-
2015 оны 5 сарын 04
Монгол Улсын тэргүүлж буй “Онлайн эрх чөлөө” олон улсын эвслийн Сайд нарын V дугаар бага хурал өнөөдөр Төрийн ордонд болж байгаа билээ.
Бага хуралд 60 гаруй орны төр, засгийн газар, хувийн хэвшил, түүний дотор “Google”, “Mozilla”, “Twitter” зэрэг мэдээлэл холбооны салбарын тэргүүлэгч компаниуд, ЮНЕСКО, ЮНИСЕФ болон Азийн сан, Амнести интернэйшл, “Human Rights Watch”, “Дижитал Партнерс глобаль” зэрэг иргэний нийгмийн болон судалгааны байгууллагын төлөөлөл гадаад, дотоодын 300 гаруй төлөөлөгч оролцож байна.
Уг бага хурлаар “Интернэтийн бодлого: Онлайн эрх чөлөөг хөхиүлэн дэмжих шилдэг арга туршлага” сэдвийн хүрээнд “Чөлөөтэй, найдвартай интернэт, Цахим технологийн хөгжил ба ил тод байдал, Онлайн орчин дахь хувь хүний нууц ба ил тод байдал” зэрэг өргөн хүрээний асуудлыг хэлэлцэх юм.
“Онлайн эрх чөлөө” олон улсын эвслийн Сайд нарын бага хурлын талаар Гадаад хэргийн сайд Л.Пүрэвсүрэнгээс дараах тодруулгыг авлаа.
-
-Өнгөрсөн жил Истонид болсон дөрөв дэх бага хурлаас хойш манай улс энэ эвслийг тэргүүлж эхэлсэн. Нэг жилийн хугацаанд нилээн сайн идэвхитэй ажилласан гэж хэлж болно. Энэ утгаараа тав дахь бага хурал амжилттай болж байна. Хуралд нийтдээ 60 гаруй орны 240 гаруй төлөөлөгчид оролцож байна. Энэ хурал анх удаа Азид болж байгаа гэдгээрээ онцлог. Манай улс 1990 оноос хойш Ази тивд Ардчилалын төлөө, хүний эрхийн төлөө явж байгаа манлайлагч тэргүүлэгч улсуудын нэг, үүнийгээ хадгалж явж чадна гэдэгтээ итгэж байна. Эвсэлд Өнгөрсөн 4-5 жилийн дотор 20 гишүүн шинээр элссэн бол өнгөрсөн нэг жилийн хугацаанд манай улс гурван шинэ гишүүн орон элсүүлсэн. Гадаад хэргийг сайдын хувиар олон орны сайд нартай уулзаж, яриа хэлэлцээ хийсний үр дүнд Австрали, Норвеги, Литви гэсэн улсууд шинээр элссэн байгаа. Цаашдаа ч гэсэн бид тодорхой хугацаанд энэ эвслийг даргална. Тийм учраас бид энэ эвслийг өргөн дэлгэр болгож олон орнууд элсүүлэх талаар ажиллана. Өнөөдөр энэ хуралд эвсэлд элсээгүй орны төлөөлөгчид ч мөн ирсэн байгаа тэгэхээр энэ эвслийг ихээр сонирхож байгаа нь харагдаж байгаа юм.
-Сошиал ертөнцөд х
-Манай улсад сүүлийн хэдэн жил бол цахим хэвлэл мэдээлэл их идэвхитэй хөгжсөн. Дэлхийн аль ч улсад энэ цахим хэвлэл мэдээлэлд шууд бэлэн биш байгаа. Эрх чөлөөний хамгийн том бэлгэдэл болсон АНУ-д ч гэсэн контентийн асуудалд анхаарал тавьж байна. Тэгэхээр дэлхийн аль ч улс орнууд энэ асуудалд шийдлээ бүрэн олоогүй байгаа. Харин энэ хурлын гол зорилго бол энэ асуудлыг яаж зөв чигт нь оруулах вэ гэдэгт байгаа юм. Бүх зүйлийг чөлөөтэй гээд тавиад байхаар нь түүнийг нь дагааа цахим ертөнцийн олон сөрөг зүйлүүд нь илэрч байна. Жишээ нь хүүхдийн хүмүүжлийн эсрэг асуудлууд байна, хувь хүний нууцад халдаж байгаа асуудлууд байна. Үүний шийдлийг л олох гэж жил болгон мэргэжилтнүүдийн хурал зохион байгуулдаг юм. Манай энэ жилийн хуралд зөвхөн гишүүн орнуудаас гадна UNESCO зэрэг олон улсын байгууллагын төлөөллүүд оролцож байгаа. Мөн мэргэжлийн олон улсын болон дотооддын хэвлэл мэдээллийн байгууллагууд байна. Үүнээс гадна Google, Twitter, Facebook, Mozilla гээд технологийн салбарын дотоод гадаадын олон төлөөлөгчид ирсэн байна.
