-
2015 оны 9 сарын 22
УИХ-ын дарга З.Энхболд өнөөдөр /2015.09.21/ ОХУ-ын “Вместе-РФ” телевизэд ярилцлага өгөв. Энэхүү ярилцлагаас уншигч танд хүргэж байна.
-
2015 оны 9 сарын 21
”Нэр нь үл мэдэгдэх дайчны хөшөө”-нд цэцэг өргөв
-
2015 оны 9 сарын 21
А.Энхболдыг Дарханы Засаг даргаар сонголоо
-
2015 оны 9 сарын 21
Тодруулбал, УИХ-ын гишүүн Х.Баттулгын хүүгийн компани болон ”Алтай констракшн”-ын Х.Бат-Эрдэнийн компани Халх голд үйл ажиллагаа явуулахаар УИХ-ын гишүүдийг лоббидож байгаа гэх мэдээлэл байна. Энэ талаар УИХ-ын гишүүн Х.Болорчулуун олон нийтэд ил болгов. Түүний хувьд Халх голд чөлөөт бүс байгуулах болсонтой холбогдуулан УИХ-аас гаргасан ажлын хэсгийн гишүүнээр ажиллаж байгаа юм.
-
2015 оны 9 сарын 21
Шийдлийн Засгийн газрын сайд нарыг томилсноор засаг өнөөдөр бүрэн бүрэлдэхүүнээрээ хуралдах гэж байна. Харин сайд нарын нэр тодрохтой зэрэгцэн ЗГХЭГ-ын дарга С.Баярцогтыг огцруулах тогтоолын төслийг УИХ-ын гишүүн О.Баасанхүү өргөн барьсан билээ. Түүнчлэн Ерөнхий сайдыг огцруулах бичигт гишүүдийн гарын үсгийг цуглуулж буй гэх мэдээлэл ч бий. Энэ огцруулах бичигт УИХ-ын гишүүн Г.Уянга тэргүүтэй ”Шударга ёс” эвслийн гишүүд гарын үсэг зураад байгаа аж.
Ардчилсан намын Ерөнхий нарийн бичгийн даргын үүрэг гүйцэтгэгч Л.Эрхэмбаяр энэ асуудалд ийм байр суурьтай байна. Тэрээр “Ерөнхий сайд төрийн ажлаа маш сайн хийх хэрэгтэй. Бидэнд ажлаа сайн хийдэг Ерөнхий сайд хэрэгтэй. Нөгөөтэйгүүр манайд Ерөнхий сайдыг солъё гэсэн бодлого байхгүй. Нам олон мянган гишүүнтэй. Тэр олон хүн дотроос өөр санаа байхыг үгүйсгэхгүй. Нам тогтвортой байлгах бодлого барина” гэжээ. Түүнчлэн “ҮЗХ шаардлагатай цагтаа хуралдана. Өөрөөр хэлбэл, хэдийд хуралдах шаардлага үүсэх вэ, тэр үед нь л хурлаа зарлана. Харин одоо тогтвортой ажлаа хийх хэрэгтэй байна” гэсэн байр суурь илэрхийлжээ.
-
2015 оны 9 сарын 21
”Төрийн мэдээлэл” эмхэтгэлийн 2015 оны 35 дахь дугаарын тойм
-
2015 оны 9 сарын 21
Төсвийн тодотголыг хэлэлцэнэ
-
2015 оны 9 сарын 21
З.Энхболд ОХУ-д албан ёсны айлчлал хийнэ
-
2015 оны 9 сарын 21
Түүний санаачлагыг дэмжиж нийт хэдэн гишүүн гарын үсэг зурсан нь өнөөдрийг хүртэл тодорхой бус байсан. Г.Уянга гишүүн ч энэ талаар ихэд нууцалж байсан билээ. Тэгвэл Ерөнхий сайдыг огцруулах бичигт нийт 8 гишүүн гарын үсэг зурсан байна. Хамгийн сүүлд УИХ-ын гишүүн Р.Амаржаргал Ерөнхий сайдыг огцруулахыг дэмжиж гарын үсэг зуржээ.
-
2015 оны 9 сарын 20
Монгол Улсын Их Хурлын дарга Зандаахүүгийн Энхболд 2015 оны 09 дүгээр сарын 18-ны өдөр Улсын Их Хурлын 2015 оны намрын ээлжит чуулганаар хэлэлцэх асуудлын дараалал тогтоох тухай 189 дүгээр захирамж гаргав.
