-
2017 оны 12 сарын 01
Дарханы Төмөрлөгийн үйлдвэрийн зарим ажилтан өнгөрсөн шөнөөс хордлогын шинж тэмдэгтэйгээр
-
2017 оны 12 сарын 01
Монголбанкны захирал асан Н.Золжаргалыг АТГ-аас саатуулсан талаар бид тухай бүрт нь мэдээлсэн. Тодруулбал,
-
2017 оны 12 сарын 01
Баянзүрх дүүргийн 28-р хороонд иргэн Ш.Нарантуяа 2005 онд нүүн иржээ. Анх нүүж ирэхэд гудамж нь шавар, шавхайгаар дүүрсэн, хог хаягдалдаа дарагдсан, явган битгий хэл автомашинаар явахад ч хүндрэлтэй байж. Энэ асуудлыг шийдэхийн тулд хороо, дүүргээс авахуулаад бүхий л шатны байгууллагаар явсан ч амжилт олоогүй байна. Олон жил хөөцөлдсөний эцэст Ш.Нарантуяа өөрөө санаачлага гарган 2014 онд өөрийн амьдардаг гудамжныхаа 40 өрхийг нэгтгэж “Хуримтлалын бүлэг” үүсгэн байгуулжээ. Тэд, хуримтлуулсан мөнгөөрөө гудамжиндаа явган хүний зам тавиулсан байна. Ш.Нарантуяагийн байгуулсан бүлгийн үйл ажиллагааг ойр хавийн иргэд сайшааж, түүнээр зааварчлуулан мөн адил “Хуримтлалын бүлэг” байгуулж эхэлсэн аж. Ингэсээр ойр орчмын 200 гаруй өрхийг нэгтгэсэн 10 бүлэг бий болсон байна.
Сайн дураар эвлэн нэгдсэн иргэдийн 10 бүлэг нэгдэн “Газар өмчлөгчдийн холбоо” ТББ-ыг байгуулсан аж. Тэд төрийн бус байгууллагаараа дамжуулан дүүргийнхээ “Хөгжлийн төв”-тэй хамтран төсөл хөтөлбөрүүдэд хамрагдан өөрсдийн гудамжиндаа сайжруулсан шороон зам тавиулсан төдийгүй гудамж замаа камержуулж, гэрэлтүүлэг тавиулан иргэдийн ая тухтай орчинд амьдрах нөхцлийг бүрдүүлсэн байна.
БЗД-ийн 28-р хорооны иргэн Ш.Нарантуяа “Анх 2014 онд зөвхөн өөрийнхөө гудамжны өрхүүдийг нэгтгэн эрүүл, аюулгүй, тав тухтай орчин бий болгож, амьдрах нөхцөлөө дээшлүүлье гэсэн зорилгоор “Хуримтлалын бүлэг” байгуулж байсан. Эхний ээлжинд хуримтлалаараа гудамжны шавар шавхайнаас ангижрах үүднээс явган хүний зам хийсэн. Ойр хавийн айлууд “Хэн хийж өгсөн бэ” хэмээн ихэд сонирхож, мөн адил бүлэг байгуулсаар “Хуримтлалын бүлэг”-ийн тоо 10 хүрээд байна. Бид нэгдээд ТББ байгуулсан. Улмаар хашаа, хаалга зэргээ жигдлэх, камержуулах, гэрэлтүүлэг тавих, гудамж дундаа сайжруулсан шороон замтай болох зэргээр ажлыг хийсэн байгаа” хэмээн ярьж байлаа.
Ш.Нарантуяа “Газар өмчлөгчдийн холбоо” ТББ-ыг төлөөлөн энэ сарын 7-ны өдөр нийслэлийн Засаг дарга бөгөөд Улаанбаатар хотын Захирагч С.Батболдтой уулзжээ. Уулзалтын үеэр “Хуримтлалын бүлэг” нь өргөжсөөр ТББ болж өөрсдийн амьдарч буй орчноо хэрхэн сайжруулж байгаа талаараа танилцуулсан байна. Мөн нийслэлээс хэрэгжүүлж буй Улаанбаатар хотын төвлөрсөн шугам сүлжээнд бүрэн холбогдоогүй гэр хорооллын суурьшлын бүсэд хэсэгчилсэн инженерийн хангамжтай “Сервис центр” байгуулах төсөлд хамрагдах хүсэлтэй байгаагаа Хотын даргад дуулгасан юм.
