-
2015 оны 5 сарын 01
http://www.24tsag.mn/content/114963.shtml
-
2015 оны 5 сарын 01
Монгол Улсын Ерөнхийлөгч, Зэвсэгт хүчний ерөнхий командлагч Цахиагийн Элбэгдорж Батлан хамгаалахын сайд Ц.Цолмон, Зэвсэгт хүчний жанжин штабын дарга, дэслэгч генерал Ц.Бямбажав, Батлан хамгаалах яамны Төрийн нарийн бичгийн дарга, хошууч генерал З.Болдбаатар нарыг өнөөдөр хүлээн авч уулзаж цаг үеийн байдлаар ярилцлаа. Уулзалтад ҮАБЗ-ийн нарийн бичгийн дарга Ц.Энхтүвшин байлцлаа. Уулзалтыг асуулт, хариултын зарчмаар явуулсан юм.
-
2015 оны 5 сарын 01
“Эрдэнэс Тавантолгой” компанийн гүйцэтгэх захирал Ч.Сайнбилэг албан тушаалаасаа чөлөөлөгдөх өргөдлөө өгчээ.
-
2015 оны 5 сарын 01
Тавантолгойн асуудлаар Монгол даяараа талцаж байгаа энэ үед экс Ерөнхий сайдууд энэ асуудлаар ямар байр суурь илэрхийлснийг “Багц 24” булангаараа хүргэж байна.
-
2015 оны 5 сарын 01
МОНГОЛ УЛСЫН ИХ ХУРЛЫН ХАВРЫН ЭЭЛЖИТ ЧУУЛГАНЫ 2015 ОНЫ 05 ДУГААР САРЫН 01-НИЙ ӨДӨР /БААСАН ГАРАГ/-ИЙН НЭГДСЭН ХУРАЛДААНААР ХЭЛЭЛЦЭХ АСУУДАЛ
09.00 цагаас:
1.Худалдааны тухай хуулийн төсөл /Засгийн газар 2015.04.15-ны өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Аж үйлдвэрийн сайд Д.ЭРДЭНЭБАТ танилцуулна;
-Эдийн засгийн байнгын хорооны санал, дүгнэлтийг Улсын Их Хурлын гишүүн Х.БОЛОРЧУЛУУН танилцуулна.
2.Монгол Улсын Худалдааны тухай болон холбогдох бусад хуулийн төслүүд /Улсын Их Хурлын гишүүн Я.Содбаатар нарын 4 гишүүн 2014.03.25-ны өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Улсын Их Хурлын гишүүн Я.СОДБААТАР танилцуулна;
-Эдийн засгийн байнгын хорооны санал, дүгнэлтийг Улсын Их Хурлын гишүүн Г.БАТХҮҮ танилцуулна.
3.Монгол Улсын Төрийн цэргийн бодлогын үндсийг батлах тухай Улсын Их Хурлын тогтоолын төсөл /Монгол Улсын Ерөнхийлөгч 2015.04.14-ний өргөн мэдүүлсэн, хаалттай дэгээр, хэлэлцэх эсэх/:
-Хууль санаачлагчийн илтгэлийг Монгол Улсын Ерөнхийлөгчийн Тамгын газрын дарга П.ЦАГААН танилцуулна;
-Аюулгүй байдал, гадаад бодлогын байнгын хорооны санал, дүгнэлтийг Улсын Их Хурлын гишүүн Р.АМАРЖАРГАЛ танилцуулна.
14.00 цагаас:
Монгол Улсын Ерөнхий сайдын мэдээлэл: Татварын эрх зүйн орчин цаашид авах арга хэмжээний талаар.
-
2015 оны 4 сарын 30
Ерөнхийлөгч БНХАУ-ын Элчин сайд Ван Сяолуныг хүлээн авч уулзав
-
2015 оны 4 сарын 30
Хууль зүйн сайд Д.Дорлигжав хуулийн төслүүд өргөн барив
-
2015 оны 4 сарын 30
-“Шударга ёс” эвслийн бүлгийг бүрдүүлдэг хоёр нам өөр, өөр байр суурьтай байна гэж ойлгож болох уу?
