээ.
Тус яамнаас хөдөлмөр эрхлэлтийг дэмжиж, ажлын байрыг нэмэгдүүлэх зорилтын хүрээнд“Хувиараа хөдөлмөр эрхлэгч, нөхөрлөл хоршоо байгуулах иргэнийг дэмжих”, “Хөдөлмөр эрхлэлтийн ур чадвар олгох, ажлын байрыг хадгалах”, “Залуучууд, мэргэжлийн боловсрол, сургалтын байгууллагын төгсөгчдийн хөдөлмөр эрхлэлтийг дэмжих”, “Хөгжлийн бэрхшээлтэй иргэний ажлын байрыг дэмжих”, “Малчдын хөдөлмөр эрхлэлтийг дэмжих” хөтөлбөрүүдийг улсын хэмжээнд хэрэгжүүлж, 50 мянга шахам иргэнийг хамруулан, 30 мянга гаруй ажлын байр бий болгожээ гэж Засгийн газрын Хэвлэл мэдээлэл олон нийттэй харилцах албанаас мэдээллээ.
-
2015 оны 11 сарын 26
Чуулганы хуралдаан үдээс хойш үргэлжилнэ
Чуулганы үдээс өмнөх хуралдаанаар “Төрөөс хүнс, хөдөө аж ахуйн талаар баримтлах бодлого батлах тухай” Улсын Их Хурлын тогтоолын төслийн эцсийн хэлэлцүүлгээр үргэлжлэв. Төслийн хавсралтын 6.2.3 дахь дэд заалтыг “бүс нутгийн болон олон улсын байгууллагад гишүүнээр элсүүлэх” гэж, төслийн хавсралтын “Хүрэх үр дүн гэсэн наймдугаар бүлгийн Үйлдвэрийн аргаар бэлтгэсэн мах, мянган тонн” гэсэн үзүүлэлтийн “294.5” гэснийг “16.8” гэж, “380” гэснийг “100” гэж, “460” гэснийг “200” гэж тус тус өөрчлөх санал гишүүдийн дэмжлэг авч төсөлд тусгагдахаар болов.
Тогтоолын хавсралтаар, Хүнс, хөдөө аж ахуйн үйлдвэрлэл нь Монгол Улсын үндэсний аюулгүй байдлыг хангах чухал үүрэгтэй эдийн засаг, нийгмийн хөгжлийн суурь салбарын нэг мөн гэдгийг, хүнс, хөдөө аж ахуйн салбарын хөгжил нь үйлдвэрлэлийн бүтээмжийг нэмэгдүүлэн өрсөлдөх чадварыг сайжруулахад чиглэгдэнэ гэдгийг тус тус тогтоож өгсөн байна.
Хүнс, хөдөө аж ахуйн салбарыг оновчтой зохицуулалтаар төрөөс дэмжихдээ хүн амыг шим тэжээллэг, аюулгүй хүнсээр жигд хүртээмжтэй хангасан байх, хүний нөөцийг тасралтгүй чадавхжуулсан байх, үйлдвэрлэл нь судалгаа ба хөгжилд тулгуурласан байх, хөрөнгө оруулалтыг хөхиүлэн дэмжиж, хамгаалсан байх, үйлдвэрлэлийг өртгийн сүлжээгээр хөгжүүлсэн байх, эрсдлийг бууруулахад чиглэгдсэн байх зэрэг зарчмыг баримтлахаар заасан байна. Ийнхүү баталсан тогтоолыг 2016 оны 01 дүгээр сарын 1-ний өдрөөс эхлэн дагаж мөрдөнө.
Үргэлжлүүлэн Улсын Их Хурлын гишүүд Хөгжлийн бодлого төлөвлөлтийн тухай болон холбогдох бусад хуулийн төслийн эцсийн хэлэлцүүлгийг хийв. Эцсийн хэлэлцүүлэгт бэлтгэсэн талаарх Эдийн засгийн болон Төрийн байгуулалтын Байнгын хорооны танилцуулгыг УИХ-ын гишүүн Ж.Батсуурь хийхдээ, Улсын Их Хурлын чуулганы нэгдсэн хуралдааны анхны хэлэлцүүлгээр санал хурааж шийдвэрлэсэн зарчмын зөрүүтэй саналуудыг хуулийн төсөлд хэрхэн тусгасан талаар танилцууллаа. Тухайлбал, Засгийн газрын үйл ажиллагааны хөтөлбөр болон улсын эдийн засаг, нийгмийг хөгжүүлэх үндсэн чиглэлийн хэрэгжилтийг Монгол Улсын Их Хурлын чуулганы хуралдааны дэгийн тухай хуульд заасан хугацаанд Улсын Их Хуралд танилцуулах, Бүсчилсэн хөгжлийн бодлогыг Монгол Улсын хөгжлийн үзэл баримтлал, Бүсчилсэн хөгжлийн удирдлага, зохицуулалтын тухай, Хот байгуулалтын тухай хуультай уялдуулан боловсруулах, Үндэсний хөтөлбөрийн жагсаалтыг Засгийн газар баталдаг байх, “Улсын эдийн засаг, нийгмийг хөгжүүлэх үндсэн чиглэлд нийцүүлэн боловсруулсан улсын болон орон нутгийн төсвийг богино хугацаанд хэрэгжүүлэх хөгжлийн бодлогын баримт бичигт оруулах”, “Монгол Улсын хөгжлийн үзэл баримтлалыг Үндэсний аюулгүй байдлын болон Гадаад бодлогын үзэл баримтлалтай уялдуулан боловсруулах”, “үндэсний хөтөлбөрийн жагсаалтыг батлахдаа өмнө батлагдсан ижил төстэй үндэсний хөтөлбөрийн үндсэн зорилт, агуулгыг хадгалах” гэсэн зэрэг саналыг тус тус тусгасан тухай тэрээр танилцууллаа.
