-
2017 оны 2 сарын 22
Төрийн орон сууцны корпораци “Түрээсийн орон сууц” хөтөлбөрт хамрагдах иргэдийг ирэх сараас бүртгэх аж.
-
2017 оны 2 сарын 22
Г.Дэнзэн нарын таван хүнд холбогдох хэргийн шүүх хурал Баянзүрх, Чингэлтэй, Сүхбаатар дүүргийн эрүүгийн хэргийн анхан шатны шүүхэд болох байсан ч хойшиллоо.
-
2017 оны 2 сарын 22
Төрийн албаны нэр барьж, халамж, зээл тусламжид хамруулна хэмээн иргэдийг залиладаг байсан этгээдийг шүүх хурал Баянзүрх дуүргийн Эрүүгийн хэргийн анхан шатны шүүхэд болж, түүнд 13 жил нэг capын ялыг чанга дэглэмтэй эмэгтэйчүүдийн хорих ангид эдлүүлэхээр шийдвэрлэсэн байна.
-
2017 оны 2 сарын 22
Баянзүрх дүүргийн XII хорооны нутаг, Ботаникийн автобусны эцсийн буудлын дэргэд байрлах “Well mart” худалдааны төвд гарсан галын дүгнэлт урьдчилсан байдлаар гарсан гэдгийг эх сурвалж мэдээлэв.
-
2017 оны 2 сарын 22
Олон улсын томоохон агентлагын нэг Fitch агентлаг өнгөрсөн оны 11 дүгээр сард Монгол Улсын зээлжих зэрэглэлийг бууруулж, “В-“ гэсэн үнэлгээг өгсөн. Тэгвэл энэ удаа ч мөн энэхүү үнэлгээгээ хэвээр үлдээх шийдвэр гаргасан байна.
-
2017 оны 2 сарын 22
“Улаанбаатар хөрөнгө оруулалт-2017” бизнес уулзалтад Нийслэлийн Хөрөнгө оруулалтын газрын дарга Ц.Ариунбаярын тавьсан илтгэлийг бүрэн эхээр нь хүргэж байна.
“Улаанбаатар хөрөнгө оруулалт-2017” бизнес уулзалтад хүрэлцэн ирсэн та бүгдэд энэ өдрийн мэнд хүргэе.
Нийслэлийн Хөрөнгө оруулалтын газар нь Нийслэлийн 9 дүүрэг, 152 хорооны хэрэгцээ шаардлагын судалгааг гаргаж холбогдох байгууллагуудад санал хүргүүлж ажилладаг. Мөн хөрөнгө нь батлагдсан зураг төсөл, барилга угсралт, инженерийн шугам сүлжээ, их засвар, тохижилтын ажилд Захиалагчийн хяналт тавьж ажилладаг мэргэжлийн байгууллага юм. Захиалагчийн хяналтын үе шат нь “Зөвлөмж хүлээн авах, гэрээ байгуулах, ажил эхлүүлэх, ажлын явцын хяналт, ажил дуусган хүлээлгэн өгөх ” гэсэн 5 үе шатаар хэрэгждэг.
Зөвлөмж хүлээн авах үе шатанд Нийслэлийн худалдан авах ажиллагааны газраас худалдан авах ажиллагаанд шалгарч ирсэн аж ахуйн нэгжийн материал болон техникийн баримт бичгийг ажлын 3 хоногт шалгадаг. Шаардлага хангасан байгууллагуудтай бид гэрээ байгуулдаг. Хэрэв хууль, дүрэм, журам заалтын дагуух шаардлагыг хангаагүй тохиолдолд бид Үнэлгээний хороо руу буцаах арга хэмжээг авдаг.
Гэрээ байгуулах үе шатанд гүйцэтгэгчид зарим алдаа гаргадаг тул бидний зүгээс дараах зөвлөмжүүдийг хүргэж байна.
Ажлын зураг болон тендерийн бичиг баримтад тусгагдсан ажлын тоо хэмжээ зөрвөл ажлын зургийн тоо хэмжээг баримтална.