О.Баасанхүү- М.Энхсайхан бол “Шударга ёс” эвслийн квотоор сонгогдсон сайд. Харин тус мэдэгдлийг МАХН-аас гаргаж байгаа юм. Тавантолгойн асуудал 2005 оноос эхлэн яригдсан. Анх нийт ард түмэнд хувь эзэмшүүлнэ гэж ярьж байсан. Хүмүүсийн гар дээр байсан лицензийг цуглуулаад авсан. Энэ үеэс эхлэн олигархиуд өөрийн мэдэлдээ авах гэж улайрч эхэлсэн. Бид сонгуульд өрсөлдөхдөө л Тавантолгойн орд газрыг ард түмэндээ эзэмшүүлнэ гэдгээ илэрхийлж байсан. Одоо хувьцааны 20 хувь нь ноогдол ашиг гэж явж байгаа. Үүнийг өсгөх ёстой. Таван толгойн бүх ордыг эзэмшүүлэх гээд байгаа юм биш шүү дээ. Цанхийг өгөх гээд байгаа юм. Ухаа- худгийг MCS компани Цанхтай хамт олборлоно гэж байгаа. Дампуурсан компанийн алдагдлыг үүгээр нөхөх гэж байна. Тэд төмөр замыг өмчлөөд авчих юм бол Монгол Улс төмөр замыг түрээслэнэ. Үүнд 20 гэр бүлийн эрх ашиг яваа учраас маш их дайралт ирэх байх.
-М.Энхсайхан сайдын ахалсан ажлын хэсгийн хийсэн гэрээг МАХН ямар гэрээ болсон гэж дүгнэж байгаа вэ. Үнэхээр Монголын ард түмэнд өгөөжгүй муу гэрээ болсон уу?
Ч.Улаан- МАХН Тавантолгойн орд газрыг эдийн засгийн эргэлтэд оруулахыг дэмжиж байгаа. Гэхдээ энэ төсөл үр дүнтэй хэрэгжээсэй гэсэн байр суурьтай байгаа юм. Бид эдийн засгийн хүнд байдалдаа түүртээд бүх асуудлыг гаднынхнаар шийдүүлж болохгүй. Гадны орноос хэн нэгэн ирээд асуудлыг шийдчих юм шиг өнгөцхөн хандлагаасаа татгалзах хэрэгтэй. Бүх хүндрэл, бэрхшээлийг бид өөрсдөө шийдэж, даван туулна. Сүүлийн үед гаднаас л хөрөнгө оруулж ирнэ гэж зүтгэж байна. Үүнд, маш болгоомжтой хандах хэрэгтэй. Эдийн засгийн болон үндэсний аюулгүй байдал талаас нь харилцан үр ашигтай байх хувилбарыг сонгох ёстой.
Л.Цог –Тавантолгой, Оюутолгойн араас орох гэсэн хардалт байна. Энэ орд Монголын ард түмний мэдэлд очиж чадахгүй хэмжээнд хүрэх вий гэсэн болгоомжлол надад байгаа. Учир нь би Засгийн газрын өмнө нь барих гэж байсан хоёр төсөл, одоо өргөн бариад байгаа төслийг мэдэж байна. Тавантолгойн орд газар одоо явж байгаа. Ашигтай ажиллаж байгаа. Гэтэл одоо л хөдөлгөх гэж байгаа юм шиг юм яриад ард иргэдийг төөрөгдүүлж байна. Харин Тавантолгойн ордын борлуулалтад гадны хөрөнгө оруулалт оруулж, борлуултыг тэлье гэсэн асуудал л яригдаж байгаа. Харин үүний цоорхойгоор ямар хүмүүс орж ирэх гээд байгаа вэ гэдэг нь асуудал болоод байна. Тавантолгой төрийн мэдэлд байна гэж буй ч хэд, хэдэн заалтыг нь хасчихсан. Нэг үгээр амьгүй албат шиг Тавантолгой гэдэг нэр зүүлгээд хажуугаар нь өөр хүмүүс орох гэж байна. Үүнийг бид анзаарах ёстой. Нөгөө талаараа Монголын төрийг ээлжлэн барьж байгаа хоёр нам сонгуульд ялахын тулд хувьцаа амалсан. Энэ хувьцааны хувь заяа их бүрхэг байна. М.