Тендэрт ямар үнэлгээний компани оруулахгүй. Их хурлын гишүүднь зг-ын
-
2015 оны 5 сарын 04
Монголд дахин нэг шинэ нам төрөв. ”Хөгжил-Хүн Клуб” нэртэйгээр иргэдэд танигдсан тус улс төрийн хүчин саяхан их хурлаа хуралдуулж ”Хөдөлмөрийн үндэсний нам” нэртэй намыг байгуулах шийвэрийг гаргажээ.
-
2015 оны 5 сарын 04
Л.Эрдэнчимэг: Их өртэй компанийг уг төсөлд оруулж болох уу, үгүй юу гэдгийг шалгаж байна
-
2015 оны 5 сарын 04
УИХ дахь АН-ын бүлэг өнөөдөр ээлжит хуралдаанаа хийлээ. Бүлгийн хуралдаанаар долоон асуудал хэлэлцэх байсан боловч заримыг нь хойшлуулж үдээс хойш 14:00 цагт дахин хуралдахаар болсон байна.
-
2015 оны 5 сарын 04
Халагдсан цэргүүдийг мэргэжлийн үнэмлэхтэй болгоно гэв
-
2015 оны 5 сарын 04
”Төрийн мэдээлэл” эмхэтгэлийн 2015 оны 17 дахь дугаарын тойм
Эмхэтгэлийн шинэ дугаарт, “Олон улсын валютын сангийн ерөнхий хэлэлцээр”-т оруулах нэмэлт, өөрчлөлтийг соёрхон батлах тухай, Хүүхдийн эрхийн тухай конвенцийн “Мэдээлэл хүргүүлэх журмын тухай” нэмэлт протоколыг соёрхон батлах тухай Монгол Улсын хуулийг тус тус нийтэллээ.
Түүнчлэн Зарим хүмүүсийг анхан шатны шүүхийн шүүгчийн албан тушаалд томилох тухай, Зарим хүмүүсийг Улсын дээд шүүхийн шүүгчийн албан тушаалд томилох тухай Монгол Улсын Ерөнхийлөгчийн зарлигийг тус тус нийтлэв.
Эмхэтгэлийн өнөөдрийн дугаарт нийтлэгдсэн Монгол Улсын Засгийн газрын тогтоолоор, нийгмийн халамжийн тэтгэвэр, асаргааны тэтгэмжийн хэмжээг шинэчлэн тогтоожээ.
Тогтоолын дагуу, нийгмийн халамжийн тэтгэврийн хэмжээг 2015 оны 2 дугаар сарын 1-ний өдрөөс эхлэн сард 126 500 /нэг зуун хорин зургаан мянга таван зуун/ төгрөгөөр, асаргааны тэтгэмжийн хэмжээг сард 58.000 /тавин найман мянган/ төгрөгөөр тус тус тогтоон мөрдөх ажээ.