Гүйцэтгэгч компани тендерийн бичиг баримт бүрдүүлэхдээ санамсаргүйгээр механик алдаа гарган ажлын тоо хэмжээг зөрүүлэх тохиолдол байдаг. Энэ тохиолдолд ажлын зургийн тоог хэмжээг баримтлана. Хэрэв тоо хэмжээг зөрүүлсэн, ажлын тоог хэмжээг ажилбараар нь орхигдуулсан тохиолдолд тухайн гүйцэтгэгч компанитай гэрээ байгуулахгүй байх үндэслэл болдог.
Аж ахуйн нэгжүүд өөрсдийн санхүүгийн чадавхийг дээшлүүлэхийн тулд түншилж ажил гүйцэтгэдэг. Энэ тохиолдолд түншлэлийн гэрээг Иргэний хуульд нийцүүлэн байгуулж, эх хувиар нь манай газарт ирүүлэх шаардлагатай.
150 сая төгрөгнөөс дээш төсөвт өртөгтэй ажилд гэрээ байгуулахдаа шаардлага хангасан гүйцэтгэлийн баталгаа гаргадаг. Гүйцэтгэлийн баталгааг заавал Захиалагчийн хяналт хийж буй байгууллага болох Нийслэлийн Хөрөнгө оруулалтын газрын нэр дээр гаргана. Нийслэлийн Худалдан авах ажиллагааны газар, ашиглагч байгууллагуудын нэр дээр гүйцэтгэлийн баталгааг гаргадаггүйг та бүхэн анхаараарай.
Гэрээний маягт, хавсралт болох ерөнхий нөхцөл, тусгай нөхцөлийн заалттай сайтар танилцаж гэрээг байгуулж байх. Захиалагчийн зүгээс гэрээний ерөнхий ба тусгай нөхцөлд тухайн ажилбар, барилга угсралтын ажилтай холбоотой нарийн заалтуудыг оруулж өгдөг. Эдгээр заалтуудтай гүйцэтгэгч компаниуд маш сайн танилцаж, хүлээн зөвшөөрсний үндсэн дээр гэрээ байгуулах хэрэгтэй. Энэ нь цаашид ажил хэрэгжих явцад гүйцэтгэгч болон захиалагч байгууллагын хоорондын үл ойлголцлыг арилгах нөхцөл болдог.
Гэрээний хугацааг гүйцэтгэгч байгууллагууд үнэн зөв бодитой тооцож ирэх хэрэгтэй. Өөрсдийн санхүүгийн чадавхи, хүний нөөц, техник тоног төхөөрөмжийн чадлыг ажил гүйцэтгэх хугацаатай маш сайн уялдуулж тооцох шаардлагатай. Учир нь гүйцэтгэгч гэрээний хугацаандаа багтаан ажлаа гүйцэтгэж чадахгүй тохиолдолд хугацаа хэтэрсэн хоног тутамд 0.05 хувийн алданги тооцдог.
Гэрээний маягтад аж ахуйн нэгжийн захирал, эсвэл захирлын итгэмжлэгдсэн төлөөлөгч баталгаажуулалт хийж ирүүлэх шаардлагатай байдаг.
Аж ахуйн нэгжийн гэрчилгээнд бүртгэгдсэн харилцагч байгууллагын банкны нэр, дансны дугаарыг гэрээндээ тусгана. Хэрэв гэрээнд хувь хүний данс эсвэл туслан гүйцэтгэгчийн данс бичигдсэн тохиолдолд тухайн гэрээг хүлээн зөвшөөрөхгүй байх үндэслэл болдог.
Ажил эхлүүлэх үе шатанд хөдөлмөр хамгаалал, аюулгүй байдлын төлөвлөгөө гарган ажиллах хэрэгтэй. Энэ төлөвлөгөөг гарган ажилласнаар гүйцэтгэгч байгууллага нь эрсдлээс өөрийгөө хамгаалж чаддаг.