Энхсайхан сайд “Тавантолгой их өртэй учраас хувьцаа гаргах эрхгүй” гэж ярьж байгаа. УИХ-ын шийдвэрийн дагуу аль эрт Хөрөнгийн бирж, Санхүүгийн хороогоор дамжаад хувьцаат компани байх ёстой байсан. Үүргээ биелүүлээгүй учраас өнөөдөр ийм байдалд ороод байна. Монголын ард түмэн хувьцаа эзэмшиж байгаа юм шиг боловч, тэр нь хууль ёсных биш байна. Мөн Ухаа худгийг авсан MCS компанийн том бүлэглэл явж байгаа. Нэг ч өрөм тавиагүй байж С.Баярын Засгийн газрын үед лиценз барьсныхаа төлөө энэ ордын коксжих нүүрсний хамгийн сорыг авсан. Хэдийгээр нийт ордын дөрвөн хувь гэж тооцож байгаа боловч коксжих нүүрсний 40 хувийг авсан. Энэ компанийг бид судлах ёстой. Сүүлийн хоёр жилийн хугацаанд стратегийн ордыг гуйвуулдаг зүйл их гарах болсон. Үүний нэг нь Тавантолгойн орд газар болохв вий гэсэн болгоомжлол байна. Төр мөнгөгүй гэдэг шалтгаанаар төрийн хувийг байхгүй болгож байна.
-АН-ын гүйцэтгэх зөвлөлөөс гаргасан шийдвэртэй ижил байр суурьтай байна гэсэн үг үү?
Л.Цог- Үндсэндээ байр суурь ойролцоо гэсэн үг. Төрийн өмчийн компани хэвээрээ байна. Тэр нь 51 хувиас доошгүй байх ёстой. Өнөөдөр саналын эрхгүй хувьцаа гэж юу яриад байгаа юм ойлгохгүй байна.
-
2015 оны 4 сарын 30
МАХН Тавантолгойн гэрээг дэмжихгүй гэв
-
2015 оны 4 сарын 30
Сангийн сайд Ж.Эрдэнэбат хуулийн төслүүд өргөн барилаа
-
2015 оны 4 сарын 30
Г.Занданшатар: Асуудал Үндсэн хуульдаа байгаа эсэхийг ярилцана
-
2015 оны 4 сарын 30
С.Эрдэнэ: Тэтгэвэрийн насыг нэмэгдүүлэх тухай яригдаагүй
-
2015 оны 4 сарын 30
УИХ-ын 2010 оны 39 дүгээр тогтоолоор 2,8 сая иргэнд “Эрдэнэс тавантолгой” ХК-ийн 20 хүртэлх хувийг үнэ төлбөргүй эзэмшүүлсэн.
Засгийн газрын 2012 оны 181-р тогтоолд нэг сая төгрөгийн нэрлэсэн үнэ бүхий 1072 ширхэг хувьцааг үнэ төлбөргүй эзэмшүүлж, үндэсний аж ахуй нэгжүүдэд нэрлэсэн үнээр нь худалдах, эдгээр хувьцааг хөрөнгийн зах зээл дээр гаргах хүртэл хугацаанд саналын эрхгүй байхаар заасан. Компанийн тухай хуулиар хувьцаа эзэмшигчийн саналын эрхийг хориглосон заалт байдаггүй тул Засгийн газрын уг тогтоолын тодорхой заал хууль зөрчиж байга юм.
-
2015 оны 4 сарын 30
Таван Толгойн Дэд ажлын хэсгийг А.ГАНСҮХ АХАЛНА
-
2015 оны 4 сарын 30
Тавантолгойн гэрээ
УИХ-ын чуулганы хуралдаанаар яг одоо Хөрөнгө оруулалтын тухай хуульд нэмэлт, өөрчлөлт оруулах тухай хуулийн төсөлийг хэлэлцэж байна. Хэлэлцэж буй асуудалтай холбогдуулан УИХ-ын гишүүд асуулт асууж үг хэлж байна.