Эмхэтгэлийн өнөөдрийн дугаарт, Төсвийн байгууллагуудад хийх бүтэц, зохион байгуулалтын зарим арга хэмжээний тухай Засгийн газрын тогтоолыг нийтэллээ. Үүгээр төсвийн зарим байгууллагыг тухайлбал, Хөдөлмөрийн төв бирж, Хөдөлмөрийн судалгааны институтийг Хөдөлмөр эрхлэлтийн үйлчилгээний төвд нэгтгэн “Хөдөлмөр эрхлэлтийн үйлчилгээ, судалгаа, мэдээллийн үндэсний төв” болгон өөрчлөх, Эрүүл мэндийн яамны харьяа Эмийн сорилын лабораторийг Мэргэжлийн хяналтын ерөнхий газрын нэгдсэн төв лабораторид нэгтгэхээр өөрчлөн зохион байгуулахаар болжээ.
Мөн Монголын амьтан, ургамлыг хамгаалах үндэсний хорооны ажлын алба, Монгол Улсын Шадар сайдын эрхлэх асуудлын хүрээний Улсын Их Хурлын ордон барих төслийг хэрэгжүүлэх нэгж зэрэг төсвөөс санхүүждэг нэр бүхий хороо, зөвлөл, Засгийн газрын тусгай сангийн ажлын албадыг татан буулгаж, орон тоог цомхотгон, чиг үүргийг нь холбогдох байгууллагад шилжүүлэх, зарим байгууллагыг тухайлбал, Зам тээврийн сайдын эрхлэх асуудлын хүрээний “Авто замын хяналт, эрдэм шинжилгээ, судалгааны төв” улсын төсөвт үйлдвэрийн газрыг “Зам тээврийн хөгжлийн төв”, аймгийн Засаг даргын дэргэдэх агентлаг-Тээвэр авто замын газрыг “Авто тээврийн үндэсний төв” аж ахуйн тооцоотой төрийн өмчит үйлдвэрийн газар болгон өөрчлөн зохион байгуулахаар болжээ.
Түүнээс гадна Удирдлагын академийн үндсэн чиг үүрэг, харьяаллыг хэвээр үлдээж цаашид үйл ажиллагааныхаа орлогоор өөрийгөө санхүүжүүлэх зарчимд шилжүүлэн ажиллуулах, мөн зарчимд Хууль зүйн үндэсний хүрээлэнг шилжүүлэх болсон байна.
Тогтоолоор, төсвийн байгууллагын бүтэц, зохион байгуулалтын өөрчлөлттэй холбогдуулан авах арга хэмжээг тодорхой тогтоож тэдгээрийг хэрэгжүүлэхийг холбогдох сайд нар болон Төрийн өмчийн хороонд даалгасан байна гэж УИХ-ын Тамгын газрын Хэвлэл, мэдээлэл, олон нийттэй харилцах хэлтэс мэдээлэв.
-
2015 оны 5 сарын 04
УИХ дахь намын бүлгүүд маргааш 10.00 цагаас эхэлж хуралдана. Ардчилсан намын бүлгийн хуралдаан 10.00 цагаас “А” танхимд эхлэх бол Монгол ардын намын бүлгийн хуралдаан 10.00 цагаас “Б” танхимд болох юм байна. Харин МАХН-МҮАН-ын “Шударга ёс” эвслийн бүлгийн хуралдаан 10.00 цагаас “В” танхимд болох аж.
Намын бүлгийн хуралдаанаар энэ долоо хоногт хэлэлцэгдэх хуулийн төслүүд болон зарим асуудлыг хэлэлцэх юм.
-
2015 оны 5 сарын 03
Эрдэнэс тавантолгой хувьцаат компанийн гүйцэтгэх захирлын албыг 20 хоног хашсанн Ч.Сайнбилэг өөрийн хүсэлтээр үүрэгт ажлаасаа чөлөөлөгдөх болсон талаар бид мэдээлж байсан билээ.
-
2015 оны 5 сарын 03
”Үндсэн хууль ба зөвлөлдөх ардчилал” онол практикийн бага хурал өнөөдөр ”Blue sky” зочид буудалд эхэллээ.
-
2015 оны 5 сарын 02
УИХ-ын дарга З.Энхболд Тавантолгойн асуудлыг хэлэлцэх ажлын хэсэг томилоод буй. Нийт гурван нам эвслийн бүлгээс гишүүдийг оруулж, УИХ-ын гишүүн Л.Эрдэнэчимэг тус ажлын хэсгийг ахалж байгаа.