Хотын дарга шинэ санал, санаачилга гарган өөрсдийн амьдрах орчноо сайжруулж, амьдрахад ая тухтай орчныг бүрдүүлэхээр зорьж буйд талархаж байгаагаа илэрхийлээд “Энэ ажлыг 100 хувь дэмжинэ. Хүн өөрийнхөө амьдрах орчныг сайжруулъя гээд явбал нийслэлээс яаж дэмждэг юм бэ? гэдгийг харуулмаар байна. Хамгийн түрүүнд танай хороонд хэрэгжих болно гэдэгт 100 хувь итгэлтэй байна. Энэ байдал өөрөө үлгэр жишээ болох ёстой. Бүр жишиг “Сервис центр” болоосой гэж хүсч байна” гэж байсан юм.
“Инженерийн хангамжтай, цэвэр, бохирын нэгдсэн шугамтай болох талаар шат шатны байгууллагад хандаж үзсэн. Дэмжлэг аваад ажил эхлэх гэхээр л больчихдог байсан. Яг хаанаасаа болиулдаг байсныг хэлж мэдэхгүй байна. Хоёр, гурван ч удаа ийм асуудал үүссэн. Ингээд иргэдийн итгэл буурч, идэвхи сулраад байсан. Харин нийслэлээс хэсэгчилсэн инженерийн хангамж бүхий “Сервис центр” байгуулах талаар сонсоод хотын даргатай уулзах хүсэлтэй өгсөн. Хотын дарга хүлээн авч уулзаад 100 хувь дэмжиж ажиллана гэсэнд талархаж байгаа. Гэр хороололд амьдарч буй иргэдэд хандан хэлэхэд бид бүгдийн амьдрах орчин цэвэрхэн, ая тухтай сайн сайхан байх нь өөрсдөөс маань хамгийн их шалтгаална. Иргэд өөрсдөө нийлээд, нэгдээд, санаачилга гаргаад явбал хороо, дүүрэг, төр засаг ч дэмжинэ” хэмээн Ш.Нарантуяа ярилцлагынхаа үеэр тодотгож байлаа гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 12 сарын 01
Монгол Улсын Үндсэн хуулийн цэцийн 11 дүгээр магадлалаар нэр бүхий 12 шүүгчийг
-
2017 оны 12 сарын 01
НҮБ-ын ерөнхий ассамблейгаас жил бүрийн арванхоёрдугаар сарын 3-ны өдрийг Хөгжлийн бэрхшээлтэй хүмүүсийн эрхийг хамгаалах өдөр болгон зарлаж дэлхий нийтээрээ 26 дахь жилдээ тэмдэглэн өнгөрүүлж байна.
Энэ өдрийг угтан нийслэлийн Засаг даргын Тамгын газраас Сэргээн засалт, сургалт, үйлдвэрлэлийн төвтэй хамтран хөгжлийн бэрхшээлтэй иргэдийн хөдөлмөр эрхлэлтийг дэмжих зорилготой “Бид бүтээлч” нээлттэй өдөрлөгийг зохион байгууллаа. Үйл ажиллагаанд хувиараа хөдөлмөр эрхлэгч болон Мэргэжлийн боловсрол, ур чадвар олгох сургуулийн оюутан хөгжлийн бэрхшээлтэй иргэд өөрсдийн гараар хийсэн бараа бүтээгдэхүүн, бүтээлүүдээрээ оролцсон юм. Мөн энэ үеэр хөгжлийн бэрхшээлтэй иргэдийн үйлдвэрлэсэн бараа бүтээгдэхүүний “Шударга худалдаа” үзэсгэлэн гарсан байв.
Монгол улсын хэмжээнд нийтдээ 101 мянга орчим хөгжлийн бэрхшээлтэй иргэд байдаг аж. Үүнээс 33,713 нь буюу 30 гаруй хувь нь нийслэлд амьдардаг юм. Тэдгээр иргэдийн хөдөлмөр эрхлэлтийг дэмжих чиглэлээр нийслэлийн үйлчилгээний нэгдсэн төвүүдийн Дүнжингарав, Драгон салбаруудад хөгжлийн бэрхшээлтэй иргэдийн хөдөлмөр эрхлэлтийг дэмжих цэг байгуулсан байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 12 сарын 01
Монголбанкны захирал асан Н.Золжаргалыг АТГ-аас саатуулсан талаар бид тухай бүрт нь мэдээлсэн
-
2017 оны 12 сарын 01
Шүүхийн ерөнхий зөвлөлийн саналаар Монгол Улсын Ерөнхийлөгч 2017 оны 12 дугаар сарын 1-ний өдөр “Шүүгчийн албан тушаалд шилжүүлэн томилох тухай”, “Шүүгч, ерөнхий шүүгчийн албан тушаалаас чөлөөлөх тухай” зарлиг гаргаж зарим шүүгчийг албан тушаалд томилж, зарим шүүгчийг чөлөөлөв.