Хуралдааны эхэнд УИХ-ын гишүүн Ө.Энхтүвшин УИХ-ын даргад хандан “ “Тавантолгойгоо УИХ-аар хэзээ хэлэлцэх вэ, өнөөдөр хэлэлцэнэ гэж бодсон чинь байдаггүй. Өчигдөр байнгын хороогоор хэлэлцэх байсан ч хэлэлцээгүй. Засгийн газраас өргөн мэдүүлсэн хувилбарыг АН эсэргүүцэж байна гэж сонслоо. Оруулаад ирсэн төслийг хэлэлцэж, хэлэлцэх эсэхийг дэмжчихээд ажлын хэсэг гаргаад нухацтай ажилладаг юм байгаа биз. Тавантолгой юунаас болоод гацчихав аа, явах тийшээ байснаа бүр гацчих юм. Хойшлуулсаар байгаад энэ ажил маань явах нь уу, явахгүй ажил уу. Явахгүй гэвэл өөр хувилбараа бодох ёстой юм уу” гэв.
Тэрбээр мөн ганц нам шөнө дөлөөр хуралдаад Монгол улсын эрх ашигтай холбоотой ордын асуудлаар шийдвэр гарчихаад түүнийгээ тулгаад байж болохгүй гэсэн юм.
УИХ-ын дарга З.Энхболд “Хэлэлцэх эсэхийг шийдэх ажлын хэсэг гаргая гээд гурван бүлэг нэрсээ өгсөн. Ажлын хэсэг амралтын өдрүүдэд ажиллах байх. Гэрээний төсөл өнөөдөр хэрэгжиж байгаа хууль тогтоомжтой нийцэж байгаа эсэхийг судална, нийцэхгүй бол хэлэлцэх боломжгүй гэдгийг Ө.Энхтүвшин гишүүн өөрөө мэдэж байгаа” гэсэн юм.
-
2015 оны 4 сарын 30
“Тавантолгой”-н асуудлаар фракцгүй болсон гэх Ардчилсан нам талцаж, хуваагдаад бараг нэг сарын нүүрийг үзэх нь. Урагшилсан ажил нэг ч үгүй. Өнгөрсөн хугацаанд яг энэ асуудлаар УИХ-ын дарга З.Энхболд Ерөнхий сайд Ч.Сайханбилэгийг гурван удаа “хутгалав”.
-
2015 оны 4 сарын 30
Пүрэв гариг бүрт болдог ”Сайдын цаг” уулзалтад ХАХНХ-ын сайд С.Эрдэнэ оролцоно. Уулзалт 12.00 цагаас Засгийн газрын хуралдааны танхимын дэргэдэх Мэдээллийн төвд болно.
-
2015 оны 4 сарын 30
Монгол орны нийт нутгийн 77,8 хувьд цөлжилт явагдаж байна.
-
2015 оны 4 сарын 30
Нийслэлийн удирдлагын зөвлөлийн хуралдаанаар Улаанбаатар хотын хэмжээнд зөрчилтэй, зөвшөөрөлгүй баригдаж байгаа барилгуудад хийсэн шалгалтын дүнг өчигдөр танилцуулж, авах арга хэмжээний талаар хэлэлцсэн юм.
-
2015 оны 4 сарын 30
9.00 цагаас:
1.“Авлигатай тэмцэх, хариуцлага, шударга ёсыг бэхжүүлэх үндэсний хөтөлбөрийг батлах тухай” Улсын Их Хурлын тогтоолын төсөл /Монгол Улсын Ерөнхийлөгч 2015.04.14-ний өдөр өргөн мэдүүлсэн, хэлэлцэх эсэх үргэлжилнэ/:
2.Хөрөнгө оруулалтын тухай хуульд нэмэлт, өөрчлөлт оруулах тухай хуулийн төсөл /Засгийн газар 2015.04.24-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Засгийн газрын Хэрэг эрхлэх газрын дарга С.БАЯРЦОГТ танилцуулна;
-Төрийн байгуулалтын байнгын хорооны санал, дүгнэлтийг Улсын Их Хурлын гишүүн Н.БАТЦЭРЭГ танилцуулна.
