-
2016 оны 1 сарын 16
Шинэ оны эхний өдрөөс эхлэн НӨАТ шингэсэн бараа бүтээгдэхүүн, үйчилгээнээс улсад төлөгдөж буй НӨАТ-ын 20 хүртэл хувийн буцаалт авах, сугалаанд оролцох эрх зүйн зохицуулалт бий болсонтой холбогдуулан УБЦТС ТӨХК-д цахилгаан хэрэглэгчдийн мэдээллийг системийн санд дамжуулах ажил хийгдэж байна.
Цахилгаан эрчим хүчний төлбөрийг хэрэглэгчдээс дараа сард нь тооцож авдаг тул УБЦТС ТӨХК-аас 2016 оны нэгдүгээр сарын 21-ний өдрөөс эхлэн татвар төлөгч хэрэглэгчдэд төлбөрийн баримтыг хэвлэж өгнө. Төлбөрөө Хэрэглэгчдэд үйлчлэх төвд болон салбар кассад бэлнээр төлсөн айл өрх, аж ахуй нэгжүүд баримтаа тэндээсээ шууд авах боломжтой. Харин банкинд бэлнээр болон, бэлэн бусаар төлсөн хэрэглэгчид тухайн банкнаасаа баримтыг авах юм.
-
2016 оны 1 сарын 16
Орон нутагт зам тээврийн осол гарч, хоёр хүн гэмтжээ. Дархан-Уул аймгийн Хонгор сумын Зулзага багийн нутаг “Хустай”-н давааны автозамын зорчих хэсэгт Улаанбаатар-Дархан-Уул аймгийн чиглэлд зорчиж явсан ачааны автомашин онхолдсон осол өчигдөр гарсан байна.
Автомашины эд ангид хүн хавчуулагдсан тухай дуудлага онцгой байдлын албанд ирсний дагуу тус аймгийн Онцгой байдлын газрын алба хаагчид ажиллаж гэмтсэн иргэн М /30 настай, эрэгтэй/, Э /45 настай, эрэгтэй/ нарыг гаргаж аймгийн яаралтай түргэн тусламжид шилжүүлэн өгчээ.
Уг хэргийг цагдаагийн байгууллагад шалгаж байна.
-
2016 оны 1 сарын 16
НӨАТ-ын урамшууллын системийн сугалааны анхны тохирлыг энэ сарын 17-ны ням гарагт буюу маргааш 19:30 цагаас МҮОНТ шууд дамжуулна.
2016 оны нэгдүгээр сарын 1-нээс хэрэгжиж эхэлсэн НӨАТ-ын тухай хуулийн дагуу иргэд худалдан авсан бараа, үйлчилгээнийхээ баримтаар сугалаанд оролцох боломжтой болсон. Сугалааны сан өнөөдрийн байдлаар 184 сая 660 мянган төгрөгт хүрсэн бөгөөд сугалаанд оролцох нийт 2 сая 150 мянга 258 баримт хэвлэгдээд байгаа аж.
Мөн өнөөдрийн байдлаар 11984 баримт хэвлэх цэг ажиллагаанд орж, иргэдэд НӨАТ-ын урамшууллын системийн эрх бүхий цахим баримт хэвлэж үйлчилж байгаа юм байна.
-
2016 оны 1 сарын 16
Өвлийн нөхцөлд автомашин хэрэглэх нь хамгийн чадварлаг жолооч нарт хүртэл аюултай бөгөөд ердийн байдлаас хэд дахин их анхаарал сэрэмж хэрэгтэй. Мөн автомашиныхаа хяналтыг байнга чухалчилах нь зүйтэй. Ялангуяа холын замд гарахаасаа өмнө шаардлагатай арга хэмжээг авах хэрэгтэй.
Өвлийн улиралд автомашинд зайлшгүй шаардлагатай зүйлийн нэг бол дугуй юм. Тиймээс дугуйгаа зөв сонгох хэрэгтэй. Өвлийн дугуйны хээ үйлдвэрлэгчээсээ шалтгаалан янз бүр байдаг. Хэрвээ та өвлийн дугуйг мэдэхгүй бол дугуйн хажуу бөөрөнд цасан ширхэгийн дүрс бүхий таних тэмдэгийг харна уу.
Автомашиныхаа гэрэл гэрэлтүүлгийг зөв байрлуулж гэрлийн гадарга бүрхүүл, дотор линз, лампыг цаг тухайд нь сольж цэвэрлэж байвал таны болон автомашины аюулгүй байдлыг хангаж үзэгдэх орчинг илүү болгоно.
Автомашины цантсан цан мөсийг гар аргаар арилгах нь буруу бөгөөд ажиллагаатай. Иймд зориулалтын агаар үлээгчийн горимийг тохируулан ажиллуулсанаар дулаан байхаас гадна цан мөснөөс хялбархан сална.
Салхины шил арчигчийг байнга сольж байх хэрэгтэй. Мөн салхины шилийг арчиж цэвэрлэх нь үзэгдэх орчинд сайн нөлөөлнө.
Ихэнх тохиолдолд зам хар мөртлөө гөлгөр харагддаг учраас аль болох хурдаа сааруулах нь хамгийн зөв сонголт юм.
Өвлийн улиралд автомашинд хэрэглэгдэх хөдөлгүүрийн тосны хэмжээ зуны улирлыг бодвол их хэрэглэгддэг учраас тосныхоо хэмжээг байнга шалгаж байх нь чухал.
Хальтиргаа гулгаа ихтэй үед гэнэт хүчтэй тоормозлохын оронд алсаас зөөлөн тоормозлох нь зүйтэй.
-
2016 оны 1 сарын 16
Cap шинийн баярыг угтсан зарим арга хэмжээний тухай Нийслэлийн Засаг даргын захирамж гарчээ.
Тус захирамжийн хүрээнд баярын өмнөх амралтын өдрүүдэд нийслэлийн замын хөдөлгөөний ачааллыг бууруулах зорилгоор дугаарын хязгаарлалт хийж, автомашины улсын дугаарын сүүлийн орны тэгш, сондгойгоор ангилан хөдөлгөөнд орлцуулахаар болжээ. Тиймээс
Нэгдүгээр сарын 30, хоёрдугаар сарын 6-ны БЯМБА гарагуудад улсын дугаарын сүүлийн орон ТЭГШ тоогоор төгссөн
Нэгдүгээр сарын 31, хоёрдугаар сарын 7-ны НЯМ гарагуудад улсын дугаарын сүүлийн орон СОНДГОЙ тоогоор төгссөн авто тээврийн хэрэгслийг хөдөлгөөнд оролцуулахаар болжээ.