Төслийг хэлэлцэх явцад, тухайлбал, Санхүү, төсвийн асуудал эрхэлсэн төрийн захиргааны төв байгууллага бүсчилсэн хөгжлийн бодлогыг боловсруулах ажлыг холбогдох төрийн захиргааны төв байгууллагатай хамтран зохион байгуулна.” гэсэн саналыг гишүүд дэмжиж улмаар төсөлд тусгахаар болов.
Энэ хуулийн төсөл болон холбогдох бусад хууль, тогтоолын төслийг гишүүдийн олонхын саналаар бүхэлд баталлаа.
Эрчим хүч хэмнэлтийн тухай хуулийн төслийн эцсийн хэлэлцүүлгийг хийх үеэр чуулганы нэгдсэн хуралдааны анхны хэлэлцүүлгээр санал хурааж шийдвэрлэсэн зарчмын зөрүүтэй саналын томьёолуудыг төсөлд нэг бүрчлэн тусгасан бөгөөд хуулийн төслийг хууль зүйн техникийн талаас хянан үзэж, нэр томьёо, хэл найруулгын засвар, өөрчлөлтийг хийсэн талаарх холбогдох Байнгын хорооны танилцуулгыг УИХ-ын гишүүн А.Тлейхан хийв. Дахин найруулсан “3.1.9. “эрчим хүч хэмнэлтийн менежер” гэж энэ хуулийн 3.1.8-д заасан иргэн, аж ахуйн нэгж, байгууллагад эрчим хүч хэмнэлтийн чиглэлээр ажиллах эрх бүхий ажилтныг” гэсэн саналын томьёоллоор санал хураахад хуралдаанд оролцсон гишүүдийн олонх дэмжлээ.
Эрчим хүчийг хэмнэх, үр ашигтай хэрэглэхтэй холбогдон үүссэн харилцааг зохицуулах зорилт бүхий энэ хуулийн төслийг бүхэлд нь баталлаа.
Хуралдаанаар, Монгол Улсын Засгийн газар, БНХАУ-ын Экспорт Импорт банк хооронд байгуулах 1.0 тэрбум ам. долларын зээлийн ерөнхий хэлэлцээрийг соёрхон батлах тухай хуулийн төслийг хэлэлцэж гишүүдийн олонхын саналаар баталлаа. Батлахын өмнө гишүүд асуулт тавьж үг хэлэхдээ, өрийн босго хэтрэх үү үгүй юу, зээл нь юунд зарцуулагдах, түүний төлөгдөх тооцоо, судалгааг танилцуулах, үр ашиг нь ямар байх, бусад зарим улсаас авсан зээлийн хэрэгжилт ямар байгаа, өр төлөх сан байгуулах, зээлийг үйлдвэрлэлийг дэмжсэн тус нэмэртэй тодорхой төсөлд зарцуулах, зэрэгт анхаарлаа хандуулж байв.
Чуулганы хуралдаан үдээс хойш үргэлжилнэ гэж УИХ-ын Тамгын газрын Хэвлэл, мэдээлэл, олон нийттэй харилцах хэлтэс мэдээлэв.
-
2015 оны 11 сарын 26
УИХ-ын сонгуулийн хуульд өөрчлөлт оруулах хуулийн төслийг батлав
-
2015 оны 11 сарын 26
УИХ-ын чуулганы өнөөдрийн хуралдааны эхэнд УИХ-ын гишүүн Х.Тэмүүжин нарын 5 гишүүний өргөн мэдүүлсэн Монгол Улсын Их Хурлын сонгуулийн тухай хуульд өөрчлөлт оруулах тухай хуулийг төслийн анхны хэлэлцүүлгийг хийж, баталлаа.
-
2015 оны 11 сарын 26
Монгол Улсын Ерөнхий сайд Ч.Сайханбилэг өнөөдөр 21.00 цагт МҮОНРТ болон бусад телевизүүдээр дамжуулж олон нийтэд хандан үг хэлэх болжээ.
Түүний хувьд Монгол Улсын Засгийн газрыг тэргүүлэн ажилласнаас хойш нэг жил болж буй. Энэ хугацаанд Засгийн газрын зүгээс хэрэгжүүлсэн бодлогуудаа мөн хийж хэрэгжүүлж байгаа ажлуудаа танилцуулах аж.
-
2015 оны 11 сарын 26
УИХ-ын чуулганы нэгдсэн хуралдаан эхэллээ. Тус хуралдаанаар Төрөөс хүнс хөдөө аж ахуйн талаар баримтлах бодлого батлах тухай УИХ-ын тогтоолын төслийн эцсийн хэлэлцүүлгийг хийж эхлээд байна. Үүний дараа Хөгжлийн бодлого төлөвлөлтийн тухай болон холбогдох бусад хуулийн төслүүд, Эрчим хүч хэмнэлтийн тухай болон холбогдох бусад хуулийн төслүүд, Монгол Улсын Засгийн газар, Бүгд Найрамдах Хятад Ард Улсын Экспорт Импорт банк хооронд байгуулах 1.0 тэрбум ам.долларын зээлийн ерөнхий хэлэлцээрийг соёрхон батлах тухай хуулийн төсөл зэрэг 11 хуулийн төслийг хэлэлцэх юм.
-
2015 оны 11 сарын 26
Ажлын дэд хэсэг хуралдлаа
-
2015 оны 11 сарын 26
Үүнээс үзвэл АН бусад намуудыг өөртөө нэгтгэх нь. Эх сурвалжийн мэдээлж буйгаар тус нам ИЗНН болон МҮАН-тай нэгдэх гэнэ. Тэгэхээр МАХН-тай нэгдэн сонгуульд оролцож УИХ-д бүлэг үүсгэсэн МҮАН-ынхан Н.Энхбаяраас салж АН-д ирэх нь. УИХ-ын гишүүн С.Оюун даргатай ИЗНН ч мөн ялгаагүй АН-тай эвсэх юм байна.
-
2015 оны 11 сарын 26
УИХ-ын чуулганы нэгдсэн хуралдаан 09.00 цагаас эхлэхээр товлогджээ. Өнөөдрийн хуралдаанаар дараах асуудлуудыг хэлэлцэнэ.
1.Монгол Улсын Их Хурлын сонгуулийн тухай хуульд өөрчлөлт оруулах тухай хуулийн төсөл /Улсын Их Хурлын гишүүн Х.Тэмүүжин нарын 5 гишүүн 2015.11.06-ны өдөр өргөн мэдүүлсэн, анхны хэлэлцүүлэг/:
-Төрийн байгуулалтын байнгын хорооны санал, дүгнэлтийг Улсын Их Хурлын гишүүн С.БАЯРЦОГТ танилцуулна.
2.“Төрөөс хүнс, хөдөө аж ахуйн талаар баримтлах бодлого батлах тухай” Улсын Их Хурлын тогтоолын төсөл /Засгийн газар 2015.06.10-ны өдөр өргөн мэдүүлсэн, эцсийн хэлэлцүүлэг/:
-Байгаль орчин, хүнс, хөдөө аж ахуйн байнгын хорооны танилцуулгыг Улсын Их Хурлын гишүүн Д.ТЭРБИШДАГВА танилцуулна.
3.Хөгжлийн бодлого төлөвлөлтийн тухай болон холбогдох бусад хуулийн төслүүд /Засгийн газар 2015.06.24-ний өдөр өргөн мэдүүлсэн, эцсийн хэлэлцүүлэг/:
-Эдийн засгийн байнгын хорооны танилцуулгыг Улсын Их Хурлын гишүүн А.БАКЕЙ танилцуулна.
4.Эрчим хүч хэмнэлтийн тухай болон холбогдох бусад хуулийн төслүүд /Засгийн газар 2015.08.05-ны өдөр өргөн мэдүүлсэн, эцсийн хэлэлцүүлэг/:
-Эдийн засгийн байнгын хорооны танилцуулгыг Улсын Их Хурлын гишүүн А.ТЛЕЙХАНтанилцуулна.
5.Монгол Улсын Засгийн газар, Бүгд Найрамдах Хятад Ард Улсын Экспорт Импорт банк хооронд байгуулах 1.0 тэрбум ам. долларын зээлийн ерөнхий хэлэлцээрийг соёрхон батлах тухай хуулийн төсөл /Засгийн газар 2015.11.20-ны өдөр өргөн мэдүүлсэн, соёрхон батлах/:
-Хууль санаачлагчийн илтгэлийг Эрчим хүчний сайд Д.ЗОРИГТ танилцуулна;
-Аюулгүй байдал, гадаад бодлогын байнгын хорооны санал, дүгнэлтийг Улсын Их Хурлын гишүүн Д.ДЭМБЭРЭЛ танилцуулна.