3.Мөнгөн усны тухай Минаматагийн Конвенци”-д нэгдэн орсныг соёрхон батлах тухай хуулийн төсөл /Засгийн газар 2015.02.17-ны өдөр өргөн мэдүүлсэн, соёрхон батлах/:
-Хууль санаачлагчийн илтгэлийг Байгаль орчин, ногоон хөгжил, аялал жуулчлалын сайд Д.ОЮУНХОРОЛ танилцуулна;
-Аюулгүй байдал, гадаад бодлогын байнгын хорооны санал, дүгнэлтийг Улсын Их Хурлын гишүүн Б.БОЛОР танилцуулна.
4.Монгол Улсын Засгийн газар, Азийн хөгжлийн банк хооронд байгуулсан “Улаанбаатар хотын нийтийн тээврийг хөгжүүлэх хөрөнгө оруулалтын хөтөлбөр”-ийн санхүүжилтийн ерөнхий хэлэлцээрийг соёрхон батлах тухай хуулийн төсөл /Засгийн газар 2015.04.24-ний өдөр өргөн мэдүүлсэн, соёрхон батлах/:
-Хууль санаачлагчийн илтгэлийг Сангийн сайд Ж.ЭРДЭНЭБАТ танилцуулна;
-Аюулгүй байдал, гадаад бодлогын байнгын хорооны санал, дүгнэлтийг Улсын Их Хурлын гишүүн Г.БАТХҮҮ танилцуулна.
5.Төрөөс ойн талаар баримтлах бодлого батлах тухай Улсын Их Хурлын тогтоолын төсөл /Засгийн газар 2014.09.04-ний өдөр өргөн мэдүүлсэн, анхны хэлэлцүүлэг/:
-Байгаль, орчин, хүнс хөдөө аж ахуйн байнгын хорооны санал, дүгнэлтийг Улсын Их Хурлын гишүүн С.ОЮУН танилцуулна.
6.Хөдөлмөрийн аюулгүй байдал, эрүүл ахуйн тухай хуульд нэмэлт, өөрчлөлт оруулах тухай хуулийн төсөл /Засгийн газар 2015.04.10-ны өдөр өргөн мэдүүлсэн, анхны хэлэлцүүлэг/:
-Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн Д.САРАНГЭРЭЛ танилцуулна.
7.Худалдааны тухай хуулийн төсөл /Засгийн газар 2015.04.15-ны өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Аж үйлдвэрийн сайд Д.ЭРДЭНЭБАТ танилцуулна;
-Эдийн засгийн байнгын хорооны санал, дүгнэлтийг Улсын Их Хурлын гишүүн Х.БОЛОРЧУЛУУН танилцуулна.
8.Монгол Улсын Худалдааны тухай болон холбогдох бусад хуулийн төслүүд /Улсын Их Хурлын гишүүн Я.Содбаатар нарын 4 гишүүн 2014.03.25-ны өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Улсын Их Хурлын гишүүн Я.СОДБААТАР танилцуулна;
-Эдийн засгийн байнгын хорооны санал, дүгнэлтийг Улсын Их Хурлын гишүүн Г.БАТХҮҮ танилцуулна.
9.Монгол Улсын Төрийн цэргийн бодлогын үндсийг батлах тухай Улсын Их Хурлын тогтоолын төсөл /Монгол Улсын Ерөнхийлөгч 2015.04.14-ний өргөн мэдүүлсэн, хаалттай дэгээр, хэлэлцэх эсэх/:
-Хууль санаачлагчийн илтгэлийг Монгол Улсын Ерөнхийлөгчийн Тамгын газрын дарга П.ЦАГААН танилцуулна;
-Аюулгүй байдал, гадаад бодлогын байнгын хорооны санал, дүгнэлтийг Улсын Их Хурлын гишүүн Р.АМАРЖАРГАЛ танилцуулна.