Ажлын талбай дээр ажиллаж буй мэргэжилтэй ажилчдыг гэнэтийн осол аваараас урьдчилан сэргийлэх даатгалд хамруулах шаардлагатай. Энэ нь гэнэтийн хүчин зүйлсээс үүдэлтэй ажил зогсох, саатах зэрэг нөхцөл байдлаас сэргийлж чадна.
Зөвшөөрөлгүйгээр ажлаа эхлүүлэхээс татгалзах хэрэгтэй. Өөрөөр хэлбэл барилгын ажлыг эхлүүлэх зөвшөөрөл авсны дараа талбай дээр барилгын ажлыг эхлүүлнэ. Манай орны дулааны улирлын хоног цөөн, ажил эрхлэх хугацаа бага байдаг гэсэн шалтгаанаар зөвшөөрөлгүй ажлаа эхлүүлэх тохиолдол байдаг. Зөвшөөрөлгүйгээр ажил эхлүүлсэн тохиолдолд үүсэх бүх эрсдлийг гүйцэтгэгч байгууллага хүлээдэг тул эхлээд барилгын ажлыг эхлүүлэх зөвшөөрлөө авах шаардлагатай.
Нийгмийн хэрэгцээ шаардлагаар зураг төсвийн ажлыг хүлээх боломжгүйгээр шууд гэрээний нөхцөлтэй зураг төслийг боловсруулах ажилтай хамт барилга угсралтын ажлын тендерийг зарлах тохиолдолд гардаг. Энэ тохиолдолд зураг төслийн ажил хийгдсэний дараа Барилгын хөгжлийн төвийн экспертизээр хянуулдаг. Хяналт хийгдэж зураг хүлээн авсны дараа барилга угсралтын ажлыг эхлүүлэх ёстой. Зураг төслийн ажил экспертизээр батлагдаагүй байхад барилга угсралтын ажил эхэлсний дараа дүгнэлт гарч зурган дээр зөрүү гарсан тохиолдолд барилга угсралтын ажлыг шинээр эхлүүлэх шаардлагыг манай газраас тавьж гүйцэтгэгч бүх эрсдлийг бие даан үүрдэг.
Ажлын явцыг зураг төслийн дагуу захиалагч байгууллага хэрэгжүүлэх үүрэгтэй. Хэрэв зураг төсөлд өөрчлөлт орох шаардлагатай бол зураг төслийн зохиогчоос заавал зөвшөөрөл авч манай байгууллагаар баталгаажуулна. Ингэснээр тухайн барилга угсралтын ажил өөрчлөлт орсон зураг төслийн дагуу баригдах боломжтой.
Барилгын ажлын ил тод байдлын акт болон үе шатны ажлын тэмдэглэлийг өдөр бүр хөтлөнө. Захиалагчийн хяналтын инженерүүд барилгын талбай дээр хяналт тавихдаа үе шатны ажлын тэмдэглэлийг өдөр бүрээр шалгадаг. Үе шатны ажлын тэмдэглэл нь ажлын гүйцэтгэлийн явцыг илтгэдэг. Хэрэв тэмдэглэл зөрүүтэй, ажлын явц тодорхойгүй нөхцөлд ажлын гүйцэтгэлийн санхүүжилт олгогддоггүй.
Эрсдлийн төлөвлөгөө гарган ажиллах хэрэгтэй. Гэнэтийн тохиолдлоос урьдчилан сэргийлэх арга хэмжээг заавал төлөвлөж ажиллах хэрэгтэй. Энэ нь гүйцэтгэгч байгууллага бүрийг эрсдлээс хамгаалдаг.
Барилгын материал бүтээгдэхүүнийг зөв сонгох шаардлагатай. Барилга угсралтын ажил дээр хяналт тавихад гарал үүсэл нь тодорхой, тохирлын гэрчилгээтэй материал бүтээгдэхүүнийг барилга угсралтын ажилд хэрэглэхийг зөвшөөрдөг.