6.Засаг захиргаа нутаг дэвсгэрийн нэгж, түүний удирдлагын тухай хуульд нэмэлт, өөрчлөлт оруулах тухай, Төрийн болон орон нутгийн өмчийн тухай хуульд нэмэлт, өөрчлөлт оруулах тухай хуулийн төсөл /Засгийн газар 2015.11.06-ны өдөр өргөн мэдүүлсэн, анхны хэлэлцүүлэг/:
-Төсвийн байнгын хорооны санал, дүгнэлтийг Улсын Их Хурлын гишүүн Д.ГАНХУЯГ танилцуулна.
7.“Монгол Улсын 2016 оны төсвийн тухай хууль баталсантай холбогдуулан авах зарим арга хэмжээний тухай” Улсын Их Хурлын тогтоолын төсөл /анхны хэлэлцүүлэг/:
-Төсвийн байнгын хорооны санал, дүгнэлтийг Улсын Их Хурлын гишүүн Д.ГАНХУЯГ танилцуулна.
8.Oлон улсын гэрээний тухай /шинэчилсэн найруулга/ хуулийн төсөл /Засгийн газар 2015.10.14-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Гадаад хэргийн сайд Л.ПҮРЭВСҮРЭН танилцуулна;
-Аюулгүй байдал, гадаад бодлогын байнгын хорооны санал, дүгнэлтийг Улсын Их Хурлын гишүүн С.ОЮУН танилцуулна.
9.Нийгмийн даатгалын сангаас олгох тэтгэвэр, тэтгэмжийн тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн Д.Батцогт нарын 17 гишүүн 2015.11.06-ны өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Улсын Их Хурлын гишүүн Д.БАТЦОГТ танилцуулна;
-Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн Ц.ОЮУНГЭРЭЛ танилцуулна.
10.Гаалийн тариф, гаалийн татварын тухай хуульд нэмэлт оруулах тухай, Нэмэгдсэн өртгийн албан татварын тухай хуульд нэмэлт оруулах тухай хуулийн төсөл /Улсын Их Хурлын гишүүн С.Оюун нарын 11 гишүүн 2015.09.14-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Улсын Их Хурлын гишүүн С.ОЮУН танилцуулна;
-Төсвийн байнгын хорооны санал, дүгнэлтийг Улсын Их Хурлын гишүүн Р.АМАРЖАРГАЛ танилцуулна.
11.“Юмжаагийн Цэдэнбалын мэндэлсний 100 жилийн ойг тэмдэглэн өнгөрүүлэх тухай” Улсын Их Хурлын тогтоолын төсөл /Улсын Их Хурлын гишүүн Ч.Хүрэлбаатар нарын 31 гишүүн 2015.07.02-ны өдөр өргөн мэдүүлсэн, хэлэлцэх эсэх/:
-Хууль санаачлагчийн Улсын Их Хурлын гишүүн Ч.ХҮРЭЛБААТАР танилцуулна;
-Төрийн байгуулалтын байнгын хорооны санал, дүгнэлтийг Улсын Их Хурлын гишүүн А.БАКЕЙ танилцуулна.
-
2015 оны 11 сарын 26
...Өрөм дотроосоо өтдөг гэдэг. Монголын ардчилал утгаа алдаж, дарангуйлал болон хувирч байгааг тэд өөрсдөө, дотроосоо хэлээд эхэлчихлээ. “Ардчилсан нам авилга хоёр их найзууд болжээ. Бид ийм ардчиллын төлөө яваагүй. Хүмүүсийнхээ эрх чөлөөг хамгаалдаг, өмчийг нь хамгаалдаг төртэй байхын оронд юм бүхэнрүү нь хутгалдаж булаадаг төртэй болж байна...
-
2015 оны 11 сарын 25
Ардчилсан намын Гүйцэтгэх зөвлөлийн зөвлөлдөх уулзалт өнөөдөр боллоо. Энэ уулзалтаар хэлэлцэж, зөвлөлдсөн асуудал нь “Ардчилсан намд бусад намууд нэгдэх тохиолдлыг хэрхэн зохицуулах вэ” гэдэг байв. Тодруулбал, Ардчилсан намд бусад намууд нэгдвэл тэдгээр намын төлөөллийг Ардчилсан намын Гүйцэтгэх зөвлөл, Үндэсний зөвлөлдөх хорооны гишүүнчлэлийн хэдэн хувьд оруулах вэ, УИХ-д нэр дэвших квотыг тодорхой тогтоох, уг асуудлыг Ардчилсан намын дүрэмд тусгах зэрэг асуудалд Гүйцэтгэх зөвлөлийн гишүүд санал солилцлоо.
Ардчилсан нам, Иргэний зориг ногоон нам нэгдэх асуудал яригдах магадлалтай гэж Ардчилсан намын Хэвлэл мэдээлэл, олон нийттэй харилцах газраас мэдээллээ.
-
2015 оны 11 сарын 25
Нэг тэрбум долларын зээлийн ерөнхий хэлэлцээрийг соёрхон батлахыг байнгын хороо дэмжлээ
-
2015 оны 11 сарын 25
Улсын Их Хурлын гишүүн Х.Тэмүүжин нарын хуулийн төслийг анхны хэлэлцүүлгээр нь батлуулахыг дэмжив
Хуулийн төслийг анхны хэлэлцүүлгээр нь батлуулах горимын саналыг дэмжив
Улсын Их Хурлын Эдийн засгийн болон Төрийн байгуулалтын байнгын хороод өнөөдөр 2015.11.25/ үдээс өмнө хамтран хуралдаж, Хөгжлийн бодлого төлөвлөлтийн тухай болон холбогдох бусад хуулийн төслүүдийн эцсийн хэлэлцүүлгийг хийсэн юм.
Хамтарсан хуралдааны дараа Төрийн байгуулалтын байнгын хороо дангаараа үргэлжлүүлэн хуралдаж, эхлээд Улсын Их Хурлын гишүүн Х.Тэмүүжин нарын 5 гишүүний санаачлан боловсруулж энэ сарын 06-ны өдөр өргөн мэдүүлсэн Монгол Улсын Их Хурлын сонгуулийн тухай хуульд өөрчлөлт оруулах тухай хуулийн төслийн анхны хэлэлцүүлгийг хийлээ. Хуулийн төслийн анхны хэлэлцүүлэгтэй холбогдуулан байнгын хорооны гишүүдээс асуулт, санал, тэрчлэн зарчмын зөрүүтэй саналын томьёолол гарсангүй.
Байнгын хорооны гишүүдээс зарчмын зөрүүтэй саналын томьёолол гараагүй тул Улсын Их Хурлын гишүүн С.Баярцогт уг хуулийн төслийг анхны хэлэлцүүлгээр нь батлуулах горимын санал гаргасныг байнгын хорооны хуралдаанд оролцсон гишүүд санал нэгтэй дэмжиж, энэ талаарх санал, дүгнэлтээ чуулганы нэгдсэн хуралдаанд оруулж хэлэлцүүлэхээр тогтов.
Ю.Цэдэнбалын 100 жилийн ойг тэмдэглэн өнгөрүүлэх тухай
тогтоолын төслийг хэлэлцэхийг дэмжив
Байнгын хорооны энэ өдрийн хуралдаанаар Улсын Их Хурлын гишүүн Ч.Хүрэлбаатар нарын 24 гишүүн санаачилж энэ оны 07 дугаар сарын 02-ны өдөр өргөн мэдүүлсэн “Юмжаагийн Цэдэнбалын нэр төрийг сэргээж, алдар гавьяаг нь мөнхжүүлэх талаар авах зарим арга хэмжээний тухай” Улсын Их Хурлын тогтоолын төслийн хэлэлцэх эсэх асуудлыг хэлэлцлээ. Энэ талаарх хууль санаачлагчийн илтгэлийг Улсын Их Хурлын гишүүн Д.Лүндээжанцан танилцуулсан юм.
Монголын төр, нийгэм, цэргийн нэрт зүтгэлтэн Юмжаагийн Цэдэнбалын мэндэлсний 100 жилийн ой тохиож байгаатай холбогдуулан түүний улс төрийн талаар хэлмэгдсэн нэр төрийг сэргээж, алдар гавьяаг нь мөнхжүүлэх, амьдрал, бүтээлийнх нь талаарх түүхэн үнэнийг ард түмэн, залуу үедээ таниулан сурталчлах, өвлүүлж үлдээх талаар 1990-ээд оноос аймаг орон нутаг, иргэд олон нийт, төр, нийгэм, цэргийн зүтгэлтнүүд, эрдэмтэн судлаачид, төрийн бус байгууллагуудын зүгээс төрийн дээд шатны байгууллагуудад удаа дараа ирүүлж байсан санал, хүсэлтийг шийдвэрлэх шаардлагын үүднээс уг тогтоолын төслийг боловсруулжээ. Тогтоолын төсөлд Ю.Цэдэнбал агсны гэр музейг байгуулах, түүний улс төрийн хэлмэгдлийг цагаатгах, мэндэлсний нь 100 жилийн ойг тэмдэглэн өнгөрүүлэх зэрэг асуудлыг нарийвчлан тусгасан байна.
Энэ үндсэн дээр төр, нийгэм, цэргийн нэрт зүтгэлтэн Юмжаагийн Цэдэнбалыг цагаатгуулах гомдлыг зохих журмын дагуу холбогдох байгууллагад тавьж шийдвэрлүүлэх, нэр төрийг сэргээж, алдар гавьяаг мөнхжүүлэх, түүнчлэн гэр музейг нь байгуулах, мэндэлсний нь 100 жилийн ойг 2016 онд орон даяар тэмдэглэн өнгөрүүлэх зэрэг арга хэмжээг авч хэрэгжүүлэхийг холбогдох байгууллага, албан тушаалтанд даалгахаар тогтоолын төсөлд тусгажээ.
Хууль санаачлагчийн илтгэлтэй холбогдуулан Улсын Их Хурлын гишүүн Л.Цог, Н.Батцэрэг, Н.Алтанхуяг, Н.Батбаяр, С.Баярцогт нар төсөл санаачлагч гишүүд болон ажлын хэсгээс асуулт асууж тодруулав. Харин тогтоолын төслийг хэлэлцэх эсэхтэй холбогдуулан Улсын Их Хурлын гишүүн Ж.Батзандан, Н.Батбаяр, Л.Цог, Н.Батцэрэг, А.Бакей нар саналаа хэлж байр сууриа илэрхийлсэн юм. Асуулт асууж тодруулан саналаа хэлсэн гишүүд Монголын нийгмийн хөгжлийн хагас зуун жилийн түүх энэ хүний ажил, амьдралтай салшгүй холбоотой тул түүхэн үнэнийг бодитоор нь үнэлж цэгнэх, алдаа оноог дэнсэлж нягтлах, залуу хойч үедээ сургамж болгох үүднээс Ю.Цэдэнбал агсны нэр төрийг сэргээж, алдар гавьяаг мөнхжүүлэх, мэндэлсний нь 100 жилийн ойг өргөн дэлгэр тэмдэглэн өнгөрүүлэх нь зүйтэй, гэхдээ асуудалд улс төрийн өнгө аясгүйгээр хандах ёстой гэдгийг онцолж байв. Ингээд санал хураалт явуулахад байнгын хорооны хуралдаанд оролцсон 18 гишүүн санал нэгтэйгээр уг тогтоолын төслийг чуулганы нэгдсэн хуралдаанд оруулж хэлэлцүүлэхийг дэмжив.
Сонгуулийн хуулийн төслүүдийг нэгтгэн боловсруулж
хэлэлцүүлэгт бэлтгэх өргөтгөсөн ажлын хэсэг байгуулна
Дараа нь ажлын хэсэг байгуулах тухай асуудлыг хэлэлцсэн юм. Улсын Их Хурлын чуулганы өнгөрсөн долоо хоногийн нэгдсэн хуралдаанаар Х.Тэмүүжин нарын гишүүдийн өргөн мэдүүлсэн хуулийн төслөөс гадна сонгуультай холбогдсон гурван хуулийн төслийг хэлэлцэхийг дэмжиж, анхны хэлэлцүүлэгт бэлтгүүлэхээр тус байнгын хороонд шилжүүлсэн юм.
Энэ асуудлын талаар байнгын хорооны дарга А.Бакей сонгуулийн хуультай холбоотой гурван хуулийн төслийг нэгтгэж хэлэлцүүлэгт бэлтгэх ажлын хэсгийг байнгын хорооны түвшинд байгуулж ажиллуулах нь зүйтэй гэж үзэж байна. Гэхдээ төсөл санаачилсан гишүүдийг аль болохоор ажлын хэсэгт оруулахгүй байх зарчим барьж байгаа. Харин нам, эвслийн бүлгийн дарга нарыг оролцуулах эсэхийг ярилцаж байж шийдье гэсэн байр суурьтай байгаагаа хэлэв.
Харин энэ асуудалтай холбогдуулж саналаа хэлсэн Улсын Их Хурлын гишүүн С.Баярцогт ажлын хэсгийг байнгын хорооны түвшинд байгуулсан нөхцөлд нам, эвслийн бүлгийн дарга нар бүгд орох боломжгүй, нөгөө талаар төсөл санаалагч гишүүдийг оролцуулахгүй байж болохгүй. Иймээс Улсын Их Хурлын даргын захирамжаар өргөтгөсөн ажлын хэсэг байгуулж, ажлын хэсгийг Төрийн байгуулалтын байнгын хорооны дарга ахлах нь зүйтэй гэсэн байр суурьтай байгаагаа хэлсэн бол Улсын Их Хурлын гишүүн Н.Батцэрэг Улсын Их Хуралд суудалтай намуудын төлөөллийг хамруулж зөвшилцөөнийг хангаж ажиллах нь чухал гэлээ.
Мөн Улсын Их Хурлын Сү.Батболд, С.Дэмбэрэл нар энэ саналыг дэмжиж буйгаа илэрхийлэв. Харин Улсын Их Хурлын гишүүн Ж.Батзандан сонгуулийн хуулиас өмнө Улс төрийн намуудын тухай хуулийг хэлэлцэх шаардлагатай тул энэ асуудлыг яаралтай өргөн мэдүүлэх чиглэлд байнгын хорооны дарга анхаарах, Улсын Их Хурлын гишүүн Н.Батбаяр Ард нийтийн санал асуулгын тухай хуульд өөрчлөлт оруулах, улмаар Үндсэн хуульд нэмэлт, өөрчлөлт оруулах асуудлыг юуны түрүүнд хэлэлцэж шийдвэрлэх шаардлагатай, үүний дараа сонгуулийн хуулиа ярих нь зөв гэсэн байр суурьтай байгаагаа хэлсэн юм.