-
2015 оны 5 сарын 01
Монгол Улсын Их Хурлын дэд дарга Р.Гончигдорж өнөөдөр /2015.05.01/ БНХАУ-аас Монгол Улсад суугаа Онц бөгөөд Бүрэн эрхт Элчин сайд Ван Сяолуныг нутаг буцах болсонтой нь холбогдуулан хүлээн авч уулзлаа.
-
2015 оны 5 сарын 01
Чуулганыг хаалттай горимд шилжүүллээ
47 минутын өмнө
УИХ-ын чуулганы нэгдсэн хуралдаанд Ерөнхий сайд татварын шинэчлэлтэй холбоотой асуудлаар мэдээлэл хийж, түүнтэй холбогдуулан гишүүд асуулт тавьж хариулт авлаа. Хуульд зааснаар Засгийн газрын цаг 1.30 цагт багтах ёстой. Энэхүү хугацаа дууссан тул УИХ дараагийн асуудлаа хэлэлцэхээр хуралдааныг хаалттай горимд шилжүүлээд байна. Хаалттай горимд шилжсэн шалтгаан нь Монгол Улсын Ерөнхийлөгчөөс өргөн мэдүүлсэн Монгол Улсын Төрийн цэргийн бодлогын үндсийг батлах тухай УИХ-ын тогтоолын төслийг хэлэлцэж байгаатай холбоотой юм.
Татвартай холбоотой асуулт, хариултыг удахгүй эргэн хүргэнэ.
-
2015 оны 5 сарын 01
Ерөнхий сайд Ч.Сайханбилэг: Татвар нэмэхгүй, тогтвортой байлгах бодлого баримталж ажиллана
Монгол Улсын Ерөнхий сайд Ч.Сайханбилэг УИХ-ын чуулганы нэгдсэн хуралдаанд татварын эрх зүйн орчин, цаашид авах арга хэмжээний талаар мэдээлэл хийлээ.
Дэлхийн улс орнуудын татварын орчныг судалж, нэгдсэн тайлан гаргадаг Олон Улсын Санхүүгийн Корпорацийн 2015 оны “Бизнес эрхлэлт” судалгааны тайлангийн “Татвар төлөлт” үзүүлэлтээр Монгол Улсын татварын орчин дэлхийн 84 дэх таатай улс гэж үнэлэгдэж, татварын дундаж хувь хэмжээ 24.4 хувь байгаа нь дэлхийд 28 дахь бага татвартай улс болсон байна.
Монгол Улсын эдийн засгийн орчин хурдацтай хөгжиж, олон улсын эдийн засгийн харилцаанд орж, үндэстэн дамнасан корпорациуд бий болж, дэлхийн хэмжээний томоохон төсөл, хөтөлбөрүүд эрчимтэй хэрэгжиж буй энэ үед нийгэм, эдийн засгийн шинэ нөхцөл байдлыг зохицуулах, тэдгээрийн шинж чанартай уялдуулан татварын орчныг цаг алдалгүй боловсронгуй болгох зорилгоор татварын хууль тогтоомжийг дахин шинэчлэх зайлшгүй шаардлага бий болсон гэж Ерөнхий сайд хэллээ.
Татварын орчныг илүү шударга, энгийн, ойлгомжтой, элдэв хийдэлгүй, олон улсын жишигт нийцэхүйц, бизнес эрхлэлт, хөрөнгө оруулалтыг дэмжихүйц илүү боловсронгуй шатанд гаргах нийгмийн захиалга бий болжээ.
Засгийн газрын тэргүүний хувьд өнөөгийн татварын бага хувь хэмжээг цаашид нэмэхгүй, тогтвортой байлгах бодлого баримтлана. Эдийн засгийн хүндрэлд орсон зарим улс орон татварын хувь хэмжээг нэмэгдүүлэх замаар хүндрэлээс гарах арга замыг эрэлхийлж байгаа ч энэ нь бизнес эрхлэгчдэд дарамт учруулах тул эдийн засгийн хүндрэлийг богино хугацаанд даван туулах, урт хугацааны тогтвортой хөгжлийг хангах зөв бодлого гэж бид үзэхгүй байна.