Дугаарын хязгаарлалт өглөө 10:00 цагаас оройн 20:00 цагийн хооронд үйлчлэх юм байна.
Түүнчлэн дээрх өдрүүдэд алслагдсан гэр хорооллоос ”Нарантуул” олон улсын худалдааны төвийн чиглэлд автобус явуулах зохицуулалтын арга хэмжээ авч ажиллахыг Нийслэлийн Засаг даргын орлогч Н.Гантөмөрт даалгажээ.
-
2016 оны 1 сарын 16
Ус цаг уур орчин шинжилгээний хүрээлэн болон Онцгой байдлын газраас ойрын өдрүүдэд нийт нутгаар хүйтний эрч улам чангарах болсныг мэдээлсэн. Үүнтэй холбоотойгоор зарим аймгийн цэцэрлэгүүд түр хугацаагаар хаалгаа барихаар болсон байна. Ерөнхий боловсролын сургуулийн сурагчдын хувьд одоогоор улирлын ээлжит амралт тохиогоод байгаа.
Тодруулбал, Өвөрхангай аймгийн Засаг даргын захирамжаар улсын болон хувийн цэцэрлэгүүдийг энэ сарын 18-23-ны хүртэл түр хугацаагаар хаах шийдвэр гаргасан байна. Түүнээс гадна тус аймагт А хүрээний Н1N1 вирусээр өвчилсөн эмэгтэй нас барсан хэрэг өнгөрсөн долоо хоногт гарсан билээ. Одоогийн байдлаар тус аймагт уг вирусээр өвчилсөн зургаан иргэнийг тусгаарлаж, эмчилгээ хийж байгаа. Мөн түүнчлэн ханиад томууны өвчлөл их байгаа талаар эх сурвалж хэлсэн юм.
-
2016 оны 1 сарын 16
омуу, томуу төст өвчин нь вирусээр үүсдэг амьсгалын цочмог халдварт өвчин юм. Амьсгалын замын цочмог халдварт өвчин нь халуурах, толгой өвдөх, ханиалгах, хамраас нус гоожих, үе мөч, булчингаар өвдөх буюу ерөнхий хордлогын шинжээр илэрдэг.
Томуу, томуу төст өвчнөөс хэрхэн сэргийлэх вэ?
Өвчлөлөөс сэргийлэх хамгийн сайн хамгаалалт нь биеийн эсэргүүцэл сайн байх явдал тул витаминлаг чанарлаг хоол идэх, биеийн тамирын дасгал, хөдөлгөөнийг эрхэмлэн, ажил амралтаа зохицуулж, хангалттай амрах
Улирлын байдалд тохируулан хувцаслах, хүйтэнд малгай, ороолт, бээлий хэрэглэх
Шаардлагагүй тохиолдолд олон нийтийн газар явахгүй байх
Хамрын салстыг сонгино, сармисын тосон ханд, оксолины тос түрхэх
Гичтэй бүлээн усанд хөлөө 5-10 минут дүрж, хөлний уланд тосон иллэг хийх
Витамин С-ээр элбэг жимс болон шүүс, витамин С-г хэрэглэх
Өдөрт 2-3 хумс сармисыг хоол ундандаа хэрэглэх
Томуу, томуу төст өвчнөөс сэргийлэх цэгчилсэн иллэг хийх
Царван, морин шарилжны ханд, содтой болон давстай ус, тамидин зэрэг уусмалуудаар тогтмол хоолойгоо зайлж хэвших
Гэр, сургууль, цэцэрлэг, ажлын байрандаа цэвэр агаар оруулж, өдөрт чийгтэй цэвэрлэгээг 2-оос доошгүй удаа хийх зэрэг энгийн аргуудыг хэрэглэхээс гадна, томуу, томуу төст өвчнөөс сэргийлэх үндсэн гол арга бол томуугийн эсрэг сайн дурын дархлаажуулалтанд хамрагдах явдал юм. ХӨСҮТ-ийн сайн дурын дархлаажуулалтын кабинетаар үйлчлүүлээрэй. Ялангуяа 2-15 хүртэлх насны хүүхэд, өндөр настан, уушгины архаг суурь өвчтэй хүмүүс хамрагдвал илүү ач холбогдолтой.
Томуу, томуу төст өвчний шинж тэмдэг илэрвэл яах вэ?
Эмчид яаралтай хандаж, эмчийн зөвлөгөөг баримталж, хэвтрийн дэглэмийг сахиж, хамт олон, найз, нөхөддөө халдвар тараахгүйн тулд эмчийн магадлагаа авч гэртээ эмчлүүлээрэй
Халуун аарц, чацарганы шүүс, сармистай хар шөл зэрэг амаар уух шингэнийг ихээр хэрэглэх
Амны хаалт байнга зүүж хэвших
Гараа сайтар савандаж угааж хэвших, хүүхдийн тоглоом, аяга, халбага болон шүдний сойзыг өдөр бүр содын уусмалаар ариутгах
Үзвэр үйлчилгээ, олон нийтийн газар, сэлгүүцэхгүй байх
Томуу томуу төст өвчнүүд нь вирусээр үүсгэгддэг тул антибиотик хэрэглэхгүй байх, гэрээр дур мэдэн эм тариа хэрэглэх, ялангуяа антибиотик хэрэглэхээс зайлсхийх /антибиотикийн зөвхөн эмчийн заавраар хэрэглэхийг анхаарах/
Өвчилсөн тохиолдолд колдаур, колдакс, фервекс, минигрипп, миксогрипп, антигрипп, интерферон, аньсны шүүс зэргийг өвчний эхний 3 хоногт зааврын дагуу ууж хэрэглэх
Томуу өвчний үед вируст сонгомол үйлчлэх эмүүдэд: интерферон, ремантадин, амандатин, тамифлю, оксолины түрхлэг орно
Томуу төст өвчинд шинж тэмдгийн эмчилгээ хийнэ. Үүнд: халуун бууруулах, ханиалга намдаах, амьсгалын замыг чөлөөлөх, хордлого тайлах шингэн хэрэглэх, ардын уламжлалт тан ууж болно.