Үүнд,
Дундговь аймгийн Эрүү, Иргэний хэргийн давж заалдах шатны шүүхийн шүүгч Рашзэвэгийн Мөнх-Эрдэнийг Төв аймгийн Эрүү, Иргэний хэргийн давж заалдах шатны шүүхийн шүүгчийн, Төв аймгийн Эрүү, Иргэний хэргийн давж заалдах шатны шүүхийн шүүгч Шагдаргомбын Төмөрбаатарыг Дундговь аймгийн Эрүү, Иргэний хэргийн давж заалдах шатны шүүхийн шүүгчийн, Хан-Уул дүүргийн Эрүүгийн хэргийн анхан шатны шүүхийн шүүгч Санги-Очирын Олзодыг Баянзүрх дүүргийн Эрүүгийн хэргийн анхан шатны шүүхийн шүүгчийн албан тушаалд тус тус шилжүүлэн томиллоо.
Өөр албан тушаалд томилогдох болсонтой холбогдуулан Рашзэвэгийн Мөнх-Эрдэнийг Дундговь аймгийн Эрүү, Иргэний хэргийн давж заалдах шатны шүүхийн шүүгчийн, Шагдаргомбын Төмөрбаатарыг Төв аймгийн Эрүү, Иргэний хэргийн давж заалдах шатны шүүхийн шүүгчийн, Санги-Очирын Олзодыг Хан-Уул дүүргийн Эрүүгийн хэргийн анхан шатны шүүхийн шүүгчийн албан тушаалаас тус тус чөлөөлсөн байна.
Самбуугийн Оролмааг Төв аймаг дахь сум дундын эрүүгийн хэргийн анхан шатны шүүхийн шүүгчийн, Цэдэн-Ишийн Сансармааг Хан-Уул дүүргийн Иргэний хэргийн анхан шатны шүүхийн шүүгчийн албан тушаалаас тус тус чөлөөлөв.
Өндөр насны тэтгэвэр авах насанд хүрсэн Тогтохын Уранцэцэгийг Улсын дээд шүүхийн шүүгчийн албан тушаалаас, Эрүүгийн хэргийн танхимын тэргүүнээс чөлөөлжээ.
Өндөр насны тэтгэвэр авах насанд хүрсэн Лувсаншаравын Даваасүрэнг Нийслэлийн Эрүүгийн хэргийн давж заалдах шатны шүүхийн шүүгч, Ерөнхий шүүгчийн албан тушаалаас чөлөөлсөн байна.
-
2017 оны 12 сарын 01
Төрийн тусгай албан хаагчдын нэгдсэн эмнэлгийн нийт албан хаагчдад “Хууль тогтоомжийн хэрэглээ” сэдвээр сургалтыг 2017 оны 11 дүгээр сарын 30-ны өдөр зохион байгууллаа. Уг сургалтыг ТТАХНЭ-ийн хуулийн зөвлөх Ш.Нарантуяа удирдан явуулж, эмнэлгийн албан хаагчид идэвхтэй хамрагдлаа.
-
2017 оны 12 сарын 01
Нийслэлийн нийгмийн хөгжлийн асуудал хариуцсан төслүүдийн удирдагч, Нийслэлийн Засаг даргын орлогч Ш.Анхмаа болон “Рояал групп”-ийн Ерөнхийлөгч, “Байгальд ээлтэй технологи”
-
2017 оны 12 сарын 01
Орчны бохирдлыг бууруулах үндэсний хорооны дарга, Монгол Улсын Ерөнхий сайд У.Хүрэлсүх
-
2017 оны 12 сарын 01
Нийслэлийн иргэдийг чөлөөт цагаа зөв боловсон өнгөрүүлэх боломжийг бий болгох, байгалийн сайханд, эрүүл орчинд амрах зугаалах нөхцөлийг бүрдүүлэх, аялагчдын аюулгүй байдал, тав тухыг хангах зорилгоор Чингэлтэй хайрханы нэгдүгээр явган аяллын замыг тэмдэгжүүлэх, амрах цэгүүдийг тохижуулах ажлыг нийслэлийн Аялал жуулчлалын газраас хийж гүйцэтгэлээ.