Манай улсын эдийн засаг хэрэглээнд тулгуурлан хөгжиж байна. Бид гадны өндөр хөгжилтэй орнууд шиг их хэмжээний орлого, хөрөнгө хуримтлуулсан улс биш. Иймд хэрэглээний татварт суурилсан татварын бүтцээ илүү хадгалан, цаашид боловсронгуй болгох үндсэн чиглэлийг барих нь зүйтэй гэлээ.
Татварын шинэчлэл хийх хамгийн гол зорилт нь татварын хуулийг тэгш, шударга хэрэгждэг болгох явдал. Тогтмол орлоготой боловч аж ахуйн нэгжээр бүртгэгдээгүй түргэн хоолны газрын эзэн жилд 300 мянган төгрөгийн татвар төлж байхад өдрийн 25 мянган төгрөгийн орлоготой ажилчин жилд 720 мянган төгрөгийн татвар төлж байгаа нь өнөөгийн татварын тогтлолцоог өөрчилж илүү шударга байдлыг хангах шаардлагатайг харуулж байна.
Ажилтай, орлоготой иргэдийг нэмэгдүүлэхэд хувь хүний орлогын албан татвар, харин бэл чинээтэй хөрөнгөтэй хүмүүст чиглэсэн хөрөнгийн албан татварын тухай хуулийг боловсруулан танилцуулна гэж Ерөнхий сайд хэллээ.
Татварын орчныг бизнес эрхлэлт, хөрөнгө оруулалтыг дэмжихэд чиглүүлж өөрчилнө. Олон улсын санхүүгийн байгууллагын хийсэн судалгаагаар хөгжиж буй орнуудад жижиг, дунд үйлдвэрлэл нийт ажлын байрны 45 хувь, ДНБ-ий 33 хувийг бүрдүүлдэг байна. Өөрөөр хэлбэл, эдийн засгийн хөгжил, хөдөлмөр эрхлэлтэд жижиг, дунд үйлдвэрлэл маш чухал байр суурь эзэлдэг. Иймд жижиг, дунд бизнес эрхлэгчдийг дэмжих зорилгоор боловсруулсан НӨАТ-ын босгыг 50 сая төгрөг болгон нэмэгдүүлэх, сайн дураар бүртгүүлэх босгыг 10 сая төгрөгөөр тогтоох тухай хуулийн төслийг УИХ удахгүй хэлэлцэн шийдвэрлэнэ. Мөн жилийн 1.5 тэрбум төгрөгөөс доош борлуулалтын орлого бүхий жижиг, дунд аж ахуйн нэгжүүдийн тухайн жилд төлсөн аж ахуйн нэгжийн орлогын албан татварын 90 хувийг тодорхой хугацаанд буцаан олгох хуулийн төслийг УИХ-д өргөн барьсан билээ.
Татварын хөнгөлөлт, чөлөөлөлтийг ажлын байр бий болгох, ирээдүйд хөгжүүлэх шаардлагатай байгаа тодорхой салбаруудад чиглүүлэхтэй нийцүүлж дэмжсэн бодлого баримтлах болно.
Дэлхийн худалдааны байгууллагын өмнө хүлээсэн үүрэг, амлалтад нийцүүлэн импортын зарим бараанд тарифын зохицуулалт хийх замаар дотооддоо хэрэглээгээ бүрэн хангах боломжтой, нэмүү өртөг шингэсэн, импортыг орлох бараа, бүтээгдэхүүн үйлдвэрлэгч аж ахуйн нэгжүүдэд дэмжлэг үзүүлнэ.