Барилга угсралтын талбай дээр зохион байгуулалтын норм дүрмийн шаардлагыг хангаж хөдөлмөр хамгааллын аюулгүй байдлыг хангаж ажиллах хэрэгтэй. ХАБ-ын инженерийг талбай дээр заавал ажиллуулж байх шаардлагатай.
Гэрээт хугацаанд тухайн ажлыг гүйцэтгэх боломжгүй болсон тохиолдолд гүйцэтгэгчээс шалтгаалаагүй хугацаа хэтрэлтийг захиалагчид тухай бүрд нь мэдэгдэж гэрээг сунгуулах хэрэгтэй. Учир нь гэрээ сунгуулаагүйгээс үүдсэн эрсдлийг гүйцэтгэгч өөрөө хариуцдаг.
Санхүүжилтийн бичиг баримтыг бүрдүүлэхдээ үнэн зөвөөр бүх бичиг баримтыг шаардлагын дагуу бүрдүүлэх нь зүйтэй. Бичиг баримтын зөрүүнээс үүдэлтэй санхүүжилтийн алданги гүйцэтгэгч талд хүнд тусдаг. Бичиг баримтыг гүйцэтгэсэн гүйцэтгэлийн дагуу бүрдүүлэх хэрэгтэй. Бодит гүйцэтгэсэн ажлаас их санхүүжилт хүсэх нь аж ахуйн нэгжүүдийн санхүүжилтыг буцаах үндэслэл болдог.
Ажил дуусган хүлээлгэн өгөх үе шатанд гүйцэтгэгч байгууллагууд холбогдох бичиг баримтын бүрдлийг хангах тал дээр сайн анхаарах нь зүйтэй. Учир нь гүйцэтгэгч байгууллагууд барилга барьж дууссанаар ажил дууссан гэж ойлгодог. Гэвч барилгын ажлын ил тод байдлын актыг баталгаажуулах, үе шатны ажлын гүйцэтгэлийн тэмдэглэл хөтлөх, барилгын улсын хяналтыг хэрэгжүүлэх эрх бүхий байгууллага, зураг төсөл зохиогчоос тавьсан хууль ёсны шаардлагыг биелүүлж бүх бичиг баримтыг бүрдүүлж ажиллах хэрэгтэй. Комиссын актыг хугацаанд нь буюу 14 хоногийн дотор баталгаажуулж, комисс ажиллан хүлээн авсны дараа ашиглагч байгууллагууд, цаашид барилгыг хариуцаж явах байгууллагуудад барилга ашиглалтын зааварчилгаагаар маш сайн хангах хэрэгтэй. Ингэсэн тохиолдолд барилгын ажлыг бүрэн дууссан гэж үздэг.
Мөн зураг төслийн гүйцэтгэгч нарт дараах зөвлөмжийг хүргүүлж байна.
Зураг төслийн гүйцэтгэгч нар байр зүйн дэвсгэр зургаа тухайн гүйцэтгэж байгаа ажил бүр дээр шинэчилж гаргаж байх шаардлагатай байна. Учир нь өөрийн өмнө гүйцэтгэж байсан зургийн дэвсгэр зургийг шинэ ажил дээрээ ашигласнаас үүдэн тухайн газар өнгөрсөн онуудад шинээр хийсэн трасс, шугам хоолой, инженерийн шугам сүлжээ, өндөр хүчдлийн шугам гэх мэт ажлуудаас үүдэн тухайн зургийн ажлыг шинэчлэх шинээр зураг эрсдэл гардаг. Тиймээс байр зүйн дэвсгэр зургаа ажил бүр дээр заавал шинэчилж ажиллах нь зүйтэй.
Туслан гүйцэтгэгчийг маш зөв сонгож ажиллах хэрэгтэй. Туслан гүйцэтгэгч буруу сонгосноос үүдэлтэй эрсдлийг зураг төслийн гүйцэтгэгч өөрөө хариуцдаг. Туслан гүйцэтгэгчээс шалтгаалан ажил удсан тохиолдолд захиалагч байгууллага зөвхөн үндсэн гүйцэтгэгчтэй хариуцлага тооцно.