Явган аялалын тохижилтын ажлыг өнөөдөр дуусгаж, нээлтээ хийсэн юм. Тус явган аяллын замын дагуу ширээ сандалтай сүүдрэвчүүд, мэдээллийн самбаруудыг байршуулж, зүг заасан, анхааруулах тэмдгүүдийг суурилуулан тохижуулжээ. Ингэснээр иргэд тохилог аяллын замаар алхан амралтын өдрөө цэвэр агаарт өнгөрөөх боломжтой болж байгаа юм.
“Нийслэлийн Засаг даргын 2016-2020 оны үйл ажиллагааны мөрийн хөтөлбөрт Улаанбаатар хотыг тойрон байгаа дөрвөн их хайрханд явган аялалын замыг тохижуулах ажил хийнэ гэсэн заалт байгаа. Үүний дагуу нийслэлийн Аялал жуулчлалын газраас хоёр дахь тохижилтын ажлынхаа нээлтийг хийж байна. Бид 2016 онд Богдхан ууланд аялалын замыг тохижуулж, нээлтээ хийсэн. Энэ жил Чингэлтэй хайрханы замыг тохижуулж, тэмдэгжүүлж нээлээ. Дараа жилүүдэд үлдсэн хоёр хайрхандаа тохижилтын ажлыг хийх болно” хэмээн нийслэлийн Аялал, жуулчлалын газрын дарга Д.Батсүх ярилаа.
Чингэлтэйн автобусны эцсийн буудлаас 1.5 км яваад явган аялалын зам эхэлж байгаа юм гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 12 сарын 01
Төрийн тусгай албан хаагчдын нэгдсэн эмнэлгийн Ёс зүйн хорооноос 2017 оны 11 дүгээр сарын 27-ны өдрөөс 29-ны өдөр хүртэл 3 өдрийн хугацаатай “Талархал уучлалын өдөр”-ийг зохион байгууллаа. Уг арга хэмжээнд эмнэлгийн нийт албан хаагчдаас гадна үйлчлүүлэгчид идэвхтэй хамрагдаж, хэн нэгэнд баярласан талархсанаа илэрхийлж, хэн нэгнийг гомдоож байсан бол уучлалт хүсэн чин сэтгэлийн үгээ захиагаар дамжууллаа. Илгээлтийн хайрцганд нийт 367 захиа цугларч, үүнээс талархлын 365, уучлалын 2 захиа байсан юм. Арга хэмжээ дууссаны дараа зохион байгуулагч комисс цугларсан бүх захиаг хүн бүрийн гарт хүлээлгэн өглөө. Энэ үнэхээр үр дүнтэй, бие биедээ урам хайрласан, цаашид эрч хүчтэй ажиллах урам зориг хайрласан, бие биенээ зөвөөр ойлгож, талархаж, уучилсан сайхан арга хэмжээ болсон талаар албан хаагчид ярьж байсан юм. Тиймээс Төрийн тусгай албан хаагчдын нэгдсэн эмнэлгийн Ёс зүйн хорооноос энэхүү арга хэмжээг хагас жилд нэг удаа тогтмол зохион байгуулж байхаар боллоо.
-
2017 оны 12 сарын 01
Дархан-Уул аймгийн Төмөрлөгийн үйлдвэрийн 20 ажилчин өчигдөр орой угаарын хийнд хорджээ.
-
2017 оны 12 сарын 01
2017 оны 12 дүгээр сарын 01-ний өдөр Замын цагдаагийн албаны ЖШУХ нийт 333 дуудлага, мэдээ мэдээлэл хүлээн авснаас зам тээврийн ослын 237 дуудлага бүртгэгдсэн бөгөөд осол хэргийн улмаас 1 хүн гэмтэж бэртсэн.
Гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 30 жолоочийг илрүүлэн саатууллаа.