Монгол Улсын Засгийн газар нэмэгдсэн өртгийн албан татварын онцлог шинжийг ашиглан гүйлгээнд буй бэлэн мөнгийг бүртгэлжүүлэх, иргэдийн хэрэглээгээ хянах соёлыг төлөвшүүлэх, ингэснээр далд эдийн засгийг бууруулах болно. Нэмэгдсэн өртгийн албан татвар нь төсвийн орлого бүрдүүлэхээс илүүтэйгээр зах зээл дэх хяналтыг нэмэгдүүлэх үүрэгтэй татвар тул эцсийн хэрэглэгч иргэн өөрийн худалдан авалтаа бүртгэх замаар төлсөн татварынхаа 20 хувийг урамшуулал хэлбэрээр буцаан авах боломжийг бүрдүүлнэ. Энэхүү тогтолцоог бид орчин үеийн техник, технологийн ололтод тулгуурлан цахим хэлбэрээр нэвтрүүлэх бөгөөд далд эдийн засгийн хэмжээ буурч, татвар төлөгчдийн дунд үүсээд буй тэгш бус байдал арилахаас гадна иргэдэд тодорхой хэмжээний хуримтлал үүснэ гэсэн юм.
Монгол Улсын эдийн засгийн томоохон хөдөлгүүр болох уул уурхайн татварын харилцааг бид илүү тодорхой болгоно. Өнөөдөр уул уурхайд тусгайлан үйлчилж буй гол татвар болох ашигт малтмалын нөөц ашигласны төлбөрийг тойрсон ойлгомжгүй байдал, маргаан ихээр гарч байна. Бид үүнийг цэгцлэх болно. Ингэхдээ уул уурхайн салбарын татварын ачааллыг нэмэгдүүлэхгүй. Харин уул уурхайн орлогын хуваарилалтыг боловсронгуй болгох замаар тухайн ашигт малтмалын хайгуул, ашиглалтын үйл ажиллагаанаас орон нутагт төвлөрүүлж буй орлогын хэмжээг зохистой түвшинд нэмэгдүүлэх бодлого баримтална.
Бизнес эрхлэгчдийн харилцаа зөвхөн дотоодод бус гадаад улсад өргөжин тэлэхийн хэрээр тэдгээрийн үйл ажиллагаа илүү цахимжиж, цахимаар гэрээ хэлцэл байгуулах, цахим баримт ашиглах, цахимаар төлбөр тооцоогоо гүйцэтгэх хэлбэр нь түгээмэл болж байгаа ч энэхүү цахим баримтын хэрэглээг татварын хууль тогтоомжид тусгаагүй нь бизнес эрхлэгчдэд хүндрэл үүсгэж байна. Иймд Монгол Улсын татварын албаны үйлчилгээг бүрэн цахимжуулах болно. Ингэснээр татвар төлөгч татвараа тайлагнах, төлөхийн тулд татварын алба, банкинд очих шаардлагагүй болно гэлээ.
Түүнчлэн, татварын хяналт шалгалтыг татвар төлөгчдөд дарамт учруулдаг бус урьдчилан мэдэгдэж, хамтран ажиллаж, зөвлөн тусалж, татварын хууль тогтоомжийг зөрчихөөс урьдчилан сэргийлдэг болгоход чиглэсэн өөрчлөлтийг хийхээр төлөвлөж байна. Татварын алба хүний хүчин зүйлээс хамаарсан бус бүртгэл, мэдээлэлд суурилж үйл ажиллагаагаа явуулдаг болно. Татвар төлөгч татварын албанд гомдол гаргах, түүнийг хянан шийдвэрлүүлэх ажиллагаа нь олон дамжлагатай, бичиг цаас, зардал ихээр шаардсан ажиллагаа байгааг бид өөрчлөх болно. Түүнчлэн, татвар төлөгчийн гомдлыг хянан шалгах хугацаа нь хэт богино байгаагаас сайтар хянагдаагүй, хугацаанд баригдсан шийдвэр гарах эрсдэлтэй тулгарч байна. Иймд Татварын маргаан таслах зөвлөлийг нэг шаттай болгох, татвар төлөгчийн гомдлоос хамаарч хэрэг хянан шалгах хугацааг уртасгах эрх зүйн боломжийг бүрдүүлэх болно. Татварын хариуцлага, торгуулийн харилцааг шинэчлэх цаг аль хэдийн болсон. Татвараа нуун дарагдуулсан этгээд татвараа тайлагнасан боловч хугацаанд нь төлж чадаагүй этгээдээс бага торгууль төлөхөөр байгаа нь тэгш бус байдал үүсгэж байна. Иймд татвараа тайлагнасан боловч хугацаанд нь төлөөгүйн төлөө ногдуулдаг торгуулийг хүчингүй болгох зэргээр хуулийн өөрчлөлтийг хийхээр төлөвлөж байна. Нөгөөтэйгүүр, татвараас зайлсхийхэд л эрүүгийн ял авч, шоронд хоригддог одоогийн тогтолцоог өөрчлөх зайлшгүй шаардлагатай.