Зураг төслийн ажлыг хийх явцад хангагч байгууллагууд буюу ус, дулаан, эрчим хүч түгээх сүлжээнүүдтэй маш сайн зөвшилцөж ажиллах нь зүйтэй. Учир нь зөвшилцөж тохироогүйгээс үүдэн хийсэн зургийн ажлын техникийн нөхцөл өөрчлөгдөж дахин зурах эрсдлийг гүйцэтгэгч хүлээдэг.
Дээрх зөвлөмжүүдийг та бүхэн анхааран ажиллахыг хүсье.
Бидний зүгээс Нийслэл хотын бүтээн байгуулалтын ажилд та бүхэнтэй хамтарч ажиллахад таатай байх болно.
Анхаарал хандуулсан та бүхэнд баярлалаа.
-
2017 оны 2 сарын 22
”АЖЛЫН БАЙРЫГ МИНЬ БУЦААЖ ӨГӨӨЧ” ЭСЭРГҮҮЦЛИЙН ХӨДӨЛГӨӨН МАРГААШ ЭХЭЛНЭ
ШУА-ийн Геологи, палеонтологийн хүрээлэнгийн байрыг БЗД-ийн Прокурорын газарт балансаас баланст шилжүүлэх тухай Шийдлийн Засгийн газрын 270-р тогтоолыг цуцалж өгөх асуудлаар ”Шинжлэх ухаанаа аваръя” түр хороо, Шинжлэх ухааны байгууллагуудын Үйлдвэрчний эвлэлийн нэгдсэн хорооноос 2017 оны 2-р сарын 16-ны өдөр хэвлэлийн бага хурал хийж, хариуг 2-р сарын 21-ний өдрийн дотор бичгээр авахаар Ерөнхий сайдад шаардлага хүргүүлсэн болно.
Гэвч шаардлагын хариу ирээгүй тул 2017 оны 2-р сарын 23-ны өдрийн 11.00 цагаас ”Ажлын байрыг минь буцааж өгөөч?” нэртэй гадаа ажиллах эсэргүүцлийн хөдөлгөөнийг хугацаагүй зохион байгуулахаар шийдвэрлэв. Улмаар асуудлыг шийдэж өгөхгүй бол 2017 оны 3 дугаар сарын эхээр шинжлэх ухааны салбарынхныг хамарсан Засгийн газрын чихний бөглөөг гаргах ”Үлэг гүрвэлийн цурхираан” нэртэй жагсаалыг зохион байгуулна. Жагсаалын үед Палеонтологийн хүрээлэнгийн эрдэмтдийн олон арван жилийн турш судлан цуглуулсан дэлхий ховор сонин үлэг гүрвэлүүд жагсаж ”орох орон”-гүй болсондоо гашуудаж, Засгийн газраас орон байраа буцааж өгөхийг цурхиран гуйх арга хэмжээ болно.
”Шинжлэх ухаанаа аваръя” түр хороо
Шинжлэх ухааны байгууллагуудын
Үйлдвэрчний эвлэлийн нэгдсэн хороо
-
2017 оны 2 сарын 22
Хан-Уул дүүргийн XV хороо Рапид харш хорооллын 25 дугаар байрны лифт унажээ. Өчигдөр 21 цагийн орчимд унасан лифтэнд нэг эмэгтэй дөрвөн настай охинтойгоо зорчиж байсан байна. Тэднийг долоон давхарт явахад нь гэнэт тог тасарч лифт доош унажээ.
-
2017 оны 2 сарын 22
Өнөөдөр Баянзүрх, Чингэлтэй, Сүхбаатар дүүргийн эрүүгийн хэргийн анхан шатны шүүхэд Г.Дэнзэнд холбогдох хэргийг шүүн хэлэлцэх тов гарчээ.
-
2017 оны 2 сарын 22
Нийслэлийн Давж заалдах шатны шүүх энэ сарын 9-ны өдөр дөрвөн настай охиноо зодон аминд нь хүрсэн гэх Г.Маралмаад оноосон анхан шатны шүүхийн шийдвэрийн 23 жилийн ялыг хүчингүй болгожээ.