-
2015 оны 9 сарын 19
Улсын Их Хурлын 2015 оны намрын ээлжит чуулганаар хэлэлцэх асуудлын дараалал тогтоох тухай захирамж гаргалаа
Монгол Улсын Их Хурлын дарга Зандаахүүгийн Энхболд 2015 оны 09 дүгээр сарын 18-ны өдөр Улсын Их Хурлын 2015 оны намрын ээлжит чуулганаар хэлэлцэх асуудлын дараалал тогтоох тухай 189 дүгээр захирамж гаргав.
Уг захирамжид:
Монгол Улсын Их Хурлын тухай хуулийн 15 дугаар зүйлийн 15.2 дахь хэсэг, “Улсын Их Хурлын 2015 оны намрын ээлжит чуулганаар хэлэлцэх асуудлын тухай” Улсын Их Хурлын 2015 оны 67 дугаар тогтоолыг үндэслэн ЗАХИРАМЖЛАХ нь:
1. Улсын Их Хурлын 2015 оны намрын ээлжит чуулганаар хэлэлцэх асуудлын дарааллыг доор дурдсанаар тогтоосугай:
1/ Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан өршөөл үзүүлэх тухай хуульд нэмэлт, өөрчлөлт оруулах тухай хуулийн төсөл;
2/ Монгол Улсын 2016 оны төсвийн тухай хуулийн төсөл;
3/ Хүний хөгжил сангийн 2016 оны төсвийн тухай хуулийн төсөл;
4/ Нийгмийн даатгалын сангийн 2016 оны төсвийн тухай хуулийн төсөл;
5/ “Төрөөс мөнгөний бодлогын талаар 2016 онд баримтлах үндсэн чиглэл батлах тухай” Улсын Их Хурлын тогтоолын төсөл;
6/ Монгол Улсын Их Хурлын тухай хуульд нэмэлт, өөрчлөлт оруулах тухай, Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төслүүд;
7/ Хөгжлийн бодлого, төлөвлөлтийн тухай болон холбогдох бусад хуулийн төсөл;
8/ Шүүхийн шийдвэр гүйцэтгэх тухай хуулийн шинэчилсэн найруулгын төсөл болон холбогдох бусад хуулийн төсөл;
9/ Прокурорын байгууллагын тухай хуулийн шинэчилсэн найруулгын төсөл;
10/ Цагдаагийн албаны тухай хуулийн шинэчилсэн найруулгын төсөл;
11/ Эрүүгийн хуулийн шинэчилсэн найруулгын төсөл;
12/ Зөрчлийн тухай хуулийн шинэчилсэн найруулгын төсөл;
13/ Үндсэн хуулийн цэцэд маргаан хянан шийдвэрлэх ажиллагааны тухай хуулийн шинэчилсэн найруулгын төсөл;
14/ Төрийн албаны тухай хуульд нэмэлт, өөрчлөлт оруулах тухай хуулийн төсөл;
15/ Хамтын тэтгэврийн тухай хуулийн төсөл;
16/ Худалдааны тухай болон холбогдох бусад хуулийн төсөл;
17/ Хөрөнгийн албан татварын тухай болон холбогдох бусад хуулийн төсөл;
18/ Төсвийн албаны эрх зүйн байдлын тухай хуулийн төсөл;
19/ Хөдөлмөрийн тухай хуулийн шинэчилсэн найруулгын төсөл;
20/ Гэр бүлийн тухай хуулийн шинэчилсэн найруулгын төсөл;
21/ Гэр бүлийн хүчирхийлэлтэй тэмцэх тухай хуулийн шинэчилсэн найруулгын төсөл болон холбогдох бусад хуулийн төсөл;
22/ Хүүхэд хамгааллын тухай болон холбогдох бусад хуулийн төсөл;
23/ Хүүхдийн эрхийн тухай хуулийн шинэчилсэн найруулгын төсөл болон холбогдох бусад хуулийн төсөл;
24/ “Төрөөс хүнс, хөдөө аж ахуйн талаар баримтлах бодлого батлах тухай” Улсын Их Хурлын тогтоолын төсөл;
25/ Органик хүнсний тухай хуулийн төсөл;
26/ Хог хаягдлын тухай хуулийн төсөл;
27/ Хяналтын тухай болон холбогдох бусад хуулийн төсөл.
2.Энэ захирамжид зааснаас бусад хэлэлцүүлгийн шатанд байгаа болон Засгийн газраас санал авахаар Улсын Их Хурлын гишүүдээс хүргүүлсэн хууль, тогтоолын төсөл, хууль санаачлагчаас Улсын Их Хуралд өргөн мэдүүлсэн бусад хууль, Улсын Их Хурлын бусад шийдвэрийн төслүүдийг намрын ээлжит чуулганаар хэлэлцүүлэх асуудлыг тухай бүрт нь Зөвлөлөөр хэлэлцүүлэн шийдвэрлэж байхаар тогтоосугай.
З.Улсын Их Хурлын 2015 оны намрын ээлжит чуулганаар хэлэлцэх асуудлын бэлтгэл хангахыг Байнгын хороодын дарга нар болон Тамгын газар /Б.Болдбаатар/-т тус тус даалгасугай хэмээсэн байна гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2015 оны 9 сарын 19
Хуульзүйн байнгын хорооны хуралдаж, Өршөөлийн хуульд нэмэлт өөрчлөлт оруулах төслийг хэлэлцэх байлаа. Гэвч гишүүдийн ирц бүрдээгүй учир байнгын хороо хуралдсангүй. Өнөөдөр ээлжит бус чуулган хаалтаа хийсэн. Өршөөлийн хуульд нэмэлт өөрчлөлт оруулж батлаагүй тул уг хуулийн үйлчлэх хүрээ хэрхэх талаар УИХ-ын гишүүн Ц.Нямдоржоос тодрууллаа.
-Ял эдэлж байгаа хүмүүсийг хуульд нэмэлт өөрчлөлт оруулсны дараа суллана гэж байсан. Гэтэл байнгын хорооны хуралдаанаар нэмэлт өөрчлөлт оруулах хуулийн төслийг хэлэлцсэнгүй. Тиймээс Өршөөлийн хууль үргэлжлэн хэрэгжих үү?
-Өршөөлийн хуульд хүлээж авсан хоригийг тусгаж, өөрчилж байж хууль хэрэгжинэ. Одоо ямар ч хүн суллагдахгүй. Хоригийг хүлээгээд авсан. Энэ дагуу Өршөөлийн хуулийн 9.1.3 дугаар зүйл, 5 дугаар зүйл хоёрт өөрчлөлт орох ёстой. Үүнийг нь тусгаж өгөөгүйгээс бүх ажил замхраад дууслаа.
-Өнөөдрөөс эхлээд Өршөөлийн хууль хэрэгжиж, хүмүүсийг суллана гэж байсан. Энэ дагуу хичнээн хүмүүс суллагдах вэ?
-Торгуультай хүмүүст л хамаарах зүйл. Шоронд ял эдэлж байгаа хүмүүсийг суллах аргагүй боллоо.
-
2015 оны 9 сарын 19
Өчигдөр Дарханы Засаг даргын тамгын газрын гадна тус аймгийн иргэд уриа, лоозон барьж жагсаал хийсэн байна.
Жагсаал хийх болсон шалтгаан нь энэ сарын 15-ны өдөр тус аймгийн ИТХ дахь МАН-ынхан Засаг даргын суудлыг хүчээр авсантай холбоотой гэнэ.
-
2015 оны 9 сарын 19
ЕАБХАБ-ын Парламентын Ассамблейн 2015 оны намрын хурлын төлөөлөгчдөд зориулсан хүндэтгэлийн тоглолт болов
-
2015 оны 9 сарын 19
ЕАБХАБ-ын Парламентын Ассамблейн 2015 оны намрын хурлын төлөөлөгчдөд зориулсан бэсрэг наадам болов
Монгол Улсын Их Хурал Европын аюулгүй байдал, хамтын ажиллагааны байгууллагын Парламентын Ассамблейн 2015 оны намрын хурлыг Монгол Улсын нийслэл Улаанбаатар хотноо энэ оны 09 дүгээр сарын 15-наас 18-ны өдрүүдэд зохион байгуулав.