Засгийн газраас Улсын Их Хуралд өргөн бариад буй Эдийн засгийн өршөөл үзүүлэх тухай хуулийн төслийг хэрхэн шийдвэрлэхийг олон нийт анхааралтай ажиглаж байна.
Татварын тогтолцоо нь улс орны эдийн засгийн хөгжил, хувь хүн, хуулийн этгээдийн хууль ёсны эрх ашиг, өмчийг хамгаалаад зогсохгүй нийгмийн үнэт зүйл, хүсэл эрмэлзлийн тусгал байх ёстой. Энэ тогтлолцоо нь шинэ боломжийг нээх, баялгийн хуваарилалтыг зохистой түвшинд хүргэх, төрөөс нийгмийн өмнө хүлээсэн үйлчилгээгээ шуурхай, чанартай гүйцэтгэхэд чиглэх ёстой гэж Ерөнхий сайд Ч.Сайханбилэг хэллээ гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
-
2015 оны 5 сарын 01
“Иргэн төлсөн татварынхаа 20 хувийг урамшуулал хэлбэрээр авна”
УИХ-ын чуулганы үдээс хойших хуралдаанд Ерөнхий сайд Ч.Сайханбилэг Татварын багц хуулиудын талаар мэдээлэл хийлээ.
Тэрээр “Татварын хувь хэмжээг нэмэхгүй, бас буулгахгүй. Харин 1.5 тэрбум төгрөгөөс доош борлуулалтын орлоготой аж ахуйн нэгжийн татварын тодорхой хувийг буцаан олгох зохицуулалттай хуулийг УИХ-аар батлуулна. Аж ахуйн нэгжүүдийн дунд Эдийн засгийн өршөөлийн тухай, Эдийн засгийн ил тод байдлын тухай хуулийн төслүүд УИХ-аар батлагдахыг хүлээж, татвараа төлөхгүй байгаа тухай дуулдаж байгаа. Ингэж битгий хүлээ, татвараа төлөөд яв” гэв.
Түүнчлэн далд эдийн засгийг ил болгоно. Иргэн төлсөн татварынхаа 20 хувийг урамшуулал хэлбэрээр авна. Хуулийг ижил тэгш үйлчлүүлнэ гэв. Татварын ерөнхий газрын даргын өгч байгаа мэдээллээр татварын орлого төвлөрүүлэлт эрс буурсан байна. Татвар төлөгчдийн тодорхой хувь хууль хяналтын байгууллагад шалгагдаж байгаа, валютын ханшийн өсөлтөөс болж, үндсэн гэрээгээр хийж байгаа ажлууд нь өссөн нь татварын орлого төвлөрүүлэлтэд бэрхшээл тулж буй юм байна.