-
2017 оны 2 сарын 21
Олон улсын Жүдо бөхийн холбоо буюу IJF-ээс зохион байгуулдаг цуврал тэмцээний нэг болох Гран при тэмцээн Германы Дюссельдорф хотноо энэ сарын 24-нд эхэлнэ. Тэмцээнд нийт 52 орны эрэгтэй 224, эмэгтэй 156, нийт 380 жүдоч оролцохоор мэдүүлгээ өгөөд байгаа аж.
-
2017 оны 2 сарын 21
Жилийн бүрийн гуравдугаар сарын нэгэнд Дэлхийн иргэний хамгаалалтын өдрийг тэмдэглэдэг уламжлалттай. Энэ жилийн хувьд Олон Улсын Иргэний Хамгаалалтын Байгууллагаас дэлхийн иргэний хамгаалалтын өдрийг “Гамшгийн эсрэг иргэний хамгаалалттай хамт” гэсэн уриан дор тэмдэглэн өнгөрүүлнэ. Монгол Улсын хувьд тус уриалгын хүрээнд Дэлхийн иргэний хамгаалалтын өдрийг улсын хэмжээнд тэмдэглэн өнгөрүүлэх юм.
Түүнчлэн Онцгой байдлын ерөнхий газрын хувьд энэ өдрийг байгууллагаа олон нийтэд сурталчилан таниулах, албан хаагчдын чөлөөт цагийг зөв боловсон өнгөрүүлэх, мэдлэг боловсролыг дээшлүүлэх зорилтын хүрээнд спортын уралдаан тэмцээн, мэдээллийн цагийг зохион байгуулан тэмдэглэхээр болсон байна.
Тухайлбал, Гамшгаас хамгаалах тухай хууль шинэчлэн батлагдсантай холбогдуулан төв, орон нутгийн газар, хэлтэс, анги байгууллагууд орон нутагтаа хууль сурталчлах өдрийг зохион байгуулах, “Иргэний хамгаалалтын түүхэн замнал” түүхэн номын нээлтийг хийх, сайн дурын аврагч бэлтгэх сургалт, Их, дээд сургуулиудын оюутнуудын дунд “Оюутан-аврагч” сэдэвт сургалт зохион байгуулах юм.
Мөн “Цэвэр агаар” сэдэвт явган аялал, цасны баяр, Улаанбаатарын хүрээний анги байгууллагын офицер бүрэлдэхүүний гар бөмбөгийн тэмцээн болно
-
2017 оны 2 сарын 21
Засгийн газрын жижиглэнгийн үнэт цаасны 2017 оны нэгдүгээр улирлын арилжаа хоёрдугаар сарын 28-нд хийгдэхээр товлогдоод байсан юм.
-
2017 оны 2 сарын 21
Хувь хүний орлогын албан татварын тухай хуулийн дагуу иргэдийн хадгаламжийн хүүд 2018 оны нэгдүгээр сарын 1-нээс эхлэн татвар ногдуулахаар болоод байсан.
-
2017 оны 2 сарын 21
ШУА-ийн харьяа хүрээлэнгүүдийн захирлын сонгон шалгаруулалт БСШУ-ны Сайдын 2015 оны А/223 дугаар тушаалаар батлагдсан “Эрдэм шинжилгээний хүрээлэнгийн /байгууллагын/ захирлын ажлын байрны тодорхойлолтод тавигдах нийтлэг шаардлага”, “ШУА-ийн харьяа байгууллагуудын захирлыг сонгон шалгаруулж томилох, чөлөөлөх журам”-ын дагуу явагдаж, өчигдөр /2017.02.20/ захирлуудаа томиллоо.
Философийн хүрээлэнгийн захирлаар доктор (Sc.D) Ш.Ариунаа, Хэл зохиолын хүрээлэнгийн захирлаар доктор, профессор Г.Билгүүдэй, Газарзүй, геоэкологийн хүрээлэнгийн захирлаар доктор Д.Баттогтох, Хими, химийн технологийн хүрээлэнгийн захирлаар доктор Л.Жаргалсайхан нар шинээр сонгогдож үүрэгт ажилдаа орлоо. Харин Олон улсын харилцааны хүрээлэнгийн захирлаар доктор (Sc.D) Ж.Баясах, Ерөнхий болон сорилын биологийн хүрээлэнгийн захирлаар доктор (Sc.D) Я.Адъяа, Палеонтологи, геологийн хүрээлэнгийн захирлаар доктор Х.Цогтбаатар, Түүх, археологийн хүрээлэнгийн захирлаар доктор С.Чулуун, Одон орон, геофизикийн хүрээлэнгийн захирлаар доктор С.Дэмбэрэл нар улиран сонгогдов. Физик, технологийн хүрээлэнгийн захирлын сонгон шалгаруулалт өнгөрсөн оны 12 дугаар сард зохион байгуулагдаж, доктор П.Алтанцог томилогдон ажиллаж байна.
-
2017 оны 2 сарын 21
Нийслэлийн хотынхоо хөгжил цэцэглэлт, бүтээн байгуулалтын ажилд гар бие оролцож явсан үе үеийн ахмад ажилтнуудаа НИТХ болон НЗДТГ-аас өнөөдөр хүлээн авч, хүндэтгэл үзүүллээ. НИТХ-ын дарга Ц.Сандуй, нийслэлийн Засаг дарга бөгөөд Улаанбаатар хотын Захирагч С.Батболд нар энэхүү хүндэтгэлийн арга хэмжээнд оролцсон юм.
НИТХ-ын дарга Ц.Сандуй “Бидний урилгыг хүлээн авч хүрэлцэн ирсэн үе үеийн ахмад буурлууддаа ирж буй алтан унжлагат хэмээх гал тахиа жилийн сар шинийн баярын мэнд хүргэж байна. Бид жил бүр ахмадуудаа хүлээн авч уулздаг уламжлалтай. Энэ удаагийн хүндэтгэлийн арга хэмжээг НИТХ, НЗДТГ хамтран хийж байгаагаараа онцлог болж байна. Хотын удирдлага, түүний баг ажлаа аваад долоон сар гаруйн хугацааг үдээд байна. Энэ хугацаанд олон ажил хийж бүтээсэн гэдгийг ахмадууд та бүхэндээ хэлэхэд таатай байна. НИТХ-ын энэ хугацаанд долоон удаа хуралдаж, нийслэлийн Засаг даргын ирэх дөрвөн жилийн мөрийн хөтөлбөр, ирэх оны төсөв, ирэх онд нийслэлийн эдийн засаг нийгмийг хөгжүүлэх үндсэн чиглэл зэргийг баталсан” хэмээлээ.