-
2016 оны 1 сарын 16
Түншлэлийн харилцааны асуудал толгой өвтгөж, амар тайван байдалд саад болох шинжтэй. Дахин дахин бодож толгойгоо гашилгаснаас түүнтэй сайтар ярилц. Зам замаа хөөх дээрээ тулсан бол зөвлөлд. Өөрийгөө зөнд нь хаявал ажил, амьдралын хэв маягт нөлөөлөх шинжтэй. Зоригтой хүнийг аз ивээдгийг сана. Асуудлаас ангижрах сайн арга бол өөрт туслах хүнийг олох.
Дэлгэрэнгүй
Бямба, 2016 оны 01 сарын 16
Үхэр - (4/20-5/20)
Үр дүнтэй шийдвэр гаргахад тохиромжтой өдөр. Өглөөний ундандаа анхаарах нь эрүүл мэндэд тустайг сана. Бага ч болов зав гаргаж дасгал хөдөлгөөн хийгээрэй. Цаашдын төлөвлөгөөгөө хэрэгжүүлэх цаг ирсэн байна. Чухал албан тушаалд анхаарлаа хандуул. Шинэ зүйл худалдан авах, наймаа хийхэд нэн сайн. Мэдээлэл туршлага солилцох нь танд ашигтай санаа өгнө. Хайртай дотны хүнээ оройн зоогонд урьж, үдшийг хамтдаа өнгөрүүлээрэй. Таны сэтгэлийн дарамт багасна.
Дэлгэрэнгүй
Бямба, 2016 оны 01 сарын 16
Ихэр - (5/21-6/21)
Өөрийн сэтгэл хөдлөлөө барьж, аливаад шийдэмгий хандаж чаддаг чадвар тань тус болно. Аливаа мэдээлэлд өнгөн талаас нь бус сайтар нягталж болгоомжтой хандах хэрэгтэй . Хүүхэд насны тань мөрөөдөл биелэх магадлалтай. Энэ боломжийг ашиглаж, төсөв цагийн хуваариа нягталж, өөрт чухал санагддаг зүйлээс татгалзах хэрэггүй. Хэрвээ та хэцүү байдалд байгаа бол өөрийн итгэдэг ахмад хүмүүстэй зөвлөж, туршлагаас нь суралцах хэрэгтэй.
Дэлгэрэнгүй
Бямба, 2016 оны 01 сарын 16
Мэлхий - (6/22-7/22)
Хүүхэдтэй хүмүүс энэ өдрийг бүтээлч үйл ажиллагаанд зориулах хэрэгтэй. Мэлхийн ордныхон цаг үргэлж гэр бүлийнхнийгээ зугаацуулах урам зоригоор дүүрэн байдаг. Тэр тусмаа та амьдарч буй орон байр, орчноо улам сайжруулах хэрэгтэй. Хэрэв гэртээ засвар хийх гэж байгаа бол гэгээлэг өнгөтэй ханын цаас, олон өнгөтэй хөшиг, мөн шинэ шалны хулдаас авахад гэмгүй. Энэ өөрчлөлт ямар ч эргэлзээгүйгээр танай гэрийнхэнд, ялангуяа хүүхдүүдэд тань таалагдана.
Дэлгэрэнгүй
Бямба, 2016 оны 01 сарын 16
Арслан - (7/23-8/22)
Өнөөдөр амралтын өдөр. Гэрийн дотоод засалдаа бага зэргийн өерчлөлт оруулах ажилд өдрийн талыг өнгөрөөх бололтой. Тавилгын байрлалаа солихоос гадна хүүхдийнхээ хүмүүжилд анхаар. Хөрс шороогоо сайн тэтгэхийн тулд эхлээд сайн ном худалдан авч өгөөрэй. Хэрвээ гадаадад томилолтоор явах бол сайн толь бичиг худалдаж ав. Хэлний чадвараа сайжруулах нь хамгийн сайн арга. Та бараа материал импортолдог бол энэ ажлаа нэн тэргуүнд тавиарай.
Дэлгэрэнгүй
Бямба, 2016 оны 01 сарын 16
Охин - (8/23-9/22)
Хэрвээ та даргадаа өөрийгөө таниулж эрх мэдэлд хүрэхийг хүсвэл танд туслах хүн олон байгаа гэдгийг санах хэрэгтэй. Оюуны болон биеийн хүчний ямар ч хамаагүй уралдаанд оролц. Мөнгөтэй холбоотой асуудалд азаа турших хэрэггүй. Өнөөдөр бага зэрэг гэнэтийн ашиг олох хэдий ч мөрийтэй тоглоомоос сэргийлж мөнгөө хямгад. Хэрэв хайр дурлалын харилцаа нэлээд хөрч уйтгартай санагдаж эхэлсэн бол бага зэрэг хэтрүүлэг, уран сэтгэмж гаргахад илүүдэхгүй.
Дэлгэрэнгүй
Бямба, 2016 оны 01 сарын 16
Жинлүүр - (9/23-10/22)
Улиг болсон хүнд суртал, удаан эхлэлийн дараа таны бизнес хүнд цохилтонд орно. Олон жижиг сажиг ажил, хэлэлцүүлгээ хойш тавих хэрэггүй. Удаан хугацаанд гаргасан хичээл зүтгэл санхүүгийн ашиг орлого авчрана. Этгээд сонин бүтээгдэхүүн, газарт хөрөнгө оруулалт хийх нь дамын наймаа хийх боломж олгоно. Бодит байдлаа үнэлж дотоод мэдрэмжээрээ яв. Үрэлгэн зангийнхаа тухай хамтрагчтайгаа дахин маргалдах бололтой
Дэлгэрэнгүй
Бямба, 2016 оны 01 сарын 16
Хилэнц - (10/23-11/21)
Энэ өдрийн гол үйл явдал хожуу өрнөнө. Үд дундын үед сансарын нөлөө таны талд байх тул далд мэдрэмжээ хөгжүүлэхэд ахиц гарна. Тиймээс одоо та сайхан сэтгэгдэл үлдээж, өөрийн олон авьяас чадвараа харуулж, хувийн төлөвлөгөөгөө хэрэгжүүлнэ. Ганц бие Хилэнц сошиал ертөнцөд их ирээдүйтэй хүнтэй уулзах байх. Өнөөдрийн амжилтын түлхүүр бол зоригтой шийдвэр гаргах явдал. Танд маш олон, сайхан санаа бий, компаний ачаар бүтээмж, ашгаа өсгөн нэмэгдүүлж чадна.