Бүртгэгдсэн зам тээврийн осол, хэргийг хэлбэрээр нь авч үзвэл явган зорчигч мөргөж гэмтээсэн 6 осол, мөргөлдөх хэлбэрээр 11 осол гарч 1 хүн гэмтсэн хэрэг тус тус бүртгэгдсэн бөгөөд энэ өдөр согтууруулах ундааны зүйл хэрэглэсэн үедээ зам тээврийн осолд холбогдсон явган зорчигч 2 бүртгэгджээ.
Тухайлбал:
1. Сүхбаатар дүүргийн Нарны зам, “Урбанек” төвийн уулзварын баруун замд марк, улсын дугаар тодорхойгүй автомашины жолооч нь явган зорчигч Э-г мөргөж гэмтээгээд хэргийн газрыг орхин явсан ослыг Сүхбаатар дүүрэг дэхь замын цагдаагийн хэлтэс шалгаж байна.
2. Баянгол дүүргийн Нарны гүүрэн дээр H.Sonata-7 маркийн автомашин жолооч Б нь амины S.Swif Ц, T.Prius А, K.Towner Б, Т.Premio Э, Т.Crown Х жолоочтой автомашинуудтай мөргөлдсөн хэргийг Баянгол дүүргийн замын цагдийн хэлтэс шалгаж байна.
-
2017 оны 12 сарын 01
Төв аймгийн Нэгдсэн эмнэлгийн хүүхдийн тасагт хоёр настай охин эмч нарын буруутай үйл ажиллагааны
-
2017 оны 12 сарын 01
Онцгой байдлын ерөнхий газар, ШУТИС-ийн Геологи, уул уурхайн сургууль, Уурхайн судалгаа хөгжлийн төв хамтран “Тэсрэх материалтай харьцаж ажиллах алба хаагчдад тэсэлгээний ажил, тэсрэх материалтай харьцах эрх олгох “ТМ-17.1” сургалтыг зохион байгуулж, сургалтад оролцогчдод өнөөдөр гэрчилгээг гардууллаа.
Гэрчилгээг ОБЕГ-ын тэргүүн дэд дарга, бригадын генерал Г.Ариунбуян, ШУТИС-ийн Геологи, уул уурхайн сургуулийн Уурхайн судалгаа хөгжлийн төвийн захирал Н.Адарсүрэн, дэд профессор, доктор Н.Батболд нар гардуулан өгсөн юм.
Аврагчдын үйлдвэрлэлийн зориулалттай тэсрэх бодис, тэсэлгээний хэрэгслийн мэдлэг, мэргэжлийн ур чадварыг дээшлүүлэх зорилготой тус сургалтад төв, орон нутгийн Онцгой байдлын газар, хэлтэс, анги, байгууллагын аврагч-тэсэлгээчин, тэсрэх бодистой харьцаж ажиллах нийт 40 гаруй алба хаагч хамрагдав гэж Онцгой байдлын ерөнхий газраас мэдээллээ.
-
2017 оны 12 сарын 01
Нийслэлийн Засаг даргын зөвлөлийн өнөөдрийн хуралдаанаар “Нэг өрх-Нэг ажлын байр” хөтөлбөрийн хүрээнд “Хөдөлмөр эрхлэлтийг дэмжих төв” байгуулах талаар хэлэлцэв. Нийслэлийн Хөдөлмөр эрхлэлтийн газраас тус төвийг нийслэлийн Үйлчилгээний нэгдсэн төвийн Дүнжингарав салбарт байгуулахаар болсон талаар Засаг даргын зөвлөлийн гишүүдэд танилцууллаа.
Хөдөлмөр эрхлэлтийг дэмжих төв байгуулагдсанаар ажил олгогч, иргэд, ААН-үүдэд ажил хайгч иргэнийг бүртгэх, ажил олгогчдын мэдээллийг хүргэх, ажил олгогчийн ажлын байрны захиалга авах, ажлын байранд зуучлах, ажил мэргэжлийн чиг баримжаа олгох зөвлөгөө өгөх, гадаадаас буцан ирэгсдийн хөдөлмөр эрхлэлтийг дэмжих, албан бус хөдөлмөр эрхлэгчдэд чиглэсэн үйл ажиллагаа, хуулийн зөвлөгөө, хөдөлмөр эрхлэлтийн чиглэлээр хэрэгжүүлж буй төсөл хөтөлбөрүүдийн мэдээлэл зэрэг 17 нэр төрлийн үйлчилгээг үзүүлэх боломжтой юм.