Хотын дарга С.Батболд “Нийслэл хотоо хөгжүүлэхэд хоёргүй сэтгэлээр ажиллаж ирсэн үе үеийн ахмадууд та бүхэндээ ирж буй сар шинийн баярын мэндийг хүргэн мэндчилье. Ирэх дөрвөн жилд “Аз жаргалтай хот” хөтөлбөрийг хэрэгжүүлэхээр зорин ажиллаж байна. Үүнд ахмад буурлууд та бүхний үнэ цэнэтэй санал, санаачилга залуу хойч үе бид бүхэнд ихээхэн хувь нэмэр оруулна гэдэгт итгэлтэй байна. Нийслэлийн Засаг даргын өргөтгөсөн зөвлөл байгуулагдсан. Нийслэлийн хөгжлийн үзэл баримтлал, стратеги, нийгэм эдийн засгийн бодлогын асуудлаар хотын даргад зөвлөх үүрэг бүхий уг өргөтгөсөн зөвлөлд ахмадууд, төрийн болон төрийн бус байгууллага, бизнесийнхэн, иргэдийн төлөөлөл зэрэг багтсан байгаа. Мөн НЗДТГ-аас тэтгэвэрт гарсан ахмадуудад чиглэсэн хэд хэдэн арга хэмжээг авч хэрэгжүүлэн болоод байна. Эмнэлгийн урьдчилан сэргийлэх үзлэгт жилд нэг удаа хамруулахаар болсон. Мөн ахмадын зөвлөлийн цахим сантай болж та бүхний санал хүсэлтийг сонсч хариу өгөх, түүгээр зогсохгүй ахмадууд та бүхэн өөр хоорондоо мэдээлэл солилцох, холбогдох шаардлагатай байна гэсэн хүсэлтийн дагуу цахим санг нээж өгөхөөр болсон. Чөлөөт цагаа өнгрүүлэх, хөдөлгөөний дутагдлаас сэргийлж, эрүүл мэнддээ анхаарах зорилгоор биеийн тамирын зааланд цаг гаргаж өгөхийг хүссэн байгаа, үүнийг бид мөн шийдвэрлэхээр болоод байна. НЗДТГ-аас тэтгэвэрт гарсан ахмадуудтайгаа нийслэлийн удирдлагууд улиралдаа нэг удаа уулзан ярилцаж та бүхний санал санаачилгыг сонсохоор болсон” хэмээн хэлсэн юм.
Өнөөдрийн уулзалтад ирсэн ахмадуудын гаргасан санал санаачлагыг нийслэлийн удирдлагууд сонсч, цаашдын ажил хөдөлмөртөө тусган ажиллана гэдгээ илэрхийлж байлаа. Ахмадуудын зүгээс “Бид уулзалтад ирж бэлэг сэлт, хүлээн авалтад ороод буцдаг. Үргэлж авч байдаггүй эргүүлээд өгөх юм бас бидэнд бий. Өнөө үед мэдлэг хэдий чухал ч туршлага зайлшгүй шаардлагатай. Тиймээс бид төрийн албанд шинээр орж буй залуустайгаа уулзалт ярилцлага зохиож өөрсдийн хуримтлуулсан туршлагаасаа хуваалцахад үргэлж бэлэн байна. Төрийн албаны олон жилийн арвин туршлагыг залуус та бүхэн суралцах хэрэгтэй” гэдгийг хэлж байсан юм гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 2 сарын 21
Авто тээврийн үндэсний төв, Замын цагдаагийн албаны удирдлагууд өнөөдөр онлайнаар орон нутаг дахь Авто тээврийн үндэсний төвийн нэгж, Замын цагдаагийн тасгийн ажилтнуудад сар шинийн баярын үеэр хэрхэн ажиллах чиглэл өглөө
-
2017 оны 2 сарын 21
Хөдөлмөр, халамжийн үйлчилгээний ерөнхий газрын Ажиллах хүчний шилжилт хөдөлгөөний хэлтсээс 2017 онд БНСУ-д хөдөлмөрийн гэрээгээр ажиллах хүсэлтэй иргэдэд зориулан зөвлөмж гаргажээ.
-
2017 оны 2 сарын 21
2017 оны 2-р сарын 3-р долоо хоногт хонины ястай нэг килограмм мах дунджаар 6070 төгрөг, үхрийн ястай мах нэг килограмм нь дунджаар 7550 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 1.1 хувиар буюу 80 төгрөгөөр өсч, харин үхрийн цул махны үнэ тогтвортой байв. Энэ 7 хоногийн ажиглалтаар үхрийн мах ”Баянзүрх”, ”Хархорин” хүнсний захуудад хамгийн хямд буюу 7300 төгрөг, харин ”Бөмбөгөр”, ”Меркури”, ”Таван-Эрдэнэ” хүнсний захуудад хамгийн өндөр үнэтэй буюу 8000 төгрөг байна.
-
2017 оны 2 сарын 21
Батлан хамгаалах яамны Аж үйлдвэрийн нэгдлийн дарга болон санхүүгийн албаныхныг Авлигатай тэмцэх газраас шалгаж эхэлжээ.