Манай улс 25 улстай давхар татварын хэлэлцээ байгуулсны дийлэнх нь 2000 оноос өмнө хийгдсэн. Тухайлбал хамгийн анх БНХАУ-тай 1991 онд, БНСУ-тай 1992 онд хэлэлцээр байгуулснаас хойш эдийн засгийн орчин татварын албан чадавхи, хөрөнгө оруулалтын хэмжээ эрс өөрчлөгдсөн. Шилжилтийн эдийн засгийн үед хөрөнгө оруулалт татах зорилгоор олон тоогоор байгуулсан давхар татварын хэлэлцээрүүд нь өнөөгийн татварын харилцааг зохицуулахад учир дутагдалтай, зарим талаас манай улсын эрх ашигт нийцээгүй, харилцан адилгүй нөхцөлтэй байгаа учраас цаашид давхар татварын хэлэлцээрүүдийг шинэчлэх, олон улсын жишигт нийцүүлэх арга хэмжээ авах шаардлагатай байна” гэв. Түүнчлэн Монгол Улсын эдийн засгийн тохоохон хөдөлгүүр болох уул уурхайн татварын харилцааг бид тодорхой болгох учиртай. Уул уурхайн орлогын хуваарилалтыг боловсронгуй болгох замаар тухайн ашигт малтмалын хайгуул, ашиглалтын үйл ажиллагаанаас орон нутагт төвлөрүүлж буй орлогын хэмжээг зохистой түвшинд нэмэгдүүлэх бодлогыг баримтална. Бизнес эрхлэгчдийн харилцааг зөвхөн дотоодод биш гадаад улсад өргөжин тэлэхийн хэрээр тэдгээрийн үйл ажиллагаа цахимжиж, цахимаар гэрээ хэлэлцээр байгуулах, цахим баримтыг ашиглах, цахимаар төлбөр тооцоогоо гүйцэтгэх хэлбэр нь түгээмэл болж байгаа ч энэхүү цахим баримтын хэрэглээг татварын хууль тогтоомжид тусгаагүй байгаа нь бизнес эрхлэгчдэд хүндрэл үүсгэж байна. Иймд Монгол Улсын татварын албаны үйлчилгээг бүрэн цахимжуулах ингэснээр татвар төлөгч татвараа тайлагнахдаа татварын албанд биеэр очих шаардлагагүй болно. Түүнчлэн татварын хяналт шалгалтыг татвар төлөгчдөд дарамт учруулдаг биш урьчилан мэдээлж, хамтран ажиллаж, зөвлөн тусалж, татварын хууль тогтоомжийг зөрчихөөс урьдчилан сэргийлэхэд болох өөрчлөлтийг хийхээр төлөвлөж байна. Татварын алба хүний хүчин зүйлээс хамаарсан бус бүртгэл мэдээлэлд суурилж үйл ажиллагаагаа явуулдаг болно. Татвар төлөгчдийн гомдлыг хянан шалгах хугацаа хэт богино байгаагаас сайтар хянагдаагүй шийдвэр гарч байна. Иймд татварын маргаан таслах, хэрэг хянах, торгуулийн харилцааг зохицуулах цаг болсон гэлээ. Татварын хуулийн шинэчлэл, Татварын орчныг боловсронгүй болгох шаардлагатай байгааг мөн хэлэв. Мөн татвараа нуун дарагдуулсан этгээд, татвараа тайлагнасан боловч хугацаанд нь төлж чадаагүй этгээдээс бага торгууль төлөхөөр байгаа нь тэгш бус байгаа юм. Иймд татвараа тайлагнасан боловч хугацаанд нь төлөөгүйн төлөө ногдуулдаг торгуулийг хүчингүй болгуулах хуулийн өөрчлөлтийг боловсрууллаа. Татвараас зайлсхийж шоронд хоригддог одоогийн тогтолцоог өөрчлөх шаардлагатай гэв.
Ж.ГАНАА
-
2015 оны 5 сарын 01
Оюутолгойн 30 сая ам.долларын татварыг тэглээгүй гэв
-
2015 оны 5 сарын 01
УИХ-ын чуулганы үдээс хойшхи хуралдаанд Ерөнхий сайд Ч.Сайханбилэг Татварын шинэчлэлийн асуудлаар мэдээлэл хийлээ.
-
2015 оны 5 сарын 01
Тавантолгойн асуудлаар УИХ дахь намын бүлгийн гишүүдээс бүрдсэн ажлын хэсэг ажиллаж байгаа. Үүнтэй холбоотойгоор УИХ-ын гишүүн Ж.Энхбаяраас зарим зүйлийг тодрууллаа.
-
2015 оны 5 сарын 01
Худалдааны тухай хуулийн төслүүдийг анхны хэлэлцүүлэгт шилжүүллээ
-
2015 оны 5 сарын 01
Чингисийн талбай дээр иргэд саналаа өгсөөр байна
-
2015 оны 5 сарын 01
Д.Сумъяабазар:
