-
2016 оны 7 сарын 18
Ази-Европын парламентийн дээд түвшиний 11 дүгээр уулзалттай холбогдуулан томоохон зах, худалдааны төвүүдийн ажиллах цагийн хуваарийг өөрчилсөн. Тэгвэл маргаашнаас эхлэн амарч байсан томоохон зах, худалдааны төвүүд ажиллаж эхэлнэ.
Тухайлбал, “Хүчит шонхор” худалдааны төв, “Хархорин худалдааны төв” маргааш буюу даваа гаригаас эхлэн ердийн цагийн хуваарийн дагуу ажиллах юм байна.
Харин “Нарантуул” худалдааны төв энэ сарын 20-нд буюу ирэх лхагва гарагаас ердийн цагийн хуваарийн дагуу ажиллана.
-
2016 оны 7 сарын 18
Ази-Европын парламентийн дээд түвшиний 11 дүгээр уулзалт зохион байгуулагдаж байгаатай холбогдуулан замын хөдөлгөөний хэт ачааллаас урьдчилан сэргийлэх зорилгоор автомашины улсын дугаарын сүүлчийн орон тэгш, сондгой тоогоор төгссөн авто тээврийн хэрэгслийг замын хөдөлгөөнд оролцуулсан.
-
2016 оны 7 сарын 17
Их Британийн эмч нар харанхуйд ухаалаг гар утас ашигласны улмаас түр харалган болсон тохиолдлын талаар мэдээллэсэн байна. 22-40 насны хоёр эмэгтэй 15 минут орчим юу ч харахгүйд хүрсэн тул эмчид ханджээ. Анагаах ухааны “New England Journal” тус шинж тэмдгийн талаар нийтэлсэн байна.
Британийн эмч нар бүхий л төрлийн шинжилгээ хийж, бүсгүйчүүдийн харааны чадвараа түр хугацаагаар алдсан шалтгааныг тогтоожээ. Өөрөөр хэлбэл хоёр эмэгтэй орой унтахаар хэвтээд нэг нүдээрээ ухаалаг утсаа харж, нөгөө нүд нь дэрээр халхлагддаг байсан аж. Мэргэжилтнүүд энэ тохиолдолд нэг нүд гэрэлд, нөгөө нүд харанхуйд дасал болдог талаар тайлбарлажээ.
Ухаалаг утсыг унтраасны дараа хүний нүд харанхуйд дасан зохицох гэж урт хугацаа зарцуулдаг байна. Энэ нь нүд түр зуур юу ч харахгүй болох шалтгаан болсныг эмч нар өвчтөнүүдэд тайлбарлажээ. Тиймээс ийм таагүй зүйлээс зайлсхийхийн тулд харанхуйд дижитал төхөөрөмжийг аль болох хоёр нүдээрээ зэрэг харахыг зөвлөсөн байна.
-
2016 оны 7 сарын 17
Баянзүрх дүүргийн 20 дугаар хороо, Харгиа амралтын газрын дэргэд туул голд хүн живж байна гэсэн дуудлагын дагуу Нийслэлийн Аврах ангийн албан хаагчид, 1 моторт завьтай бүлэг шуурхай аврах ажиллагаа зохион байгуулсны үр дүнд усанд живж байсан иргэний амь насыг авран хамгаалсан байна. Мөн тус дүүргийн 85-р сургуулийн дэргэд туул голд хүн живж байна гэсэн дуудлагыг 19 цаг 05 цагт хүлээн авч Нийслэлийн Аврах ангийн албан хаагчид, 1 моторт завьтай бүлэг 19:06 цагт газар дээр очиход иргэн Л.Х усанд живж байсныг гаргаж эмнэлгийн анхан шатны тусламж үзүүлэн ар гэрийн хүмүүст нь хүлээлгэн өгсөн байна.
-
2016 оны 7 сарын 17
БАЯН-ӨЛГИЙ АЙМГИЙН ЗАСАГ ДАРГА БӨГӨӨД
ОНЦГОЙ КОМИССЫН ДАРГА Х.ДАРМЕН ТАНАА
2016.07.15 Өлгий
Зөвлөмж өгөх тухай
Баян-Өлгий аймгийн Өлгий суманд 2016 оны 07 дугаар сарын 10-ны өдөр тохиолдсон үерийн гамшгийн хор уршгийг арилгах үйл ажиллагаа тогтворжиж эхэлж байгаатай холбогдуулан дараах зөвлөмжийг өгч байна. Үүнд:
Үерийн гамшигт өртсөн нутаг дэвсгэрийг халдваргүйжүүлэх ажлыг 7 хоногийн хугацаанд багтаан шуурхай зохион байгуулж дуусгах
Халдваргүйжүүлэх ажлыг хэрэгжүүлж байгаа Эрүүл мэндийн газар, Хүнс, хөдөө аж ахуйн газар, Зоонозын өвчин судлалын төв, Мэргэжлийн хяналтын газрын үйл ажиллагааг байнга хянаж, удирдлага зохицуулалтаар хангах, өдөр бүр хийсэн ажлын тайланг тогтмол гаргуулж, тулгамдсан асуудлуудыг тухай бүр шийдэж ажиллах
Үерийн гамшгийн голомтоос нүүн шилжиж шинэ нутаг дэвсгэрт байршсан айл өрхүүдийг цахилгаанаар шуурхай хангах, цэвэр усны хангамжийг шийдэх, Өлгий сумын Засаг дарга, холбогдох албан тушаалтныг нэрвэгдэгсдийн тулгамдсан асуудлыг шийдүүлэхээр байнга ард иргэдийн дэргэд ажиллуулах
Үерийн гамшигт нэрвэгдэгсдэд үзүүлэх Засгийн газрын хүмүүнлэгийн тусламжийн бараа, материалыг шуурхай, бодит байдлаар түгээн олгох, гарын үсэг зуруулж баталгаажуулах, фотожуулах, баримтжуулах
Өлгий сумын үерийн эрсдэлийн зэрэглэл өндөр тул цаашдаа орон нутгийн хөгжлийн бодлогын хөтөлбөрт үерийн далан суваг барих, зураг төсөв бүтээн байгуулах зардлын тооцоог тусгаж, үерийн далан барих ард иргэдийг аюулгүй бүсэд амьдрах боломжийг бүрдүүлэх
Ард иргэдийн сэтгэл хямралыг засах, тайвшруулах ажлыг мэргэжлийн байгууллагаар хийлгэх, үерийн гамшгийн хор уршгийг арилгах, хариу арга хэмжээ, тогтворжуулах талаар төрийн болон мэргэжлийн байгууллага, нутгийн захиргааны байгууллагын зүгээс хийж байгаа ажлын талаар ард иргэдэд тогтмол мэдээлэл өгөх
Орон нутгийн хэвлэл мэдээллийн байгууллагын оролцоо, нийгмийн хариуцлагыг дээшлүүлэх, үнэн бодит мэдээллийг ард иргэдэд түгээж сургах
Ард иргэдийн байшин, хашаа барьсан материал /блок/-ын стандартыг шинэчлэн тогтоож, цаашид энэхүү барилгын материалын хэврэг, эмзэг байдлыг бууруулах, чанарыг сайжруулах
Ард иргэдийн аюулгүй амьдрах мэдлэг боловсролыг дээшлүүлэх, хариуцлагыг сайжруулах
Үерийн гамшгийн хор уршгийг арилгах, шуурхай хариу арга хэмжээний үр дүнгийн талаар өдөр бүр Онцгой байдлын ерөнхий газрын удирдлага, Шуурхай удирдлага зохицуулалтын төвд мэдэгдэж байх
УЛСЫН ОНЦГОЙ КОМИССЫН
ШУУРХАЙ АЖЛЫН ХЭСЭГ
-
2016 оны 7 сарын 17
Монгол Улсад автотээврийн салбар үүсч хөгжсөний 91 жилийн ой өнөөдөр тохиож байна. Манай улсад тэмээн жин, морин өртөө зэрэг уламжлалт тээврийн үндэс суурин дээр ачаа, зорчигч тээвэрлэх мехникжсан тээврийн хэрэгслээс бүрдсэн шинэ салбар 1925 онд үүсч хөгжих суурь тавигдаж, авто тээврийн салбарын түүхийн цоо шинэ хуудас нээгдсэн байдаг.
Өнгөрсөн жил Монгол Улсад автотээврийн салбар үүсч хөгжсөний 90 жилийн ойн баярыг тэмдэглэн өнгөрүүлсэн.
-
2016 оны 7 сарын 17
Толгойн өвчнөө дарахын тулд өвчин намдаах эм сураглаад сууж байгаа танд толгойн өвчнөөс хоёрхон минутад ангижрах хөгжилтэй арга санал болгож байгаадаа баяртай байна. Толгойн өвдөлтөөс ангижрахад танд хоёр минутын зав, англи хэлний багахан мэдлэг, бас итгэл хэрэгтэй. Дүрс бичлэг дэх эмч танаас “Толгой чинь хаана аа өвдөж байна?”, “Толгойнхоо өвдөлтийг ямар өнгөтэй гэж дүрслэх вэ?”, “Толгойн өвдөлт чинь ямар хэлбэртэй вэ?” гэсэн хачирхалтай асуулт асууна. Та энэ асуултад 3-4 удаа хариулах төдийд толгой чинь өвдөхөө больсныг мэдрэх болно. Хоёр минутын дүрс бичлэгийн төгсгөлд толгойн өвдөлт чинь багассан ч өвдсөн хэвээр байвал энэ дүрс бичлэгийг дахин үзэхийг зөвлөж байна.
-
2016 оны 7 сарын 17
НӨАТ-ын урамшууллын хонжворт сугалааны ээлжит тохирлыг өнөөдөр буюу долдугаар сарын 17-ний өдөр МҮОНТ-ээр 19:30 цагт шууд дамжуулна. Энэхүү тохиролд зургадугаар сарын 01-31-ны хоорондох бүх сугалаа хамаарах юм. Өөрчлөлт орсон журмын дагуу зөвхөн бүртгэгдсэн баримтууд сугалаанд оролцоно.
-
2016 оны 7 сарын 17
Ази-Европын парламентийн дээд түвшиний 11 дүгээр уулзалттай холбогдуулан томоохон зах, худалдааны төвүүдийн ажиллах цагийн хуваарь өөрчлөгдөн амарч байгаа ч маргаашнаас эхлэн хуваарийн дагуу ажиллана.
Тухайлбал, “Хүчит шонхор” худалдааны төв, “Хархорин худалдааны төв” маргааш буюу даваа гаригаас эхлэн ердийн цагийн хуваарийн дагуу ажиллах юм байна.
Харин “Нарантуул” худалдааны төв энэ сарын 20-нд буюу ирэх лхагва гарагаас ердийн цагийн хуваарийн дагуу ажиллана.
-
2016 оны 7 сарын 17
Улаанбаатар хотод АСЕМ өндөр дээд хэмжээний 11 дэхь уулзалтын хүрээнд замын хөдөлгөөний хэт ачаалалаас урьдчилан сэргийлэх зорилгоор автомашиныг улсын дугаарын сүүлчийн орноор нь хязгаарлан хөдөлгөөнд оролцуулж байгаа.
Үүний дагуу өнөөдөр сондгой тоогоор төгссөн тээврийн хэрэгсэл хөдөлгөөнд оролцоно.
-
2016 оны 7 сарын 16
2016 оны 07 дугаар сарын 17-ноос 07 дугаар сарын 21-нийг хүртэлх
цаг агаарын урьдчилсан төлөв:
17-нд төв болон зүүн аймгуудын зарим газраар, 18-19-нд зарим газраар, 20-нд баруун, төв, зүүн аймгуудын зарим газраар түр зуурын бороо орно. Дуу цахилгаантай. Борооны өмнө салхи түр зуур ширүүснэ. Алтай, Хангай, Хөвсгөл, Хэнтэйн уулархаг нутгаар шөнөдөө 8-13 градус, өдөртөө 21-26 градус, Их нууруудын хотгор болон говийн бүсийн нутгаар шөнөдөө 15-20 градус, өдөртөө 27-32 градус, бусад нутгаар шөнөдөө 11-16 градус, өдөртөө 24-29 градус дулаан байна.
-
2016 оны 7 сарын 16
Ази Европын дээд хэмжээний уулзалтад оролцохоор дэлхийн 51 орны улс төр болон бизнесийн 4500 гаруй төлөөлөгчид манай улсад ирсэн.
-
2016 оны 7 сарын 16
ФРАНЦАД БОЛСОН ХАЛДЛАГЫН ТАЛААРХ МЭДЭЭЛЭЛ
-
2016 оны 7 сарын 16
Ази-Европын Дээд түвшний 11 дүгээр уулзалтад оролцож буй зочдод зориулсан ”Нүүдэлчдийн баяр наадам” Чингисийн хүрээ цогцолборт өчигдөр болсон.
-
2016 оны 7 сарын 16
Улаанбаатар хотноо өчигдөр /2016.07.15/ эхэлсэн Ази-Европын дээд хэмжээний уулзалтын хоёр дахь өдрийн хаалттай хуралдаан завсарласан байна. Завсарлагааны дараагаар дээд хэмжээний уулзалтын баримт бичгүүдийг батлах учиртай. Энэ нь “Улаанбаатарын тунхаг”, мөн Даргалагч орны мэдэгдэл байх юм.
Эхний өдрийн үйл ажиллагаа Шангри-Ла зочид буудалд өрнөсөн бол өнөөдөр АСЕМ-ын хуралдаан “АСЕМ-Вилла”-д үргэлжилж байгаа юм.
АСУМ-ын XI дэх удаагийн дээд хэмжээний уулзалтын үр дүнгийн талаарх мэдээллийг сэтгүүлчдэд 12.40 цагт өгөх товтой.
-
2016 оны 7 сарын 16
Бүгд Найрамдах Турк Улсад цэргийнхэн төрийн эргэлт хийхийг завджээ. Тодруулбал, Улаанбаатарын цагаар өнөөдөр буюу 2016 оны 7 дугаар сарын 16-ны үүрээр цэргийн эргэлт хийх оролдого гарч дотоодын нөхцөл байдал тайван бус байгаатай холбогдуулан нөхцөл байдал тогтворжгүй оршин байдал үүсчээ.
-
2016 оны 7 сарын 16
Улаанбаатар хотод АСЕМ өндөр дээд хэмжээний 11 дэхь уулзалт зохион байгуулагдах өдрүүдэд замын хөдөлгөөний хэт ачаалалаас урьдчилан сэргийлэх зорилгоор автомашиныг улсын дугаарын сүүлчийн орноор нь хязгаарлан хөдөлгөөнд оролцуулж байгаа.
-
2016 оны 7 сарын 16
Налайх, Тэрэлж чиглэлийг зорих иргэдэд замын цагдаагийн газраас дараах мэдээллийг гаргалаа.
-
2016 оны 7 сарын 15
Үерийн гамшгийн голомтод халдваргүйтгэл хийж эхэллээ
-
2016 оны 7 сарын 15
АСЕМ-ын Дээд хэмжээний уулзалт болж буй энэ өдрүүдэд Шангрила, АСЕМ Велла, Чингис хаан олон улсын нисэх буудал, Чингисийн хүрээ цогцолбор, Төрийн ордон зэрэг 10 цэгт эмч, мэргэжилтнүүд эрүүл мэндийн яаралтай тусламж үзүүлж байна.
Тодруулбал, нэг цэгт 2-3, зарим цэгт 4-6 эмч, сувилагч 24 цагийн турш гадаадын зочин төлөөлөгчдөд эрүүл мэндийн болзошгүй аюулаас сэргийлэн бэлэн байдалд ажиллаж байгаа юм.
ЭМС-ын сайд С.Ламбаа хэлэхдээ, “Одоогийн байдлаар хүндрэл учирсан зүйлгүй. АСЕМ-ын Дээд хэмжээний уулзалт бол Монголын нүүр царайг харуулж байгаа учраас 50 гаруй орны төлөөлөгчийн бэлтгэл ажлыг хангах, даган ирж буй 5000 хүний эрүүл мэндийн асуудлыг хамгаална гэдэг бол маш чухал. Тиймээс манай салбарынхан зогсоо зайгүй бэлэн байдалд ажиллаж байна. Зочдын буусан бүх буудалд түргэн тусламжийн үйлчилгээ үзүүлэх яаралтай тусламжийн цэгүүд ажиллаж байна” гэв
Дашрамд дурдахад, АСЕМ-ын нэг зочны дунд чөмөгний яс хугарсныг солих мэс заслыг Улсын Хоёрдугаар төв эмнэлгийн эмч нар амжилттай хийв. Мөн Цэргийн нэгдсэн эмнэлэгт нэг хүн мухар олгойн мэс засал хийлгэсэн бөгөөд биеийн илааршиж өнөө өглөө эмнэлгээс гарсан. ОХУ-ын нэг иргэн 2 дугаар эмнэлэгт хэвтэн эмчлүүлсэн бөгөөд одоогийн байдлаар биеийн байдал нь сайн байгаа аж.