Нийслэлийн хэмжээнд хөдөлмөрийн насны 952391 хүн байгаагаас хөдөлмөр эрхлэлтийн түвшин 47.1 хувьтай байна. “Нэг өрх-Нэг ажлын байр” хөтөлбөрийн хүрээнд нийслэлийн Хөдөлмөр эрхлэлтийн газраас шинээр бий болсон ажлын байрны тоог 30 мянга, байнгын ажлын байраар хангагдсан иргэний тоог 20 мянга, түр болон цагийн ажлын байраар хангагдсан иргэний тоог 15 мянга болгож хөдөлмөр эрхлэлтийн түвшинг 60 хувьд хүргэхээр зорилт тавин ажиллаж байгаа аж. Үүнийгээ дагаад ажилгүйдлийн түвшин 8.1-6 хувь хүртэл буурна гэж нийслэлийн Хөдөлмөр эрхлэлтийн газрын Хөдөлмөр эрхлэлтийн хэлтсийн дарга Г.Ганзориг танилцууллаа гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Хөдөлмөр эрхлэлтийг дэмжих төвийн үйлчилгээний төрөл:
Үйлчилгээний төрөл
Тайлбар
Ажил хайгч иргэнийг бүртгэх,
ажил олгогчдын мэдээллийг хүргэх
- Өөрийн биеэр ирж бүртгүүлэх, үйлчилгээ авах
- Цахим буюу бүртгэлийн программын холбоосоор
- Утасны аппликейшн суулгаж, бүртгүүлэх
Ажил олгогчийн ажлын байрны захиалга авах
- ААНБ ирж өгөх
- Цахим буюу бүртгэлийн программын холбоосоор
- Утсаар, Хэвлэл мэдээллийн хэрэгслээр
Ажлын байранд зуучлах
- Job matching / ажлын байрны тохироц /
- Байнгын ажлын байр бүртгэл, захиалга, зуучлал,
- Түр, улирлын ажлын байр
- Цагийн ажлын байр Хувийн хөдөлмөрийн биржүүдтэй хамтарч ажиллана.
- судалгаа буюу эргэх холбоо бий болгох
- Шинээр төгсөгчдийг дадлагажуулах ААНБ-д зуучлах
Ажил мэргэжлийн чиг баримжаа олгох зөвлөгөө өгөх
- Ажил хайгч иргэдэд
- Хөгжлийн бэрхшээлтэй иргэдэд /бэрхшээлийг харгалзах /
- Их дээд сургууль, коллеж, МСҮТ суралцагчид, төгсөгчид
- Ерөнхий боловсролын сурагчид бага, дунд ахлах анги
- Сургуулийн өмнөх боловсролын суралцагчид /Боловсролын байгуулагатай хамтрах/
- Бүлгээр болон ганцаарчилсан хэлбэрээр өгөх /Сэтгэл зүйчтэй хамтрах /
- МУ-д эрэлттэй мэргэжил ба мэргэшил, Хөдөлмөрийн зах зээлийн мэдээллэр хангах
- Анкет, өргөдөл CV бичих, Ажлын ярилцлагад бэлтгэх
Сургалт
1. Хувь хүний хөгжил, хөдөлмөрийн бүтээмж дээшлүүлэх нөлөөллийн багц сургалт
Сургалтын багш нарыг сонгон шалгаруулж, гэрээ байгуулан ажиллана. Гэрээнд дараах заалтыг тусгана:
- Сургалтанд хамрагдсан иргэдийн сэтгэл ханамж, хөдөлмөр эрхлэлтийн байдлыг харгалзан урамшуулал олгоно. Хангалтгүй тохиолдолд гэрээг цуцална.
- Сургалтын багш нартай программаар холбогдож, сургалтын ирц, явц, үр дүнгийн мэдээллийг бүртгэнэ.
2. Аж ахуй эрхлэлт, чадамжид суурилсан сургалт
- Газар тариалан эрхлэлтийн вакуумжсан сургалт /Агропаркийн талбайд /
- Өвөл, зуны хүлэмж, нарийн ногоо тариалах сургалт
3. Мэргэжлийн ур чадвар олгох, давтан мэргэшүүлэх сургалт
4. Үйлдвэрлэл дээрх сургалт
5. ХАБЭА-н сургалт
Ажил олгогчийг дэмжих
- ХЭДТХ-ийн 12 дугаар зүйлийн 12.2-т заасан жижиг зээлийн санхүүгийн дэмжлэг
- ХЭДТХ-ийн 13 дугаар зүйлийн дагуу олгох ажил олгогчийн дэмжлэг
- Өрхийн үйлдвэрлэл, бичил бизнес эрхлэгч иргэдэд хөнгөлөлттэй зээл
- Бизнес инкубацийн үйлчилгээ
- Иргэдийн үйлдвэрлэсэн бараа, бүтээгдэхүүнийг сурталчлах, борлуулах, хөхүүлэн дэмжиж, борлуулахад нь чиглэсэн үйл ажиллагаа
- Нийгмийн хариуцлагаа ухамсарлан, сул чөлөөтэй ажлын байр болон шинэ ажлын байраа бүртгүүлж, иргэдийг тогтвортой ажлын байраар хангасан Нийслэлийн “Шилдэг Ажил олгогч” шалгаруулж, урамшуулах журам боловсруулан батлуулна.
- Ажил олгогч бүр бизнесийн түншлэл бий болгох, төр болон хувийн аж ахуйн нэгж байгууллагын түншлэлийг нэвтрүүлэн ажиллана.
Гадаадаас буцан ирэгсдийн хөдөлмөр эрхлэлтийг дэмжих
- Гадаадад сурч, ажиллаж байгаа болон буцан ирэгсдийг бүртгэл, мэдээллийн сан үүсгэх
- Игэдийн дадлага, туршлага, ажиллаж байсан салбарын шинэ санаа, технологийг нийслэл хотод нутагшуулах, гарааны бизнес, Start up дэмжлэг
Ажил олоход хүндрэлтэй иргэний хөдөлмөр эрхлэлтийг дэмжих
- Ажил олоход хүндрэлтэй иргэдийг бүртгэлжүүлэх, онцлог тус бүрээр сан
- Иргэдийн онцлогт тохирсон зохистой хөдөлмөр эрхлэлт
- Газар тариалан эрхлэх вакумжсан сургалтын орчин бүрдүүлж, сургалт зохион байгуулна.
- Өвөл, зуны загвар хүлэмж байгуулж, нарийн ногоо тариалах арга ажиллагааны сургалтыг
- Газар тариалангийн чиглэлээр олон улсын туршлага судлах, эх орондоо нутагшуулах арга хэмжээг
Албан бус хөдөлмөр эрхлэгчдэд чиглэсэн үйл ажиллагаа
- Хөдөлмөр эрхлэлтийн үйл ажиллагааны чиглэлээр ангилсан бүртгэл, сан
- Албан бус хөдөлмөр эрхлэгчдийн тодорхой бүлгүүдэд үе шаттай нөлөөллийн сургалтууд
- “Албан бус хөдөлмөр эрхлэгчдийн үйл ажиллагааг албажуулах төсөл” боловсруулна.
Сэтгэл зүйн зөвлөгөө
- Хувь хүний зан ааш, чиг хандлагыг тодорхойлох сорил, нөөц боломжийг нээхэд туслах
- Ажилгүйдлээс үүдэлтэй сэтгэлзүйн асуудлыг шийдвэрлэхэд туслах
- Хамт олны уур амьсгал, эерэг хандлагыг бий болгох, ажлын бүтээмж дээшлүүлэхэд туслах
- Ажил, мэргэжлийн стрессийг даван туулахад туслах
- Ажил, амьдралын баланс, тэнцвэртэй байдлыг бий болгоход туслах г.м
Хуулийн зөвлөгөө
- Хөдөлмөрийн тухай хууль,
- Хөдөлмөр эрхлэлтийг дэмжих тухай хууль,
- Хөдөлмөрийн аюулгүй байдал, эрүүл ахуйн тухай хууль,
- Ажиллах хүч гадаадад гаргах, гадаадаас ажиллах хүч, мэргэжилтэн авах тухай хууль,
- Гадаад оронд хөдөлмөр эрхлэх талаар зөвлөгөө авах
- Мэргэжлийн боловсрол сургалтын тухай
- Хөдөлмөрийн хөлсний доод хэмжээний тухай
- Ажлын байр, үйлдвэрлэлийн ослоос урьдчилан сэргийлэх, бүртгэх талаар мэдээлэл авах
- Хөдөлмөрийн гэрээ байгуулах, цуцлах, эрх ашгаа хэрхэн хамгаалах
- Хамтын гэрээ байгуулах болон маргааныг хэрхэн шийдвэрлэх г.м
Хөдөлмөр эрхлэлтийн чиглэлээр хэрэгжүүлж буй төсөл хөтөлбөрүүдийн мэдээлэл, зөвлөгөө өгөх
- Хөдөлмөрийн яамнаас батлагдсан хөтөлбөрийн мэдээлэл
- Хөтөлбөрт хэрхэн хамрагдах арга зам, зааварчилгаа
- Санхүүгийн дэмжлэг, жижиг зээлд хэрхэн хамрагдах, үе шатууд
- Мэргэжлийн болон давтан сургалтын эрх бүхий байгууллагуудын мэдээлэл, Сургалтын төрөл чиглэл
- МСҮТ-ийн үйл ажиллагаа болон бэлтгэдэг мэргэжлийн талаарх мэдээлэл
Хүүхэд түр саатуулах үйлчилгээ
- Төвийн ямар нэгэн үйлчилгээнд хамрагдах хугацаандаа хүүхэд түр саатуулах үйлчилгээг авч болно.