Дэлгэрэнгүй
Бямба, 2016 оны 01 сарын 16
Нум - (11/22-12/21)
Од эрхэс таны бүтээлч чанарыг өсөн нэмэгдүүлснээр та шинэхэн түнштэйгээ харилцаа холбоогоо бэхжүүлж, албан тушаалын дараагийн шатыг ахиж эсвэл авьяас чадвараа бүрэн дүүрэн ашиглаж чадна. Магадгүй энэ өдөр таны нэр хүнд мэдэгдэхүйц өсөн нэмэгдэж мэдэх юм. Хийсэн бүхэндээ үнэлэлт дүгнэлт хийн, алдсан, оносноо ухааран, шинэ арга зам олж харах бололтой.
Дэлгэрэнгүй
Бямба, 2016 оны 01 сарын 16
Матар - (12/22-1/19)
Өдрийн ихэнхийг бизнес, ажил хэргийн асуудалд хандуулна. Хичээл зүтгэл чинь зорилготойгоо нийлж амжилт авчирна. Эрх мэдэлтэй хүмүүстэй ярилцах нь олны танил болоход чинь гол үүрэг гүйцэтгэнэ. Бизнесийн шинэ тактик боловсруулах, сонирхолтой ажлын саналд хариу өгөх болон төрийн албатай холбоотой ажлуудыг саадгүй, хойшлуулахгүйгээр зохицуулна.
Дэлгэрэнгүй
Бямба, 2016 оны 01 сарын 16
Бумба - (1/20-2/18)
Өглөө ямар ч нөхцөлд тайван бай. Амжилтад хүрэхийн тулд та өөрийн давуу талаа харуулахыг хүсэх байх. Өнөөдөр Хумхын ордын хүмүүс тогтсон хэвшлийг эсэргүүцэхийн зэрэгцээ өөрийгөө илүү сайн мэдэж авна. Хамтрагчидтай холбоо тогтоон ирээдүйн зорилгынхоо төлөө ажиллахад таатай. Танд ирэх зөвлөгөөг сонсон амжилтын төлөө урагш хараарай. Гэртээ ажилласнаар илүү орлого олох боломжтой, мөн нууц авьяас чадвараа хөгжүүлэх боломжийг нээнэ.
Дэлгэрэнгүй
Бямба, 2016 оны 01 сарын 16
Загас - (2/19-3/20)
Та санхүүгийн хувьд тайван байдалд хүрэхийн өмнө нэлээд их замыг туулах хэрэгтэй ба ирээдүйгээ тогтвортой болгох, бэл бэнчингээ өсгөх, бий болгох зэрэг боломжууд энэ жилд тохиолдох болно. Боломж бололцоонд бэлэн байж, өөрийн авьяас чадвараа ухаалгаар ашиглаж, амьдралаа өөрийн хяналтандаа оруул. Хамаатнууд болон хадмуудаа баярлуулах хэцүү байх ч та үйл явдал учир шалтгааныг эргүүлж чадах сэтгэл татам байдлаа гаргах хэрэгтэй.
-
2016 оны 1 сарын 16
М.Л.Клойберийн үхлийн шалтгааны урьдчилсан дүгнэлтийг нууцалж байна
Монголд 13 сая евротой ирээд сураггүй алга болсон гэх ХБНГУ-ын иргэн 60 настай Максимлян Лёонхард Клойбер энэ сарын 17-нд нас барсан талаар бид мэдээлсэн.
Хэргийн газар цагдаа, шүүхийнхэн ажиллаж, хэрэг шалгах ажиллагааг эхлүүлээд байгаа билээ. Талийгаачийн цогцсыг Шүүх шинжилгээний хүрээлэнд шинжлүүлж байгаа бөгөөд үхлийн шалтгаан багагүй хугацааны дараа тодорхой болох юм.
Тэгвэл эх сурвалжийн хэлж буйгаар Максимлян Лёонхард Клойбер нь мөн л гадны нөлөөгүй, биеийн байдал муугаас нас барсан байж магадгүй байна. Гагцхүү урьдчилсан байдлаар үхлийн шалтгаан тодорхой болсон ч албаны эх сурвалжууд нууцалж байгаа юм.
Гадны нөлөөтэй амиа алдсан бол хэрэг шал өөрөөр эргэнэ
Уг хэрэгт одоогоор эрүүгийн хэрэг үүсгэн Мөрдөн шалгах ажиллагаанд дэмжлэг үзүүлэх газар шалгаж байгаа юм. Уг газар нь мэргэжлийн түвшний мөрдөн байцаагчидтай онц хүнд гэмт хэрэгт шалгалтын ажиллагаа явуулдаг газар гэдгийг бид өмнө нь онцолж байсан билээ.
Урт удаан хугацааны турш сураггүй, мөн Интерполоор хайж байсан иргэн гадны нөлөөтэй нас барсан нь тогтоогдвол хэрэг шал өөрөөр эргэж болзошгүй юм. Харин золгүй байдлаар амиа алдсан нь тогтоогдвол Эрүүгийн хуулийн 95 дугаар зүйл ангиар хэрэг үүсэж шалгагдаж байгаад хэрэгсэхгүй болох магадлалтай байгааг зарим эх сурвалж хэлж байна.
Батлан даалтад байсан Ё.Гантуяаг дахин саатуулжээ
Тэгвэл уг хэрэгтэй холбоотой нэгэн шинэ мэдээлэл олдлоо. Уг хэрэгт холбогдуулан хэд хэдэн хүнийг шалгаж байгаа бөгөөд хамтран амьдарч байсан гэх Ё.Гантуяаг нь өнгөрсөн долоо хоногт цагдан хорьжээ. Максимлян Лёонхард Клойберийг сураггүй болохтой давхацан Ё.Гантуяаг өнгөрсөн 2012 оны аравдугаар сард мөн цагдан хорьж байсан гэдгийг эх сурвалж хэллээ. Харин жил гаруй шалгасны эцэст 2013 оны сүүлчээр батлан даалтад гаргаад байжээ.
Ё.Гантуяагийн хувьд Максимлян Лёонхард Клойберийн тухай хүмүүс мэддэг болсоноос хойш түүнтэй нэр холбогдсоор ирсэн. Гадны хэвлэлүүд ч түүнийг Герман эртэй холбон бичиж байгаа билээ.
Хамгийн сонирхолтой нь талийгаач нас барахдаа түүний төрсөн дүүгийнд байсан гэх мэдээлэл бий. Энэ үнэн бол Максимлян Лёонхард Клойберийн нас барсан хэрэгт Ё.Гантуяа гэгчийн гэр бүл тэр чигээрээ шалгагдаж байгаа бололтой.
М.Л. Клойбер гэж яг хэн байсан, яагаад Монголын цагдаа нарын сонирхолыг татаж байгаад амиа алдав зэрэг олны анхаарлыг татсаар байна
Монголд их хэмжээний мөнгөтэй ирсэн гэх Максимлян Лёонхард Клойберийн хэрэг олны анхаарлын төвд байсаар байгаа. Учир нь түүний хэрэгт маш олон зүйл тодорхойгүй байгаа билээ.
Адаглаад түүнийг үнэхээр Монголд ч эрэн сурвалжилж байсан бол энэ урт хугацаанд Монголын цагдаа нар яагаад олж чадаагүй, олж чадсан байлаа ч мөрдөн байцаалтыг явуулж байсан уу гээд олон асуудал гарч ирж байгаа юм.
Цаашлаад их мөнгөтэй ирсэн гэж, тэр мөнгөтэй нь холбогдуул
-
2016 оны 1 сарын 16
”Талийгаач Т.Лхагвасүмбэрэл живэлт болон хөнгөн зэргийн согтолтын улмаас нас барсан нь тогтоогдсон”
Өнгөрч буй долоо хоногт цагдаагийн байгууллагаас Ирвэс хамгаалах сангийн биологич Т.Лхагвасүмбэрэлийн амиа алдсан хэргийн талаар сэтгүүлчдэд мэдээлэл хийсэн.
Тодруулбал, ”Т.Лхагвасүмбэрэлийг алга болсон талаарх мэдээлэл 2015.11.05-ны өдөр ар гэрийнхэнээс нь ирүүлжээ. Эрэн сурвалжлах явцад талийгаачийн машиныг 2015.11.11-ний өдөр түүний олсон. Хэргийн газар үзлэг хийхдээ 5-6 удаагийн камерийн бичлэг үлдсэн байгааг шалгасан. Автомашины үзлэгээр 2 гар утас олдсон бөгөөд бичлэгтэй гар утас ч бас байсан. Мөн 0.5 литрийн хэмжээтэй сархад байсан. Хэргийг хэрэгсэхгүй болгоогүй, шалгалтын явц одоо хүртэл үргэлжилж байна.
Талийгаачийн цогцос Хөвсгөл далайн 25 метрийн гүнээс олдсон. Живэлт болон хөнгөн зэргийн согтолтийн улмаас нас барсан гэсэн шинжилгээний хариу гарсан” гэх мэдээллийг өгсөн юм.
Мөн олон нийтэд хүрээд буй гар утасны бичлэгийг шалгаж үзэхэд нэг хүний дуу хоолой байна гэж шинжээчид дүгнэсэн гэнэ. Гэхдээ уг хэргийг шалгах үйл явц үргэлжилж буй бөгөөд бүх баримт, нотолгоонуудыг дахин нарийн шалгана гэв.
Гацууртын орд нэг алхам урагшиллаа
Засгийн газраас өргөн барьсан “Гацууртын ордын төрийн эзэмшлийн хувь тогтоох тухай” Улсын Их Хурлын тогтоолын төслийн анхны хэлэлцүүлгийг өнгөрсөн долоо хоногт чуулганаар хийлээ. Байнгын хорооны санал, дүгнэлттэй холбогдуулан Улсын Их Хурлын гишүүн О.Баасанхүү, Ц.Даваасүрэн, Н.Энхболд, Г.Уянга, С.Ганбаатар, Б.Бат-Эрдэнэ, Х.Болорчулуун нарын тавьсан асуултад Уул уурхайн сайд Р.Жигжид, Эдийн засгийн байнгын хорооны дарга Ц.Баярсайхан нар хариулт өгсөн юм. Гишүүдийн зүгээс Гацууртын голын хүнцэлийн агууламж өндөр байгаа асуудлыг хөндсөн юм. Хүнцэл бол маш аюултай бодис. Энэ хортой бодис гар худагнаас, цаашлаад гүний худагнаас хүртэл илэрч байна. Хүнцэл байх ёстой хэмжээнээсээ хэтэрсэн тохиолдолд үнэхээр хүнд байдалд орно гэдгийг хэлж байлаа.
Мөн энэ үеэр энэхүү тогтоолын төслийг дэмжиж батлахгүй бол Монгол Улсын Засгийн газрыг Арбитрийн шүүхэд өгнө гэдгээ “Сентерра гоулд Монголиа” ХХК-ийн удирдлагууд мэдэгдсэн гэв.
Гишүүд асуулт асууж, хариулт авч дууссаны дараа байнгын хорооны хуралдаанаар дэмжсэн зарчмын зөрүүтэй саналын томьёоллоор санал хураалт явуулсныг хуралдаанд оролцсон гишүүд 57.7 хувийн саналаар дэмжсэн тул тогтоолын төслийг эцсийн хэлэлцүүлэгт бэлтгүүлэхээр Эдийн засгийн байнгын хороонд шилжүүлсэн.
АТГ-аас Г.Шийлэгдамбын хэргийг прокурорт шилжүүллээ
Авлигатай тэмцэх газраас Эрүүл мэнд, спортын сайд Г.Шийлэгдамба нарт холбогдох хэргийг Нийслэлийн прокурорын байгууллагад шилжүүлжээ.
Тодруулбал, Эрүүл мэнд, спортын яамны Төрийн нарийн бичгийн даргаар ажиллаж байсан Г.Ганчимэг нарт холбогдох эрүүгийн 201501000161 тоот, Дархан-Уул аймгийн Засаг даргаар ажиллаж байсан С.Насанбат нарт холбогдох эрүүгийн 201509000716 тоот хэргүүдэд мөрдөн байцаалтын ажиллагаа явуулж дуусчээ.
Тус газраас Г.Шийлэгдамбыг Эрүүгийн хуулийн тусгай ангийн 268 дугаар зүйлийн 268.2, Г.Ганчимэгийг мөн хуулийн тусгай ангийн 268 дугаар зүйлийн 268.2, 269 дүгээр зүйлийн 269.1, С.Насанбатыг Эрүүгийн хуулийн тусгай ангийн 268 дугаар зүйлийн 268.2-т заасан гэмт хэрэгт тус тус яллагдагчаар татаж, хэргийг яллах дүгнэлт үйлдүүлэх саналтай Нийслэлийн прокурорын газарт шилжүүлсэн юм.
Г.Шийлэгдамба нь өнгөрсөн оны сүүлээр батлан даалтад гарсан бөгөөд гадуур шалгагдаж байгаа юм. Түүнийг буруутгаад буй Эрүүгийн хуулийн тусгай ангийн 268 дугаар зүйлийн 268.2-д ”Энэ хэргийг хясан боогдуулах замаар, эсхүл давтан буюу урьд хээл хахуулийн хэрэгт шийтгүүлсэн этгээд, түүнчлэн зохион байгуулалттай бүлэг, гэмт бүлэглэл үйлдсэн, эсхүл их буюу онц их хэмжээний хээл хахууль авсан бол эд хөрөнгийг хурааж, таваас дээш арван жил хүртэл хугацаагаар хорих ял шийтгэнэ” гэж заасан байдаг юм.
Б.Батзаяа өлсгөлөн зарласан учраас бие нь муудаж, эмнэлэгт хүргэгджээ
Зам тээврийн яамны Төрийн нарийн бичгийн дарга асан, “Монголын төмөр зам” ТӨХК-ийн ТУЗ-ийн дарга асан Б.Батзаяа өдгөө ШШГЕГ-ын харьяа цагдан хорих 461 дүгээр ангид саатуулагдаж байгаа. Шүүхээс түүнийг яллагдагчаар татсанаар тэрбээр өнгөрсөн аравдугаар сарын 30-нээс хойш хоригдож байгаа юм. Тэгвэл хоригдож буй Б.Батзаяа хорих ангид өлсгөлөн зарласан.
Харин удаан хугацаанд өлсгөлөн зарласан учраас хоёр бөөр нь муудаж, уушиг нь эдээлсэн байна. Тиймээс Б.Батзаяаг ШШГЕГ-ын харьяа цагдан хорих 461 дүгээр ангийн эмнэлэгт хэвтүүлэн эмчилгээнд хамруулжээ. Б.Батзаяаг шинэ төмөр замтай холбоотой хэргээр Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсээс саатуулан шалгаж байгаа юм. Түүнтэй хамт Ухаахудаг-Гашуун сухайтын чиглэлийн төмөр замын ажлыг гүйцэтгэж байсан Өмнөд Солонгосын “Самсунг С&Т” компанийн захирлыг ч мөн саатуулсан. Тэднийг өнгөрсөн аравдугаар сарын 30-нд саатуулсан бол Б.Батзаяагийн хэрэгт хамт сэжиглэгдээд буй ”МТЗ” ТӨХК-ийн дэд захирал асан П.Бат-Эрдэнэ, ”Либерти Партнерс”-ын захирал Ч.Ганбат нарыг Олон Улсын Интерполоор хайж байна.
УИХ-ын гишүүн Д.Тэрбишдагва МАХН-ын дэд даргаас чөлөөлөгдөх хүсэлт гаргалаа
МАХН-ын дарга, УИХ-ын гишүүн Д.Тэрбишдагва намынхаа дэд даргаас чөлөөлөгдөх хүсэлтээ өгсөн нь өнгөрч буй долоо хоногийн бас нэгэн сонин үйл явдал байлаа.
Тэрбээр чөлөөлөгдөх хүсэлт өгсөн шалтгаанаа ”Хоёр дэд дарга байх шаардлагагүй гэж үзсэн. -МАХН-ын үйл ажиллагаа одоо бүрэн жигдэрээд байна. МАХН-ын дарга Н.Энхбаяр болон намын дэд Ц.Цолмон дарга байна. Түүнчлэн нарийн бичгийн дарга нар байгаа тул намын дэд даргаас чөлөөлөгдөх хүсэлтийг гаргалаа. Цаашдаа намын үйл ажиллагаа намаа бэхжүүлэх ажилд анхаарч ажиллана” гэсэн юм.
-
2016 оны 1 сарын 16
Дархан-Уул аймгийн прокурорын газраас 2015 онд аймгийн хэмжээнд гарсан гэмт хэргийн нөхцөл байдал, эрүүгийн хууль тогтоомжийн хэрэгжилтийг судалсан байна. Тус аймагт 2015 онд 891 гэмт хэрэг гарснаас нийт гэмт хэргийн 771 буюу 86,6 хувь нь аймгийн төвд, 50 буюу 5,6 хувь нь Шарын голд, 25 буюу 2,8 хувь нь Орхон, 45 буюу 5 хувь нь Хонгор суманд тус тус гарчээ.
Нийт хэргийн 457 буюу 39 хувь нь хөнгөн, 592 буюу 50,4 хувь нь хүндэвтэр, 89 буюу 7,6 хувь нь хүнд, 35 буюу 3 хувь нь онц хүнд хэрэг эзлэж байна. Нийт гэмт хэргийг өмнөх оны мөн үетэй харьцуулвал 2014 онд 986 хэрэг гарсан бол 2015 онтой харьцуулахад 95-р буюу 9,6 хувиар буурсан, хүндэвтэр хэрэг 67-р, хүнд хэрэг 17-р, онц хүнд хэрэг 8-р тус тус өссөн, харин хөнгөн гэмт хэрэг 74-р буурсан байна.
Хэрэг бүртгэлт, мөрдөн байцаалт явуулсан хэргээс 73 хүнд холбогдох 55 хэрэг нь төрийн албан хаагчийн үйлдсэн гэмт хэрэг байгаа нь 19-р буюу 34,5 хувь, насанд хүрээгүй этгээдийн үйлдсэн гэмт хэрэг 47 байгаа нь өмнөх оныхоос 11-р буюу 23 хувь тус тус өссөн ба нийт гэмт хэргийн 275 буюу 30 хувь нь согтуугаар үйлдэгдсэн байна.
Тайлангийн хугацаанд эрүүгийн хэрэг үүсгэсэн 891, өмнөх оны үлдэгдэл 182, хэрэгсэхгүй болгосноос болон түдгэлзүүлснээс сэргээсэн 94, шүүхэд шилжүүлснээс буцсан 6, нийт 1173 хэрэгт хэрэг бүртгэлт мөрдөн байцаалт явуулснаас 293 хэрэгт прокурор яллах дүгнэлт бичиж шүүхэд шилжүүлсэн байна. Шүүхээс 326 хүнд ял оногдуулснаас 102 буюу 31,2 хувьд нь хорих ялыг биечлэн эдлүүлэхээр, 224 буюу 68,8 хувьд нь хорихоос өөр төрлийн ял оногдуулжээ.
Тус аймагт гарсан эрүүгийн нөхцөл байдлын талаар аймгийн засаг дарга болон гэмт хэргээс урьдчилан сэргийлэх ажлыг зохицуулах зөвлөлийн дарга нарт танилцуулга хүргүүлж, хамтран ажиллах талаарх саналаа хүргүүлсэн байна.
-
2016 оны 1 сарын 16
Нэгдүгээр сарын нэгдүгээр арав хоногийн байдлаар Монгол орны ихэнх дунд ба түүнээс дооших эрэмбийн гол ёроолдоо хүртэл хөлдсөн бол томоохон голуудын мөсний зузаан өмнөх арав хоногийнхоос 10-45 см нэмэгдсэн байна. Хэдийгээр нийт нутгаар ихэнх гол мөрөн, нууран дээр битүү мөсөн бүрхүүл тогтож, мөс улам зузаарч байгаа хэдий ч нуурын толио болон томоохон голын нийт уртын дагууд мөсний зузаан харилцан адилгүй байгаа ба мөсний даац хүн, мал, машин тэрэг явахад аюулгүй хэмжээнд хүрч бэхжээгүй байгаа тул цаг хожих, зам товчлох зэргээр мөсөн дээгүүр явах, авто тээвэр хийхгүй байхыг онцгойлон анхааруулж байна.
-
2016 оны 1 сарын 16
Тухайн өдөр үхэр, бар, туулай жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр угаал үйлдэх, бурхан лус тахих, бурхныг тахих, номын үүднээ орох, үхэр, адуу сургах, байшингийн суурь тавих, сайн үйлсийг бүтээх, баяр хурим хийх, их хэргэм зүүх, хувцас өмсөх, чимэг зүүх, бүжиг наадгай хийх, янаг амрагтайгаа учрахуй хийгээд абшиг авахуй, ус гатлахуй угаал үйлдэхүй тэргүүтэнд сайн. Нялхасыг хөлд оруулах, гадагш гаргах, их хэрэг, худалдаа арилжаа хийхэд муу. Өвдвөл арав хоногт аньюу. Замд гарвал идээ, ундаа, хувцас чимэг олдоно. Баруун нүд татвал садан төрөл ирэх, зүүн нүд татвал баясгалангийн хурим болно. Баруун чих хангинавал гаслан болох ба зүүн чих хангинавал алдаж бүрэлгэснийг үзэх болно. Нохой уливал хэрүүл тэмцэл маргаан болох ба хэрээ дуугарвал жуулчин ирнэ. Тагнай эрвэгнэвэл аймшиг гарах болно. Бие татвал хэрүүл маргаан хийгээд уйтгарлахуй үг дуулна. Өдрийн сайн цаг нь морь, хонь, тахиа, хулгана, бар, туулай болой. Үс шинээр үргээлгэх буюу засуулбал хэл ам, хэрүүл тэмцэл ирнэ.
-
2016 оны 1 сарын 16
Улаанбаатарт 25 хэм хүйтэн
-
2016 оны 1 сарын 15
Авлигын эсрэг үйл ажиллагааны 2015 оны төлөвлөгөөгөөг нийт 122 байгууллага батлуулан хэрэгжүүлжээ. Авлигаас урьдчилан сэргийлэх үйл ажиллагааны үнэлгээгээр өмнөх онд хангалтгүй үнэлгээ авсан Монголбанк, Үндэсний статистикийн хороо, Гадаад хэргийн яам, Эрүүл мэнд, спортын яам, Мал эмнэлэг үржлийн газар зэрэг байгууллагын удирдлагуудад цаашид үнэлгээгээ ахиулах, санаачилгатай ажиллах талаар зөвлөлдөх уулзалтыг зохион байгуулж ажилласны үр дүнд дээрх байгууллагууд 31.5 хүртэл хувиар ахисан дүнтэй байна.
Хөндлөнгийн шинжээчдийн багаас өгсөн “Төрийн байгууллагуудын авлигын эсрэг үйл ажиллагааны 2014 оны үнэлгээ”-гээр жил дараалан бага оноотой үнэлэгдсэн, оноо нь буурсан, иргэдийн санал гомдол, судалгааны дүнд үндэслэн 75 байгууллагуудад авлигын эсрэг хууль тогтоомжийн хэрэгжилтийн байдалтай газар дээр нь танилцав. Тэдгээр байгууллагуудад ажиллахад удирдах албан тушаалтан нь өөртөө урамшуулал олгох шийдвэр гаргадаг, хууль тогтоомжид заасан мэдээллийн ил тод байдал хангалтгүй зэрэг зөрчил дутагдал нийтлэг байна.
Илэрсэн нийтлэг зөрчил дутагдал гаргуулахгүй байх, албан тушаалтныг авлига, албан тушаалын гэмт хэрэг, ашиг сонирхлын зөрчлөөс урьдчилан сэргийлэх, авлигын хор хөнөөлийг нийгэмд ухуулан таниулах зорилгоор төрийн бүх шатны байгууллага, албан тушаалтанд 15 зөвлөмж хүргүүлсэн байна. Түүнчлэн хууль тогтоомж зөрчсөн 33 дүрэм, журмыг хүчингүй болгож, 30 албан тушаалтанд хариуцлага тооцуулж, ёс зүйн 15 дүрэмд санал өгчээ. Төрийн үйлчилгээний хүнд суртал, төрийн албан хаагчийн ёс зүйтэй холбоотой 23 гомдлыг шийдвэрлэжээ. Авлигаас урьдчилан сэргийлэх чиглэлээр 2015 онд томоохон эмнэлгүүд, эрүүл мэндийн төвд ажиллаж, авлигын эсрэг хууль тогтоомжийн хэрэгжилтийн байдалтай танилцаж, арга зүйн зөвлөгөө өгөх ажлыг зохион байгуулав.
Авлигын нийгмийн хор аюулыг олон нийтэд ухуулан таниулах, авлигын эсрэг хууль тогтоомжийг таниулах, мэдүүлгийн бүрдүүлэлтийн чиглэлээр нийт 28203 хүнийг соён гэгээрүүлэх сургалтад хамруулжээ. Бага насны хүүхдүүдэд зориулан “Туулайхүүгийн адал явдал” номыг эрхлэн хэвлүүлж, уг номоор дамжуулан нийслэлийн ерөнхий боловсролын 40 гаруй сургуулийн сурагчдад зөв шударга амьдралын дадал хэвшил олгох чиглэлээр үлгэрчилсэн хичээл заасан нь өнгөрсөн онд соён гэгээрүүлэх чиглэлээр авч хэрэгжүүлсэн томоохон ажил болов.
-
2016 оны 1 сарын 15
Дархан хот, Төв аймгийн Зуунмод хотуудад зохион байгуулахаар төлөвлөгдөж байсан сагсан бөмбөгийн Үндэсний супер лигийн тоглолтууд хойшилжээ.
-
2016 оны 1 сарын 15
345 үйлдэл, 410 холбогдогчтой 238 эрүүгийн хэрэгт мөрдөн байцаалтын ажиллагаа явуулав
Авлигатай тэмцэх газрын Мөрдөн шалгах хэлтэс нь 2015 онд гэмт хэргийн шинжтэй гомдол, мэдээлэл, эрүүгийн хэрэг нэг бүрийн мөрдөн байцаалтын ажиллагааг шуурхай гүйцэтгүүлэхэд чиглэсэн мөрдөн байцаагчдын ажлын хэсгээр шалгалт явуулах зохион байгуулалтын хэлбэрийг дэмжиж ажиллав.
Гэмт хэргийн шинжтэй 440 гомдол, мэдээллийг хянан үзсэнээс 92-т нь эрүүгийн хэрэг үүсгэсэн нь өмнөх оны мөн үеийнхээс өсчээ. Гомдол, мэдээллийн шийдвэрлэлт 97.1 хувьтай байна. Иргэд, байгууллагаас ирүүлсэн гомдол, мэдээллийг агуулга, холбогдох байгууллага, салбараар нь авч үзвэл төрийн улс төрийн албанд 88, төрийн захиргааны албанд 169, төрийн тусгай албанд 61, төрийн үйлчилгээний албанд 57 гомдол, мэдээлэл, хувийн хэвшлийн үйл ажиллагаанд 33, улс төрийн намын үйл ажиллагаанд 2, төрийн бус байгууллагын үйл ажиллагаанд хамаарах 10, бусад 20 гомдол, мэдээлэл шалгасан.
Хуульд заасан харьяаллын 345 үйлдэл, 410 холбогдогчтой 238 эрүүгийн хэрэгт мөрдөн байцаалтын ажиллагаа явуулсан байна. Мөрдөн байцаалт явуулсан нийт хэргийг Эрүүгийн хуулийн зүйл, хэсгээр ангилбал, төрийн албан тушаалтан албаны эрх мэдэл буюу албан тушаалын байдлаа урвуулах 103, төрийн албан тушаалтан эрх мэдлээ хэтрүүлэх 35, төрийн бус байгууллага, аж ахуйн нэгжийн албан тушаалтан эрх мэдлээ урвуулах 36, төрийн бус байгууллага, аж ахуйн нэгжийн албан тушаалтан эрх мэдлээ хэтрүүлэх 13, хээл хахууль авах 81, хээл хахууль өгөх 65, хээл хахуульд зуучлах 15, төсвийн хөрөнгийг зориулалтын бусаар зарцуулах 11, хууль бусаар хөрөнгөжих 7, мөнгө угаах 6, бусад хэрэг 103 байв. Хамгийн өндөр хувийг төрийн албан тушаалтан албаны эрх мэдэл буюу албан тушаалын байдлаа урвуулах, хээл хахууль авах гэмт хэрэг эзэлж байна.
Мөрдөн шалгасан эрүүгийн хэргийн шийдвэрлэлтийг авч үзвэл 55 хэргийг яллах дүгнэлт үйлдүүлэхээр, 50 хэргийг хэрэгсэхгүй болгох саналтайгаар, 30 хэргийг харьяаллын дагуу шилжүүлэх, 13 хэргийн мөрдөн байцаалтын ажиллагааг түдгэлзүүлэх саналтайгаар прокурорт шилжүүлж, 28 хэргийг өөр эрүүгийн хэрэгт нэгтгэлээ. Өмнөх онтой харьцуулахад мөрдөн байцаалт явуулсан эрүүгийн хэрэг 0.5 хувиар өсчээ. Мөрдөн шалгасан хэргийн 163-ыг буюу 68.5 хувийг шийдвэрлэсэн, хуулийн анхны хугацаанд хэрэг шийдвэрлэлт 37.4 хувьтай байна.
Хэрэгсэхгүй болгосон 50 хэргээс хөөн хэлэлцэх хугацаа дууссан үндэслэлээр 4, гэмт хэрэг үйлдсэн нь нотлогдоогүй үндэслэлээр 4, гэмт хэрэг нь нийгэмд аюултай шинж чанараа алдсан үндэслэлээр 1, Өршөөл үзүүлэх тухай хуулиар 1, гэмт хэргийн бүрэлдэхүүнгүй үндэслэлээр 40 хэргийг хэрэгсэхгүй болгосон байна.
-
2016 оны 1 сарын 15
Монгол, Японы Гадаад харилцаа, аюулгүй байдал, батлан хамгаалахын асуудал эрхэлсэн байгууллага хоорондын ээлжит зөвлөлдөх уулзалт Токио хотод болжээ.
-
2016 оны 1 сарын 15
Улсын хэмжээнд өнгөрсөн онд 27 мянган гэмт хэрэг бүртгэгджээ. Энэ нь өмнөх оныхоос 439 хэрэг буюу 69.3 хувиар өссөн үзүүлэлт болохыг Үндэсний статистикийн хорооноос мэдээлэв.
-
2016 оны 1 сарын 15
Аж үйлдвэрийн яам (АҮЯ)-наас төрийн худалдан авалтыг эрчимжүүлэх, баялаг бүтээгчдийг дэмжих зорилго бүхий “Дотоодын үйлдвэрлэл, борлуулалтыг дэмжих төр, үйлдвэрлэгчдийн зөвөлгөөн”-ийг өнөөдөр зохион байгууллаа. Мөн салбар хариуцсан яам болон нийслэл, дотоодын үйлдвэр эрхлэгчид цаашид хамтран ажиллах гэрээнд гарын үсэг зурав.