Иймээс байнгын хорооны дарга А.Бакей гишүүдийн гаргасан саналын дагуу Улсын Их Хурлын даргын захирамжаар өргөтгөсөн ажлын хэсэг байгуулж сонгуулийн хуулийн төслүүдийг хэлэлцүүлэгт бэлтгэх асуудлыг Улсын Их Хурлын даргад танилцуулж шийдвэрлүүлэхээр боллоо гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.
-
2015 оны 11 сарын 25
эрчим хүчний шөнийн тарифыг 50 хувь хөнгөлнө
-
2015 оны 11 сарын 25
Өвөлжилтийн бэлтгэл хангуулах Онцгой комиссын хуралдаан боллоо
9 минутын өмнө
Print Zasag and PDF
Хуралд Өвөлжилтийн бэлтгэл хангуулах, биелэлтийг зохион байгуулах онцгой комиссын гишүүд, холбогдох яам, агентлагийн удирдлагууд оролцож, Монгол Улсын Шадар сайд, Онцгой комсиссын дарга Ц.Оюунбаатар удирдан явууллаа.
Хөдөө аж ахуйн салбарын болон төв суурин газрын өвөлжилтийн бэлтгэл хангуулсан дүнгийн тухай мэдээллүүдийн сонсож, Шадар сайд Ц.Оюунбаатар үүрэг даалгавар өглөө.
Энэ жил улсын хэмжээнд 145 мянган малчин өрхийн 56 сая гаруй мал өвөлжихөөр бэлтгэлээ хангажээ. Зуншлага оройтсон ч малчид зун, намрын отор нүүдэл сайн зохион байгуулснаар нийт мал сүргийн 93.5 хувь нь дундаас дээш тарга хүч авсан байна.
Мал аж ахуйн салбарын өвөлжилт, хаваржилтын бэлтгэл ажлыг малын тарга хүч, хадлан тэжээл бэлтгэл, бэлчээр, усны хүрэлцээ хангамж, өвс тэжээл татан авалт, отор нүүдлийн зохион байгуулалт, малчин өрхийн хувийн бэлтгэл зэрэг үндсэн үзүүлэлтүүдээр дүгнэхэд улсын хэмжээнд 85.9 хувьтай хангасан дүн гарчээ. Мал аж ахуйн өвөлжилтийн бэлтгэл хангах ажлын гүйцэтгэл 16 аймагт 90-ээс доош хувьтай байгаагийн дотор Дорноговь 74, Баянхонгор 78, Дундговь 81, Хөвсгөл 81 хувийн биелэлттэй, нийт аймгийн 80 шахам хувь нь бэлтгэлээ дутуу хангасан дүнтэй байна.
Монгол Улсын эрчим хүчний нэгдсэн системийн найдвартай ажиллагааг хангах, 2015-2016 оны өвлийн их ачааллыг хүндрэлгүй давах, өвлийн бэлтгэл ажлыг төлөвлөсөн хугацаанд хийж дуусгах, ажлын явцад хяналт тавих, шаардлагатай тохиолдолд гарсан хүндрэлийг шуурхай зохицуулах, мэдээллээр хангах үүрэг бүхий ажлын хэсгийг Эрчим хүчний сайдын тушаалаар томилон ажиллуулж компаниудын өвлийн бэлтгэл, их болон урсгал засварын ажлуудад хяналт тавин ажиллаж байна.
Эрчим хүчний салбарын өвлийн бэлтгэл хангах ажлын хүрээнд 1700 гаруй нэр төрлийн ажил хийхээр төлөвлөснөөс 96 хувийн гүйцэтгэлтэй байна.
Энэ өвлийн цаг агаарын төлөв байдлаас харахад олон жилийн дунджаас илүү хүйтэн өвөл болж, мал аж ахуйн өвөлжилтөд хэт хүйтний нөлөөлөл их байх магадлалтай байгаа тул орон утгийн түвшинд мал сүргийг хүйтнээс хамгаалах арга хэмжээг нэн яаралтай авч хэрэгжүүлэх шаадлагатай байгааг Шадар сайд анхаарууллаа гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
-
2015 оны 11 сарын 25
“Амгалан” дулааны станцын үйл ажиллагаатай танилцлаа
-
2015 оны 11 сарын 25
Төсвийн байнгын хороо гурван асуудлыг хэлэлцэн, шийдвэрлэв
-
2015 оны 11 сарын 25
Эрчим хүч хэмнэлтийн тухай хуулийн төслийн эцсийн хэлэлцүүлгийг хийв
-
2015 оны 11 сарын 25
Н.Мөнхбат: Сангийн яамны шалгалт нэртэй учир битүүлэг материал ирсэн
Хөгжлийн банкны захирал Н.Мөнхбат дөнгөж сая мэдээлэл хийж, мэдэгдэл хийлээ. Тэрбээр өөрийн байгууллагатай холбоотой гүтгэлгийг чанартай мэдээллүүд ихээр явж, ажлыг нь улс төржүүлэх гэсэн оролдлого байгааг онцолсон юм. Мөн Хөгжлийн банкийг шалгаж байгаа хэмээн олон нийтэд гуйвуулан ойлгуулж улс төржүүлж байна гэлээ.