- Хүүхэд асрагч нь тусгай зөвшөөрөлтэй, туршлагатай ажилтан байна.
- Ариун цэврийн өрөөнд хүүхдийн живх солих зориулалтын тавиур, ХБИ-д зориулсан суултуур байршуулсан байна.
Дохионы хэлмэрчийн үйлчилгээ
- Хэл, ярианы болон сонсголын бэрхшээлтэй иргэд дохионы хэлмэрчийн тусламж авах
Уулзалт, сургалтын танхим
ашиглах үйлчилгээ
- Ажил олгогч, ажил хайгч нарт уулзалт, ярилцлага хийх, сонгон шалгаруулалт зохион байгуулах боломж
Дундын оффис ашиглах үйлчилгээ
- Гарааны бизнес эхлүүлж буй хүмүүст үнэ төлбөргүй компьютер, интернет, суурин утас, принтер, скайнер, канон хуваарийн дагуу ашиглах боломж
Төрөлжсөн мэдээллийн стенд дэлгэц
- Хөдөлмөрийн зах зээлийн мэдээлэл
- Төвийн үйлчилгээний мэдээлэл
- Сургалтуудын төрөл, хуваарь
- Ажлын байрны зар
-
2017 оны 12 сарын 01
Ойрын өдрүүдэд ихэнх нутгаар хүйтний эрч чангарсны
-
2017 оны 12 сарын 01
09.00 ’Хөгжлийн бэрхшээлтэй хүнийг ажлын байраар хангасан
-
2017 оны 12 сарын 01
Хүний дархлал хомсдолын вирүс, дархлалын олдмол хомсдол /ХДХВ, ДОХ/-ын асуудалд дэлхий нийтийн анхаарлыг хандуулах өдөр маргааш болно. Жил бүрийн арванхоёрдугаар сарын 01-нд тохиодог энэ өдрийг өдгөө ”Би сэргийлж чадна, харин та” гэсэн уриан дор тэмдэглэн өнгөрүүлэх гэж байна.
Дэлхий нийтээрээ анхаарал хандуулж, олон талын үйл ажиллагаа зохион байгуулах энэ өдөр өсвөр үеийн хүүхэд, залууст ХДХВ, ДОХ-ын дамжих зам болон халдвар авахаас хэрхэн сэргийлэх, хамгаалах арга зам бүхий сэрэмжлүүлэг мэдээллийг хүргэхээр болжээ.
Тухайлбал нийслэлд үйл ажиллагаа явуулж буй кинотеатруудаар үйлчлүүлсэн өсвөр үеийн хүүхэд, залууст богино хэмжээний видео зөвлөмжийг кино эхлэхийн өмнө үзүүлэх юм байна. Тус үйл ажиллагааны нээлт “Тэнгис” кинотеатрт 18:00 цагаас болох бөгөөд Эрүүл мэндийн яам, Нийслэлийн Засаг даргын тамгын газар, Нийслэлийн эрүүл мэндийн газрын төлөөллүүд оролцоно.
Мөн энэ өдөр НЗДТГ-ын харьяа агентлаг, аж ахуйн нэгж, албан газрын ажилтнууд “ХДХВ, ДОХ-ын эсрэг дэлхийн өдөр”-т нэгдэж байгаагаа илэрхийлэн улаан туузаар ижилсэж, бэлгэвч тараах юм байна.