Европын Аюулгүй Байдал Хамтын Ажиллагааны Байгууллагын гишүүн орнуудын хууль тогтоох байгууллагын болоод олон улсын байгууллагуудын төлөөлөгчдөд зориулсан бэсрэг наадам өнөөдөр /2015.09.18/ Төв аймгийн Эрдэнэ сумын Баян давааны ард орших Цонжин-Болдог хэмээх түүхэн газарт зохион байгуулав.
Энэ үеэр хүчит бөхийн барилдаан, хурдан морьдын уралдаан, сур харваа зэрэг үндэсний ёс жаягийг сурталчлах үйл ажиллагааг зохион байгуулсан юм.
Энэхүү арга хэмжээнд Улсын Их Хурлын дарга З.Энхболд, Улсын Их Хурлын гишүүн, Улсын Их Хурал дахь Монгол-ЕАБХАБ-ын Парламентын Ассамблейтай харилцах бүлгийн дарга М.Батчимэг, Улсын Их Хурлын Тамгын газрын Ерөнхий нарийн бичгийн дарга Б.Болдбаатар, ЕАБХАБ-ын Парламентын Ассамблейн 2015 оны намрын хуралд оролцсон төлөөлөгчид болон албаны бусад хүмүүс оролцлоо хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2015 оны 9 сарын 18
Монгол Улсын Их Хурлын эрхэм гишүүд ээ
2015 оны 09 дүгээр сарын 07-ны өдөр нээсэн Улсын Их Хурлын ээлжит бус чуулганаар Засгийн газрын зарим гишүүнийг томилох тухай асуудал болон Ерөнхийлөгчийн тавьсан хоригийг хэлэлцэхээр төлөвлөсөн билээ. Монгол Улсын Засгийн газрын зарим гишүүнийг томилох тухай Улсын Их Хурлын тогтоолыг баталж, Засгийн газар бүрэн бүрэлдэхүүнээрээ ажиллах боломж бүрдлээ.
Мөн хууль, Улсын Их Хурлын бусад шийдвэрт Ерөнхийлөгч чуулганы чөлөөт цагт хориг тавьсан бол ээлжит болон ээлжит бус чуулган эхэлснээс хойш 10 хоногийн дотор хэлэлцэн шийдвэрлэж, тогтоол батална гэж Улсын Их Хурлын чуулганы хуралдааны дэгийн тухай хуулийн 31 дүгээр зүйлийн 31.1 дэх хэсэгт заасны дагуу Улсын Их Хурал Ерөнхийлөгчийн хоригийг 2015 оны 09 дүгээр сарын 15-ны өдөр хэлэлцэн хүлээн авч, тогтоол гарган шийдвэрлэлээ.
Ингэснээр Өршөөлийн тухай хуулийн 4 дүгээр зүйлийн 4.1 болон 7 дугаар зүйл уг хуулиас хасагдан хүчин төгөлдөр Өршөөлийн тухай хуулийн дагуу өршөөл үзүүлэх ажиллагааг Өршөөл үзүүлэх комисс эрхлэн гүйцэтгэх болно.
Улсын Их Хурлын ээлжит бус чуулган хаасныг мэдэгдье.
-
2015 оны 9 сарын 18
Улсын Их Хурлын гишүүн, Нийгмийн бодлого, боловсрол, соёл, шинжлэх ухааны байнгын хорооны дарга Д.Батцогт, Улсын Их Хурлын гишүүн С.Дэмбэрэл, Я.Содбаатар нар болон холбогдох албаны хүмүүс 2015 оны 9 дүгээр сарын 17-ны өдөр Япон Улсын Эрүүл мэнд, хөдөлмөр, нийгмийн халамжийн яамны үйл ажиллагаа болон Хөдөлмөрийн тухай хууль тогтоомжийн хэрэгжилттэй танилцав.
-
2015 оны 9 сарын 17
http://www.medee.mn/main.php?eid=68491
-
2015 оны 9 сарын 17
Өнөөдрийн “Шийдлийн цаг” уулзалтаар хоёр асуудлыг онцоллоо.
-
2015 оны 9 сарын 17
Ерөнхий сайд Ч.Сайханбилэг Умард Атлантын Гэрээний байгууллага /НАТО/-ын Ерөнхий нарийн бичгийн даргын орлогч Александр Вершбоуг хүлээн авч уулзлаа.