Юутай ч Н.Мөнхбатаас уг асуудлыг хүрээнд зарим зүйлийг тодрууллаа.
-Бондын зарцуулалтын бодитойгоор үнэлж, дүгнэх ажлын хэсэг гарсан гэсэн. Гэвч энэ нь танай байгууллагын үйл ажиллагааг шалгаж байгаа болоод явчихлаа. Дэлгэрэнгүй мэдээлэл өгөхгүй юу?
-2015 оны нэгдүгээр сарын 15-ний өдөр УИХ-ын Төсвийн болон Эдийн засгийн байнгын хорооны хамтарсан тогтоолоор Олон Улсын Зах зээлд гаргасан Засгийн газрын үнэт цаасны арилжаагаар төлөгдсөн хөрөнгийн зарцуулалт, эргэн төлөлт болон санхүүжилсэн төсөл хөтөлбрүүдийн сонголт, хэрэгжилтийн явц байдалтай танилцаж санал дүгнэлт гаргах үүрэг бүхий шалгалтын хамтарсан ажлын хэсэг байгуулах талаар тусгасан. Миний бие энэ ажилд оролцоод явж байгаа. Өөрөөр хэлбэл, мэргэжлийн түвшинд Чингис бондын зарцуулал, эргэн төлөлттэй холбоотой асуудлыг хариуцаж байгаа байгууллагуудаас ажлын хэсэгт багтсан гэсэн үг.
Тухайлбал, Үндэсний аудитын газар, Сангийн яам, Хөгжлийн банкны зүгээс ажлын хэсэгт оролцож байгаа. УИХ-ын Байнгын хорооноос баталсан удирдамжийнхаа дагуу Чингис бондын зарцуулалттай холбоотой асуудлыг судалж үнэн зөв байдлаар дүгнэлт гаргах, мэргэжлийн судалгаанд үндэслэсэн дүгнэлтийг УИХ-ын холбогдох байнгын хороодод танилцуулах зорилготой.
Гэтэл ажлын явцад Хөгжлийн банкийг шалгаж мэт болгож асуудлыг гуйвуулж олон нийтэд танилцуулж байна.
Хөгжлийн банк бол улс төрөөс хараат бус байгууллага. Гэтэл ямарваа нэг байдлаар нөлөөлөх түвшинд хүртэл асуудлыг гуйвуулж ойлгуулж байгаа нь зохимжгүй юм.
Бид энэ асуудлыг холбогдох хуулийн дагуу шийдвэрлүүлнэ.
-Тэгэхээр танайхтай холбоотой мэдээллийг тодорхой улс төрчдөөс улс төржүүлж, гуйвуулж олон нийтэд хүргэж байна гэж ойлгож болох уу?
- Уг нь Эдийн засгийн байнгын хорооны түвшинд бондын зарцуулалт, эргэн төлөлт бодит байдал дээр ямар байгаа зэргийг дүгнэх ёстой. Гэтэл тодорхой улс төрийн хүчний зүгээс асуудлыг улс төржүүлэх гэж оролдож байна. Өнөө өглөө л гэхэд зарим гишүүд Байнгын хорооны хурал дээр материал тараасан байна. Үүнийг мэргэжлийн байгууллага болох манай Хөгжлийн банкны зүгээс учир дутагдалтай гэж дүгнэж байгаа.
Энэ тайланг боловсруулахад зөвхөн нэг төлөөлөл оролцсон байна. Мөн ямар ч үндэслэлгүй, хаа нэгтээгээс олж ирсэн материал байгааг хэлэх нь зүйтэй байх.
Үндэсний аудитын газраас манайх дээр хоёр удаагийн гүйцэтгэлийн аудит хийж, албан ёсоор тайлангаа УИХ-ын Байнгын хороодод танилцуулсан. Гэтэл энэ тайлангуудад ороогүй, эсвэл судлаад зөрчилгүйг нь тогтоочихсон, бусад мэргэжлийн байгууллагууд дээр нь няцаачихсан байгууллагын дотоод бичиг баримтийг авч ашигласан байна. Үүнээс гадна Сангийн яамны ажлын хэсгийн шалгалт гэж нэрлээд байгаа учир битүүлэг материал яваад байгаа. Энэ асуудлаар бид Сангийн яамнаас тодруулахад “Тийм материал байхгүй” гэх хариултыг өгөөд байгаа. Тэгэхээр хаанаас ийм үндэслэлгүй материал гаргаж ирж, үндэслэлгүй дүгнэлт хийж байгааг мэдэхгүй юм.
Н.Мөнхбат: Сангийн яамны шалгалт нэртэй учир битүүлэг материал ирсэн
